#Local_News
Published_20 July 2023

မွန်ပြည်နယ်၊မုဒုံမြို့ မြို့မ(၂)နယ်မြေ ကျောက်တိုင်ရပ်နေ အမျိုးသားတစ်ဦးက အိမ်မျက်နှာကျက်ပေါ်မှ မတော်တဆ ပြုတ်ကျ၍ ဦးခေါင်းပိုင်းထိခိုက်ဒဏ်ရာများရရှိခဲ့ကြောင်း မုဒုံအရေးပေါ်လူမှုကယ်ဆယ်ရေးအဖွဲ့ ကသိရသည်။

ယနေ့ ဇူလိုင်လ ၁၉ရက် ညနေပိုင်းကဖြစ်ပွားခဲ့ခြင်းဖြစ်ပြီး ဦးခေါင်းနောက်စေ့ကွဲဒဏ် ရာ၊လည်ပင်းရိုး ထိခိုက်ဒဏ်ရာ၊ ခြေတောက်ထိခိုက်ဒဏ်ရာများရရှိခဲ့ကြောင်း အဆိုပါလူမှုကူညီရေးအသင်းက သိရသည်။

"ပြုတ်ကျတဲ့အမျိုးသားက သက်ကြီးပိုင်းပါ။ ဒီမှာက မိုးတွေသည်းတော့လေ မိုးယိုလို့ အိမ်အမိုးတက်ဖာရင်းကနေ မျက်နှာကျက်ပေါ်က မတော်တဆပြုတ်ကျတာ။အသင်းကိုဆက်သွယ်လာတော့ အချိန်နဲ့တပြေးညီထွက်ခွာပြီး သွားရောက်ကူညီခဲ့ပါတယ်"ဟု ယင်းအသင်း၏ တာဝန်ရှိသူကပြောသည်။

ဒဏ်ရာရရှိသူလူနာအမျိုးသားအားလူမှုကယ်ဆယ်ရေးအဖွဲ့(MERT)မှ လိုအပ်သည်များပြုစုကာ ထွန်းတောက်အထူးကုဆေးရုံသို့ ကူညီပို့ဆောင်ပေးခဲ့ပြီး ထိုမှတစ်ဆင့် ဆေးရုံလွှဲပြောင်းချက်အရ မော်လမြိုင်ပြည်နယ်ဆေးရုံကြီးသို့ ကူညီပို့ဆောင်ပေးခဲ့ကြောင်းသိရသည်။

Yangon_Times/BM #Local_News #အမျိုးသားတစ်ဦး အိမ်မျက်နှာကျက်မှ ပြုတ်ကျ

#Local_News
Published_ 19 July 2023

ယနေ့ ဇူလိုင်လ(၁၉)ရက်တွင် မွန်ပြည်နယ်၊ မော်လမြိုင်မြို့နယ်နှင့် မုဒုံမြို့နယ်တို့တွင် မိုးရေချိန်စံချိန်သစ်တင်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

မော်လမြိုင်တွင် ၂၀၂၁ခုနှစ် ဇူလိုင်လ ၂၇ ရက်က မိုးရေချိန်စံချိန်ဟောင်းအဖြစ် မိုးရေချိန်၁၁.၈၅လက်မရှိခဲ့ရာမှ ၂၀၂၃ ခုနှစ်ဇူလိုင်လ ၁၉ ရက်တွင် စံချိန်သစ်အဖြစ် မိုးရေချိန်၂၂.၇၅လက်မရှိခဲ့သည်။

မုဒုံတွင် ၁၉၉၉ ခုနှစ်ဇူလိုင်လ၂ရက်က မိုးရေချိန်စံချိန်ဟောင်းအဖြစ် မိုးရေချိန် ၁၀.၇၅ လက်မရှိခဲ့ရာမှ ၂၀၂၃ ခုနှစ်ဇူလိုင်လ ၁၉ ရက်တွင် စံချိန်သစ်အဖြစ် မိုးရေချိန်၁၄.၀၉လက်မရှိခဲ့သည်။

မော်လမြိုင်တွင် စခန်းဖွင့်ချိန်မှလွန်ခဲ့သော နှစ်ပေါင်း(၇၁)နှစ်အတွင်း မိုးရေချိန်အများဆုံးရွာသွန်းခဲ့တာဖြစ်ပြီး မုဒုံတွင်စခန်းဖွင့်ချိန်မှလွန်ခဲ့သောနှစ်ပေါင်း(၄၂)နှစ်အတွင်း မိုးရေချိန်အများဆုံးရွာသွန်းခဲ့ခြင်းဖြစ်ကြောင်း သိရသည်။

#Local_News #မော်လမြိုင်နှင့် မုဒုံတွင် မိုးရွာသွန်းမှုအများဆုံး
#tthl #Yangon_Times

#Local_News
Published-19 July 2023

မကွေးတိုင်းဒေသကြီး၊ အောင်လံမြို့တွင် အောင်လံ-ပြည်ကားလမ်းတွင် Expressယာဥ်မှ သုံးဘီးဆိုင်ကယ်နှင့် ရပ်နားထားသော ဆိုင်ကယ်အား ဝင်တိုက်မိ၍ လူ ၁ ဦးသေဆုံး၍ ၁ ဦး ထိခိုက်ဒဏ်ရာရရှိမှု ယနေ့ဖြစ်ခဲ့ကြောင်း မေတ္တာမွန်လူမှုကူညီရေးအသင်းက သိရသည်။

ဖြစ်စဥ်မှာ ဇူလိုင်လ ၁၉ ရက် နံနက် ၁၀ နာရီ  ၂၀မိနစ်အချိန်ခန့်က အောင်လံမြို့၊ ရွာထောင်ရပ်ကွက်၊ အောင်လံ-ပြည်ကားလမ်းတွင် Express ယာဉ်သည် လားရာတူမောင်းနှင်နေသောသုံးဘီးဆိုင်ကယ်နှင့် ရပ်နားထားသောဆိုင်ကယ်အား ဝင်ရောက်တိုက် မှုဖြစ်ခဲ့ကြခြင်းဖြစ်သည်။

"သုံးဘီးယာဥ်မောင်း(ကျား) ၁ဦးသေတယ်။ နောက် အမျိုးသား၁ဦး (မစိုးရိမ်) ရ ထိခိုက်ဒဏ်ရာရရှိခဲ့ပါတယ်"ဟု ယင်းအသင်းကသိရသည်။

ယင်းဖြစ်စဥ်နေရာသို့ အောင်လံမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ပြီး သေဆုံးသူနှင့်ထိခိုက်ဒဏ်ရာရရှိသူအား မေတ္တာမွန်လူမှုကူညီရေးယာဉ်ဖြင့် အောင်လံမြို့နယ်ဆေးရုံသို့ ပို့ဆောင်ပေးခဲ့ကြောင်းလည်း သိရသည်။

#Yangon_Times/BM #Local_News #Expressမှသုံးဘီးဆိုင်ကယ်အားဝင်တိုက်မိ

‘ကျွန်တော်တို့ မနက် ၄ နာရီကတည်းက ကူညီကယ်ဆယ်ရေးတွေ လုပ်ဆောင်ပေးနေပါတယ်။ ရေနစ်မြုပ်မှုကြောင့် ကလေးငယ်တစ်ဦးသေဆုံးခဲ့သလို အုတ်တံတိုင်းပြိုကျလို့ လူတစ်ဦး ထိခိုက်ဒဏ်ရာရခဲ့တယ်။ ရေဘေးသင့်ပြည်သူ (၂၀၀)ဦးရှိပါတယ်’ ဦးဘိုဘိုဝင်း၊(မွန်ပြည်နယ် အခြေစိုက်ဘိုဘိုဝင်းလူမှုကူညီရေးအဖွဲ့ဥက္ကဌ)

Published_ 19 July 2023
#Local_News
#ရေဘေးသင့်သူ(၂၀၀)ဦးရှိ
#tthl #Yangon_Times

ဇူလိုင် (၂၄) ရက် ကနေ  ဇူလိုင် (၃၁)ရက်နေ့ အထိ နေပြည်တော်မှာ (၈) ရက်ကြာပြုလုပ်မည်

Published_ 19 July 2023
#Local_News
#အမျိုးသား/အမျိုးသမီးဖူဆယ်ဘောလုံးပြိုင်ပွဲ
#YMG/my #Yangon_Times

#Local_News
Published_ 19 July 2023

ဇူလိုင်လ(၁၄)ရက်၊ (၁၆)ရက်နှင့် (၁၇)ရက်သုံးရက်တာအတွင်း ကျပ်သန်း(၁၁၀)ကျော်တန်ဖိုးရှိ တရားမဝင်ပစ္စည်းများနှင့်ယာဉ်များဖမ်းဆီးရမိခဲ့ကြောင်း တရားမဝင်ကုန်သွယ်မှုတိုက်ဖျက်ရေးကော်မတီမှ သိရသည်။

ဖမ်းဆီးရမိသည့်အမှုတွဲ စုစုပေါင်း(၉)မှုရှိပြီး ကျပ်(ခန့်မှန်းတန်ဖိုးငွေကျပ် ၁၁၄၂၂၂၃၅၀၀ တန်ဖိုးရှိတရားမဝင် စားသောက်ကုန်၊ လူသုံးကုန်၊ လျှပ်စစ်ပစ္စည်းများ၊ လုပ်ငန်းသုံးပစ္စည်းများနှင့်ယာဉ်များဖမ်းဆီးရမိခဲ့ခြင်းဖြစ်သည်။

တရားမဝင်ကုန်သွယ်မှု တိုက်ဖျက်ရေးကော်မတီ၏ ဦးဆောင်မှုဖြင့်ပဲခူး၊ ရှမ်းပြည်နယ်၊ ရန်ကုန်အစရှိသည့်ဒေသအသီးသီးမှတရားမဝင်ကုန်သွယ်မှုတားဆီးထိန်းချုပ်ရေးအဖွဲ့များနှင့် အကောက်ခွန်ဦးစီးဌာနအထူးစစ်ဆေးရေးအဖွဲ့များ၊ မွန်ပြည်နယ်မရမ်းချောင်အမြဲ တမ်းစစ်ဆေးရေးစခန်း တာဝန်ကျအဖွဲ့များ၏ ပူးပေါင်းဆောင်ရွက်မှုဖြင့် ဖမ်းဆီးခဲ့မိခြင်းဖြစ်ကြောင်းသိရသည်။

ယခုဖမ်းဆီးရမိခဲ့သည့်တရားမဝင်ပစ္စည်းများ၊ ယာဉ်များကိုသိမ်းဆည်းခဲ့ပြီး အကောက်ခွန်လုပ်ထုံးလုပ်နည်း များနှင့်အညီ အရေးယူဆောင်ရွက်မည်ဖြစ်ကြောင်းသိရသည်။

#tthl #Local_News #လူသုံးကုန်၊လျှပ်စစ်ပစ္စည်းများနှင့်ယာဉ်များဖမ်းမိ
#Yangon_Times