ကြက်တောင်မယ် သက်ထားသူဇာ ကမ္ဘာ့အဆင့် (၄၈)နေရာတွင် ရရှိထားပြီး ၊ အိုလံပစ်အဆင့်တွင် (၂၁) ရရှိထားပြီဖြစ်

သက်ထားသူဇာအနေနဲ့ ပြီးခဲ့တဲ့ အဂ်ါနေ့က ကမ္ဘာ့အဆင့်သတ်မှတ်ချက် (၄၈)ကို စတင်ရောက်ရှိ
Yangon_Times/MY
#Local_News
#Published_ 4 September 2023
#YMG #Yangon_Times

မလေးရှားနိုင်ငံရှိ အေဂျင်စီတွေက ပြည်တွင်းရှိ အလုပ်အကိုင်ရှာဖွေရေးအေဂျင်စီတွေကို အလုပ်ခေါ်စာအတု လိမ်လည်ရောင်းချမှုတွေရှိနေ

မလေးရှားနိုင်ငံဘက်က အေဂျင်စီတွေဟာ ပြည်တွင်းမှာရှိတဲ့ ပြည်ပအလုပ်အကိုင် ရှာဖွေရေးအေဂျင်စီတွေကို အလုပ်ခေါ်စာအတုတွေ လိမ်လည်ရောင်းချတာတွေ ရှိနေတာကြောင့် ပြည်တွင်းက အေဂျင်စီတွေအနေနဲ့ သတိထား လုပ်ဆောင်ကျဖို့ အလုပ်သမား ဝန်ကြီးဌာနက သတိပေးထားပါတယ်။
Yangon_Times/LW
#Local_News
#Published_ 4 September 2023
#YMG #Yangon_Times

ရွှေစက်တော် မန်းချောင်းဆင်စခန်းကို နိုင်ငံခြားသားခရီးသွားများ ဝင်ရောက်

‘ရွှေစက်တော်မန်းချောင်းဆင်စခန်းမှာ ဆင်တွေကို အစာကျွေးနိုင်သလို တောတောင်သဘာဝနဲ့နီးစပ်ပြီး သဘာဝအငွေ့အသက်တွေကိုခံစားကာ အပန်းဖြေနိုင်တဲ့အတွက် နိုင်ငံတကာခရီးသွားတွေကြိုက် နှစ်သက်ကြတယ်’ ... ရွှေစက်တော်မန်းချောင်းဆင်စခန်းတာဝန်ရှိသူတစ်ဦး
Yangon_Times/tthl
#Local_News
#Published_ 4 September 2023
#YMG #Yangon_Times

လူကိုယ်တိုင်မလာရဘဲ အွန်လိုင်းမှတစ်ဆင့် လုပ်ဆောင်ပေးနေသည့် OWICကတ်များမှာ အတုများသာဖြစ်ဟုဆို

ပြည်ပကို ထွက်ခွာမယ့်အလုပ်သမားတွေ မဖြစ်မနေလျှောက်ထားရမယ့် OWIC ကတ်ကို အွန်လိုင်းကနေတစ်ဆင့် အခကြေးငွေယူပြီး လုပ်ဆောင်ပေးနေတာတွေဟာ လိမ်လည်ပြီး ကတ်အတုများ လုပ်ဆောင်ပေးနေတာ ဖြစ်တယ်လို့ အလုပ်သမားဝန်ကြီးဌာနကနေ သိရပါတယ်။
Yangon_Times/LW
#Local_News
#Published_ 4 September 2023
#YMG #Yangon_Times

Published_ 4 September 2023

တရုတ်နိုင်ငံ ရွှေလီမြို့သို့ ၆ ည အိပ် ၇ ရက် ခရီးအတွက် (TBP )တစ်ခါသုံးကတ်များ ကို ယနေ့ စက်တင်ဘာလ ၄ ရက်တွင် စတင်ပြုလုပ်ပေးနေပြီ ဖြစ်ကြောင်း သိရသည်။

အဆိုပါ ကတ်များ မြန်မာတစ်နိုင်ငံလုံးမှ မည်သည့် တိုင်းရင်းသားမဆို နိုင်ငံသားမှတ်ပုံတင် ပြရုံဖြင့် ရရှိကြောင်း၊ နန်းတော်ဂိတ်၊ ဆင်ဖြူဂိတ်နှင့် မန်ဝိန်းဂိတ် တို့တွင် ပြုလုပ်ပေးနေကြောင်းလည်း သိရသည်။

“ဒီနေ့ ရွှေလီမြို့ အဝင်အထွက် ကတ် ကို လုပ်ပေးနေတာ။ကိုဗစ်ကန့်သတ်ချက်တွေကို ဖြေလျှော့ပေး ပြီးတဲ့ အတွက် အခုလို သွားခွင့်ရတာပါ။

နန်းတော်ဂိတ်၊ ဆင်ဖြူဂိတ်နှင့် မန်ဝိန်းဂိတ် မှာ ကတ်တွေလုပ်ပေး နေပါတယ်။တစ်ကတ်ကို ၂ ထောင်ပဲ ပေးရတယ်”ဟု မူဆယ်အခြေစိုက် လူသားချင်းစာနာ ထောက်ထားမှုအကူအညီ ပေးရေးကွန်ယက် တာဝန်ရှိသူ ကိုဌေးက YMG ကို ပြောသည်။

တရုတ်ပြည်ရွှေလီမှာတစ်နှစ် နေထိုင်ခွင့်စာအုပ်အပြာထုတ်ပေးမှုအပေါ်မှာတော့ တိကျခိုင်လုံတဲ့ သတင်းအချက်အလက်များထုတ်ပြန်ထားတာ မသိရှိရသေးကြောင်းလည်းအဆိုပါ ကွန်ယက်မှ ဆိုထားပြီး အလုပ်သမားMoUအတွက် နှစ်နိုင်ငံအဆင့် ဆွေးနွေးနေဆဲသာဖြစ်တယ်လို့ သိရပါတယ်။

ယင်းအပြင် မူဆယ်ခရိုင်နှင့် ကွတ်ခိုင်ခရိုင်ရှီ မြို့နယ် ၃ မြို့နယ်အတွင်းအိမ်ထောင်စုစာရင်းရှိသူများ အား မူဆယ်-ရွှေလီဝင်ထွက်ခွင့်နိုင်ငံကူးလက်မှတ် (Border Pass) စာအုပ်အနီကို ထုတ်ပေးလျက် ရှိကြောင်းလည်း သိရသည်။
Yangon_Times/PP
#Local_News
#YMG #Yangon_Times

Published_ 4 September 2023

ချက်နိုင်ငံ၊ပရာ့ဂ်မြို့တွင်ကျင်းပသည့် ‘အာဆီယံ+၃ ရုပ်ရှင်ပွဲတော်(ASEAN+3 Film Festival)’တွင်မြန်မာမှ‘တိမ်တွေပေါ်ကပန်း’ရုပ်ရှင်ဇာတ်ကားပါဝင်ပြသခဲ့ကြောင်းမြန်မာနိုင်ငံခြားရေးဝန်ကြီးဌာနမှသိရသည်။

အာဆီယံ+၃ ရုပ်ရှင်ပွဲတော်ကို ပရာ့ဂ်မြို့နယ်(၁)ရှိ မြူနီစပယ်စာကြည့်တိုက်ရှိ ရုပ်ရှင်ရုံတွင် စက်တင်ဘာလ ၁ ရက်နေ့မှ ၉ ရက်နေ့အထိ နေ့စဉ်ပြသသွားမည်ဖြစ်ပြီး မြန်မာနိုင်ငံမှ စက်တင်ဘာလ ၈ ရက်နေ့တွင် ဒါရိုက်တာဇင်ယော်မောင်မောင်ရိုက်ကူးသည့် “တိမ်တွေပေါ်ကပန်း”ရုပ်ရှင်ဇတ်ကားကို ပါဝင်ပြသသွားမည်ဖြစ်သည်။

မြန်မာသံရုံး၊ ပရာ့ဂ်မြို့မှ သံရုံးယာယီတာဝန်ခံ ဒေါက်တာထွန်းနောင်သည် ပရာ့ဂ်မြို့ရှိ အာဆီယံ-ပရာ့ဂ်ကော်မတီမှ ဦးဆောင်ကျင်းပသော အာဆီယံ+၃ ရုပ်ရှင်ပွဲတော် (ASEAN+3 Film Festival) ဖွင့်ပွဲအခမ်းအနားသို့ ပရာ့ဂ်မြို့အခြေစိုက်အာဆီယံသံရုံးများမှ သံအမတ်ကြီးများ၊ တရုတ်၊ ဂျပန်နှင့် ကိုးရီးယားနိုင်ငံ တို့မှ သံအမတ်ကြီးများနှင့်အတူ ပါဝင် တက်ရောက်ခဲ့ပြီး အခမ်းအနားတွင် အာဆီယံ+၃ နိုင်ငံများမှ သံအမတ်ကြီးများနှင့် ချက်နိုင်ငံခြားရေးဝန်ကြီးဌာန၊ အာရှနှင့်ပစိဖိတ်ရေးရာဌာန အကြီးအကဲတို့က ဂုဏ်ပြုစကား များ အသီးသီးပြောကြားခဲ့ကြပြီး ရုပ်ရှင်ပွဲတော်အကြိုအဖြစ် သက်ဆိုင်ရာနိုင်ငံများမှ ဇာတ်လမ်းတိုများအား ပြသခဲ့ကြောင်းသိရသည်။
Yangon_Time/tthl
#Local_News
#YMG #Yangon_Times