Published_ 21 September 2023

ရန်ကုန်တိုင်းဒေသကြီး၊ ဒလမြို့နယ် တွံတေးတူးမြောင်းဘေးတွင် မြစ်ကမ်းပါးပြိုကျခဲ့ပြီး အိမ်ထောင်စု ဝင်အိမ်ထောင်စု(၉၄)စုအနက် အိမ်ထောင်စု(၆၈)စုရှိလူဦးရေစုစုပေါင်း (၂၉၇)ဦးကို ရေဘေးလွတ်ရာသို့ ကူညီရွှေ့ပြောင်းပေးထားရကြောင်း မြန်မာနိုင်ငံမီးသတ်တပ်ဖွဲ့မှသိရသည်။

စက်တင်ဘာ(၂၀)ရက်တွင် ရန်ကုန်တိုင်းဒေသကြီး၊ ဒလမြို့နယ်၊ ဆာပါချောင် ကျောင်းစုရပ်ကွက်၊ တွံတေးတူးမြောင်းဘေးတွင် ကမ်းပါးပြိုပြီးနေအိမ်(၆)လုံးမျောပါသွားခဲ့သည်ဟုဆိုသည်။

ယင်းဖြစ်စဉ်ကြောင့် နေအိမ်နှင့်အတူ မ(၂)ဦးမျောပါသွားသဖြင့် ရှာဖွေကယ်ဆယ်ခဲ့ရာ ပြန်လည်ဆယ်ယူရရှိခဲ့ပြီး မ(၁)ဦး ထိခိုက်ဒဏ်ရာ(စိုးရိမ်ရ)အား ဒလဆေးရုံသို့ ပို့ဆောင်စဉ်(သေဆုံး)ခဲ့ပြီး၊ မ(၁)ဦး ထိခိုက်ဒဏ်ရာ(မစိုးရိမ်ရ)ရရှိခဲ့ကြောင်းနှင့် မျောပါသွားသည့် နေအိမ်များနှင့် အနီးနားဝန်းကျင်ရှိ နေအိမ်(၈၀)လုံးခန့်မှ အိမ်ထောင်စုဝင်များအား ရေဘေးလွတ်ရာ တာကြီးရပ်ကွက် ဘုန်းတော်ကြီးကျောင်းနှင့် ကျန်စစ်သားရပ်ကွက် အောင်တော်မူဘုန်းတော်ကြီးကျောင်းသို့ ကူညီရွေ့ပြောင်းပေးခဲ့ကြောင်း၊ လက်ရှိတွင် ရေဘေးလွတ်ရာသို့ရွှေ့ပြောင်းပေးထားရသည့် လူဦးရေ(၂၉၇)ဦးအထိရှိလာပြီး ရေဘေးလွတ်ရာတာကြီး ရပ်ကွက်ရှိ ပုညာရာမဘုန်းကြီးကျောင်းသို့ ရွှေ့ပြောင်းပေးခြင်းလုပ်ငန်းများ ကူညီဆောင်ရွက်ပေးခဲ့ကြောင်း သိရသည်။
Yangon_Time/tthl
#Local_News
#YMG #Yangon_Times #Yangon_Media_Group

Published-21 September 2023

ကရင်ပြည်နယ်၊ ဘားအံမြို့နယ်၊ဘားအံတက္ကသိုလ် ကျောင်းအနောက်ဘက်လမ်း၌ယနေ့နံနက်က  ကားတစ်စီး မတော်တဆတိမ်းမှောက်၍ ထိခိုက်ဒဏ်ရာရရှိသူ (၄)ဦးရှိကြောင်း Myanmar Rescue Organization Hpa An က သိရသည်။

စက်တင်ဘာလ ၂၁ ရက် နံနက် ၁နာရီခွဲ အချိန်၌  ဘားအံမြို့အမှတ် ( ၉ )ရပ် ကွက် ၊မေတ္တာလမ်း ဘားအံတက္ကသိုလ် ကျောင်းအနောက်ဘက်လမ်း၌ ကားတစ်စီး မတော်တဆ တိမ်းမှောက်၍ ကားအတွင်းညှပ်နေသူ အမျိုးသား  (၂)ဦးနှင့် အပြင်ထွက်နေသောလူနာအမျိုးသား (၁)ဦး၊အမျိုးသမီး (၁) ဦးတွင် ထိခိုက်ဒဏ်ရာများရရှိခဲ့ကြောင်း အဆိုပါလူမှုကူညီရေးအသင်းကသိရသည်။

ဖြစ်စဥ်နေရာသို့  Myanmar Rescue Organization - Hpa An ၏ အရေးပေါ်
ကယ်ဆယ်ရေးအဖွဲ့နှင့် ရှာဖွေကယ်ဆယ်ရေးအဖွဲ့မှ သွားရောက်ကူညီမှုဆောင်ရွက်ကာဒဏ်ရာများပြုစုပေးပြီး လူနာ (၄) ဦးအား မြန်မာနိုင်ငံလူမူကယ်ဆယ်ရေးအဖွဲ့ဘားအံ၏ လူနာတင်ယာဥ် နှစ်စီးဖြင့် တောင်က​လေးစစ်ဆေးရုံသို့ ဆက်လက် ပို့ဆောင်ပေးခဲ့ကြောင်းသိရသည်။
#Yangon-Times/PP
#Local_News
#YMG #Yangon_Times #Yangon_Media_Group

#Daily_News
Published_ 20 September 2023

၁။ Asian Game ပြိုင်ပွဲတွင် မြန်မာမှ ဘင်္ဂလားဒေ့ရှ်ကို(၁)ဂိုး(၀)ဖြင့် အနိုင်ရပြီး ပွဲဦးထွက်လှခဲ့၊အိမ်ရှင်တရုတ်နှင့် ဆက်ပြိုင်မည်

၂။ မြန်မာတစ်နိုင်ငံလုံးရှိ သဘင်သက်ကြီးဘိုးဘွား ဦးရေတစ်ထောင်ကျော်ကို ပူဇော်ကန်တော့သွားမည်

၃။ ပြည်တွင်းထွက် ဆီမီးခွက်များ လာမည့် သီတင်းကျွတ်ကာလအတွက် ဝယ်ယူမှု ယခင်နှစ်ထက် သုံးဆကျော်မြင့်တတ်

၄။ တရုတ်ပြည် ကျင်မေတောင်ရှိ လက်ဖက်တောဟောင်း နေရာဒေသကြီးအား ယူနက်စ်ကိုကမ္ဘာ့ယဥ်ကျေးမှုအမွေအနှစ်စာရင်းထဲ ထည့်သွင်း .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

ငမိုးရိပ်ချောင်း ရေမြင့်တတ်မှုကြောင့် လှည်းကူးရှိ အိမ်ခြေ ၁၅၀ ခန့်ရေနစ်မြုပ်ဒဏ်ခံနေရ

စက်တင်ဘာ ၁၇ ည ပိုင်းက ချောင်းရေ မြင့်တတ်လာတာကြောင့် လှည်းမြို့နယ်ထဲက ချောင်းနဲ့ နီးစပ်ရာ ရပ်ကွက်တွေနဲ့ မြေနိမ့်ပိုင်းမှာရှိတဲ့ ရပ်ကွက်အတွင်းကို ရေများဝင်ရောက်လာတဲ့ အတွက် နေထိုင်ဖို့မဖြစ်တဲ့ နေအိမ်မှပြည်သူတွေဟာ ဘေးကင်းရာကို ယာယီရွှေ့ပြောင်းနေထိုင်နေရတယ်လို့ သိရပါတယ်။
Yangon_Times/LW
#Local_News
#Published_ 20 September 2023
#YMG #Yangon_Times #Yangon_Media_Group

 အမျိုးသားယဉ်ကျေးမှုနှင့် အနုပညာတက္ကသိုလ်များ နိုဝင်ဘာတွင် ပြန်ဖွင့်မည်

‘အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)မှာ ဂီတ၊သဘင်၊ပန်းချီ၊ပန်းပု၊ ရုပ်ရှင်နှင့်ပြဇာတ်ဆိုပြီး အထူးပြုဘာသာရပ်မေဂျာ(၅)ခုရှိရာမှ လာမယ့်နှစ်မှာတော့ ယဉ်ကျေးမှုအမွေအနှစ် စီမံခန့်ခွဲမှုဘာသာရပ်မေဂျာတစ်ခုလည်း ထပ်တိုးဖိုရှိတယ်’ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)မှတာဝန်ရှိသူတစ်ဦး
Yangon_Times/tthl
#Local_News
#Published_ 20 September 2023
#YMG #Yangon_Times #Yangon_Media_Group

Published_ 20 September 2023

ရန်ကုန်လေဆိပ်အတွင်း ခရီးသည်လိုက်ပါပို့ဆောင်မည့်သူများ ယာယီဝင်/ထွက်ခွင့် ကတ်ဖြင့် ဝင်ရောက်နိုင်ပြီလို့ ရန်ကုန်အပြည်ပြည်ဆိုင်ရာလေဆိပ်က ကြေညာထားသည်။

လိုက်ပါပို့ဆောင်သူများအနေဖြင့် လေဆိပ် Public Area ယာယီဝင်/ထွက် ခွင့်ကတ် ထုတ်ယူရာတွင် မှတ်ပုံတင် ပြသရန် လိုအပ်ပြီး မည်သည့်အခကြေးငွေမျှ ပေးဆောင်ရန်မလိုကြောင်းလည်းသိရသည်။

ယာယီဝင်/ထွက်ခွင့်ကတ်ပြားအား ချိတ်ဆွဲ၍ ဂိတ်အမှတ် (၂)မှ အစစ်ဆေးခံဝင်ရောက်ကာ ဂိတ်အမှတ် (၆)မှ ပြန်လည်ထွက်ခွာရမည်ဟုသိရသည်။

လေဆိပ် Terminal Public Area အတွင်း ခရီးသည်ပို့ဆောင်/ကြိုဆိုစဉ် ယာယီဝင်/ထွက်ခွင့်ကတ်ပြားအား အမြဲတမ်းချိတ်ဆွဲထားရမည် ဖြစ်ပြီး လေဆိပ်၏ လုံခြုံရေးနှင့် ဘေးအန္တရာယ် ကင်းရှင်းရေးဆိုင်ရာ စည်းကမ်းများကို လိုက်နာရမည် ဖြစ်သလို အဆိုပါ ယာယီဝင်/ထွက်ခွင့်ကတ်ပြားအား အလွဲသုံးစားပြုလုပ်ပါက အဆိုပါကတ်ပြား ဖြုတ်သိမ်းကာ သက်ဆိုင်ရာမှ အရေးယူခြင်းခံရမည်ဖြစ်ကြောင်းသိရသည်။
Yangon_Times/PP
#Local_News
#Published_ 20 September 2023
#YMG #Yangon_Times #Yangon_Media_Group