#Daily_News
Published_ 07 October 2023

၁။ ကြိမ်ထည်လက်ရာ ကန်တော့ခြင်းများ ရောင်းအားသွက်နေ၊ မနှစ်ကဈေးနှင့် ရာဂဏန်းသာကွာဟုဆို

၂။ CMPလုပ်ငန်းများရှိ လုပ်သားများကို အနည်းဆုံးအခကြေးငွေအပြင် အပိုထောက်ပံကြေး ၁၀၀၀ကျပ် ထပ်မံခံစားခွင့်ပြု

၃။ ဗုဒ္ဓဂါယာ ခရီးသွားလာမှု ယမာန်နှစ်ကထက် ပိုများလာပြီး ဗုဒ္ဓဂါယာခရီးစဉ် ၈၀ရာခိုင်နှုန်းအထိရောင်းချထား

၄။ အမေရိကန် ကောလိပ်ကျောင်းသားများ ကျောင်းစရိတ်အကြွေးပေးနိုင်ရန် အချိန်ပိုင်းအလုပ်လုပ်ကိုင်နေရ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

Published_ 07 October 2023

ရန်ကုန်တိုင်းရွှေလုပ်ငန်းရှင်များ အသင်း ၏ အခေါက်ရွှေရည်ညွှန်းဈေးနှုန်းသည် အောက်တိုဘာ ၇ရက်တစ်ရက်တာအတွင်းကျပ်ခုနှစ်သိန်းကျော်ဝန်းကျင်အထိ ခုန်တက် လျှက်ရှိကြောင်း ယင်းအသင်း၏ ထုတ်ပြန်ချက်အရ သိရသည်။

ဗဟိုဘဏ်လေလံဈေးနှုန်းအပေါ်အခြေပြုတွက်ချက်ထားသည့် အခေါက်ရွှေတစ်
ကျပ်သားကို ကျပ် 2,866,300 ဖြင့်ဈေးဖွင့်လာပြီး ယမန်နေ့ကထက်ကျပ် 721,000 အထိဈေး
နှုန်းမြင့်တက်နေကြောင်း သိရသည် ။

ယခင်နေ့များက ဗဟိုဘဏ် ပေါက်ဈေးဖြစ်သည့်ကန်ဒေါ်လာတစ်ဒေါ်လာလျှင် 2100ကျပ်ဖြင့်သာတွက်ချက်ခဲ့ခြင်းဖြစ်ပြီး ယနေ့တွင်အခြေပြုတွက် ချက်ထားသည့်ဗဟိုဘဏ်လေလံဈေးနှုန်းမှာ အမေရိကန်တစ်ဒေါ်လာလျှင် ကျပ်2932 ကျပ်ဖြင့်တွက်ချက်ထားခြင်းဖြစ်ကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ ဥက္ကဌဦးမျိုးမြင့်က ရန်ကုန်မီဒီယာဂရုကိုပြောသည် ။

အဆိုပါ ရည်ညွှန်းဈေးနှုန်းများသည် ပြင်ပပေါက်ဈေးများနှင့်ကွာဟနေဆဲဖြစ်ပြီး ယနေ့တွင် ပြင်ပပေါက်ဈေး၌အခေါက်ရွှေတစ်ကျပ်သားလျှင်ကျပ်အဝယ် ကျပ် 3,300,000နှင့် အရောင်း ကျပ် 3,380,000 အထိရှိနေကြောင်းသိရသည်။

လတ်တလောတွင် ရွှေဈေးကွက်အတွင်း၌ ဝယ်လိုအားထက် ရောင်းလိုအားများနေပြီးပြည်တွင်းဒေါ်လာဈေး ငြိမ်နေသည့်အတွက် ကမ္ဘာ့ဈေးနှုန်းအတက်အကျပေါ်မူတည်၍ ဈးနှုန်း
ဆက်လက်ကျဆင်းနိုင်ကြောင်း ဦးမျိုးမြင့်က ဆိုသည်။

ယနေ့တွင် ကမ္ဘာ့ရွှေတစ်အောင်စလျှင် ကန်ဒေါ်လာ 1833 အထိရှိနေပြီးပြီးခဲ့သည့်အပတ်ကထက်ဈေးနှုန်းကျဆင်းနေကြောင်းသိရသည်။
Yangon_Times/NN
#Local_News
#YMG #Yangon_Times #Yangon_Media_Group

Published_ 07 October 2023

ဘေးမကင်းသဖြင့် သုံးစွဲရန်မသင့်သည့်အလှကုန်(၁၂)မျိုးကို အသုံးမပြုရန် မြန်မာနိုင်ငံရှိအစားအသောက်နှင့် ဆေးဝါးကွပ်ကွဲမှုဦးစီးဌာန(FDA)မှထုတ်ပြန်လိုက်ကြောင်းသိရသည်။

၂၀၂၃ခုနှစ်အတွင်း ပြည်တွင်းတွင်ရောင်းချနေသည့် အလှကုန်ပစ္စည်းများကိုစစ်ဆေးခဲ့ရာ အလှကုန်ပစ္စည်း(၁၂)မျိုး သည် မှတ်ပုံတင်ထားခြင်းမရှိသည့်အပြင် ကျန်းမာရေးအတွက် ဘေးအန္တရာယ်ဖြစ်စေနိုင်သည့် တားမြစ်ဓာတု ပစ္စည်းများပါဝင်နေကြောင်းစစ်ဆေးတွေ့ရှိရသောကြောင့် အများပြည်သူသုံးစွဲရန်မသင့်ကြောင်း အသိပေးချက် ထုတ်ပြန်လိုက်ခြင်းဖြစ်သည်။

ယင်းအလှကုန်ပစ္စည်းများတွင်ပါဝင်သော တားမြစ်ဓာတုပစ္စည်းများသည် အရေပြားယားယံခြင်း၊ရောင်ရမ်းခြင်း၊ အဖြူ၊အနီကွက်ခြင်း၊အရေပြားမှတစ်ဆင့် ခန္ဓာကိုယ်အတွင်းသို့ စုပ်ယူ၍ထုံကျင်ခြင်း၊ကြွက်သားတုန်ခါခြင်း၊ပင်ပန်း နွမ်းနယ်ခြင်း၊ခေါင်းကိုက်ခြင်းနှင့် စိတ်ကျရောဂါများအပြင်ရေရှည်သုံးစွဲပါကကျောက်ကပ်ပျက်စီးခြင်းနှင့် အခြားရောဂါများဖြစ်ပွားနိုင်သည်ဟုဆိုသည်။

အလှကုန်ပစ္စည်းတင်သွင်းဖြန့်ဖြူးရောင်းချနေသော ကုမ္ပဏီများနှင့်လက်လီလက်ကားဆိုင်များသည်FDAတွင် မှတ်တမ်းတင်ထားခြင်းမရှိသော အများပြည်သူသုံးစွဲရန်မသင့်ကြောင်းကြေညာထားသည့် အလှကုန်ပစ္စည်းများ၊ တင်သွင်းဖြန့်ဖြူးရောင်းချခြင်းများကိုကျင့်ဝတ်အရလုံးဝမပြုလုပ်ရန်နှင့် လိုက်နာဆောင်ရွက်ခြင်းမရှိပါက သက်ဆိုင်ရာအာဏာပိုင်အဖွဲ့အစည်းက ပြည်သူ့ကျန်းမာရေးဆိုင်ရာဥပဒေအရ အရေးယူဆောင်ရွက်သွား မည်ဖြစ်ကြောင်းထုတ်ပြန်ချက်တွင်ဖော်ပြပါရှိသည်။
Yangon_Times/tthl
#Local_News
#YMG #Yangon_Times #Yangon_Media_Group

Published_ 07 October 2023

ကိုလူချောအဖွဲ့မှဇာတ်ပို့ဇာတ်ရံသရုပ်ဆောင်ဦးစိုးတင့်သည်အောက်တိုဘာလ(၇)ရက်ကွယ်လွန်သွားကြောင်း မြန်မာနိုင်ငံရုပ်ရှင်အစည်းအရုံးမှသိရသည်။

အသည်းကင်ဆာရောဂါဖြင့်ကွယ်လွန်သွားခြင်းဖြစ်ပြီး သူနှင့်အတူသရုပ်ဆောင်ခဲ့သည့် လုပ်ဖော်ကိုင်ဖက်အနုပညာ ရှင်တွေအနေဖြင့် အထူးဝမ်းနည်းကြေကွဲရသည်ဟုဆိုသည်။

လူကြမ်းစိုးတင့်ကွယ်လွန်တာနှင့်ပတ်သက်၍ မြန်မာနိုင်ငံရုပ်ရှင်အစည်းအရုံးမှ ဦးဝင်းမြိုင်က ‘လူကြမ်းစိုးတင့် ဆိုတာ ဇာတ်ပို့ဇာတ်ရံအလွှာကဖြစ်သလို ကိုလူချောအဖွဲ့ဝင်ဖြစ်ပါတယ်။
ကွယ်လွန်သွားတယ်ဆိုတာမှန်ပါတယ်။

သူကရုပ်ရှင်၊ဗီဒီယိုတွေမှာ ဇာတ်ပို့ဇာတ်ရံ အဓိကသရုပ်ဆောင်ရတာက လူကြမ်းလိုင်းသရုပ်ဆောင်ရတယ်။

ထိုးကြိတ်ခန်းတွေ၊လူဆိုးခန်းတွေသရုပ်ဆောင်ရတာများတယ်။ သူကွယ်လွန်သွားတဲ့အတွက် အားလုံးကလည်း ခင်မင်ရင်းနှီးနေတာဆိုတော့ ကျွန်တော်တို့လည်းထိခိုက်ခံစားရပါတယ်။

နှစ်ပေါင်းများစွာလက်တွဲလုပ်လာရတာ ဖြစ်တဲ့အတွက် မမျှော်လင့်ဘဲနဲ့ အချိန်တိုလေးအတွင်းမှာလောကကြီးကိုစွန့်ခွာသွားရတဲ့အတွက် ကျွန်တော်တို့ လည်းအထူးစိတ်မကောင်းဖြစ်ရပါတယ်။ အသည်းကင်ဆာကြောင့်ဆုံးပါးသွားတာပါ”ဟုပြောပြသည်။
Yango_Times/tthl
#Local_News
#YMG #Yangon_Times #Yangon_Media_Group

Published 07 _October 2023

 စက်သုံးဆီ 92 တစ်လီ တာ ကို ရန်ကုန်ဈေးကွက် တွင် ကျပ် ၂၀၀၀အောက် ကျဆင်းလာချိန် တွင် ဆီဆိုင်များ၌ လိုအပ်သည့်အချိန်တိုင်း ဆီဝယ်ယူလို့မရဖြစ်နေကြောင်း မြို့တွင်း အငှားယာဥ်မောင်းသူများထံက သိရသည်။

   အောက်တိုဘာလ အစက စတင်ပြီး စက်သုံးဆီ ဈေး တဖြည်းဖြည်း ကျလာခဲ့ခြင်းကြောင့်
စက်သုံးဆီ အခြေခံ ပြီး သယ်ယူပို့ဆောင်ရေးလုပ်သူများ အဆင်ပြေလာသော်လည်း ဆီဝယ်ယူရာတွင် လိုအပ်သည့် အချိန်တိုင်းမရရှိမှုတွေဖြစ်နေကြောင်း သိရသည်။

"" အခုမနက်ဆိုရင် ဆီဆိုင်တော်တော်များများမှာ 92 ကော95ကော မရဘူး၊ဆီဈေးကျလာကတည်းက ညနေပိုင်းတွေ ဆို ဆီကုန်သွားပြီ ဆီမရှိတော့ဘူး နဲ့ ထည့်မရလို့ ဆီကို မနက်ကတည်းက ဟိုဆိုင်သည်ဆိုင်ရွေးမနေနိုင်တော့ဘူး ရတဲ့ဆိုင်မှာရသလိုထည့်ထားနေရတယ် ""ဟု အင်းစိန်မြို့နယ်က အငှားယာဥ်မောင်းသူတစ်ဦးကပြောသည်။

 ရန်ကုန်တိုင်းရှိ အခြား မြို့နယ် များ တွင်လဲစက်သုံးဆီ ဝယ်ယူရခက်နေကြောင်း အငှားယာဥ်မောင်းများ စုစည်းထားသည့် လူမူကွန်ယက်စာမျက်နှာများတွင်လဲရေးသားထားသည်ကိုတွေ့ရသည်။

  ယနေ့အောက်တိုဘာ၇ရက် စက်သုံးဆီ ရန်ကုန်ဈေးကွက် တွင်92တစ်လီတာ လျှင် ၁၉၄၅ကျပ် ၊ 95တစ်လီတာလျှင်၂၀၄၅ကျပ် ဒီဇယ်တစ်လီတာလျှင် ၂၂၂၅ကျပ်၊ပရီမီယံ ဒီဆယ်တစ်လီတာလျှင် ၂၂၆၅ကျပ် ဖြစ်ကြောင်း သိရသည်။
Yango_Times/LW
#Local_News
#YMG #Yangon_Times #Yangon_Media_Group

ဗုဒ္ဓဂါယာ ခရီးသွားလာမှု ယမာန်နှစ်ကထက် ပိုများလာပြီး ဂါယာခရီးစဉ် ၈၀ ရာခိုင်နှုန်းအထိ ရောင်းချထား

အောက်တိုဘာအထိ ခရီးစဉ်အားလုံး ရောင်းချထားပြီးဖြစ်
Yangon_Times/NN
#Local_News
#Published_ 07 October 2023
#YMG #Yangon_Times #Yangon_Media_Group