#LocalNews
Published - 17 Apr 2022
စင်ကာပူနိုင်ငံတွင်ရောက်ရှိနေပြီး မြန်မာနိုင်ငံသို့ ပြန်လည်ထွက်ခွာလိုတဲ့မြန်မာနိုင်ငံသားများ နဲ့ နိုင်ငံခြားသားများကို ဧပြီလ ၁၇ရက် ယနေ့ ဒေသစံတော်ချိန် ၁၂ နာရီ ၃၉ မိနစ်တွင် ပထမဦးဆုံးအကြိမ် Commercial Flight အဖြစ် မြန်မာအမျိုးသားလေကြောင်းလိုင်း (Myanmar National Airlines – MNA) ပျံသန်းအမှတ် UB 1002 သည် စင်ကာပူနိုင်ငံမှ ရန်ကုန်မြို့သို့ ပြန်လည်ထွက်ခွာခဲ့တယ်လို့ သိရပါတယ်။
ပထမဦးဆုံးအကြိမ်အဖြစ် ပြန်လည်ပြေးဆွဲတဲ့ Commercial Flight တွင် ခရီးသည် စုစုပေါင်း (၁၂၄)ဦး လိုက်ပါလာကြပြီး ပထမဦးဆုံးအဖြစ် ယနေ့ ပြန်လည်ပြေးဆွဲသည့် Commercial Flight တွင် လိုက်ပါမည့် မြန်မာနိုင်ငံသားများအနေဖြင့် လေဆိပ်၌ လူဝင်မှုကြီးကြပ်ရေးဆိုင်ရာကိစ္စရပ်များ ဆောင်ရွက်ရာတွင် အခက်အခဲမရှိစေရေးနှင့် စင်ကာပူနိုင်ငံမှ အဆင်ပြေချောမွေ့စွာ ထွက်ခွာနိုင်ရေးအတွက် မြန်မာသံရုံးမှ တာဝန်ရှိသူများက ချန်ဂီအပြည်ပြည်ဆိုင်ရာလေဆိပ်သို့ သွားရောက်၍ လိုအပ်သည်များ ကူညီဆောင်ရွက် ပေးခဲ့တယ်လို့ သိရပါတယ်။
ymg/hm
#Yangon_Media_Group
#LocalNews
Published_17 April 2022
နစက၏ ဧပြီလ ၁၇ ရက် မြန်မာနှစ်သစ်ကူး ပြစ်ဒဏ်လွတ်ငြိမ်းခွင့်တွင် ရခိုင်ပြည်နယ်စစ်တွေ ၊ ကျောက်ဖြူ၊သံတွဲ ၊ ဘူးသီးတောင် အကျဉ်းထောင်အသီးသီးမှ အကျဉ်သား ၄၅ ဦးပါဝင်ခဲ့ကြောင်း သိရသည်။
မြန်မာနိုင်ငံရှိ အကျဉ်းထောင်၊အချုပ်ထောင် စခန်းအသီးသီးတွင် အကျဉ်းကျခံနေကြရသော အကျဉ်းသား အကျဉ်းသူ ၁,၅၇၇ ဦးကို ပြစ်ဒဏ်လွတ်ငြိမ်းခွင့်ပြု၍ နိုင်ငံခြားသား အကျဉ်းသား အကျဉ်းသူ ၄၂ ဦးကို ပြည်နှင်ဒဏ်ပေးလိုက်ကြောင်း နစက က ယနေ့ နံနက်တွင် ထုတ်ပြန်ထားသည်။
ယင်းတို့အနေဖြင့် ရာဇဝတ်ကျင့်ထုံး ဥပဒေပုဒ်မ ၄၀၁ ၊ ပုဒ်မခွဲ ၁ အရ နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခု ကျခံရန် ကျန်ရှိနေသော ပြစ်ဒဏ်များကိုပါ ဆက်လက်ကျခံပါမည်ဟူသော စည်းကမ်းသတ်မှတ်ချက်ဖြင့်ပြစ်ဒဏ်လွတ်ငြိမ်းခွင့်ရရှိကြခြင်းဖြစ်ကြောင်း သိရသည်။
ymg/mt
#Yangon_Media_Group
#LocalNews
Published_17 April 2022
ရုပ်ရှင်သရုပ်ဆောင် ခိုင်သင်းကြည်အား နိုင်ငံတော်စီမံအုပ်ချုပ်ရေးကောင်စီက အမိန့်ကြော်ငြာစာ အမှတ် ၅၄/၂၀၂၂ ဖြင့် ချီးမြှင့်ပေးအပ်ခဲ့သည့် လူမှုထူးချွန်တံဆိပ်(ဒုတိယအဆင့်)ကို ၂၀၀၉ ခုနှစ် ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များဆိုင်ရာ ပြဋ္ဌာန်းချက် အပိုဒ် ၆၇ နှင့် ဖွဲ့စည်းပုံ အခြေခံဥပဒေပုဒ်မ ၄၁၉ တို့အရ ဧပြီ ၁၇ ရက်တွင် ပြန်လည် ရုပ်သိမ်းလိုက်ကြောင်း ထုတ်ပြန်လိုက်သည်။
ymg/mt
#Yangon_Media_Group
Published 17 April 2022
ယနေ့ ဧပြီ(၁၇)ရက်မှာ ကျရောက်တဲ့ မြန်မာနှစ်ဆန်းတစ်ရက်နေ့ မှာ ဂုဏ်ထူးဆောင်ဘွဲ့နှင့် ဂုဏ်ထူးဆောင် တံဆိပ်တွေရရှိသူတွေကို အမိန့်ထုတ်ပြန်ကြေညာခဲ့ရာ တိုင်းရင်းသားလက်နက်ကိုင်အဖွဲ့ခေါင်းဆောင်အချို့လည်း ရရှိသူတွေ ထဲ ပါဝင်ကြောင်းသိရှိရပါတယ်။
တိုင်းရင်းသားလက်နက်ကိုင်အဖွဲ့ခေါင်းဆောင်အချို့ကို နစက,က ဝဏ္ဏကျော်ထင်ဘွဲ့ ပေးအပ်ခဲ့တာဖြစ်ပါတယ်။အဲဒီ ခေါင်းဆောင်တွေထဲမှာ ကရင်အမျိုးသားအစည်းအရုံးKNU ခေါင်းဆောင်စောမူတူးစေးဖိုး၊RCSS/SSA-S ခေါင်းဆောင် ဦးယွက်ဆစ်၊ပအို့ဝ်အဖွဲ့PNO (ရှမ်းပြည်တောင်ပိုင်း အထူးဒေသ-၆) မှ ဦးအောင်ခမ်းထီ၊ပအို့ဝ်အမျိုးသားလွတ်မြောက်ရေးအဖွဲ့ PNLO ခေါင်းဆောင် ဦးခွန်ဥက္ကာ၊ ရခိုင်ပြည်လွတ်မြောက်ရေးပါတီဘALP မှ ဦးခိုင်စိုးနိုင်အောင်၊မွန်ပြည်သစ်ပါတီNMSPမှ ဦးနိုင်ရွှေကျင်နှင့် နိုင်ထောမွန်၊ KIO(ခွဲထွက်)မှ ဦးလဆန်အောင်ဝါ၊ KNU တပ်မဟာ(၆)၊တပ်ရင်း(၁၆)ဟောင်သရော အထူးအဖွဲ့ မှ ဦးစောသမူဟဲ၊KNUတပ်မဟာ(၂)သံတောင်အထူးဒေသအဖွဲ့ စောဖယ်ရီမိုး၊KNU ဖဒိုအောင်ဆန်းအဖွဲ့မှ ဖဒိုအောင်ဆန်းနှင့် အခြားခေါင်းဆောင်အချို့နှင့် ငြိမ်းချမ်းရေးအကျိုးဆောင်အချို့ ပါဝင်ကြပါတယ်။
အဲဒီအပြင် ယခင်နိုင်ငံတော်ဝန်ကြီးချုပ်ဟောင်း ဦးနု၊ လမ်းစဉ်ပါတီခေတ်သမ္မတဟောင်း ဦးစန်းယုနှင့် ယခင် နဝတ ဥက္ကဋ္ဌနှင့်ဝန်ကြီးချုပ် ဗိုလ်ချူပ်မှူးကြီးစောမောင်တို့ကိုလည်း အဂ္ဂမဟာသီရိသုဓမ္မာဘွဲ့တွေ ပေးအပ်ခဲ့ပါတယ်။ ပါလီမန်ခေတ် ဝန်ကြီးချုပ်ဟောင်း ဦးဗဆွေကိုတော့ မဟာသရေစည်သူဘွဲ့ပေးအပ်ခဲ့ပါတယ်။
ယခင်တပ်မတော်အစိုးရလက်ထက် ခေါင်းဆောင်ဟောင်း ဗိုလ်ချူပ်မှူးကြီးသန်းရွှေကိုလည်း အဂ္ဂမဟာ သရေစည်သူဘွဲ့ပေးအပ်ခဲ့ကြောင်း အမိန့်ကြေညာစာထဲမှာ ဖော်ပြထားပါတယ်။ ဘွဲ့ထူးဂုဏ်ထူးရရှိသူတွေထဲမှာ ယခင် နဝတနှင့် နအဖလက်ထက်မှာ အဆင့်မြင့်နိုင်ငံရေးတာဝန်တွေယူခဲ့တဲ့ အငြိမ်းစား တပ်မတော်အကြီးတန်းအရာရှိကြီးတွေ အများစု ပါဝင်နေတာတွေ့ရပါတယ်၊
အဲဒီအပြင် ခေတ်အဆက်ဆက်က အနုပညာရှင်အချို့ကိုလည်း ဘွဲ့တံဆိပ်နှင့်ဆုတံဆိပ်များပေးအပ်ထားပါတယ်. အဲဒီအထဲမှာ နန်းတော်ရှေ့ဆရာတင်၊ရွှေတိုင်ညွန့်၊ဦးရွှေနန်းတင်၊ တွံတေးသိန်းတန်၊စန္ဒယားချစ်ဆွေ၊စန္ဒယားလှထွတ်၊ ဦးမြတ်လေး၊သုမောင်နှင့်ဦးစိန်ဗိုလ်တင့်တို့လည်းပါဝင်ကြပါတယ်၊
Published 17 April 2022
နှစ်ဟောင်းတွေက အားနည်းချက်တွေကို ပြုပြင်၊အားသာချက်တွေကို ဆင်ခြင်သုံးသပ်မြှင့်တင်ပြီး နိုင်ငံတော်နှင့် နိုင်ငံသားတွေအတွက် ပေးဆပ်သယ်ပိုးဆောင်ရွက်သွားမယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ကပြောပါတယ်။
ယနေ့ ဧပြီ၁၇ရက်မှာ ကျရောက်တဲ့ မြန်မာနှစ်ဆန်းတစ်ရက်နေ့မှာ မြန်မာနှစ်သစ်ကူး နှုတ်ခွန်းဆက် မင်္ဂလာစကား ကို နိုင်ငံပိုင်ရုပ်သံများကတစ်ဆင့် ထုတ်လွှင့်ပြောကြားရာမှာ နစကဥက္ကဋ္ဌက ယခုလိုပြောကြားတာဖြစ်ပါတယ်။
တိုင်းပြည်ရဲ့အားဟာ ပြည်တွင်းမှာပဲရှိတဲ့အတွက် ပြည်သူလူထုစွမ်းအားနှင့် အကောင်းဆုံးဖြစ်အောင် ကြိုးစားသွား မှာဖြစ်ပြီး အောင်မြင်မယ်လို့လည်း အပြည့်အဝယုံကြည်တယ်လို့ သူက ပြောကြားခဲ့ပါတယ်။
ယခုနှစ်ကို ငြိမ်းချမ်ရေးနှစ်လို့ သတ်မှတ်ပြီး တစ်နိုင်ငံလုံးငြိမ်းချမ်းသာယာမှုရရှိရေး အစွမ်းကုန်ကြိးစားနေတယ်လို့ လည်း နစကဥက္ကဋ္ဌက ပြောပါတယ်။အဲဒီအပြင် နိုင်ငံတော်သာယာဝပြောရေးနှင့် စားရေရိက္ခာပေါများရေးတို့ဟာ သူ့ရဲ့ အမျိုးသားရေးရည်မှန်းချက်ဖြစ်တယ်လို့လည်း နှစ်သစ်စကားထဲမှာ ထည့်သွင်းပြောကြားခဲ့ပါတယ်။
နစကဥက္ကဋ္ဌရဲ့ နှုတ်ခွန်းဆက်မင်္ဂလာစကား ရုပ်သံထုတ်လွှင့်အပြီးမှာ နိုင်ငံသား အကျဉ်းသား ၁၅၅၇ဦးနှင့် နိုင်ငံခြားသား ၄၂ ဦးတို့ကို ပြစ်ဒဏ်လျော့ပေါ့ လွတ်ငြိမ်းခွင့်အမိန့်ကိုပါ နိုင်ငံပိုင်ရုပ်သံများက ဆက်လက်ကြေညာခဲ့ပါတယ်။
Published 17 April 2022
မြန်မာနိုင်ငံတစ်လွှားမှာ အကျဉ်းကျခံနေရတဲ့ မြန်မာနိုင်ငံသား အကျဉ်းသား အကျဉ်းသူ ၁၅၇၇ ဦးနှင့်နိုင်ငံခြားသား ၄၂ဦးတို့ကို ယင်းတို့ကျခံရန်ကျန်ရှိသော ပြစ်ဒဏ်တွေကို လျော့ပေါ့ပြီး ပြစ်ဒဏ်လွတ်ငြိမ်းသက်သာခွင့်ပြုတယ်လို့ ယနေ့မြန်မာနှစ်ဆန်းတစ်ရက်နေ့မှာ နစကဥက္ကဋ္ဌ လက်မှတ်ရေးထိုး အမိန့်ထုတ်ပြန်ပါတယ်။
နိုင်ငံခြားသား ၄၂ဦးကို ပြစ်ဒဏ်လွတ်ငြိမ်းခွင့်ပြုပြီး ပြည်နှင်ဒဏ်ပေးလိုက်တယ်လို့လည်း အမိန့်မှာ ဖော်ပြထားပါတယ်။
မြန်မာသက္ကရာဇ် ၁၃၈၄-ခုနှစ်၊ ဦးတန်ခူးလပြည့်ကျော်(၂)ရက်
ခရစ်နှစ် ၂၀၂၂ခုနှစ်၊ ဧပြီလ(၁၇)ရက်
ယနေ့တွင် ကျရောက်သော
မြန်မာနှစ်ဆန်းတစ်ရက်နေ့
နှစ်သစ်အခါသမယတွင်
မြန်မာပြည်သူပြည်သားအပေါင်း
ဘေးဘယာဝေးကွာ၍
အေးမြငြိမ်းချမ်းကြပါစေဟု
နှစ်သစ်ဆုမွန်ကောင်းတောင်းအပ်ပါသည်
YMG မိသားစု
Page 1838 of 1970
