#LocalHealth
Published_ 3 April 2022
တရုတ်နိုင်ငံမှ မြန်မာနိုင်ငံသို့ ကိုဗစ်-၁၉ ကာကွယ်ဆေးထိုးနှံနိုင်ရန် ဆေးထိုးအပ် ၃ သန်းကို ဧပြီ ၂ ရက်နေ့က မူဆယ်မြို၌ လှူဒါန်းခဲ့ကြောင်း သိရပါတယ်။မြန်မာနိုင်ငံဆိုင်ရာတရုတ်သံရုံးမှ မြန်မာနိုင်ငံကျန်းမာရေးဝန်ကြီးဌာနသို့ အရေးပေါ် လှူဒါန်းသော ကိုဗစ်-၁၉ ကာကွယ်ဆေး ဆေးထိုးအပ် ၂ သန်းကို မူဆယ်၌ မြန်မာနိုင်ငံသို့ လွှဲပြောင်းပေးအပ်ခဲ့တယ်လို့ ဖော်ပြထားပါတယ်။ ထို့ပြင် ယူနန်ပြည်နယ်မှ မြန်မာနိုင်ငံသို့ လှူဒါန်းသော ကိုဗစ်-၁၉ ကာကွယ်ဆေး ဆေးထိုးအပ် ၁ သန်းကိုလည်း တပြိုင်တည်း လွှဲပြောင်းပေးအပ်ခဲ့ကြောင်း သိရပါတယ်။

လက်ရှိအချိန်အထိ တရုတ်နိုင်ငံက မြန်မာနိုင်ငံသို့ ထောက်ပံ့သော ကိုဗစ်-၁၉ ကာကွယ်ဆေး Doses စုစုပေါင်း ၄၁ သန်းကျော်ရှိနေပါပြီ။

ကိုဗစ်-၁၉ ကပ်ရောဂါ ဖြစ်ပွားချိန်မှစ၍ တရုတ်နိုင်ငံသည် မြန်မာနိုင်ငံသို့ ကာကွယ်ဆေး၊ အောက်ဆီဂျင်စက်နှင့် နှာခေါင်းစည်း စတဲ့ ကပ်ရောဂါကာကွယ်ရေး ပစ္စည်းများ ဆက်တိုက်လှူဒါန်းပေးခဲ့ပြီး မြန်မာနိုင်ငံ၏ ကပ်ရောဂါတိုက်ဖျက်ရေး လုပ်ငန်းများကို ပံ့ပိုးကူညီခဲ့ပါတယ်။

ယခုအကြိမ် တရုတ်နိုင်ငံမှ မြန်မာနိုင်ငံသို့ အရေးပေါ်လှူဒါန်းသော ကိုဗစ်-၁၉ ကာကွယ်ဆေး ဆေးထိုးအပ် ၃ သန်းသည် မြန်မာနိုင်ငံ၏ ကာကွယ်ဆေး ထိုးနှံမှုလုပ်ငန်း အရှိန်မြှင့်ရန် အားဖြည့်ပေးပြီး မြန်မာပြည်သူများအတွက် ခုခံအား အကာအကွယ်ကို ပိုမိုကောင်းမွန်စွာ တည်ဆောက်နိုင်မှာ ဖြစ်တယ်လို့ ဆိုပါတယ်။

ymg-mnn
#Yangon_Media_Group 

#TV Yangon Times Matters အစီအစဉ်
Published - 3 April 2022

အစီအစဉ်တင်ဆက်သူ ဆရာဟိန်းလတ် က တက္ကသိုလ်သီချင်းတွေနှင့်အတူ ကျော်ကြားခဲ့တဲ့ အဆိုတော် အောင်နိုင်(ခရမ်းပြာ) နဲ့ အတူ "တက္ကသိုလ်သီချင်းများ" ဆိုတဲ့ ခေါင်းစဉ်အောက်မှာ တက္ကသိုလ် သီချင်းတွေရေးဖွဲသီဆိုခဲ့ကြတဲ့ လွမ်းမောဖွယ်အတိတ်အတွေ့အကြုံတွေကို ပြောဆိုခဲ့ကြတာတွေဖြစ်ပါတယ်

#Yangon_Media_Group

#LocalNews
Published_3 April 2022

ဝင်ငွေခွန်အတွက် ကောက်ခံရမည့်ရာခိုင်နှုန်းကို ပြီးခဲ့သည့် ၂၀၂၂ ခုနှစ် ဇန်နဝါရီလ ၆ ရက်က ထုတ်ပြန်ထားသည့် ပုံစံအတိုင်း ပြန်လည် သတ်မှတ်လိုက်ကြောင်း မတ်လ ၃၀ ရက် ရက်စွဲဖြင့် ထုတ်ပြန်သည့် ၂၀၂၂ ခုနှစ် ပြည်ထောင်စု၏ အခွန်အကောက်ဥပဒေအရ သိရသည်။

ယင်း၂၀၂၂ ခုနှစ် ပြည်ထောင်စု၏ အခွန်အကောက်ဥပဒေတွင် ဝင်ငွေရလမ်းမတင်ပြနိုင်သည့် ဝင်ငွေများအပေါ်တွင် ၁ ကျပ်မှ ကျပ်သိန်း ၃၀၀၀ ထိအခွန်နှုန်း ၃ ရာခိုင်နှုန်း ၊ ကျပ် ၃၀၀၀ ဒဿမ ၁ သိန်းမှ ကျပ်သိန်း ၆၀၀၀ ထိ အခွန် ၅ ရာခိုင်နှုန်း၊ ကျပ် ၆၀၀၀ ဒဿမ ၀၁ သိန်းမှ ကျပ်သိန်း ၁၀၀၀၀ ထိ အခွန် ၁၀ ရာခိုင်နှုန်း၊ ကျပ် ၁၀၀၀၀ ဒဿမ ၀၁ သိန်းမှ ကျပ်သိန်း ၃၀၀၀၀ ထိ အခွန် ၁၅ ရာခိုင်နှုန်း ရာခိုင်နှုန်း၊ ကျပ် သိန်း ၃၀၀၀၀ နှင့် အထက်ကို ၃၀ ရာခိုင်နှုန်းဟူ၍ မူလအတိုင်း သတ်မှတ်ထားခြင်းဖြစ်ကြောင်း ဖော်ပြထားသည်။

ကိုဗစ်ကပ်ရောဂါကြောင့် နှောင့်နှေးလျက်ရှိသည့် စီးပွားရေးလုပ်ငန်းများနှင့် ရင်းနှီးမြှုပ်နှံမှုများ ပြန်လည် တိုးတက်စေရေးအားပေးမြှင့်တင်ရန် နိုင်ငံသားမည်သူမဆို အခြေပစ္စည်းတစ်ရပ်ရပ် ဝယ်ယူခြင်း ၊တည်ဆောက်ခြင်း၊ရယူခြင်းနှင့် လုပ်ငန်းအသစ် တည်ထောင်ခြင်း၊လုပ်ငန်းထပ်မံတိုးချဲ့ဆောင်ရွက်ခြင်းတိုအတွက် အသုံးပြုသည့် ဝင်ငွေမှ ဝင်ငွေရလမ်းတင်ပြနိုင်သည့် ဝင်ငွေရှိပါက ယင်းငွေကို နုတ်ပယ်ပြီး ကျန် စည်းကြပ်မှုမှ လွတ်ကင်းနေသော ဝင်ငွေအပေါ်တွင်လည်းကောင်း၊ဝင်ငွေရလမ်းတင်ပြနိုင်ခြင်းမရှိပါက အသုံးပြုသည့်ဝင်ငွေအပေါ်တွင် ယင်းအတိုင်း ဝင်ငွေခွန် စည်းကြပ်ရမည်ဟုလည်း အဆိုပါ အခွန်အကောက်ဥပဒေတွင် ဖော်ပြထားသည်။

ထိုသို အခွန်စည်းကြပ်ခြင်းမှာ တရားမဝင်ရရှိသည့်ပစ္စည်းများပိုင်ဆိုင်ခြင်း၊ရောင်းဝယ်ခြင်းတိုဖြင့်လည်းကောင်း၊ငွေကြေးခဝါချမှုတိုက်ဖျက်ရေးဥပေဒအရ အရေးယူသည့်ကိစ္စရပ်များ အပေါ်တွင်လည်းကောင်းသက်ရောက်မှုရှိမည်မဟုတ်ကြောင်း သိရသည်။

ymg/mt
Yangon_Media_Group 

#LocalNews 
Published_ 3 April 2022

ရန်ကုန်တိုင်းဒေသကြီး၊ သုံးခွမြို့နယ်မှ ၈၄၉၂ ဧကရှိတဲ့ နယ်မြေအကျယ် အဝန်းကို ဘိတ်သိတ်-မဟာ-သာသာ ဒီရေတောကြိုးပြင်ကာကွယ်တောအဖြစ် သတ်မှတ်ကြောင်း သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ဒီကနေ့ထုတ်ပြန် ကြေညာလိုက်ပါတယ်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနအနေနဲ့ ၂၀၁၈ ခုနှစ် စက်တင်ဘာလတွင် ထုတ်ပြန်ခဲ့တဲ့ သစ်တောဥပဒေပုဒ်မ(၆)၊ ပုဒ်မခွဲ(င)အရ ရန်ကုန်တိုင်းဒေသကြီး တောင်ပိုင်းခရိုင် သုံးခွမြို့နယ်အတွင်း ကျရောက်နေတဲ့ ဧရိယာအကျယ်အဝန်း ၈၄၉၂ ဧကရှိသော နယ်မြေကို ဘိတ်သိတ်-မဟာ-သာသာ ဒီရေတောကြိုးပြင်ကာကွယ်တောအဖြစ် ၂၀၂၂ ခုနှစ်၊ ဧပြီ ၁ ရက်မှစ၍ သတ်မှတ်ကြောင်း ကြေညာလိုက်တာဖြစ်ပါတယ်။

အဆိုပါကာကွယ်တောကို ဒေသတွင်းမှာရှိတဲ့ ရေမြေသဘာဝနဲ့ ရာသီဥတုကို မျှတစေဖို့ ၊ ဇီဝမျိုးစုံနဲ့ ဂေဟစနစ်ကိုရေရှည်တည်တံ့စေဖို့ ၊ ဒေသစိမ်းလန်းစိုပြည်ရေးနဲ့ သဘာဝပတ်ဝန်းကျင်ကို အထောက်အကူပြုနိုင်ဖို့ ၊ ပင်လယ်ကမ်းရိုးတန်းတစ်လျှောက် မှာရှိတဲ့ ကျေးရွာများကို လေမုန်တိုင်းတိုက်ခတ်ခြင်း၊ ဒီရေလှိုင်းရိုက်ခတ်ခြင်းစတဲ့ သဘာဝဘေးအန္တရာယ်များဘေးမှ ဒီရေတောအပင်များနဲ့ တံတိုင်းကြီးတစ်ခုသဖွယ် ကာကွယ်တားဆီးနိုင်ဖို၊ ဒီရေတောနယ်နိမိတ်အတွင်း သစ်တော၊ ရေ၊ မြေ၊ သားငှက်တိရစ္ဆာန်များအတွက် ဘေးကင်းလုံခြုံပြီး တည်ငြိမ်သောဂေဟစနစ်ကို ဖြစ်ပေါ်လာစေဖို့ နဲ့ ဒေသခံပြည်သူတွေရဲ့ လူမှုစီးပွားဘဝဖွံ့ ဖြိုးတိုးတက်လာနိုင်ဖို့ ရည်ရွယ်လုပ်ဆောင်တာဖြစ်လို့ ဆိုပါတယ်။

အဆိုပါ ဒီရေတော ကြိုးပြင်ကာကွယ်တော ဧရိယာအတွင်း ဒီရေတော အပင်မျိုးစိတ်များဖြစ်တဲ့ လမု၊ လမဲ့၊ သမဲ့၊ ကန့်ပလာ၊ ဗြူးအုပ်ဆောင်း၊ ခရာပင်များပေါက်ရောက်ပြီး ငါး၊ ပုစွန်၊ ကဏန်းတို့ ပေါက်ဖွားရာ နေရင်းဒေသလည်း ဖြစ်ပါတယ်။

ခရုစုပ်ငှက်၊ ဝန်ပိုငှက်၊ နှုတ်သီးဝိုင်းရေညှောင့်ငှက်၊ တောဘဲ ဒက်းကျီးငှက် စတဲ့ရေပျော်ငှက်များ ကျက်စားရာဒေသလည်း ဖြစ်ပါတယ်။
ymg-mnn
#Yangon_Media_Group 

#LocalNews

Published_3 April 2022

ကရင်ပြည်နယ် ၊ ဘားအံမြို့၊ ဇွဲကပင်တောင်တွင် မတ်လ ၃၀ ရက်က သေဆုံးလျက် တွေ့ရသည့် အမျိုးသမီးငယ်ကို သတ်သည်ဟုယူဆရသောအမျိုးသားအား ဧပြီလ ၂ ရက်ည ၉နာရီခွဲခန့်က ဖမ်းမိကြောင်းသိရသည်။

အဆိုပါသေဆုံးလျက်တွေ့ရသည့်အမျိုးသမီးငယ်၏ ဦခေါင်းတွင်ဒဏ်ရာများတွေ့ရသည့်အတွက် ယင်းနှင့်အတူ တောင်ပေါ်သို့တက်ခဲ့သည့် အမျိုးသားအားစုံစမ်းရာ ထွက်ပြေးတိမ်းရှောင်နေကြောင်း သိရသဖြင့် သက်ဆိုင်ရာက စုံစမ်းစဉ် ကြာအင်းဆိပ်ကြီးမြို့နယ်အတွင်း ဖမ်းဆီးရမိခဲ့ခြင်း ဖြစ်ကြောင်း သိရသည်။

ဖမ်းဆီးရမိသူမှာ ဘားအံမြို့နယ် နွားခြံကုန်းကျေးရွာမှ ဒယ်ကလစ်ဆိုသူဖြစ်ပြီး ယခုအခါ ထုံးအိုင်နယ်မြေရဲစခန်းမှ ပုဒ်မ ၃၀၂ ဖြင့် အမှုဖွင့်အရေးယူထားကြောင်း အဆိုပါဖြစ်စဉ်ကို သိရှိသည့် အုပ်ချုပ်ရေးတာဝန်ရှိသူကပြောသည်။

ဇွဲကပင်တောင်သိုသွားရောက်၍ ဘုရားဖူး‌မျှော်ရာမှ ပျောက်ဆုံးသွားသူမှာတိယနှစ်ကျောင်းသူ မဇာခြည်လှိုင်ဖြစ်ပြီး ဧပြီလ ၁ ရက်နံနက်တွင် သေဆုံးလျက်ပြန်လည်တွေ့ရှိခဲ့ခြင်းလည်းဖြစ်သည်။

#ymg/mt
Yangon_Media_Group 

#LocalNews 
Published_ 3 April 2022

ဘုရားပွဲတော်ချိန်ကာလဖြစ်လို့ ရွှေစက်တော်မန်းချောင်း အပန်းဖြေဆင်စခန်းမှာ ဆင်စာဘူဖေး လာရောက်ကျွေးမွေးသူ များပြားလာကြောင်း သိရပါတယ်။

မင်းဘူးမြို့နယ်၊ မန်းရွှေစက်တော်ဘုရားအနီး ပဒေါင်း-ပျော်ဘွယ် ကြိုးပြင် ကာကွယ်တောအတွင်းရှိ ရွှေစက်တော်မန်းချောင်း အပန်းဖြေဆင်စခန်းကို ပြန်လည် ဖွင့်လှစ်ခဲ့ပြီးနောက် ဆင်စာဘူဖေးလှူဒါန်းကျွေးမွေးမှု (၂၁) ကြိမ်အထိရှိလာပြီ ဖြစ်ကာ ဖေဖော်ဝါရီလ ၅ ရက်က မန်းရွှေစက်တော် ဘုရားပွဲတော်နှင့်အတူ ပြန်လည်ဖွင့်လှစ် ခဲ့တာပါ။

ဆင်စာကို Online ကနေဆက်သွယ်ပြီး လှူဒါန်းကျွေးမွေးကြသလို ကိုယ်တိုင် လာရောက်ကျွေးမွေး တာတွေလည်းရှိပြီး၊ ဆင်စာကျွေးမွေးမှုက ဖေဖော်ဝါရီ လမှာ ၉ ကြိမ်၊ မတ်လမှာက ၁၂ ကြိမ်၊ စုစုပေါင်း ၂၁ ကြိမ်အထိ ရှိပြီ ဖြစ်ပါတယ်။

အဆိုပါ ဆင်စခန်းတွင် ဆင်ထီး(၄)ကောင်၊ ဆင်မ (၇)ကောင်၊ စုစုပေါင်းဆင် (၁၁)ကောင်ရှိပြီး ဆင်စာဘူးဖေး ကျွေးမွေးလိုသူများအနေဖြင့် ငွေကျပ် ၃၀၀၀၀ မှစပြီး ၅၀၀၀၀ ကျပ်နှင့် ၁၀၀၀၀၀ ကျပ်နှုန်းဖြင့် သတ်မှတ်ထားပါတယ်။

မိမိတိုတတ်နိုင်သောနှုန်းထားဖြင့် အွန်လိုင်းမှတဆင့် ဆက်သွယ် လှူဒါန်းကျွေးမွေး နိုင်သလို ကိုယ်တိုင်လာရောက်ပြီးကျွေးမွေးနိုင်ကြောင်း၊ အဝေးမှလာရောက် ကျွေးမွေး လိုသူများအနေဖြင့် ကြိုတင်ဆက်သွယ်ထားပါက အသင့်ကျွေးနိုင်အောင် ပြင်ဆင်ပေး ထားတယ်လို့ ဆိုပါတယ်။

ဆင်စာအဖြစ် ကြံ၊ ပြောင်းဖူး၊ ငှက်ပျောသီး၊ ဖရုံသီး၊ ဖရဲသီး၊ သခွားသီးနှင့် နေဗီယာ မြက်များကို ဝယ်ယူကျွေးမွေးရကြောင်း သိရပါတယ်။
PhotoCredit:MOI
ymg-mnn
#Yangon_Media_Group