#Health_Matters

- မိုးတွင်းကာလရောက်လာတော့ ယင်တလောင်းလောင်းဖြစ်နေတယ်။ ယင်ကိုလူတွေမနှိမ်နှင်းနိုင်တာလားဆရာ ...??
#Published_ 1 July 2023
#Health_Matters #ယင်ချစ်သည့်အစား #အစာချစ်သည့်လူသား
#Dr.KML #YMG #Yangon_Media_Group

Published_ 1 July 2023

ရန်ကုန်တိုင်း​ဒေသကြီး၊လှိုင်သာ ယာမြို့နယ်တွင် စက်ရုံမှ​ပြန်လာသူအမျိုးသားကလမ်းဖြတ်ကူးစဥ် Light truck ကားက ဝင်တိုက်ပြေးမှု ဖြစ်ပွားခဲ့ပြီး ကားတိုက်ခံရသူအမျိုးသားမှာ ဆေးရုံရောက်ချိန်တွင်သေဆုံးခဲ့ကြောင်း သွေးဒါနလူမှုကူညီရေးအသင်းကသိရသည်။

လှိုင်သာယာမြို့နယ်၊ ရန်ကုန်-ပုသိမ်လမ်းမကြီး ဘုရားလမ်းထိပ်မီးပွိုင့်တွင် စက်ရုံမှအပြန် လမ်းဖြတ်ကူးသူအမျိုးသားအား Light truck ကားက ဝင်တိုက်ပြေးမှု ဇွန်လ၃ဝ ရက် ညပိုင်းက ဖြစ်ခဲ့ကြောင်း အဆိုပါလူမှုကူညီရေးအသင်းကသိရသည်။

"ယာဥ်တိုက် မှုကြောင့် လူနာရဲ့ ဦးခေါင်းဟာ လမ်း သမံတလင်းနဲ့ဆောင့်မိပြီး ဦးခေါင်းတစ်ခြမ်းကြေ ကွဲပြီး ဦးနှောက်ကို ထိခိုက်ခဲ့ပါတယ်။လူနာရဲ့ညာခြေထောက်ကလည်း အပွင့်ကျိုးကြေနေတာကိုတွေ့ရတယ်"ဟု အဆိုပါလူမှုကူညီရေးအသင်းကသိရသည်။

လူနာအမျိုးသား သွေးဒါနလူမှုကူညီရေးအသင်းမှ လှိုင်သာယာပြည်သူ့ဆေးရုံကြီးသို့ဦးစွာပို့ဆောင်ခဲ့ပြီးထိုမှတစ်ဆင့် ရန်ကုန်ပြည်သူ့ဆေးရုံကြီးသို့ ဆက်လက်ပို့ဆောင်ရာ လူနာသည် နှလုံးခုန်နှုန်းမရှိ၊ သွေးခုန်နှုန်းမရှိ၊ အောက်စီဂျင်ရှူနှုန်းမရှိသဖြင့် အရေးပေါ်ဆေးကုသမှုပေးကာ ကူညီခဲ့သည့်အတွက် အသက်ပြန်ရှူခဲ့သော်လည်း ဆေးရုံရောက်ပြီး မကြာမီ သေဆုံးသွားကြောင်းသိရသည်။

တိုက်ပြေးယာဉ်နှင့် ယာဉ်မောင်းကိုလည်း ဖမ်းမမိသေးကြောင်း သိရသည်။

#Yangon-Times/BM
#Local_News
#YMG #Yangon_Times

မျက်မမြင်အ‌ကြောပြင်လုပ်ငန်းများ နလန်မထူနိုင်သေး

‘ကိုဗစ်ကတည်းကလုပ်ငန်းတွေကျဆင်းခဲ့တာခုထိအဆင်မ‌ြပေသေးဘူး။ဆိုင်ခွဲတွေပိတ်လိုက်ရြပီး အခုတစ်ဆိုင်ပဲကျန်တော့တဲ့အထြိဖစ်နေပါတယ်၊၊ ဆိုင်ခန်းငှားခ၊မီတာခတွေနဲ့ ဝန်ထမ်းလစာတွေ လစဉ်ပေးဖိုကို မနည်းရုန်းကန်နေရတယ်’ မျက်မမြင်အ‌ကြောပြင်အနှိပ်လုပ်ငန်းရှင်
Yangon_Time/Tthl
#Local_News
#Published_ 1 July 2023
#YMG #Yangon_Times

အခုရက်ပိုင်းအတွင်း မြစ်ရေများတက်မည်

ဇူလိုင်လဆန်းမှာ ဧရာဝတီမြစ်ရေ ၊ချင်းတွင်းမြစ်ရတွေ အနည်းဆုံး(၁)ပေခွဲမှ အများဆုံး(၇)ပေခန့်တက်မည်(မိုးလဝသနှင့်ဇလဗေဒညွှန်ကြားရေးမှူးဦးစီးဌာန)
Yangon_Time/Tthl
#Local_News
#Published_ 1 July 2023
#YMG #Yangon_Times

ပုဂ္ဂလိကကျောင်းများတွင် မြန်မာစာ၊မြန်မာ့သမိုင်း၊ပထဝီသင်ရန်ညွှန်ကြား

‘ ပုဂ္ဂလိကအခြေခံပညာကျောင်းတွေမှာ မြန်မာ့ယဉ်ကျေးမှု မပျောက်ပျက်စေဖို မြန်မာစာ၊မြန်မာ့သမိုင်း၊မြန်မာ့ပထဝီအပါအဝင် အမျိုးသားသင်ရိုးညွှန်တမ်းကော်မတီက သတ်မှတ်ထားတဲ့ သင်ရိုးအပြည့်အစုံကို သင်ကြားရမှာဖြစ်တယ်’ ပညာရေးဝန်ကြီးဌာန၊ပြည်ထောင်စုဝန်ကြီး
Yangon_Time/Tthl
#Local_News
#Published_ 1 July 2023
#YMG #Yangon_Times

Published_ 1 July 2023

  တရုတ်နိုင်ငံမှ အသေးစား၊အလတ်စား စီးပွားရေးလုပ်ငန်းစုများ ဖွံ့ဖြိုးမှုအမြန်ဆုံး မြို့ဖြစ်တဲ့ ဝင်း(န်)ကျိုးမှ တရုတ်လုပ်ငန်းရှင်များ ကိုယ်စားလှယ်အဖွဲ့သည် မြန်မာ လုပ်ငန်းရှင်များနှင့်တွေ့ဆုံပြီး စီးပွားရေးလုပ်ငန်းများလာရောက်ရင်းနှီးမြှုပ်နှံနိုင်ရန် ဇွန် ၂၉ ရက်တွင် ရန်ကုန်မြို့ရှိ Wyndham Grand Hotel ၌ တရုတ် ဝင်း(န်)ကျိုး -မြန်မာ စီးပွားကုန်သွယ်မှု ပူးပေါင်းဆောင်ရွက်ရေး နှီးနှောဖလှယ်ပွဲကို ကျင်းပပြုလုပ်ခဲ့ပါတယ်။

  နှီးနှောဖလှယ်ပွဲသို့ မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai ၊ တရုတ်သံရုံးမှ စီးပွားရေးသံမှူး Mr. Ouyang Daobing ၊ Wenzhou Municipal Party Committee ၏ အမြဲတမ်းကော်မတီအဖွဲ့ဝင်နှင့် Wenzhou Overseas Friendship Association ၏ ဥက္ကဌ မစ္စတာ Wang Chi ဦီးဆောင်သော ကိုယ်စားလှယ်အဖွဲ့ဝင်များ၊ တရုတ်နှင့် မြန်မာနိုင်ငံတို့မှ ကုန်သည်လုပ်ငန်းရှင် အသင်းအဖွဲ့များ၊ နှစ်နိုင်ငံ စီးပွားရေးလုပ်ငန်းရှင်များ၊ ကိုယ်စားလှယ်များ တက်ရောက်ခဲ့ကြပါတယ်။

  ဝင်း(န်)ကျိုး(Wenzhou)ဟာ တရုတ်နိုင်ငံ၊ ကျဲ့ကျန်းပြည်နယ်ရှိ စက်မှုဆိပ်ကမ်းမြို့ ဖြစ်ပြီး စီးပွားရေး ဆိပ်ကမ်းပေါင်းများစွာ တည်ရှိနေပါတယ်။ ဒါ့အပြင် ၎င်းဟာ တရုတ် နိုင်ငံရဲ့ အမျိုးသားအဆင့် ဒေသဆိုင်ရာ အချက်အချာမြို့ဖြစ်သလို အရှေ့တောင်ဘက် ကမ်းရိုးတန်းမှာ အရေးကြီးတဲ့ စီးပွားရေးမြို့ကြီးအဖြစ် တည်ရှိနေပြီး အမျိုးသားအဆင့် ဘက်စုံ သယ်ယူပို့ဆောင်ရေးဆိပ်ကမ်း ပလက်ဖောင်းတစ်ခုလည်းဖြစ်ကာ တရုတ်နိုင်ငံရဲ့ ဖွံ့ဖြိုးမှုမြန်ဆန်ပြီး အသေးစားစက်မှုလုပ်ငန်းများ အဖွံ့ဖြိုးဆုံးမြို့ ဖြစ်ကာ ရင်းနှီးမြှုပ်နှံရန် အကောင်းဆုံးမြို့တစ်ခုဖြစ်တဲ့အပြင် ကျွမ်းကျင်ပညာရှင်များစွာ ရှိနေခြင်းကလည်း ရင်းနှီးမြှုပ်နှံသူများကို ပိုမိုဆွဲဆောင်နေပါတယ်။

  "Come to Wenzhou, Create the Future" ခေါင်းစဉ်ဖြင့် Wenzhou ရဲ့ ရင်းနှီးမြှုပ်နှံမှု ပတ်ဝန်းကျင်မြှင့်တင်ရေး၊ တရုတ်-မြန်မာ စီးပွါးရေးပူးပေါင်းဆောင်ရွက်မှု အခွင့်အလမ်းသစ်များ ရှာဖွေရေး တို့ကို ကဏ္ဍများအလိုက် ဆွေးနွေးဖလှယ်ကြပြီး တရုတ်-မြန်မာ နှစ်နိုင်ငံအကြား လူမှုရေး၊ စီးပွါးရေး၊ ယဉ်ကျေးမှု စတဲ့နယ်ပယ်များမှာ အပြန်အလှန်ဖလှယ်မှုများ မြှင့်တင်ပေးရန်၊ ပလက်ဖောင်းအသစ် တည်ဆောက်ရန်နှင့် နှစ်နိုင်ငံအကြား စီးပွားရေး၊ ကုန်သွယ်မှုနှင့် ရင်းနှီးမြှုပ်နှံမှု ဖလှယ်မှုများကို နှစ်ဖက် အပြန်အလှန် အကျိုးကျေးဇူးရရှိနိုင်ရေးအတွက် ထိရောက်စွာ မြှင့်တင်နိုင်ရန် ရည်ရွယ်၍ စီးပွားရေးလုပ်ငန်းများအကြား ပူးပေါင်းဆောင်ရွက်မှု သဘောတူစာချုပ်များ လက်မှတ်ရေးထိုးခြင်း တို့ကို ထည့်သွင်းကျင်းပခဲ့တယ်လို့ သိရပါတယ်။

  ၂၀၂၂ ခုနှစ်တွင် Wenzhou နှင့် မြန်မာနိုင်ငံကြား ပို့ကုန် သွင်းကုန် ကုန်သွယ်မှု လျင်မြန်စွာ တိုးတက်လာခဲ့ပြီး ပို့ကုန် ၁၅၃ ရာခိုင်နှုန်းနှင့် သွင်းကုန် ၈၅ ရာခိုင်နှုန်းအထိ တိုးလာကြောင်း သိရှိရပါတယ်။
ygm_mnn
#local_news
#Yangon_Media_Group