#Local_News
Published_ 9 May 2023

အွန်လိုင်းအခြေပြုနိုင်ငံဖြတ်ကျော် မှုခင်းတားဆီးရေးအတွက် ရန်ကုန်ကနေ လားရှိုးကို လေကြောင်းလိုင်းကနေ နိုင်ငံခြားသားများအားခရီးသွားလာခွင့် မေလ ၆ရက်ကစတင်ကာ ပိတ်ထားလိုက်ပြီဖြစ်ကြောင်း လေကြောင်းရဲတပ်ဖွဲ့မှူးရုံးက အသိပေးထုတ်ပြန်ထားသည်။

ရန်ကုန်မှ လားရှိုးကို လေကြောင်းလိုင်းနဲ့နိုင်ငံခြားသားတွေခရီးသွားမယ်ဆိုပါကUN ၊ သံရုံးနဲ့ INGO ဝန်ထမ်းတွေကိုတော့ ချွင်းချက်အဖြစ်ခွင့်ပြုပေးထားပြီး ပြင်ပက နိုင်ငံခြားသားဖြစ်ပါက စီစစ်ဟန့်တားသွားရန် လေကြောင်း ရဲတပ်ဖွဲ့မှူးရုံးက ညွှန်ကြားစာပေးပို့ထားတယ်လို့ဆိုသည်။

မြန်မာနိုင်ငံအတွင်း နိုင်ငံခြားသားများ တရားမဝင် ဝင်ရောက်နေကာအွန်လိုင်းလိမ်လည်မှု Online Scam နဲ့ Online Gambling အွန်လိုင်းလောင်းကစား တို့တွင် ပါဝင်ကျူးလွန်နေသဖြင့် ပုံရိပ်မထိခိုက်စေရေး ကာကွယ်နိုင်ရန် မြန်မာ၊ ထိုင်း၊ တရုတ် သုံးနိုင်ငံပေါင်းစပ်ညှိနှိုင်းပြီးတရားဥပဒေစိုးမိုးရေးလုပ်ငန်းများကို စစ်ဆင်ရေးကာလသတ်မှတ်ကာ ဆောင်ရွက်လျက်ရှိရာ ယင်းလုပ်ငန်းစဉ်များ စစ်ဆင်ရေးဆောင်ရွက်နေစဉ်ကာလအတွင်းမှစပြီး အထက်ပါ နိုင်ငံခြားသာများ လေကြောင်းနဲ့ ရန်ကုန်- လာရှိုးသို့သွားရောက်မှုကို ပိတ်ထားလိုက်ခြင်းဖြစ်တယ်လို့ သိရသည်။

ရန်ကုန်-လာရှိုးခရီးစဉ်တွေမှာသွားလာခွင့်ပိတ်ထားတာဟာနိုင်ငံခြားသားခရီးသည်တွေအတွက်ဖြစ်ပြီးတော့မြန်မာနိုင်ငံသားပြည်တွင်းခရီးသည်တွေမပါဝင်ကြောင်း ရဲတပ်ဖွဲ့မှ သိရသည်။

#ymg/ppk #Local_News #UN #NGO #ရန်ကုန်- လာရှိုးလေကြောင်းလိုင်း
#YMG #Yangon-Media-Group

#Local_News
Published_ 9 May 2023

ပြည်ပသို့တင်ပို့ခွင့်မပြုသည့် ပစ္စည်းများကို ယခင်သြဂုတ်လ ၁၇ရက်နေလထုတ်ပြန်ခဲ့တာဖြစ်ပြီး ယခင်တင်ပို့ခွင့်မပြုသည့်စိန် နေရာတွင် လက်၀တ်ရတနာအဖြစ်ပြုလုပ်ထားခြင်းမရှိသည့် စိန်အလွတ်များ ဟုပြောင်းလဲပြင်ဆင်သတ်မှတ်လိုက်ကြောင်း စီးပွားရေးနှင့်ကူးသန်းရောင်း၀ယ်ရေး၀န်ကြီးဌာနက ယခုနှစ် မေလ ၄ ရက်နေ့တွင် ထုတ်ပြန်လိုက်ကြောင်း သိရသည်။

ယခင်က တင်ပို့ခွင့်မပြုသည့် ပစ္စည်းများမှာ စိန် ၊ ရေနံစိမ်း၊ ဆင်စွယ်၊ ဆင် မြင်းနှင့် ရှားပါတိရစ္ဆာန်များ၊ လက်နက်ခဲယမ်းမီးကျောက်နှင့်ရှေးဟောင်းပစ္စည်းများဖြစ်ကြောင်း စီးပွားရေးနှင့်ကူးသန်းရောင်း၀ယ်ရေးဝန်ကြီးဌာန၏ထုတ်ပြန်ချက်အရ သိရသည်။

ယခင် ၁၉၉၉ ခုနှစ်က ပင်လယ်ရေကြောင်းမှ တင်ပို့ခွင့်မပြုသည့် ပစ္စည်း၃၁ မျိုးနှင့် နယ်စပ်ဒေသများမှ တင်ပို့ခွင့်မပြုသည့်ပစ္စည်း ၃၂မျိုး ထုတ်ပြန်ထားရာမှ ၂၀၀၈ ခုနှစ်တွင်ကုန်ပစ္စည်းတချို့အား ဖြေလျော့ခဲ့ပြီး ကုန်ပစ္စည်း၁၅ မျိုးသို့ ပြင်ဖြေလျော့ပေးခဲ့ကြောင်း စီးပွားကူးသန်း၀န်ကြီးဌာနမှသိရသည်။

#ymg/ynzw #Local_News #ပြည်ပင်ပတင်ပို့ခွင့်မပြု #စိန်အလွတ်
#YMG #Yangon-Media-Group

#Local_News
Published_ 9 May 2023

ရန်ကုန်-နေပြည်တော်အမြန်လမ်းမကြီး၊ မိုင်တိုင်အမှတ်(190/4-5)တွင် မေလ ၉ ရက်နေ့ (ယနေ့) မနက် ၆နာရီခန့်တွင် ခရီးသည်ယာဉ် Express ကားနှင့် Light Truck ကားနှစ်စီး ယာဉ်တိုက်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ဌာနချုပ်မှ သိရသည်။

အဆိုပါဖြစ်စဉ်ကြောင့် Express ယာဉ်ပေါ်ပါ ကျား (၂၆)ဦး၊ မ (၁၂)ဦးတို့မှာ ထိခိုက်ဒဏ်ရာရရှိမှု မရှိပေမယ့် Light Truck ယာဉ်ပေါ်ပါ ကျား(၁၅)ဦးအနက် ကျား(၁)ဦးသေဆုံး၊ ကျား(၁၄)ဦးတို့မှာ ထိခိုက်ဒဏ်ရာများ ရရှိခဲ့ကြောင်း သိရသည်။

အဆိုပါ ယာဉ်တိုက်မှုကို ပလွေးအမြန်လမ်းမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ပြီး ထိခိုက်ဒဏ်ရာရရှိခဲ့သူများကို 192ယာဉ်၊ ကြက်ခြေနီအသင်းပိုင်ယာဉ်တို့ဖြင့် နေပြည်တော်ကုတင် (၁၀၀၀)ဆေးရုံသို့ ပို့ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့မှ သတင်းထုတ်ပြန်ထားပါသည်။

#ymg/ynzw #Local_News #ရန်ကုန်-နေပြည်တော် #ယာဉ်တိုက်မှုဖြစ်
#YMG #Yangon-Media-Group

#Local_News
Published_ 8 May 2023

မွေးရာပါနှလုံးသွေးကြော ဘယ်နှင့်ညာမှားနေလို တစ်ပတ်ပဲအသက်ရှင်နိုင်ခြေရှိတဲ့ မိဘမဲ့ကလေးငယ်လေးကို အိန္ဒိယမှာ ခွဲစိတ်ကုသပေးခဲ့ရာအောင်မြင်စွာ ခွဲစိတ်ကုသနိုင်ခဲ့တယ်လို့ YGW ပရဟိတမိဘမဲ့ကျောင်းမှ သိရပါတယ်၊၊

#Local_News #မွေးရာပါနှလုံးသွေးကြောဘယ်နှင့်ညာမှားနေ #ခွဲစိတ်ကုသမှုအောင်မြင်
#YMG #Yangon_Media_Group

#Local_News
Published_ 8 May 2023

ပြင်ဦးလွင်မြို့ဓာတ်တော်ချိုင့်ရေတံခွန်တွင် မေလ ၇ ရက်နေ့ ညနေ ၄ နာရီလောက်က ဆယ်ကျော်သက် လူငယ်များ ရေဆင်းကူးကြရာမှ လူငယ်တစ်ယောက် ရေနစ်တစ်ဦးရေနစ်သေဆုံးခဲ့တယ်လို့ ပြင်ဦးလွင်အခမဲ့ လူမူကူညီရေးအသင်းမှတာဝန်ရှိတစ်ဦးက YMG ကိုပြောပါတယ်။

#Local_News #ဓာတ်တော်ချိုင့်ရေတံခွန် #လူငယ်ဦး ရေနစ်သေဆုံး
#YMG #Yangon_Media_Group

#Local_News
Published_ 8 May 2023

သဘာဝဘေးအန္တရာယ်ဖြစ်ပေါ်ပါက ပျက်စီးမှုများ မဖြစ်စေရန် တောင်သူများအား ကူညီရေးအတွက် မြန်မာနိုင်ငံ ဆန်စပါးအသင်းချုပ်က ကြိုတင်စီစဉ်နေတယ်လို့ သိရပါတယ်။

#Local_News #သဘာဝဘေးအန္တရာယ် #ဆန်စပါးအသင်းချုပ်
#YMG #Yangon_Media_Group