#Local_News
Published_ 21 May 2023
ညောင်နှစ်ပင်စိုက်ပျိုးမွေးမြူရေးဇုန်အတွင်း ခွင့်ပြုမြေများကို ပြည့်ပြည့်၀၀ အသုံးချရရန် နစက ဥက္ကဌက မေလ ၂၀ ရက်တွင် သွားရောက်ခဲ့သော ညောင်နှစ်ပင်စိုက်ပျိုးမွေးမြူရေးအထူးဇုန် ခရီးစဉ်အတွင်း ပြောကြားခဲ့သည်။
ဇုန်အတွင်း စိုက်ပျိုးမွေးမြူရေးဆောင်ရွက်ရန်အတွက် ခွင့်ပြုပေးထားသည့် မြေများကို ပြည့်ဝစွာစိုက်ပျိုးမွေးမြူရန်နှင့် စိုက်ပျိုးမွေးမြူရေးနှင့် မသက်ဆိုင်သည့်မြေအသုံးချမှုများမရှိစေရေး တာဝန်ရှိသူများက စနစ်တကျ ကြပ်မတ်ဆောင်ရွက်ရန် ယင်းက ပြောကြားခဲ့ခြင်း ဖြစ်သည်။
ပုဂ္ဂလိက စီးပွားရေးလုပ်ကိုင်သူများအနေဖြင့် နိုင်ငံတော်မှ ခွင့်ပြုပေးထားသည့်စိုက်ပျိုးမွေးမြူရေးမြေနေရာများပေါ်တွင် အမှန်တကယ် စိုက်ပျိုးမွေးမြူမှုများ ဆောင်ရွက်စေရေး စည်းကမ်းနှင့်အညီ ကြပ်မတ်ဆောင်ရွက်ရန်၊ စိုက်ပျိုးရေး မြေများကို အကျိုးရှိရှိအသုံးချရာတွင် မိရိုးဖလာစိုက်ပျိုးခြင်းထက် ခေတ်မီစိုက်ပျိုးရေးစနစ်များကို အသုံးချ၍ ကျစ်ကျစ်လစ်လစ်ဖြင့်ပြည့်ဝစွာ စိုက်ပျိုးထုတ်လုပ်နိုင်ရန်၊ နိုင်ငံတကာ စံချိန်စံညွှန်းများနှင့်အညီ စိုက်ပျိုးနိုင်မှသာရန်ကုန်တိုင်းဒေသကြီးအတွက်ဖူလုံနိုင်မည်ဖြစ်ကြောင်းလည်း ယင်းက ဆိုသည်။
ယင်းအပြင် ဇုန်အတွင်းရှိ ကုန်ထုတ်လမ်းများကိုလည်းစနစ်တကျရှိစေရေး ဆောင်ရွက်သွား ရန်၊ ရန်ကုန်တိုင်းဒေသကြီးအတွင်း မွေးမြူရေးတိရစ္ဆာန်အစာများကို ဒေသတွင်းမှထွက်ရှိသည့် စိုက်ပျိုးရေးထွက်ကုန်များဖြင့် လုံလောက်စွာထုတ်လုပ်နိုင်ရန်၊ ကြက်သားပေါက်များကိုလည်း ဒေသတွင်းလုံလောက်စွာထုတ်လုပ်နိုင်ရန်နှင့် စိုက်ပျိုးမွေးမြူရေးလုပ်ငန်းများကို ဆောင်ရွက်ရာတွင် နိုင်ငံတကာသတ်မှတ်စံချိန်စံညွှန်းများနှင့် အညီ ဆောင်ရွက်ရန်တို့ကိုလည်း ပြောကြားခဲ့ကြောင်း သိရသည်။
နစက ဥက္ကဋ္ဌ အနေဖြင့် ညောင်နှစ်ပင်စိုက်ပျိုးမွေးမြူရေးအထူးဇုန်အတွင်း ခေတ်မီမွေးမြူရေးစနစ်ဖြင့် မွေးမြူထားရှိသည့် ပုဂ္ဂလိက ဥစားကြက်မွေးမြူရေးခြံနှင့် တိုင်းဒေသကြီးအစိုးရအဖွဲ့အစီအစဉ်ဖြင့် မွေးမြူထားရှိသည့်ဆိတ်မွေးမြူရေးခြံနှင့် စိုက်ပျိုးခြံများကို သွားရောက်ကြည်ရှုစစ်ဆေးကာ ဟင်းသီးဟင်းရွက်လက်ကားဈေး၊ ဈေးရုံအမှတ်(၂)၌ ဒေသခံပြည်သူများ ဟင်းသီးဟင်းရွက်ရောင်းချနေမှုများကို ကြည်ရှုအားပေးခဲ့ကြောင်းသိရသည်။
ymg/pl
#YMG #Yangon_Media_Group
#Local_News
Published_ 21 May 2023
အားကောင်းသော ဆိုင်ကလုန်းမုန်တိုင်း(Severe Cyclonic Storm)"မိုခါ" (MOCHA)ဝင်ရောက်မှုကြောင့် သဘာဝဘေးဒဏ်ခံခဲ့ရသည့်ဒေသများ၌ စားရေရိက္ခာများ ပြတ်လပ်မှုမရှိစေရေးလုပ်ဆောင်ရန် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင် က ပြောသည်။
မေလ ၂၀ ရက် ပြုလုပ်သော သဘာဝဘေးဒဏ်သင့်ခဲ့ရသည့် ဒေသများ၌ ကူညီကယ်ဆယ်ရေးနှင့်ပြန် လည်ထူထောင်ရေးလုပ်ငန်းများ ပိုမိုထိရောက်မြန်ဆန်စွာ ဆောင်ရွက်နိုင်ရေး ညှိနှိုင်းအစည်းအဝေး အတွင်း ယင်းက အထက်ပါအတိုင်း ပြောကြားခဲ့ခြင်း ဖြစ်သည်။
နစက ဥက္ကဌက သဘာဝဘေးဒဏ်သင့်ခဲ့ရသည့် ဒေသများအနက် ရခိုင်ပြည်နယ်၊ စစ်တွေမြို့ နှင့်ရသေ့တောင်မြို့တို့တွင် ပျက်စီးမှုအများဆုံးဖြစ်ပြီး လူထိခိုက်မှုများလည်းရှိကြောင်း၊ ကူညီကယ်ဆယ်ရေးလုပ်ငန်းနှင့် ပြန်လည်ထူထောင်ရေးလုပ်ငန်းများ ဆောင်ရွက်ရာတွင် အဖွဲ့လိုက်ပြန့်ကျဲနေခြင်းမျိုး မဖြစ်စေရန်နှင့် အမှန်တကယ်လိုအပ်သည့်နေရာများ မကျန်ရှိစေရန် နေ့စဉ် ဆွေးနွေးပွဲပြုလုပ်၍ဆောင်ရွက်ကြရမည်ဖြစ်ကြောင်း ပြောသည်။
ထောက်ပံ့ရေးပစ္စည်းများ ပေးအပ်မှုများကိုလည်း စနစ်တကျဖြင့် မှတ်ပုံ တင်ကာ ဆောင်ရွက်ရန်၊ အဓိကလိုအပ်သည်မှာ သဘာဝဘေးဒဏ်ခံခဲ့ရသည့်ဒေသများ၌ စားရေရိက္ခာများ ပြတ်လပ်မှုမရှိစေရေးနှင့် ဆက်သွယ်မှု ပြတ်တောက်မှု မရှိစေရေး ကနဦး ဦးစားပေးဆောင်ရွက်ပေးရန်၊လမ်းပန်းဆက်သွယ်ရေး ယခင်အတိုင်း ဖြစ်စေရေးအတွက်လည်း လမ်းကြောင်းများ၌ ပိတ်ဆို့လျက်ရှိသည့် သစ်ပင်၊ သစ်ကိုင်းများကို စနစ်တကျဖယ်ရှားရှင်းလင်းရန်နှင့် ရှင်းလင်းရာမှ ရရှိလာသည် သစ်ပင်ကြီးများကို ပြန်လည်ထူထောင်ရေးလုပ်ငန်းများ၌ အသုံးပြုနိုင်ရေး စီမံဆောင်ရွက်သွားရန်လည်း ပြောကြားခဲ့သည်။
ယင်းအပြင် အရိပ်ရလေကာပင်များသည် မိမိတို့၏ ပတ်ဝန်းကျင်နှင့် လိုအပ်သည်ဖြစ်သော်လည်း လူနေအိမ်များအနီးနှင့် ဓာတ်တိုင်၊ ဓာတ်ကြိုးများနှင့် လွတ်ကင်းမှုမရှိသည့်သက်တမ်းရင့် သစ်ပင်ကြီးများကိုမူ ဘေးအန္တရာယ်မရှိစေရေး . ကြိုတင်ရှင်းလင်းထားရန်လိုအပ်မည်ဖြစ်ကြောင်း၊ သဘာဝဘေးအန္တရာယ်မှကာကွယ်ပေးနိုင်သည့် အုန်းပင်များနှင့် လမုပင်များကို ကမ်းစပ်တစ်လျှောက်နှင့် ကမ်းရိုးတန်းဒေသများအတွင်း အရေအတွက်များများ စိုက်ပျိုးထားရှိရန် ၊ သဘာဝဘေးဒဏ်သင့်ခဲ့ရသည့်ဒေသများ၌ သစ်ပင်ကြီးမျိုးများ ပြန်လည်စိုက်ပျိုးနိုင်ရေး နှစ်နှစ်နှင့် အထက်၊ နှစ်ပေအထက်အပင်များကို အရေအတွက်အများအပြား ပို့ဆောင်ပေးရန်၊ အုန်းပင်နှင့်လမုပင်များကိုလည်း မြို့ပတ်လည်နှင့် လေကြောင်းသင့်သည်နေရာများတွင် အဓိက ထားစိုက်ပျိုးသွားရန် ပြောကြားခဲ့သည်။
သဘာဝဘေးဒဏ်သင့်ဒေသများသို့ကူညီကယ်ဆယ်ရေးပစ္စည်းများနှင့် ပြန်လည်ထူထောင်ရေးပစ္စည်းများကို ပြည်တွင်း၊ ပြည်ပမှ ထောက်ပံ့ပေးအပ်လျက်ရှိပြီး မကြာမီတွင် ထပ်မံရောက်ရှိလာမည်ဖြစ်ကြောင်း၊ ထို့ကြောင့် သယ်ယူပို့ဆောင်ရေးလုပ်ငန်းများဆောင်ရွက်ရာတွင် ပိုမိုလျှင်မြန်စွာ ဆောင်ရွက်နိုင်ရေးအတွက်လေဆိပ်များတွင် Conveyor များ ထားရှိဆောင်ရွက်သွားရန်လိုကြောင်းလည်း ယင်းက ဆိုသည်။
ကျန်းမာရေး စောင့်ရှောက်မှု များဆောင်ရွက်ပေးလျက်ရှိသည့် နယ်လှည့်ဆေးကုသရေးအဖွဲ့များနှင့် အထူးဆေးကုသရေးအဖွဲ့များ အနေဖြင့်လည်း ကျန်းမာရေးစောင့်ရှောက်မှုလုပ်ငန်းကို အပြည့်အဝ ဆောင်ရွက်ပေးသွားရန်၊လိုအပ်သည့် ဆေးဝါးပစ္စည်းများကိုလည်း ဖြည့်တင်းဆောင်ရွက်ပေးသွားရန်၊ကူညီကယ်ဆယ်ရေးနှင့် ပြန်လည်တည်ဆောက်ရေးလုပ်ငန်းများကို မိုးမကျမီ အတွင်း လူအင်အား၊ စက်ယန္တရားအင်အားသုံး၍ လုပ်ငန်းတွင်ကျယ်မှုရှိအောင် ဆောင်ရွက်သွားရန်၊ ဆောက်လုပ်ရေးသုံး သစ်ခွဲသားများကို ပို့ဆောင်ပေးလျက်ရှိသကဲ့သို့ ဒေသတွင်း၌ လိုအပ်သည့် သစ်ခွဲသားများထုတ်လုပ်နိုင်ရန်လည်း နစက ဥက္ကဌက ပြောသည်။
အလားတူ သဘာဝဘေးအန္တရာယ် ခိုလှုံရာ Shelter များကိုလည်း ထပ်မံဆောက်လုပ်ပေးရန်၊သဘာဝဘေးအန္တရာယ်မကျရောက်မီ Shelter များ ဆောက်လုပ်ပြီးရွှေ့ပြောင်းပေးခဲ့ခြင်းကြောင့်လည်း ယခုကဲ့သို့ သေဆုံးမှုရာခိုင်နှုန်း နည်းပါးခဲ့ရခြင်းဖြစ်၍ ထပ်မံဆောက်လုပ်ရာတွင် ခိုလှုံရေး၊ ပညာသင်ကြားရေး စသောMultipurpose အသုံးပြုနိုင်သည့် Shelter များအထိ ရေရှည်စဉ်းစားဆောင်ရွက်သွားရန်လိုကြောင်း နစက ဥက္ကဌက ပြောကြားခဲ့ကြောင်း သိရသည်။
ymg/pl
#YMG #Yangon_Media_Group
#Local_News
Published_ 20 May 2023
မွန်ပြည်နယ်၊ မုဒုံမြို့တွင် နေစရာအခက် အခဲဖြစ်နေ၍ နေစရာနေရာပေးကာ အိမ်ပေါ်ခေါ်တင်ထားသူက အိမ်ရှင်ကိုပေါက်ချွန်း နှင့်ခုတ်ပြေးသွားကြောင်း
ဇီဝိတအလင်းဖောင်ဒေးရှင်းက သိရသည်။
မုဒုံမြို့၊ မြို့မ ၄ရပ်ကွက်၊ စိန်ချယ်(၁၅) လမ်းနေ အသက် ၃၄နှစ်အရွယ် ကို ထွန်းထွန်းဝင်းသည် လွန်ခဲ့သော ၁၀ရက် ခန့်က ဧရာဝတီတိုင်းကနေထိုင်ရန် အခက်အခဲဖြစ်နေသူအမျိုးသားကို မိမိအိမ်တွင် နေထိုင်ရန်ခေါ်တင်ထားစဉ် မေလ၁၉ရက် ညနေ ၅နာရီခန့်က အိမ်ရှင်အိပ်ပျော်နေခိုက် လည်ပင်းကို ပေါက်ချွန်းဖြင့် ခုတ်၍ထွက်ပြေးခဲ့ကြောင်း သိရသည်။
"လူနာကလည်ပင်းခုတ်ထွင်းပွင့်ထွက်ဒဏ်ရာရရှိခဲ့လို့ သွေးတွေထပ်မထွက်အောင် အပွင့်ဒဏ်ရာကိုပိတ်ပြီး ဆေးရုံကို ပို့ပေးခဲ့ရတယ်။အိမ်ရှင်ကို ပေါက်ချွန်းနဲ့ခုတ်တဲ့အမျိုးသားကတော့ ထွက်ပြေးသွားပါတယ်"ဟု ယင်းအသင်းက သိရသည်။
ပေါက် ချွန်းဖြင့်ခုတ္ခံရသူလူနာအမိုးသားကို မုဒုံမြို့ျပည်သူ့ဆေးရုံသို့ ဇီဝိတအလင်းဖောင်ဒေးရှင်းအရေးပေါ်ရေယာဉ်ဖြင့်ပို့ဆောင်ပေးခဲ့ပြီး ယင်းမှတစ်ဆင့် မော်လမြိုင်ပြည်သူ့ဆေးရုံသို့ ထပ်မံပို့ဆောင်ပေးခဲ့ရကြောင်း သိရသည်။
ကျန်ရှိသည့် ကိစ္စရပ်များကို သက်ဆိုင် ရာမှတာဝန်ယူဆောင်ရွက်လျက်ရှိကြောင်းလည်း သိရသည်။
#ymg/pl
#YMG #Yangon_Media_Group
#Local_News
Published_ 20 May 2023
မူဆယ် (၁၀၅) မိုင်ကုန်သွယ်ရေးဇုန်အနေဖြင့် ပို့ကုန်၊သွင်းကုန် ကုန်သွယ်မူတန်ဖိုး ၅၈ ဒဿမ ၇၄၃ သန်းကျော်ကုန်သွယ်နိုင်ခဲ့တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ထုတ်ပြန်ထားပါတယ်။
#Local_News #ကုန်သွယ်ရေးဇုန် #ကုန်သွယ်မှုပမာဏ #မူဆယ်(၁၀၅)မိုင်
#YMG #Yangon_Media_Group
#Local_News
Published_ 20 May 2023
တရုတ်နိုင်ငံဟာ မြန်မာနိုင်ငံဖွံဖြိုးတိုးတက်ရေးအတွက် စိုက်ပျိုးရေး၊ပညာရေး၊ကျန်းမာရေးစတဲ့စီမံကိန်းတွေကို ကူညီဆောင်ရွက်ပေးနေတယ်လို့ မြန်မာနိုင်ငံဆိုင်ရာတရုတ်သံရုံးမှသံမှူးကြီးကပြောပါတယ်၊၊
#Local_News #တရုတ်နိုင်ငံ # မြန်မာနိုင်ငံဖွံဖြိုးရေး #စီမံကိန်းများကူညီဆောင်ရွက်ပေး #ပြန်လည်ထူထောင်ရေးလုပ်ငန်းများ
#YMG #Yangon_Media_Group
#Health_Matters
Published_ 20 May 2023
- အန္တရာယ်ကင်းကင်းမီးဖွားနိုင်ရေးအတွက် ရပ်ရွာရဲ့အခန်းကဏ္ဍဘယ်လောက်အရေးပါသလဲ...??
#Health_Matters #အန္တရာယ်ကင်းကင်းမီးဖွားရေး #ရပ်ရွာကူညီပေး
#Dr.KML #YMG #Yangon_Media_Group
#Local_News
Published_ 20 May 2023
ဆန်စပါးလုပ်ကိုင်သူများအနေဖြင့် ဆန်အိတ် (၁ဝဝဝ)နှင့် စပါးတင်း(၅ဝဝဝ)အထက် သိုလှောင်ထားပါက မကြာခင်အချိန်မှာ မှတ်ပုံတင်သွားရမယ်လိုသိရပါတယ်။
#Local_News #ဆန်အိတ်(၁ဝဝဝ) #စပါးတင်း(၅ဝဝဝ) #သိုလှောင်ထားပါကမှတ်ပုံတင်ရမည်
#YMG #Yangon_Media_Group
Page 944 of 1899
