#World_Health
Published 18 March 2023

နေ့စဉ်ကော်ဖီသောက်သုံးခြင်းဖြင့် ကျန်းမာရေးအတွက် အကျိုးကျေးဇူးရရှိစေနိုင်ပါတယ်။

BMJ Medicine ဂျာနယ်မှာ ဖော်ပြထားချက်အရ ကော်ဖီပုံမှန်သောက်သုံးခြင်းဖြင့် ခန္ဓာကိုယ်တွင်းအဆီကို လျော့ကျစေပြီး ဆီးချိုရောဂါဖြစ်နိုင်ချေ နည်းပါးသွားပါတယ်။

ကဖင်းဓာတ်နဲ့ အခြားအကြောင်းအရာများကြောင့် ကော်ဖီသောက်သူတွေမှာ ဆီးချိုရောဂါဖြစ်ခြင်းမှ ဘေးကင်းနိုင်သလားဆိုတာကို သုတေသီတွေ လေ့လာချင်ခဲ့တာဖြစ်ပါတယ်။

လူပေါင်း ၁ သောင်းနီးပါးရဲ့ မျိုးရိုးဗီဇလက္ခဏာများကို လေ့လာကြရာ CYP1A2 နဲ့ AHR မျိုးရိုးဗီဇကွဲရှိသူတွေဟာ ကဖင်းဓာတ်ဖြိုခွဲရာမှာ နှေးကွေးနေတတ်ပြီး ကော်ဖီအနည်းငယ်သောက်ရုံမျှဖြင့် သူတို့ရဲ့သွေးထဲမှာ ကဖင်းဓာတ်များနေတတ်ပါတယ်။

ဒါ့အပြင် BMI ၊ အဆီထုထည် ၊ ဆီးချိုရောဂါဖြစ်နိုင်ချေတို့ လျော့နည်းနေပြီး ဒီအကြောင်းအရင်းက ကဖင်းဓာတ်ကြောင့်လို့ တွေ့ရှိရပါတယ်။

အချို့အထောက်အထားတွေအရ ကဖင်းဓာတ်ဟာ အဆီတွေလောင်ကျွမ်းစေပြီး ဗိုက်ပြည့်သလိုခံစားရစေကာ စားချင်စိတ်နည်းပါးစေတာကြောင့် ဆီးချိုဖြစ်နိုင်ချေလည်း နည်းပါးသွားတာဖြစ်ပါတယ်။

"ကဖင်းဓာတ်က လူတွေရဲ့ ဇီဝဖြစ်စဉ်တွေကို တိုးတက်စေနိုင်ဖွယ်ရှိပေမယ့် အပြင်သွားပြီး ကယ်လိုရီများတဲ့ ကော်ဖီမျိုးတွေကိုတော့ ‌မသောက်သင့်ပါဘူး" လို့ အင်ပီရီယယ်လန်ဒန်မှ ဒေါက်တာ'ဒီပန်ဒါဂီလ်'က ဖော်ပြသွားပါတယ်။

ကော်ဖီတစ်ခွက်မှာ ကဖင်းဓာတ် ၇၀ မှ ၁၅၀ မီလီဂရမ်ပါဝင်နိုင်ကာ တစ်နေ့ကို ကဖင်းဓာတ် ၁၀၀ မီလီဂရမ်ဖြင့် ၁၀၀ ကယ်လိုရီစာ အားအင်သုံးစွဲမှုကို တိုးတက်စေပါတယ်။

ဒါပေမယ့် ကော်ဖီမှာ ဒိုင်တာပင်းလို ဓာတုပစ္စည်းလည်းပါဝင်ပြီး လူတစ်ယောက်ရဲ့ဇီဝဖြစ်စဉ်ကို နှောင့်ယှက်နိုင်ပါတယ်။

ဒါ့အပြင် ကဖင်းဓာတ်များတဲ့သူတွေမှာ နှလုံးသွေးကြောရောဂါများ ဖြစ်နိုင်ချေနည်းပါးတာမျိုးလည်း မရှိပါဘူး။

အနာဂတ်မှာ ကြီးမားတဲ့စမ်းသပ်မှု အထောက်အထားတွေရလာရင် ဆီးချိုဖြစ်နိုင်ချေလျော့ကျဖို့အတွက် အက်စ်ပရက်ဆိုနဲ့ ကော်ဖီခါးခါးသောက်သုံးသင့်ကြောင်း အကြံပြုနိုင်ဖွယ်ရှိပါတယ်။

#Source: NY Post #World_Health #ဆီးချိုရောဂါ #အဝလွန်ခြင်း #YMG #Yangon_Media_Group

#Local_News
Published- 18 March 2023

မတ်လ ၁၇ ရက်နေ့ည ၉ နာရီခန့်က TOYOTA Belta(အနက်ရောင်)ကားသည် မောင်းနှင်လာစဉ် ဝါယာရှော့ခ်ဖြစ်၍ ရန်ကင်းမြို့နယ်၊အမှတ်(၁၄) ရပ်ကွက်၊ ကျောက်ကုန်းလမ်းအရောက် မီးလောင်မှုဖြစ်ပွါးခဲ့ကြောင်း သိရသည်။

ဝါယာရှော့ခ်ဖြစ်ပြီး မီးလောင်သွာခြင်းဖြစ်ကြောင်း၊ မီးလောင်တဲ့သတင်းကြားချိန်မှာသွားပြီးငြှိမ်းတဲ့အခါ ကားမောင်းတဲ့လူတစ်ယောက်ကိုပဲတွေ့ရပြီး ထိခိုက်ဒါဏ်ရာမရဘူးဟု မေတ္တာအလင်းလူမှုကူညီရေးအသင်း၏ တာဝန်ရှိသူတစ်ဦးက ပြောသည်။

ရန်ကင်းမြို့နယ်မီးသတ်စခန်းမှ တပ်ဖွဲ့ဝင်များနှင့်မေတ္တာအလင်းလူမှုကူညီရေးအသင်းတို့မှ ဝိုင်းဝန်းငြှိမ်းသတ်ခဲ့ကြသဖြင့် ည ၉ နာရီ ၅၂ မိနစ်တွင် မီးငြှိမ်းသွားခဲ့ကြောင်း သိရသည်။

ဝါယာရှော့ခ်ကြောင့် ကား၏ ၉၀ ရာခိုင်နှုန်းကျော် မီးလောင်ပျက်စီးသွားပြီး သက်ဆိုင်ရာအကူအညီနဲ့ မီးလောင်သွားသည်ကားကိုဖယ်ရှားပေးလိုက်ကြောင်း သိရသည်။

#ymg/ppk #Local_News #ရန်ကင်း #ကားမီးလောင် #YMG
#Yangon_Media_Group

#World_Health
Published 18 March 2023

လူတွေဟာ ချမ်းအေးတဲ့ရာသီမှာ အိပ်ချိန်ပိုမိုလိုအပ်နိုင်တယ်လို့ သုတေသနအသစ်မှာ တွေ့ရှိထားပါတယ်။

အိပ်စက်ခြင်းစမ်းသပ်မှုမှာ ပါဝင်ခဲ့တဲ့ လူတွေကိုခွဲခြမ်းစိတ်ဖြာကြည့်ရာမှာ ဆောင်းရာသီလတွေမှာ REM အိပ်စက်ခြင်းပုံစံ ပိုကြာကြောင်းတွေ့ရှိခဲ့ပါတယ်။

ဆောင်းရာသီအတွင်း စုစုပေါင်းအိပ်ချိန်က နွေရာသီထက် တစ်နာရီခန့်ပိုကြာတတ်ပါတယ်။

ကိုယ်တွင်းဇီဝလည်ပတ်ခြင်းနဲ့ တိုက်ရိုက်ဆက်စပ်နေတဲ့ REM အိပ်စက်ခြင်းအဆင့်က ဆောင်းရာသီမှာ မိနစ်ခန့် ပိုမိုကြာမြင့်လာပါတယ်။

ဆူညံသံတွေကြောင့် အိပ်စက်ခြင်းကိုထိခိုက်လေ့ရှိတဲ့ မြို့ပြနေသူတွေမှာတောင် REM အိပ်စက်ခြင်းအဆင့်က ဆောင်းရာသီမှာ ပိုကြာလေ့ရှိပါတယ်။

စမ်းသပ်ခံမယ့်သူ ၁၈၈ ယောက်ဖြင့် အိပ်စက်မှုကြာချိန်နဲ့ အိပ်ရေးဝ/မဝအခြေအနေတွေကို တိုင်းတာခဲ့ကြရာ ဆောင်းရာသီမှာ စုစုပေါင်းအိပ်ချိန် ၁ နာရီပိုများလာခဲ့ပါတယ်။

အဲဒီမှာမှ အိပ်စက်ခြင်းမှာ စတုတ္ထအဆင့် အိပ်မက်မက်တဲ့အဆင့်ဖြစ်တဲ့ REM က မိနစ် ၃၀ ပိုများနေတာကို တွေ့ခဲ့ကြပါတယ်။

နွေရာသီဖြစ်ဖြစ် ဆောင်းရာသီဖြစ်ဖြစ် ခန္ဓာကိုယ်လုပ်ဆောင်ချက်ချင်းတူပေမယ့် ဇီဝကမ္မဖြစ်စဉ်တွေကတော့ ထိန်းညှိဆောင်ရွက်သွားပါတယ်။

ရာသီအလိုက် လိုအပ်တဲ့အိပ်ချိန်ကိုလိုက်ပြီး ကျောင်းနဲ့လုပ်ငန်းခွင်အချိန်ဇယားများကို ညှိနှိုင်းလုပ်ဆောင်ပေးဖို့ ဂျာမနီနိုင်ငံ စိန့်ဟက်ဒ်ဝစ်ဆေးရုံမှ ဒေါက်တာ'ဒီတာကွန်းဇ်'က အကြံပြုသွားပါတယ်။

အိပ်စက်ရာမှာ အခက်အခဲမရှိတဲ့ လူတွေမှာ ဒီရလဒ်တွေကို အတည်ပြုစစ်ဆေးဖို့ လိုအပ်သလို ရာသီအလိုက်ပြောင်းလဲမှုများက ကျန်းမာတဲ့လူတွေမှာ ပိုဖြစ်တတ်ကြောင်း သုတေသီများဆိုလိုက်ပါတယ်။

Source: The Jerusalem Post #World_Health ပိုမိုအိပ်စက် #ဆောင်းရာသီ #YMG #Yangon_Media_Group

Published 17 March 2023

လုံးခင်း/ဖားကန့် ရတနာနယ်မြေ၊ မက်လင်ချောင် အကျိုးတူ (၂)မှထွက်ရှိသည့် ၃၅ တန်ရှိကျောက်စိမ်းတုံးကြီးကို ယနေ့ မတ်လ ၁၇ ရက်တွင် စတင်ပြသသည့် ၂၀၂၃ ခုနှစ်၊ (၅၈)ကြိမ်မြောက် မြန်မာ့ကျောက်မျက်ရတနာပြပွဲ တွင် ခင်းကျင်းပြသထားကြောင်း သိရှိရပါတယ်။

နေပြည်တော်ရှိ မဏိရတနာကျောက်စိမ်းခန်းမတွင် ယနေ့စတင်ကျင်းပတဲ့ အဆိုပါ မြန်မာ့ကျောက်မျက်ရတနာပြပွဲဖွင့်ပွဲ အခမ်းအနားသို့ နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချူပ်မှူးကြီးမင်းအောင်လှိုင်တက်ရောက်ဖွင့်လှစ်ပေးခဲ့တယ်လို့ နစက,က သတင်းထုတ်ပြန်ပါတယ်။

ယခုပြပွဲတွင် ပုလဲအတွဲပေါင်း ၂၉၅ တွဲ၊ ကျောက်မျက်အတွဲပေါင်း ၁၂၀ နှင့် ကျောက်စိမ်းအတွဲပေါင်း ၂၁၅၀ တို့ကို ပြည်တွင်းပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့် စည်းမျည်းစည်းကမ်း သတ်မှတ်ချက်များနှင့်အညီ ရောင်းချပေးသွားမည်ဖြစ်ပါတယ်။

ဗိုလ်ချုပ်မှူးကြီးမင်းအောင်လှုင်ဟာ မဏိရတနာကျောက်စိမ်းခန်းမအတွင်းပြသထားသော ကျောက်စိမ်း၊ ကျောက်မျက်အတွဲများနှင့် ပုလဲအတွဲများကို လိုက်လံကြည့်ရှု စစ်ဆေးပြီးနောက်  တာဝန်ရှိသူများ၏ ရှင်းလင်းတင်ပြမှုအပေါ် လိုအပ်တာတွေလမ်းညွှန်မှာကြားခဲ့တယ်လို့လည်းသတင်းထုတ်ပြန်ချက်အရသိရပါတယ်။

ကျောက်မျက်ရတနာတွေကို ရောင်းချသွားရာ၌ ပုလဲအတွဲများ ရောင်းချရာတွင် ကြမ်းခင်းဈေးကို အမေရိကန်ဒေါ်လာဖြင့် သတ်မှတ်ထားရှိပြီး ပြည်ပရတနာကုန်သည်များက အမေရိကန် ဒေါ်လာ၊ ယူရို၊ ယွမ်ငွေ၊ ထိုင်းဘတ်ငွေတို့ဖြင့်လည်းကောင်း၊ ပြည်တွင်းရတနာကုန်သည်များက ဈေးကွက်ပေါက်ဈေးနှင့် ညီမျှသောမြန်မာကျပ်ငွေဖြင့် လည်းကောင်း ပေးချေသွားရမယ်လို့ သတင်းထုတ်ပြန်ထားပါတယ်။

နိုင်ငံခြားငွေဖြင့်သာပေးချေရမည့် ကျောက်စိမ်းအတွဲများအတွက် ပြည်တွင်း၊ ပြည်ပရတနာကုန်သည် များကအမေရိကန်ဒေါ်လာ၊ ယူရို၊ ယွမ်ငွေ၊ ထိုင်းဘတ်ငွေ တို့ဖြင့် လည်းကောင်းပေးချေကြရမယ်လို့ သိရှိရပါတယ်။

နိုင်ငံခြားငွေ(သို့မဟုတ်)မြန်မာကျပ်ငွေဖြင့် ပေးချေရမည့် ကျောက်စိမ်းအတွဲများအတွက်  ပြည်တွင်းရတနာကုန်သည်များအနေဖြင့် ယူရိုငွေနှင့်ညီမျှသော မြန်မာကျပ်ငွေဖြင့်လည်းကောင်း၊ ပြည်ပရတနာကုန်သည်များအနေဖြင့် ယူရို(သို့မဟုတ်)ယူရိုငွေနှင့်ညီမျှသော အမေရိကန်ဒေါ်လာ (သို့မဟုတ်) ယွမ်ငွေ(သို့မဟုတ်) ထိုင်းဘတ်ငွေတို့ ဖြင့်လည်းကောင်းပေးချေရမည်ဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

Ymg/knl

#(၅၈)ကြိမ်မြောက် မြန်မာ့ကျောက်မျက်ရတနာပြပွဲ

#YangonMediaGroup

#Local_News
Published_ 17 March 2023

ရန်ကုန်တိုင်းမှာ အခုနှစ်ဇန်နဝါရီလ (၁)ရက်မှ မတ်လ (၁၆)ရက်အထိ မီးလောင်ကျွမ်းမှု(၆၉)ကြိမ်ဖြစ်ပွားခဲ့ပြီး မီးလောင်ကျွမ်းမှုကြောင့်လူ(၇)ဦး သေဆုံးကာ(၃၃)ဦး ဒဏ်ရာရရှိခဲ့တယ်လို့ မြန်မာနိုင်ငံ မီးသတ်ဌာနချုပ်မှ သိရပါတယ်၊၊

#Local_News #မီးလောင်ကျွမ်းမှု #လူ(၂၈)ဦးသေဆုံး
#YMG #Yangon_Media_Group

#Asia_Automobile
Published 16 March 2023

တရုတ်အလယ်ပိုင်း ဟူဘေပြည်နယ်ရှိ ဒေါင်ဖန်မော်တော်ယာဉ်ထုတ်လုပ်ရေးကုမ္ပဏီဟာ သူတိုရဲ့ကားမော်ဒယ်လ်အချိုကို ဈေးနှုန်း ၄၀ ရာခိုင်နှုန်းကျော်အထိလျှော့ချကာ ဝယ်ယူသူများ ကားအသစ်ဝယ်ချင်အောင် ဆွဲဆောင်နေပါတယ်။

#Asia_Automobile #ဒေါင်ဖန် #လျှော့ဈေး(၄၀)ရာခိုင်နှုန်း
#YMG #Yangon_Media_Group

#Local_News
Published_ 17 March 2023

သင်္ကြန်ကာလတွေမှာ အိမ်ခြံမြေအရောင်းအဝယ်အေးမှာဖြစ်သလို ပိတ်ရက်တွေကြောင့် ရုံးကိစ္စ၊ ပါမစ်ကိစ္စ၊ ဂရမ်ကိစ္စတွေလည်းဆောင်ရွက်နိုင်ဦးမှာ မဟုတ်ဘူးလို့ အိမ်ခြံမြေအကျိုးတော်ဆောင်လုပ်ငန်းလုပ်ကိုင်နေသူတွေထံမှ သိရပါတယ်၊၊

#Local_News #အိမ်ခြံမြေ #အရောင်းအဝယ်အေး
#YMG #Yangon_Media_Group

#Local_News
Published_ 17 March 2023

မတ်လ ၁၇ရက်နေ့မနက်ပိုင်းမှာ ၂၈ သိန်း ၉ သောင်းနီးပါးအထိပေါက်ဈေးရှိနေပါတယ်။ ကမ္ဘာ့ရွှေဈေးဟာလည်းတစ်အောင်စကို ၁၉၁၇ ဒေါ်လာနဲ့ ဈေးဖွင့်လာတယ်လို့ ပြည်တွင်းရွှေလုပ်ငန်းရှင်တွေကပြောပါတယ်။

#Local_News #ပြင်ပရွှေပေါက်ဈေး #အရောင်းအဝယ်မရှိ
#YMG #Yangon_Media_Group

#Local_News
Published_ 17 March 2023

သင်္ကြန်ကာလမှာ မန္တလေးမှာရှိတဲ့ပင်းယ၊ အင်းဝယဉ်ကျေးဇုန်၊ ပုဂံယဉ်ကျေးမှုဇုန်၊ မြောက်ဦးယဉ်ကျေးမှုဇုန်တွေ ဖွင့်လှစ်ထားမှာဖြစ်တယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ သိရပါတယ်၊၊

#Local_News #မန္တလေး #ပုဂံနှင့်မြောက်ဦး #ပျူမြို့ဟောင်း
#YMG #Yangon_Media_Group

#DailyNews
Published_ 17 March 2023

၁။ သင်္ကြန်ကာလမန္တလေး၊ ပုဂံနှင့်မြောက်ဦးယဉ်ကျေးဇုန်များ၊ ပျူမြို့ဟောင်းများဖွင့်လှစ်ထားမည်၊ ပြတိုက်များပိတ်မည်

၂။ ပြင်ပရွှေပေါက်ဈေး ၂၈ သိန်း ၉ သောင်းနီးပါး ပေါက်ဈေးရှိနေပြီး အရောင်းအဝယ်မရှိ

၃။ သင်္ကြန်ကာလအိမ်ခြံမြေအရောင်းအဝယ်အေးမည်၊ သင်္ကြန်ပြီးမှအရောင်းအဝယ်ပြန်ဖြစ်မည်ဟုဆို

၄။ ဒေါင်ဖန်မော်တော်ယာဉ်ထုတ်လုပ်ရေးမှ ကားမော်ဒယ်လ်အချို့ကို လျှော့ဈေး(၄၀)ရာခိုင်နှုန်းကျော်လျှော့ချပြီး ဆွဲဆောင်မှုများလုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 17 March 2023

ရန်ကုန်မြို့မှာ လတ်တလောဖြစ်ပေါ်ခဲ့တဲ့ လုယက်မှုခင်းတချို့ကြောင့်တက္ကစီအငှါးယာဉ်မောင်းနဲ့ခရီးသည်တွေအကြားမှာ လုံခြုံရေးအာမခံချက်မရှိသလို ဖြစ်နေတယ်လို့ တက္ကစီယာဉ်မောင်းတချို့က ပြောပါတယ်။

#Local_News #ဒုစရိုက်မှု #ခရီးသည်နှင့်ယာဉ်မောင်း #ယုံကြည်မှုပျက်ပြား #YMG #Yangon_Media_Group

#Local_News
Published-17 March 2023

ကိုရီးယားသမ္မတနိုင်ငံရှိ ကိုရီးယားသမ္မတနိုင်ငံရှိ သင်္ဘောတည်ဆောက်ရေးလုပ်ငန်းများတွင် ကျွမ်းကျင်ဂဟေ လုပ်သားများအဖြစ် E-7-3 ဗီဇာဖြင့် မြန်မာဂဟေလုပ်သား ၃၃ဦးကို ဒုတိယအကြိမ်အဖြစ် မတ်လ ၁၇ ရက်တွင် ထပ်မံစေလွှတ်ခဲ့ကြောင်း ဆိုလ်းမြို့ မြန်မာသံရုံးက သိရသည်။

ယခုအကြိမ်စေလွှတ်ခဲ့ခြင်းမှာ ဒုတိယမြောက်အကြိမ်ဖြစ်ပြီး Samsung Heavy Industries တွင် လုပ်ကိုင်မည့် မြန်မာဂဟေလုပ်သားများရောက်ရှိခဲ့ရာတွင် မြန်မာသံရုံး၊ ဆိုးလ်မြို့မှ အလုပ်သမားသံအရာရှိမှ ကြိုဆို၍လိုအပ်သည်များ ပံ့ပိုးကူညီဆောင်ရွက်ပေးခဲ့ကြောင်း သိရသည်။

မတ်လ ၁၂ ရက်ကလည်း မြန်မာအလုပ်သမားများအား ကျွမ်းကျင်ဂဟေလုပ်သားများအဖြစ် E-7-3 ဗီဇာဖြင့် Samsung Heavy Industries တွင် လုပ်ကိုင်မည့် မြန်မာဂဟေလုပ်သား ၁၇ဦးကို စေလွှတ်ခဲ့ကြောင်း သိရသည်။

#ymg/mt #Local_News #ဂဟေလုပ်သား #ကိုးရီးယား #ထပ်မံစေလွှတ် #YMG #Yangon-Media-Group