Published 17 July 2022

ချမ်းသာဖေဖေ ဆင်းရဲဖေဖေ Rich Dad Poor Dad စာအုပ်ရေးသားတဲ့ စာရေးဆရာ ရောဘတ်ကီယိုဆာကီက ဘစ်ကွိုင်ဟာ တန်ဖိုး သုညပဲရှိတယ်လို့ ပြောလိုက်ပါတယ်။ ပြီးတော့  ငွေစက္ကူအစား ရွှေနှင့်ငွေကိုပဲ စုဆောင်းဖို့ ဆွယ်တရားဟောပါတယ်။ ပြီးတော့ ငွေကြေးဖောင်းပွမှုကြီးက လူတွေကို သုတ်သင်ဖယ်ရှားပစ်မှာကိုလည်း သတိပေးလိုက်ပါတယ်။ သူ့ရဲ့ ရေဒီယို  အစီအစဉ်  ကနေ သူပြောသမျှထဲက မှတ်သားဖွယ်ရာ ပြောစကား (၁၀)ခုကို အောက်မှာဖော်ပြအပ်ပါတယ်။

အောက်မှာဖော်ပြထားတာတွေက ကီယိုဆာကီရဲ့ အကောင်းဆုံးပြောစကား(၁၀)ခုဖြစ်ပါတယ်။ အတိုအရှည်နှင့် ရှင်းလင်းမှု အတွက် အနည်းငယ်တည်းဖြတ်ထားပါတယ်။

၁။ ကျွန်တော် ဘစ်ကွိုင် အရောင်းအဝယ်လုပ်တယ်။ ဒါပေမယ့် သူ့မှာ တန်ဖိုးရှိတယ်လို့ ကျွန်တော်မထင်ဘူး။ ကျွန်တော် ကစားပွဲတစ်ခုကစားတာလောက်ပဲရှိတယ်။ (မေ-၁၁)

၂။ ငွေစုသူတွေဟာ ဆုံးရှုံးသူတွေပဲ။ သူတို့က ငွေစက္ကူတွေရိုက်နှိပ်နေတဲ့အချိန် ခင်ဗျား ဘာဖြစ်လို့ ဒေါ်လာတွေစုနေရမှာလဲ။ ကျွန်တော့်အတွက် အဲဒါက အဓိပ္ပါယ်ကိုမရှိဘူး  (မေ-၂၂)

၃။ အမေရိကန်ဒေါ်လာဟာ အတုအယောင်ကြီးပါ။ ဘာမှတန်ဖိုးမရှိဘူး။ အဲဒါကြောင့် ကျွန်တော်က ရွှေနှင့်ငွေကို ပိုင်ဆိုင်ထားတာဖြစ်တယ်။လက်ဆုပ်လက်ကိုင်ပြလို့ရတာတစ်ခုခုကိုပဲ ကျွန်တော်ပိုင်ဆိုင်ချင်တယ်။ ရေနံပိုင်ချင်ပိုင်မယ်။ ဓာတ်မြေဩဇာ ပိုင်ချင်ပိုင်မယ်။ ဘာဖြစ်လို့လဲဆိုတော့ အဲဒါတွေက တစ်ခုခုလုပ်ပေးနေလို့ပဲဖြစ်တယ်။ (မေ-၁၁)

၄။ ကျွန်တော်က ကိုးနှစ်သား ချာတိတ်အရွယ်ကတည်းက ပိုက်ဆံအကြောင်း လေ့လာခဲ့တာ။ ပိုက်ဆံကို ထိန်းချုပ်နေတဲ့ သူတွေဟာ အစိုးရတွေ၊အာဏာရှင်တွေနှင့် သက်ဦးဆုံပိုင်တွေလောက်ပဲဖြစ်တယ်။ ဖက်ဒရယ်အရန်ငွေကြေးဘဏ်နှင့် အမေရိကန်ဘဏ္ဍာရေးဌာနလေ။ ကျွန်တော့်မှာ ရွှေတွေ၊ငွေတွေနှင့် ဘစ်ကွိုင်တွေရှိနေရတဲ့ အကြောင်းရင်းတွေထဲက တစ်ခုက ကျွန်တော်အစိုးရကို မယုံလို့။ ကျွန်တော်ဖက်ဒရယ်အရန်ငွေကြေးဘဏ်ကိုမယုံလို့။ ကျွန်တော်အမေရိကန် ဘဏ္ဍာရေးဌာန ကိုမယုံလို့ပဲ။ (မေ-၁၁)

၅။ ရွှေဒင်္ဂါးပြားတွေနောက်မှာ ဘယ်သူမှမရှိဘူး။ ဘာနိုင်ငံရေးမှမရှိဘူး။ ဘာလှည့်ဖျားမှုမှမရှိဘူး (မေ-၁၁)

၆။ အန္တရာယ်ရှိတဲ့အရာတွေကြောင့် လူတွေ သုတ်သင်ဖယ်ရှားပစ်ခံနေရပြီ။ ငွေကြေးဖောင်းပွမှုက လူတွေကိုသတ်နေတယ်။ စားနပ် ရိက္ခာနှင့် လောင်စာဆီ..၊ အဲဒါတွေကို ကျွန်တော်ကြောက်တယ်။ (ဇွန်-၁၅)

၇။ ခင်ဗျားဟာ တကယ့်ကို မိုက်မဲသူတစ်ဦးဖြစ်နိုင်တယ်။ ခင်ဗျားရဲ့ ပိုက်ဆံတွေကို  အက်ပဲလ်ထဲ ထည့်ထားတယ်။ ပြီးတော့ ခင်ဗျားတကယ်ချမ်းသာလာတယ်။ ဒါမှမဟုတ် ဘစ်ကွိုင်။ ပြီးတော့ “ အလိုဘုရားသခင်။ ကျွန်တော်ချမ်းသာနေပါလား။ ကျွန်တော်စမတ်ကျလှပါလားပေါ့။ အဲဒီနောက် ဈေးကွက်က ဆက်တိုက်ကျဆင်းလာရော။ ခင်ဗျားအတော်မိုက်မဲလှပါလား။ (ဇွန်-၂၂)

၈။ အမြဲဒါကိုသတိရပါ။ နွားသိုးဟာ လှေကားတွေပေါ်တက်တယ်။ဝက်ဝံကတော့ ပြတင်းကနေ ထွက်လာတယ်။ ဝက်ဝံက ခုန်တော့မယ်လို့ ကျွန်တော်ထင်တယ်။( ဆိုလိုသည်မှာ နွားသိုးဈေးကွက်တွေ bull markets က ဖြည်းဖြည်းချင်း တက်  လာနေပြီး ဝက်ဝံ ဈေးကွက်တွေ bear markets က ရုတ်တရက် တိုက်ခိုက်တယ်လို့ပြောချင်တာ- )  ( ဇွန်-၁၅)( bull markets သည် ဘဏ္ဍာရေးဈေးကွက်ကို ရည်ညွှန်းပြီး bear markets သည် စတော့ဈေးကွက်ကို ရည်ညွှန်းပါတယ်)

၉။ မျက်နှာပြင်ပေါ်မှာ အခွင့်အလမ်းတွေ ပိုပြီး ပေါလောမျောပါနေတော့မှာဖြစ်သလို ခန္ဓာကိုယ်တွေကလည်း ပေါလောမျော နေတော့မှာဖြစ်တယ်၊( စီးပွားရေးကျဆင်းမှုကာလအတွင်းမှာ ဈေးဆစ်တာတွေ ပေါ်ထွန်းလာမှာဖြစ်သလို လုပ်ငန်းတွေလည်း လဲကျတော့မှာကို ကီယိုဆာကီက ဆိုလိုခြင်းဖြစ်ပါတယ်) ( ဇွန်-၂၂)

၁၀။ လူတွေက ငါးရာခိုင်နှုန်းအတွက် ငိုကြွေးတိုင်တန်းနေကြတယ်။ ဒါတွေအားလုံးကို ခင်ဗျားခေါင်းထဲက နားလည်လိုက်တာနှင့်  ခင်ဗျားဦးနှောက်ထဲမှာ  ဒိုင်ခွက်ကို ချိန်ညှိနိုင်လိမ့်မယ်။ ခင်ဗျားဟာ မတူညီတဲ့ ကမ္ဘာတစ်ခုကို မြင်တွေ့သွားလိမ့်မယ်။  ဒီကနေ့မှာ အခွင့်အလမ်းတွေပိုရှိသွားလိမ့်မယ်။ ( လက်ရှိ ဖြစ်နိုင်ချေ အတိုးနှုန်း၅ရာခိုင်နှုန်းအပေါ် ရင်းနှီးမြှပ်နှံသူများက ထိတ်ထိတ်ပျာပျာဖြစ်နေကြခြင်းကို ရည်ညွှန်းခြင်းဖြစ်ပါတယ်။ သူတို့အနေနှင့် လျှော့ဈေးနှင့်ရတဲ့ ပိုင်ဆိုင်မှုတွေ ပေါ်ထွန်းလာမှာကို စိတ်လှုပ်ရှားလာနိုင်တယ်ဟု သူကပြောခြင်းဖြစ်ပါတယ်) ( ဇွန် -၁၅)

#Source_Insider

#Robert_Kiyosaki

#The_Rich_Dad_Radio_Show

#World_Economy

Published 16 July 2022

Meta ပလက်ဖောင်း ဖေ့စ်ဘုတ်ခ်ဟာ အသုံးပြုသူတွေ ပို့စ်တင်တာနှင့် sharing လုပ်တာတွေကို အားပေးတဲ့အနေနှင့် အသုံးပြုသူတွေကို ပရိုဖိုင်းပေါင်းစုံ ဖန်တီးခွင့်ကို စတင်ခွင့်ပြနေပြီလို့ ကြေညာပါတယ်။

စမ်းသပ်တဲ့အနေနှင့် အချို့သော ဖေ့စ်ဘုတ်ခ်အသုံးပြုသူတွေဟာ နောက်ထပ် ပရိုဖိုင်းလေးခုအထိ ထပ်ဖန်တီးခွင့်ရရှိတော့မှာ ဖြစ်ပါတယ်။ အဲဒီထပ်ဖွင့်လို့ရမယ့် ပရိုဖိုင်းတွေမှာလည်း အသုံးပြုသူရဲ့ နာမည်ရင်း သို့မဟုတ် သက်သေခံမှု မလိုအပ်တော့ဘူး လို့ဆိုပါတယ်။ဥပမာအားဖြင့် အသုံးပြုသူတွေဟာ တစ်ခုကို သူငယ်ချင်းတွေအတွက်၊ နောက်တစ်ခုကို လုပ်ဖော်ကိုင်ဖက်တွေ အတွက် စသဖြင့် တစ်ခုချင်းစီဟာ သီးခြား ပို့စ်တွေနှင့် တင်လို့ရမှာဖြစ်ပါတယ်။ ဒါပေမယ့် ပရိုဖိုင်းတစ်ခုမှာ အခြားပို့စ်တစ်ခုခုကို comment သို့မဟုတ် like ပဲ ပေးနိုင်မှာလို့ ဖေ့စ်ဘုတ်ကပြောပါတယ်။

Meta ဟာ ယင်းရဲ့ ကမ္ဘာ့အကြီးဆုံး ဆိုရှယ်ကွန်ယက်အပေါ်မှာ ဆက်စပ်ဆောင်ရွက်မှုတွေ တိုးမြှင့်လုပ်ဆောင်ကြဖို့ ကြိုးစား လုပ်ဆောင်နေတာဖြစ်ပါတယ်။ ဖေ့စ်ဘုတ်ခ်အသုံးပြုမှုတွေဟာ အထူးသဖြင့် လူငယ်လူရွယ်တွေအကြား နှေးကွေးလာတဲ့ အတွက် ယခုလိုဆောင်ရွက်တာလို့ဆိုပါတယ်။

နောက်ထပ်တိုးဖွင့်တဲ့ ပရိုဖိုင်းတွေဟာ ဖေ့စ်ဘုတ်ခ်ရဲ့ ပို့စ်တွေအပေါ် မူဝါဒတွေကိုတော့ လိုက်နာဖို့လိုအပ်မှာဖြစ်ပါတယ်။ အဲဒီအပြင် အဲဒီပရိုဖိုင်းအသစ်တွေဟာ အသုံးပြုသူရဲ့ ပင်ရင်း account အကောင့် နှင့်ချိတ်ဆွဲထားမှာဖြစ်ပြီး ပရိုဖိုင်းတစ်ခုက မူဝါဒတွေချိုးဖောက်မိတာနှင့် အခြားပရိုဖိုင်းတွေပါ ထိခိုက်စေမှာ ဖြစ်တယ်လို့ ကုမ္ပဏီကပြောပါတယ်။

ပရိုဖိုင်းမျိုးစုံကြောင့် အသုံးပြုသူတွေအနေနှင့် သူတို့ရဲ့ မတူခြားနားတဲ့ စိတ်ဝင်စားမှုတွေအပေါ်မူတည်ပြီး သီးခြားပုံစံတွေ ခွဲထုတ်နိုင်လိမ့်မယ်လို့ ဖေ့စ်ဘုတ်က ယုံကြည်နေပါတယ်။ ဆိုလိုတာက ဂိမ်းစကားတာ၊ခရီးထွက်တာ ဒါမှမဟုတ် အစားအသောက်စသဖြင့် ဖြစ်တယ်လို့ ဖေ့စ်ဘုတ်ခ်ရဲ့ပြောရေးဆိုခွင့်ရှိသူကပြောပါတယ်။

ယခုစမ်းသပ်မှုကို အမေရိကန်နိုင်ငံနှင့် အခြားနိုင်ငံအနည်းငယ် က အချို့သော အသုံးပြုသူတွေနှင့် လုပ်ဆောင်နေတာ ဖြစ်တယ်လို့ သိရပါတယ်။

Source Bloomberg

#Facebook_Users_will_havr_5 Profiles

#Facebook_New_Change

#Facebook_announcement

Published_ 13 July 2022

နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ဟာ  Republic of the Tatastan သမ္မတနှင့် သမ္မတရုံးရှိ ဧည့်ခန်းမဆောင်၌ တွေ့ဆုံပြီး ရေနံနှင့်သဘာဝဓာတ်ငွေ့ ထုတ်လုပ်ခြင်း၊ စက်ရုံ၊ အလုပ်ရုံများ တည်ဆောက်ခြင်း၊ စက်ပစ္စည်းများတပ်ဆင်ထိန်းသိမ်းခြင်းတို့ကို ပူးပေါင်း ဆောင်ရွက်နိုင်မည့် အခြေအနေတွေကို  ဆွေးနွေးခဲ့ကြတယ်လို့ သတင်းထုတ်ပြန်ချက်အရသိရပါတယ်။

 ဗိုလ်ချုပ်မှူးကြီး မင်းအောင်လှိုင်သည် Republic of the Tatarstanနိုင်ငံကို ရောက်ရှိနေပြီး   Republic of the Tatarstan သမ္မတ Mr. Rustam Nurgaliyevich Minnikhanov နှင့် သမ္မတရုံးခန်း၌ သီးသန့်တွေ့ဆုံဆွေးနွေးခဲ့ကြတာဖြစ်ပါတယ်။

ဆွေးနွေးပွဲမှာ ရုရှား-မြန်မာ သံတမန်ဆက်ဆံရေးနှင့် ချစ်ကြည်ရင်းနှီးမှုပိုမို တိုးတက်ရေး ဆိုင်ရာများ၊ Republic of the Tatarstan သမ္မတ အနေဖြင့် မြန်မာနိုင်ငံသို့ ယခုနှစ် ဧပြီလတွင် ရောက်ရှိခဲ့ပြီး စီးပွားရေးဆိုင်ရာများတွင် ပူးပေါင်း ဆောင်ရွက်နိုင်ရေး ဆွေးနွေး ဆောင်ရွက်ခဲ့သည့် အခြေအနေများ၊ နှစ်ဦးနှစ်ဖက် ဆက်ဆံမှုတိုးမြင့်ရေးအတွက် ကူးသန်း ရောင်းဝယ်မှုနှင့် ရင်းနှီးမြှုပ်နှံမှုဆိုင်ရာတို့တွင် မြှင့်တင်ဆောင်ရွက်သွားနိုင်မည့် ကိစ္စရပ်များ စက်မှုလုပ်ငန်းဖွံ့ဖြိုးတိုးတက်ရေး၊ ပညာရေး၊ စီးပွားရေး၊ ကျန်းမာရေး စသည့် ကဏ္ဍအသီးသီးတွင် ပူးပေါင်းဆောင်ရွက်နိုင်မည့် အခြေအနေများကို အမြင်ချင်း ဖလှယ်ဆွေးနွေးခဲ့ကြတယ်လို့ သတင်းမှာဖော်ပြထားပါတယ်၊

အဲဒီအပြင်  kazan မြို့ရှိ စီးပွားရေးဆိုင်ရာ လုပ်ငန်းများအလိုက် တာဝန်ရှိသူများ က လုပ်ငန်းတစ်ခုချင်းစီအလိုက် လုပ်ငန်းဆောင်ရွက်နေမှုအခြေအနေများ၊ နှစ်နိုင်ငံ စီးပွားရေးဆိုင်ရာ ပူးပေါင်းဆောင်ရွက်နိုင်မည့် အခြေအနေများနှင့်ပတ်သက်၍ ရှင်းလင်းတင်ပြကြရာ နစကဥက္ကဋ္ဌ နှင့် Republic of the Tatarstan သမ္မတ တို့က လုပ်ငန်း တစ်ခုချင်းစီအလိုက် ပူးပေါင်းဆောင်ရွက်နိုင်မည့် အခြေအနေများအား အလေးအနက်ထား ဖြည့်စွက်ဆွေးနွေးခဲ့ကြတယ်လို့ သိရပါတယ်။

တွေ့ဆုံဆွေးနွေးပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော် ဝန်ကြီးချုပ် ဦးဆောင်တဲ့ ကိုယ်စားလှယ်အဖွဲ့ဝင်များအား Republic of the Tatarstan သမ္မတက ဂုဏ်ပြုညစာဖြင့် တည်ခင်းဧည့်ခံခဲ့ကြောင်း သတင်းရရှိပါတယ်။

အဲဒီနောက် ဗိုလ်ချုပ်မှူးကြီး မင်းအောင်လှိုင် ဦးဆောင်တဲ့အဖွ ဇူလိုင် ၁၃ ရက်နေ့နံနက်ပိုင်းတွင် Republic of the Tatarsan၊ ကာဇန်မြို့ရှိ Kazan Federal University သို့လည်း ဆက်လက် သွားရောက် လေ့လာခဲ့ပါတယ်။

ဦးစွာ နစကဥက္ကဋ္ဌနှင့် ကိုယ်စားလှယ်အဖွဲ့ဝင်များဟာ Kazan Federal University (Kazan State University) သို့ ရောက်ရှိကြရာ တက္ကသိုလ်မှဒုတိယပါမောက္ခချုပ် Mr. Timirkhan Alishev နှင့် တာဝန်ရှိသူများက ကြိုဆိုနှုတ်ဆက်ကြပြီး တက္ကသိုလ်အတွင်းလှည့် လည်၍ Meeting Hall များ၊ စာသင်ခန်းမများ၊ ဘွဲ့နှင်းသဘင်ခန်းမနှင့် တက္ကသိုလ်တွင် တာဝန်ထမ်းဆောင်ခဲ့သည့် ပါမောက္ခများ၊ ထူးချွန်သူများ၏ မှတ်တမ်းဓာတ်ပုံများ ခင်းကျင်း ပြသထားရှိမှုတို့ကို ရှင်းလင်းတင်ပြကြပါတယ်။

ယင်းနောက် ကျောင်းခန်းမတွင် ဒုတိယပါမောက္ခချုပ်က တက္ကသိုလ်သမိုင်း အကျဉ်း၊ ဌာနအလိုက်ဖွဲ့စည်းထားရှိမှုများ၊ တက္ကသိုလ်မှ သင်ကြားပေးနိုင်သည့် ဘာသာရပ်များ၊  ကျောင်းသား၊ ကျောင်းသူများအတွက် နေထိုင်စားသောက်မှု အဆင် ပြေစေရေး စီစဉ်ဆောင်ရွက်ပေးထားရှိမှုများ၊ နိုင်ငံခြားမှ ပညာတော်သင် ကျောင်းသား၊ ကျောင်းသူများ လက်ခံထားရှိမှု အခြေအနေများကို ရှင်းလင်းတင်ပြသည်။ ရှင်းလင်း တင်ပြမှုများအပေါ် နစကဥက္ကဋ္ဌက သိရှိလိုသည်များအား ပြန်လည်မေးမြန်း ဆွေးနွေး ပြောကြားခဲ့ကြောင်း သတင်းထုတ်ပြန်ချက်အရသိရပါတယ်။

အဆိုပါ Kazan Federal University ကို Imperial Kazan တက္ကသိုလ်အဖြစ် ၁၈၀၄ ခုနှစ်တွင် စတင်တည်ထောင်ခဲ့ပြီး ထင်ရှားကျော်ကြားသည့် နက္ခတ္တဗေဒ ပညာရှင် Nikolai Ivanovich Lobachevsky က ၁၈၃၇ မှ ၁၈၇၆ ခုနှစ်အထိ ပါမောက္ခချုပ် တာဝန်ထမ်းဆောင် ခဲ့ကြောင်း၊ အော်ဂဲနစ်ဓာတုဗေဒပညာရပ်နှင့် Electron Spin Resonance အား ရှာဖွေတွေ့ရှိရာနေရာအဖြစ် ထင်ရှားကျော်ကြားခဲ့‌ပါတယ်။

Kazan တက္ကသိုလ်သည် ၂၀၁၁ ခုနှစ်တွင် Federal အဆင့်သို့ ချီးမြှင့်ခံခဲ့ရပြီး ရုရှားနိုင်ငံအစိုးရမှ ကျင်းပပြုလုပ်သည့် Project 5-100 ၌ ပါဝင်ခဲ့သည့် တက္ကသိုလ် ၁၈ ခုအနက် တစ်ခုအပါအဝင်ဖြစ်ကြောင်း၊ ဇီဝဆေးပညာနှင့် ဆေးဝါးပညာရပ်၊ ရေနံ သန့်စင်မှုနှင့် ထုတ်လုပ်မှုပညာရပ်၊ ဆက်သွယ်ရေးနှင့် အာကာသနည်းပညာဆိုင်ရာ ပညာရပ်နှင့် လူမှုရေးသိပ္ပံပညာရပ်တို့ကို အထူးပြုသင်ကြားလျက်ရှိကြောင်းသိရှိရ ပြီး ၂၀၂၀ ပြည့်နှစ်အရ နိုင်ငံခြားကျောင်းသားအရေအတွက် ၁၀၀၀၀ ကျော်ရှိခဲ့ကြောင်း သိရှိရပါတယ်။

ymg-mnn

#Yangon_Media_Group

Published 12 July 2022

အရှေ့တောင်အာရှရဲ့ ဒုတိယမြောက် စီးပွားရေးအကြီးဆုံး ထိုင်းနိုင်ငံဟာ ကိုဗစ်လွန်ကာလ စီးပွားရေးပြန်လည်ကောင်းမွန်လာမှု နှေးကွေးနေတဲ့အလျောက် နိုင်ငံမှာ  နိုင်ငံခြားအလုပ်သမား ငါးသိန်းကျော်  ထပ်မံလိုအပ်နေသေးတယ်လို့ နိုင်ငံရဲ့ ကုန်သည်ကြီးများအသင်းက ဇူလိုင် ၁၂ရက် အင်္ဂါနေ့တုန်းက ပြောကြားလိုက်ပါတယ်။

ပြည်ပတင်ပို့ဖို့အတွက် စိုက်ပျိုးရေးထုတ်ကုန်တွေနှင့် စားသောက်ကုန်ထုတ်လုပ်ရေးလုပ်ငန်းတွေ ဆောက်လုပ်ရေးလုပ်ငန်းတွေ၊ ခရီးသွားလုပ်ငန်းနှင့် ဝန်ဆောင်မှုလုပ်ငန်းတွေစတဲ့  လုပ်သားအားပြုလုပ်ငန်းတွေမှာ နိုင်ငံခြား အလုပ်သမားလိုအပ်မှုမြင့်မားနေတယ်လို့ ထိုင်းကုန်သည်ကြီးများအသင်းရဲ့ ဒုတိယဥက္ကဋ္ဌ ပို့ချ်အာရမ်ဝပ်တန်နောက်က သတင်းစာရှင်းလင်းပွဲမှာ ပြောပါတယ်။

“ စီးပွားရေးကိုမောင်းနှင်ဖို့ အလုပ်သမားတွေဟာ ပြဿနာကြီးတစ်ခု ယနေ့ဖြစ်လာနေတယ်” လို့ သူက ပြောပါတယ်။ စီးပွားရေးတွေ ရှေ့ကို မောင်းနှင်နိုင်အောင် နိုင်ငံခြားအလုပ်သမားတွေ အနည်းဆုံး သုံးသန်းကနေ လေးသန်းအထိ လိုအပ်လိမ့်မယ်လို့ သူကပြောပါတယ်။

နိုင်ငံခြားသားအုလပ်သမားကို ခေါ်ယူဖို့ကလည်း အတားအဆီးတွေရှိနေပါတယ်။ မြန်မာနိုင်ငံမှာ ပြည်တွင်း မငြိမ်မသက် ဖြစ်နေတာနှင့် ဂျပန်နှင့် တရုတ်တို့လို အခြားနိုင်ငံတွေက အလုပ်သမားတွေ ပြိုင်ခေါ်နေကြတာကြောင့်ဖြစ်တယ်လို့ ပို့ချ်က ပြောပါတယ်။

လက်ရှိအချိန်မှာ လာအို၊ကမ္ဘောဒီးယားနှင့် မြန်မာနိုင်ငံတို့မှ စာရွက်စာတမ်းအထောက်အထားရှိ တရားဝင်အလုပ်သမား ၂.၅သန်းခန့် ထိုင်းမှာ အလုပ်လုပ်နေပါတယ်လို့ ထိုင်းနိုင်ငံ အလုပ်သမားဝန်ကြီးဌာန အလုပ်အကိုင်ခန့်ထားရေးဌာန အကြီးအကဲ ပဲရော့ချ်ချိုတစ်ကာဆက်သီယမ်က သတင်းစာရှင်းလင်းပွဲမှာ  ပြောပါတယ်။

အဲဒီအလုပ်သမား မလုံလောက်မှုကို လျော့နည်းသက်သာစေဖို့ အလုပ်သမားစီမံခန့်ခွဲမှုအစီအစဉ်တစ်ခုကို ထိုင်းအစိုးရအဖွဲ့က ပြီးခဲ့တဲ့အပတ်က အတည်ပြုခဲ့ပါတယ်။ အဲဒီအစီအစဉ်ထဲမှာ လက်ရှိတရားဝင်လုပ်ကိုင်နေတဲ့ အလုပ်သမားတွေကို ၂၀၂၅ ဖေဖော်ဝါရီအထိ အလုပ်ဆက်လုပ်ခွင့်ပေးဖို့လည်း ပါဝင်ပါတယ်။

အဲဒီအပြင် တရားမဝင်အလုပ်သမားတွေကို  ၂၀၂၅ ဖေဖော်ဝါရီအထိ မှတ်ပုံတင်ပြီးခွင့်ပြုမှာလည်းဖြစ်ရာ ဗီယက်နမ်းအလုပ်သမားတွေပါ အစီအစဉ်မှာ အကျုံးဝင်လာပါတယ်။

အလုပ်သမားအစီအစဉ်တိုးတက်မှုနှင့် အလုပ်သမားတွေပိုရောက်ရှိလာစေဖို့အတွက် ထိုင်းနိုင်ငံမှာ ဒီနှစ်အကုန်မှာ နိုင်ငံခြားသား အလုပ်သမား သုံးသန်းနီးပါးအထိရှိလာနိုင်ပါတယ်။

Source: Reuters

#Thailand_Needs_500,000_Migrants_workers

#Thailand_Foreign_workers

#ထိုင်းနိုင်ငံခြားသားအလုပ်သမား

#LocalNews
Published_12 July 2022

ဆီထွက်သီးနှံတွေကလွဲလို့ ကျန်တဲ့လယ်ယာထွက်ကုန်တွေကို တရုတ်နိုင်ငံကို ပို့တဲ့အခါ တရုတ်ယွမ်နဲ့ပဲ ရောင်းချခွင့်ရတာကြောင့် ကုန်သည်တွေ အဆင်ပြေကြတယ်လို့ မူဆယ်ဆန်ကုန်စည်ဒိုင် ဒုတိယဥက္ကဋ္ဌ ဦးမင်းသိန်းက ပြောပါတယ်။

#Yangon_Media_Group

Published 12 July 2022

ကာလီဖိုးနီးယားပြည်နယ်တောင်ပိုင်းက 7-Eleven(ဆဲဗင်းအလဲဗင်း) စတိုးဆိုင် (၆)ဆိုင်မှာ တနင်္လာနေ့ မိုးသောက်ချိန်ခန့်မှာ သေနတ်ပစ်ဓားပြမှုတွေ ဆက်တိုက်ဖြစ်ပွားခဲ့ရာ လူ(၂)ဦးသေဆုံးပြီး (၃)ဦး ဒဏ်ရာရရှိခဲ့တယ်လို့ အာဏာပိုင်တွေကပြောပါတယ်။ အဲဒီ သေနတ်ပစ်လုယက်မှုကျူးလွန်တဲ့ (၆)နေရာထဲက အနည်းဆုံး (၃)နေရာမှာ ကျူးလွန်ခဲ့တယ်လို့ သံသယဖြစ်သူ တစ်ကိုယ်တော် သေနတ်သမားကို ရဲတွေက ရှာဖွေနေပါတယ်။

ဇူလိုင်၁၁ရက် မိုးသောက်ချိန်ခန့်ကနေ နာရီပေါင်း ငါးနာရီအတွင်း အကြမ်းဖက်မှု (၆)ခု ဆက်တိုက်ဖြစ်ပွားခဲ့တာပါ။ အဲဒီအချိန်ဟာ ဆဲဗင်းအလဲဗင်းရဲ့ ၉၅နှစ်ပြည့်နှစ်ပတ်လည်နေ့အထိမ်းအမှတ်အဖြစ် ဆလာပီအအေးတွေ အခမဲ့ တိုက်နေတာ လည်းဖြစ်ပါတယ်။

အွန်တာရီယို၊အပ်လန်း၊ရေဗားဆိုက်၊ဆန်တာအန်နာ၊ဘရီယာနှင့် လာဟာဘရာမြို့တွေမှာ ဒီလိုအကြမ်းဖက်မှု ဘာကြောင့် လုပ်သလဲဆိုတာကို စုံစမ်းစစ်ဆေးသူတွေ ရှင်းရှင်းလင်းလင်းမသိကြသေးပါဘူး။

“ဒီအမှုကျူးလွန်သူကိုယ်တိုင်ကပဲ ဖြေပေးနိုင်လိမ့်မယ်” လို့  ရေးဗားဆိုက် ရဲတပ်ဖွဲ့က ပြောရေးဆိုခွင့်ရသူ အရာရှိ ရိုင်ယန်ရေးးဘက်ကပြောပါတယ်။

ဆဲဗင်းအလဲဗင်းကို ခုနှစ်လပိုင်း ၁၁ရက်မှာ တိုက်ခိုက်တာ တိုက်ဆိုင်မှုတော့ မဖြစ်လောက်ဘူးလို့လည်း သူက ပြောပါတယ်။

သေဆုံးသူတွေနှင့်မိသားစုဝင်တွေနှင့်ထပ်တူ ဝမ်းနည်းကြေကွဲရပါတယ်လို့ ဆဲဗင်း အလဲဗင်းက ကြေညာချက်ထုတ်ပြန်ပါတယ်။

ပထမဆုံးပစ်ခတ်ဓားပြတိုက်မှုကို လော့အင်ဂျလိအရှေ့ဖက် ၃၅ မိုင်ဝေးကွာတဲ့ အွန်တာရီယိုမြို့မှာ ညသန်းခေါင်စတင်ခဲ့တာဖြစ်ပါတယ်။  Mask တပ်ထားတဲ့ အမျိုးသားတစ်ဦး သေနတ်ကိုင်ပြီး စတိုးဆိုင်ထဲဝင်လာကာ ဝန်ထမ်းထံကနေ ပိုက်ဆံတောင်းပါတယ်။သူက သေနတ်မပစ်ခဲ့သလို ဘယ်သူမှလည်း ဒဏ်ရာမရခဲ့ပါဘူးတဲ့။ ဒါပေမယ့် ပိုက်ဆံ ပါသွားသလား မပါသွားသလားလည်း အသေအချာမသိသေးဘဲရှိနေပါတယ်။

အဲဒီနောက် ၄၅မိနစ်အကြာမှာ အခုစတိုးနှင့် ၅ မိုင်လောက်ကွာဝေးတဲ့အပ်လန်းက စတိုးဆိုင်မှာ အလားတူဓားပြတိုက်မှုဖြစ်ခဲ့ပါတယ်။အဲဒီမှာလည်း ဒေါ်လာ ၄၀၀ကနေ ၅၀၀ အထိငွေတွေနှင့် ဆိုင်ကပစ္စည်းအချို့ယူပြီး ဓားပြဟာထွက်သွားခဲ့ပါတယ်။ သေနတ်ပစ်မသွားခဲ့ပါဘူး။

တစ်နာရီအကြာမှာ အပ်လန်းက ၂၅မိုင်ဝေးတဲ့ ရေးဗားဆိုက်က ဆိုင်မှာ သေနတ်ပစ်ပြီး ဓားပြတိုက်ခဲ့ပါတယ်။ သေနတ်ပစ်ခံရတဲ့ ဝန်ထမ်းဟာ စိုးရိမ်ရတဲ့အခြေအနေရှိပါတယ်။

အဲဒီနောက် မနက် ၃နာရီ ၂၀မိနစ်ခန့်မှာ ဆန်တာ အန်နာမှာဖြစ်ပွားခဲ့ပြန်ပါတယ်။

မိနစ် ၄၀ အကြာမှာ ဘရီယာက စတိုးမှာ သေနတ်ပစ်ခံရပြီး သေဆုံးမှုရှိခဲ့ပါတယ်။ အဲဒီပစ်ခတ်မှုအပြီး တစ်နာရီမပြည့်ခင် မနက် ၄ နာရီ ၅၅မိနစ်ခန့် မှာ လာဟာဘရာ စတိုးဆိုင်မှာ ပစ်ခတ်ဓားပြတိုက်မှုဖြစ်ပွားခဲ့ပြီး လူနှစ်ဦးသေနတ်ကျည်ဆံထိမှန်ခံပါတယ်။ အာဏာပိုင်တွေက ပစ်ခတ်ခံရသူတွေ အခြေအနေထုတ်ပြန်ခြင်းမရှိသေးပါဘူး။

Source AP

#US_7_Eleven_Store_Shooting

#7_Eleven_robbery

#US_Gun_Issue