Published_ 19 September 2022

  မြန်မာနိုင်ငံတွင် လက်ရှိအသုံးပြုနေသည့် ဖုန်း SIM Card များတွင် အချက်အလက် များအား မှန်ကန်စွာဖြည့်စွက်ထားခြင်းမရှိကြောင်း စိစစ်တွေ့ရှိရပါက အပြီးပိတ်သိမ်းမှာ ဖြစ်ပြီး ပိတ်သိမ်း SIM Card များရှိ လက်ကျန်ငွေများကို ပြည့်သူ့ဘဏ္ဍာအဖြစ် သိမ်းဆည်း သွားမှာ ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာနက ကြေညာထားပါတယ်။

ဆက်သွယ်ရေးညွှန်ကြားမှုဦးစီးဌာန၏ စိစစ်ချက်များအရ SIM Card အသုံးပြုသူ အချိုသည် အမည်၊ နိုင်ငံသားစိစစ်ရေးကတ်ပြားအမှတ် စသည့်အချက်အလက်များကို မှန်ကန်စွာဖြည့်စွက်ခြင်းမရှိဘဲ အသုံးပြုနေကြတယ်လို့ ဆိုပါတယ်။

ယခုအခါ SIM Card မှတ်ပုံတင်ပြုလုပ်ရာတွင် ဖြည့်စွက်ထားသည့် အမည်၊ နိုင်ငံသားစိစစ်ရေးကတ်ပြားအမှတ်တို့အား လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ e-ID Database အချက်အလက်များဖြင့် တိုက်ဆိုင်စစ်ဆေးသွားမှာဖြစ်တဲ့ အတွက် သုံးစွဲသူများအနေဖြင့် SIM Card များ ဝယ်ယူအသုံးပြုရာတွင် မိမိတို၏မှတ်ပုံတင် (မူရင်း)ဖြင့် အမည်၊ နိုင်ငံသားစိစစ်ရေးကတ်ပြားအမှတ်တိုကို မှန်ကန်စွာဖြည့်စွက်၍ စနစ်တကျ မှတ်ပုံတင်နိုင်ပြီးမှသာ အသုံးပြုကြဖို့ တိုက်တွန်းထားပါတယ်။

ဆက်သွယ်ရေးအော်ပရေတာများနှင့် SIM Card ရောင်းချသူများအနေဖြင့်လည်း SIM Card များ ရောင်းချရာနှင့် အချက်အလက်များ မှန်ကန်စွာ ပြန်လည်ပြင်ဆင် မှတ်ပုံတင်ရာတွင် ညွှန်ကြားချက်များနှင့်အညီ စနစ်တကျ ဆောင်ရွက်သွားရန်နှင့် ညွှန်ကြားချက်များနှင့်အညီ လိုက်နာဆောင်ရွက်ခြင်းမရှိပါက လုပ်ထုံးလုပ်နည်းနှင့်အညီ အရေးယူ ဆောင်ရွက်သွားမယ်လို့ ဆိုပါတယ်။

သုံးစွဲသူပြည်သူများအနေဖြင့် SIM Card များ ဝယ်ယူအသုံးပြုရာတွင် မိမိတို၏ အချက်အလက်များကို မှန်ကန်စွာဖြည့်စွက်၍ မှတ်ပုံတင်ဝယ်ယူသုံးစွဲကြပါရန်နှင့် လက်ရှိအသုံးပြုလျက်ရှိသော ကတ်များကို အချက်အလက် မှန်ကန်စွာမှတ်ပုံတင်ထားခြင်း ရှိ/မရှိ ပြန်လည်စစ်ဆေး၍၊ မမှန်ကန်ပါက မိမိတို အမှန်တကယ် သုံးစွဲနေသော ကတ် များကို ပိတ်သိမ်းခံရမှု မရှိစေရေးအတွက် သက်ဆိုင်ရာ မိုဘိုင်း အော်ပရေတာများ၏ Online ဝန်ဆောင်မှု၊ အရောင်းဆိုင်များနှင့် Mobile Shop များတွင် အချက်အလက် မှန်ကန်စွာဖြင့် ပြန်လည်ပြင်ဆင်မှတ်ပုံတင်၍သုံးစွဲကြရန် ဆက်သွယ်ရေးညွှန်ကြားမှု ဦးစီးဌာနရဲ့ အသိပေးကြေညာချက်မှာ ဖော်ပြထားပါတယ်။

ygm_mnn

#Yangon_Media_Group

Published 17 Sept 2022

ဆိုင်ကယ် ကယ်ရီသမားတစ်ဦးဖြစ်တဲ့ မူဟာမက် ရစ်ဝမ်ဟာ ဂျာကာတာရဲ့ လမ်းတစ်လမ်းဘေးမှာ ထိုင်နေရင်း သူ့ဖုန်းက တိန်ခနဲမြည်သံကို စောင့်ဆိုင်းနေပါတယ်။ နေ့တိုင်း မီးခိုထူထူတွေကြားထဲ ခရီးသည်တွေ သယ်ပို့ပေးနေရတာ အခု သိပ် မတန်တော့ဘူးလို့ သူကပြောပါတယ်။

လောင်စာဆီဈေးနှုန်းကို ၃၀ ရာခိုင်နှုန်းတက်လိုက်တာကြောင့်  ဂျာကာတာရဲ့ ရေပန်းအစားဆုံး ဆိုင်ကယ်ကယ်ရီ အက်ပလီကေးရှင်း Gojek ဂိုးဂျက်ကို သုံးကြတဲ့ ကယ်ရီသမားရာပေါင်းများစွာက စားဝတ်နေရေးခက်ခဲလာကြပါတယ်။ အဲဒါကြောင့် သူတို့က အင်ဒိုနီးရှား နိုင်ငံတစ်လွှား ဆန္ဒပြကြဖို့ ပြင်ဆင်နေကြပါတယ်။

“ ဆီဖိုးချန်ထားဖို့လိုတဲ့အတွက် တစ်ခါတစ်ခါ တစ်နေ့လုံး သင့်တင့်တဲ့ အစားအစာတောင်မစားရဘူး။ ဆီမရှိရင် ဘျွန်တော် ဘယ်လိုအလုပ်လုပ်မလဲ” လို့ ဂိုးဂျက်ရဲ့ ကန်ထရိုက်တာတစ်ဦးဖြစ်တဲ့ ရစ်ဝမ်ကပြောပါတယ်။

သူတို့ဟာ ဥပဒေမရှိတဲ့ ဈေးကွက်မှာ အလုပ်လုပ်နေကြရတာပါ။  သူတို့ကို ကုမ္ပဏီတွေက “ပါတနာ” ဒါမှမဟုတ် “ကန်ထရိုက်တာ” လို့ သတ်မှတ်ပြီး သူတို့ရဲ့နေ့စဉ်ဝင်ငွေအပေါ်ခေါင်းပုံဖြတ်နေကြတယ်လို့ ဝေဖန်သူတွေကဆိုကြပါတယ်။

ယူကရိန်းစစ်ကြောင့် တစ်ကမ္ဘာလုံး ငွေကြေးဖောင်းပွမှုတွေနှင့် လောင်စာဆီဈေးမြင့်တက်မှုတွေ ဖြစ်နေစဉ်အတွင်းမှာ အင်ဒိုနီးရှားရဲ့ လိုငွေပြမှုကို ဖြတ်တောက်နိုင်ဖို့အတွက် သမ္မတ ဂျိုကို ဝီဒိုဒိုက လောင်စာဆီမှာ အစိုးရက စိုက်ထုတ်ကျခံပေး တာကို သိသိသာသာ လျှော့ချခဲ့တာဖြစ်ပါတယ်။

အဲဒါကြောင့် ဓာတ်ဆီဈေးတွေက တစ်လီတာကို ၇၆၅၀ ရူပီယာ(ဆင့် ၅၀)ကနေ ၁၀၀၀၀ ရူပီယား(၆၇ဆင့်)အထိဈေးတက်သွားခဲ့ပါတယ်။

ဆိုင်ကယ်ကယ်ရီကုမ္ပဏီကြီးနှစ်ခုက သယ်ပို့ခတွေကို အနည်းငယ်မျှပဲတက်ပေးတယ်လို့ ကယ်ရီသမားတွေက ပြောပါတယ်။ စရိတ်အပိုတွေကာမိအောင်ဆိုပြီး တစ်ကီလိုမီတာကို ရူပီယား ၈၀၀ (၅ ဆင့်)သတ်မှတ်ပေးတာပါ။

ကုမ္ပဏီကြီးနှစ်ခုဖြစ်တဲ့ Gojek နှင့် Grabတို့က  သူတို့ဟာ အစိုးရရဲ့ ဥပဒေစည်းကမ်းထဲကနေ နှုန်းထားသတ်မှတ်ပေးတာ ဖြစ်တယ်လို့ အေအက်ဖ်ပီကိုပြောပါတယ်။

ဒီကုမ္ပဏီတွေက နှုန်းထားတက်ယူတာနှင့်ပတ်သက်လို့ ထုတ်မပြောကြပေမယ့် သမဂ္ဂ ခေါင်းဆောင်တွေကတော့ သူတို့ သတ်မှတ်ပေးတဲ့ နှုန်းထားဟာ ကယ်ရီသမားတွေမျှော်လင့်ထားတာထက် အတော်နည်းနေတယ်လို့ပြောကြပါတယ်။

“ အင်ဒိုနီးရှားနိုင်ငံတစ်လွှားက ကယ်ရီသမားတွေက သတ်မှတ်ပေးထားတဲ့ နှုန်းကို လက်မခံနိုင်ကြဘူး” လို့  ယာဉ်မောင်း တစ်သိန်းကျော်ကို ဦးဆောင်နေတဲ့ သမဂ္ဂခေါင်းဆောင်တစ်ဦးဖြစ်တဲ့ အိုင်ဂွန်းဝီကာဆိုနိုက ပြောပါတယ်။

ဆွဲကောင်းတဲ့နေ့တွေဆို သူတို့ဟာ တစ်ရက်ကို ရူပီးယား တစ်သိန်းခွဲ(၁၀ ဒေါ်လာ)ခန့်ရကြပါတယ်။ ဒါပေမယ့် အရင် ဆီပြန်ဖြည့်ရတာက ရူပီးယား နှစ်သောင်း( ၁,၃၅ ဒေါ်လာ)ကုန်ကျခဲ့ပေမယ့် ယခု ရူပီးယား သုံးသောင်းခွဲ (၂,၃၅ ဒေါ်လာ)အထိကုန်ကျနေကြရတာဖြစ်ပါတယ်။

တစ်ခါတစ်ခါ တစ်နေ့တည်း နှစ်ကြိမ်ဆီပြန်ဖြည့်ရတဲ့အခါမျိုးမှာ ကယ်ရီသမားတွေအတွက် ဘာမှများများစားစား မကျန်တော့ဘူးလို့လည်းဆိုပါတယ်။

“ ဒီရက်တွေမှာ ဘယ်နေရာမှာပဲ ဆီဝယ်ဝယ် ကျွန်တော့်အတွက်က တကယ့်ကို ဝန်ထုတ်ဝန်ပိုးကြီးတစ်ခုဖြစ်နေတာပဲ” လို့  အသက် ၃၈နှစ်အရွယ် Grab ကယ်ရီယာ  အိုင်ဝမ် နာ အက်ဘာ ကပြောပါတယ်။ သူက သူ့ဖုန်းဆီ အော်ဒါဝင်လာဖို့ စောင့်ဆိုင်းနေတာ တစ်နာရီရှိနေပါပြီ။

“ အစိုးရဆီက ဆန်ဝယ်လို့ရနေတုန်းမို့ မိသားစုကို ကျွေးမွေးနိုင်သေးတာပဲ ကျေးဇူးတင်ရမယ်” လို့ သူက ဆက်ပြောပါတယ်။

Gig ယာဉ်မောင်းတွေက အစိုးရက အရေးယူမှု အားနည်းလို့  တစ်နိုင်ငံလုံးအတိုင်းအတာနှင့် ဆန္ဒပြမယ်လို့ သတိပေးနေပေမယ့် ဂျာကာတာဝန်းကျင်မှာ အစိုးရက ရဲအရာရှိ ရှစ်ထောင်ခန့် ချထားတာကြောင့် လူအနည်းငယ်မျှနှင့်ပဲ အကန့်အသတ်နှင့် ဆန္ဒပြနေကြရတာဖြစ်ပါတယ်။

“ ပေးထားတဲ့ ကတိတွေ လွှင့်မပစ်ပါနှင့် “ လို့ အသက် ၃၈နှစ်အရွယ် နောက်ကယ်ရီသမားတစ်ဦးဖြစ်တဲ့ ဆိုင်ဖူ ရစ်ဝမ် ကပြောပါတယ်။သူက ဂျာကာတာရဲ့ ပါဆာ ဆီနင် လက်ကားဈေးရှေ့မှာ လူစောင့်နေတာပါ။

“ ဆင်းရဲသားတွေ ပိုပြီး ဆင်းရဲသွားအောင်မလုပ်ကြပါနှင့်ဗျာ” လို့ သူက ဆက်ပြောလိုက်ပါတယ်။

Source: AFP

#Indonesian_gig_drivers

#Indonesia_Fuel_Hike

Published 12 Sept 2022

အီလွန်မတ်စ်ရဲ့ ကောလိပ်တုန်းက ရည်းစားဟောင်းက သူတို့နှစ်ယောက်ရဲ့ အမှတ်တရပစ္စည်းတွေကို လေလံတင်ရောင်းချရာ အဲဒါတွေဟာ ရေပန်းစားနေပါတယ်။

ဂျနီဖာဂွင်းဟာ  ပဲင်စီလ်ဗေးနီးယား တက္ကသိုလ်တက်တုန်းက  အခုကမ္ဘာ့အချမ်းသာဆုံးဖြစ်နေတဲ့ တစ်ကျောင်းတည်းသား အီလွန်မတ်စ်နှင့် တွဲခဲ့ပါ တယ်။ အခုသူက အဲဒီတုန်းက သူတို့ရဲ့ ဓာတ်ပုံတွေနှင့် အခြားအမှတ်ရစရာပစ္စည်းအတိုအထွာတွေကို ဘော့စတွန်အခြေစိုက် PR လေလံမှာ လေလံတင်ရောင်းချနေပါတယ်။

အဲဒီအထဲမှာ အီလွန်မတ်စ်ရဲ့ တက္ကသိုလ်ကျောင်းသားဘဝ နုပျိုရွှင်လန်းနေတဲ့ လျှပ်တစ်ပြက် ဓာတ်ပုံ ၁၈ ပုံ၊ မွေးနေ့ဆုတောင်း လက်ရေးကတ်နှင့် မတ်စ်လက်ဆောင်ပေးခဲ့သော ရွှေလည်ဆွဲလေးတစ်ခုတို့ပါဝင်ပါတယ်။

တနင်္ဂနွေညကတော့ အချစ်များစွာဖြင့်-အီလွန်လို့ လက်မှတ်ရေးထိုးထားတဲ့ မွေးနေ့ကတ်ကလေးကို ဒေါ်လာ တစ်သောင်းနှင့် ၂၃ဦးလေလံအပြိုင်ဆွဲခဲ့ပါတယ်။

နောက်စိတ်ဝင်စားစရာတစ်ခုက လည်ဆွဲပါ။ မတ်စ် အဖေအာရိုးပိုင်တဲ့ ဇမ်ဘီယာ သတ္တုတွင်းကထွက်တဲ့ မြစိမ်းနှင့် လုပ်ထားတာပါ။ ဓာတ်ပုံတွေထဲမှာ မတ်စ်က သူငယ်ချင်းတွေနှင့် အပြင်ထွက်သွားလာတာ၊ အဆောင်အနားတစ်ဝိုက် လမ်းသလားတာ၊ ပြီးတော့ ဂွင်းကို ပွေ့ဖက်ထားတာ စသဖြင့်ပါဝင်ပါတယ်။

၁၉၉၄ ခုနှစ်ဝန်းကျင်မှာ မတ်စ်ကို တွဲခဲ့တဲ့ ဂွင်းဟာ သူ့ မွေးစားသား တက္ကသိုလ်တက်ဖို့ ကျောင်းလခရရှိဖို့ ဒီပစ္စည်းတွေကို လေလံတင်ရောင်းချတာဖြစ်ပါတယ်။

RR Auction မှာ နာမည်ကျော်လုပ်ငန်းရှင်ကြီးတွေနှင့်ပတ်သက်တဲ့ ပစ္စည်းတွေ လေလံတင်ရောင်းတာ ဒါဟာ ပထမဦးဆုံး အကြိမ်တော့မဟုတ်ပါဘူး။  ကုမ္ပဏီဟာ ဩဂုတ်လတုန်းက စတိဗ်ဂျော့ဗ်ရဲ့ ပထမဆုံး Apple-1 prototype ကို ဒေါ်လာ ခြောက်သောင်းရှစ်ထောင်နီးပါးနှင့် လေလံတင်ရောင်းချပေးခဲ့ပါတယ်။

သူတို့နှစ်ယောက်တွဲခဲ့ကြတဲ့ လွန်ခဲ့တဲ့ နှစ်(၃၀)ကတည်းက ယခု တယ်လ်ဆာရဲ့ ပိုင်ရှင်သူဋ္ဌေးဖြစ်နေတဲ့ မတ်စ်ဟာ လျှပ်စစ် ကားတွေကို အမြင်ရှိနေပြီလို့ Insiderရဲ့အင်တာဗျူးမှာ ဂွင်းက ပြောပါတယ်။

“ သူဟာ လျှပ်စစ်ကားတွေအကြောင်းပြောတယ်။ ပြီးတော့ သမားရိုးကျမဟုတ်တဲ့  စွမ်းအင်တွေအကြောင်းသူပြောတယ်” လို့ သူမက ဆက်ပြောပါတယ်။

 Source: Insider

#Elon_Musk

#Jennifer_Gwynne

#RR_Auction

Published 11 Sept 2022

တရုတ်နိုင်ငံ အနောက်မြောက်ပိုင်း နင်ရှာဟွေ ကိုယ်ပိုင်အုပ်ချုပ်ခွင့်ရဒေသရဲ့ မြို့တော် ယင်းချွမ်ဟာ တရုတ်နိုင်ငံရဲ့ အဓိက ဝိုင်ထုတ်လုပ်တဲ့ အချက်အခြာနေရာတွေထဲက တစ်ခုအဖြစ်ပေါ်ထွန်းလာနေပါတယ်။  ပထဝီအနေအထားနှင့် အခြားသော သဘာဝအခြေအနေတွေက အားသာနေတဲ့အတွက် စပျစ်ပင်တွေ ရှင်သန်ဖွံ့ဖြိုးပြီး အဲဒီလုပ်ငန်းဟာ ဒေသခံတွေအတွက် စီးပွာဖြစ်လုပ်ငန်းဖြစ်လာနေပါတယ်။

စပျစ်ခြံတွေအတွက် ရွှေရောင်ဇုန်တစ်ခုဖြစ်တဲ့ အဲဒီဒေသဟာ စပျစ်ပင်တွေ စိုက်ပျိုးဖို့နှင့် ဝိုင်ထုတ်လုပ်မှုတွေအတွက် လိုအပ်တဲ့ သဘာဝအခြေအနေတွေကို အလိုအလျောက်ဖန်တီးပေးထားပါတယ်။

အင်္ဂါနေ့မှာ အဲဒီမြို့မှာ နိုင်ငံတကာဝိုင် ကုန်စည်ပြပွဲတစ်ခု ဖွင့်လှစ်ခဲ့ပါတယ်။ ဒုတိယမြောက် တရုတ် နိုင်ငံတကာ ဝိုင်ယာဉ်ကျေးမှုနှင့် ခရီးသွားလုပ်ငန်းကုန်စည်ပြပွဲဟာ ပြည်တွင်းပြည်ပမှရင်းနှီးမြှပ်နှံသူတွေနှင့် အစိုးရအရာရှိတွေကို ဆွဲဆောင်နေပါတယ်။

ဒီနေရာလာကြသူအများစုဟာ ဝိုင်ကိုမြည်းစမ်းကြည့်ဖို့သက်သက်မဟုတ်ဘူး။ သူတို့နိုင်ငံအတွက် အခွင့်အလမ်းတွေပဲ ဖြစ်တယ်။ သူတို့နိုင်ငံတွေက ကုန်သည်အချို့ဟာ ဒီကလာပြီး တစ်ခုခုမြင်လိုက်လို့ သူတို့နိုင်ငံတွေကို အကြံပေးနိုင်တယ်” လို့ ပြပွဲလာတဲ့ ဧည့်သည်တစ်ဦးဖြစ်တဲ့ လျူဖန်းယန်က ပြောပါတယ်။

ဒေသခံစပျစ်တောင်သူတွေရဲ့ နည်းပညာသစ်တွေကိုလည်း ပြပွဲမှာပြသထားပါတယ်။ စပျစ်အထွက်နှုန်းတိုးဖို့ ဝိုင်လုပ်ငန်းသုံး အကောင်းဆုံးစက်ကိရိယာနှင့်နည်းပညာတွေကို တောင်သူတွေသုံးစွဲနေတာပါ။

“ဒါဟာ စပျစ်ရိတ်သိမ်းစက်ပါ၊ပြင်သစ်ကလာတဲ့ ပဲလ်လင်း တံဆိပ်ပါ။ တရုတ်နိုင်ငံမှာ ဒါက တကယ့်ကိုခေတ်မီတဲ့စက်ပါ။ စပျစ်ခြံတော်တော်များများမှာ ကျွန်တော်တို့ဒီစက်ကိုအသုံးပြုနေတယ်” လို့ ဖာဂိုးဆားဗစ်ကုမ္ပဏီရဲ့ အရောင်းမန်နေဂျာ ဟွမ်ကျန်းက ပြောပါတယ်။

တစ်ပတ်ကြာဒီပြပွဲကို နိုင်ငံတွင်းနှင့်ကမ္ဘာအနှံ့က ဝိုင်ထုတ်လုပ်သူတွေအကြား ပူးပေါင်းဆောင်ရွက်မှုနှင့်ဖလှယ်မှုတွေ တိုးမြှင့်ဆောင်ရွက်နိုင်ဖို့ ရည်ရွယ်ကျင်းပခဲ့တာဖြစ်ပါတယ်။

Source: CCTV Plus

#Ningxia_Hui

#Yinchuan

#wine_production_China

Published 11 Sept 2022

တရုတ်နိုင်ငံ အနောက်မြောက်ပိုင်း နင်ရှာဟွေ ကိုယ်ပိုင်အုပ်ချုပ်ခွင့်ရဒေသရဲ့ မြို့တော် ယင်းချွမ်ဟာ တရုတ်နိုင်ငံရဲ့ အဓိက ဝိုင်ထုတ်လုပ်တဲ့ အချက်အခြာနေရာတွေထဲက တစ်ခုအဖြစ်ပေါ်ထွန်းလာနေပါတယ်။  ပထဝီအနေအထားနှင့် အခြားသော သဘာဝအခြေအနေတွေက အားသာနေတဲ့အတွက် စပျစ်ပင်တွေ ရှင်သန်ဖွံ့ဖြိုးပြီး အဲဒီလုပ်ငန်းဟာ ဒေသခံတွေအတွက် စီးပွာဖြစ်လုပ်ငန်းဖြစ်လာနေပါတယ်။

စပျစ်ခြံတွေအတွက် ရွှေရောင်ဇုန်တစ်ခုဖြစ်တဲ့ အဲဒီဒေသဟာ စပျစ်ပင်တွေ စိုက်ပျိုးဖို့နှင့် ဝိုင်ထုတ်လုပ်မှုတွေအတွက် လိုအပ်တဲ့ သဘာဝအခြေအနေတွေကို အလိုအလျောက်ဖန်တီးပေးထားပါတယ်။

အင်္ဂါနေ့မှာ အဲဒီမြို့မှာ နိုင်ငံတကာဝိုင် ကုန်စည်ပြပွဲတစ်ခု ဖွင့်လှစ်ခဲ့ပါတယ်။ ဒုတိယမြောက် တရုတ် နိုင်ငံတကာ ဝိုင်ယာဉ်ကျေးမှုနှင့် ခရီးသွားလုပ်ငန်းကုန်စည်ပြပွဲဟာ ပြည်တွင်းပြည်ပမှရင်းနှီးမြှပ်နှံသူတွေနှင့် အစိုးရအရာရှိတွေကို ဆွဲဆောင်နေပါတယ်။

ဒီနေရာလာကြသူအများစုဟာ ဝိုင်ကိုမြည်းစမ်းကြည့်ဖို့သက်သက်မဟုတ်ဘူး။ သူတို့နိုင်ငံအတွက် အခွင့်အလမ်းတွေပဲ ဖြစ်တယ်။ သူတို့နိုင်ငံတွေက ကုန်သည်အချို့ဟာ ဒီကလာပြီး တစ်ခုခုမြင်လိုက်လို့ သူတို့နိုင်ငံတွေကို အကြံပေးနိုင်တယ်” လို့ ပြပွဲလာတဲ့ ဧည့်သည်တစ်ဦးဖြစ်တဲ့ လျူဖန်းယန်က ပြောပါတယ်။

ဒေသခံစပျစ်တောင်သူတွေရဲ့ နည်းပညာသစ်တွေကိုလည်း ပြပွဲမှာပြသထားပါတယ်။ စပျစ်အထွက်နှုန်းတိုးဖို့ ဝိုင်လုပ်ငန်းသုံး အကောင်းဆုံးစက်ကိရိယာနှင့်နည်းပညာတွေကို တောင်သူတွေသုံးစွဲနေတာပါ။

“ဒါဟာ စပျစ်ရိတ်သိမ်းစက်ပါ၊ပြင်သစ်ကလာတဲ့ ပဲလ်လင်း တံဆိပ်ပါ။ တရုတ်နိုင်ငံမှာ ဒါက တကယ့်ကိုခေတ်မီတဲ့စက်ပါ။ စပျစ်ခြံတော်တော်များများမှာ ကျွန်တော်တို့ဒီစက်ကိုအသုံးပြုနေတယ်” လို့ ဖာဂိုးဆားဗစ်ကုမ္ပဏီရဲ့ အရောင်းမန်နေဂျာ ဟွမ်ကျန်းက ပြောပါတယ်။

တစ်ပတ်ကြာဒီပြပွဲကို နိုင်ငံတွင်းနှင့်ကမ္ဘာအနှံ့က ဝိုင်ထုတ်လုပ်သူတွေအကြား ပူးပေါင်းဆောင်ရွက်မှုနှင့်ဖလှယ်မှုတွေ တိုးမြှင့်ဆောင်ရွက်နိုင်ဖို့ ရည်ရွယ်ကျင်းပခဲ့တာဖြစ်ပါတယ်။

Source: CCTV Plus

#Ningxia_Hui

#Yinchuan

#wine_production_China

Published 11 Sept 2022

ကြံရည်ဖန်ရည်ကောင်းလှတဲ့ ဂျပန်အမျိုးသားတစ်ဦးဟာ သူ့ရဲ့အိပ်မက်ထဲကအလုပ်တစ်ခုကို တကယ်ရှာဖွေတွေ့ခဲ့ပါပြီ။ ဘာအလုပ်မှမလုပ်ဘဲ ဝင်ငွေရနေတဲ့လုပ်ငန်းပဲဖြစ်ပါတယ်။

စာအုပ်ထုတ်ဝေရေးကုမ္ပဏီလုပ်သားတစ်ဦးဖြစ်ခဲ့တဲ့ ရှိုဂျီမိုရီမိုတိုဟာ အထီးကျန်နေတဲ့ လူတွေအတွက် သူတို့နှင့်အတူ ရိုးရိုးကလေး အဖော်လိုက်ပေးဖို့ သူ့ကိုယ်သူ အငှားလိုက်တဲ့လုပ်ငန်းနှင့် ဝင်ငွေရရှိနေတာပါ။ တစ်ခါတုန်းကဆိုရင် ခိုကိုးရာမဲ့ဖြစ်နေတဲ့ သူတစ်ဦးကို ဂွတ်ဘိုင်ဆိုပြီး လက်ဝှေ့ယမ်းနှုတ်ဆက်ပေးရုံနှင့် ပိုက်ဆံရခဲ့ပါတယ်တဲ့။

အခုအသက် ၃၈နှစ်ရှိပြီဖြစ်တဲ့ မိရီမိုတိုဟာ အဖော်လိုက်ပေးရုံနှင့် ဖောက်သည်တစ်ဦးဆီကနေ ၇၁ ဒေါ်လာရပါတယ်။ အခုဆို ကြိုတင်ဘွတ်ကင်လုပ်ထားတဲ့သူတွေဟာ လွန်ခဲ့တဲ့ လေးနှစ်အတွင်း လူလေးထောင်အထိရှိခဲ့တဲ့အတွက် သူ့ဇနီးနှင့်သူ့ကလေးကို ထောက်ပံ့ကျွေးမွေးဖို့ လုံလောက်တဲ့ဝင်ငွေတွေရရှိခဲ့ပါတယ်။

“ အခြေခံအားဖြင့်ပြောရရင်တော့ ကျွန်တော့်ကိုယ်ကျွန်တော်ငှားတာပဲလေ” လို့သူကပြောပါတယ်။ “ ကျွန်တော်အလုပ်က ဖောက်သည်တွေ ဘယ်နေရာမှာ ရှိနေစေချင် အဖော်နေပေးရုံပဲ။ ဘာတစ်မှ မည်မည်ရရ လုပ်ပေးစရာကိုမလိုတာ” လို့ သူက ပြောပါတယ်။

သူ့အလုပ်တွေထဲမှာ တစ်ခါက ဖောက်သည်တစ်ဦးက သူနှင့်အတူ  ပန်းခြံတစ်ခုထဲမှာ ဆီးဆောအတူစီးပေးရတာ၊ အမျိုးသမီးတစ်ဦးဟာ သူမရဲ့ အိန္ဒိယဆာရီကြောင့် သူ့သူငယ်ချင်းတွေ ရှက်ကိုးရှက်ကန်းဖြ်မှာစိုးလို့ စားသောက်ဆိုင်တစ်ခုမှာ သူမနှင့်အတူထိုင်ပေးရတာစသဖြင့်ပါ။

“သူငယ်ချင်းတွေနှင့်အတူဆို ကျွန်မအနေနှင့် သူတို့ကိုဖျော်ဖြေပေးဖို့လိုလိမ့်မယ်လို့ခံစားရတယ်။ ဒါပေမယ့် အခု အငှားအဖော်လိုက်တဲ့သူနှင့်အတူဆိုတော့ လေဝင်ပေါဖို့မလိုတော့ဘူးလို့ ထင်မိတယ်လေ” လို့ အသက် ၂၇နှစ်အရွယ်  အချက်အလက်သုတေသနမှူးတစ်ဦးက ပြောပါတယ်။

မိုရီမိုတိုရဲ့ အငှားအဖော်လိုက်ကြေးဟာ ယန်းတစ်သောင်းရှိပါတယ်။ ဒါဟာ သူ့ရဲ့ ပင်မဝင်ငွေဖြစ်နေပါပြီ။ ကိုဗစ်-၁၉ ကပ်ဘေးမဖြစ်ခင်တုန်းကဆိုရင် သူ့ရက် တစ်ရက်ဝင်ငွေဟာ ဒေါ်လာ ၃၀၀ နီးပါးအထိရှိခဲ့ပါတယ်။

“ တကယ်လို့ ဖောက်သည်တွေကို ဘာမှမလုပ်ပဲ အဖော်နေပေးတဲ့ ဝန်ဆောင်မှုကိုပေးနိုင်ရင် ဘယ်လိုဖြစ်မလဲ ကျွန်တော်စပြီး စဉ်းစားမိခဲ့တယ်။ လူတွေက ကျွန်တော်ဘာမှမလုပ်ဘဲနေတဲ့အတွက် တန်ဖိုးရှိတယ်လို့ထင်နိုင်တယ်။ ဘာဖြစ်လို့လဲဆိုတော့ သူတို့အတွက် အသုံးတည့်လို့လေ” လို့ သူကပြောပါတယ်။

ဒါပေမယ့် မိုရီမိုတိုမှာ ဘောင်တော့ခတ်ထားပါတယ်။ သူ့အနေနှင့် အခြား လိင်ပိုင်ဆိုင်းရာလိုမျိုး တောင်းဆိုတာတွေ လုပ်လိမ့်မှာမဟုတ်တာ။အလုပ်တွေဘေးဖယ်ပြီး ရေခဲသေတ္တာရွှေ့တာမျိုးနှင့် ကမ္ဘောဒီးယားကိုခရီးသွားတာမျိုးဖြစ်ပါတယ်တဲ့။

ဒါပေမယ့် ဒီလို ဆန်းဆန်းပြားပြားအလုပ်မျိုးလုပ်နေတာ ဂျပန်မှာ သူတစ်ယောက်တည်းတော့မဟုတ်ပါဘူး။

ဒီတစ်ပတ်စောစောပိုင်းမှာပဲ လူငယ်တွေ အရက်တွေသောက်စားမူးယစ်နိုင်အောင် ဦးဆောင်လှုံ့ဆော်နိုင်သူကို လစာပေးမယ်လို့ ရှာဖွေနေတာကို နယူးယေက်ပို့စ်က သတင်းရေးသားခဲ့ပြီးပါပြီ။

ယမကာလုပ်ငန်းကို ပြန်လည်ရှင်သန်လာဖို့ လူငယ်တွေ မူးယစ်သောက်စားနိုင်တဲ့ အစီအစဉ်ကို ရေးဆွဲတင်ပြနိုင်သူတွေကို  ဂျပန်ရဲ့ အခွန်အေဂျင်စီက ရှာဖွေနေခဲ့တာဖြစ်ပါတယ်။

ဂျပန်ရဲ့ အရက်လုပ်ငန်းဟာ လွန်ခဲ့တဲ့ နှစ်များအတွင်း ခြောက်သွေ့နေခဲ့ပါတယ်။  ဂျပန်ဟာ ယင်းရဲ့ထူထပ်နေတဲ့ ဒေါ်လာ ၈.၃ ထရီလီယမ်ကြွေမြီတွေကိုကူညီပေးဆောင်နိုင်ဖို့ အရက်ရောင်းအခွန်ကို တိုးမြှင့်ထားတပါ။

ဂျပန်နိုင်ငံသားတစ်ဦးစီဟာ  ၁၉၉၅ုနှစ်အထိ တစ်နှစ်ကို အရက် ၂၂ ဂါလံပျှမ်းမျှသောက်သုံးမူးယစ်ကြပြီး ၂၀၂၀ အရောက်မှာတော့ တစ်ယောက်ကို တစ်နှစ် (၁၆)ဂါလံပဲသောက်သုံးကြတယ်လို့ ဘီဘီစီကသိရပါတယ်။

Source NY Post

#Japan_weird_Jobs

#Paid_for_“doing nothing”

#Japan_Culture