#World_Science
Published 03 October 2025

▪️ လူတွေ အစားစားသုံးခြင်းအပေါ် သက်ရောက်ပုံရှိနေတဲ့ ဦးနှောက်အစိတ်အပိုင်းတစ်ခုဟာ အနာဂတ်မှာ ကိုယ်အလေးချိန်ချခြင်း၊ တင်ခြင်းတို့ကို ထောက်ပံ့ပေးနိုင်ဖွယ် ရှိပါတယ်။

▪️ Bed nucleus of the stria terminalis (BNST) လို့ခေါ်တဲ့ အစိတ်အပိုင်းထဲက နျူရွန်တွေဟာ ဦးနှောက်အလယ်ပိုင်းမှာရှိပြီး လူတွေမှာ နေကြာစေ့အရွယ်လောက်သာရှိကာ သူ့ကိုလှုံ့ဆော်ပေးခြင်းဖြင့် ကြွက်တွေမှာ အစားပိုစားစေပါတယ်။

▪️ နယူးယော့ခ် ကိုလံဘီယာတက္ကသိုလ်မှ ချားလ်စ်ဇူကာနဲ့ အဖွဲ့က အရသာငါးမျိုးထဲက တစ်မျိုးပါဝင်တဲ့ရေကို ကြွက်တွေသောက်ခိုင်းပြီး ဦးနှောက်တွေကို ဓာတ်မှန်ရိုက်ခဲ့ပါတယ်။

▪️ ထိုအခါမှာ အချိုအရသာရှိတဲ့ရေကြောင့် နျူရွန်တွေကို လှုံ့ဆော်စေတာကို တွေ့ခဲ့ကြပါတယ်။

▪️ ထိုနျူရွန်တွေက BNST ထဲက အခြားအရာတွေကို လှုံ့ဆော်စေပါတယ်။
ဒီအစိတ်အပိုင်းက အရသာတွေကို လက်ခံတုံ့ပြန်စေတာ ပထမဆုံးတွေ့ရှိတာ ဖြစ်ကြောင်း အရီဇိုးနားတက္ကသိုလ်မှ ဟိုင်ကျန်ကိုင်က ပြောပါတယ်။

▪️ BNST နျူရွန်တွေကို လှုံ့ဆော်ပေးခြင်းက အရသာဘယ်လိုပဲဖြစ်ဖြစ် ရေပိုမိုသောက်စေပြီး ဆာလောင်မှု၊ အာဟာရချို့တဲ့ခြင်း၊ အရသာတို့ကို ညွှန်ပြနေပါတယ်။

▪️ လူသားတွေနဲ့ ကြွက်တွေမှာ BNST ဆင်တူတာကြောင့် ကင်ဆာလူနာတွေလို စားချင်စိတ်ကျဆင်းသူတွေမှာ အစားပိုစားစေဖို့ ဆေးဝါးတွေ တီထွင်ဖို့ အလားအလာရှိနေတာကို မြင်တွေ့ရပါတယ်။

▪️ BNST နျူရွန်တွေနဲ့အတူ အစားစားချင်စိတ်နဲ့ ဆက်စပ်နေတဲ့ ဦးနှောက်အခြားလမ်းကြောင်းတွေ ပစ်မှတ်ထားခြင်းက semaglutide လို GLP-1 ဆေးဝါးလိုမျိုး ကိုယ်အလေးချိန်ကျစေမယ့် နည်းလမ်းတွေ တိုးတက်စေနိုင်ပါတယ်။

▪️ BNST လုပ်ဆောင်ပုံကို ပိုမိုနားလည်စေခြင်းဖြင့် ကိုယ်အလေးချိန်ကျဆေးဝါးတွေရဲ့ ထိရောက်မှုတိုးတက်စေပြီး လုပ်ငန်းစဉ်တွေကို ပိုမိုသိရှိစေနိုင်မှာ ဖြစ်ပါတယ်။

Source: News Scientist

တရုတ်တောင်ပိုင်း ကွမ်ရှီရွှမ်ကိုယ်ပိုင်အုပ်ချုပ်ခွင့်ရဒေသ ဖျင်ရှန်မြို့ရှိ တရုတ်-ဗီယက်နမ် ယူယီကွမ်ဆိပ်ကမ်း(ခေါ်) ချစ်ကြည်ရင်းနှီးရေးဖြတ်သန်းခွင့် စမတ်ဆိပ်ကမ်းစီမံကိန်းမှ တရုတ်ဘက်ကအပိုင်းဟာ ဆောက်လုပ်မှုပြီးစီးခဲ့ပြီး စမ်းသပ်မှုအဆင့်ရောက်နေပြီဖြစ်ကာ ၂၀၂၅ နှစ်ကုန်လောက်မှာ စမ်းသပ်လည်ပတ်မှုစတင်ရန် ရည်ရွယ်ထားပါတယ်။

#Asia_Business
#တရုတ်_ဗီယက်နမ် #ကွမ်ရှီရွှမ်
Published 02 October 2025
#YMG #Yangon_Times #Yangon_Media_Group

၁၀၅ နှစ်မြောက် မြန်မာ့ရုပ်ရှင်နေ့နဲ့ ၄၈ ကြိမ်မြောက် ရုပ်ရှင်သက်ကြီးပူဇော်ပွဲအခမ်းအနားကို ယခုလ၁၃ရက်မှာကျင်းပသွားမယ်လို့ မြန်မာနိုင်ငံရုပ်ရှင်အစည်းအရုံးမှ သိရပါတယ်။

#Local_News
Published 02 October 2025
#မြန်မာ့ရုပ်ရှင်နေ့ #ရုပ်ရှင်သက်ကြီးပူဇော်ပွဲ
#YMG/SW #Yangon_Times

၂၀၂၅ ခုနှစ် စက်တင်ဘာလအတွက် စေလွှတ်လချုပ်ပေးပိုရန် ကျန်ရှိတဲ့ အေဂျင်စီပေါင်း နှစ်ရာခန့်ရှိတယ်လို့ အလုပ်သမားဝန်ကြီးဌာန Safe Migration Channel က ထုတ်ပြန်ပါတယ်။

#Local_News
Published 02 October 2025
#စေလွှတ်လချုပ် #Safe_Migration_Channel
#YMG/SW #Yangon_Times

လာမယ့် ၂၀၂၆ခုနှစ် မိုးရာသီအတွင်း ဒီရေတောအပင် ၄ သန်းခန့် တိုးချဲ့တည်ထောင်စိုက်ပျိုးသွားမယ်လို့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနက သိရပါတယ်။

#Local_News
Published 02 October 2025
#ဒီရေတောအပင် #မိုးရာသီအတွင်း
#YMG/NN #Yangon_Times

ဧည့်မထ/ ငစိန်ထက် ဈေးကွက်လိုအပ်ချက်ရှိတဲ့ စပါးမျိုးတွေကို ရွေးချယ်စိုက်ပျိုးကြဖို့ မြန်မာနိုင်ငံဆန်စပါးအသင်းချုပ်(MRF)က ဒီကနေ့မှာ တိုက်တွန်းလိုက်ပါတယ်။

#Local_News
Published 02 October 2025
#ဧည့်မထ #ငစိန် #MRF
#YMG/NN #Yangon_Times

#Daily_News
Published 02 October 2025

၁။‌ ‎ဒီရေတောအပင် ၄ သန်းခန့် တိုးချဲ့တည်ထောင်စိုက်ပျိုးသွားမည်
‎
‎၂။ ‌‌‌‌‎‎စက်တင်ဘာလအတွက် စေလွှတ်လချုပ်ပေးရန် ကျန်အေဂျင်စီပေါင်း နှစ်ရာခန့်ရှိ
‎
၃။‌‎ ‎‎မြန်မာ့ရုပ်ရှင်နေ့နှင့် ရုပ်ရှင်သက်ကြီးပူဇော်ပွဲကျင်းပမည်
‎
‎‎၄။ ‎‎တရုတ်-ဗီယက်နမ် ယူယီကွမ်စမတ်ဆိပ်ကမ်း၏ တရုတ်ဘက်ခြမ်း ဆောက်လုပ်မှုပြီးစီး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 02 October 2025

▪️ ယနေ့မြန်မာစံတော်ချိန် ၁၀ နာရီခွဲ အချိန်တိုင်းထွာချက်များအရ ဘင်္ဂလား ပင်လယ်အော်အနောက်အလယ်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလား ပင်လယ်အော်အနောက်မြောက်ပိုင်းတို့တွင် ဖြစ်ပေါ်နေသော အားကောင်းသော မုန်တိုင်းငယ်အရှိန်ကြောင့် မြန်မာနိုင်ငံ၏ ဒေသအချို့၌ နေရာကွက်၍ မိုးကြီးနိုင်ကာ သဘာဝဘေးများဖြစ်နိုင်၍ သတိပြုနေထိုင်ကြရန် မိုးလေဝသနှင့်ဇလဗေဒညွှန်ကြားမှုဦးစီးဌာန မှ အသိပေးထားသည်။

▪️ အဆိုပါ အားကောင်းသောမုန်တိုင်းငယ်၏အရှိန်ကြောင့် ယနေ့မနက်မှ နောက် ၂၄ နာရီ အတွင်း နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း ၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီတိုင်း၊ ကချင်၊ ကယား၊ ကရင်၊ ချင်း၊ မွန်၊ ရခိုင်နှင့် ရှမ်းပြည်နယ်တို့တွင် နေရာစိပ်စိပ်မှ နေရာ အနှံ့အပြား မိုးထစ်ချုန်းရွာပြီး၊ အချို့ဒေသများတွင် နေရာကွက်၍ မိုးကြီးခြင်းများနှင့် အတူ လေပြင်းတိုက်ခတ်ခြင်းများ ဖြစ်ပေါ်နိုင် ကြောင်း သိရသည်။ မြစ်ဝကျွန်းပေါ်၊ ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးနိုင်ကြောင်းသိရသည်။

▪️ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင် အထိ တိုက်ခတ်နိုင်ကာ လှိုင်းအမြင့်မှာ မြစ်ဝကျွန်းပေါ်၊ ရခိုင်ကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် ၁၀ ပေမှ ၁၂ ပေခန့် ရှိနိုင်ပြီး မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်ကာ မိုးသက် လေပြင်းကျစဉ် ရေပြင်/မြေပြင်လေသည် တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ် နိုင် ကြောင်း သိရသည်။

▪️ အဆိုပါ အားကောင်းသောမုန်တိုင်းငယ်၏အရှိန်ကြောင့် မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက် ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါ ဒေသများရှိ ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်း ရေကြောင်းသွားလာရေး၊ လေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များ၊‌ သင်္ဘောများနှင့် ဆည်မြောင်း တာတမံများအနေဖြင့်လည်း လိုအပ်သည်များ ကြိုတင်ပြင်ဆင်ဆောင်ရွက်ထားနိုင်ပါရန် သတိပေးနှိုးဆော်ထားကြောင်း သိရသည်။

#YMG/NN #Yangon_Times

#Local_News
Published 02 October 2025

▪️ ရှေးဟောင်းစာရင်းဝင်အဆောက်အအုံများအဖြစ် မန္တလေးတိုင်းရှိ အဆောက်အအုံ (၆၀) ကျော်ကို ထပ်တိုးသတ်မှတ်လိုက်ကြောင်း သာသနာရေးနှင့် ယဉ်ကျေးမှုဝန်ကြီးဌာနကသိရသည်။

▪️ မန္တလေးနှင့်ပြင်ဦးလွင်မြို့နယ်ရှိ လွန်ခဲ့သည့် နှစ်ပေါင်း (၁ဝဝ) ကျော်က တည်ဆောက်ခဲ့သော အဆောက်အအုံ (၆၄) ခုကို ရှေးဟောင်းစာရင်းဝင် အဆောက်အအုံများအဖြစ်သတ်မှတ်လိုက်ခြင်းဖြစ်သည်။

▪️ သာသနာရေးနှင့်ယဉ်ကျေးမှုဝန်ကြီးဌာနအနေဖြင့် ရှေးဟောင်းအဆောက်အအုံများ ကာကွယ်ထိန်းသိမ်းရေး ဥပဒေ ပုဒ်မ ၃၄၊ ပိုဒ်ခွဲ(ခ)
အရ အပ်နှင်းထားသည့် လုပ်ပိုင်ခွင့်ကို ကျင့်သုံးပြီးဆောင်ရွက်ခဲ့ကြောင်း သိရသည်။

▪️ ထိုသို့ဆောင်ရွက်ရာတွင် မန္တလေးမြို့မှ အဆောက်အအုံ ၃၃ ခု၊ ပြင်ဦးလွင်မှ အဆောက်အအုံ ၃၁ ခုကို ရှေးဟောင်းအဆောက်အအုံများအဖြစ် ယခုနှစ်တွင် ထပ်တိုးသတ်မှတ်ခဲ့ကြောငိးသိရသည်။

▪️ အဆိုပါ ရှေးဟောင်းစာရင်းဝင် အဆောက်အအုံများတွင် ပုဂ္ဂလိကပိုင်အဆောက်အအုံများ၊ ဘာသာရေးဆိုင်ရာ အဆောက်အအုံများ၊ ဟိုတယ်ခရီးပိုင်၊ နိုင်ငံပိုင်အဆောက်အအုံများပါဝင်ကြောင်း ၊ ပုဂ္ဂလိကပိုင်အဆောက်အအုံများအနေဖြင့် ရှေးဟောင်းစာရင်းဝင်အဖြစ် သတ်မှတ်ခြင်းခံရပါက ထိန်းသိမ်းစောင့်ရှောက်မှုလုပ်ငန်းများတွင် နိုင်ငံတော်၏ပံ့ပိုးမှုများ ရရှိနိုင်မည်ဖြစ်ကြောင်း သိရသည်။

#YMG/NN #Yangon_Times

#Local_News
Published 2 October 2025

▪️ ကမ္ဘောဇဘဏ်မှ ချေးငွေများ ပြန်လည်ပေးဆပ်ရန် ပျက်ကွက်နေသူများကိုသတ်မှတ်ရက်အတွင်း ပေးဆပ်ခြင်းမရှိပါကဥပဒေနှင့်အညီ ဆောင်ရွက်သွားမည်ဖြစ်ကြောငိး အသိပေးထုတ်ပြန်ထားသည်။

▪️ အဆိုပါချေးငွေများ ပြန်လည်ပေးဆပ်ရန် ပျက်ကွက်နေသူ (၆၂)ဦးသည်ကမ္ဘောဇဘဏ်လီမိတက်၏ Quick Access Loan, Personal Loan, Shopper Loan နှင့် Shopper Installment Loan မှ တဆင့် ချေးငွေရယူထားသူများဖြစ်ပြီးထိုသူများသည် ချေးငွေ အရင်း၊ အတိုးနှင့် ကျသင့်သည့် အဖိုးအခများအား ပြန်လည်ပေးဆပ်ရန် ပျက်ကွက်လျက်ရှိနေသည့်အတွက် နည်းမျိုးစုံဖြင့် အကြိမ်ကြိမ် ဆက်သွယ်တောင်းခံခြင်း၊ ကြေညာချက်ထုတ်ပြန်ခြင်းများ ပြုလုပ်ခဲ့သော်လည်း ပေးဆပ်ခြင်းမရှိဘဲ ဆက်လက်ပျက်ကွက်နေကြောင်း ကြေညာချက်တွင် ဖော်ပြထားသည်။

▪️ သို့ဖြစ်ရာ ချေးငွေပြန်လည်ပေးဆပ်ရန် ပျက်ကွက်နေသူများအနေဖြင့် ကမ္ဘောဇဘဏ်လီမိတက်သို့ ပေးဆပ်ရန်ရှိသည့် အရင်း၊ အတိုးနှင့် ကျသင့်သည့် အဖိုးအခများကို ယနေ့ (အောက်တိုဘာ ၁ ရက်) မှ (၁၄) ရက်အတွင်း နီးစပ်ရာဘဏ်ခွဲသို့ လာရောက်ဆက်သွယ်ပေးဆပ်ပါရန် နှင့် သတ်မှတ်ရက်အတွင်း ပေးဆပ်ခြင်းမရှိပါက ဥပဒေနှင့်အညီ ဆက်လက်၍ တရားစွဲဆိုဆောင်ရွက်သွားမည်ဖြစ်ကြောင်း သိရသည်။

#YMG/SW #Yangon_Times

#World_News
Published 02 October 2025

▪️ တက်စလာအမှုဆောင်ချုပ် သူဌေးကြီးအီလွန်မက်စ်ဟာ သမိုင်းမှာ ဒေါ်လာ ၅၀၀ ဘီလီယံနီးပါး ချမ်းသာကြွယ်ဝတဲ့ ပထမဆုံးပုဂ္ဂိုလ်ဖြစ်လာကြောင်း Forbes က ဖော်ပြထားပါတယ်။

▪️ ဗုဒ္ဓဟူးနေ့ မွန်းလွဲ ၃ နာရီ ၅၅ မိနစ်မှာ မက်စ်ရဲ့ချမ်းသာမှုက ၄၉၉.၅ ဘီလီယံ ရှိနေပါတယ်။

▪️ တက်စလာစတော့တန်ဖိုး ပြန်လည်မြင့်တက်လာတာတွေ၊ ဒုံးပျံထုတ်လုပ်ရေး SpaceX ၊ xAI ဉာဏ်ရည်တုကုမ္ပဏီလိုမျိုး အခြားကုမ္ပဏီတွေရဲ့ တန်ဖိုးမြင့်တက်လာတာတွေကြောင့် အခုလို စာရင်းဝင်သွားတာ ဖြစ်ပါတယ်။

▪️ တက်စလာကတော့ သူ့ကြွယ်ဝမှုရဲ့ အဓိကလုပ်ငန်းဖြစ်နေပြီး ယခုနှစ်အတွင်း ရှယ်ယာ ၁၄ ရာခိုင်နှုန်းကျော် ခုန်တက်ခဲ့ပါတယ်။

▪️ တစ်နေ့တည်းမှာပင် မက်စ်ရဲ့ကြွယ်ဝမှု ၇ ဘီလီယံကျော် ပိုများလာခဲ့ပါတယ်။

▪️ မက်စ်က ကုမ္ပဏီအနာဂတ်အတွက် ဘယ်လောက်အခရာကျကြောင်း ဘုတ်အဖွဲ့က ရှင်းလင်းပြထားကာ ကားထုတ်လုပ်ရေးက AI နဲ့ စက်ရုပ်နည်းပညာပိုင်းမှာ အထင်ကရဖြစ်လာအောင် အားထုတ်နေပြီး စီအီးအိုအတွက် ဒေါ်လာ ၁ ထရီလီယံတန်ဖိုးရှိ လျော်ကြေးငွေ ထုတ်ပြန်လိုက်ပါတယ်။

▪️ ဒါ့အပြင် SpaceX ကလည်း ပုဂ္ဂလိကအာကာသကဏ္ဍမှာ လွှမ်းမိုးနေကာ တန်ဖိုးပိုမြင့်လာပါတယ်။

▪️ xAI နဲ့ အခြားဉာဏ်ရည်တုလုပ်ငန်းသစ်တွေကလည်း တန်ဖိုးကြီးမားလာနေပါတယ်။

▪️ Forbes ဖော်ပြချက်အရ မက်စ်ရဲ့နောက်မှာတော့ Oracle တည်ထောင်သူ လယ်ရီအယ်လီဆန်က ၃၅၁.၅ ဘီလီယံဖြင့် ဒုတိယနေရာမှာ ရှိနေပါတယ်။

▪️ မက်စ်က ကား၊ ဒုံးပျံ၊ AI စတဲ့ ကဏ္ဍအမျိုးမျိုးမှာ အောင်မြင်မှုတွေ ရရှိနေတာကြောင့် ကမ္ဘာ့သမိုင်းမှာ အချမ်းသာဆုံးအဖြစ် အခိုင်အမာရပ်တည်နေတာ ဖြစ်ပါတယ်။

Source: India Today

#World_Health
Published 02 October 2025

▪️ လေယာဉ်စထွက်တဲ့အခါ ဆင်းသက်တဲ့အခါ ခေါင်းထိုးကိုက်တာမျိုးကို လေယာဉ်စီးခေါင်းကိုက်ခြင်းလို့ ခေါ်ကြပြီး ခံစားရတဲ့ လက္ခဏာ ထင်ရှားပါတယ်။

▪️ အခြားခေါင်းကိုက်ခြင်းတွေနဲ့ မတူတာက နဖူးနားတဝိုက်၊ မျက်လုံးအနောက်ဘက်တွေမှာ စူးရှထိုးအောင့်တဲ့ ပုံစံမျိုးဖြစ်ပါတယ်။

▪️ ရုတ်တရက်ခံစားရနိုင်ကာ များသောအားဖြင့် ခဏပဲခံစားရပါတယ်။

▪️ လေယာဉ်အဆင်းအတက် လုပ်တဲ့အချိန်မှာ လေယာဉ်ခန်းထဲ ဖိအားရုတ်တရက် ပြောင်းလဲတာကြောင့် ဖြစ်ရပြီးတော့ အသက်ရှူလေဝင်လမ်းကြောင်းတွေထဲက ဖိအားနဲ့ လေယာဉ်ထဲကဖိအား ကွာခြားတာကြောင့် ဖြစ်ကြောင်း ဒေါက်တာ ပယ်လက်တီရှီဗာကာသစ်ရက်ဒီက ပြောသွားပါတယ်။

▪️ ခန္ဓာကိုယ်က ဖိအားကို အလျင်အမြန်လိုက်ပြီး မညှိနိုင်တဲ့အခါ ဦးခေါင်းထိုးအောင့်ရတာ ဖြစ်ပါတယ်။

▪️ လေထုဖိအားပြောင်းလဲမှုကို ခံစားလွယ်သူတွေ၊ နှာခေါင်းအတွင်းပေါက်ပြဿနာ ရှိသူတွေမှာ ပိုပြီးဖြစ်လေ့ရှိပါတယ်။

▪️ လေယာဉ်စီးခါနီးမှာ ကာကွယ်တဲ့အနေနဲ့ နှာရည်ပျော်ဆေး၊ နှာခေါင်းအစက်ချဆေးတို့ အသုံးပြုကာ နှာခေါင်းပေါက်တွင်းဖိအားကို လျှော့ချနိုင်သလို ရေဓာတ်ပြည့်ဝစွာ နေထိုင်ခြင်းကလည်း အရေးကြီးပါတယ်။

▪️ လေယာဉ်မစီးခင် အိုင်ဗျူပရိုဖန်လိုမျိုး အကိုက်အခဲပျောက်ဆေး ကြိုတင်အသုံးပြုထားရင် ခံစားရတဲ့လက္ခဏာ လျော့ပါးနိုင်မယ်လို့ ရှင်းပြထားပါတယ်။

▪️ မကြာခဏ လေယာဉ်စီးနေရသူများ အပြင်းအထန် ခေါင်းကိုက်တယ်ဆိုရင်တော့ ဆရာဝန်နဲ့ တိုင်ပင်သင့်ပါတယ်။

▪️ လေယာဉ်စီးခေါင်းကိုက်ခြင်းက သတိထားစရာဖြစ်ပေမယ့် အန္တရာယ်မရှိသလို သာမန်နည်းလမ်းတွေနဲ့ ကာကွယ်နိုင်ကြောင်း ဒေါက်တာ ရက်ဒီက ပြောပါတယ်။

Source: Indian Express