#World_Health
Published 26 October 2025

■ ဈေးကွက်ထဲ ရောင်းချနေတဲ့ ပေါင်မုန့်တွေထဲမှာ ပေါင်မုန့်ဖြူနဲ့ ပေါင်မုန့်ညိုက အများဆုံးဖြစ်ပါတယ်။

■ ဂျုံစေ့ကနေလုပ်တဲ့ ပေါင်မုန့်ညိုက ပေါင်မုန့်ဖြူထက် ပိုပြီးအာဟာရဓာတ်များကာ ဘယ်ဟာက ပိုပြီးကျန်းမာစေလဲဆိုတာ အငြင်းအခုန်ဖြစ်နေကြပါတယ်။

■ ပေါင်မုန့်အရည်အသွေးပေါ် သက်ရောက်နေတဲ့ အချက်အလက်များစွာလည်း ရှိပါတယ်။

■ အာဟာရပညာရှင် လော့ဗ်နိဘာထရာက ပေါင်မုန့်ညိုဟာ ပေါင်မုန့်ဖြူထက် အမြဲတမ်းပိုပြီး ကျန်းမာရေးအတွက် ကောင်းတာတော့ မဟုတ်ဘူးလို့ အင်စတာဂရမ်မှာ ဖော်ပြထားပါတယ်။

■ ဈေးကွက်ထဲရောင်းချတဲ့ ပေါင်မုန့်ညိုအတုတွေကို ခွဲခြားနိုင်မယ့် နည်းလမ်းတွေကတော့..

■ (၁) အရောင်နှင့်ဂျုံစေ့ပါဝင်မှု မတူညီခြင်း
ပေါင်မုန့်ဖြူဟာ များသောအားဖြင့် သန့်စင်ပြီးဂျုံမှုန့်ဖြင့် ပြုလုပ်ကာ အမှုန်အမွှားတွေ ဖယ်ထားတာကြောင့် အမျှင်ဓာတ်၊ ဗိုက်တာမင်၊ သတ္တုဓာတ်တို့ ပိုနည်းပါတယ်။

■ ပေါင်မုန့်ညိုတွေကတော့ သန့်စင်ပြီးဂျုံနဲ့အတူ ကရာမယ်အရောင်၊ စပါးအရသာတို့ ပါဝင်တာကြောင့် အညိုရောင်ဖြစ်နေပြီး ကျန်းမာစေတယ်လို့တော့ မဟုတ်ဘဲ '၁၀၀ ရာခိုင်နှုန်းဂျုံဆန်မှုန့်'လို့ ရေးထားမှသာ စိတ်ချရပါတယ်။

■ (၂) အမျှင်ဓာတ်ပါဝင်မှု
ဂျုံစစ်စစ်ဖြင့်ပြုလုပ်တဲ့ ပေါင်မုန့်ဟာ တစ်ခါစားရင် အနည်းဆုံး အမျှင် ၃ ဂရမ်ပါဝင်ပါတယ်။

■ အမျှင်ဓာတ်ပိုများလေ အူလမ်းကြောင်းလှုပ်ရှားမှု ကောင်းမွန်စေပြီး ဝမ်းချုပ်ခြင်းကို ကာကွယ်ပေးပါတယ်။ Sun 11 am

■ (၃) ကြော်ငြာအားကောင်းခြင်း
အစားအစာကုမ္ပဏီတွေက တကယ်တမ်းထက် ပိုပြီးကျန်းမာစေသလိုမျိုး အရောင်းမြှင့်တင်ကြပြီး ပါဝင်မှုပစ္စည်းစာရင်း မှားယွင်းစွာဖော်ပြခြင်း၊ အရောင်ထည့်ခြင်းတို့ အသုံးပြုတတ်ကြပါတယ်။

■ ဒါကြောင့် ပေါင်မုန့်ညိုဆိုတိုင်းလည်း ၁၀၀ ရာခိုင်နှုန်းဂျုံစစ်စစ်လို့ မသတ်မှတ်နိုင်ပါဘူး။

Source: NDTV

#World_Health
Published 26 October 2025

■ ယနေ့ခေတ် ဒီဂျစ်တယ်ဖန်သားပြင်တွေကြောင့် မျက်လုံးဖိအားများရသလို နေထိုင်စားသောက်မှုပုံစံ မှားယွင်းမှုကြောင့်လည်း ဖိအားတိုးစေပါတယ်။

■ ကွန်ပျူတာ၊ ဖုန်း၊ တီဗီဖန်သားပြင်တို့ကို အချိန်ကြာမြင့်စွာ ကြည့်ရှုခြင်းဖြင့် နေ့စဉ်နဲ့အမျှ မျက်လုံးကို ဒဏ်ဖြစ်နေစေတာ မသိကြပါဘူး။

■ ဒါကြောင့် မျက်လုံးကို ထိခိုက်စေတဲ့ အလေ့အထ ၅ မျိုးကို ပညာရှင်များ သတိပေးထားပါတယ်။

■ (၁) ကွန်ပျူတာ၊ ဖုန်း၊ တီဗီ အကြည့်များခြင်းက မျက်လုံးကြွက်သားတွေ ပင်ပန်းစေပြီး ရုံးတွေမှာရော ကလေးသူငယ်တွေမှာပါ ပြဿနာဖြစ်လာကာ ခြောက်သွေ့ခြင်း၊ ယားယံခြင်း၊ ခေါင်းကိုက်ခြင်း၊ အမြင်ဝါးခြင်းတို့က အစောပိုင်းလက္ခဏာတွေ ဖြစ်ပါတယ်။

■ (၂) နေပူထဲသွားတဲ့ နေကာမျက်မှန်မတပ်ဘဲ သွားခြင်းက မျက်လုံးကို ခရမ်းလွန်ရောင်ခြည် ထိခိုက်စေပြီး ကြာရှည်ထိတွေ့ပါက ရေတိမ်၊ မျက်လုံးကင်ဆာတို့ ဖြစ်စေနိုင်ပါတယ်။

■ (၃) အိပ်ရေးပျက်ခြင်း၊ ရေဓာတ်ခန်းခြောက်ခြင်း၊ မကြာခဏမျက်လုံးပွတ်ခြင်း၊ ဗိုက်တာမင်နည်းခြင်းတို့က အမြင်အားနည်းစေပြီး မျက်လုံးပြုပြင်ကာကွယ်နိုင်စွမ်း လျော့ကျစေပါတယ်။

■ (၄) အနည်းငယ်မျှ ပြုပြင်လေ့ကျင့်ရုံဖြင့် သိသာပြောင်းလဲစေမယ့် နည်းလမ်းကတော့ ကွန်ပျူတာ၊ ဖုန်းကြည့်နေရင်း မိနစ် ၂၀ ကြာတိုင်း ပေ ၂၀ အကွာသို့ စက္ကန့် ၂၀ ကြည့်ပေးရမှာ ဖြစ်ပါတယ်။

■ (၅) မျက်လုံးက အနူးညံ့ဆုံးအင်္ဂါတွေထဲ ပါဝင်တာကြောင့် ပုံမှန်မျက်လုံးစစ်ဆေးပေးခြင်း၊ ထိခိုက်မှုများမှ ကာကွယ်ခြင်းတို့ဖြင့် ထိန်းသိမ်းပေးသင့်ပါတယ်။

Source: India Today.

လေယာဉ်လိုအပ်ချက် မြင့်မားလာခြင်းနဲ့ ရေရှည်မိတ်ဖက်ဆက်ဆံရေး ခိုင်မြဲစေရန်အတွက် Airbus က တရုတ်မှာ ထုတ်လုပ်မှုတိုးချဲ့သွားမယ်လို့ စီအီးအို ဂီလွန်ဖော်ရီက ဗုဒ္ဓဟူးနေ့မှာပြောသွားပါတယ်။

#World_Industry
Published 25 October 2025
#Airbus #လေယာဉ်
#YMG #Yangon_Times #Yangon_Media_Group

စက်သုံးဆီရည်ညွှန်းဈေး‌တွေ လေးပတ်ဆက်တိုက်ကျဆင်းနေတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက် ထုတ်ပြန်ချက်အရသိရပါတယ်။

#Local_News
Published 25 October 2025
#စက်သုံးဆီ
#YMG/NN #Yangon_Times

မြန်မာနိုင်ငံဘောလုံးအဖွဲချုပ် (MFF)နဲ့ ကမ္ဘာ့ဘောလုံးအဖွဲ့ချုပ် (FIFA)တို ပူးပေါင်းကာ ဒေသအလိုက်လေ့ကျင့်ရေးစင်တာတွေကို နေရာဒေသခြောက်ခုမှာ ဖွင့်လှစ်သွားမယ်လို့ သိရပါတယ်။

#Local_News
Published 25 October 2025
#MFF #FIFA
#YMG/SW #Yangon_Times

စွမ်းအင်အသွင်ကူးပြောင်ရေးကာလတွင် စွမ်းအင်ဖူလုံမှုနှင့်လုံခြုံမှုအတွက် နှစ်နိုင်ငံ နီးကပ်စွာပူးပေါင်းဆောင်ရွက်လိုတဲ့ အခြေအနေများကို ယမန်နေ့က တွေ့ဆုံဆွေးနွေးခဲ့တယ်လို့ သိရပါတယ်။

#Local_News
Published 25 October 2025
#မြန်မာ_တရုတ် #စွမ်းအင်
#YMG/SW #Yangon_Times

#Daily_News

Published 25 OCtober 2025

၁။‌ ‎‎စွမ်းအင်အသွင်ကူးပြောင်းရေးကာလတွင် မြန်မာ-တရုတ် နှစ်နိုင်ငံနီးကပ်စွာပူးပေါင်းဆောင်ရွက်ရေးဆွေးနွေး
‎
၂။ ‌‌‌‌‌‎‎‎MFF နှင့် FIFA ၏ ဒေသအလိုက် လေ့ကျင့်ရေးစင်တာများ ဒေသခြောက်ခုတွင်ဖွင့်လှစ်မည်
‎
‎၃။‌‎‎ စက်သုံးဆီဈေး လေးပတ်ဆက်တိုက်ကျဆင်း
‎
‎‎၄။‎ Airbusကုမ္ပဏီ၏A320လေယာဉ်တပ်ဆင်ထုတ်လုပ်ရေးလုပ်ငန်း တရုတ်၌တိုးချဲ့သွားမည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၅ အောက်တိုဘာ၊၂၀၂၅

▪️ ထိုင်းနိုင်ငံ မိဖုရားကြီး  သီရိကစ် (Queen Mother Sirikit) နတ်ရွာစံ ကံတော်ကုန်သွားခြင်းကြောင့် ဝန်ကြီးချုပ် အနုတင် ချန်ဗီရာကူလ် (Anutin Charnvirakul) သည် အာဆီယံ ထိပ်သီးအစည်းအဝေးသို့ တက်ရောက်မည့် အစီအစဉ်ကို ဖျက်သိမ်းခဲ့ပြီး၊ လာမည့်သီတင်းပတ် တောင်ကိုရီးယားနိုင်ငံတွင် ကျင်းပ  မည့် APEC ထိပ်သီးအစည်းအဝေးကိုလည်း တက်ရောက်နိုင်မည် မဟုတ်ဟုဆိုသည်။

 ▪️ သို့သော် ဝန်ကြီးချုပ် အနုတင် သည် အမေရိကန်သမ္မတ ဒေါ်နယ်လ် ထရမ့် (Donald Trump) ကို အသိသက်သေထားမည့် ကမ္ဘောဒီးယားနိုင်ငံနှင့် အပစ်အခတ်ရပ်စဲရေး သဘောတူစာချုပ် လက်မှတ်   ရေးထိုးရန်အတွက်သာ မလေးရှားနိုင်ငံသို့ သွားရောက်မည် ဖြစ်သည်။

 ▪️ ဤသဘောတူညီချက်သည် ပြီးခဲ့သည့် ဇူလိုင်လက ဖြစ်ပွားခဲ့သော နယ်စပ်တိုက်ပွဲများအပြီးတွင် ထွက်ပေါ်လာခြင်းဖြစ်ပြီး၊ အဆိုပါတိုက်ပွဲများကြောင့် လူဒါဇင်ပေါင်းများစွာ သေဆုံးကာ လူပေါင်း ၃၀၀,၀၀၀ ခန့် နေရပ်စွန့်ခွာခဲ့ရသည်။ ယင်းသည် နှစ်နိုင်ငံအကြား နှစ်ပေါင်းများစွာအတွင်း အပြင်းထန်  ဆုံး တိုက်ခိုက်မှုဖြစ်သည်။

 ▪️ ကွာလာလမ်ပူမြို့၌ အာဆီယံခေါင်းဆောင်များ ဆွေးနွေးနေသည့် အကြောင်းအရာများမှာ-

 -ကုန်သွယ်မှုဆိုင်ရာ ဘက်ပေါင်းစုံပါဝင်မှု (Trade Multilateralism) ကို ပံ့ပိုးရေး။

 -အရှေ့တီမောနိုင်ငံကို အာဆီယံ၏ ၁၁ နိုင်ငံမြောက် အဖွဲ့ဝင်အဖြစ် လက်ခံရေး။

 -အကောက်ခွန်ဆိုင်ရာ တင်းမာမှုများကြားမှ အမေရိကန်-တရုတ် ကုန်သွယ်မှု ဆွေးနွေးပွဲများ။

 ▪️ အမေရိကန် ကိုယ်စားလှယ်အဖွဲ့ဖြစ်သော ဘဏ္ဍာရေးဝန်ကြီး စကော့တ် ဘက်ဆင့် (Scott Bessent) နှင့် ကုန်သွယ်ရေး ကိုယ်စားလှယ် ဂျေမီဆန် ဂရီးယား (Jamieson Greer) တို့သည် တရုတ် ဒုတိယ ဝန်ကြီးချုပ် ဟီ လီဖန် (He Lifeng) နှင့် တွေ့ဆုံကာ ကုန်သွယ်စစ် တိုးမြင့်လာမှု ဖြစ်နိုင်ခြေကို လျှော့ချရန် ဆွေးနွေးလျက်ရှိသည်။

 ▪️ သမ္မတ ထရမ့်၏ အာရှခရီးစဉ်- 

🔷မလေးရှားနိုင်ငံမှ စတင်ပြီး အခြားအာရှနိုင်ငံများသို့ ဆက်လက်သွားရောက်မည်။ 

 🔷တရုတ်နိုင်ငံမှ လီ ချင် (Li Qiang)၊ ဘရာဇီးလ်နိုင်ငံမှ လူးလာ ဒါ ဆေးလ်ဗား (Lula da Silva)၊ ဂျပန်နိုင်ငံမှ ဆာနာအဲ တာကာအိချိ (Sanae Takaichi) တို့နှင့် တွေ့ဆုံရန် စီစဉ်ထားသည်။ 

🔷ကနေဒါနိုင်ငံမှ မာ့ခ် ကာနေး (Mark Carney) နှင့် တွေ့ဆုံရန် အစီအစဉ်မရှိပါ။

 ▪️ လူးလာ ဒါ ဆေးလ်ဗားက ဘရာဇီးလ်ကုန်ပစ္စည်းများအပေါ် အမေရိကန်၏ အကောက်ခွန်   စည်းကြပ်မှုများကို ပြန်လည်စဉ်းစားပေးရန် သမ္မတ ထရမ့်အား တောင်းဆိုရန် ရည်ရွယ်ထားသည်။

Source Reuters

#Local_News
Published 25 October 2025

▪️ ယနေ့အောက်တိုဘာလ ၂၅ရက် နံနက်အစောပိုင်းက ရန်ကုန်မြို့၊ ဗိုလ်တထောင်မြို့နယ် ဗိုလ်အောင်ကျော်လမ်းနှင့် မဟာဗန္ဓုလလမ်းဒေါင့် မီးပွိုင့်တွင် ယာဉ်တစ်စီးအရှိန် လွန်တိမ်းမှောက်ကာ တစ်ဦး​​ေ-သဆုံးခဲ့ကြောင်း ရှင်သန်ရေးကူညီမှုအသင်းမှ သိရသည်။

▪️ ဖြစ်စဉ်မှာ ယနေ့ နံနက် ၈နာရီ ၃၀မိနစ်အချိန်က ဗိုလ်အောင်ကျော်လမ်းနှင့် မဟာဗန္ဓုလလမ်းဒေါင့် မီးပွိုင့်တွင်တက္ကစီယာဉ်နှင့် TOWNACE အောက်ဆိုက်ကားတို့ တိမ်းရှောင်ရာမှ အရှိန်လွန်တိမ်းမှောက်ခဲ့ခြင်းဖြစ်ပြီး အဆိုပါဖြစ်စဉ်ကြောင့် TOWNACE ကားပေါ်တွင် လိုက်ပါစီးနင်းလာသူများအနက် တစ်ဦး​ေ-သဆုံးကာ ခြောက်ဦးဒဏ်ရာရရှိခဲ့ကြောင်း သိရသည်။

▪️ ​​အဆိုပါ ​ေ-သဆုံးသူတစ်ဦးနှင့် ဒဏ်ရာရှိသူခြောက်ဦးတို့အား ရှင်သန်ရေးကူညီမှုအသင်း၊ ကိုပူတူးအသင်း၊ ဘိုကလေးဈေးအသင်းနှင့် ကျောက်တံတားအရန်မီးသတ်တို့မှ လူနာတင်ကားများဖြင့် ရန်ကုန်ဆေးရုံကြီးသို့ ကူညီပို့ဆောင်ပေးခဲ့ကြကြောင်း သိရသည်။

#YMG/SW #Yangon_Times
Photo-ရှင်သန်ရေးကူညီမှုအသင်း

#World_News
Published 25 October 2025

■ အမေရိကန်သမ္မတ ဒေါ်နယ်ထရမ့်က လာမယ့်အပတ် အာရှခရီးစဉ်အတွင်း တရုတ်သမ္မတ ရှီကျင့်ဖျင်နဲ့ တွေ့ဆုံသွားဖွယ်ရှိရာ ဘယ်လောက်အထိ သဘောတူညီမှု ရယူနိုင်မလဲဆိုတာ စောင့်ကြည့်သွားရပါမယ်။

■ သောကြာနေ့ညမှာ ထရမ့်က ဝါရှင်တန်ကနေ ထွက်ခွာလာပြီး မလေးရှား၊ ဂျပန်၊ တောင်ကိုရီးယားနိုင်ငံများသို့ ၅ ရက်တာခရီး လည်ပတ်မှာဖြစ်ပါတယ်။

■ ဒါဟာ ဇန်နဝါရီလက သမ္မတတာဝန် ပြန်လည်ရယူပြီးနောက်ပိုင်း အာရှဒေသသို့ ပထမဆုံးရောက်ရှိတာ ဖြစ်ပါတယ်။

■ လာမယ့်ကြာသပတေးနေ့ တောင်ကိုရီးယားမှာ ရှီကျင့်ဖျင်နဲ့ မျက်နှာချင်းဆိုင် မတွေ့ဆုံခင် ကုန်သွယ်ရေး၊ အရေးကြီးသော သတ္တုများနဲ့ အပစ်အခတ်ရပ်စဲရေး သဘောတူညီမှုတွေလည်း ရရှိဖို့ ထရမ့်ကမျှော်လင့်ထားပါတယ်။

■ ရုရှား-ယူကရိန်းစစ်ပွဲ ဆက်လက်ဖြစ်ပွားနေပြီး အမေရိကန်နဲ့တရုတ် ကုန်သွယ်ရေးတိုက်ပွဲ အဆုံးသတ်ရေး အရိပ်အယောင်မြင်လာရချိန်မှာ သူ့ရဲ့ နိုင်ငံခြားရေးပေါ်လစီအောင်မြင်မှုကို ဆက်လက်ထိန်းသိမ်းဖို့ လုပ်ဆောင်နေတာ ဖြစ်ပါတယ်။

■ အမေရိကန်ဟာ အခွန်စည်းကြပ်ရေး၊ မြေရှားသတ္တုကိစ္စ၊ ကုန်သွယ်ရေးကန့်သတ်ချက်များနဲ့ ပတ်သက်ပြီး တရုတ်နဲ့ တင်းမာမှုရှိနေဆဲ ဖြစ်ပါတယ်။

■ ထရမ့်က ယခုခရီးစဉ်အတွင်း ထိုင်ဝမ်အရေး၊ ရုရှားအပေါ် ဒဏ်ခတ်ပိတ်ဆို့မှုများ၊ ငြိမ်းချမ်းရေးဆွေးနွေးမှုများ အပါအဝင် ဒေသတွင်းကိစ္စရပ်များကို ဖြေရှင်းပေးဖို့ ရည်မှန်းထားပါတယ်။

■ နောက်ထပ်တွေ့ဆုံမှုများအနေဖြင့် ဂျပန်ဝန်ကြီးချုပ်အသစ်၊ တောင်ကိုရီးယားသမ္မတတို့ အပါအဝင် အခြားခေါင်းဆောင်များနဲ့လည်း တွေ့ဆုံဖို့ စီစဉ်ထားပါတယ်။

■ မလေးရှား၊ အိန္ဒိယတို့နဲ့ ကုန်သွယ်ရေးသဘောတူညီမှုများကို ပိတ်သိမ်းရန် ကြိုးပမ်းနေကာ တောင်ကိုရီးယားအတွက် အခက်တွေ့စေတဲ့ သဘောတူညီမှုတစ်ခုကိုတော့ ထောက်ပံ့ဖို့လုပ်နေပါတယ်။

Source: Reuters

#World_Health
Published 25 October 2025

■ နှလုံးဖောက်ခြင်းဆိုတာဟာ ရုတ်တရက် ရင်ဘတ်အောင့်ခြင်း၊ ရင်ဘတ်တင်းကြပ်ခြင်းတို့နဲ့ ဆက်စပ်တွေးကြပါတယ်။

■ ဒါပေမဲ့ အစောဆုံးလက္ခဏာတွေက ဒီထက်ပိုပြီး သိမ်မွေ့နူးညံ့တယ်လို့ နှလုံးအထူးကုတွေ သတိပေးလာပါတယ်။

■ ရေရှည်နွမ်းနယ်ခြင်း၊ မောပန်းခြင်းစတာတွေက နှလုံးဖောက်ခြင်းနဲ့ ပထမဆုံး လက္ခဏာတွေ ဖြစ်တယ်လို့ ဒေါက်တာ ဆန်ဂျေးဘိုရာဂျ်က ပြောပါတယ်။

■ ဒါဟာ နှလုံးက ကောင်းစွာ မညှစ်နိုင်ဘဲ ခန္ဓာကိုယ်ဆီ အောက်ဆီဂျင်ရောက်ရှိမှု နည်းပါးတာ ဖြစ်ပါတယ်။

■ ဒီလက္ခဏာတွေကို လစ်လျူရှုလိုက်ရင် နှလုံးသွေးကြောပြဿနာတွေကို မသိရှိနိုင်တော့ဘဲ အချိန်မီ ကာကွယ်ကုသဖို့ ကျော်လွန်သွားတတ်ပါတယ်။

■ သွေးလည်ပတ်မှုလျော့နည်းခြင်းနဲ့ ရောင်ရမ်းခြင်းတို့က ခန္ဓာကိုယ်စွမ်းအင် ထိန်းသိမ်းမှုကို ဆုတ်ယုတ်စေကာ ပင်ပန်းနွမ်းနယ်စေပါတယ်။

■ သတိထားစောင့်ကြည့်ရမယ့် အစောပိုင်းနှလုံးပြဿနာတွေထဲမှာ ဆက်တိုက်ပင်ပန်းနွမ်းနယ်ခြင်း၊ ရင်ဘတ် လက်မောင်း ကျောတို့မှာ ရောင်ရမ်းခြင်း၊ မေးရိုး ပခုံးတို့မှာ မသက်မသာဖြစ်ခြင်း၊ အစာမကြေခြင်း အစာအိမ်မကောင်းခြင်း၊ လှုပ်ရှားမှုပြုလုပ်စဉ် အသက်ရှူကြပ်ခြင်း၊ ပင်ပင်ပန်းပန်းမလုပ်ဘဲ ချွေးထွက်ခြင်း၊ မတ်တပ်ရပ်စဉ် ခေါင်းကိုက်မူးဝေခြင်းတို့ ပါဝင်ပါတယ်။

■ ဒီလက္ခဏာတွေက နှလုံးမဖောက်ခင် ရက်သတ္တပတ်၊ ရက်ပိုင်းအတွင်းတို့မှာ ဖြစ်တတ်ပါတယ်။

■ ဒါတွေကို အချိန်မီသိရှိပြီး ကြိုတင်ကာကွယ်ခြင်းက အရေးကြီးပါတယ်။
နေ့စဉ်လမ်းလျှောက်ခြင်း၊ နှလုံးကျန်းမာစေတဲ့ အစားအစာများစားခြင်းတို့ဖြင့် ဘေးအန္တရာယ် လျော့နည်းစေနိုင်ပါတယ်။

Source: Times of India.

#World_Health
Published 25 October 2025

■ အိပ်ရေးမဝတဲ့အခါ နှလုံးရောဂါ၊ သွေးတိုး၊ ဆီးချို၊ အဝလွန်ခြင်း စတဲ့နှလုံးပြဿနာများ ဖြစ်နိုင်ခြေများစေပါတယ်။

■ သုတေသီတွေက လူရွယ်အယောက် ၇၇၀ ထံမှ အချက်အလက်များ ဆန်းစစ်ခဲ့ကြကာ အိပ်စက်ပုံစံပြဿနာများကို ဖော်ထုတ်လေ့လာခဲ့ကြရာ အဓိကအားဖြင့် ၅ မျိုးခွဲခြားခဲ့ကြပါတယ်။

■ (၁) လုံလောက်စွာ မအိပ်စက်ရခြင်း
တစ်ညကို ၇ နာရီမှ ၉ နာရီကြားအိပ်စက်ဖို့ ပညာရှင်များ အတည်ပြုထားကြပြီး ၆ နာရီအောက်သာ အိပ်စက်ရပါက အပြုအမူစိတ်ဆတ်လာခြင်း၊ စိတ်ခံစားချက်ပြဿနာများ၊ အခြားသူများကို ဦးစားမပေးခြင်းစတဲ့ လက္ခဏာများ ဖြစ်ပေါ်စေနိုင်ပါတယ်။

■ (၂) ညဘက်ခဏခဏနိုးခြင်း
အိပ်စက်ခြင်းဆိုတာက ဦးနှောက်အဆိပ်အတောက်တွေကို ဖယ်ရှားပေးတာဖြစ်ပြီး ညဘက်နိုးနိုးနေခြင်းက မှတ်ဉာဏ်ပိုင်း၊ စိုးရိမ်ခြင်း၊ အပြုအမူပိုင်း ပြဿနာများနဲ့ ဆက်စပ်နေပါတယ်။

■ (၃) ကောင်းစွာမအိပ်ရခြင်း
အိပ်ပျော်ဖို့ခက်ခဲပြီး အနှောင့်အယှက်ဖြစ်နေလို့ နေ့ဘက်ပင်ပန်းနွမ်းနယ်တာမျိုး ခံစားရခြင်းက စိတ်ကျန်းမာရေးအတွက် ဆိုးရွားစေပါတယ်။

■ (၄) အိပ်ဆေးသောက်နေရခြင်း
အမေရိကန်တွေရဲ့ ၆၄ ရာခိုင်နှုန်းလောက်က အိပ်ဆေးမှီဝဲနေရကာ ဒီဆေးတွေက လူမှုဆက်ဆံရေးမှာ စိတ်ကျေနပ်မှုရစေပေမယ့် မှတ်ဉာဏ်နဲ့ သူတစ်ပါးခံစားချက် အသိအမှတ်ပြုခြင်းတို့မှာ ပြဿနာဖြစ်နိုင်ပါတယ်။

■ (၅) အိပ်ပေမယ့် နေ့ဘက်ငိုက်မျဉ်းခြင်း
ညဘက်ကောင်းစွာ အိပ်ရင်တောင်မှ နေ့ဘက်ပင်ပန်းပြီး အိပ်ငိုက်တာက အိပ်နေစဉ် အသက်ရှူရပ်ခြင်း၊ သွေးအားနည်းခြင်း၊ ဗိုက်တာမင်ချို့တဲ့ခြင်းတို့ကြောင့် ဖြစ်နိုင်ပြီး ဖိစီးမှု၊ စိုးရွံ့ခြင်း၊ ဒေါသ၊ စိတ်ဓာတ်ကျခြင်းတို့နဲ့ ဆက်စပ်နေပါတယ်။

Source: New York Post.