#Local_News
Published 30 October 2025

▪️ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီ-မဲ့ထော်သလေး(KK Park)နယ်မြေမှ အွန်လိုင်းလောင်းကစားမှုများ၊ အွန်လိုင်းလိမ်လည်မှုများ ကျူးလွန်ခဲ့ကြသည့် ဖိလစ်ပိုင်နိုင်ငံသား ၇၅ ဦး၊ အိန္ဒိယနိုင်ငံသား ၇၃ ဦး၊ တရုတ်နိုင်ငံသား ၁၇ ဦးနှင့် ကာဇက်စတန်နိုင်ငံသားတစ်ဦး၊ စုစုပေါင်းပြည်ပနိုင်ငံသား ၁၆၆ ဦးကို ထပ်မံစစ်ဆေးနိုင်ခဲ့ကြောင်း သိရသည်။

▪️ ယခုအခါ သက်ဆိုင်ရာနိုင်ငံများသို့ အမြန်ဆုံးပြန်လည်လွှဲပြောင်းပေးနိုင်ရေးအတွက် ဌာနဆိုင်ရာပူးပေါင်းအဖွဲ့များက လိုအပ်သည့်ကိုယ်ရေးအချက်အလက်များနှင့် မှတ်တမ်းများစာရင်းကောက်ယူခြင်း လုပ်ငန်းတို့ကို လုပ်ဆောင်နေကြောင်း သိရသည်။

▪️ ဇန်နဝါရီလ ၃၀ ရက်မှ အောက်တိုဘာလ ၂၉ ရက်အထိ မြန်မာနိုင်ငံအတွင်းသို့ တရားမဝင်ဝင်ရောက်လာသည့် ပြည်ပနိုင်ငံသား စုစုပေါင်း ၁၀၆၄၀ ဦး ထိန်းသိမ်းနိုင်ခဲ့ကာ ၁၀၄၅၃ ဦးကို စစ်ဆေးခဲ့ပြီး ၎င်းတို့အနက်မှ ၉၃၆၅ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျပြည် နှင်လွှဲပြောင်းပေးခဲ့ကာ ကျန်ရှိသည့်ပြည်ပနိုင်ငံသား ၁၂၇၅ ဦးကို သက်ဆိုင်ရာနိုင်ငံများသို့ လွှဲပြောင်းပေးရန်အသင့်ဖြစ်နေပြီဖြစ်ကြောင်းသိရသည်။

#YMG/PP #Yangon_Times

#World_Health
Published 30 October 2025

▪️ ညဘက်အိပ်စက်တဲ့အခါ ကောင်းစွာအိပ်ပျော်နိုင်စေမယ့် အလွယ်ဆုံးနည်းလမ်းတစ်ခုက ခြေထောက်ကို စောင်အပြင်ဘက် ထုတ်ထားရုံပဲ ဖြစ်ပါတယ်။

▪️ ဆိုရှယ်မီဒီယာနာမည်ကြီးအချို့ဆိုရင် ဆောင်းတွင်းကာလမှာတောင် ခြေထောက်ကို စောင်အပြင်ဘက်ထုတ်ပြီး အိပ်ပျော်အောင်လုပ်ကြတယ်လို့ ဖော်ပြထားကြပါတယ်။

▪️ တကယ်တမ်းမှာလည်း ခြေချောင်းလေးတွေကို မသိလိုက်မသိဘာသာ အပြင်ဘက်သို့ ထုတ်ထားတတ်ကြပြီး ဒါဟာ ချက်ချင်းအိပ်ပျော်သွားစေနိုင်ပါတယ်။

▪️ ခြေထောက်တစ်ဖက်ကို စောင်အပြင်ဘက် ထုတ်ထားခြင်းဖြင့် ခန္ဓာကိုယ်အပူချိန်ကို ချိန်ညှိပေးနိုင်တယ်လို့ စိတ်ပိုင်းဆိုင်ရာနဲ့ အိပ်စက်ရေးပညာရှင် လီယာကေလာက ပြောပါတယ်။

▪️ ဒီနည်းလမ်းဟာ အေးလွန်းခြင်းနဲ့ ပူလွန်းခြင်းကြားကို ထိန်းညှိစေပြီး တစ်ညလုံးအိပ်ပျော်စေနိုင်မယ့် အဓိကအချက် ဖြစ်ပါတယ်။

▪️ ခြေထောက်မှာ အထူးသွေးကြောတွေ ပိုမိုပါရှိပြီး ခန္ဓာကိုယ်ထဲမှာ အပူကို ထိရောက်စွာ ချိန်ညှိပေးနိုင်တာဖြစ်ကြောင်း ကေလာက ရှင်းပြပါတယ်။

▪️ အချို့က ကိုယ်တိုင်မသိလိုက်ဘဲ ခြေထောက်ကို စောင်အပြင်ဘက်ထုတ်တဲ့အခါ ပိုပြီးသက်တောင့်သက်သာရှိသလို ခံစားကြရပါတယ်။

▪️ ဒီနည်းလမ်းဟာ အပူကို လျင်မြန်စွာထုတ်လွှတ်ပေးပြီး ဦးနှောက်ကို နားချိန်တန်ပြီလို့ အချက်ပြပါတယ်။

▪️ သိပ္ပံနည်းအရ ခန္ဓာကိုယ်က အိပ်ပျော်ဖို့ဆိုရင် အပူချိန် ၁ - ၂ ဒီဂရီလောက် လျော့ကျဖို့လိုပါတယ်။

▪️ ဒီနည်းလမ်းဟာ စတင်အိပ်ပျော်စေရုံမက နှစ်ခြိုက်စွာအိပ်ပျော်နေစေဖို့လည်း အကူအညီဖြစ်စေတယ်လို့ ပြောသွားပါတယ်။

Source: Bustle

#World_Health
Published 30 October 2025

■ အသက်အရွယ် မအိုသေးခင်မှာပဲ ဆံပင်ဖြူထွက်လာတတ်ကြပါတယ်။

■ ဆံပင်တွေက ဆက်လက်ရှည်ထွက်နေဆဲ ဖြစ်ပေမယ့် ဆံကေသာမွေးညင်းပေါက်ထဲက ဆဲလ်တွေကြောင့် ဆံပင်အရောင်ဖျော့လာတာ ဖြစ်ပါတယ်။

■ မွေးညင်းပေါက်တွေထဲက ရောင်ခြယ်ဆဲလ်တွေကြောင့် ဆံပင်အရောင် စတင်ဖြစ်ပေါ်ပါတယ်။

■ Melanocyte stem cells လို့ခေါ်တဲ့ ဆဲလ်တွေက မရွေ့တော့တဲ့အခါ အရောင်မဖြစ်ပေါ်တော့ဘဲ ဆံပင်ကတော့ ဆက်လက်ရှည်နေပါတယ်။

■ ဒါကြောင့် မရွေ့တော့တဲ့ဆဲလ်တွေကို နောက်တစ်ခါရွေ့လျားအောင် ပြုလုပ်ခြင်းဖြင့် ဆံပင်ဖြူကာကွယ်ခြင်းနဲ့ ဖြူပြီးသားကိုတောင် အရောင်ပြန်ဖြစ်စေနိုင်မယ့် နည်းလမ်းတစ်ခုကို NYU Langone Health မှ ဦးဆောင်သုတေသီ ကျိစွန်းက ပြောပါတယ်။

■ လေ့လာမှုပြုလုပ်ရာမှာ ကြွက်တွေထဲက RNA ဖြစ်စဉ်နဲ့ တိုက်ရိုက်ပုံရိပ်တွေ အသုံးပြုပြီး ဆဲလ်ရွေ့လျားပုံတွေနဲ့ အမျှင်အရောင်အပေါ် သက်ရောက်ပုံများကို စောင့်ကြည့်ခဲ့ကြပါတယ်။

■ ထိုအခါမှာ အသက်အရွယ်တစ်ခုတည်းထက်စာရင် အချိန်ကိုက်ဖြစ်ခြင်းနဲ့ ဆဲလ်ရွေ့လျားမှုတို့ကပါ အမွှေးအရောင်ဆုံးရှုံးခြင်းရဲ့ အဓိကအကြောင်းအရင်းတွေ ဖြစ်နေပါတယ်။

■ သိပ္ပံပညာရှင်တွေက ပင်မဆဲလ်ရွေ့လျားမှု ပြန်လည်ရှင်သန်စေပြီး မွေးညင်းပေါက်များ ပြန်လည်အလုပ်လုပ်စေမယ့် နည်းလမ်းတွေကို ဖန်တီးဖို့ ရည်ရွယ်ထားပါတယ်။

■ လက်ရှိမှာတော့ ကုသနည်းတွေ မရသေးပေမယ့် ယခုသုတေသနအရဆိုရင် အနာဂတ်မှာ ဖြေရှင်းနိုင်မယ့်နည်းလမ်းတွေအတွက် လမ်းစဖြစ်လာနိုင်ပါတယ်။

Source: Earth.

၂၉ အောက်တိုဘာ ၂၀၂၅

ခေတ်သမိုင်းကို ဒုန်းဆိုင်းမည့်သူများ ရွေးကောက်ပွဲ အသိပညာပေးဇာတ်လမ်း၊ ဧရာဝတီမြစ်ကူး ရတနာသိင်္ခတံတားကို အကြမ်းဖက်သမားများက မိုင်းခွဲဖျက်ဆီးခဲ့မှု၊ အာဆီယံ ဘုံသဘောတူညီချက် ၅ ရပ်တို့နှင့်ပတ်သက်၍  အမျိုးသားကာကွယ်ရေးနှင့် လုံခြုံရေးကောင်စီ သတင်းထုတ်ပြန်ရေးအဖွဲ့ ခေါင်းဆောင် ဗိုလ်ချုပ်ဇော်မင်းထွန်းကရှင်းလင်းပြောကြားခဲ့ရာ ပြောကြားချက်အပြည့်အစုံရုပ်သံကိုဖော်ပြပေးပါတယ်။

တောင်အာဖရိကမှ နှစ်ရာချီသက်တမ်းရှိတဲ့ ရထားလမ်းကြောင်းစနစ်ကို တရုတ်ကုမ္ပဏီတစ်ခုရဲ့ AI နည်းပညာများဖြင့် အသွင်ပြောင်းလဲပေးလိုက်ပြီဖြစ်ပါတယ်။

#World_Development
Published 29 October 2025
#AI #တရုတ်ကုမ္ပဏီ
#YMG #Yangon_Times #Yangon_Media_Group

မန္တလေးတိုင်းဒေသကြီး ပြင်ဦးလွင်ခရိုင် ပြင်ဦးလွင်မြို့ကို အာဆီယံဆေးလိပ်ငွေ့ကင်းစင်ဆုယှဉ်ပြိုင်နိုင်ဖို့အတွက်လုပ်ငန်းညှိနှိင်းအစည်းအဝေးကို ယမန်နေ့ကပြင်ဦးလွင်ခရိုင် အထွေထွေအုပ်ချုပ်ရေးဦးစီးဌာန အစည်းအဝေးခန်းမဆောင်မှာ ကျင်းပခဲ့တယ်လို့သိရပါတယ်။

#Local_News
Published 29 October 2025
#ပြင်ဦးလွင်မြို့ #ဆေးလိပ်
#YMG/SW #Yangon_Times

ရန်ကုန်မြို့၊ သီရိမင်္ဂလာ ကမ္ဘာအေးကုန်းမြေရှိ ကမ္ဘာအေးစေတီတော်မြတ်ကြီးရဲ့ (၂၅)ကြိမ်မြောက် မသိုးသင်္ကန်း ယှဉ်ပြိုင်ရက်လုပ်ကပ်လှူပူဇော်ပွဲနဲ့ ဆွမ်းတော်ကြီးကပ်လှူပူဇော်ပွဲကို ကျင်းပသွားမယ်လို့သိရပါတယ်။

#Local_News
Published 29 October 2025
#ကမ္ဘာအေးစေတီတော် #မသိုးသင်္ကန်း
#YMG/NN #Yangon_Times

ရန်ကုန်တိရိစ္ဆာန်ဥယျာဉ်မှာ တန်ဆောင်တိုင်ဈေးရောင်းပွဲတော်ကို လေးရက်ကြာကျင်းပသွားမယ်လို့ Yangon Zoo က သိရပါတယ်။

#Local_News
Published 29 October 2025
#ရန်ကုန်တိရိစ္ဆာန်ဥယျာဉ် #Yangon_Zoo
#YMG/NN #Yangon_Times

မြန်မာ-အီဂျစ်နှစ်နိုင်ငံအကြား လယ်ယာကဏ္ဍပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာကို ယမန်နေ့က အီဂျစ်နိုင်ငံ၊ ကိုင်ရိုမြို့၊ အုပ်ချုပ်ရေးမြို့တော်သစ်ရှိ အီဂျစ်နိုင်ငံ စိုက်ပျိုးရေးနှင့်မြေယာပြုပြင်ပြောင်းလဲရေးဝန်ကြီးဌာနမှာ လက်မှတ်ရေးထိုးခဲ့တယ်လို့ သိရပါတယ်။

#Local_News
Published 29 October 2025
#မြန်မာ_အီဂျစ်
#YMG/SW #Yangon_Times

#Daily_News

Published 29 October 2025

၁။‌ ‎‎‎‎‎ရန်ကုန်တိရိစ္ဆာန်ဥယျာဉ်၌ တန်ဆောင်တိုင်ဈေးရောင်းပွဲတော် လေးရက်ကြာကျင်းပမည်
‎
၂။ ‌‌‌‌‌‎‎‎ကမ္ဘာအေးစေတီတော်၌ မသိုးသင်္ကန်းနှင့်ဆွမ်းတော်ကြီး ကပ်လှူပူဇော်ပွဲကျင်းပမည်
‎
‎၃။‌‎‎ ‎‎‎အာဆီယံ ဆေးလိပ်ငွေ့ကင်းစင်ဒေသဆုအတွက် ပြင်ဦးလွင်မြို့ဝင်ရောက်ယှဉ်ပြိုင်မည်

‎‎၄။‎ ‎တရုတ်နည်းပညာ AIစနစ်အကူအညီဖြင့် တောင်အာဖရိကသက်တမ်းရင့်ရထားလမ်းကြောင်းအသွင်ပြောင်းလဲ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 29 October 2025

▪️ အိန္ဒိယ-မြန်မာ ကမ်းရိုးတန်းသွားသင်္ဘောများဆိုင်ရာ သဘောတူစာချုပ် ချုပ်ဆိုပြီးပါက ကုန်သွယ်မှုလမ်းကြောင်းသစ်များ ဖွင့်လှစ်နိုင်မည်ဖြစ်ပြီး ဒေသတွင်းဆက်သွယ်မှု ပိုမိုကောင်းမွန်လာမည်ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်းက အိန္ဒိယနိုင်ငံမွမ်ဘိုင်းမြို့ရှိ NESCO Exhibition Center ၌ အောက်တိုဘာ (၂၇) ရက်မှ (၃၁) ရက်အထိ ကျင်းပသည့် အိန္ဒိယရေကြောင်းဆိုင်ရာ ရက်သတ္တပတ်-၂၀၂၅ (INDIA MARITIME WEEK - 2025) အခမ်းအနားသို့ တက်ရောက်စဉ်ပြောကြားခဲ့ကြောင်း သိရသည်။

▪️ ဒုတိယဝန်ကြီးက BIMSTEC Coastal Shipping Agreement အရ ဘင်္ဂလားပင်လယ်အော်တစ်လျှောက်အဆင်ပြေသော ရေကြောင်းဆက်သွယ်မှုများကို ဖန်တီးပေးနိုင်မည်ဖြစ်သည့်အပြင် ကမ်းရိုးတန်းနိုင်ငံအားလုံးအတွက် ပူးတွဲအပြာရောင်စီးပွားရေးကိုလည်း ထောက်ပံ့ကူညီပေးနိုင်မည်ဖြစ်ကြောင်း၊ မြန်မာနိုင်ငံသည် ပင်လယ်ရေကြောင်းကုန်သွယ်မှုကဏ္ဍ ဖွံ့ဖြိုးတိုးတက်ရေးအတွက် ASEAN၊ BIMSTEC စသည့် ဒေသတွင်းနိုင်ငံများနှင့်အတူ ပူးပေါင်းလုပ်ဆောင်သွားမည်ဖြစ်ကြောင်း ဆွေးနွေးပြောကြားခဲ့ကြောင်း သိရသည်။

▪️ ဆက်လက်ပြီးမြန်မာနိုင်ငံသည် ဘင်္ဂလားပင်လယ်အော်နှင့် ကပ္ပလီပင်လယ်ပြင်တစ်လျှောက် ကမ်းရိုးတန်း ကီလိုမီတာ ၂၃၀၀ ကျော်ရှိသည့် တောင်နှင့်အရှေ့တောင်အာရှကို ဆက်သွယ်ထားသော မဟာဗျူဟာကျသည့်နေရာတွင်တည်ရှိနေပြီး မြန်မာနိုင်ငံ၏ ဆိပ်ကမ်းများဖြစ်သော ရန်ကုန်၊ သီလဝါနှင့် ကျောက်ဖြူတို့သည် မြန်မာနိုင်ငံကို ဒေသတွင်းနှင့် ကမ္ဘာ့ဈေးကွက်များသို့ ချိတ်ဆက်ပေးနေကြောင်း၊ မြန်မာနိုင်ငံသည် IMO ၏ ပြဋ္ဌာန်းချက်များနှင့် ကိုက်ညီမှုရှိစေရေး ရေကြောင်းကျွမ်းကျင်ပညာရှင်များနှင့် သင်္ဘောသားများအတွက် သင်တန်းပေးခြင်းတို့ကိုလည်း ခေတ်နှင့်အညီဆောင်ရွက်လျက်ရှိကြောင်းပြောကြားခဲ့သည်။

▪️ အဆိုပါအခမ်းအနားကို အိန္ဒိယနိုင်ငံဆိပ်ကမ်း၊ သင်္ဘောပို့ဆောင်ရေးနှင့် ရေကြောင်းဝန်ကြီးဌာနက ဦးဆောင်ကျင်းပခြင်းဖြစ်ပြီး ပင်လယ်ဆိပ်ကမ်း အခြေခံအဆောက်အအုံမြှင့်တင်ရန်၊ ဆိပ်ကမ်းစီမံခန့်ခွဲမှုလုပ်ငန်းများခေတ်မီရေး အဆင့်မြှင့်တင်ရန်နှင့် ရေကြောင်းပို့ဆောင်ရေးကဏ္ဍအတွက် ရင်းနှီးမြှုပ်နှံမှုမြှင့်တင်နိုင်ရန်စသည့်အခွင့်အလမ်းများကို ရှာဖွေဖော်ထုတ်သွားနိုင်စေရေးအတွက် ရည်ရွယ်၍ကျင်းပခြင်းဖြစ်ပြီးလိုက်ဘေးရီးယား၊ မော်ရစ်ရှ၊ မြန်မာ၊ နယ်သာလန်၊ နော်ဝေ၊ သီရိလင်္ကာ၊ ဆော်ဒီ အာရေဗျ၊ တောင်ကိုရီးယားနိုင်ငံ၊ အင်တီဂွါနှင့်ဘာဘူဒါနိုင်ငံတို့မှ ဝန်ကြီးများ၊ ဒုတိယဝန်ကြီးများ တက်ရောက်ကြ‌ကြောင်းသိရသည်။

#YMG/SW #Yangon_Times

#World_News
Published 29 October 2025

■ ၁၉၁၆ ခုနှစ်၊ သြဂုတ်လ ၁၅ ရက်နေ့စွဲပါ ခဲတံဖြင့်ရေးသားထားသော စာတစ်စောင်ကို အနောက်ဩစတြေးလျတောင်ပိုင်း၊ Wharton ကမ်းခြေတွင် ပုလင်းတစ်လုံးထဲ၌ တွေ့ရှိခဲ့သည်။

■ အဆိုပါစာကို တပ်သား မဲလ်ကွန် အလက်ဇန္ဒား နဗီးလ် ကရေးသားခဲ့ခြင်းဖြစ်ပြီး၊ အဆိုပါစာအားတွေ့ရှိသူကို တောင်ဩစတြေးလျပြည်နယ်၊ Wilkawatt ရှိ သူ၏မိခင်ထံပေးပို့ပေးရန် တောင်းဆိုထားသည်။

■ တပ်သား မဲလ်ကွန်သည် ၁၉၁၇ ခုနှစ်တွင် ပြင်သစ်နိုင်ငံ၌ အသက် ၂၈ နှစ်အရွယ်တွင် တိုက်ပွဲဝင်ရင်းကျဆုံးခဲ့သည်။

■ Esperance အနီးရှိ Wharton ကမ်းခြေတွင် အမှိုက်ကောက်နေသည့် မိသားစုတစ်စုက ထိုပုလင်းကို တွေ့ရှိခဲ့ခြင်းဖြစ်သည်။

■ "ပင်လယ်ထဲတစ်နေရာ" တွင်ရေးသားခဲ့သည့် ထိုစာ၌ HMAS Ballarat သင်္ဘောပေါ်တွင် အစားအသောက်ကောင်းမွန်ကြောင်း၊ သို့သော် အစားအစာတစ်နပ်စာကိုမူ "ပင်လယ်ထဲတွင် မြှုပ်နှံခဲ့ရကြောင်း" ဖော်ပြထားသည်။

■ သူက နောက်ပြောင်သောလေသံဖြင့် ရေးသားထားသည်မှာ-
"သင်္ဘောကတော့ လှုပ်ရမ်းနေတာပဲ၊ ဒါပေမဲ့ ကျွန်တော်တို့ကတော့ အရမ်းပျော်နေပါတယ်။ အမေရဲ့ ချစ်ရတဲ့သား၊ မဲလ်ကွန်။"

■ Esperance ဒေသခံ ဒက်ဘရာ ဘရောင်း က သူမ၏သမီး ဖယ်လီစီတီ သည် ပုံမှန်ကမ်းခြေသန့်ရှင်းရေးလုပ်နေစဉ် ထိုပုလင်းကိုတွေ့ရှိခဲ့ခြင်းဖြစ်ကြောင်း ပြောကြားခဲ့သည်။

■ ဆောင်းရာသီမုန်တိုင်းများကြောင့် မြေတိုက်စားမှုဖြစ်ပြီး ပုလင်းပေါ်လာခြင်းဖြစ်နိုင်သည်ဟု သူတို့ကယူဆထားသည်။

■ ရက်အနည်းငယ် ခြောက်သွေ့အောင်ထားပြီးနောက်၊သူတို့သည် ခွဲစိတ်ခန်းသုံးကတ်ကြေးကို အသုံးပြု၍ ကြေမွလွယ်သော စက္ကူစကို ဂရုတစိုက် ထုတ်ယူခဲ့ကြသည်။

■ ထို့နောက် ဩစတြေးလျ စစ်သတိရအောက်မေ့ဖွယ် (Australian War Memorial) ဝက်ဘ်ဆိုက်တွင် စစ်သား၏ သမိုင်းကြောင်းကို ခြေရာခံခဲ့ပြီး သူ၏ မျိုးဆက်များကို အွန်လိုင်းမှတစ်ဆင့်ရှာဖွေတွေ့ရှိခဲ့သည်။

■ ပုလင်းထဲတွင် တပ်သား ဝီလျံ ကာ့ခ်ဟာလီ ထံမှ နောက်ထပ်စာတစ်စောင်ကိုလည်း တွေ့ရှိခဲ့သည်။

■ ထိုစာသည်လည်း ၁၉၁၆ ခုနှစ်၊ သြဂုတ်လ ၁၅ ရက် နေ့စွဲဖြင့်ပင်ဖြစ်ပြီး "ပင်လယ်အော်ထဲ တစ်နေရာတွင် ရေးသားခဲ့ခြင်းဖြစ်သည်။

■ တပ်သား ဟာလီ သည်စစ်အတွင်းမှ အသက်ရှင်ကျန်ရစ်ခဲ့ပြီး နောက်ပိုင်းတွင် သားသမီးများ ထွန်းကားခဲ့သည်။

■ ယခုအခါ သူ၏ မြေးမများနှင့် အဆက်အသွယ်ရရှိပြီဖြစ်သည်။

■ "ကျွန်မတို့ ပုလင်းကိုရော၊ တွေ့ရှိသူဆီ လိပ်မူထားတဲ့ မဲလ်ကွန်ရဲ့ အပေါ်က စာကိုပါ သိမ်းထားခွင့် ရခဲ့တယ်" ဟု မစ္စဘရောင်း ကပြောသည်။
"ဒါဟာ တကယ်ကို အံ့သြစရာပါပဲ။"

■ ၂၀၁၈ ခုနှစ်တွင် Esperance အနီး၌ ၁၈၈၆ ခုနှစ်က ရေးသားခဲ့သော အခြား ပုလင်းထဲမှ စာဟောင်းတစ်စောင်ကို တွေ့ရှိခဲ့ဖူးပြီး၊ ယင်းသည် ယခုအချိန်အထိ သိရှိသမျှတွင် ရှေးအကျဆုံးတွေ့ရှိမှုဟု ယူဆရသည်။

Source ABC.