#World_Health
Published 14 March 2025

▪️ ယနေ့ခေတ် ရုံးထိုင်အလုပ်တွေမှာ အထိုင်များလာခြင်းကြောင့် ကျန်းမာရေးအပေါ် တိုက်ရိုက်ထိခိုက်လာနိုင်ပါတယ်။

▪️ နာရီများစွာ ထိုင်ခြင်းကြောင့် ဆိုးကျိုးဖြစ်ပေါ်မှုများကို လျှော့ချဖို့အတွက် ကိုယ်လက်လှုပ်ရှားခြင်း အရေးကြီးပုံကို American Academy of Neurologyမှ သုတေသီများ လေ့လာဖော်ပြခဲ့ကြပါတယ်။

▪️ ကိုယ်လက်လှုပ်ရှားမှု ပြုလုပ်သူတွေဟာ ဒီမန်ရှာရောဂါ၊ လေဖြတ်ခြင်း၊ စိုးရိမ်ပူပန်ခြင်း၊ စိတ်ဓာတ်ကျခြင်း၊ အိပ်စက်မှုပြဿနာတွေကနေ ခံစားရနိုင်ခြေ နည်းစေတယ်လို့ ဆိုပါတယ်။

▪️ ပျမ်းမျှအသက် ၅၆ နှစ်ရှိတဲ့ လူပေါင်း ၇၃,၄၁၁ ဦးကို ၇ ရက်ဆက်တိုက် ကိရိယာများတပ်ဆင်ပြီး လှုပ်ရှားမှုများကို တိုင်းတာကာ လေ့လာခဲ့ကြပါတယ်။

▪️ ကိုယ်လက်လှုပ်ရှားမှု သာမန်ကနေ အပြင်းအထန်ပြုလုပ်ပြီး စွမ်းအားအသုံးချသူတွေမှာ အထက်ပါ ရောဂါပြဿနာ ၅ မျိုးဖြစ်နိုင်ခြေ ၁၄ ကနေ ၄၀ ရာခိုင်နှုန်းအထိ လျော့နည်းတာ တွေ့ရပါတယ်။

▪️ အထိုင်များတဲ့သူတွေကတော့ အဆိုပါရောဂါများ ဖြစ်နိုင်ခြေ ၅ ကနေ ၅၄ ရာခိုင်နှုန်းအထိ ပိုများနေပါတယ်။

▪️ အထက်ပါ ရောဂါအခြေအနေတစ်ခုမှ မဖြစ်ခဲ့သူတွေက နေ့စဉ်လှုပ်ရှားမှုများ ပြုလုပ်ကြပြီး ကိုယ်အလေးချိန် ၁ ကီလိုဂရမ်မှာ စွမ်းအင် ၁.၂၂ ကီလိုဂျိုးလ်အသုံးချနိုင်ပြီး ဒီမန်ရှာဖြစ်တဲ့သူတွေကတော့ ၀.၈၅ သာရှိပါတယ်။

▪️ လေ့လာချက်မှာ ပါဝင်စမ်းသပ်သူ အများအပြားပါဝင်ပြီး ကိရိယာများအသုံးပြုပြီးတော့ ရောဂါဖြစ်ပွားမှုကို ရှာဖွေနိုင်တာ ဖြစ်ပါတယ်။

▪️ နေထိုင်စားသောက်မှုပုံစံများကို ပြောင်းလဲခြင်းဖြင့် အနာဂတ်မှာ ရောဂါဖြစ်နိုင်ခြေတွေကို လျှော့ချနိုင်စေမယ်လို့ လူတွေကို တိုက်တွန်းရာရောက်မယ်လို့ ရှန်ဟိုင်း ဖူဒန်တက္ကသိုလ်မှ ကျားယိဝူက ပြောပါတယ်။

▪️ ဒီလေ့လာချက်နဲ့ ပတ်သက်ပြီး သတိထားစရာတစ်ခုက စမ်းသပ်ပါဝင်သူတွေဟာ လူဖြူလူမျိုးတွေသာ ဖြစ်ပါတယ်။

#Source: India Today

#World_Health
Published 13 March 2025

▪️ အသက် ၁၀၆ နှစ်ပြည့်မွေးနေ့ ကျင်းပနိုင်ခဲ့တဲ့ အမျိုးသမီးကြီးက အသက်ရှည်ရတဲ့ လျှို့ဝှက်ချက်ဟာ ချောကလက်စားခြင်းဖြစ်တယ်လို့ ဆိုလိုက်ပါတယ်။

▪️ အက်ဒစ်ဟေးလ်ဟာ အသက် ၁၀၀ ပြည့်ပြီးချိန်မှာ လူအိုစောင့်ရှောက်ဂေဟာသို့ ရွှေ့ပြောင်းခဲ့တာဖြစ်ကာ နေ့စဉ်ချောကလက်စားခြင်းနဲ့ ပါတီပျော်ပါးခြင်းတို့က နုပျိုကျန်းမာစေတယ်လို့ ပြောပါတယ်။

▪️ သူမရဲ့ အကြိုက်ဆုံးချောကလက်က Cadbury Dairy Milkဖြစ်ပါတယ်။

▪️ ၁၉၁၉ မတ်လ ၃ ရက်နေ့ ဗြိတိန်မှာမွေးဖွားခဲ့တဲ့ အငြိမ်းစားအတွင်းရေးမှူးဖြစ်ပြီး ကမ္ဘာစစ် ၂ ခုနဲ့ ကြုံတွေ့ခဲ့ကာ မင်း ၅ မင်းအပြောင်းအလဲဖြစ်ခဲ့ပြီး ဒေါင်းနင်းလမ်းမှာ ဝန်ကြီးချုပ် ၂၃ ဦး ရောက်ရှိခဲ့ပါတယ်။

▪️ အသက်ရှည်ကျန်းမာခြင်းရဲ့ လျှို့ဝှက်ချက်အကြောင်း မေးမြန်းကြည့်ရာမှာ ချောကလက်များများစားပြီး ပါတီပျော်ပါးတယ်လို့ ပြန်ဖြေခဲ့ပါတယ်။

▪️ Aspen Lodge သက်ကြီးစောင့်ရှောက်ရေးဂေဟာမှာ နေထိုင်နေပြီး ဝန်ထမ်းတွေက မွေးနေ့အထူးပွဲအတွက် ပြင်ဆင်နေခဲ့ပါတယ်။

▪️ ဂေဟာထိန်းသိမ်းရေးမှူးချုပ် အန်နီတာတင်ဒယ်က ဒီအဖြစ်အပျက်ဟာ နှလုံးသားကို ထိမိလှပြီး ဒီအသိုင်းအဝိုင်းမှာ လူတွေက ကူညီပေးချင်ကြကြောင်း၊ သူမဟာ နှစ်လိုဖွယ်ကောင်းတဲ့ အမျိုးသမီးကြီးဖြစ်ကြောင်း ပြောပြပါတယ်။

▪️ သူမဟာ လူတစ်သန်းမှာတစ်ယောက် တွေ့ရခဲတဲ့သူမျိုး ဖြစ်ပြီး အင်္ဂလန်အတွက် စံပြဖြစ်တယ်လို့ ဆိုပါတယ်။

▪️ အက်ဒစ်က ပါတီပွဲမှာ ၁၉၄၀၊ ၁၉၅၀ ဝန်းကျင်လောက်က သူမအကြိုက်ဆုံးဖြစ်ခဲ့တဲ့ အဆိုတော် ၂ ယောက်ဖြင့် ပြုလုပ်သွားမှာဖြစ်ပါတယ်။

▪️ အသက် ၈၆ နှစ်ရှိ တူမဖြစ်သူ အန်နီတာနာက အက်ဒစ်ဟာ မိသားစုတွေအကြောင်း မပြတ်သိလိုပြီး အလွန်အမှီအခိုကင်းသူဖြစ်တယ်လို့ ပြောသွားပါတယ်။

#Source: New York Post

အမေရိကန်နိုင်ငံက လက်နက်တင်ပို့ရောင်းချမှုစာရင်းမှာ ထိပ်ဆုံးနေရာက ဦးဆောင်နေဆဲဖြစ်ပြီး ဥရောပရှိ နေတိုး(NATO)အဖွဲ့ဝင်နိုင်ငံတွေကတော့ ကိုယ်ပိုင်ထုတ်လုပ်နိုင်စွမ်းမှာ အောင်မြင်မှုမရှိဘူးလို့ ဆွီဒင်အကြံပေးအဖွဲ့တစ်ခုက တနင်္လာနေ့မှာ တင်ပြခဲ့ပါတယ်။
#World_News
Published 12 March 2025
#လက်နက်တင်ပို့ရောင်းချမှုအများဆုံးနိုင်ငံ #အမေရိကန်ရပ်တည်
#YMG #Yangon_Times #Yangon_Media_Group

#Daily_News

Published 12 March 2025

၁။ နေပြည်တော်မဟာသင်္ကြန်ကို ယခင်နှစ်များထက်ပိုခမ်းနားစွာကျင်းပမည်

၂။ သီလဝါအိမ်ရာရှိ အခန်းများအား ယာယီနေထိုင်ခွင့် ထုတ်ပေးမည်

၃။ PJ ပတ်စပို့ဖြင့် ပြည်ပထွက်ခွာမည့်သူများ OWIC ကတ်အပြင် ခွင့်ပြုချက်ပါ ရယူရမည်

၄။ လက်နက်တင်ပို့ရောင်းချမှုအများဆုံးနိုင်ငံအဖြစ် အမေရိကန်ရပ်တည်နေဆဲ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 12 March 2025

▪️ ရန်ကုန်မြို့ ၊မဟာဗန္ဓုလမ်းနှင့်ဗိုလ်ချုပ်လမ်းတွင်လမ်းမီးလုံး (၂၀၀ )ထွန်းညှိသွားမည်ဖြစ်ကြောင်းရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ သိရသည်။

▪️ ထိုသို့ဆောင်ရွက်ခြင်းမှာ မြို့တော်အင်္ဂါရပ်များနှင့်အညီသန့်ရှင်းသာယာလှပမှုရှိစေရေး၊လျှပ်စစ်အန္တရာယ်ကင်းရှင်းရေး၊ဓာတ်အားပျောက်ဆုံးမှုလျော့နည်းရေး၊ ညအချိန်ပြည်သူများ ယာဥ်အန္တရာယ်၊လမ်းအန္တရာယ်ကင်းရှင်းစေရေး၊ညအချိန်အလင်းရောင်ကောင်းစွာရရှိပြီး ဒုစရိုက်မှုများကင်းရှင်းစေရေးတို့အတွက်ဖြစ်ပြီး မဟာဗန္ဓုလမ်းတွင် ၅.၁၁ မိုင်၊ ဗိုလ်ချုပ်လမ်းတွင် ၄.၁၈ မိုင်အားမြေအောက်ဓာတ်အားလိုင်းများချမြှုပ်လျက် လမ်းလယ်ကျွန်းဓာတ်မီးတိုင် စုစုပေါင်း ၈၉ တိုင်စိုက်ထူကာLED(150)Wလမ်းမီးလုံး (၂၀၀ )ထွန်းညှိသွားမည်ဖြစ်ကြောင်း သိရသည်။

▪️ အဆိုပါ လုပ်ငန်းစဉ်များကို ရန်ကုန်တိုင်းဒေသကြီးအစိုးရအဖွဲ့၏ လမ်းညွှန်ချက်အရအကောင်အထည်ဖော်ဆောင်ရွက်လျက်‌နေခြင်းဖြစ်ပြီး မဟာဗန္ဓုလ လမ်းတစ်လျှောက်(လမ်းသစ်လမ်းမှ ဆူးလေဘုရားအဝိုင်းအထိ)နှင့်ဗိုလ်ချုပ်လမ်းတစ်လျှောက်(ပန်းဆိုးတန်းလမ်းမှ ပုဇွန်တောင်ပန်းခြံအထိ)လမ်းလယ်နှင့်လမ်းဘေး ဝဲ/ယာ ရှိ ကောင်းကင်ဓာတ်အားလိုင်းများအားမြေအောက်ဓာတ်အားလိုင်းအဖြစ်ပြောင်းလဲတည်ဆောက်ခြင်းနှင့်လမ်းလယ်ကျွန်းတစ်လျှောက်တွင်လမ်းမီးတိုင်များစိုက်ထူရေးလုပ်ငန်းခွင်သို့လျှပ်စစ်စွမ်းအားဝန်ကြီးဌာန၊ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းဥက္ကဋ္ဌ ဦးအောင်ကျော်ဦးသည် ရုံးချုပ်မှတာဝန်ရှိသူများလိုက်ပါလျက်မတ် ၁၁ ရက်ကသွားရောက်ကွင်ဆင်းစစ်ဆေးခဲ့‌ကြောင်း သိရသည်။

#YMG/SW #Yangon_Times

မြန်မာ၊ ကမ္ဘောဒီးယား၊ ထိုင်းနဲ့ဗီယက်နမ်လေးနိုင်ငံပူးပေါင်း‌ဆောင်ရွက်မှုနဲ့ ဆန်စပါးကဏ္ဍကိုမြင့်တင်သွားမယ်လို့ မြန်မာနိုင်ငံဆန်စပါးအသင်းချုပ်မှ သိရပါတယ်။
#Local_News
Published 12 March 2025
#ဆန်စပါးကဏ္ဍမြင့်တင် #မြန်မာနိုင်ငံဆန်စပါးအသင်းချုပ်
#YMG/SW #Yangon_Times

Passport of Job (PJ) နိုင်ငံကူးလက်မှတ်နဲ့  ပြည်ပနိုင်ငံ‌တွေကို ထွက်ခွာမယ့်သူတွေအနေနဲ့ ပြည်ပအလုပ်အကိုင်အလုပ်သမား သက်သေခံကတ် (OWIC) လက်ဝယ်ရှိဖို့ လိုအပ်တဲ့အပြင်ပြည်ပသို့ သွားရောက်အလုပ်လုပ်ကိုင်ဖို့အတွက် ခွင့်ပြုချက်ကို လျှောက်ထားရယူရန် လိုအပ်တယ်လို့ အလုပ်သမားဝန်ကြီးဌာနက ထုတ်ပြန်လိုက်ပါတယ်။
#Local_News
Published 12 March 2025
#PJပတ်စပို့ #OWICကတ်
#YMG/SW #Yangon_Times

ရန်ကုန်မြို့ သီလဝါအိမ်ရာရှိ အခန်းတွေကို ယာယီနေထိုင်ခွင့်ထုတ်ပေးသွားမယ်လို့ မြို့ပြနှင့် အိုးအိမ်ဖွံ့ဖြိုးမှုဦးစီးဌာနက သိရပါတယ်။
#Local_News
Published 12 March 2025
သီလဝါအိမ်ရာရှိအခန်းများ #ယာယီနေထိုင်ခွင့်ထုတ်ပေး
#YMG/NN #Yangon_Times

#World_News
Published 12 March 2025

▪️ စစ်ပွဲပဋိပက္ခနဲ့ ပတ်သက်ပြီး ရက် ၃၀ အပစ်အခတ်ရပ်စဲရေးအတွက် အမေရိကန်ရဲ့ အဆိုပြုချက်ကို ယူကရိန်းလက်ခံသွားမယ်လို့ ပြောလိုက်ပြီးနောက်မှာတော့ အမေရိကန်ဟာ ယူကရိန်းကို စစ်ရေးထောက်ပံ့ကူညီမှုများနဲ့ ထောက်လှမ်းရေး အချက်အလက်များ မျှဝေခြင်းတို့ ပြန်လည်ပြုလုပ်သွားရန် အင်္ဂါနေ့က သဘောတူလိုက်ကြောင်း နှစ်ဖက်နိုင်ငံတွေက ပူးတွဲထုတ်ပြန်လိုက်ပါတယ်။

▪️ အခုဆိုရင် ဒီကမ်းလှမ်းချက်ကို ရုရှားထံ တင်ပြသွားမှာဖြစ်ပြီး ယင်းတို့ဆုံးဖြတ်ရမယ့်အချိန် ရောက်ပြီလို့ အမေရိကန် နိုင်ငံခြားရေးဝန်ကြီး မာကိုရူဘီယိုက ဆိုပါတယ်။

▪️ "ရုရှားတို့ အမြန်ဆုံးသဘောတူလက်ခံဖို့ မျှော်လင့်ပါတယ်။ ဒါမှ တကယ့်ညှိနှိုင်းရေးဖြစ်တဲ့ ဒုတိယအဆင့်ကို သွားနိုင်မှာဖြစ်တယ်" လို့ ရူဘီယိုက သတင်းထောက်တွေကို ပြောပါတယ်။

▪️ လက်ရှိမှာ ရုရှားတို့က ၂၀၁၄ခုနှစ်က တိုက်ခိုက်သိမ်းယူထားတဲ့ ခရိုင်းမီးယားအပါအဝင် ယူကရိန်းနယ်မြေအားလုံးရဲ့ ၅ ပုံ ၁ ပုံခန့်ကို ထိန်းချုပ်ထားပါတယ်။

▪️ အမေရိကန်အနေနဲ့ ရုရှားရော ယူကရိန်းနဲ့ပါ အမြန်ဆုံး အပြည့်အဝသဘောတူညီချက် ရလိုတယ်လို့ ရူဘီယိုက ပြောပါတယ်။

▪️ ရုရှားသမ္မတ ဗလာဒီမာပူတင်က ငြိမ်းချမ်းရေးသဘောတူညီချက် ဆွေးနွေးဖို့ လမ်းဖွင့်ထားတယ်ဆိုပေမယ့် အပစ်အခတ်ရပ်စဲရေးကိုတော့ ဆန့်ကျင်ပြီး ရုရှားရေရှည်လုံခြုံရေး ခိုင်မာစေမယ့် သဘောတူညီချက်မျိုး ကြိုးပမ်းသွားမယ်လို့ အကြိမ်ကြိမ်ဆိုထားပါတယ်။

▪️ ပူတင်က သိမ်းထားတဲ့မြေတွေကနေ ဆုတ်ခွာမှာမဟုတ်ဘဲ ရုရှားမှ ထိန်းချုပ်နေတဲ့မြေတွေကနေ ယူကရိန်း ဆုတ်ခွာရမယ်လို့ ပြောထားပါတယ်။

▪️ ဆွေးနွေးမှုမှာ မပါဝင်ခဲ့တဲ့ ယူကရိန်းသမ္မတ ဇယ်လန်စကီက အပစ်အခတ်ရပ်စဲရေးဟာ အပြုသဘောဆောင်တဲ့ အဆိုပြုချက်ဖြစ်ပြီး ရေကြောင်းလေကြောင်းတွေသာမက ပဋိပက္ခရှေ့တန်းအထိပါ ပါဝင်နေတယ်လို့ ပြောပါတယ်။

▪️ ရုရှားဘက်မှ သဘောတူတာနဲ့ အပစ်အခတ်ရပ်စဲရေး ချက်ချင်းအသက်ဝင်မှာဖြစ်ပါတယ်။

▪️ သဘောတူညီချက်ရသွားမယ်ဆိုရင် ရက် ၃၀ အတွင်းမှာ ရေရှည်ငြိမ်းချမ်းရေးအတွက် လုပ်ငန်းစဉ်အားလုံးကို မဟာမိတ်များနဲ့အတူ ပြင်ဆင်ဖို့အချိန်ရမှာဖြစ်တယ်လို့ ဇယ်လန်စကီဆိုပါတယ်။

#Source: Reuters

အခုနှစ်နေပြည်တော် မဟာသင်္ကြန်ပွဲတော်ကို အရင်နှစ်တွေထက် ပိုခမ်းနားစွာကျင်းပသွားမယ်လို့ နေပြည်တော်ကောင်စီဥက္ကဋ္ဌ ဦးသန်းထွန်းဦးက ပြောပါတယ်။
#Local_News
Published 12 March 2025
#မဟာသင်္ကြန်ပွဲတော် #နေပြည်တော်ကောင်စီ
#YMG/NN #Yangon_Times

#Local_News
Published 12 March 2025

▪️ တစ်လကျော်ဆက်တိုက်ကျဆင်းခဲ့ပြီးနောက် အကျဈေးတွင်တည်ငြိမ်နေခဲ့သည့် စားအုန်းဆီအခြေခံလက်ကား ရည်ညွှန်းဈေးနှုန်းမှာ ယခုအပတ်တွင် ထပ်မံကျဆင်းလာကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက အပတ်စဉ်ထုတ်ပြန်ပေးနေသည့် ဈေးနှုန်းများအရ သိရသည်။

▪️ ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့်နိုင်ငံများ၏ ဈေးကွက်နှင့် ဈေးနှုန်းဖြစ်ပေါ်မှု‌တွေအရ မတ် ၁၀ ရက်မှ ၁၆ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၆၈၉၀ ကျပ်ဖြစ်‌ကြောင်း ထုတ်ပြန်ကြေညာထားရာ ယခင်အပတ်ထက် တစ်ပိဿာလျှင် ၁၅ကျပ်ထပ်မံကျဆင်းခဲ့ကြောင်း သိရသည်။

▪️ ယခုကဲ့သို့ ရည်ညွှန်းဈေးကျဆင်းသော်လည်း ပြင်ပပေါက်ဈေးမှာ တစ်ပိဿာလျှင် ကျပ်တစ်သောင်းအထက်သာရှိနေကြောင်း သိရသည်။

▪️ စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီအနေဖြင့် စားအုန်းဆီကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ဖြစ်သင့်ဖြစ်ထိုက်သည့် ဈေးနှုန်း‌များဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး  ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်နှင့်သိုလှောင်ခြင်း အပါအဝင်မသမာသည့်လုပ်ဆောင်မှု‌များပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်‌ကြောင်းအသိပေးထုတ်ပြန်ထားသည်။

#YMG/SW #Yangon_Times

#Local_News
Published 12 March 2025

▪️ ယခုလ ၁၇ ရက်မှစကာ တက္ကသိုလ်ကျောင်းသားများ၏ ကျောင်းဝင်မှတ်ပုံတင်ခြင်းနှင့် ကျောင်းဝင်ကြေးနှင့် ကျောင်းလခများကို အွန်လိုင်းငွေပေးချေခြင်းစနစ်စတင် အသုံးပြုနိုင်မည်ဖြစ်ကြောင်း ပညာရေးဝန်ကြီးဌာနမှ သိရသည်။

▪️ တက္ကသိုလ်ကျောင်းသားများ၏ ကျောင်းဝင်မှတ်ပုံတင်ခြင်း(Regi-stration)နှင့် ကျောင်းဝင်ကြေး၊ ကျောင်းလခများကို Online Payment ၊ Mobile Wallet ဖြင့် ပေးသွင်းခြင်းတို့ ချိတ်ဆက်ဆောင်ရွက်နိုင်ရေး ဦးစီးကော်မတီအစည်းအဝေး(၁/၂၀၂၅)ကို ယမန်နေ့နံနက်ပိုင်းကနေပြည်တော် ပညာရေးဝန်ကြီးဌာန ရုံးအမှတ် (၁၃) အစည်းအဝေးခန်းမ၌ ကျင်းပခဲ့ရာပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်ကတက္ကသိုလ်နေ့သင်တန်းနှင့် အဝေးသင်ကျောင်းသားများ၏ ကျောင်းဝင်မှတ်ပုံတင်ခြင်းနှင့် ကျောင်းဝင်ကြေး၊ ကျောင်းလခပေးသွင်းခြင်းများကို မိမိတို့ နှစ်သက်ရာ Online Payment ၊ Mobile Wallet တို့ဖြင့် စတင်ဆောင်ရွက်သည့် အခမ်းအနားဖြစ်ကြောင်း၊ ပညာရေးဝန်ကြီး ဌာန၊ မြန်မာနိုင်ငံတော်ဗဟိုဘဏ်နှင့် ဘဏ်အဖွဲ့အစည်းများ၏ ချိတ်ဆက်အောင်မြင်မှု ဖြစ်ကြောင်း၊ တက္ကသိုလ်ကျောင်းသားများ ငွေသားဖြင့် ကျောင်းဝင်ကြေး၊ ကျောင်းလခပေးသွင်းခြင်းအစား ဒစ်ဂျစ်တယ်ငွေကြေး (Digital Currency) သုံးစွဲခြင်းအလေ့ အကျင့်ကို ပြောင်းလဲကျင့်သုံးနိုင်ခြင်းဖြစ်ကြောင်း၊ မြန်မာနိုင်ငံတော်ဗဟိုဘဏ်၏ MMQR စနစ်တွင် ချိတ်ဆက်ထားသော ဘဏ်အဖွဲ့အစည်းများနှင့် အွန်လိုင်းငွေပေးချေခြင်းကို မတ် ၁၇ ရက် မှစတင်၍ ပညာရေးဝန်ကြီးဌာနရှိ တက္ကသိုလ်များတွင် စတင်ကျင့်သုံးမည်ဖြစ်ကြောင်းပြောကြားခဲ့သည်။

▪️ ၂၀၂၅ ခုနှစ် ဖေဖော်ဝါရီ ၂၇ ရက်တွင် စတင်အသုံးပြုနိုင်ပြီဖြစ်သော MMQR စနစ်ကို ဝန်ကြီးဌာနများအနက် ပညာရေးဝန်ကြီးဌာနက ပထမဦးဆုံး စတင်အသုံးပြုခြင်းဖြစ်သဖြင့် သမိုင်းမှတ်တိုင်တစ်ခု ဖြစ်ပြီး Mobile Pay User ၉၀ ရာခိုင်နှုန်းကျော်အထိ လွှမ်းခြုံနိုင်မည်ဖြစ်ကြောင်း သိရသည်။

#YMG/SW #Yangon_Times