#LocalNews
Published _ 11 September 2022

ထိုင်းနိုင်ငံတွင် မြန်မာအလုပ်သမား ၂၀၀ ကျော်အလုပ်ထုတ်ခံရကြောင်း မြန်မာရွှေ့ပြောင်းလုပ်သားများအရေး ဆောင်ရွက်နေသူများထံမှ သိရသည်။

အဆိုပါ အလုပ်သမားများမှာ ထိုင်းနိုင်ငံ၊ အုန်းရိုင်ရှိ Big C ကုန်တိုက်အနီး အထည်ချုပ်စက်ချုပ်ရုံက လုပ်သက်ပြည့်မြန်မာလုပ်သားများဖြစ်ပြီး အကြောင်းမဲ့ နစ်နာကြေးမပေးဘဲ အလုပ်ထုတ်ခဲ့ခြင်း ဖြစ်ကြောင်း သိရသည်။

ယင်းကြောင့် အလုပ်ထုတ်ခံရသော အလုပ်သမားများက စက်ရုံပိုင်ရှင်ကို တရားစွဲဆိုထားကြောင်း၊ပြီးခဲ့သည့် စက်တင်ဘာလ ၈ရက်က အဆိုပါစက်ရုံရှေ့တွင် အလုပ်ထုတ်ခံရသော အလုပ်သမားများက ဆန္ဒဖော်ထုတ်၍ တောင်းဆိုမှုများ ပြုလုပ်ခဲ့ကြကြောင်း၊လက်ရှိတွင် ထိုင်းနိုင်ငံဆိုင်ရာ တာဝန်ရှိသူများနှင့် ချိတ်ဆက် ကူညီနေကြကြောင်းလည်း သိရသည်။

photo-ym
ymg/mt
#Yangon_Media_Group

#LocalNews
Published _ 11 September 2022

ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာဌေးအောင်က ဗီယက်နမ်နိုင်ငံ၊ ဟိုချီမင်းမြို၌ စက်တင်ဘာ ၈ ရက်မှ ၁၀ ရက်အထိ ကျင်းပသော (၁၆)ကြိမ်မြောက် ဟိုချီမင်း နိုင်ငံတကာ ခရီးသွားပြပွဲနှင့် အဆင့်မြင့်ဖိုရမ်အတွင်း စီစဉ်ခဲ့ကြောင်း သိရသည်။

အဆိုပါ ဂျာမဏီနိုင်ငံ၌ ကျင်းပမည့် ITB Berlin ခရီးသွားပြပွဲကို ၂၀၂၃ ခုနှစ်၊ မတ်လတွင် ကျင်းပမည်ဖြစ်ရာကမ္ဘောဒီးယား-မြန်မာနှစ်နိုင်ငံ အပြန်အလှန် လေ့လာရေးအဖွဲ့ (FAM Trip)များ စေလွှတ်သွားမည် ဖြစ်ကြောင်းလည်း သိရသည်။

ယင်းအပြင် လာမည့် ၂၀၂၅ ခုနှစ်တွင် ဟိုချီးမင်းမြို့နှင့် ဗီယက်နမ်နိုင်ငံတွင် စီးပွားရေးအပန်းဖြေ ခရီးသွားဧည့်သည် (၁ ဒသမ ၇) သန်း ရရှိရေး မျှော်မှန်းချက်အရ ဟိုတယ်၊ ခရီးသွားကဏ္ဍနှင့် လေကြောင်းကဏ္ဍများတွင် ပူးပေါင်းဆောင်ရွက်နေကြောင်းလည်း ၎င်းက ထည့်သွင်းပြောကြားခဲ့ခြင်းဖြစ်သည်။

စီးပွားရေး-အပန်းဖြေခရီးသွားလုပ်ငန်းကို ဆောင်ရွက်ရာတွင် ယဉ်ကျေးမှု၊ သဘာဝအရင်းအမြစ်၊ ဆန်းသစ်သော လူနေမှုအတွေ့အကြုံများကအထောက်အကူဖြစ်သည့်အပြင် တည်းခိုနေထိုင်ရေး ကဏ္ဍတွင်လည်း အရည်အသွေးပြည့်ဝသော ဝန်ဆောင်မှုများ ပေးစွမ်းနိုင်ခြင်း၊လေဆိပ်များနှင့် လေကြောင်းသယ်ယူပို့ဆောင်ရေးကဏ္ဍများမှလည်း ခရီးသွားဧည့်သည်များတွက် ဘေးကင်းလုံခြုံပြီး လျှင်မြန်ချောမွေ့သော ခရီးစဉ်များကို ဖန်တီးပေးနိုင်ခြင်းတို့ကိုလုပ်ဆောင်ရန်လည်းလိုကြောင်း ပြည်ထောင်စုဝန်ကြီးက ဆိုသည်။

(၁၆)ကြိမ်မြောက် ဟိုချီမင်းနိုင်ငံတကာခရီးသွားပြပွဲနှင့် အဆင့်မြင့်ဝန်ကြီးများဖိုရမ်သို့ နိုင်ငံပေါင်း (၂၅)နိုင်ငံမှ ပြည်တွင်းပြည်ပ ပြခန်း(၂၆၀)ခန်း ပါဝင်ပြသခဲ့ကြောင်းလည်း သတင်းရရှိသည်။

photo-sggpnews
ymg/mt
#Yangon_Media_Group

#LocalNews
Published _ 11 September 2022

မွန်ပြည်နယ်အတွင်း မြန်မာနိုင်ငံသားရင်းနှီးမြှုပ်နှံမှုလုပ်ငန်း ၁၉ ခုမှ ရင်းနှီးမြှုပ်နှံမှုပမာဏ ကျပ် ၆၅၀၁၁ ဒသမ ၇၅၁ သန်းနှင့် နိုင်ငံခြားရင်းနှီးမြှုပ်နှံမှုလုပ်ငန်းရှစ်ခုမှ အမေရိကန်ဒေါ်လာ ၁၃ ဒသမ ၁၆၉ သန်းကို ရင်းနှီးမြှုပ်နှံထားကြောင်း မွန်ပြည်နယ် ရင်းနှီးမြှုပ်နှံမှုကော်မတီ (၃/၂၀၂၂) အစည်းအဝေးမှတ်တမ်းတွင် ဖော်ပြထားသည်။

အဆိုပါ ရင်းနှီးမြှုပ်နှံမှုတွင် ပြည်တွင်းအလုပ်သမား ၃၂၆၃ ဦး၊ ပြည်ပအလုပ်သမား ၁၅၉ ဦး အလုပ်သမားဝန်ထမ်းအင်အား စုစုပေါင်း ၃၄၂၂ ဦးကို အလုပ်အကိုင်အခွင့်အလမ်းများ ဖန်တီးပေးနိုင်ခဲ့ကြောင်းလည်း သိရသည်။

သို့သော် အဆိုပါ ရင်းနှီးမြှုပ်နှံမှုပမာဏမှာ မည်သည့်ကာလမှ မည်သည့်ကာလအတွင်းက ဖြစ်သည်ကိုမူ ဖော်ပြထားခြင်း မရှိပေ။

မွန်ပြည်နယ် ရင်းနှီးမြှုပ်နှံမှုကော်မတီ (၃/၂၀၂၂) အစည်းအဝေးကို စက်တင်ဘာလ ၇ ရက်က ပြည်နယ်အစိုးရအဖွဲ့ရုံး အောင်ဆန်းခန်းမ၌ ကျင်းပခဲ့ရာ မွန်ပြည်နယ် ရင်းနှီးမြှုပ်နှံမှုကော်မတီဥက္ကဋ္ဌ ပြည်နယ်ဝန်ကြီးချုပ် ဦးဇော်လင်းထွန်းက မွန်ပြည်နယ်မှာစီးပွားရေးအရ အချက်အချာကျသည့် နေရာတစ်ခုဖြစ်ပြီး ပြည်တွင်း၊ ပြည်ပရင်းနှီးမြှုပ်နှံမှုဖိတ်ခေါ်၍ စီးပွားရေးဖွံ့ဖြိုးတိုးတက်စေရေးကို ပူးပေါင်းဆောင်ရွက်ကြရန်၊ စီးပွားရေးနှင့်ပတ်သက်သည့် အခြေခံအဆောက်အဦများနှင့် ရေရှည်ရင်းနှီးမြှုပ်နှံမှုများ ဆောင်ရွက်နိုင်ရေးကိုလည်း အလေးထား ဆောင်ရွက်ကြရန် ၊ စက်မှုဇုန်အနေဖြင့် စက်ရုံများမှ စွန့်ပစ်ရေဆိုးများနှင့် အညစ်အကြေးများကို စနစ်တကျ ဆောင်ရွက်ကြရန်၊ သဘာဝပတ်ဝန်းကျင်ကို ထိခိုက်မှုမရှိစေရေး ကြပ်မတ်ဆောင်ရွက်ရန် ပြောကြားခဲ့သေးကြောင်းလည်း နစက သတင်းထုတ်ပြန်ချက်များအရ သိရသည်။

ymg/mt
#Yangon_Media_Group

#LocalNews
Published _ 11 September 2022

ရခိုင်ပြည်နယ်၊မင်းပြားမြို့၊ပန်းမြောင်းဈေးတွင် ယနေ့ စက်တင်ဘာလ ၁၁ ရက် နံနက် ၁ နာရီခန့်အချိန်က မီးလောင်မှုဖြစ်ပွား၍ လူနေအိမ်နှင့်ဈေးဆိုင်ခန်းများ မီးထဲပါသွားကြောင်း သိရသည်။

မီးစတင်လောင်ကျွမ်းမှုမှာ ဖုန်းအရောင်းဆိုင်တစ်ဆိုင်မှ စတင်ခြင်းဖြစ်ကြောင်း၊၊လတ်တလောတွင် ပျက်စီးဆုံးရှုံးမှုစာရင်းကို အတိအကျ မသိရသေးကြောင်းလည်း ဒေသခံများကဆိုသည်။

"မီးက မနက် ၁ နာရီလောက်ကပဲ လောင်လိုက်တာ ၄ နာရီလောက်မှ ငြိမ်းစပြုပါတယ်။မီးငြှိမ်းရတာကလည်း အနီးအနားကလူတွေအားကောင်းတာကြောင့် အဆင်ပြေတယ်လို့ပဲ ပြောရမှာပါ။ဈေးနားက အိမ်က ၄ လုံး ၅ လုံးလောက်တော့ ပါသွားတယ်။ဆိုင်ခန်းတွေကတော့ စားသောက်ကုန် လူသုံးကုန်ဆိုင်တွေပေါ့"ဟု ဒေသခံတစ်ဦးက ပြောသည်။

မီးလောင်မှုကြောင့် လူထိခိုက်ဒဏ်ရာမရရှိခဲ့ကြကြောင်းနှင့် လက်ရှိအချိန်ထိ မီးလောင်မှုများကို သက်ဆိုင်ရာက စစ်ဆေးတွက်ချက်မှုများ ပြုလုပ်နေဆဲဖြစ်ကြောင်းလည်း သိရသည်။

photo-MYK
ymg/mt
#Yangon_Media_Group

Published 11 Sept 2022

အီရန်က အမေရိကန်ရဲ့ဒရုန်းလှေတစ်စီးဖမ်းမိတဲ့သတင်းထွက်ပေါ်အပြီးမှာ မောင်းသူမဲ့ ရေပေါ်သွား (ဒရုန်း)ရေယာဉ်ငယ်ကလေးတစ်စီးဖြစ်တဲ့ Saildrone Explorer ဟာ အက်ကာဘာပင်လယ်ကွေ့မှာ ခုတ်မောင်းနေပါတာတွေ့မြင်ရပါတယ်။

မကြာသေးခင်က အီရန်က ဖမ်းမိခဲ့တဲ့ မောင်းသူမဲ့ အမေရိကန်ရေတပ်(ဒရုန်း)လှေတွေကြောင့် အမေရိကန် ပင်တဂွန်ရဲ့  လေနှင့် ရေပေါ်ရေအောက် ဒရုန်းကွန်ယက် တည်ဆောက်နေတဲ့ အစီအစဉ်တွေကို လူသိသွားခဲ့ပါတယ်။ အဲဒီဒရုန်းလှေတွေကို ကြီးမားတဲ့ဒေသတွေမှာ ကင်းလှည့်ဖို့နှင့် ဉာဏ်ရည်တု(အေအိုင်)နည်းပညာသုံးထောက်လှမ်းဖို့ တည်ဆောက်နေတာ ဖြစ်ပါတယ်။

တစ်နှစ်ကြာ အဲဒီအစီအစဉ်ကနေ လူမဲ့ ရေပေါ်သွားရေယာဉ် သို့မဟုတ်  USV တွေကို အာရေဗျကျွန်းဆယ်တစ်ဝိုက်က ရေပြင်တွေကို လွှတ်ထားပြီး သတင်းအချက်အလက်နှင့်ရုပ်ပုံတွေကို စုဆောင်းနေပါတယ်။ အဲဒီနောက် စုဆောင်းရရှိသမျှကို ပင်လယ်ကွေ့က စုဆောင်းရေးစင်တာတွေဆီကို ထုတ်လွှင့်ပြန်ပို့ပေးနေတာဖြစ်ပါတယ်။

Source AFP/US Navy Force Central Command

#Unmanned_surface_vessel

#Saildrone_Explorer

#US_USVs

#Local_News
Published 11 Sept 2022

ရှမ်းပြည်နယ်( အရှေ့ပိုင်း)တာချီလိတ်မြို့တွင် မိုးများအဆက်မပြတ်ရွာသွန်းမှုကြောင့် စိုးရိမ်ရေမှတ် အထက်ကျော်လွန်ခဲ့သော်လည်း ယနေ့ နံနက်အစောပိုင်းမှစ၍ ရေများတဖြည်းဖြည်းပြန်လည်ကျဆင်းလျက်ရှိကြောင်း သိရသည်။

ယမန်နေ့ညပိုင်းအချိန်က မိုးများအဆက်မပြတ်ရွာသွန်းခဲ့ရာ ယနေ့နံနက်အစောပိုင်း ၁ နာရီကျော်အချိန်ခန့်တွင် ရေချိန်မှတ် ၃၉၀ cm ကျော်မြင့်တက်ခဲ့ပြီး စိုးရိမ်ရေမှတ်အထက် ကျော်လွန်ခဲ့ကြောင်း၊သို့ရာတွင်နံနက် ၂ နာရီကျော်အချိန်ခန့်တွင် ရေများတ ဖြည်းဖြည်းပြန်လည်ကျဆင်းခဲ့ကြောင်းသိရသည်။

ရေကြီးရေလျှံမှုဖြစ်ပေါ်ပါက ကူညီကယ်ဆယ်ရေးအတွက် နယ်မြေခံတပ်နယ်မှ ဗိုလ်မှူးကြီးမင်းမင်းထွန်းဦးဆောင်သောတပ်မတော်သားများ၊ခရိုင်အုပ်ချုပ်ရေးမှူးဦးမြင့်နိုင်၊မြို့နယ်အုပ်ချုပ်ရေးမှူးဦးတင်ဦးကျော်နှင့်တာဝန်ရှိသူများ၊လူမှုကူညီရေးပရဟိတအသင်းဝင်များက ရေကြီးရေလျှံမှု အဆိုးဝါးဆုံးဖြစ်ပေါ်တတ်သော နေရာများတွင် ကူညီကယ်ဆယ်ရေးအတွက် အသင့်စောင့်ဆိုင်းခြင်း၊ရေကင်းများချထားခြင်းတို့ကိုဆောင်ရွက်ခဲ့ကြောင်းသိရသည်။

ယနေ့နံနက် ၉ နာရီအချိန်ခန့်တွင် မြို့တွင်းရပ်ကွက်များနှင့် လမ်းမကြီးပေါ်တွင် ရေတင်မှုများရှိသေးသော်လည်း ပုံဆက်သွယ် သွားလာလှုပ်ရှားလျက်ရှိပြီး တာဝန်ရှိသူများက ကူညီကယ်ဆယ်ရေးအတွက် အရေးပေါ်အစည်းအဝေးပြုလုပ်လျက်ရှိကြောင်းသိရှိရသည်။

ymg/ys-tcl
#Yangon_Media_Group

Published 11 Sept 2022

မြန်မာနိုင်ငံနှင့် ရုရှားဖက်ဒရေးနိုင်ငံ Republic of Buryatia ပြည်နယ်တို့အကြား ကျန်းမာရေး၊ သတ္တုတူးဖော်ရေး ၊ရထားပို့ဆောင်ရေးနည်းပညာများပူးပေါင်းဆောင်ရွက်ဖို့ ဆွေးနွေးခဲ့ကြတယ်လို့ သိရပါတယ်။

ရုရှားဖက်ဒရေးရှင်းကို ရောက်ရှိနေတဲ့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်နှင့် Republic of Buryatia ပြည်နယ် အစိုးရအဖွဲ့အကြီးအကဲ Aleksey Sambuyevich Tsydenov တို့ စက်တင်ဘာ ၉ရက်က  အဆိုပါပြည်နယ်မှာ ဆွေးနွေးခဲ့ကြ တာဖြစ်တယ်လို့ နစကပြန်ကြားရေးသတင်းထုတ်ပြန်ချက်ကဆိုပါတယ်။

ထိုသို့တွေ့ဆုံဆွေးနွေးရာတွင် အဏုမြူနည်းပညာအသုံးပြု၍ ရောဂါရှာဖွေစမ်းသပ်နိုင်မှုနှင့် ရှာဖွေတွေ့ရှိလာသည့် ရောဂါများကို ခေတ်မီနည်းပညာများ အသုံးပြု၍ ကုသမှုများ ဆောင်ရွက်ပေးနိုင်သည့် အခြေအနေများအပါအဝင် ကျန်းမာရေးဆိုင်ရာ ပူးပေါင်းဆောင်ရွက်မှုများကို ဆေးပညာရှင်အချင်းချင်း၊ ဆေးရုံများအချင်းချင်း အပြန်အလှန် ဖလှယ်ဆောင်ရွက်နိုင်မည့် အခြေအနေများ၊ သဘာဝသယံဇာတ တွင်းထွက်ပစ္စည်းများ တူးဖော်မှုဆိုင်ရာ နည်းပညာရပ်များကို ရှာဖွေထုတ်လုပ်ရာတွင် ပူးပေါင်းဆောင်ရွက်နိုင်မည့် အခြေအနေများ၊ ရထားသယ်ယူပို့ဆောင်ရေးဆိုင်ရာကဏ္ဍ ဖွံ့ဖြိုးတိုးတက်ရေးအတွက် လျှပ်စစ်စွမ်းအင်သုံး ခေါင်းတွဲများ၊ ဒီဇယ်ခေါင်းတွဲများ၊ ဓာတ်ငွေ့သုံး ခေါင်းတွဲများ၊ ကိုယ်ထည်တွဲများ ထုတ်လုပ်ခြင်းနည်းပညာဆိုင်ရာများ၊ မောင်းနှင်ခုတ်မောင်းမှုဆိုင်ရာ နည်းပညာများ၊ မီးရထားနှင့် ဆက်စပ်သည့် လုပ်ငန်းဆိုင်ရာများတွင် ပူးပေါင်းဆောင်ရွက်နိုင်မည့် အခြေအနေများနှင့် အခြားကဏ္ဍပေါင်းစုံတွင် ပူးပေါင်းဆောင်ရွက်နိုင်မည့် အခြေအနေများနှင့် ပတ်သက်၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြတယ်လို့ သတင်းမှာ အသေးစိတ်ဖော်ပြထားပါတယ်။

ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာအဆင့်မြင့် ကိုယ်စားလှယ်အဖွဲ့ဝင်တွေဟာ  Republic of Buryatia ပြည်နယ်အစိုးရအဖွဲ့အကြီးအကဲ Aleksey Sambuyevich Tsydenov နှင့် အဖွဲ့ဝင်တွေလိုက်ပါပြီး စက်တင်ဘာ (၁၀)ရက် နံနက်ပိုင်းတွင် Ulan-Ude မြို့ရှိ ရုရှားသိပ္ပံအကယ်ဒမီ၊ နျူကလီးယား ဆေးဘက်ဆိုင်ရာစင်တာ၊ ကင်ဆာဌာနနှင့် ရထားစက်ခေါင်း ပြင်ဆင်ရေးအလုပ်ရုံတို့သို့ သွားရောက်ကြည့်ရှု လေ့လာခဲ့ကြတယ်လို့လည်း သတင်းထုတ်ပြန်ထားပါတယ်။

Source SAC’s Infomation

#World_Health
Published 11 September 2022

ကိုယ်ဝန်ဆောင်နေတဲ့ အမျိုးသမီးတွေဟာ သူတို့စားသင့်တာတွေ မစားသင့်တာတွေ စတဲ့ သတ်မှတ်ချက်တွေအများကြီး ရှိနေပါတယ်။

ဒိန်ခဲ၊ အယ်လ်ကိုဟောပါဝင်တဲ့ အရည်တွေ၊ အသားစိမ်းငါးစိမ်းတွေ အားလုံးပါဝင်ပါတယ်။
ဒါ့အပြင် ဒိန်ချဉ်၊ ရေခဲမုန့်၊ ကဖင်း၊ မာကျူရီမြင့်မားစွာပါဝင်တဲ့ ငါးတွေကိုလည်း ရှောင်ရှားကြသူတွေရှိပါတယ်။

ဒါပေမဲ့ ယူကေ ဘရစ္စတိုလ်တက္ကသိုလ်ရဲ့ သုတေသနမှာတော့ ကိုယ်ဝန်ဆောင်ထားတဲ့ အမျိုးသမီးတွေအတွက် ငါးစားသုံးခြင်းက အကျိုးကျေးဇူးရရှိစေနိုင်တယ်လို့ ဖော်ပြခဲ့ပါတယ်။

၂၀၂၂ စက်တင်ဘာတုန်းက ယူကေမှ အမျိုးသားကျန်းမာရေးအဖွဲ့အစည်း(NHS)နဲ့ အမေရိကန် FDA တို့က မာကျူရီမြင့်မားစွာပါဝင်တဲ့ ငါးကြီးတွေနဲ့ တူနာငါးတွေကို ရှောင်ရှားခိုင်းထားပြီး ငါးအရွယ်အစားပိုကြီးတာနဲ့အမျှ မာကျူရီပိုမြင့်မားလေဖြစ်ပါတယ်။

လေ့လာချက်တစ်ခုအရ ကမ်းရိုးတန်းတောက်လျှောက်ရှိနေပြီး ငါးကအဓိကအစားအစာဖြစ်တဲ့ အရှေ့အာဖရိကလိုနေရာတွေမှာ ကိုယ်ဝန်ဆောင်တွေက ကိုယ်ဝန်ဆောင်ကာလအတွင်း ငါးမရှောင်ခဲ့ပေမယ့် မွေးလာတဲ့ကလေးတွေမှာ ဘာဘေးအန္တရာယ်မှ မဖြစ်ခဲ့ပါဘူး။

ကိုယ်ဝန်ဆောင်ကာလအတွင်း မာကျူရီမြင့်မားခြင်းက မွေးလာတဲ့ကလေးအပေါ် သက်ရောက်မှုမရှိခဲ့ကြောင်း ဒေါက်တာ'ကယ်ရိုလင်းတိုင်လာ'က ဆိုပါတယ်။

ငါးမှာပါဝင်တဲ့ ဖက်တီးအက်ဆစ်၊ အိုင်အိုဒင်း၊ ဗိုက်တာမင်-ဒီ၊ ဆယ်လီနီယမ်တို့က အကျိုးပြုသွားတာဖြစ်ပါလိမ့်မယ်။

ဘေးထွက်ဆိုးကျိုးမဖြစ်တဲ့အပြင် မွေးလာချိန်မှာ ကလေးကိုယ်အလေးချိန်ပြည့်ဝပြီး နောက်ပိုင်းမှာလည်း အကျိုးအကြောင်းဆက်စပ် တွေးခေါ်ဆင်ခြင်နိုင်စွမ်းမြင့်မားကြောင်း တွေ့ရှိခဲ့ကြပါတယ်။

ဒါကြောင့် ကိုယ်ဝန်ဆောင်ကာလအတွင်း ငါးစားသုံးခြင်းရဲ့ အကျိုးကျေးဇူးတွေကို အစိုးရအနေနဲ့ ပြန်လည်သုံးသပ်သင့်ကြောင်း ဖော်ပြထားကြပါတယ်။

အချို့သောငါးအမျိုးအစားတွေကို စားသုံးခြင်းကိုတော့ သတိထားဖို့လိုအပ်ကြောင်း အကြံပြုထားပါသေးတယ်။

ကိုယ်ဝန်ဆောင်တွေအတွက် တစ်ပတ်ကို ငါး ၂ ကြိမ်ခန့်စားသုံးသင့်ပြီး အချို့ငါးတွေကိုတော့ မစားသုံးသင့်ဘူးလို့ လမ်းညွှန်ထားပါတယ်။

Source: The Jerusalem Post
#Yangon_Media_Group

#World_Health
Published 11 September 2022

တုပ်ကွေးကာကွယ်ဆေး နှစ်စဉ်ထိုးနှံခြင်းက လေဖြတ်ခြင်းအန္တရာယ်လျော့နည်းတာနဲ့ ဆက်စပ်နိုင်ဖွယ်ရှိနေကြောင်း တွေ့ရှိထားပါတယ်။

သုတေသီများက စပိန်ကျန်းမာရေးအချက်အလက်များကို ရယူကာ ၁၄ နှစ်တာကာလအတွင်း လေဖြတ်ခြင်းဝေဒနာပထမဆုံးခံစားခဲ့ရတဲ့ အသက် ၄၀ နဲ့အထက် လူကြီးတွေကို ရှာဖွေခဲ့ပါတယ်။

အဲဒီနောက်သူတို့ကို လေဖြတ်ခြင်းမဖြစ်ဖူးတဲ့ အသက်အရွယ်တူလိင်တူလူတွေနဲ့ နှိုင်းယှဉ်ခဲ့ကြပါတယ်။

လေမဖြတ်မီ ၁၄ ရက်အတွင်း တုပ်ကွေးကာကွယ်ဆေး ထိုးခဲ့သလားဆိုတာကိုလည်း လေ့လာခဲ့ကြပါတယ်။

တုပ်ကွေးကာကွယ်ဆေးထိုးထားသူတွေဟာ မထိုးထားသူတွေထက် ပြီးခဲ့တဲ့နှစ်အတွင်း ဆရာဝန်များနဲ့ ဆေးစစ်ဆေးခြင်း၊ ဆေးကုသခံယူရခြင်း ပိုပြုလုပ်ခဲ့ရပြီး အထူးသဖြင့် သက်ကြီးလူနာတွေမှာ သွေးကြောရောဂါများ၊ အခြားရောဂါလက္ခဏာများ ပိုဖြစ်ပွားခဲ့ပါတယ်။

ဒါပေမဲ့ တုပ်ကွေးကာကွယ်ဆေးထိုးထားသူတွေက လေဖြတ်ခြင်းအန္တရာယ် ပိုနည်းတာပါပဲ။

လေဖြတ်ခြင်းအန္တရာယ်များစေတဲ့ ကိုလက်စ်ထရော၊ သွေးပေါင်ချိန်တိုးခြင်း စတဲ့နာတာရှည်ရောဂါများနဲ့ အသက်အရွယ် အချက်အလက်များကိုပါ ထည့်တွက်မယ်ဆိုရင် တုပ်ကွေးကာကွယ်ဆေးထိုးထားသူတွေက မထိုးထားတဲ့သူတွေထက် လေဖြတ်ခြင်းအန္တရာယ် ၁၂ ရာခိုင်နှုန်းပိုနည်းပါတယ်။

သုတေသီတွေက အဆုတ်ရောင်ရောဂါကာကွယ်ဆေးဟာ လေဖြတ်အန္တရာယ်ပေါ် သက်ရောက်နေသလားဆိုတာကို လေ့လာရာမှာ သက်ရောက်မှုမရှိကြောင်း တွေ့ရပါတယ်။

လေဖြတ်ခြင်းအန္တရာယ်ရှိနေတဲ့သူတွေအနေနဲ့ တုပ်ကွေးကာကွယ်ဆေးကို နှစ်စဉ်ထိုးရမယ့်အကြောင်းပြချက်ရလာကာ ဒီလိုမျိုးကာကွယ်ဆေးထိုးရုံနဲ့ လေဖြတ်အန္တရာယ်ကိုလျှော့ချနိုင်မှာဖြစ်တယ်လို့ မက်ဒရစ်မြို့ အယ်ကာလာတက္ကသိုလ်မှ ဒေါက်တာ'ဖရန်စစ္စကိုဒီအဘာဂျို'က ပြောပြခဲ့ပါတယ်။

ဒီလေ့လာချက်က စမ်းသပ်ဆဲဖြစ်ကာ သေချာပေါက်လျှော့ချနိုင်တယ်လို့ မဆိုလိုပေမယ့် ပတ်သက်နေတာတော့ ဖြစ်နိုင်ပါတယ်။

ထည့်မတွက်တဲ့အချက်တွေထဲမှာလည်း လေဖြတ်ခြင်းကို သက်ရောက်နေတဲ့ အကြောင်းအရာတွေ ရှိနေနိုင်ပါသေးတယ်။

Source: The Jerusalem Post
#Yangon_Media_Group

#LocalNews
Published 11 September 2022

၂၀၂၃ အာရှ ယူ-၂၀ ချန်ပီယံရှစ်ပြိုင်ပွဲ ခြေစစ်ပွဲစဉ် (2023 AFC U-20 Asian Cup Qualification) ပြိုင်ပွဲ အုပ်စု(က) ပွဲစဉ်အဖြစ် မြန်မာ ယူ -၂၀ အသင်း နှင့် တရုတ် ယူ-၂၀ အသင်းတို့ မြန်မာစံတော်ချိန် စက်တင်ဘာ ၁၁ ၊ နံနက် (၁) နာရီတွင် ဆော်ဒီအာရေဗျနိုင်ငံ၊ Al Khobar မြို့ရှိ Prince Saud bin Jalawi ကွင်း၌ ယှဉ်ပြိုင်ကစားခဲ့ရာ တရုတ် ယူ-၂၀ အသင်းက (၃-၁) ဂိုးဖြင့် အနိုင်ရရှိခဲ့‌ကြောင်း မြန်မာနိုင်ငံ ဘောလုံးအဖွဲ့ချုပ်ကသိရသည်။

ပထမပိုင်းတွင် (၁-၁)ဂိုး သရေကျနေသော်လည်း ဒုတိယပိုင်းပြီးခါနီးတွင် မြန်မာအသင်း ပင်နယ်တီ (၂) ကြိမ်ဆက်ပေးခံရသဖြင့် တရုတ်အသင်း အနိုင်ရရှိသွားခြင်းဖြစ်‌ကြောင်းလည်း သိရသည်။

အစောပိုင်း ယှဉ်ပြိုင်ကစားခဲ့သော အုပ်စု(က) ပွဲစဉ်ဖြစ်သည့် မော်လ်ဒိုက်နှင့် ဥဇဘက်ကစ္စတန်အသင်းတို့ ပွဲစဉ်တွင် ဥဇဘက်ကစ္စတန် အသင်း က(၇- ဝ) ဂိုးဖြင့် အနိုင်ရရှိခဲ့သည်။

အာရှ ယူ-၂၀ ချန်ပီယံရှစ်ပြိုင်ပွဲ ခြေစစ်ပွဲစဉ်တွင် မြန်မာအသင်းအနေဖြင့်စက်တင်ဘာလ ၁၂ ရက်တွင် ဥဇဘက်ကစ္စတန် အသင်းနှင့်လည်းကောင်း၊ စက်တင်ဘာလ ၁၆ ရက်တွင် ဆော်ဒီအာရေဗျ နိုင်ငံအသင်းနှင့်လည်းကောင်း၊ စက်တင်ဘာလ ၁၈ ရက်တွင် မော်လ်ဒိုက်အသင်းနှင့်လည်းကောင်း ဆက်လက်ယှဉ်ပြိုင်ကစားရမည်ဖြစ်ကြောင်း သိရသည်။

ymg/mt
#Yangon _Media_Group

Published 10 Sept 2022

China Media Group (CMG)ရဲ့ ဆောင်းဦးရာသီအလယ်ပွဲတော် ဖျော်ဖြေပွဲကို စက်တင်ဘာ ၁၀ရက် စနေနေ့ညက ထုတ်လွှင့်ပြသခဲ့ပါတယ်။

မိသားစုတွေ ပြန်လည်တွေ့ဆုံပေါင်းစည်းကြခြင်း၊မေတ္တာတရားနှင့် လွမ်းဆွတ်တသခြင်းတွေကို‌ သရုပ်ဖော်ထားတဲ့ အဲဒီထုတ်လွှင့်ပြသမှုကို ပရိဿတ်များစွာကြည့်ရှုခဲ့ကြပါတယ်။

ပထမပိုင်းတင်ဆက်မှုမှာ “ ဆောင်းဦးရာသီအလယ်သို့ မြစ်ကမ်းနဖူးမှာ လမင်းထွက်ပေါ်လာခြင်း” ဆိုတဲ့ ဖော်ကျူးမှုနှင့် တင်ဆက်တာဖြစ်ပါတယ်။

ဆောင်းဦးရာသီအလယ်ပွဲတော်ကိုဖွဲ့ဆိုတဲ့ တရုတ်ရိုးရာကဗျာတွေနှင့်သီချင်းတွေ၊ နိုင်ငံနှင့်မိသားစုကိုချစ်မြတ်နိုးတာကို ထင်ဟပ်တဲ့ တရုတ်ရိုးရာဟန်နှင့် ပေါင်းစပ်ထားတဲ့ ခေတ်ပေါ်သီချင်းတွေ၊ ပြီးတော့ အိပ်မက်တကယ်ဖြစ်တည် ဆိုတဲ့ သီချင်းတွေပါဝင်ပါတယ်။

တရုတ်နိုင်ငံရဲ့ ဆောင်းဦးရာသီအလယ်ပွဲတော်ဟာ တရုတ်လပြက္ခဒိန်ရဲ့ ရှစ်လမြောက် ၁၅ ရက်နေ့မှာ ကျရောက်ပါတယ်။ ဒီပွဲတော်ဟာ မိသားစုတွေပြန်လည်ပေါင်းစည်းကြတဲ့သရုပ်သကန်ကို ဖော်ကျူးထားပါတယ်။ ဒီနှစ်ပွဲတော်ဟာ စက်တင်ဘာ ၁၀ရက် စနေနေ့မှာကျရောက်ခဲ့ပါတယ်။

Source CCTV+

#Mid-Autumn_Festival

#China_family_reunion_festival

#China

#Local_News
Published - 10 September 2022

စက်တင်ဘာလထဲမှာ မြန်မာနိုင်ငံမြောက်ပိုင်းနဲ့ အလယ်ပိုင်းဒေသတွေမှာ မုတ်သုန်လေစတင် ဆုတ်ခွာသွားဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူးဦးလှထွန်းက ပြောပါတယ်၊၊

#Yangon_Media_Group