#Local_News
Published_9 August 2022

မသန်စွမ်းသူမှတ်ပုံတင်ခြင်းနှင့် အဆင့်သတ်မှတ်ခြင်းလုပ်ငန်း pilot project ကိုဒေသ (၄)ခု မှာ ဆောင်ရွက်နေပြီးဒေသ(၂)ခုက မသန်စွမ်းသူတစ်ထောင်ကျော်ကို မသန်စွမ်းမှတ်ပုံတင်ပြုလုပ်ပေးပြီးဖြစ်တယ်လို့ ပြန်လည်ထူထောင်ရေးဦးစီးဌာန၊ ဒုတိယညွှန်ကြားရေးမှူးဦးရဲမျိုးဝင်းက YMG ကို ပြောပါတယ်၊၊

မသန်စွမ်းသူတွေအတွက် ကျန်းမာရေးကဏအပါအဝင် မသန်စွမ်းဥပဒေပါအခွင့်အရေးတွေကို ဖော်ဆောင်ပေးနိုင်ဖို့ ရည်ရွယ်ဆောင်ရွက်နေတာဖြစ်ပါတယ်၊၊

"ရန်ကုန်တိုင်းလှိုင်သာယာမြို့နယ်၊ ကရင်ပြည်နယ်ဘားအံ၊နေပြည်တော် ပုဗ္ပသီရိနဲ့ ရှမ်းပြည်နယ်ဟိုပုံးတို့မှာ ဆောင်ရွက်နေတာဖြစ်ပြီး လှိုင်သာယာမှာ မသန်စွမ်းသူတစ်ထောင်ခန့်နဲ့ နေပြည်တော်ပုဗ္ပသီရိက မသန်စွမ်းသူ(၃၅၀)ဦး ကို ဆောင်ရွက်ထားပြီးဖြစ်ပြီး ဘားအံနဲ့ဟိုပုံးမှာတော့ လတ်တလောမှာ ကွင်းဆင်းဆောင်ရွက်လျက်ပဲရှိပါတယ်၊၊ ဒီမသန်စွမ်းသူတွေ ကိုမသန်စွမ်း မှတ်ပုံတင်လုပ်ပေးခြင်းအားဖြင့် မသန်စွမ်းသူအရေအတွက် စာရင်းအတိအကျရမယ်၊၊ နိုင်ငံသား မှတ်ပုံတင်ရှိတဲ့ မသန်စွမ်းသူဘယ်နှစ်ယောက်ရှိပြီး နိုင်ငံသားမှတ်ပုံတင်မရှိတဲ့သူ ဘယ်လောက်ရှိမလဲသိနိုင်မယ်၊၊ ၂၀၁၅ မသန်စွမ်းသူများ ဥပဒေပါအခွင့်အရေးတွေကို မသန်စွမ်းသူတွေရရှိလာမယ်၊၊ မသန်စွမ်းသူတွေတက်ရောက်ရတဲ့ သက်မွေးသင်တန်းတွေ တက်ရောက်ခွင့်တွေရရှိလာမယ်၊၊ မသန်စွမ်းသူတွေအတွက် ကျန်းမာရေးစောင့်ရှောက်မှုတွေ၊ ထောက်ပံ့မှုတွေရရှိလာမှာဖြစ်တယ်"လို့ YMGကို ဦးရဲမျိုးဝင်းက ပြောပါတယ်၊၊

မသန်စွမ်းသူမှတ်ပုံတင်ခြင်းနှင့် အဆင့်သတ်မှတ်ခြင်းလုပ်ငန်း pilot project ကို ကိုဗစ်ကာလမတိုင်မီကတည်းက ဆောင်ရွက်ဖို့ စီစဉ်ထားတာဖြစ်ပြီး ကိုဗစ်ဖြစ်ပွားမှုတွေကြောင့်မဆောင်ရွက်နိုင်ဘဲ အခု ၂၀၂၂ခုနှစ် ဇူလိုင်လမှစတင်အကောင်အထည်ဖော်ဆောင်ရွက်နိုင်တာဖြစ်တယ်လို့ ဆိုပါတယ်၊၊

မြန်မာနိုင်ငံတစ်နိုင်ငံလုံးရှိ မသန်စွမ်းသူတွေကို လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဦးစီးဌာနအနေနဲ့ မသန်စွမ်းမှတ်ပုံတင်ပေးခြင်းနဲ့ မသန်စွမ်းအဆင့်သတ်မှတ်ခြင်းတွေဆောင်ရွက်ပေးသွားမှာဖြစ်ပြီး အခုpilot project ကတော့ ရှေ့ပြေးအနေနဲ့ စတင်ဆောင်ရွက်အကောင်အထည်ဖော်နေတာဖြစ်တယ်လို့ သိရပါတယ်၊၊

ymg/tthl
#Yangon_Media_Group

#World_Politics
Published 9 August 2022

အက်ဖ်ဘီအိုင်အေးဂျင့်များက သမ္မတဟောင်းဒေါ်နယ်ထရမ့်ရဲ့ မာရာလာဂိုအိမ်ယာကို တနင်္လာနေ့က ဝင်ရောက်စီးနင်းခဲ့ပြီး သူ့သားရဲ့ပြောဆိုချက်အရ မီးခံသေတ္တာကိုပါ ချိုးဖျက်ခဲ့ကြပါတယ်။

ဒါဟာ အိမ်ဖြူတော်ကနေ ဖလော်ရီဒါအပန်းဖြေအိမ်ယာသို့ ထရမ့်ရွှေ့ပြောင်းခဲ့တဲ့ တရားဝင်သမ္မတမှတ်တမ်းမှတ်ရာများအပေါ် စုံစမ်းစစ်ဆေးတဲ့သဘောဖြစ်ပါတယ်။

သမ္မတဟောင်းနေအိမ်ကို ရှာဖွေစစ်ဆေးတာဟာ မကြုံစဖူးဖြစ်ရပ်ဖြစ်ပြီး မှတ်တမ်းစုံစမ်းစစ်ဆေးမှုတွေနဲ့ ပတ်သက်လို့ အခြေအနေတွေတင်းမာလာဦးမှာ ဖြစ်ပါတယ်။

ထရမ့်ဟာ သမ္မတရာထူးထမ်းဆောင်နေစဉ်ကတည်းကစလို ပုဂ္ဂလိကလုပ်ငန်းများအထိ အကြိမ်ကြိမ်ရှာဖွေစစ်ဆေးခြင်း ခံထားရပြီးပါပြီ။

ရှာဖွေစစ်ဆေးမှုနဲ့ပတ်သက်ပြီး အမေရိကန်တရားရေးဌာနဘက်က မှတ်ချက်ပြုခြင်းမရှိသေးဘဲ ထရမ့်ရဲ့ထုတ်ပြန်ချက်မှာတော့ အက်ဖ်ဘီအိုင်အေးဂျင့်အများအပြား ပါဝင်ခဲ့တယ်လို သိရပါတယ်။

ဝါရှင်တန်ရှိ အက်ဖ်ဘီအိုင်ရုံးချုပ်နဲ့ မိုင်ယာမီရုံးတိုကလည်း မှတ်ချက်ပြုဖို့ ငြင်းဆိုထားပါတယ်။

ဒေါ်နယ်ထရမ့်ရဲ့ သားတစ်ယောက်ဖြစ်တဲ့'အဲရစ်ထရမ့်'က Fox News သတင်းဌာနကို ပြောကြားခဲ့ရာမှာ အိမ်ဖြူတော်ကနေပါလာတဲ့ မှတ်တမ်းစာချုပ်သေတ္တာများကို ရှာဖွေခဲ့တဲ့အပြင် အဖေဖြစ်သူ အမျိုးသားမော်ကွန်းတိုက်နဲ့ ပူးပေါင်းနေတယ်ဆိုတဲ့ အချက်အလက်မှတ်တမ်းများကိုလည်း ရှာဖွေခဲ့ကြတယ်လို သိရပါတယ်။

ထိုကိစ္စနဲ့နီးစပ်သူတစ်ဦးကလည်း ရိုက်တာသတင်းဌာနကို ပြောပြရာမှာ ဝင်ရောက်စီးနင်းမှုက အိမ်ဖြူတော်ကနေ ထရမ့်သယ်ဆောင်လာတဲ့ မှတ်တမ်းမှတ်ရာများနဲ့ ဆက်စပ်နေလိမ့်မယ်လို အတည်ပြုခဲ့ပါတယ်။
"အိမ်ယာကြီးကို ဝင်ရောက်စီးနင်းထားပြီးတော့ ဝိုင်းရံထားပါတယ်၊ ဘာကြောင့် ဝင်စီးလဲဆိုတာကိုတော့ မသိရသေးပါဘူး" လို 'ထရမ့်'ကဆိုပါတယ်။

"အစိုးရအေဂျင်စီတွေနဲ့ ပူးပေါင်းပြောဆိုအပြီးမှာတော့ အခုလို ဝင်ရောက်စီးနင်းတာက မသင့်တော်တဲ့လုပ်ရပ်ဖြစ်ပြီး မီးခံသေတ္တာကိုပါ ဖောက်သွားပါတယ်" လို ပြောကြားခဲ့ပါတယ်။

ဝင်ရောက်စီးနင်းခံရချိန် တနင်္လာနေ့မှာ ထရမ့်က နယူးယော့ခ်ကိုရောက်ရှိနေတာဖြစ်ပြီး Fox News သတင်းထောက်တစ်ဦးက ထရမ့်တာဝါကနေ ဒေါ်နယ်ထရမ့်ထွက်ခွာလာတဲ့ဓာတ်ပုံကို မှတ်တမ်းတင်ကာ Fox News သတင်းဌာနမှ ဖော်ပြထားပါတယ်။

ထရမ့်ဟာ ၂၀၂၁ ဇန်နဝါရီလက အိမ်ဖြူတော်ကနေ ထွက်ခွာလာပြီးနောက် ပါးလ်မ်ကမ်းခြေမှာ နေထိုင်နေခဲ့ကာ နွေရာသီကာလ မာရာလာဂိုအိမ်ယာပိတ်ထားတဲ့အချိန်မှာတော့ နယူးဂျာစီ ဘတ်ဒ်မင်စတာရှိ ဂေါက်ရိုက်ကလပ်မှာ အချိန်ဖြုန်းနေခဲ့တာဖြစ်ပါတယ်။

ဖက်ဒရယ်ဥပဒေဖြစ်တဲ့ အမေရိကန်သမ္မတမှတ်တမ်းအက်ဥပဒေမှာ သမ္မတရဲ့တရားဝင်တာဝန်များနဲ့ပတ်သက်တဲ့ မှတ်စုတိုများ၊ စာစောင်များ၊ မှတ်စုများ၊ အီးမေးလ်များ၊ ဖက်စ်များနဲ့ လက်ရေးဖြင့်ရေးသားထားတဲ့ အခြားဆက်သွယ်မှုများကို သိမ်းဆည်းထားခြင်းတို လိုအပ်ပါတယ်။

ရှာဖွေစစ်ဆေးခြင်းက တရားမျှတမှုရှိရမယ်လို တရားဥပဒေစိုးမိုးရေးအဖွဲက သရုပ်ပြဆောင်ရွက်ပြီးနောက် ပုဂ္ဂလိကနေအိမ်တွေကို ရှာဖွေစစ်ဆေးရန်အတွက် တရားသူကြီးတစ်ဦးက အတည်ပြုပေးရမှာဖြစ်ပါတယ်။

Source: Reuters
#Yangon_Media_Group

P

Published 9 August 2022

ဟောလီဝုဒ်နာမည်ကျော်ရုပ်ရှင်ဇာတ်ကားတစ်ကားဖြစ်တဲ့ Six Days Seven Nights  ကားမှာ မင်းသား ဟဲရစ်ဆင်ဖို့ဒ်နှင့်အတူ သရုပ်ဆောင်ခဲ့တဲ့ မင်းသမီး အန်း ဟက်ချ် Anne Heche ဟာ လွန်ခဲ့တဲ့လေးရက်က ယာဉ်တိုက်မှုတစ်ခုကြောင့် ဒဏ်ရာပြင်းထန်စွာရရှိခဲ့ပြီး ဆေးရုံမှာ အသက်ရှုစက်တပ်ထားရဲ့အထိ စိုးရိမ်ရတဲ့အခြေအနေမှာရှိနေတယ်လို့ ရိုက်တာက ရေးပါတယ်။

အသက် ၅၃နှစ်အရွယ် ဟက်ချ်ဟာ ပြီးခဲ့တဲ့သောကြနေ့ နှောင်းပိုင်းမှာ သူမမောင်းနှင်လာတဲ့ကား အရှိန်မထိန်းနိုင်ဘဲ လော့အင်ဂျလိရဲ့ ဝက်ဆိုက်ရပ်ကွက်က အိမ်တစ်အိမ်ထဲ အရှိန်နှင့်ဝင်တိုက်မိပြီး မီးလောင်ခဲ့တယ်လို့ ရဲဌာနမှ သိရပါတယ်။

အိမ်ထဲက တစ်ဦးမျှ ဒဏ်ရာမရရှိကြဘဲ အိမ်ကတော့ မီးစွဲလောင်သွားခဲ့ကာ မီးသတ်သမား ဒါဇင်ကျော် လာရောက်မီးညှိမ်းသတ်ခဲ့ကြရပါတယ်။

ကားမတော်တဆမှုဖြစ်ပြီး သိပ်မကြာခင်ဘဲ ဟက်ချ်ဟာ သတိပြန်မရတော့ဘဲ ကိုမာ ဝင်သွားခဲ့ပါတယ်လို့ သူမကိုကိုယ်စားပြုထားတဲ့ အနုပညာရှင်တွေကို စီမံခန့်ခွဲပေးတဲ့ Zero Gravity Management က အဖွဲ့ဝင် မိုက်ကယ်မက်ကော်နယ်ကပြောပါတယ်။

အဲဒီကတည်းက သူမဟာ အတော်စိုးရိမ်ရတဲ့အခြေအနေရှိနေခဲ့ပါတယ် လို့ သူက ရိုက်တာကိုပြောပါတယ်။

သူမဟာ ၁၉၉၀ ပြည့်လွန်နှစ်တွေက လူရွှင်တော်အမျိုးသမီး Ellen DeGeneres နှင့် ချစ်ကြိုးသွယ်ခဲ့တယ်ဆိုပြီး အပျော်ဖတ် မီဒီယာတွေမှာ ခေါင်းစီးသတင်းတွေဖြစ်ခဲ့တာပါ။ အဲဒီတုန်းက DeGeneresဟာ သူမကိုယ်သူမ လိင်တူဆက်ဆံသူလို့ လူသိရှင် ကြားပြောထားတဲ့အချိန်ပါ။ သူတို့ခွာပြဲသွားကြပြီးနောက် ဟက်ချင်ဟာ ကင်မရာမင်း ကိုလလမင်း လက်ဖွန်နှင့်လက်ထပ်ပြီး နောက်ပိုင်း ကွာရှင်းခဲ့ကြပါတယ်။ အဲဒီနောက်သူမဟာ Men in Trees  ရုပ်သံအစီအစဉ်မှာ သူမနှင့်အတူတွဲဖက်ပါဝင်တဲ့ မင်းသား  James Tupper နှင့် အချိန်အတိုင်းအတာတစ်ခုအထိ  ချစ်ကြိုးသွယ်ခဲ့ကြပါတယ်။

Source: Reuters

#Anne_Heche

#Anne_heche_Coma

#Anne_Heche_car_accident

#Local_News

Published 9 August 2022

ရှမ်းပြည်နယ် (အရှေ့ပိုင်း)တာချီလိတ်မြို့ မြန်မာ-ထိုင်း ချစ်ကြည်ရေးတံတား( ၂ )မှ ထိုင်းနိုင်ငံသား ရုပ်ရှင်ဒါရိုက်တာတစ်ဦးအား မြန်မာတာဝန်များနှင့်( TBC)က ထိုင်းနိုင်ငံသို့ ဩဂုတ် ၉ ရက်နံနက် ၉ နာရီအချိန်က တရားဝင်လွှဲပြောင်းပေးအပ်ခဲ့ကြောင်း သိရသည်။

စစ်ဒေသ( ၁၇၁)၊UWSA (ဝ)အဖွဲ့မှ ဇွန်လဆန်းက နယ်မြေအတွင်းတရားမဝင် ဝင်ရောက်လာသဖြင့် ခေါ်ယူထိန်းသိမ်းထားသည့် ထိုင်းနိုင်ငံသား ဒါရိုက်တာ နိုင်းလာ့မိုက်မိုရီဖန်း( ခ)ဒဲန်နီ ကိုဇူလိုင်လ (၇)က် မွန်းလွဲ ၄ နာရီအချိန် တာချီလိတ်တပ်နယ်တွင် စစ်ဘက် နယ်ဘက်မှ မြန်မာတာဝန်ရှိသူများထံ လွှဲပြောင်းပေးခဲ့ပြီး မြန်မာတာဝန်ရှိသူများက နှစ်နိုင်ငံသဘောတူညီချက်အရ ထိုင်းနိုင်ငံသို့ ပြန်လည်လွှဲပြောင်းပေးခဲ့ကြောင်းသိရှိရသည်။

စစ်ဒေသ( ၁၇၁)ဝမ်ဟုန်တွင် တရားမဝင် ဝင်ရောက်လာသော ထိုင်းနိုင်ငံသား ဒါရိုက်တာသည် ၎င်း၏ဆန္ဒသဘောအရ မူးယစ်ဆေးဝါးဖြတ်ပေးရန်အကူအညီတောင်းခံလာသဖြင့် ဝမ်ဟုန် ဒုရုံးအုပ်က
အချုပ်ထဲတွင်ထိန်းသိမ်းကာ မူးယစ်ဆေးဖြတ်ပေးခဲ့ပြီးနောက် မြန်မာတာဝန်ရှိသူများထံ လွှဲပြောင်းပေးခဲ့ခြင်းဖြစ်ကြောင်းသိရှိရသည်။

ymg/ys-tcl
#Yangon_Media_Group

#Local_News
Published_9 August 2022

ရန်ကုန် - မန္တလေးအမြန်လမ်းမကြီးတွင် ၂၀၂၂ ခုနှစ် ဇန်နဝါရီလမှ ဇူလိုင်လထိ ၇လအတွင်း ယာဉ်မတော်တဆတိုက်မှု ၉၉ မှု ၊ ဒဏ်ရာရရှိသူ ၁၆၆ ဦး၊ သေဆုံးသူ ၃၈ ဦး ထိရှိခဲ့သောကြောင့် ပျက်စီးဆုံးရှုံးမှုတန်ဖိုး ငွေကျပ် ၂၁၅,၉၄၉,၀၀၀ကျော် ရှိခဲ့ကြောင်းအမြန်လမ်းရဲတပ်ဖွဲ့မှူးရုံး၏ စာရင်းဇယားများအရ သိရသည်။

အမြန်လမ်းပေါ်တွင် ယာဉ်မတော်တဆမှုဖြစ်ပွားရခြင်းမှာ လူ ၊ ယာဉ်ချိုယွင်းမှု ၊ လမ်းနှင့် ရာသီဥတုတို့ကြောင့် အများဆုံး ဖြစ်ပွားလေ့ရှိကြောင်း အမြန်လမ်းရဲတပ်ဖွဲ့မှူးရုံး၏ မှတ်တမ်းများတွင် ဖော်ပြထားသည်။

"လူကြောင့် ဖြစ်ပွားတဲ့ ယာဉ်တိုက်မှုကတော့ အများဆုံး ဖြစ်ပါတယ်။လူတွေက သတ်မှတ်ကီလိုကို ကျော်လွန်မောင်းနှင်တာတွေလုပ်တယ်။လမ်းဖြောင့်ဖြစ်တာကြောင့် အရှိန်ကို တင်ပြီးတော့ မောင်းကြတာလေ၊တချိုကျတော့ အိပ်ငိုက်ပြီးတော့ ယာဉ်မတော်တဆမှု ဖြစ်တယ်။အမျိုးမျိုးပေါ့ဗျာ"ဟု အမြန်လမ်းရဲတပ်ဖွဲ့မှူးရုံး၏ တာဝန်ကျ အရာထမ်းတစ်ဦးက ဆိုသည်။

ရန်ကုန်- မန္တလေးအမြန်လမ်းမကြီးပေါ်တွင် အိမ်စီးကားများကိုတစ်နာရီလျှင် ကီလို ၁၀၀၊ ခရီးသည်တင်အဝေးပြေးယာဉ်များကို တစ်နာရီလျှင်ကီလိုမီတာ (၉၀)၊ လုပ်ငန်းသုံးကုန်တင်ယာဉ်များကို တစ်နာရီလျှင်ကီလိုမီတာ (၆၀)နှုန်းများသတ်မှတ်မောင်းနှင်းခွင့်ပြုထားသော်လည်း သတ်မှတ်နှုန်းထားထက် ကျော်လွန်မောင်းနှင်သူများရှိနေသောကြောင့်လမ်းတစ်လျှောက်တွင် ကီလိုကျော်ယာဉ်တိုင်းတာစက်များတပ်ဆင်စောင့်ကြည့် ဖမ်းဆီးမှုများ ပြုလုပ်နေကြောင်းလည်း သိရသည်။

ပြီးခဲ့သည့် ဇန်နဝါရီလမှ ဇူလိုင်လ ၁၃ ရက်ထိသတ်မှတ်အမြန်နှုန်းထက်ကျော်လွန်မောင်းနှင်းနေသော မော်တော်ယာဉ် ၅၀၆၄ စီးကို အရေးယူခဲ့ရကြောင်း အမြန်လမ်းရဲတပ်ဖွဲ့မှူးရုံး၏ စာရင်းအရ သိရသည်။

ymg/mt
#Yangon_Media_Group

#Health_Tips
Published 9 August 2022

နေ့စဉ် အကြောဖြေလျှော့ခြင်းဖြင့် ဦးနှောက်အိုမင်းရင့်ရော်ခြင်းကို ကာကွယ်နိုင်ပြီး စိတ်ဖောက်ပြန်ခြင်းမှ ကင်းဝေးစေနိုင်ပါတယ်။

ထိုကဲ့သို့အကြောဖြေလျှော့ခြင်းက နှလုံးလေ့ကျင့်ခန်းတွေလိုမျိုး ထိရောက်မှုရှိစေကြောင်း လေ့လာတွေ့ရှိထားပါတယ်။

မှတ်ဉာဏ်ချို့ယွင်းမှုလက္ခဏာအပျော့စား(MCI) ခံစားနေရပြီး လှုပ်ရှားလေ့ကျင့်ခန်းမပြုလုပ်ကြတဲ့ လူကြီး ၃၀၀ နီးပါးကို စမ်းသပ်ခဲ့ကြပါတယ်။

MCI ဝေဒနာက အသက်ကြီးသူတွေရဲ့ဦးနှောက်မှာ မှတ်ဉာဏ်နဲ့ပတ်သက်ပြီး ပြောင်းလဲမှုများဖြစ်ပေါ်နိုင်ပေမယ့် နေ့စဉ်လှုပ်ရှားပြုလုပ်ခြင်းတွေကိုတော့ မထိခိုက်စေပါဘူး။

အသက် ၆၅ နှစ်အထက်လူကြီးရွယ်အို ၅ ရာခိုင်နှုန်းကနေ ၂၀ ရာခိုင်နှုန်းတိုဟာ MCI ဝေဒနာကို ခံစားနေကြရပါတယ်။

ဒါက စိတ်ဖောက်ပြန်တဲ့ရောဂါမျိုးမဟုတ်ပေမယ့် MCI ဝေဒနာခံစားနေရတဲ့သူတွေဟာ စိတ်ဖောက်ပြန်ခြင်း ဖြစ်နိုင်ချေရှိလာနိုင်ပါတယ်။

စမ်းသပ်မယ့်သူတွေကို အဖွဲ့ ၂ ဖွဲ့ခွဲကာ တစ်ဖွဲ့က စက်ဘီးစီးစက်၊ ပြေးစက်တို့ဖြင့် လှုပ်ရှားလေ့ကျင့်ခန်းများ ပြုလုပ်ခိုင်းကာ ကျန်တစ်ဖွဲ့ကတော့ အကြောဖြေလျှော့ခြင်းမျိုး ပြုလုပ်ခဲ့ကြပါတယ်။

တစ်နှစ်ကြာပြီးနောက် သုတေသီများက ဦးနှောက်ဓာတ်မှန်ရိုက်ခြင်းနဲ့ မှတ်ဉာဏ်စမ်းသပ်မှုများ ပြုလုပ်ကြပါတယ်။

အဆိုပါ ၂ ဖွဲ့စလုံးမှာ မှတ်ဉာဏ်စွမ်းရည်ကျဆင်းတာမျိုး မရှိတဲ့အပြင် ဦးနှောက်ကျုံသွားတာမျိုးလည်း မရှိကြောင်း သုတေသီများဖော်ပြခဲ့ကြပါတယ်။

အကြောဖြေလျှော့ခြင်းဆိုတာက လူတိုင်းလုပ်ဆောင်နိုင်တဲ့အရာဖြစ်ကြောင်း ဦးဆောင်သုတေသီဒေါက်တာ'လော်ရာဘိတ်ကာ'က ရှင်းပြပါတယ်။

"MCI ဝေဒနာခံစားရသူတွေက မှတ်ဉာဏ်ပိုင်းမှာ ပုံမှန်မဟုတ်တော့ပေမယ့် စိတ်ဖောက်ပြန်တာမျိုးလည်း မဟုတ်ပါဘူး၊ သူတို့ဘာသာသူတို့ စောင့်ရှောက်နေထိုင်နိုင်ပေမယ့် မောပန်းခြင်းတော့ ကြုံတွေ့နေရမှာပါ" လို့ CNN ကိုရှင်းပြခဲ့ပါတယ်။

လေ့ကျင့်ခန်းညွှန်ကြားပြသပေးသူ'ရှောင်ကင်စ်မန်'က အကြောဖြေလျှော့ခြင်းဟာ ထိခိုက်ဒဏ်ရာကာကွယ်ပေးခြင်း၊ အဆစ်အမြစ်လှုပ်ရှားခြင်း၊ ရောင်ရမ်းမှုကိုလျှော့ချခြင်းတို့မှာ ကူညီပေးနိုင်ပါတယ်လို့ ပြောကြားသွားပါတယ်။

Source: The Sun
#Yangon_Media_Group

#Local_News
Published 9_August 2022

တောင်ကိုရီးယားနိုင်ငံ၌ စိုက်ပျိုးရေးနှင့် မွေးမြူရေးလုပ်သားအဖြစ်လုပ်ကိုင်ရန် ယနေ့ ဩဂုတ်လ ၉ ရက်တွင်မြန်မာလုပ်သား ၁၄၉ ဦးထပ်မံသွားရောက်ခွင့်ရရှိခဲ့ကြောင်း သိရသည်။

ယင်းတွင်အသစ်ဝင်ရောက် လုပ်ကိုင်မည့် လုပ်သားသစ်(၁၄)ဦးနှင့် ကုန်ထုတ်လုပ်သားအဖြစ် အသစ်ဝင်ရောက် လုပ်ကိုင်မည့် လုပ်သားသစ်(၁၃၅)ဦးဖြစ်ကြောင်း သိရသည်။

အဆိုပါ လုပ်သားများမှာ ရန်ကုန်မှ အင်ချွန်းအပြည်ပြည်ဆိုင်ရ လေဆိပ်သို့ ရောက်ရှိခဲ့ပြီး မြန်မာသံရုံး၊ ဆိုးလ်မြို့မှ အလုပ်သမားသံအရာရှိကကြိုဆိုကာ အလုပ်သမားများ သိရှိလိုက်နာသင့်သည့် အချက်များစနစ်တကျ ပြောကြားခဲ့ကြောင်း သိရသည်။

ymg/mt
#Yangon_Media_Group

#Local_News
Published_9 August 2022

ပြည်ပက ရေနံနှင့်ရေနံထွက်ပစ္စည်းများ အမေရိကန်ဒေါ်လာ ၁ ဒသမ ၃ ဘီလီယံတန်ဖိုးခန့် တင်သွင်းနေရကြောင်း နစက ဥက္ကဌ က သြဂုတ်လ ၈ ရက်တွင် ပြောကြားလိုက်သည်။

ပြည်ထောင်စုအစိုးရအဖွဲ့လုပ်ငန်းဆောင်ရွက်ချက်များနှင့် စပ်လျဉ်းသည့် ညှိနှိုင်းအစည်းအဝေးသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်
တက်ရောက် အမှာစကားပြောကြားရာတွင် အထက်ပါအတိုင်း ထည့်သွင်း ပြောကြားလိုက်ခြင်း ဖြစ်သည်။

ယင်းသို့ တင်သွင်းနေရသောကြောင့် ပြည်ပတင်သွင်းမှုလျှော့ချနိုင်ရန် လုပ်ဆောင်နိုင်ရေးအတွက်ပြည်တွင်း၌ ရေနံအထိုက်အလျှောက် ထွက်ရှိပြီး ဒေသအချို့တွင် တွင်းတိမ်ရေနံတူးဖော်ထုတ်လုပ်မှုများကို စနစ်တကျလုပ်ဆောင်ရန် အဆိုပါ အစည်းအဝေးတွင် ပြောကြားခဲ့ကြောင်း သိရသည်။

ကမ္ဘာပေါ်တွင် ရေနံကို အစောဆုံးတွေ့ရှိရာဒေသဟု အဆိုရှိသည့် နိုင်ငံမှာ မြန်မာနိုင်ငံမှ မကွေးတိုင်းဒေသကြီးရေနံချောင်းမြို့ဖြစ်ပြီး ချောက်၊ လမ်းရွာ၊ မင်းဘူး၊ မန်းသံပုရာကန် စသည့်ဒေသများတွင်လည်း အစိုးရရေနံမြေများ တည်ရှိကြကာ မင်းလှ၊ သရက်၊ ရေနံချောင်း မြို့နယ်များအတွင်း ပုဂ္ဂလိကပိုင် ရေနံမြေများစွာရှိကြောင်း သိရသည်။

ymg/mt
#Yangon_Media_Group

#World_Health
Published 9 August 2022

ဟင်းသီးဟင်းရွက်အသုတ်တွေက အစားအသောက်တွေထဲမှာ အရေးကြီးဆုံးအစားအစာတစ်မျိုးဖြစ်ရုံမက ကျန်းမာရေးရှုထောင့်ကကြည့်ရင်လည်း ဒီထက်ပိုပြီးအကျိုးများနိုင်ပါတယ်။

ဂျပန်နိုင်ငံရဲ့ စူးစမ်းလေ့လာမှုအသစ်တစ်ခုမှာတော့ ရှာလကာရည်ဖြင့် အစားအစာပြုလုပ်ခြင်းရဲ့ အကျိုးကျေးဇူးတွေကို ဖော်ပြထားပါတယ်။

ဆူနိုမိုနိုလို့ခေါ်တဲ့ ဂျပန်သခွားသီးနဲ့ ရေညှိသုတ်ကို ပုံမှန်စားသုံးခြင်းဖြင့် အသက် ၄၀ အထက်လူတွေမှာ သွေးပေါင်ချိန်ကျစေနိုင်ကြောင်း အိုဆာကာတက္ကသိုလ်မှ သိပ္ပံပညာရှင်များက ဖော်ထုတ်တင်ပြခဲ့ကြပါတယ်။

ဆူနိုမိုနိုအသုတ်နဲ့ပတ်သက်ပြီး ထဲထဲဝင်ဝင်စမ်းသပ်ခြင်းဖြင့် ရှာလကာရည်စားသုံးခြင်းက သွေးပေါင်အတက်အကျဖြစ်စေနိုင်တယ်ဆိုတဲ့ လေ့လာချက်ကို စူးစမ်းခွင့်ရခဲ့ကြပါတယ်။

ဆူနိုမိုနိုအသုတ်ဟာ ဂျပန်ကလူကြီးတွေ စားနေကျအစားအစာတစ်ခုဖြစ်ပြီး ရှာလကာရည်အများအပြား ပါဝင်ပါတယ်။

သုတေသီတွေက အသက် ၄၀ ကျော်လူပေါင်း ၁,၄၉၈ ဦးဖြင့် လေ့လာခဲ့ကြပါတယ်။

ထို့နောက် သွေးပေါင်ချိန်တိုင်းတာခဲ့ပြီး ၇၄၆ ဦးကို ဂျပန်နိုင်ငံမှသွေးတိုးဝေဒနာရှင်များအတွက် လမ်းညွှန်ချက်များအတိုင်း ခွဲခြားသတ်မှတ်ခဲ့ကြပါတယ်။

ထိုစမ်းသပ်ခံများကို ရှာလကာရည်ပါဝင်တဲ့ အစားအစာ စားသုံးခြင်းနဲ့ပတ်သက်ပြီး အဟာရဆိုင်ရာစစ်တမ်းများကောက်ယူခဲ့ပါတယ်။

ဆူနိုမိုနိုမှာတော့ အသီးအရွက်တွေကို ရှာလကာရည်နဲ့စားရတာဖြစ်ပါတယ်။

အချက်အလက်တွေကို စုဆောင်းလိုက်တဲ့အခါမှာ တွေ့ရှိချက်တစ်ခုပေါ်ပေါက်လာကာ ဆူနိုမိုနိုကို လုံးဝမစားတဲ့လူတွေက ကိုယ်အလေးချိန်နဲ့ BMI တူညီတဲ့သူတွေအချင်းချင်းနဲ့ယှဉ်ရင် သွေးပေါင်ချိန်သိသိသာသာများနေခဲ့ပါတယ်။

ရှာလကာရည်က အစာအိမ်အူထဲက ကောင်းကျိုးပြုပိုးမွှားတွေကို ကြီးထွားဖွံ့ဖြိုးစေတယ်လို ယူဆရပြီး အတည်ပြုနိုင်ဖို့အတွက်တော့ နောက်ထပ်လေ့လာမှုတွေပြုလုပ်ရဦးမှာပါ။

ဆူနိုမိုနိုကို တစ်လမှာ အနည်းဆုံးတစ်ကြိမ်စားသုံးပေးခြင်းဖြင့် သွေးပေါင်ချိန်လျှော့ချနိုင်ဖွယ်ရှိနေပါတယ်။

BMI ၊ အသက်အရွယ်၊ ဆေးလိပ်၊ အရက်သေစာ စတဲ့ အလေ့အထတွေကို ထည့်သွင်းတွက်ချက်ကြည့်တာတောင် သွေးပေါင်ချိန်လျော့ကျနိုင်ကြောင်း တွေ့ရှိထားပါတယ်။

ရှာလကာရည်က အဆိုပါကျန်းမာရေးကောင်းကျိုးတွေ ရရှိစေတာလား၊ ရှာလကာရည်ပိုပြီးစားသုံးရင် သွေးပေါင်ချိန်ကို ပိုပြီးထိန်းညှိပေးနိုင်လားဆိုတာတွေက မသေချာသေးကြောင်း ဖော်ပြခဲ့ကြပါတယ်။

Source: The Jerusalem Pos
#Yangon_Media_Group

#Local_News
Published_8 August 2022

ဗဟိုဘဏ်ကငွေကြေးရည်ညွှန်းဈေးပြောင်းလဲလိုက်တာက အကောင်းဘက်ကို ဦးတည်တယ်လို့ဆိုပေမဲ့ လုပ်ငန်းရှင်တွေအတွက်ကတော့ စိန်ခေါ်မှုတွေ ရှိနေပါသေးတယ်။

#Yangon_Media_Group

#World_Archaeology
Published 8 August 2022

နှစ်ပေါင်း ၅၀၀ သက်တမ်းရှိ စပိန်ခေတ်မတိုင်ခင်က ဆောက်လုပ်ခဲ့တဲ့ ဘုရားကျောင်းကြီးရဲ့ အပေါ်ဆုံးနေရာမှာ စပိန်ကိုလိုနီခေတ်ကလို ယူဆရတဲ့ အုတ်ဂူထဲမြှုပ်နှံထားတဲ့အလောင်း ၃ ခုကို ပီရူးရှေးဟောင်းသုတေသနအဖွဲ့က တွေ့ရှိခဲ့ကြောင်း ကြာသပတေးနေ့က တင်ပြခဲ့ပါတယ်။

#Yangon_Media_Group

Published 8 August 2022

ကျူဘားနိုင်ငံ မြောက်ပိုင်းကမ်းခြေမှာရှိတဲ့ လောင်စာသိုလှောင်ရုံတစ်ခုမှာ မီးလောင်ကျွမ်းနေတာကို တနင်္ဂနွေနေ့က သုံးရက်မြောက်အဖြစ် ဆက်လက်ကြိုးစား ငြှိမ်းသတ်နေပါတယ်။ အဲဒီလောင်စာသိုလှောင်စခန်းမီးလောင်မှုကြောင့် လူတစ်ဦး အနည်းဆုံးသေဆုံးပြီး ၁၂၂ ဦးထိခိုက်ဒဏ်ရာတွေရရှိခဲ့ကြပါတယ်။ လျှပ်စစ်ဓာတ်အားမလုံလောက်မှုတွေနှင့် ရင်ဆိုင်နေရဲ့ ကျူးဘားအတွက် အခက်ထပ်ကြုံရတာဖြစ်ပါတယ်။

မက်တန်ဇာဆိပ်ကမ်းရဲ့ လောင်စာသိုလှောင်စခန်းက သိုလှောင်ကန်တစ်ကန်ကို သောကြာနေ့ ညက မိုးကြိုးပစ်ခံရပြီး မီးစတင်လောင်ကျွမ်းခဲ့ပါတယ်။ အဲဒီကနေ စနေမနက်မှာ နောက်ထပ်ကန်တစ်ကန်ကိုမီးကူးစက်သွားပြီးနောက် ပေါက်ကွဲမှုတွေ ဆက်တိုက်ဖြစ်ပွားခဲ့ပါတယ်။

တနင်္ဂနွေနေ့ နှောင်းပိုင်းမှာတော့ ပထမကန်မီးငြိမ်းသွားပါတယ်။ ဒါပေမယ့် မီးခိုဖြူတွေကထွက်နေဆဲဖြစ်ပြီး ဒုတိယကန်က မီးကတော့ ဆက်လက်ကူးစက်လောင်ကျွမ်းနေခဲ့ပါတယ်။

ကျူဘားရဲ့ မီးသတ်သမားတွေဟာ မက္ကဆီကိုနှင့် ဗင်နီဇွဲလားက မီးသတ်ကျွမ်းကျင်သူတွေနှင့်အတူ တနင်္ဂနွေနေ့က မီးတောက်ကြီးကို  အနားက အခြားကန်တွေကို မကူးစက်အောင် ထိန်းခဲ့ကြပါတယ်။

“ မီးအပြင်းဆုံးလောင်နေတဲ့ကန်နှင့်ကပ်လျက် တတိယကန် မပျက်စီးအောင်ကျွန်တော်တို့ထိန်းထားကြတယ်။ မွန်းလွဲပိုင်းမှာ လေပြင်းတိုက်လိုက်တာနှင့် မီးက ပိုကြီးသွားပြီး အနားက ရေနံလှောင်ကန်တွေနှင့်ပိုနီးလာတယ်” လို့ မက်တန်ဇာ ပြည်နယ် အုပ်ချုပ်ရေးမှူး မာရီယိုဆာဘိုင်းလိုရင်ဇိုက ပြောပါတယ်။

ယခုအချိန်ထိ အဲဒီနေရာက ဒေသခံ ၅၀၀၀ခန့်ကို နေရာရွှေ့ပြောင်းထားပြီးဖြစ်ပါတယ်။  တနင်္ဂနွေမနက်မှာတော့ အနီးအနား ကန်တွေထဲက ရေနံတွေကို နိုင်ငံပိုင်ရေနံကုမ္ပဏီက ရွှေ့ပြောင်းသယ်ယူနေခဲ့ကြပါတယ်။

ကာရစ်ဘီယံကျွန်းနိုင်ငံဖြစ်တဲ့ ကျူးဘားမှာ လောင်စာမလုံလောက်လို့ လျှပ်စစ်မီးပြတ်တောက်မှုတွေကြုံနေရတဲ့အချိန်မှာ ယခု ရေနံလှောင်ကန်ပေါက်ကွဲမှုကြောင့် ပိုပြီးအခြအနေဆိုးရွားသွားစေပါလိမ့်မယ်။

“ပြည်သူတွေအတွက် လျှပ်စစ်မီး အနည်းဆုံးလိုအပ်ချက်ရရှိအောင် ဆီဝယ်ဖို့ ငွေအနည်းအပါး ရင်းနီးဖို့လိုတယ်။ ဒီပြဿနာဟာ ကျွန်တော်တို့ယနေ့ရင်ဆိုင်နေရတဲ့ပြဿနာပါ။ ကျွန်တော်တို့သမ္မတကြီးကတော့ ဒါဟာ ရေတိုပြဿနာမဟုတ်ဘူးလို့ပြောထားပါတယ်” လို့သူကဆက်ပြောပါတယ်။

Source: AFP

#Fuel_depot_Fire

#Cuba_Fuel_Depot_Fire

#Cuba_Power_Shortage