#WorldHealth
Published 20 April 2022

ဖိုင်ဇာမှထုတ်တဲ့ ကိုဗစ်ကုသဆေးပက်ဇ်လိုဗစ်(Paxlovid)အသုံးပြုပြီးနောက် လူနာနှစ်ဦးဟာ ကိုဗစ်နောက်ဆက်တွဲလက္ခဏာများခံစားနေရမှုမှ သက်သာပျောက်ကင်းခဲ့ကြောင်း သိရှိရပါတယ်။

ထိုလူနာနှစ်ဦးထဲကတစ်ဦးဟာ စမ်းသပ်လေ့လာနေတဲ့ သုတေသီတစ်ဦးဖြစ်ပြီး သူတို့ရဲ့စမ်းသပ်လေ့လာမှုဟာ အဆိုပါနောက်ဆက်တွဲလက္ခဏာတွေခံစားနေရတဲ့သူတွေကို အထောက်အကူဖြစ်စေမယ့် အထောက်အထားတွေပြသနိုင်ခဲ့ပါတယ်။

စမ်းသပ်အသုံးပြုခဲ့တဲ့သုတေသီတစ်ဦးက ပက်ဇ်လိုဗစ်ဆေးနှစ်လုံးအသုံးပြုခဲ့ပြီးနောက် နာတာရှည်ခံစားနေရတဲ့ညောင်းညာကိုက်ခဲမှုတွေ သက်သာသွားခဲ့တယ်လို့ အဆိုပြုခဲ့ပါတယ်။

ကိုဗစ်နောက်ဆက်တွဲလက္ခဏာတွေဟာ ကိုရိုနာဗိုင်းရပ်စ်ကူးစက်ခံခဲ့ရသူ ၃၀ ရာခိုင်နှုန်းလောက်မှာ ဖြစ်လေ့ရှိပါတယ်။

အဆိုပါလက္ခဏာတွေဟာ အချိန်ကြာမြင့်စွာခံစားရတတ်ပြီး အလုပ်အကိုင်ပျက်တဲ့အထိ ခံစားရတတ်ပါတယ်။

နောက်ဆက်တွဲဝေဒနာပေါင်း ၂၀၀ ကျော်ဖြစ်လေ့ရှိရာမှာ နာကျင်ခြင်း၊ နွမ်းနယ်ကိုက်ခဲခြင်း၊ အာရုံဝေဝါးခြင်း၊ အသက်ရှူခက်ခဲခြင်း၊ လှုပ်ရှားမှုအနည်းငယ်ပြုလုပ်ရုံဖြင့် မောပန်းလွယ်ခြင်း စတဲ့ လက္ခဏာများပါဝင်ပါတယ်။

ဆန်ဖရန်ဆစ္စကို ကယ်လီဖိုးနီးယားတက္ကသိုလ်မှ ဆေးဘက်ဆိုင်ရာပါမောက္ခဒေါက်တာ'စတီဗင်ဒိခ်စ်'က "အဆိုပါအထောက်အထားတွေကြောင့် ဒီအကြောင်းအရာနဲ့ပတ်သက်ပြီး ကိုဗစ်ကုသဆေးအကြောင်း အမြန်ဆုံးလေ့လာဆန်းစစ်ဖိုလိုအပ်လာပြီဖြစ်ပါတယ်" လို့ ပြောကြားလိုက်ပါတယ်။

နောက်ဆက်တွဲလက္ခဏာတွေသက်သာပျောက်ကင်းသွားတာဟာ ကိုဗစ်ကုသဆေးအသုံးပြုတာကြောင့်ဖြစ်တယ်လို့ ကောက်ချက်ချလို့မရကြောင်း သိပ္ပံပညာရှင်တွေကသတိပေးလိုက်ပါတယ်။

ဒါပေမယ့် ဖြစ်နိုင်ချေရှိတာကတော့ ကိုဗစ်နောက်ဆက်တွဲလက္ခဏာခံစားရတာဟာ ဗိုင်းရပ်စ်က ခန္ဓာကိုယ်အစိတ်အပိုင်းတွေထဲမှာ လနဲ့ချီပြီး ကျန်ရှိနေတာကြောင့်ဖြစ်နိုင်ပါတယ်။

ကိုဗစ်ရောဂါကူးစက်ခံရပြီးသေဆုံးခဲ့သူ ၄၄ ဦးကို အသားစယူစစ်ဆေးကြည့်ရာမှာ ဗိုင်းရပ်စ်က ဦးနှောက်အပါအဝင် ခန္ဓာကိုယ်အနှံ့ရောက်ရှိသွားပြီး ၇ လကျော်တဲ့အထိ တည်ရှိနေနိုင်တာကိုတွေ့ရှိခဲ့ကြပါတယ်။

ကိုဗစ်ရောဂါကူးစက်ခံရသူတွေမှာ ရောဂါမပြင်းထန်စေဖို့အတွက် ကူးစက်ပြီးအစောပိုင်းရက်တွေမှာ ပက်ဇ်လိုဗစ်ဆေးကိုအသုံးပြုဖို့ အသိအမှတ်ပြုထားပါတယ်။

နောက်ဆက်တွဲလက္ခဏာခံစားရမှုအတွက် ဆေးသုတေသနပြုလုပ်ခြင်းမရှိတာကို ဝေဒနာခံစားနေရတဲ့လူတွေက စိတ်ပျက်လျက်ရှိနေပါတယ်။

ကိုဗစ်နောက်ဆက်တွဲလက္ခဏာနဲ့ပတ်သက်ပြီး စမ်းသပ်မှုပေါင်း ၂၀ အောက်သာရှိနေပြီး စမ်းသပ်မှုအနည်းငယ်ကသာ အစောပိုင်းစမ်းသပ်မှုအဆင့်ကို ကျော်လွန်ခဲ့ပြီးဖြစ်ပါတယ်။

Source: Reuters
#Yangon_Media_Group

#Local_News
Published_ 20 April 2022

မြန်မာအပြည်ပြည်ဆိုင်ရာလေကြောင်းလိုင်း (MAI) သည် Commercial flight အဖြစ် ဧပြီ ၁၉ ရက် အင်္ဂါနေ့တွင် ပထမအကြိမ် ပြန်လည်ပြေးဆွဲခဲ့ကြောင်း သိရပါတယ်။

အဆိုပါလေယာဉ်ဟာ အင်ချွန်းအပြည်ပြည်ဆိုင်ရာလေဆိပ်မှ ရန်ကုန်အပြည်ပြည်ဆိုင်ရာ လေဆိပ်သို့ ညနေ ၅ နာရီခန့်တွင် ထွက်ခွာခဲ့ပြီး၊ ခရီးသည် စုစုပေါင်း (၉၂) ဦး တို့ စီးနင်းလိုက်ပါခဲ့ကြောင်း သိရပါတယ်။

လိုက်ပါသွားမယ့် ခရီးသည်များ လေဆိပ်၌ အခက်အခဲတစ်စုံတစ်ရာ မရှိစေရေးအတွက် မြန်မာသံရုံး၊ ဆိုးလ်မြို့မှ သံရုံးဝန်ထမ်းများသည် လေဆိပ်သို့သွားရောက်၍ လိုအပ်သည်များ ကူညီဆောင်ရွက်ပေးခဲ့ကြကြောင်း သိရပါတယ်။

ကိုဗစ်-၁၉ ကူးစက်ရောဂါဖြစ်ပွားနေသည့် ကာလအတွင်း မြန်မာနိုင်ငံသို့ ပြန်လည်ထွက်ခွာ/ သွားရောက်နိုင်ရေးအတွက် မြန်မာသံရုံး၊ ဆိုးလ်မြို့မှ တစ်ပတ်လျှင်တစ်ကြိမ် ကယ်ဆယ်ရေးလေယာဉ် ပျံသန်းပြေးဆွဲနိုင်ရေး စီစဉ်ပေးလျက်ရှိရာ ဧပြီ ၁၂ ရက် အင်္ဂါနေ့တွင် (၁၀၄) ကြိမ်မြောက်အထိ ပျံသန်းပြေးဆွဲခဲ့ပြီးဖြစ်ကြောင်း သတင်းရရှိပါတယ်။

ymg-mnn
#Yangon_Media_Group

#Local_News
Published_ 20 April 2022

မြန်မာနိုင်ငံရှိ ကလေးငယ် ၅ သန်းနီးပါးအတွက် အကူအညီများ လိုအပ်နေတယ်လို့ ယူနီဆက်က ထုတ်ပြန်ထားပါတယ်။

ယူနီဆက်အနေနဲ့ ကလေးများကို မရှိမဖြစ်ဝန်ဆောင်မှုများ ပံ့ပိုးပေးနိုင်ဖို့အတွက် အရေးပေါ်ဆောင်ရွက်မှုများ လုပ်ဆောင်နိုင်အောင် ရန်ပုံငွေပံ့ပိုးပေးခဲ့ကြတဲ့ ဂျပန်နိုင်ငံ နဲ့ UNOCHA ကိုလည်း ကျေးဇူးတင်ကြောင်း ဖော်ပြထားပါတယ်။

ရန်ကုန်တိုင်းဒေသကြီး၊ ရခိုင်ပြည်နယ်၊ ကရင်ပြည်နယ်နဲ့ ကချင်ပြည်နယ်တွေမှာ ပေါင်းစပ်အာဟာရစီမံချက်ကို ဆက်လက်အကောင်အထည်ဖော်လျှက်ရှိပြီး ကလေးငယ်နဲ့ အမျိုးသမီးဦးရေစုစုပေါင်း ၄၅,၀၀၀ နီးပါးကို ပြင်းထန်အာဟာရချို့တဲ့ဝေဒနာ စောင့်ကြည့်စစ်ဆေးခြင်းနဲ့ ကုသခြင်းများပြုလုပ်ပေးခဲ့ကာ အနုအာဟာရဖြည့်စွက်စာများလည်း ပံ့ပိုးပေးခဲ့ပါတယ်။

ထို့ပြင် ဧရာဝတီတိုင်းဒေသကြီးရှိ အားနည်းထိခိုက်လွယ်တဲ့ ပြည်သူများကို မရှိမဖြစ်လိုအပ်တဲ့ အာဟာရဝန်ဆောင်မှုများ တိုးချဲ့ပံ့ပိုးပေးလျှက်ရှိပြီး အသက် ငါးနှစ်အောက်ကလေးငယ်ဦးရေ ၄,၀၀၀ နီးပါးကို စစ်ဆေးမှုများ ပြုလုပ်ပေးခဲ့ပါတယ်။

မြန်မာနိုင်ငံရှိ အားနည်းထိခိုက်လွယ်တဲ့ ကလေးငယ်များနဲ့ မိသားစုများကို ရေနဲ့သန့်ရှင်းရေး ဝန်ဆောင်မှုများ ဆက်လက်ပံ့ပိုးပေးလျှက်ရှိပြီး မတ်လတစ်လတည်းမှာပင် ပဋိပက္ခကြောင့် ထိခိုက်ခံစားကြရသူဦးရေ ၁၀၈,၀၀၀ ကို သန့်ရှင်းသော သောက်ရေများ ပံ့ပိုးပေးနိုင်ခဲ့တယ်လို့ ဆိုပါတယ်။

ymg-mnn
#Yangon_Media_Group.

Published 20 April 2022

ငွေကြေးဖောင်းပွမှု၊ ယူကရိန်းစစ်ပွဲနှင့် ပြင်းထန်တဲ့ယှဉ်ပြိုင်မှုတွေကြောင့် ဆယ်စုနှစ်တစ်စုကျော်အတွင်း ပထမဆုံးအဖြစ် Netflix နက်ဖလစ်ကို လပေးကြည့်ရှုသူတွေ ကျဆင်းလာပြီး ဆက်ပြီး အများကြီးလျော့နည်းသွားဦးမယ်လို့ ကုမ္ပဏီက ခန့်မှန်းလိုက်ပါတယ်။

ပထမသုံးလမှာ နက်ဖလစ်ကို လပေးကြည့်ရှုသူ နှစ်သိန်း ဆုံးရှုံးသွားရာ လပေးကြည့်ရှုသူ ၂.၅သန်းတိုးလာဖို့ ခန်းမှန်းခဲ့တာနှင့် အကွာကြီးကွာသွားပါတယ်။  ရုရှားမှာ နက်ဖလစ်ရပ်လိုက်တာကလည်း ကြည့်ရှုသူ (၇)သိန်း ဆုံးရှုံးစေခဲ့ပါတယ်။ ဝေါစထရိမှာ စတော့ရှယ်ယာ ၂၆ ရာခိုင်နှုန်းကျဆင်းသွားပြီး စတော့ဈေးကွက်တန်ဖိုး ၄၀ဘီလျံလောက် ဖျက်ပစ်လိုက်စေပါတယ်။ ဇန်နဝါရီမှာ လပေးကြည့်ရှုနှုန်းအားနည်းလာတာကို သတိပေးပြီးကတည်းက ကုမ္ပဏီဟာ ယင်းရဲ့တန်ဖိုးတစ်ဝက်လောက် ကျဆင်းသွားပါတယ်။

အဲဒါကြောင့်နက်ဖလစ်ဟာ ကြော်ငြာတွေပါတဲ့ ကြည့်ရှုနှုန်းသက်သာတဲ့ ပုံစံကို ချက်ခြင်း လုပ်ဆောင်ဖို့ ဖြစ်လာရပါတယ်။ ဒီလို ပုံစံမျိုးကို ပြိုင်ဘက်တွေဖြစ်တဲ့ HBO Max နှင့် Disney+.တို့ အောင်မြင်မှုတွေရနေပါတယ်။

“ ကြေညာတွေရဲံရှုပ်တွေးမှုကို ကျွန်တော်ဆန့်ကျင်ပြီး ရိုးရိုး လပေးကြည့်ရှုတဲ့ပုံစံကို ကျွန်တော်အလွန်သဘောကျတာ နက်ဖလစ်ကြည့်တဲ့သူတွေသိကြပါတယ်။ ဒါပေမယ့် ကျွန်တော်ဟာ အဲဒီလိုပရိသတ်တစ်ဦးဖြစ်နေသရွေ့ စားသုံးသူတွေ ရွေးချယ်မှုရဲ့ ပရိသတ်လည်းဖြစ်ရဦးမှာပါ” လို့ နက်ဖလစ်ရဲ့ စီအီးအို ရိဒ်ဟက်စ်တင်းက ပြောပါတယ်။

လာမယ့်နွေဦးသုံးလပတ်မှာ နာမည်ကြီးနေတဲ့ "Stranger Things" ၊"Ozark" နှင့် "The Grey Man,"  တွေပြန်ပြဖို့ ရှိနေတာတောင်မှ လပေးကြည့်ရှုသူ (၂)သန်း လျော့ကျဦးမယ်လို့ ခန့်မှန်းကြပါတယ်။

နက်ဖလစ်ရဲ့ကျဆင်းမှုနှင့်အတူ အခြားသော ဗွီဒီယို streaming နှင့်ဆက်စပ်တဲ့ Roku ဟာ ၆ ရာခိုင်နှုန်းကျော် ၊ Walt Disney ဟာ ၅ ရာခိုင်နှုန်းနှင့် Warner Bros Discovery တို့ဟာ ၃.၅ ရာခိုင်နှုန်းကျော် ကျဆင်းသွားပါတယ်။

အကောင့်တစ်ခုတည်းး မျှသုံးတာဟာ နက်ဖလစ်ရဲ့ ကာလရှည်ရပ်တည်ထားတဲ့ အလေ့အထတစ်ခုဖြစ်ပေမယ့် အကောင့် မျှသုံးနေကြတဲ့ အမေရိကန်နှင့်ကနေဒါက အိမ်ထောင်စုပေါင်း သန်း၃၀အပါ စုစုပေါင်း အိမ်ထောင်စုသန်း၁၀၀ဆီက ဝင်ငွေ တွေ ဘယ်လိုရရှိအောင်လုပ်မယ်ဆိုတာ နည်းလမ်းစဉ်းစားနေပါတယ်။

ပြီးခဲ့တဲ့နှစ်က Streaming လုပ်ငန်းတွေဟာ လပေးကြည့်ရှုသူတွေကို ဆွဲဆောင်ဖိုန့ှင့်ထိန်းထားဖို့ သူတို့မှာပြသဖို့ ဇာတ်ကားသစ်တွေအတွက် ဒေါ်လာ ၅၀ဘီလျံ အသုံးပြုခဲ့ကြရာ ၂၀၁၉မှာသုံးတာထက် ၅၀ ရာခိုင်နှုန်းပိုများလာတာ ဖြစ်ပါတယ်။

Source Reuters

Published 19 April 2022

မြန်မာနိုင်ငံတွင် မီးရထားအပန်းဖြေခရီးစဉ်များ ဖွံ့ဖြိုးတိုးတက်ရေးအတွက်‌ ဆောင်ရွက်ကြဖို့ ရထားသယ်ယူ ပို့ဆောင်ရေး နှင့်ပတ်သက်သည့် တာဝန်ရှိသူတွေနှင့် ဆွေးနွေးရာမှာ  နစကဥက္ကဋ္ဌက မှာကြားခဲ့တယ်လို့သိရပါတယ်။

ဧပြီလ(၁၉)ရက်က နစကဥက္ကဋ္ဌဗိုလ်ချူပ်မှူးကြီးမင်းအောင်လှိုင်ဟာ မန္တလေးတိုင်းဒေသကြီးက နှစ်ပေါင်း ၁၂၀ကျော် သက်တမ်းရှိနေပြီဖြစ်တဲ့ ပြင်ဦးလွင်ဘူတာသို့ သွားရောက်ပြီး ပြင်ဦးလွင်-ဇီးပင်ကြီး မီးရထားခရီးစဉ်စီးနင်းလိုက်ပါစဉ် ယခုလို ပြောဆိုခဲ့တာဖြစ်တယ်လို့ နစက သတင်းထုတ်ပြန်ချက်မှာဖော်ပြထားပါတယ်။

မီးရထားသယ်ယူပို့ဆောင်ရေးနှင့် ရထားအပန်းဖြေခရီးစဉ်တွေ တိုးတက်ဖို့အတွက် ရထားလမ်းတွဲတွေ အဆင့်မြှင့်တင် ဆောင်ရွက်ပေးနိုင်မယ့်အခြေအနေတွေနှင့် ရထာလမ်းတလျောက် သန့်ရှင်းသာယာလှပပြီ မျက်စိပသာဒဖြစ်အောင် ဆောင်ရွက်သွားဖို့လိုအပ်တာတွေကို နစကဥက္ကဋ္ဌဟာ တာဝန်ရှိသူတွေနှင့်‌ ဆွေးနွေးခဲ့တယ်လို့လည်းသိရပါတယ်။

အဲဒီအပြင် ပြင်ဦးလွင်ဘူတာရုံဟာ နှစ်ပေါင်း ၁၂၃နှစ်သက်တမ်းရှိတဲ့ ရှေးဟောင်းအဆောက်အဦဖြစ်တဲ့အတွက် ရှေးမူမပျက် ထိန်းသိမ်းထားနိုင်ဖို့လိုကြောင်းကိုပါ သူကပြောကြားခဲ့ပါတယ်

ပြင်ဦးလွင်ဘူတာကြီးဟာ  ပြင်ဦးလွင်မြို့၊ ရပ်ကွက်ကြီး(၇)၊ အောင်ဇေယျလမ်းတွင်တည်ရှိပြီး ၁၈၉၉ ခုနှစ်တွင် တည်ဆောက်ခဲ့ခြင်းဖြစ်ကာ ပင်လယ်ရေမျက်နှာပြင်အထက် ၃၅၀၆ ပေတွင်ရှိပါတယ်။ မန္တလေး-ပြင်ဦးလွင်နောင်ချို-သီပေါ-လားရှိုး မီးရထားလမ်းပိုင်းပေါ်တွင်တည်ရှိပြီး ဘူတာရုံအဆောက်အဦနှင့် အပြင်အဆင်ပိုင်းအားလုံးကို ရှေးမူလက်ရာ မပျက် ထိန်းသိမ်းထားရှိကာ  ဘူတာရုံဧည့်ခန်းအတွင်း မီးရထားနှင့် ပတ်သက်သည့် ဓာတ်ပုံ သမိုင်းမှတ်တမ်းများကိုလည်း ချိတ်ဆွဲပြသထားရှိကြောင်းသိရှိရပါတယ်။

အဲဒီအပြင် နစကဥက္ကဋ္ဌဟာ ပြင်ဦးလွင်မှာရှိတဲ့ မြန်မာနိုင်ငံကော်ဖီအသင်းနှင့် ပြင်ဦးလွင်ကော်ဖီဥယျဉ်များသို့ ဆက်လက်သွား ရောက်ပြီး မြန်မာ့ကော်ဖီ အရည်အသွေးကောင်း ခေတ်မီစွာထုတ်လုပ်ပြီး နိုင်ငံတကာဈေးကွက်ချဲ့ထွင်နိုင်ရေးအတွက် ကော်ဖီလုပ်ငန်းရှင်တွေနှင့် ဆွေးနွေးခဲ့တယ်လို့လည်း သတင်းထုတ်ပြန်ပါတယ်။

ကော်ဖီစီးပွားရေးလုပ်ငန်းတွေတိုးတက်စေဖို့အတွက် ကော်ဖီနည်းပညာဖွံ့ဖြိုးရေးခြံ(ပွေးတောင်)ကို ပြင်ဦးလွင်ကော်ဖီ ဥယျာဉ်အဖြစ် အဆင့်မြှင့်တင်ဆောင်ရွက်နေပြီး မြန်မာနိုင်ငံကော်ဖီအသင်းနှင့်ချိတ်ဆက်ကာ ကော်ဖီနည့်းပညာပြန့်ပွားရေး ဆက်လက်ဆောင်ရွက်သွားမယ်လို့လည်း သိရှိရပါတယ်။

အဲသလိုနည်းပညာများပြန့်ပွားအောင်ဆောင်ရွက်ရာမှာ မျိုးအမြားအပြားဆောင်ရွက်မယ့်အစား လုပ်ငန်းရှင်တွေနှင့် တောင်သူတွေ အကျိုးဖြစ်ထွန်းစေပြီး အရည်အသွေးတည်ငြိမ်ကာ ဈေးနှုန်းခိုင်မာတင့်သင့်တြ့ မျိုးတွေကို ရွေးချယ်ဆောင်ရွက် ကြဖို့ကိုလည်း နစကဥက္ကဋ္ဌက ဆွေးနွေးပြောကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

Published 19 April 2022

 ခရစ်တီယာနိုရော်နယ်ဒိုနှင့်သူ့ပါတနာ ဂျော်ဂျီနာ ရိုဒရီဂဂက်စ်တို့ဟာ သူတို့ရဲ့ မွေးကင်းစ သားကလေးကွယ်လွန်ခဲ့ရတဲ့ အတွက် အင်္ဂါနေ့မှာ ကစားမယ့်အရေးကြီး ပရီမီယာလိဒ်ပွဲဖြစ်တဲ့ ပြိုင်ဘက် လီဗာပူးလ်နှင့်ပွဲမှာ သူပါဝင် ကစားမှာမဟုတ်ဘူးလို့ သိရပါတယ်

ရော်နယ်ဒိုဟာ သူ့နှလုံးသားကြေကွဲရတဲ့ ဖြစ်ရပ်ကို တနင်္လာနေ့က ဆိုရှယ်မီဒီယာမှာရေးသားထားပါတယ်။ “ ဆုံးရှုးမှုဟာ မိဘတိုင်းခံစားနိုင်တဲ့ အကြီးမားဆုံးထိခိုက်နာကျင်မှုဖြစ်တယ်” လို့ သူကပြောပါတယ်။ အဲဒီအပြင် သူတို့အတွဲဟာ သူတို့ရဲ့ အမြွှာသမီးကလေး မွေးဖွားတာကိုလည်း ကြေညာခဲ့ပါတယ်။

“ ခင်ဗျားရဲ့ ထိခိုက်ခံစားရမှုဟာ ကျွန်တော်တို့ရဲ့ ထိခိုက်ခံစားရမှုပါပဲ” လို့ ယူနိက်တက်က တွစ်တာမှာရေးခဲ့ပါတယ်။  အဲဒီအပြင် အသက်၃၇နှစ်အရွယ် ရော်နယ်ဒိုဟာ ဒီနေ့ညနေမှာ အင်န်ဖီးလ်မှာ ဝင်ကစားမှာမဟုတ်ဘူးလို့ မန်ချက် စတာယူနိုက်တက်က သူတို့ရဲ့ ဝက်ဘ်ဆိုက်မှာ အတည်ပြုခဲ့ပါတယ်။

“ မိသားစုဆိုတာ အရာရာတိုင်းထက် ပိုအရေးကြီးပါတယ်။ ရော်နယ်ဒိုဟာ အင်မတန်မှခက်ခဲတဲ့အချိန်မှာ ချစ်မြတ်နိုးရတဲ့သူ တွေကို အားပေးနေပါတယ်”လို့ ကလပ်ကရေးပါတယ်။

“ အင်္ဂါနေ့ညနေမှာ လီဗာပူးနှင့်ပွဲ သူဝင်ကစားမှာမဟုတ်တာကို ကျွန်တော်တို့ အတည်ပြုပါတယ်။ ကျွန်တော်တို့ဟာ မိသားစုရဲ့ သီးသန့်အေးအေးဆေးဆေးနေလိုတဲ့ဆန္ဒတွေကို အလေးထားပါတယ်” လို့ ယင်းကဆိုပါတယ်။

#WorldCulture
Published 19 April 2022

'လောင်မား'လို့အမည်ပေးထားတဲ့ နဂါးစက်ရုပ်ကြီးဟာ တရုတ်ပြည်ကနေ ပြင်သစ်နိုင်ငံတူးလုစ်မြို့ရှိ စက်ရုပ်ခန်းမပြတိုက်သိုရောက်ရှိလာခဲ့ပြီး လူထောင်ပေါင်းများစွာရှေ့မှာ သရုပ်ပြလှုပ်ရှားခဲ့ပါတယ်။

#Yangon_Media_Group

Published 19 April 2022

ယူကရိန်းစစ်သားတွေဆီ လက်နက်တွေပို့ပေးဖို့ ဖြစ်နိုင်တဲ့လမ်းကြောင်းအားလုံးကို အသုံးပြုနေတယ်လို့ ယူကရိန်းနိုင်ငံ၊ အယ်လ်ဗစ်ဒေသအုပ်ချုပ်ရေးမှူးက ဧပြီ ၁၈ ရက်က ပြောပါတယ်။

ယူကရိန်းအနာက်ပိုင်းက အကြီးဆုံးမြို့ကို ဒုံးကျည်(၅)စင်းနှင့် ပစ်ခတ်တိုက်ခိုက််ခံရလို့ အနည်းဆုံး လူ(၇)ဦးသေဆုံးပြီး ၁၁ဦး ဒဏ်ရာရရျှိခဲ့တယ်လို့ အယ်ဗစ် အုပ်ချုပ်ရေးမှူး မက်ဆမ်ကိုဇီစကီးက သတင်းစာရှင်းလင်းပွဲမှာ ပြောကြားပါတယ်။  နေတိုး မဟာမိတ်တွေဆီက လက်နက်တွေကို သယ်ပို့ရာမှာ အယ်ဗစ်ဟာ အရေးကြီးတဲ့ အချက်အခြာနေရာတစ်ခုဖြစ်ပါတယ်။

အတိုက်အခိုက်ခံရတဲ့အထဲမှာ အသုံးမပြုတော့တဲ့ စစ်တပ်ဂိုဒေါင်(၃)လုံးနှင့် ကားပြင်အလုပ်ရုံတစ်ခု ဒုံကျည်နှင့် အတိုက်အခိုက်ခံရတယ်လို့ အယ်ဗစ်  မြို့တော်ဝန် အင်ဒရီဆာဒိုယီက ပြောပါတယ်။

တနင်္လာနေ့ လေကြောင်းတိုက်ခိုက်မှဒဟာ သုံးရက်အတွင်း အယ်ဗစ်မှာ ဒုတိယမြောက် အကြီးအကျယ်တိုက်ခိုက်မှုဖြစ်ပါတယ်။ ပြီးခဲ့တဲ့ နှစ်ရက်က ခရူးဒုံးကျည်လေးစင်းကို ကြားဖြတ်ဟန့်တားပစ်လိုက်နိုင်တယ်လို့ အယ်ဗစ်မြို့တာဝန်ရှိသူတွေကပြောပါတယ်။

အယ်ဗစ်က ရထားပို့ဆောင်ရေးအဆောက်အအုံတွေ ဒုံးကျည်အပစ်ခံရမှုကြောင့် ပျက်စီးသွားတယ်လို့ ယူကရိန်း အမျိုးသား ရထားဌာနက အရာရှိတစ်ဦးက  ပြောပါတယ်။ ဒါပေမယ့် ဝန်ထမ်းတွေနှင့် ခရီးသည်တွေ ထိခိုက်သေဆုံးမှုမရှိဘဲ ရထားတွေ ပြန်ပြေးဆွဲနေပြီလို့ သူက ပြောပါတယ်။

Source CMG

Published 19 April 2022

အားနည်းဖျော့တော့ပြီး ဒယီးဒယိုင်ဖြစ်နေတဲ့ အမျိုးသမီးငယ်တစ်ဦးဟာ  အာဂျင်တီးနားနိုင်ငံ ဗျူးနို့စ်အေရီးရဲ့ ဘယ်ဂရန်နိုဆာ ရထားလမ်းပေါ်က အင်ဒီပင်ဒင်စီယာဘူတာရုံမှာ မောင်းနှင်နေတဲ့ ရထားတစ်စီးထဲ မတ် (၂၉)ရက်က သံလမ်းပေါ်ပြုတ်ကျခဲ့ ပါတယ်။ ရထားရပ်လိုက်တဲ့အခါ ရထားဝန်ထမ်းတွေနှင့် ရဲအရာရှိတွေက ရထားသံလမ်းကြမ်းပြင်ပေါ် လဲကျနေတဲ့ သူ့ကို ဆွဲထုတ်ခဲ့ပါတယ်။ အဲဒီနောက် လူနာတင်ယာဉ်ရောက်ရှိလာပြီး သူ့ကို ကီယာဒက်အီဗီတာက ဘယ်လက်စထရီနီဆေးရုံကို ခေါ်ဆောင်သွားကြပါတယ်။

အဲဒီအမျိုးသမီးဟာ ကံကောင်းထောက်မစွာပဲ စိုးရိမ်ရတဲ့ ဒဏ်ရာ တစ်စုံတစ်ရာမျှ ရရှိခဲ့ခြင်းမရှိပါဘူး။

အဲဒီဗွီဒီယိုကို အာဂျင်တီးနား ရထားဌာနက ဧပြီ၁၈ရက်နေ့မှာ ထုတ်ပြန်ပေးခဲ့တာဖြစ်ပါတယ်။

Source AFP

#LocalNews
Published_19 April 2022

ပုဂံရှေးဟောင်းယဉ်ကျေးမှုနယ်မြေအတွင်းမှာရှိတဲ့ စေတီပုထိုးတချို့မှာ တံခါးတွေသော့တွေကို ဖျက်ဆီးခံခဲ့ရပါတယ်။

#Yangon_Media_Group

#Local_News
Published_ 19 April 2022

အခြေခံပညာကျောင်းအားလုံး၌ မေလ ၂၅ ရက်မှ စတင်ပြီး ကျောင်းသားများ ကျောင်းအပ်လက်ခံ သွားမည်ဖြစ်ကြောင်း သိရပါတယ်။

အခြေခံပညာကျောင်းများ၏ စာမေးပွဲအောင်စာရင်းကို ဧပြီ ၂၄ ရက်တွင် ထုတ်ပြန်ကြေညာပေးသွားမှာဖြစ်ပြီး လာမယ့် မေ ၂၅ ရက်မှ ၃၁ ရက်အထိ ကျောင်းအပ်လက်ခံမှာဖြစ်တယ်လို့ ဆိုပါတယ်။

ဇွန်လ ၂ ရက်တွင် အခြေခံပညာကျောင်းအားလုံး ပြန်လည်ဖွင့်လှစ်သွားမည်ဖြစ်ပြီး ယခုနှစ်မှစတင်ကာ အခြေခံပညာကျောင်းများတွင် တက္ကသိုလ်ဝင်တန်း စနစ်ဟောင်း သင်ကြားမှုမရှိတော့ဘဲ စနစ်သစ်သာ သင်ကြားပို့ချပေးသွားမှာဖြစ်ကြောင်း သိရပါတယ်။

စနစ်ဟောင်း ကျောင်းသားများအနေဖြင့် ပြင်ပဖြေဆိုသူအဖြစ်သာ ဖြေဆိုရမည်ဖြစ်ပြီး ယခုနှစ်မှာမူ စနစ်ဟောင်းကျောင်းသားများအတွက် နောက်ဆုံးအခွင့်အရေး ဖြစ်တယ်လို့ ဆိုပါတယ်။

ymg-mnn
#Yangon_Media_Group

#LocalNews
Published_19 April 2022

မြို့တွင်းမြို့နယ်တွေ ဖြစ်တဲ့ ပုစွန်တောင် ၊ ဗိုလ်တထောင် ၊ ကျောက်တံတား ၊ ပန်းဘဲတန်း ၊ လသာ ၊ လမ်းမတော်မြို့နယ်တွေမှာ ညလုံးပေါက် လျှပ်စစ်မီးရအောင် လုပ်နေတယ်လို့ ရန်ကုန်လျှပ်စစ်ဓာတ်အားပေးရေးကော်ပိုရေးရှင်း က သိရပါတယ်။

#Yangon_Media_Group