#Local_News
Published_ 1 June 2022

ရှမ်းပြည်နယ်(အရှေ့ပိုင်း)၊ မိုင်းပျဉ်းမြို့တွင် ငွေကျပ် ၁ ဒသမ ၂၇၅ ဘီလီယံတန်ဖိုးရှိ စိတ်ပြောင်းဆေးဝါးကက်တမင်း (Ketamine) ၁၅၀ ကီလို ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မေ ၂၉ ရက် ည ၉ နာရီအချိန် ရှမ်းပြည်နယ်(အရှေ့ပိုင်း)၊ မိုင်းပျဉ်းမြို့၊ အလယ်ပိုင်းရပ်ကွက်၊ နမ့်ပိန်းချောင်းအနီးတွင် လှိုင်မင်းထွန်း မောင်းနှင်ပြီး စိုင်းဆမ်လိုက်ပါလာသည့် PAJERO မော်တော်ယာဉ်အား သတင်းအရရှာဖွေခဲ့ပါတယ်။

ထိုသို့ရှာဖွေခဲ့ရာ ယာဉ်ပေါ်မှ ဒေသကာလတန်ဖိုးငွေကျပ် ၁ ဒသမ ၂၇၅ ဘီလီယံ တန်ဖိုးရှိ စိတ်ပြောင်းဆေးဝါး ကက်တမင်း ၁၅၀ ကီလို သိမ်းဆည်းရမိခဲ့တာ ဖြစ်ပါတယ်။

စစ်ဆေးချက်အရ ည ၁၀ နာရီအချိန် မိုင်းပျဉ်းမြို့တွင် စိတ်ပြောင်းဆေးဝါး ကက်တမင်းများသယ် ဆောင်ရာ၌ ပူးပေါင်းပါဝင်သူများဖြစ်သည့် စိုင်းယီ၊ နန်းဟုန်၊ စိုင်းငိုနှင့် စိုင်းလင်းတို့ ၄ ဦးအား မော်တော်ဆိုင်ကယ် ၄ စီးနှင့်အတူ ဆက်လက်ဖမ်းဆီးရမိ ခဲ့တာဖြစ်ပါတယ်။

စစ်ဆေးဖော်ထုတ်ချက်အရ ကျိုင်းတုံမြို့၊ (၄) ရပ်ကွက်နေ စိုင်းလုံကျောက်က သိမ်းဆည်းရမိ စိတ်ပြောင်းဆေးဝါးများအား မိုင်းပျဉ်းမှကျိုင်းတုံသို့ သယ်ဆောင်ခိုင်းခြင်းဖြစ်ပြီး ၎င်းမှာထွက်ပြေးတိမ်းရှောင်လျက်ရှိသဖြင့် ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲ့က သတင်းထုတ်ပြန်ထားပါတယ်။

ymg-mnn
#Yangon_Media_Group

#Local_News
Published_ 1 June 2022

နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့နှင့် “ဝ” ပြည်သွေးစည်းညီညွတ်ရေးပါတီ (UWSP) ဒုတိယဥက္ကဋ္ဌ ဦးဆောင်သော ကိုယ်စားလှယ်အဖွဲ့တို့ မေ ၃၁ ရက် နံနက်ပိုင်းတွင် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုဌာန၌ တွေ့ဆုံဆွေးနွေးခဲ့ပါတယ်။

အဆိုပါ တွေ့ဆုံဆွေးနွေးပွဲသို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှု ညှိနှိုင်းရေးကော်မတီဥက္ကဋ္ဌ၊ ငြိမ်းချမ်းရေးဆွေးနွေးရေး အဖွဲ့ခေါင်းဆောင် ဒုတိယဗိုလ်ချုပ်ကြီးရာပြည့်နှင့် အဖွဲ့ဝင်များ၊ “ဝ” ပြည် သွေးစည်းညီညွတ်ရေးပါတီ ဒုတိယဥက္ကဋ္ဌနှင့် အဖွဲ့ဝင်များ တက်ရောက်ခဲ့ကြပါတယ်။

ဆွေးနွေးပွဲတွင် ငြိမ်းချမ်းရေးဆွေးနွေးရေး အဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် “ဝ” ပြည်သွေးစည်းညီညွတ်ရေးပါတီ(UWSP) ဒုတိယဥက္ကဋ္ဌ ဦးလော့ယာကုတို့က နှုတ်ခွန်းဆက်အမှာစကားပြောကြားကြပြီး တက်ရောက်လာကြသူများက ငြိမ်းချမ်းရေးနှင့် ဖွံ့ဖြိုးရေးဆိုင်ရာကိစ္စရပ်များကို အပြန်အလှန်ဆွေးနွေးကြပြီး ဒုတိယနေ့ ဆွေးနွေးပွဲကို ဇွန် ၁ ရက်တွင် ဆက်လက် ကျင်းပသွားမှာဖြစ်ကြောင်း သိရှိရပါတယ်။

“ဝ” ပြည် သွေးစည်းညီညွတ်ရေးပါတီ UWSP အနေဖြင့် ပါတီစုံဒီမိုကရေစီစနစ် ကျင့်သုံးရေး၊ ဒီမိုကရေစီနှင့်ဖက်ဒရယ်ကို အခြေခံသည့် ပြည်ထောင်စုစနစ် တည်ဆောက်ရေးနှင့် ပတ်သက်၍ “ဝ” ပြည်သွေးစည်းညီညွတ်ရေးပါတီ UWSP မှ သဘောတူကြောင်း နစကဥက္ကဌနှင့် မေ ၃၀ ရက်ကတွေ့ဆုံမှုမှာ ပြောကြားထားပါတယ်။

ymg-mnn
#Yangon_Media_Group

#WorldHealth
Published 1 June 2022

အသက် ၁၈ နှစ်မှ ၆၄ နှစ်ကြားရှိ ကိုဗစ်ရောဂါဖြစ်ပွားဖူးသူ ၅ ဦးမှာ ၁ ဦးနှုန်းက ကိုဗစ်နောက်ဆက်တွဲလက္ခဏာအနည်းဆုံး ၁ မျိုးခံစားရတတ်ပြီး အနည်းဆုံးအသက် ၆၅ နှစ်ရှိလူကြီး ၄ ဦးမှာ ၁ဦးနှုန်းကလည်း အလားတူလက္ခဏာမျိုးခံစားရတတ်ကြောင်း အမေရိကန်ရောဂါထိန်းချုပ်ကာကွယ်ရေးစင်တာ(CDC)က လေ့လာချက်တစ်ခုကိုဖော်ပြခဲ့ပါတယ်။

ကိုဗစ်ရောဂါပိုးရှိနေပြီးသားသူတွေမှာတော့ အသက်ရှူလမ်းကြောင်းပြဿနာနဲ့ အဆုတ်သွေးကြောပိတ်ခြင်းတို့ ဖြစ်နိုင်ချေ နှစ်ဆရှိနေကြောင်းလည်း ပါဝင်ပါတယ်။

သုတေသီတို့က ၂၀၂၀ မတ်လမှ ၂၀၂၁ နိုဝင်ဘာလအထိ အသက် ၁၈ နှစ်နဲ့အထက်လူတွေရဲ့ကျန်းမာရေးအချက်အလက်များကိုရယူကာ ကိုဗစ်ရောဂါဖြစ်ခဲ့ဖူးသူတွေမှာ နောက်ဆက်တွဲလက္ခဏာပေါင်း ၂၆ မျိုးတွေ့ရှိခဲ့ရပြီး ကိုဗစ်ရောဂါမဖြစ်ဖူးသူတွေနဲ့ နှိုင်းယှဉ်ခဲ့ကြပါတယ်။

နောက်ဆက်တွဲလက္ခဏာမတွေ့မချင်း တစ်လကနေ တစ်နှစ်အထိ စောင့်ကြည့်လေ့လာခဲ့ကြပါတယ်။

အသက် ၁၈ နှစ်နဲ့အထက်လူနာ ၃၈ ရာခိုင်နှုန်းက ကိုဗစ်နောက်ဆက်တွဲလက္ခဏာများခံစားရကြောင်း တွေ့ရှိရပါတယ်။

တွေ့ရှိရတဲ့လက္ခဏာတွေထဲမှာ ကိုယ်တွင်းအင်္ဂါစနစ်အများအပြားပါဝင်နေပြီး သွေးကြောဆိုင်ရာပြဿနာ၊ ကျောက်ကပ်၊ ဂလင်း၊ အစာအိမ်နှင့်အူလမ်းကြောင်း၊ အရိုးနှင့်ကြွက်သား၊ နှလုံးသွေးကြော၊ အဆုတ်၊ အာရုံကြော၊ စိတ်ရောဂါပြဿနာတို့ဖြစ်ပါတယ်။

ဒါ့အပြင် အသက် ၁၈ မှ ၆၄ နှစ်ကြားလူနာ ၃၅.၄ ရာခိုင်နှုန်းကလည်း ကိုဗစ်နောက်ဆက်တွဲလက္ခဏာများခံစားရပြီး အသက် ၆၅ နှစ်နဲ့အထက်လူနာတွေမှာတော့ ၄၅.၄ ရာခိုင်နှုန်းဖြစ်ပွားခဲ့ပါတယ်။

အဆိုပါလေ့လာချက်တွေအရ SARS-CoV-2 ဗိုင်းရပ်စ်ကူးစက်ခံရဖူးသူတွေက မကူးစက်ခံရဖူးသူတွေထက် နောက်ဆက်တွဲလက္ခဏာဖြစ်ပေါ်နိုင်ချေ သိသိသာသာများပြားနေပါတယ်။

ကိုဗစ်နောက်ဆက်တွဲလက္ခဏာများဖြစ်ပေါ်မှုလျှော့ချနိုင်ရန် အထူးသဖြင့်အသက် ၆၅ နှစ်အထက်လူကြီးတွေမှာလျှော့ချနိုင်ရန်အတွက် ရောဂါရှိသူများကို ပုံမှန်အကဲဖြတ်စစ်ဆေးခြင်းမျိုးပြုလုပ်ပြီး ကိုဗစ်ကာကွယ်ရေးအစီအစဉ်များကျယ်ကျယ်ပြန့်ပြန့်ချမှတ်ဖို့ အရေးကြီးကြောင်း ညွှန်ပြနေပါတယ်။

Source: The Jerusalem Post.
#Yangon_Media_Group

#WorldBusiness
Published 31 May 2022

ဘီလီယံပေါင်းများစွာတန်ဖိုးရှိတဲ့ အငှားယာဉ်ဝန်ဆောင်ရေးနဲ့ အစားအစာပို့ဆောင်ရေးကုမ္ပဏီ Grab ရဲ့ ပူးတွဲတည်ထောင်သူ'တန်ဟွိင်လင်'ဟာ နည်းပညာကဏ္ဍမှာ ရှေးရိုးစွဲပုံစံတွေကို ချိုးဖျက်ပြီးသားဖြစ်သလို မျိုးဆက်သစ်အမျိုးသမီးစွန့်ဦးတီထွင်သူများပေါ်ပေါက်လာဖို့ ရှေ့ဆောင်လမ်းပြပေးလျက်ရှိပါတယ်။

#Yangon_Media_Group

Published 31 May 2022

ပင်လယ်ကွေ့နိုင်ငံဖြစ်တဲ့ ယူအေအီးနိုင်ငံရဲ့  ဒူဘိုင်းမြို့မှာ ခွေးတွေသီးသန့် ဝန်ဆောင်မှုပေးတဲ့ ကဖေးဆိုင်တစ်ဆိုင် ဖွင့်လှစ်ခဲ့ပါတယ်။ ကိုးရီးယား အဟာရပညာရှင်တစ်ဦးလည်းဖြစ်   အသိအမှတ်ပြု အိမ်မွေးတိရိစ္ဆာန် မုန့်တိုက်ပိုင်ရှင်လည်း ဖြစ်တဲ့  ယွန်ဆူကူ က အဲဒီခွေးကဖေးဆိုင်ကို ဖွင့်ခဲ့တာဖြစ်ပါတယ်။ ဒူဘိုင်းမြို့က ခွေးကဖေးဆိုင်လေးအကြောင်းကို စိတ်ဝင်စားဖွယ်ရာ ရုပ်သံကို တင်ဆက်လိုက်ရပါတယ်။

Source AFP

#Point of View

"ကလေးတွေရဲ့ ပညာရေးနဲ့ပတ်သက်ရင် အားလုံးကဝိုင်းပြီးတော့ အလေးအနက်ထားသင့်တယ်၊မျိုးဆက်နဲ့ချီပြီး ထိခိုက်နစ်နာမယ့် ကိစ္စမျိုးကိုတော့ သတိထားသင့်တယ်။ ကျောင်းအပ်ရာသီမှာ ကလေးတွေရဲ့ပညာရေးကိုနိုင်ငံရဲ့အနာဂတ်အဖြစ်နဲ့ လေးလေးနက်နက်တန်ဖိုးထားပြီးတော့ ဝိုင်းဝန်းစောင့်ရှောက်အားပေးကြစေချင်တယ်"

#Yangon_Media_Group

#LocalNews
Published -31 May 2022

ရခိုင်ပြည်နယ် နယ်စပ်ကုန်သွယ်ရေးရဲ့ ကုန်စည်စီးဆင်းမှုမှာ စက်သုံးဆီဈေးနှုန်း ကြီးမြင့်နေခြင်းစ၊ လမ်းပန်းဆက်သွယ်ရေးခက်ခဲခြင်း၊ ငွေကြေးအခြေအနေတို့ကြောင့် လက်ရှိမှာ ခက်ခဲနေပါတယ်။

#Yangon_Media_Group

#LocalNews
Published_31 May 2022

ဒေါ်ခင်ကြည်ဖောင်ဒေးရှင်းနှင့်ပတ်သက်သည့် ဒေါ်အောင်ဆန်းစုကြည်၏အဂတိ နှစ်မှုကိစ္စတွင် ငွေကြေးလှူဒါန်းခြင်းသာဖြစ်ကြောင်း ဦးမောင်ဝိတ်က ယနေ့ မေလ ၃၁ ရက်တွင် တရားခွင်၌ လာရောက်ထွက်ဆိုသွားကြောင်း သိရသည်။

"ဒီနေ့ရုံးချိန်းမှာ အမှုနံပါတ် ၃ နဲ့ ၄ ကိစ္စ ဦးမောင်ဝိတ်က ဒေါ်ခင်ကြည်ဖောင်ဒေးရှင်းကို လှူတယ်လို့ ထွက်ဆိုတယ်။ ဦးရဲထက်ကို ပြန်ခေါ်သက်သေအဖြစ် ညနေပိုင်းမှာ စစ်ဆးပါတယ်"ဟု တရားရုံးနဲ့ နီးစပ်သူတစ်ဦးကပြောသည်။

ဒေါ်အောင်ဆန်းစုကြည်အနေဖြင့် ကျန်းမာရေးကောင်းမွန်ကြောင်းနှင့် အမှုစစ်ဆေးပြီးချိန်တွင် ဒေါ်အောင်ဆန်းစုကြည်ကို ဦးမောင်ဝိတ်က ကန့်တော့ခဲ့ကြောင်းလည်း သိရသည်။

စီးပွားရေးလုပ်ငန်းရှင် ဦးမောင်ဝိတ်က ဒေါ်ခင်ကြည်ဖောင်ဒေးရှင်းအတွက် လှူဒါန်းထားသည့် ငွေကြေးများနှင့် ပတ်သက်၍ နစက အနေဖြင့် တရားစွဲဆိုထားခြင်းလည်း ဖြစ်သည်။

၂၀၂၁ ခုနှစ် ဖေဖော်ဝါရီလ တစ်ရက်ကစ၍ နိုင်ငံရေးအပြောင်းအလဲများ ဖြစ်ပေါ်ပြီးနောက်စီးပွားရေးလုပ်ငန်းရှင် ဦးမောင်ဝိတ်အား ထိန်းသိမ်းထားပြီး လက်ရှိတွင် မည်သည့်နေရာ၌ ထိန်းသိမ်းထားသည်ကို မသိရပေ။

ymg/mt
#Yangon_Media_Group

#LocalNews
Published -31 May 2022

အနော်ရထာလမ်းမကြီးပေါ်ရှိ ဘားလမ်းမှတ်တိုင်တွင် နေ့လည် ၃ နာရီကျော်တွင် ပေါက်ကွဲမှုတစ်ခုဖြစ်ခဲ့ပြီး လူ ၁၀ ဦးထိခိုက်ဒဏ်ရာရှိခဲ့ကြောင်း လင်းလက်လူမှုကယ်ဆယ်ရေးအသင်းမှ သိရသည်။

" ဘတ်စ်ကားစောင့်နေတဲ့ ခရီးသည် ဆယ်ဦးထိခိုက်ဒဏ်ရာရသွားပါတယ်၊ တစ်ဦးကတော့ စိုးရိမ်ရတယ့်လူနာပါ၊ အခုသူတို့ကို ရန်ကုန်ပြည်သူ့ဆေးရုံကြီး အရေးပေါ်ဌာနမှာ ကုသမှုခံယူနေပါတယ်၊ အဲဒီကနေမှ လိုအပ်ရင် အမှတ် (၂) စစ်ဆေးရုံကိုပြောင်းရွှေ့ကုသဖို့လုပ်မှာပါ၊ ကျွန်မတို့အဖွဲ့က အဆင်သင့်စောင့်ပေးနေပါတယ်" လင်းလက်လူမှုကယ်ဆယ်ရေးအသင်းမှ တာဝန်ရှိသူတစ်ဦးက ပြောသည်။

 Credit CJ Nobel.

ymg/sth
#Yangon_Media_Group

#LocalNews
Published -31 May 2022

ဇွန်လထဲမှာ လေဖိအားနည်းရပ်ဝန်းတစ်ကြိမ်၊ မုန်တိုင်းငယ်တစ်ကြိမ်ဖြစ်ပေါ်မယ်လို့ ခန့်မှန်းထားတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူး ဦးလှထွန်းကပြောပါတယ်၊၊

#Yangon_Media_Group

#LocalNews
Published_31 May 2022

ငြိမ်းချမ်းရေးဆွေးနွေးပွဲအတွင်း နစကနဲ့ အချက် ၇ ချက်ကို သဘောတူ လက်မှတ်ရေးထိုးခဲ့တယ်လို့ မွန်ပြည်သစ်ပါတီ (NMSP) ရဲ့ ဗဟိုအလုပ်အမှုဆောင်ကော်မတီဝင် နိုင်အောင်မငေးက ပြောပါတယ်။

#Yangon_Media_Group

#LocalNews
#နောင်ချိုမြို့နယ်ပညာရေးမှူးရုံးအတွင်း ဗုံးပေါက်ကွဲ 5 ဦး ထိခိုက်မှုပြင်းထန်ကြောင်း ကနဦးသိရှိရပါသည်။

crd-Myo Thet Aung
နောင်ချိုဒေသခံတစ်ဦး
ymg/sth
#Yangon_Media_Group