#LocalNews
Published_24 July 2022

ထိုင်းနိုင်ငံသို့ MOU စနစ်ဖြင့် ပို့ဆောင်ပေးမည်ဟုဆိုကာ အလုပ်သမား ၃၀၀ ကျော်ကို ငွေလိမ်မှုတစ်ခုဖြစ်ပွားခဲ့ကြောင်း မြဝတီအခြေစိုက် အလုပ်သမားအရေးဆောင်ရွက်သူများထံမှ သိရသည်။

"လူတစ်ယောက်ကို ၉ သိန်း နဲ့ အယောက် ၃၀၀ ကျော်ဆီမှာ ငွေလိမ်ပြီးယူတာဖြစ်ပါတယ်၊ဒီနေ့ မနက်ပိုင်းကြီးမှာ ဖမ်းဆီးနိုင်ခဲ့တာပါ"ဟု MMG ရွှေ့ပြောင်းလုပ်သား စောင့်ကြည့်လေ့လာရေးအဖွဲ့ တာဝန်ရှိသူကပြောသည်။

အဆိုပါ အဖွဲ့အနေဖြင့် ဖမ်းဆီးရမိသူများထံမှ ငွေကျပ် ၃၃၈ သိန်းကိုလည်း သိမ်းဆည်းရမိကြောင်းနှင့် နစ်နာခဲ့ကြသည့် အလုပ်သမားများအား ကူညီဆောင်ရွက်ပေးသွားမည် ဖြစ်ကြောင်း သိရသည်။

ymg/mt
#Yangon_Media_Group

#Local_News
Published_ 24 July 2022

အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေလက်ကျန်မှ ကျပ် ၄၀၀ ဘီလီယံကို သီးသန့်ရန်ပုံငွေထူထောင်၍ ပြည်တွင်းစီးပွားရေးလုပ်ငန်းများအား ထုတ်ချေးမှာဖြစ်ကြောင်း စီမံကိန်းနှင့်ဘဏ္ဍာရေးဝန်ကြီးဌာနက သတင်းထုတ်ပြန်ထားပါတယ်။

ကိုဗစ် ၁၉ ကာကွယ်၊ ထိန်းချုပ်၊ ကုသရေးဆိုင်ရာ အသုံးစရိတ်များကို အမျိုးသား သဘာဝဘေး အန္တရာယ်ဆိုင်ရာ စီမံခန့်ခွဲမှုရန်ပုံငွေမှ အမျိုးသားအဆင့် ဗဟိုကော်မတီရဲ့ ခွင့်ပြုချက်ဖြင့် စနစ်တကျ စိစစ်သုံးစွဲလျက်ရှိပြီး ဇူလိုင်လ ၁၄ ရက်နေ့ ရန်ပုံငွေလက်ကျန်မှာ ကျပ် ၄၉၁.၉၇၈ ဘီလီယံဖြစ် တယ်လို့ ဆိုပါတယ်။

ယခုအခါ မိမိတို့နိုင်ငံတွင် ကိုဗစ် ၁၉ ရောဂါဖြစ်ပွားမှုအခြေအနေမှာ များစွာကျဆင်းသွားပြီဖြစ်ရာ ကိုဗစ် ၁၉ ကပ်ရောဂါနှင့် နိုင်ငံတကာဖြစ်ပေါ်ပြောင်းလဲမှု အခြေအနေများအရ ထိခိုက်ကျဆင်းခဲ့ရသော နိုင်ငံတော်ရဲ့ စီးပွားရေးကို ပြန်လည်ဦးမော့လာစေရန် ကြိုးပမ်းဆောင်ရွက်သွားမည်ဖြစ်တယ်လို့ ဆိုပါတယ်။

ရန်ပုံငွေလက်ကျန်မှ ကျပ် ၄၀၀ ဘီလီယံကို သီးသန့်ရန်ပုံငွေထူထောင်၍ နိုင်ငံ့စီးပွားရေး ဖွံ့ဖြိုးတိုးတက်ဖို့အရေးပါတဲ့ စိုက်ပျိုးရေးနှင့် မွေးမြူရေးကို အခြေခံတဲ့ ကုန်ထုတ်လုပ်မှုလုပ်ငန်းများ၊ စက်မှုလက်မှုလုပ်ငန်းများနှင့် ထုတ်ကုန်များ တိုးမြှင့်ထုတ်လုပ်နိုင်ပြီး အလုပ်အကိုင်အခွင့်အလမ်းများဖော်ဆောင်ပေးနိုင်တဲ့ ပြည်တွင်းစီးပွားရေးလုပ်ငန်းများအား အတိုးနှုန်းသက်သာသော ချေးငွေများကို စီမံကိန်းနှင့်ဘဏ္ဍာရေး ဝန်ကြီးဌာနရဲ့ ကြီးကြပ်မှုဖြင့် စိစစ်ထုတ်ချေးပေးနိုင်ရေး ဆောင်ရွက်သွားမှာဖြစ်တယ်လို့ ဆိုပါတယ်။

ymg-mnn
#Yangon_Media_Group

Published 24 July 2022

အမေရိကန် အောက်လွှတ်တော်ဥက္ကဋ္ဌ နန်စီပီလိုစီရဲ့ ဩဂုတ်လအတ္ငင်း ထိုင်ဝမ်ကို သွားရောယ်ဖွယ်ရှိတဲ့ ခရီးနှင့်ပတ်သက်လို့ တရုတ်နိုင်ငံက ဘိုင်ဒင်အစိုးရအဖွဲ့ကို တင်းမာတဲ့ ပုဂ္ဂလိကသတိပေးချက်တွေ ပေးပို့ထားတယ်လို့ ဖိုင်နင်ရှယ်တိုင်းမ်စ်က စနေနေ့ကရေးသားပါတယ်။

အဲဒီသတင်းဟာ တရုတ်ရဲ့သတိပေးချက်တွေနှင့် နီးစပ်တဲ့ သူ ခြောက်ဦးဆီက ရတာဖြစ်ပြီး သတိပေးချက်တွေဟာ အတိတ်တုန်းက အမေရိကန်ရဲ့ ထိုင်ဝမ်အပေါ်ထားရှိတဲ့ လုပ်ဆောင်မှုတွေ မူဝါဒတွေနှင့်ပတ်သက်လို့ တရုတ်နိုင်ငံက မကျေနပ်မှုတွေရှိလာတဲ့အခါ ပြုလုပ်ခဲ့တဲ့ ခြိမ်းခြောက်မှုတွေဆိုတာထက်ကို သိသိသာသာပြင်းထန်နေတယ်လို့ အဲဒီသတင်း အရင်းအမြစ်တွေက ပြောကြပါတယ်။

အဲဒီစကားလှလှလေးတွေနှင့်ပြောထားတဲ့ပုဂ္ဂလိက သတိပေးချက်ထဲမှာ ဖြစ်ရေးရှိတဲ့ စစ်ရေးတုန့်ပြန်မှုကို ဖော်ပြထားတဲ့ အကြောင်း အခြေအနေတွေနှင့် ရင်းနှီးကျွမ်းဝင်သူ အတော်များများကို ကိုးကားပြီး ဖိုင်နင်ရှယ်တိုင်းမ်က ရေးသားပါတယ်။

ဒီသတင်းနှင့်ပတ်သက်လို့ အိမ်ဖြူတော် အမျိုးသားလုံခြုံရေးကောင်စီနှင့် နိုင်ငံခြားရေးဝန်ကြီးဌာနတွေက မှတ်ချက်ပေးဖို့ ငြင်းဆန်ပါတယ်။ တရုတ်နိုင်ငံခြားရေးဝန်ကြီးဌာနထံကလည်း ရိုက်တာသတင်းဌာနရဲ့ တနင်္ဂနွေနေ့က မှတ်ချက်တောင်းခံမှုအပေါ် ချက်ခြင်းမတုန့်ပြန်သေးပါဘူး။

ပီလိုစီဟာ ထိုင်ဝမ်ကို ဩဂုတ်လမှာ သွားရောက်မယ်လို့ ဖိုင်နင်ရှယ်တိုင်းမ်က တနင်္လာနေ့တုန်းက သတင်းဖော်ပြခဲ့တာ ဖြစ်ပါတယ်။

သူမရဲ့ ထိုင်ဝမ်သွားရောက်မယ့်ကိစ္စဟာ တရုတ်နိုင်ငံရဲ့ အချုပ်အခြာအာဏာနှင့် နယ်မြေ တည်တံ့ခိုင်မြဲမှုအပေါ် ပြင်းထန်စွာ အနှောက်အယှက်ပေးမှုဖြစ်လိမ့်မယ်။ အမေရိကန်ပြည်ထောင်စုဟာ တရုတ်ရဲ့ တုန့်ပြန်မှု အကျိုးဆက်ကို ခံရလိမ့်မယ်လို့ အဲဒီသတင်းပါရှိပြီးနောက်တစ်နေ့မှာပဲ တရုတ်နိင်ငံခြားရေးဝန်ကြီးဌာနက ပြောခဲ့ပါတယ်။

ဗုဒ္ဓဟူးနေ့မှာ အမေရိကန်သမ္မတ ဂျိုးဘိုင်ဒင်က တရုတ်သမ္မတ ရှီကျင့်ဖျင်နှင့် ဒီလကုန် မှာပြောဆိုဖို့ စီစဉ်ထားတယ်လို့ ပြောခဲ့ပါတယ်။

“စစ်ရေး စဉ်းစား စိတ်ကူးတာဟာ အခုအချိန်မှာ ကောင်းတဲ့စိတ်ကူးမဟုတ်ဘူးလို့ ကျွန်တော်ထင်တယ်။ ဒါပေမယ့် ဒါဟာ ဘယ်လိုအခြေအနေရှိနေတယ် ကျွန်တော်မသိဘူး” လို့ ဘိုင်ဒင်က သတင်းထောက်တွေကိုပြောခဲ့ပါတယ်။

#Source_Reuters

#Taiwan_Pelosi_Visit

#US_China_Tension

#Taiwan_crisis

#Local_News
Published_ 24 July 2022

မြန်မာနိုင်ငံအနေဖြင့် မိမိတင်သွင်းခဲ့သည့် ကနဦးကန့်ကွက်ချက်များကို အပြည်ပြည်ဆိုင်ရာတရားရုံးက ပယ်ချခဲ့သည်ကို စိတ်ပျက်မိကြောင်း အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနရဲ့ ဇူလိုင်လ ၂၃ ရက် ထုတ်ပြန်ချက်မှာ ဖော်ပြထား ပါတယ်။

ထို့အတူ တရားရုံးအနေဖြင့် အဆိုပါကိစ္စရပ်အပေါ် အဆုံးအဖြတ်ပေးခဲ့ပြီး ဖြစ်သည်ကို မြန်မာနိုင်ငံအနေဖြင့် မှတ်သားထားရှိသည်။ထိုဆုံးဖြတ်ချက်သည် အပြည်ပြည်ဆိုင်ရာ ဥပဒေ၏ အရင်းအမြစ်ဖြစ်သွားမည်ဖြစ်သကဲ့သို့ နောင်လာမည့်အမှုများအတွက် သာဓကအမှု ဖြစ်သွားမည်ကိုလည်း မြန်မာနိုင်ငံအနေဖြင့် သတိပြုမိတယ်လို့ ဆိုပါတယ်။

အပြည်ပြည်ဆိုင်ရာတရားရုံးက မြန်မာနိုင်ငံက တင်သွင်းခဲ့တဲ့ ကနဦးကန့်ကွက်လွှာကို ပယ်ချကြောင်း ဆုံးဖြတ်ချက်ကို ပြည်ထောင်စုသမ္မတ မြန်မာနိုင်ငံတော်အနေဖြင့် မှတ်သားထားရှိကြောင်း ဖော်ပြပါရှိပါတယ်။

ဂမ်ဘီယာနိုင်ငံက အပြည်ပြည်ဆိုင်ရာတရားရုံးသို့ တင်ပြထားသည့်အမှုကိစ္စနှင့်ပတ်သက်၍ အပြည်ပြည်ဆိုင်ရာတရားရုံးက စီရင်ခွင့်မရှိကြောင်း၊ ဂမ်ဘီယာနိုင်ငံသည် တရားစွဲဆိုပိုင်ခွင့်မရှိကြောင်း ကနဦးကန့်ကွက်လွှာ (Preliminary objections) အချက် ၄ ချက်အား မြန်မာနိုင်ငံက အပြည်ပြည်ဆိုင်ရာတရားရုံးသို့ တင်သွင်းခဲ့ပါတယ်။

မြန်မာနိုင်ငံရဲ့ ကနဦးကန့်ကွက်လွှာနှင့် ပတ်သက်သည့် ကြားနာမှုကို နယ်သာလန် နိုင်ငံ၊ သည်ဟိဂ်မြို့ရှိ အပြည်ပြည်ဆိုင်ရာတရားရုံးတွင် ၂၀၂၂ ခုနှစ် ဖေဖော်ဝါရီလ ၂၁ ရက်နေ့မှ ၂၈ ရက်နေ့အထိ ပြုလုပ်ခဲ့ရာ မြန်မာနိုင်ငံ၏ ကိုယ်စားလှယ် (Agent) ဖြစ်သော အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင် နှင့် အလှည့်ကျ ကိုယ်စားလှယ် (Alternate Agent) ဖြစ်သော ဥပဒေရေးရာဝန်ကြီးဌာန၊ ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါက်တာသီတာဦးတို့ ဦးဆောင်သော မြန်မာကိုယ်စားလှယ်အဖွဲ့ဝင်များက နိုင်ငံတကာရှေ့နေများနှင့်အတူ တက်ရောက်ချေပ လျှောက်လဲခဲ့ကြပါတယ်။

မြန်မာနိုင်ငံရဲ့ ကနဦးကန့်ကွက်လွှာမှာ ဥပဒေကြောင်းအရလည်းကောင်း၊ အချက်အလက်ကြောင်းအရလည်းကောင်း ပြည်စုံခိုင်လုံမှုရှိသည်ဟု ယုံကြည်သည်။ အပြည်ပြည် ဆိုင်ရာတရားရုံး၏ တရားသူကြီးတစ်ဦးဖြစ်သူ Judge Xue Hanqin က အပြည်ပြည်ဆိုင်ရာတရားရုံးက တရားစီရင်ခွင့်ရှိကြောင်းနှင့် ဂမ်ဘီယာနိုင်ငံက တရားစွဲဆိုခွင့်ရှိကြောင်း ဆုံးဖြတ်ချက်ကို ကန့်ကွက်မဲပေးခဲ့ပြီး ကွဲလွဲသည့် သုံးသပ်ဆုံးဖြတ်ချက်ကို တင်သွင်းခဲ့သည် ကိုလည်း မြန်မာနိုင်ငံအနေဖြင့် မှတ်သားမိတယ်လို့ ဆိုပါတယ်။

မြန်မာနိုင်ငံအနေဖြင့်စာချုပ်ကို လက်ခံအတည်ပြုစဉ်က ကြေညာခဲ့တဲ့ ရပ်တည်ချက်ကို ထပ်လောင်းအတည်ပြုပြီး၊ စာချုပ်တွင် ပါရှိသော ကတိကဝတ်များကို မည်သည့်အခါမျှ ဖောက်ဖျက်ကျူးလွန်ခြင်းမရှိဘဲ လေးစားလိုက်နာလျက်ရှိသည်။ တစ်ချိန်တည်းတွင် မိမိနိုင်ငံ၏ အချုပ်အခြာအာဏာနှင့် အမျိုးသားအကျိုးစီးပွားကို ကာကွယ် စောင့်ရှောက်ရန် အစွမ်းကုန်ကြိုးပမ်းလျက် လုပ်ဆောင်သင့်လုပ်ဆောင်ထိုက်သည်ကို ဆက်လက်ဆောင်ရွက်သွားမှာဖြစ်ကြောင်း အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာနက ၂၀၂၂ ခုနှစ်၊ ဇူလိုင်လ ၂၃ ရက် ရက်စွဲဖြင့် ထုတ်ပြန်ထားပါတယ်။

ymg-mnn
#Yangon_Media_Group

#Health_Tips
Published 24 July 2022

တစ်တော့မှနာမည်ကြီးဒေါက်တာ'ကာရန်ရာ့ဂျ်'က သူ့ရဲ့ဆရာဝန်ဘဝအစမှာ အိပ်မပျော်ခြင်းဝေဒနာခံစားခဲ့ရကာ စိတ်ရဲ့ဆန့်ကျင်ရာနည်းလမ်းကိုအသုံးပြုပြီး ကျော်လွှားနိုင်ခဲ့ကြောင်း ပြောပြခဲ့ပါတယ်။

အိပ်ရာထဲလှဲနေတဲ့အချိန် ပူအိုက်မောပန်းနေပေမယ့် အိပ်မပျော်တာမျိုးကို ကြုံဖူးကြမှာပါ။

လူ ၉၅ ရာခိုင်နှုန်းလောက်က ဒီလိုအခြေအနေကို တစ်ချိန်ချိန်မှာ ကြုံတွေ့ခဲ့ကြရပြီး ၁၅ ရာခိုင်နှုန်းသောလူတွေက သူတို့ရဲ့နေ့စဉ်လှုပ်ရှားမှုနဲ့ကျန်းမာရေးကိုပါ ထိခိုက်လာတဲ့အထိ နာတာရှည်ဝေဒနာဖြစ်လာကြပါတယ်။

အသက်ဖြည်းဖြည်းမှန်မှန်ရှူခြင်း၊ ကြွက်သားတွေဖြေလျှော့ခြင်းစသဖြင့် နည်းလမ်းအမျိုးမျိုးကို ကြိုးစားခဲ့ကြပေမယ့် နောက်ဆုံးတော့ နောက်ကျမှ အိပ်တတ်တဲ့အကျင့်ကို ဖျောက်မရခဲ့ပါဘူး။

'ရာဂျ်'ရဲ့နည်းလမ်းက လုပ်ငန်းစဉ်တစ်ခုလိုမဟုတ်ပါဘူး။

"ကျွန်တော် ဆရာဝန်ဘဝအစတုန်းက အိပ်မပျော်တဲ့ဝေဒနာခံစားခဲ့ရပါတယ်၊ မရလောက်ဘူးလို့ ထင်တဲ့နည်းလမ်းကို ကြိုးစားကြည့်တယ်၊ ဒါကတော့ ငါမအိပ်ဘူးလို့ ကိုယ့်ကိုယ်ကိုစိတ်ပိုင်းဖြတ်ပြီး နိုးနေအောင်ကြိုးစားရတာပါ၊ စာဖတ်တာတွေ၊ ဖုန်းကြည့်တာတွေ၊ တီဗီကြည့်တာတွေမလုပ်ရပါဘူး၊ ဒီအတိုင်းပဲ အိပ်ရာထဲမှာမျက်လုံးဖွင့်ပြီးနေရမှာပါ၊ ငါမအိပ်ဘူးလို့ စိတ်ကိုတင်းခံထားပါ၊ အဲဒီလိုမျိုးဆိုရင် စိတ်ကပင်ပန်းလာပြီး အိပ်ပျော်သွားပါလိမ့်မယ်၊ ကျွန်တော်တော့အဲဒီလိုနဲ့ အိပ်ပျော်သွားပါတယ်" လို့ 'ရာ့ဂျ်'က ပြောပြထားပါတယ်။

"ဝိရောဓိစိတ်လိုမျိုးပေါ့၊ ဥပမာသင့်ကို ပိုလာဝက်ဝံအကြောင်း မစဉ်းစားနဲ့လိုပြောထားရင် သင်ဘာလုပ်မယ်ထင်သလဲ၊ အဲဒီလိုနည်းလမ်းပါပဲ"
စိတ်ရဲ့ဆန့်ကျင်ရာအတိုင်း ပြုလုပ်တဲ့သဘောဖြစ်ကြောင်း၊ ညဘက်ဆိုရင် ညဉ့်နက်တဲ့အထိ တီဗီမကြည့်ကြောင်း အကြံပြုထားပါတယ်။

Source: The Jerusalem Post
#Yangon_Media_Group

Published 23 July 2022

မြန်မာနိုင်ငံတွင် အထက်တန်းအဆင့်နှင့် တက္ကသိုလ်တက်ရောက်နိုင်တဲ့ အဆင့်ရှိတဲ့သူတွေ လွန်စွာနည်းပါးနေတဲ့အတွက် ဆယ်စုနှစ်များစွာဆိုပါက နိုင်ငံအတွက် ပညာတတ်အင်အားများစွာ လိုအပ်ချက်ရှိနေတယ်လို့လို့ နစက ဥက္ကဋ္ဌနှင့်တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်ကပြောကြားလိုက်ပါတယ်။

ဇူလိုင် ၂၃ ရက်က နေပြည်တော် ဇေယျာသီရိဗိမာန်မှာ ကျင်းပတဲ့  တက္ကသိုလ်ဝင်တန်းအောင် ထူးချွန်ကျောင်းသူကျောင်းသားတွေ ဂုဏ်ပြုပွဲတစ်ခုမှာဗိုလ်ချူပ်မှူးကြီးက ယခုလိုပြောကြားခဲ့တာဖြစ်ပါတယ်။

မြန်မာနိုင်ငံမှာ တန်းစဉ်ကူးပြောင်းနိုင်မှုမရှိဘဲ လျော့နည်းသွားတဲ့အင်အားဟာ မူလတန်းမှာ ၃၁.၈၈ ရာခိုင်နှုန်းနှင့် အလယ်တန်းတွင် ၂၇.၆၅ ရာခိုင်နှုန်း ရှိနေတယ်လို့လည်း သူက ဆက်လက်ပြောကြားပါတယ်။

၂၀၁၄ခုနှစ် သန်းခေါင်စာရင်း နှင့် ၂၀၁၉ ခုနှစ် ကြားဖြတ်သန်းခေါင်စာရင်းတို့အရ နိုင်ငံသားအားလုံးရဲ့ သုံးပုံတစ်ပုံခန့်ဟာ အလယ်တန်းအဆင့်အထိသာပညာသင်ကြားခဲ့ကြရတာကိုတွေ့ရှိရတယ်လို့လည်း နစက ဥက္ကဋ္ဌက ပြောပါတယ်။

အဲဒါကြောင့် စနစ်သစ်ပညာရေးကို KG-12 အထိ ဖော်ဆောင်လျက်ရှိပြီး မူလတန်းပညာ မသင်မနေရ ပြဋ္ဌာန်းထားပေမယ့် နစက အနေနှင့် KG-9အခြေခံပညာအလယ်တန်းအဆင့်အထိ ပညာသင်ကြားခွင့်ရရေးနှင့် အောင်မြင်ရေးကို  အကောင်အထည်ဖော်ဆောင်ရွက်နေတယ်လို့ သူကပြောပါတယ်။

ယခုအခမ်းအနားမှာ ၂၀၁၉-၂၀၂၀နှင့် ၂၀၂၁-၂၀၂၂ပညာသင်နှစ်မှာ တက္ကသိုလ်ဝင်တန်းမှာထူးချွန်စွာအောင်မြင်ခဲ့တဲ့ တပ်မတော်စစ်သည်တွေ၊စစ်မှုထမ်းဆဲနှင့် စစ်မှုထမ်းဟောင်းတွေရဲ့သားသမီးတွေ၊စစ်သည်အစားခန့်အရပ်ဘက်ဝန်ထမ်းတွေ ရဲ့သားသမီးတွေနှင့်ဘက်စုံပညာထူးချွန်သည့်လူငယ်တွေကို ဂုဏ်ပြုဆုများချီးမြှင့်ခဲ့ကြတာဖြစ်ပါတယ်။

#ymg/knl

#Myanmar_eduation

Published: 23 July 2022

ကမ္ဘာ့ကျန်းမာရေးအဖွဲ့ကြီးက မျောက်ကျောက်ရောဂါ monkeypox ကူးစက်မှု ကို ကမ္ဘာ့လုံးဆိုင်ရာ ကျန်းမာရေးအရေးပေါ် တစ်ခု အဖြစ် သတ်မှတ်ကြေညာလိုက်ပါတယ်။

ယခုသတ်မှတ်ချက်ဟာ ကမ္ဘာ့ကျန်းမာရေးအဖွဲ့က ထုတ်ပြန်နိုင်တဲ့ သတိပေးချက်တွေထဲမှာ အမြင့်ဆုံးအဆင့်သတ်မှတ်ချက် ဖြစ်ပါတယ်။

ဒီဗိုင်းရပ်စ်နှင့်ပတ်သက်ပြီး ကမ္ဘာ့ကျန်းမာရေးအဖွဲ့အရေးပေါ်ကော်မတီရဲ့ ဒုတိယမြောက် အစည်းအဝေးအပြီးမှာ ယခုလို ကျန်းမာရေးအရေးပေါ် အဖြစ် သတ်မှတ်ချက်ထွက်ပေါ်လာတာပါ။

ယခုအချိန်ထိ နိုင်ငံပေါင်း ၇၅နိုင်ငံမှာ မျောက်ကျောက်ရောဂါကူးစက်မှုပေါင်း တစ်သောင်း ခြောက်ထောင်ကျော်တွေ့ရှိရပြီး ဖြစ်တယ်လို့ ကမ္ဘာ့ကျန်းမာရေးအဖွဲ့ ညွှန်ကြားရေးမှူးချုပ် ဒေါက်တာ တက်ဒရောပ့စ် အက်ဒါနွမ် ဂီဘရီယက်ဆပ်ကပြောပါတယ်။

ကူးစက်မှုတွေကြောင့် သေဆုံးသူပေါင်း ငါးဦးလည်းရှိသွားပြီဖြစ်ပါတယ်လို့ သူကဖြည့်စွက်ပြောပါတယ်။

လက်ရှိမှာ ယခုလို ကျန်းမာရေးအရေးပေါ် ကြေညာထားတာ နှစ်ခုရှိပါတယ်။ တစ်ခုက ကိုရိုနာဗိုင်းရပ်စ်ကပ်ဘေးနှင့် နောက်တစ်ခုက ပိုလီယိုရောဂါကင်းစင်ရေးကြိုးပမ်းအားထုတ်မှု ဆက်လက်ဆောင်ရွက်နေတာဖြစ်ပါတယ်။

အရေးပေါ်ကော်မတီထဲမှာ မျောက်ကျောက်ရောဂါကူးစက်မှုတွေကို ကမ္ဘာလုံးဆိုင်ရာ ကျန်းမာရေးအရေးပေါ်တစ်ခု အဖြစ်သတ်မှတ်ဖို့ အားလုံးတစ်ညီတစ်ညွတ်တည်း သဘောတူညီမှုမရရှိခဲ့ဘူးလို့ သူကပြောပါတယ်။

ဒါပေမယ့် ကူးစက်မှုဟာ ကမ္ဘာအနှံ့ လျင်မြန်စွာ ပျံ့နှံ့လာနေတဲ့အတွက်  ဒါဟာ ကမ္ဘာလုံးဆိုင်ရာစိုးရိမ်ပူပန်မှုတစ်ခု စင်စစ်ဖြစ်တယ်လို့ သူဆုံးဖြတ်လိုက်တာဖြစ်တယ်လို့ ညွှန်ချုပ်ကပြောပါတယ်။

“ ကမ္ဘာ့ကျန်းမာရေးအဖွဲ့က သုံးသပ်တွေ့ရှိချက်အရ မျောက်ကျောက်ရောဂါရဲ့ အန္တရာယ်မြင့်မားနေတဲ့ ဥရောပ ဒေသကလွဲလို့ ကျန်ဒေသတွေနှင့် တစ်ကမ္ဘာလုံးမှာ  အန္တရာယ်အသင့်အတင့်ပဲရှိပါတယ်” လို့သူကဖြည့်စွက်ပြောပါတယ်။

#Source_BBC

#Monkeypox

#Monkeypox_global_health-emergency

There are only two other such health emergencies at present - the coronavirus pande

#World_Entertainment
Published 23 July 2022

Lord of the Rings နဲ့ Game of Thrones စီးရီးအသစ်များအကြောင်း မကြာခင်မိတ်ဆက်ပြသတော့မှာဖြစ်တာကြောင့် ပြီးခဲ့တဲ့ ၃ နှစ်အတွင်း ပထမဆုံးအကြိမ်ကျင်းပမယ့် ဆန်ဒီယေဂိုက ရုပ်ပြဇာတ်ကောင်စုဝေးပွဲကြီးဆီကို ရုပ်ပြဇာတ်ကောင်များကဲ့သို့ ဝတ်စားထားတဲ့သူတွေ သောင်းနဲ့ချီပြီးလာရောက်ဆုံဆည်းကြမှာ ဖြစ်ပါတယ်။

#Yangon_Media_Group

#Health_Matters
Published - 23 July 2022

-ရောဂါမဖြစ်အောင် ဘယ်လိုနေထိုင်ကြရမလဲ ဘာတွေရှောင်ရှားကြရမလဲ??

#Yangon_Media_Group

Published 23 July 2022

အမေရိကန်သမ္မတဟောင်း ဒေါ်နယ်ထရမ့်ဟာ အာရီဇိုနားပြည်နယ်မှာ  လာမယ့် ရီပတ်ဘလီကင် ပထမအဆင့် ရွေးကောက်ပွဲမတိုင်ခင် ဇူလိုင် ၂၂ရက်က လူထုစည်းဝေးပွဲကြီးတစ်ခုပြုလုပ်ခဲ့ပါတယ်။ ထရမ့်က အမေရိကန်ကပ္ပီတယ်လ် တိုက်ခိုက်မှုကိစ္စ ကွန်ဂယက်ကြားနာနေမှုကို ပြစ်တင်ရှုတ်ချလိုက်ပါတယ်။ သူ့ကို ပုံစံအမျိုးမျိုးနှင့် လုပ်ကြံဖျက်ဆီးနေကြတာ ဖြစ်ပြီး ဒါဟာ လုပ်ဇာတ်သက်သက်သာဖြစ်တယ်လို့လည်းသူကပြောလိုက်ပါတယ်။

အဆိုးရွားဆုံးသမ္မတ ငါးဦးပေါင်းပြီး လုပ်ခဲ့တာတွေက ဂျိုးဘိုင်ဒင်တစ်ယောက်တည်းက တိုင်းပြည်ဖျက်စီးခဲ့တာလောက်ကိုမရှိဘူးလို့လည်း သမ္မတဘိုင်ဒင်ကို သူက တိုက်ခိုက်လိုက်ပါတယ်။

#Source_AFP

#Trump_attacks_Biden
#Arizona_Republicans_rally

#Trump_Biden

#Health_Matters
Published - 23 July 2022

- အဲဒီတိုက်ဖွိုက်က ဘယ်လောက်ကြောက်စရာကောင်းလဲ??

#Yangon_Media_Group

#Health_Matters
Published - 23 July 2022

-ဆေးစုံမတိုးတဲ့ တိုက်ဖွိုက်ရောဂါဆိုတာ ဘယ်လိုရောဂါမျိုးလဲ

#Yangon_Media_Group