#Local_News

Published 11  August 2025

▪️ ဒီပလိုမာစာရင်းကိုင်သင်တန်း (Diploma in Accountancy) ကိုဘွဲ့ရများလျှောက်ထားနိုင်ကြောင်း သိရသည်။

▪️ အဆင့်မြင့်စာရင်းကိုင်နှင့်စာရင်းစစ်သင်တန်းကျောင်း (နေပြည်တော်/ ရန်ကုန်) နှင့် မြန်မာနိုင်ငံ စာရင်းကောင်စီတွင် မှတ်ပုံတင်ထားသည့်ကိုယ်ပိုင်စာရင်းကိုင်သင်တန်းကျောင်းတို့၌ စတင်လျှောက်ထားနိုင်ပြီဖြစ်သည်။

▪️ သင်တန်းကာလ – ၂ နှစ် (ပထမပိုင်း + ဒုတိယပိုင်း)ကို  နိုဝင်ဘာ ၆ ရက်
တွင် သင်တန်းစတင်ဖွင့်လှစ်မည်ဖြစ်ပြီး သင်တန်းများကို ဩဂုတ် (၂၅)နောက်ဆုံးလျှောက်လွှာလက်ခံမည် ဖြစ်ကြောင်းသိရသည်။

▪️ မြန်မာနိုင်ငံစာရင်းကောင်စီမှ ကြီးမှူးဖွင့်လှစ်သည့် ရန်ကုန်၊ နေပြည်တော် သင်တန်းကျောင်းတွင် လျှောက်လွှာကြေး – ၁,၀၀၀ ကျပ်၊ ကျောင်းအပ်မှတ်ပုံတင်ကြေး – ၈,၀၀၀ ကျပ်၊ သင်တန်းကြေး – ၃၀,၀၀၀ ကျပ်၊ စာမေးပွဲကြေး – ၁၀,၀၀၀ ကျပ် စသဖြင့် ရှိ ကြောင်းသိရသည်။

▪️ သင်ကြားရမည့် ဘာသာရပ်များသင်တန်းရက်နှင့် အချိန်အဆင့်မြင့်စာရင်းကိုင်နှင့်စာရင်းစစ်သင်တန်းကျောင်း (နေပြည်တော်/ရန်ကုန်) တွင် တက်ရောက်ရမည့် သင်တန်းချိန်မှာ ပထမပိုင်းသင်တန်းအတွက် ရုံးဖွင့်ရက်များနှင့်စနေနေ့တွင် နံနက် ၇:၀၀ နာရီမှ ၈:၅၀ နာရီအထိ၊ ဒုတိယပိုင်းသင်တန်းအတွက် ရုံးဖွင့်ရက်များတွင် နံနက် ၇:၀၀ နာရီမှ ၈:၅၀ နာရီအထိ၊ စနေနေ့များတွင် နံနက် ၇:၀၀ နာရီမှ ၁၀:၅၀ နာရီအထိ ဖြစ်သည်။

▪️ သင်တန်းတက်ရောက်ချိန် (၆၀%) မပြည့်မီသည့် သင်တန်းသားများသည် နောင်ပညာသင်နှစ်တွင် အဆင့်မြင့်စာရင်းကိုင်နှင့် စာရင်းစစ်သင်တန်းကျောင်း (နေပြည်တော်/ရန်ကုန်) သို့မဟုတ် မြန်မာနိုင်ငံ စာရင်းကောင်စီတွင် မှတ်ပုံတင်ထားသည့် ကိုယ်ပိုင်စာရင်းကိုင်သင်တန်းကျောင်းများတွင် ပြန်လည် တက်ရောက်ရန် လိုအပ်မည်ဖြစ်ပြီး သင်တန်းသားအဖြစ် မပျက်မကွက် ပြန်လည်မှတ်ပုံတင်ရမည်ဖြစ်သည်။

▪️ ထို့အပြင် စာမေးပွဲအောင်မြင်ခြင်းမရှိသည့် သင်တန်းသားများဖြစ်စေ၊ အကြောင်းအမျိုးမျိုးကြောင့် စာမေးပွဲမဖြေလိုက်ရသည့် သင်တန်းသားများဖြစ်စေ နောင်ပညာသင်နှစ်တွင် ကိုယ်တိုင်လေ့လာဖြေဆိုမည့် သင်တန်းသားအဖြစ် ပြန်လည်မှတ်ပုံတင်နိုင်သည်။

▪️ တက်ရောက်ခွင့်ရသူများ၏စာရင်းကို စက်တင်ဘာ(၅)ရက်နေ့တွင် ပြည်ထောင်စုစာရင်းစစ်ချုပ်ရုံး၊ အဆင့်မြင့်စာရင်းကိုင်နှင့် စာရင်းစစ်သင်တန်းကျောင်း (နေပြည်တော်နှင့် ရန်ကုန်) တို့ရှိ ကြော်ငြာသင်ပုန်းနှင့် မြန်မာနိုင်ငံစာရင်းကောင်စီရုံး website: www.oagmac.gov.mm တို့တွင် ကြေညာထားမည်ဖြစ်ကြောင်း သိရသည်။

▪️ အသေးစိတ်သိရှိလိုပါက ရုံးချိန်အတွင်း မြန်မာနိုင်ငံစာရင်းကောင်စီရုံး ဖုန်းနံပါတ် ၀၁-၂၃၀၂၆၅၉၊ ၀၉-၇၅၈၃၈၃၁၅၉၊ ၀၉-၆၇၃၆၇၂၅၂၅၊ ၀၉- ၆၈၉၉၃၈၉၁၉ တို့ကို ဆက်သွယ်မေးမြန်း စုံစမ်းနိုင်ကြောင်း သိရသည်။

#YMG/NN #Yangon_Times

စပျစ်စိုက်တောင်သူတွေအနေနဲ့   ဝိုင်ထုတ်လုပ်တဲ့စပျစ်ကို စီးပွားဖြစ် စိုက်ပျိုးကြပြီး ဈေးကွက်ရရေးအတွက်လည်း  ဝိုင်လုပ်ငန်းရှင်များ ပေါင်းစပ်ပေးပြီး နှစ်ဦးနှစ်ဖက်အကျိုးရှိစေဖို့  Contract farming စနစ် နဲ့  ဆောင်ရွက်နိုင်တယ်လို့စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမင်းနောင် က ပြောပါတယ်။

‎
‎‎#Local_News
Published 11 August 2025
#ဝိုင်စပျစ် #  ဝိုင်လုပ်ငန်းရှင်
#YMG/NN #Yangon_Times
‎

ရန်ကုန်-ပဲခူးပြေးဆွဲနေတဲ့  Diesel Electric Multiple Units DEMUs ( DEMU ) ရထားခရီးစဉ်‌တွေကို ဒီကနေ့ကနေ စတင်ပြီးထပ်တိုးပြေးဆွဲသွားမယ်လို့  မြန်မာ့မီးရထားက သိရပါတယ် ။

‎#Local_News
Published 11 August 2025
#‎ ရန်ကုန်-ပဲခူး #DEMUရထားခရီးစဉ်
#YMG/NN #Yangon_Time

#World_News

Published 11 August 2025

▪️ တောင်ကိုရီးယား စစ်သည်အင်အားဟာ ပြီးခဲ့တဲ့ ၆ နှစ်တာအတွင်း ၂၀ ရာခိုင်နှုန်းကျဆင်းလာကာ ၄ သိန်းခွဲသာ ကျန်ပါတော့တယ်။

▪️ တောင်ကိုရီးယားက ကမ္ဘာပေါ်မှာ ကလေးမွေးဖွားနှုန်း အနည်းဆုံးဖြစ်နေသလို မဖြစ်မနေ စစ်မှုထမ်းစနစ်အတွက် ယောက်ျားဦးရေကလည်း သိသိသာသာ လျော့နည်းလာပါတယ်။

▪️ စစ်မှုထမ်းစနစ်အတွက် အကျုံးဝင်တဲ့ ယောက်ျားအရေအတွက် အတော်လေးကျဆင်းလာတာက အရာရှိအရေအတွက်လည်း ကျဆင်းလာစေရာ ဒီလိုသာဆက်ဖြစ်နေပါက စစ်ရေးလည်ပတ်မှုတွေမှာ အခက်အခဲရှိလာနိုင်တယ်လို့ ကာကွယ်ရေးဝန်ကြီးဌာနက တင်ပြထားပါတယ်။

▪️ ၂၀၀၀ ခုနှစ်အစောပိုင်းကစလို့ စစ်ရေးအင်အား ပုံမှန်ကျဆင်းလာကာ ၆၉၀,၀၀၀ ခန့် ဖြစ်လာပါတယ်။

▪️ ၂၀၁၀ နှောင်းပိုင်းမှာ ကျဆင်းနှုန်းမြန်လာပြီး ၂၀၁၉ မှာ စစ်မှုထမ်းနဲ့ အရာရှိအရေအတွက် ၅၆၃,၀၀၀ ခန့် ဖြစ်လာပါတယ်။

▪️ ရန်ဘက်မြောက်ကိုရီးယားကတော့ ၂၀၂၂ ခန့်မှန်းချက်အရ စစ်မှုထမ်းအင်အား ၁.၂ သန်းရှိမယ်လို့ ယူဆရပါတယ်။

▪️ စစ်မှုထမ်းစနစ်အတွက် အကျုံးဝင်တဲ့ အသက်အရွယ်အပိုင်းအခြားဖြစ်တဲ့ အသက် ၂၀ ဝန်းကျင် အမျိုးသားဦးရေဟာ ၂၀၁၉ နဲ့ ၂၀၂၅ အတွင်းမှာ ၃၀ ရာခိုင်နှုန်း ကျဆင်းသွားပါတယ်။

၂၀၂၅ မှာ တောင်ကိုရီးယား စစ်အသုံးစရိတ်က ၆၁ ထရီလီယံဝမ်ကျော် ရရှိထားပြီး မြောက်ကိုရီးယားစီးပွားရေးထက် ပိုများနေပါတယ်။

▪️ ကာကွယ်ရေးအဆင်သင့် ထိန်းသိမ်းနိုင်ရေးအတွက် လုံလောက်တဲ့ တပ်သားအင်အားရရှိဖို့ ၅ သောင်းခန့် လျော့နည်းနေဆဲ ဖြစ်ပါတယ်။
တောင်ကိုရီးယားက ကမ္ဘာပေါ်မှာ သက်ကြီးအရေအတွက် အများဆုံးတွေထဲက တစ်နိုင်ငံဖြစ်ပြီး ၂၀၂၄ အတွင်း အမျိုးသမီးတစ်ဦးလျှင် ကလေးမွေးဖွားနှုန်းက ၀.၇၅ သာရှိပါတယ်။

▪️ ၂၀၂၀ မှာ လူဦရေး ၅၁.၈ သန်းရှိခဲ့ရာကနေ ၂၀၇၂ အရောက်မှာ ၃၆.၂ သန်းအထိ လျော့ကျသွားနိုင်တယ်လို့ ခန့်မှန်ထားပါတယ်။

Source: Reuters

#World_Health

Published 11 August 2025

▪️ အချို့သော အကြောင်းအရာတွေက ကလေးတွေမှာ အမြင်အာရုံပြဿနာများ ပိုဖြစ်စေနိုင်ပါတယ်။

▪️ ဖုန်း၊ ကွန်ပျူတာအကြည့်များခြင်း၊ ပြင်ပလှုပ်ရှားမှု နည်းပါးခြင်း၊ အာဟာရဓာတ်ချို့တဲ့ခြင်း၊ မျိုးဗီဇများကြောင့် ဖြစ်နိုင်ပါတယ်။

▪️ ဒါပေမဲ့ ကျန်းမာရေးနဲ့ ညီညွတ်တဲ့ အလေ့အကျင့်တွေကလည်း ကလေးတွေရဲ့ မျက်လုံးပြဿနာများကို ဖြစ်နိုင်ခြေ လျှော့ချပေးနိုင်ပါတယ်။

▪️ (၁) ဖုန်း၊ ကွန်ပျူတာအကြည့်များခြင်းက အဝေးမှုန်လက္ခဏာ ဖြစ်နိုင်တာကြောင့် မိနစ် ၂၀ ကြာတိုင်း ပေ ၂၀ အကွာကို စက္ကန့် ၂၀ ကြည့်ပေးရပါမယ်။

▪️ (၂) နေ့စဉ် ၁ - ၂ နာရီခန့် အပြင်ထွက်ဆော့ကစားခိုင်းခြင်းဖြင့် အဝေးမှုန်လက္ခဏာ အဖြစ်နည်းနိုင်ပါတယ်။

▪️ (၃) ကလေးတွေ စာဖတ်တဲ့အခါ အလင်းရောင်ကောင်းကောင်းရအောင် ဖန်တီးပေးပါ။

▪️ (၄) စာအုပ်တွေ၊ ဖန်သားပြင်တွေ ကြည့်တဲ့အခါမှာ အနည်းဆုံး ၁၂ - ၁၆ လက်မခန့်အဝေးမှာထားပြီး ကြည့်ခိုင်းပါ။

▪️ (၅) မကြာခဏ မျက်တောင်ခတ်ခြင်း၊ မျက်လုံးကြွက်သားများ သန်မာစေရန် အဝေးကြည့် အနီးကြည့် ပြောင်းကြည့်ခိုင်းခြင်းစသဖြင့် မျက်လုံးလေ့ကျင့်ခန်းများ ပြုလုပ်ခိုင်းပါ။

▪️ (၆) ဗိုက်တာမင်-အေ၊ စီ၊ အီး၊ ဇင့်၊ အိုမီဂါ-၃ ဖက်တီးအက်ဆစ်များပါဝင်တဲ့ အစားအစာတွေက မျက်လုံးလုပ်ဆောင်ချက် ထောက်ပံ့ပေးပါတယ်။

▪️ (၇) လုံလောက်စွာ အိပ်ခြင်းက မျက်လုံးကျန်းမာရေးအတွက် အရေးကြီးပြီး ကောင်းစွာ အနားမရပါက အမြင်အာရုံကျဆင်းနိုင်ပါတယ်။

▪️ (၈) ရေဓာတ်ခန်းခြောက်ရင် မျက်လုံးခြောက်သွေ့နိုင်တာကြောင့် ကလေးတွေကို ရေပုံမှန်သောက်ခိုင်းပါ။

▪️ (၉) ကလေးတွေက မျက်လုံးကို ညစ်ပေတဲ့လက်ဖြင့် ပွတ်တတ်ကြပြီး ရောဂါပိုးဝင်နိုင်တာကြောင့် လက်တွေကို သန့်ရှင်းစင်ကြယ်အောင် ဂရုစိုက်ခိုင်းရပါမယ်။

▪️ (၁၀) မျက်လုံးပြဿနာတွေက အစောပိုင်းအဆင့်မှာ လက္ခဏာမပေါ်တာကြောင့် မျက်လုံးကို ပုံမှန်စစ်ဆေးပေးသင့်ပါတယ်။

Source: DoctorNDTV.

#World_Science

Published 11 August 2025

▪️ ကနေဒါ ကွီဘက်မြောက်ပိုင်း ဝေးလံတဲ့နေရာမှာ သက်တမ်းနှစ်ပေါင်း ၄ ဘီလီယံကျော်ရှိတဲ့ ကမ္ဘာ့အပေါ်ယံလွှာအပိုင်းအစတွေကို သိပ္ပံပညာရှင်များ တွေ့ရှိခဲ့ပါတယ်။

▪️ NGB ကျောက်ဖွဲ့စည်းပုံထဲက ရှေးဟောင်းကျောက်တုံးတွေဖြစ်ပြီး တွေ့ဖူးသမျှထဲမှာ သက်တမ်းအရင့်ဆုံးကျောက်တုံးတွေ ဖြစ်ပါတယ်။

▪️ အော့တာဝါတက္ကသိုလ်မှ ဘူမိပညာရှင် ဂျိုနသန်အိုနေးလ်က ၂၀၀၈ မှာ သုတေသနအဖွဲ့နဲ့အတူ ကျောက်တုံးတွေတွေ့ရှိခဲ့ပြီး သက်တမ်း ၄.၃ ဘီလီယံရှိတယ်လို့ တင်ပြခဲ့ပါတယ်။

▪️ ဒါတွေကိုပဲ နောက်ထပ်လေ့လာမှုပြုလုပ်ရာမှာ ကျောက်ရည်ပူတွေက လက်ရှိကျောက်အလွှာတွေ ပိုင်းဖြတ်လိုက်ပြီး မာကြောသွားပါတယ်။

▪️ မီးတောင်လှုပ်ရှားမှုနဲ့ အပူချိန်ပြင်းထန်တဲ့ Hadean eon ခေတ်တုန်းက ဖြစ်ပေါ်ခဲ့တဲ့ ကျောက်တုံးတွေဟာ ကမ္ဘာ့အစောဆုံးအပေါ်ယံလွှာ ဖြစ်ပေါ်ခြင်းအကြောင်း သိရှိလာစေနိုင်ပါတယ်။

▪️ ဒီလိုတွေ့ရှိချက်တွေကြောင့် သက်ရှိတွေဟာ ယခင်ထင်ထားတာထက် ပိုပြီးစောနိုင်တယ်လို့ ကောက်ချက်ချနိုင်ပါတယ်။

▪️ Nuvvuagittuq Greenstone Belt ကတော့ Hadean eon ရဲ့ ဘူမိမှတ်တမ်းတွေကို ထောက်ပြနိုင်ကာ သိပ္ပံပညာရှင်တွေအနေနဲ့ အစောပိုင်းဘူမိရွေ့လျားမှုဖြစ်စဉ်တွေနဲ့ သက်ရှိတွေအစပြုတဲ့ ပတ်ဝန်းကျင်ကို နားလည်နိုင်စေမှာ ဖြစ်ပါတယ်။

▪️ ဒါတွေနဲ့ပတ်သက်ပြီး ဒေသတွင်း အဖွဲ့အစည်းတွေက နယ်မြေထိန်းသိမ်းဖို့နဲ့ ပတ်သက်ပြီး စိုးရိမ်လာကြပါတယ်။

Source: ExplorersWeb.

မြန်မာ့ ထိပ်တန်း ဒစ်ဂျစ်တယ် ဖျော်ဖြေရေးပလက်ဖောင်းဖြစ်သော TV360 by Mytel ကို ၂၀၂၅ခုနှစ် ဩဂုတ်လတွင် သုံးစွဲသူများထံသို စတင်မိတ်ဆက်လိုက်ပြီဖြစ်သည်။

TV360 ဆိုသည်မှာ မြန်မာနိုင်ငံရှိ သုံးစွဲသူများအတွက် ကဏ္ဍစုံလင် ရသစုံလင်သော ဖျော်ဖြေမှုပေါင်းမျိုးစုံကို တစ်နေရာတည်းမှာတင် ကြည့်ရှုခံစားနိုင်မည့် OTT TV Application တစ်ခုဖြစ်ပြီး ဖုန်းနံပါတ်တစ်လုံးရှိရုံဖြင့် အကောင့်တစ်ခုကို လွယ်ကူရိုးရှင်းစွာ ဖြည့်သွင်းအကောင့်ဖွင့်ပြီးနောက် များစွာသော ရုပ်သံဖျော်ဖြေရေး ပေါင်းစုံကို တစ်နေရာတည်းတွင် စိတ်ကြိုက် ကြည့်ရှုနိုင်မည်ဖြစ်သည်။

TV360 အက်ပလီကေးရှင်းတွင် ကလေးများအတွက် ပညာရေးဆိုင်ရာ သင်ကြားပိုချမှုများ၊ အပန်းဖြေရန် ကာတွန်းကားပေါင်းများစွာကို ကြည့်ရှုနိုင်သလို လူငယ်တွေအကြိုက် LiveTV၊ အားကစားမျိုးစုံ၊ Esports၊ အလှအပဆိုင်ရာ၊ ဂီတ၊ Karaoke၊ အစားအသောက်များ၊ Discovery ၊ နာမည်ကြီး ကိုရီးယားဒရာမာများ၊ ရုပ်ရှင်ဇာတ်ကားပေါင်းစုံ နှင့် စိတ်ဝင်စားဖွယ်ရာ ရုပ်သံလိုင်းများအပြင် လူကြီးများအတွက် တရားဓမ္မများ၊ လွမ်းမောတသဖွယ် ခေတ်ဟောင်းရုပ်ရှင်ကောင်းများ အစရှိသဖြင့် အစုံလင်တကာ့အစုံလင်ဆုံး ချန်နယ်လိုင်းပေါင်းများစွာ တစ်နေရာတည်းတွင် ရရှိနိုင်မည်ဖြစ်သည်။

ထို့ပြင် နိုင်ငံပေါင်းစုံမှ အမျိုးအစားစုံလင်သည့် ရုပ်ရှင်အများအပြားကို စာတန်းထိုးဖြင့် တဝကြီး စိတ်ကြိုက် ကြည့်ရှုခံစားရမည်ဖြစ်ပြီး အချိန်နှင့်တပြေးညီလွှင့်နေသည့် ကိုရီးယားဇာတ်လမ်းတွဲများကိုလည်း TV360 တွင် ကြည့်ရှုနိုင်မည်ဖြစ်သည်။

TV360 တွင် ထုတ် လွှင့်ပြီးသား TV Show များကိုပြန်လည်ကြည့်ရှုနိုင်သကဲ့သို မိမိ ကြည့်ရှုလိုသည့်ဇာတ်ကားများကိုလဲ နောက်မှ ကြည့်ရှုရန် Save Later လုပ်ထားနိုင်ခြင်း၊သိုမဟုတ် ကြည့်လိုသည့်ဇာတ်ကား၊ ဗီဒီယိုများကို Download လုပ်ထားကာ Offline Mode တွင် ကြည့်ရှုနိုင်မည်ဖြစ်သည်။
ဖုန်း အမျိုးအစားအစုံအလင် အပြင် Tablet, Laptop, TV အစရှိသည့် Device ပေါင်းစုံမှလည်း ဝင်ရောက်ထားနိုင်ပြီး
Fortune TV, Mahar, MRTV, MRTV-4 နှင့် Channel7 အစရှိသည့် ချန်နယ်များကို တစ်နေရာတည်းတွင် အချိန်မရွေး ဖုန်းထဲမှ ကြည့်ရှုနိုင်မည်ဖြစ်သည်။
အဆိုပါ Appကို Google Play Store နှင့် Apple App Store နှစ်မျိုးလုံးတွင် Download ရယူနိုင်မည်ဖြစ်သည်။

အခုဘဏ္ဍာနှစ် လေးလတာအတွင်း UK နိုင်ငံအပါအဝင် ပြည်ပနိုင်ငံတွေကို ဆန်နဲ့ဆန်ကွဲတန်ချိန် ရှစ်သိန်းကျော်တင်ပို့ထားတယ်လို့

မြန်မာနိုင်ငံဆန်စပါးအသင်းချုပ် MRF က သိရပါတယ်။

#Local_News
Published 09 August 2025
#ဆန်နဲ့ဆန်ကွဲတန်ချိန် #မြန်မာနိုင်ငံဆန်စပါးအသင်းချုပ်
#YMG/NN #Yangon_Times

#World_Health

▪️ Published 10 August 2025
ဒီဂျစ်တယ်ဖန်သားပြင်တွေက နေ့စဉ်နေထိုင်မှုဘဝရဲ့ အစိတ်အပိုင်းအားလုံးနီးပါးမှာ ပါဝင်လာတဲ့အခါ မျက်ကြောတင်းခြင်းနဲ့ ရေရှည်ထိခိုက်မှု ဖြစ်လာနိုင်တာတွေကို ဆရာဝန်တွေနဲ့ သုတေသီတို့ သတိပေးလာကြပါတယ်။
မျက်စိတွေကို အနားမပေးဘဲ ဘယ်လောက်ကြာကြာ ကြည့်နိုင်လဲဆိုတာက အဓိကပြဿနာဖြစ်တယ်လို့ Sharp Sight Eye ဆေးရုံမှ ပူးတွဲတည်ထောင်သူ ဒေါက်တာကာမယ်ကာပူရ်က ပြောပါတယ်။

▪️ နှစ်နာရီကျော်ကြာတဲ့အထိ မျက်စိအနားမပေးဘဲ ဒီဂျစ်တယ်ဖန်သားပြင် ကြည့်ရှုခြင်းက မျက်စိထိခိုက်နိုင်ခြေရှိတယ်လို့ ဆိုပါတယ်။

▪️ အထူးသဖြင့် ကလေးတွေဟာ မျက်စိမသက်မသာဖြစ်တာကို မပြောပြတတ်ဘဲ မျက်လုံးပွတ်ခြင်း၊ အနားကပ်ကြည့်ခြင်းတို့ လုပ်တတ်ကြပါတယ်။
ကြာလာတဲ့အခါ ဒါတွေက မျက်လုံးမှာ ပြဿနာတွေ ဖြစ်လာစေပါတယ်။

▪️ ကျောင်းသားတွေနဲ့ BMC Ophthalmology လေ့လာချက်ပြုလုပ်ရာမှာ ၃ ပုံ ၁ ပုံလောက်က အွန်လိုင်းသင်ခန်းစာသင်ယူချိန်အတွင်း အမြင်အာရုံ မသက်မသာဖြစ်ကြတယ်လို့ တွေ့ရှိထားပါတယ်။

▪️ ဒါတွေဟာ အနီးကပ်အာရုံစိုက်ကြည့်ခြင်း၊ မျက်တောင်မခတ်ခြင်း၊ ကိုယ်နေဟန်ထား မမှန်ခြင်း၊ အလင်းရောင်မလုံလောက်ခြင်းတို့နဲ့ သက်ဆိုင်နေပါတယ်။

▪️ နောက်ထပ်စိုးရိမ်စရာတစ်ခုက ကလေးဘဝတည်းက အဝေးမှုန်လက္ခဏာ ဖြစ်လာနိုင်တာပါပဲ။

▪️ ကွန်ပျူတာ၊ ဖုန်းဖန်သားပြင်တို့ကို ကြည့်တဲ့အခါ မိနစ် ၂၀ ကြာတိုင်း ပေ ၂၀ အကွာသို့ စက္ကန့် ၂၀ ခန့် ကြည့်ရှုတဲ့နည်းလမ်းကို ကျင့်သုံးသင့်တယ်လို့ ဒေါက်တာကာပူရ်က ပြောသွားပါတယ်။

▪️ ဒါ့အပြင် မျက်လုံးက ဖန်သားပြင်နဲ့ တစ်တန်းတည်းထားသင့်ပြီး အခန်းတွေကို သေချာအလင်းရောင်ရစေကာ ကိုယ်နေဟန်ထား ထိန်းသိမ်းထားရမယ်လို့ အကြံပေးထားပါတယ်။

Source: India Today

#World_Health

Published 10 August 2025

▪️ အမေရိကန်အများစုဟာ သွားတိုက်တဲ့နေရာမှာ ယုံတမ်းစကားတွေကြောင့် မှားယွင်းစွာ ပြုမူနေကြပါတယ်။

▪️ သွားတိုက်မျှင်မာကြောရင် ပိုမိုသန့်စင်ပေးနိုင်တယ်လို့ ယုံကြည်နေကြပြီး ဒါဟာ သွားကြွေလွှာပျက်စီးစေပါတယ်။

▪️ ဒါ့အပြင် သွားဖုံးတွေက သွားဆီကနေဆွဲထုတ်သလိုဖြစ်ပြီး သွားရှည်ထွက်လာနိုင်တယ်လို့ ယုံကြည်နေကြပါတယ်။

▪️ ပျော့ပျောင်းတဲ့ သွားတိုက်မျှင်တွေက သွားတွေအတွက် ဘေးကင်းစိတ်ချရပြီး အမျှင်ပျော့ပျောင်းတဲ့ လျှပ်စစ်သွားတိုက်တံတွေဆိုရင် ပိုမိုခိုင်ခံ့ကြပါတယ်။

▪️ အရမ်းကြီးဖိတိုက်တာမျိုးက သွားဖုံးတွေ ထိခိုက်စေတာကြောင့် ပုံမှန်လေး သွားတိုက်တတ်ဖို့က အရေးကြီးပါတယ်။

▪️ အသုံးမဝင်တော့တဲ့ ခံတွင်းကျန်းမာရေး အလေ့အကျင့်တွေထဲမှာ တစ်နေ့တစ်ကြိမ် သွားတိုက်ခြင်း၊ သွားကြား သန့်ရှင်းရေးမလုပ်ခြင်း၊ သွားမနာရင် သွားဆေးခန်းမသွားခြင်းတို့ ပါဝင်ပါတယ်။

▪️ ယနေ့ခေတ် ဖလိုရိုက်သုတေသနမှာတော့ ကြွေလွှာကို ကာကွယ်ပေးရုံမက သွားထဲက အာဟာရဓာတ်များကို ထိန်းသိမ်းပေးကာ သတ္တုဓာတ်ကြွယ်ဝနေစေပါတယ်။

▪️ မနက်စာမစားခင် သွားတိုက်တာထက်စာရင် အစားစားပြီးတဲ့အခါ သွားတိုက်ခြင်းက ဘက်တီးရီးယားများ တိုက်ဖျက်ပေးပြီး သွားပိုးစားခြင်းမှ ကာကွယ်ပေးတယ်လို့ သွားဆရာဝန်များ အကြံပြုထားပါတယ်။

Source: New York Post.

ရှန်ဟိုင်း ရှုဟွေ့ခရိုင်မှာရှိတဲ့ တရုတ်ပြည်ရဲ့ ပထမဆုံး အိမ်မွေးတိရိစ္ဆာန် ကိုယ်ကာယခန်းမ Gogogym မှာ ဖောက်သည်တွေ လက်ခံနေရပြီ ဖြစ်ပါတယ်။

#Asia_Animal
Published 09 August 2025
#အိမ်မွေးခွေး #ကြံ့ခိုင်‌ရေးနှင့်ကျန်းမာရေးစောင့်ရှောက်မှု
#YMG #Yangon_Times #Yangon_Media_Group

#Daily_News

Published 09 August 2025

၁။‎မသန်စွမ်းကလေးများ ထောက်ပံ့ကြေးလျှောက်ထားနိုင်
‎
‎၂။ ‌‎‎မြန်မာ - အီဂျစ်နှစ်နိုင်ငံအကြား စိုက်ပျိုးမွေးမြူရေး ပူးပေါင်း ဆောင်ရွက်ရန် MoUရေးထိုးမည်
‎
၃။‎ဓာတ်ဆီဈေးတက်ပြီးဒီဇယ်ဈေး အနည်းငယ်ကျ
‎
‎၄။ ‎ ‎အိမ်မွေးခွေးများအတွက်ကြံ့ခိုင်‌ရေးနှင့်ကျန်းမာရေးစောင့်ရှောက်မှုအားလုံးပါဝင်သည့် ကိုယ်ကာယခန်းမစတင်ဖွင့်လှစ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group