နေပြည်တော်ရှိ ရေပန်းဥယျာဉ်ကို Royal Gardenအဖြစ် အဆင့်မြင့်တင်ဆောင်ရွက်နေရာမှာ ငွေကျပ် ၁၅ဘီလျံကျော်အကုန်အကျခံဆောင်ရွက်နေတယ်လို့ သိရပါတယ်။
#Local_News
Published  14 February 2025
#ရေပန်းဥယျာဉ်ကိုအဆင့်မြှင့်တင် #ကျပ်၁၅ဘီလျံ‌ကျော်အသုံးပြု
#YMG/SW #Yangon_Times

#Local_News
Published 14 February 2025

▪️ တရုတ်နှင့်ထိုင်းငွေကြေးများဖြစ်သည့် ယွမ်နှင့်ဘတ် ၁၁သိန်းကျော် ကိုမြန်မာနိုင်ငံတော် ဗဟိုဘဏ် မှ ယမာန်နေ့က ထုတ်ရောင်းလိုက်ကြောင်းသိရသည်။

▪️ ထိုသို့ရောင်းချရာတွင် ငွေလဲနှုန်း ၅၄၂ ကျပ်ဖြင့်  တရုတ်ယွမ် ၅၄၈,၄၂၈ ကို မြန်မာနိုင်ငံတော်ဗဟိုဘဏ်က ဖေဖော်ဝါရီလ (၁၃) ရက်နေ့တွင်  ထုတ်ရောင်းခဲ့ခြင်းဖြစ်သည်။

▪️ ထို့အပြင် ငွေလဲနှုန်း ၁၃၁ ဒသမ ၅ ကျပ်ဖြင့်  ထိုင်းဘတ် ၅၉၇,၅၂၈ ကိုလည်း ရောင်းပေးခဲ့ကြောင်း သိရသည်။

▪️ ထို့အပြင် AD လိုင်စင်ရဘဏ်များနှင့်  လုပ်ငန်းရှင်များအကြား အမေရိကန်ဒေါ်လာ ၁၃.၃၁၈ သန်း၊ တရုတ်ယွမ် ၉၄၅,၅၈၆၊ ထိုင်းဘတ် ၁၃.၄၁၃ သန်းနှင့် အိန္ဒိယရူပီး ၄.၃၄၂ သန်း အလွှဲအပြောင်းရှိခဲ့ကြောင်း သိရသည်။

#YMG/NN #Yangon_Times

#World_News
Published 14 February 2025

▪️ အမေရိကန်သမ္မတ ဒေါ်နယ်ထရမ့်က အမေရိကန် နိုင်ငံခြားရေးသံတမန်အဖွဲ့ကို မွမ်းမံပြင်ဆင်ဖို့ ကြိုးပမ်းနေရာမှာ ထရမ့်အစိုးရအုပ်ချုပ်ရေးအဖွဲ့က ကမ္ဘာတဝှမ်းမှ အမေရိကန်သံရုံးများကို ဝန်ထမ်းလျှော့ချရန် ပြင်ဆင်ထားဖို့ ပြောကြားထားကြောင်း သတင်းနီးစပ်သူ ၃ ခုက ရိုက်တာသတင်းဌာနထံ ကြာသပတေးနေ့က ပြောခဲ့ပါတယ်။

▪️ သံရုံးတွေအနေနဲ့ အမေရိကန်နိုင်ငံသား ဝန်ထမ်းရော သက်ဆိုင်ရာနိုင်ငံမှ ဝန်ထမ်းမှာပါ ၁၀ ရာခိုင်နှုန်းစီ လျှော့ချသွားဖို့ မှာကြားခံထားရကာ ဝန်ထမ်းအင်အားစာရင်းကို နိုင်ငံခြားရေးဌာနသို့ သောကြာနေ့အမီ ပို့ပေးရမှာဖြစ်ပြီး အဲဒီနောက် ဆက်လက်လုပ်ဆောင်သွားမှာ ဖြစ်ပါတယ်။

▪️ အမေရိကန်သံရုံးတွေမှာက သံတမန်တွေရော ပြည်တွင်းဝန်ထမ်းတွေပါ အလုပ်ခန့်အပ်ထားပြီး သံရုံးဝန်ထမ်းအများစုက အိမ်ရှင်နိုင်ငံမှဖြစ်ကြောင်း အမေရိကန် သံတမန်ရေးရာ အမျိုးသားပြတိုက်က ဆိုပါတယ်။

▪️ အမေရိကန် နိုင်ငံခြားရေးဌာနမှ ဒီမိုကရေစီဗျူရို၊ လူ့အခွင့်အရေးနှင့် အလုပ်သမားရေးရာတို့ရှိ ကန်ထရိုက် ၆၀ ခန့်ကို လတ်တလော ရက်သတ္တပတ်များအတွင်း အဆုံးသတ်လိုက်ပြီး အခြားဗျူရိုတွေမှာလည်း နောက်ထပ်ဖြတ်တောက်လျှော့ချမှုများ ရှိလာနိုင်သေးတယ်လို့ အမေရိကန်အရာရှိတစ်ဦးက ပြောပါတယ်။

▪️ အမေရိကန်သံရုံးတွေကို ဝန်ထမ်းလျှော့ချရန် စတင်စီစဉ်ဖို့ ပြောလိုက်တဲ့အကြောင်းကို ABC News သတင်းဌာနက အရင်ဆုံးဖော်ပြခဲ့တာ ဖြစ်ပါတယ်။

▪️ ထရမ့်က နိုင်ငံခြားရေး သံတမန်အဖွဲ့ကို ပြင်ဆင်မွမ်းမံဖို့ ကြိုးစားနေရာမှာ သူ့ရဲ့ နိုင်ငံခြားရေးမူဝါဒ လမ်းစဉ်အတိုင်း ယုံကြည်ထိရောက်စွာ အကောင်အထည်ဖော်ရေးအတွက် နိုင်ငံခြားရေးဌာနဝန်ကြီး မာကိုရူဘီယိုကို အမိန့်ထုတ်ပြန်ညွှန်ကြားထားပါတယ်။

▪️ ထရမ့်ဟာ သစ္စာမစောင့်သိဘူးလို့ ယူဆရတဲ့ ဗျူရိုကရက်တွေကို အလုပ်ထုတ်ပစ်ပြီး သန့်ရှင်းသွားမယ်လို့ အကြိမ်ကြိမ်ဆိုထားပါတယ်။

▪️ ထရမ့်ဟာ ဇန်နဝါရီ ၂၀ ရက်နေ့ သမ္မတတာဝန်ယူတဲ့နေ့ကစပြီး 'အမေရိကသာ ပထမ'ဆိုတဲ့ သူ့ရဲ့မူဝါဒများအတိုင်း လုပ်ဆောင်နေတာ ဖြစ်ပါတယ်။

#Source: Reuters

#Local_News
Published 14 February 2025

▪️ မြောက်ဉက္ကလာပမြို့နယ်၊ အောင်မင်္ဂလာအဝေးပြေးအနီးရှိ  သီရိရတနာစျေး၌ မီးလောင်မှုတစ်ခု ယနေ့မနက် အစောပိုင်း၌ ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှသိရသည်။

▪️ ဖြစ်စဉ်မှာ ဖေဖော်ဝါရီ  ၁၄ ရက်နေ့၊ မနက်၃နာရီ  ၅၀မိနစ် အချိန်ခန့်က  ရန်ကုန်တိုင်းဒေသကြီး၊ မြောက်ဉက္ကလာပမြို့နယ်၊  သီရိရတနာဈေးတွင် မီးလောင်မှုဖြစ်ပွားခဲ့ကြောင်းသိရသည်။

▪️ "အောင်မင်္ဂလာအဝေးပြေးမရောက်ခင် တမှတ်တိုင် စိုက်ပျိုးရေးမှတ်တိုင် အနောက်ကသီရိရတနာစျေးဝန်းမှာ  မီးလောင်တာပါ ၊  မီးလောင်အချိန်သိပ် မကြာဘူး "ဟု ဒေသခံတစ်ဦးကပြောသည်။

▪️ အဆိုပါ  သတင်းရရှိသဖြင့်  မြောက်ဉက္ကလာပမြို့နယ်မီးသတ်စခန်းမှ မီးသတ်ယာဉ်များထွက်ခွာငြိမ်းသတ်ခဲ့ရာ၄ နာရီ၁၀ မိနစ်အချိန်၌  မီးထိန်းနိုင်ခဲ့ပြီး ၄နာရီ ၁၃မိနစ် အချိန်၌  မီးငြိမ်းနိုင်ခဲ့‌ကြောင်း သိရသည်။

▪️ မီးလောင်မှုဖြစ်စဉ်နှင့်ပျက်စီးဆုံးရှုံးမှုတန်ဖိုးများအားဆက်လက်စုံစမ်းနေကြောင်းသိရသည်။

#YMG/NN #Yangon_Times

#Local_News
Published 14 February 2025

▪️ ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်းလိုင်စင်နှင့် ပတ်သက်၍ သတ်မှတ်ကာလအတွင်း လုပ်ငန်းလိုင်စင်များကို လျှောက်ထားရန်နှင့် လျှောက်ထားခြင်း မရှိ(မရှိ)သောသူများသည် အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ ၅ နှင့်အညီ အရေးယူခြင်း ခံရမည်ဖြစ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ထပ်မံအသိပေး ကြေညာထားသည်။

▪️ "လိုင်စင်က လျှောက်တော့ လျှောက်နေကြပါတယ်။ လုပ်ဆောင်ရမယ့် စာရွက်စာတမ်းများတော့ တချို့ကြန့်ကြာနေတာလေးတွေတော့ရှိပါတယ်" ဟု ရန်ကုန်တိုင်းဒေသကြီးရွှေလုပ်ငန်းရှင်များအသင်းမှ တာဝန်ရှိသူတစ်ဦးကပြောသည်။

▪️ ဓာတ်သတ္တု(ရွှေ) ရောင်းဝယ်ခြင်း ဝန်ဆောင်မှုလုပ်ငန်းလိုင်စင်ကို ၁၈-၁၁-၂၀၂၄ ရက်နေ့မှ ၁၇-၂-၂၀၂၅ ရက်နေ့အထိ (၃)လအတွင်း နောက်ဆုံး လျှောက်ထားရမည့်ရက်သည် ပြည့်မြောက်တော့မည်ဖြစ်သဖြင့် သတ်မှတ်ကာလအတွင်း လုပ်ငန်းလိုင်စင်များကို လျှောက်ထားရန်နှင့် လျှောက်ထားခြင်း မရှိ(မရှိ)သောသူများသည် အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ ၅ နှင့်အညီ အရေးယူခြင်းခံရမည်ဖြစ်ကြောင်း သိရသည်။

▪️ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနအနေဖြင့်ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်း လုပ်ကိုင်ဆောင်ရွက်လိုသူများအား လုပ်ငန်းလိုင်စင် လျှောက်ထားမှုကို ၁၈-၁၁-၂၀၂၄ ရက်နေ့မှ စတင်လျှောက်ထားရန် ၇-၁၁-၂ဝ၂၄ ရက်နေ့ထုတ် သတင်းစာများတွင် ကြေညာထားရှိပြီး ဖြစ်သောကြောင့် အဆိုပါလျှောက်ထားမှုများကို ၁၇-၂-၂၀၂၅ ရက်နေ့ထိ (၃)လအတွင်း နောက်ဆုံးထား လျှောက်ထားရန်နှင့် လျှောက်ထားခြင်း မရှိ(မရှိ)သောသူများသည် အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၅ နှင့်အညီ အရေးယူခြင်းခံရမည်ဖြစ်ကြောင်း ၁၁-၁၂-၂၀၂၄ ရက်နေ့ထုတ် သတင်းစာများတွင် အသိပေးကြေညာခဲ့ပြီးဖြစ်ကြောင်း သိရသည်။

#YMG/SW #Yangon_Times

#Local_News
Published 14 February 2025

▪️ ရုပ်ရှင်သရုပ်ဆောင် ဒေါ်မြင့်မြင့်ခိုင်(ခ) ဒေါ်မြင့်မြင့်ကြူ ၏  KBZ bank Special account Mobile banking မှ သိန်း ၁၂၀ ကျော် ကို ၁၂.၂.၂၀၂၅ မနက် ၁၁:၃၀ တွင်  အကောင့်ဟက်ခံရပြီး တခြားအကောင့်ထဲသို့ လွှဲသွင်းခံလိုက်ရကြောင်း သိရသည်။

▪️ ရုပ်ရှင်သရုပ်ဆောင်ဒေါ်မြင့်မြင့်ခိုင်၏ သမီးဖြစ်သူက ဖူးမေမေ ရုပ်ရှင်သရုပ်ဆောင် ဒေါ်မြင့်မြင့်ခိုင် (ခ) ဒေါ်မြင့်မြင့် ကြူ ရဲ့ **(Kpay မဟုတ်!!) KBZ bank Special account Mobile banking** က နေ မှ သိန်း ၁၂၀ ကျော် ကို ၁၂.၂.၂၀၂၅ မနက် ၁၁:၃၀ မှာ အကောင့်ဟက်ခံလိုက်ရပြီးတခြားအကောင့်ထဲကိုလွှဲသွင်းခံလိုက်ရပါတယ်ရှင်! OTP ကုတ်ကို MPT SIM card ထဲကျလာတဲ့ အချိန်မှာတော့ ဖူးမေမေက ဆေးခန်းမှာရှိနေခဲ့ပီး message ကို အဲ့အချိန်နဲ့ သိပ်မကြာခင်အိမ်ပြန်ရောက်တဲ့အချိန်တွေ့လိုက်တဲ့အချိန်မှာ ဘဏ်အကောင့်ထဲဝင်စစ်ကြည့်တော့သိန်း ၁၂၁ သိန်း ၉ သောင်း ၄ ထောင်က ဖူးတို့လုံးဝမသိတဲ့အကောင့်တခုထဲလွှဲထားပါတယ်! သိသိချင်း ကျန်ငွေ တွေကိုတော့ ဖူးအကောင့်ထဲအမြန်လွှဲခဲ့လို့ သိန်း၁၂၀ ကျော်ပါသွားတယ်ပဲမှတ်ပါတယ်။

▪️ မေမေက KBZ bank မှာ လွန်ခဲ့တဲ့တလကမှ လုပ်ငန်းသုံးကိစ္စလေးရှိလို့ Special အကောင့် ဖွင့်ထားတာပါ! တလ မပြည့်ခင်ဒီလိုဖြစ်တာကိုခံလိုက်ရပါတယ်ရှင်! သတင်းတွေကြားနေကျမို့ သတိကြီးကြီးထားနေရင်း နဲ့မှဖြစ်လို့ စိတ်မကောင်းဖြစ်ရပါတယ်! Kpay နဲ့ အဲ့ဒီအကောင့်ကိုလဲလုံးဝ Link မလုပ်ထားပါ! OTP လဲဘယ်သူမှမပေးပါ! ပိုသေချာတာက အကောင့်အသစ်မို့ အဲ့ထဲက Transactions ဆိုတာက ဖူးအကောင့်တခုထဲကိုပဲလွှဲထားတာဖြစ်တဲ့အတွက် အဲ့ဒီ transaction အသစ် က အရမ်းကို သိသာပါတယ်!! Facebook တောင်မေမေက သိပ်မသုံးတဲ့သူမို့ ဘာLink မှလဲ မနှိပ်မိပါဘူးရှင်!

▪️ ဖူးတို့ သိန်း၁၂၀ ကျော်ပါသွားတာသိရခြင်းခြင်း call center ကိုလဲဆက်သွယ်ခဲ့ပါတယ်! ဘဏ်သွားမယ်လုပ်ပေမယ့် ဘဏ်ပိတ်ရက်မို့ ဘဏ်ကဒီနေ့ ၁၃ ရက်နေ့ မှာ ရုံးချုပ်ကိုသွားခဲ့ပါတယ်!! Fraud case ကိုလွှဲပေးမယ်ပဲပြောခဲ့ပါတယ်.ရဲစခန်းမှာအမှုဖွင့်ရမယ်ပြောပါတယ်! ရဲစခန်းလဲသွားခဲ့ပါတယ်ရှင်! ဖူးတို့ရဲ့ အားနည်းချက်တခုကတော့ ရဲစခန်းမှ ပြစ်မှုဖွင့်ပါလို့ပြောပေမယ့် မေမေ့ဖုန်းက လုပ်ငန်းကိစ္စတွေ ရှိနေတဲ့အတွက်အမှုဖွင့်ရင် ဖုန်းပေးလိုက်ရပြီး ကြာနိုင်လို့မဖွင့်ခဲ့လိုက်ရတာကြောင့် အခုပိုက်ဆံသိန်း၁၂၀ ကျော်ကဆုံးပြီလို့ပဲသတ်မှတ်လိုက်ရတော့မယ်အခြေနေရှိပါတယ်! မေမေကလဲ အသက်ကြီး သူဖြစ်တဲ့ သူ မို့ ရေရှည် ကိစ္စတွေမဖြေရှင်းနိုင်တာတကြောင်းမို့ စောင့်ကြည့်ရမှာပါရှင့် ဟု ၎င်း၏ လူမှုကွန်ရက်တွင် ရေးသားထားသည်။

▪️ ပြီးခဲ့သည့် လပိုင်းက KBZ pay မှတဆင့်အကောင့်ဟက်ကာ ငွေကြေးခိုးယူခံရမှုများရှိခဲ့ခြင်းကြောင့် KBZ ဘဏ်က နည်းပညာပိုင်းပြင်ဆင်ဆောင်ရွက်ခြင်းနှင့် ငွေကြေးခိုးယူလွဲပြောင်းခံရသူများကို ငွေကြေးပြန်လည်စိုက်ထုတ်ပေးခြင်းတို့ကို ဆောင်ရွက်ပေးခဲ့ကြောင်း သိရသည်။

#YMG/SW #Yangon_Times

#World_Health
Published 14 February 2025

▪️ လူ ၆ ဦးမှာ ၁ ဦးနှုန်းနီးပါးလောက် ခံစားနေရတဲ့ စိတ်ကျရောဂါဟာ အဖြစ်အများဆုံး စိတ်ရောဂါတစ်မျိုးဖြစ်ပြီး လူသားတွေ စိတ်ဒုက္ခခံစားရတဲ့ အဓိကအကြောင်းအရင်းတစ်ခု ဖြစ်နေပါတယ်။

▪️ ဒါပေမဲ့ စိတ်ဓာတ်ကျခြင်း ဖြစ်ရတဲ့ အကြောင်းအရင်းတွေကို သိပ်ပြီးနားမလည်ဘဲ ဖြစ်နေကြပါတယ်။

▪️ ဂျေရုဆလမ် ဟီဘရူးတက္ကသိုလ်မှ စိတ်ပညာရှင်များက ရောင်ရမ်းခြင်းနဲ့ စိတ်ဓာတ်ကျခြင်းတို့ကြား ဆက်စပ်မှုကို လေ့လာဖော်ပြထားကြပြီး Neurotransmitterလို့ခေါ်တဲ့ အာရုံကြောဓာတ်များအကြောင်း ယူဆချက်တွေ ပါဝင်နေပါတယ်။

▪️ ဆယ်စုနှစ်များကြာအောင် သုတေသနလုပ်ထားရာမှာ ကိုယ်ခံအားစနစ် မမျှတခြင်းက စိတ်ဓာတ်ကျရောဂါ အဖြစ်နိုင်ဆုံးသူတွေမှာ လက္ခဏာများ ဖြစ်ပေါ်တတ်တယ်လို့ ယူဆထားပြီး ယခုသုတေသနက သမားရိုးကျ ကုသနည်းနဲ့ အလုပ်မဖြစ်သူတွေမှာ ရောင်ရမ်းခြင်းကို ကုသသွားမယ့်လမ်းစ ဖြစ်နေပါတယ်။

▪️ သမားရိုးကျ စိတ်ကျအခြေအနေ ယူဆချက်တွေမှာ ဆယ်ရိုတိုနင်နဲ့ နော်အက်ပီနက်ဖရင်းတို့လို အာရုံကြောဓာတ်တွေကို အလေးထားပြီး ဦးနှောက်ထဲက ထိုဓာတုပစ္စည်းများ ချို့တဲ့ပါက စိတ်ကျလက္ခဏာ ဖြစ်လာနိုင်တယ်လို့ ယူဆထားကြပါတယ်။

▪️ သာမန်စိတ်ကျရောဂါပျောက်ဆေးများဖြင့် လူနာအများစု မသက်သာတဲ့ အခါမှာတော့ ဒါတွေနဲ့ မရှင်းပြနိုင်တော့ပါဘူး။

▪️ ကင်ဆာနဲ့ အသည်းရောင်ကုသခြင်းတို့အတွက် ကိုယ်ခံအားမြှင့်တင်ကုသနည်းတွေက လူနာတွေမှာ စိတ်ကျလက္ခဏာများ အပြင်းအထန် ဖြစ်စေတယ်လို့ အံ့အားသင့်ဖွယ် တွေ့ရှိထားပါတယ်။

▪️ စမ်းသပ်ချက် ပြုလုပ်ရာမှာ ကိုယ်ခံအားလှုံ့ဆော်စေတဲ့ ဆေးအနည်းငယ်ကို ကျန်းမာတဲ့သူတွေမှာ ထိုးနှံခဲ့ရာ ယာယီစိတ်ကျအခြေအနေ ခံစားရတာ တွေ့ရပါတယ်။

▪️ အသည်းရောင်ပြီး သွေးထဲမှာ CRPပမာဏများတဲ့ သူတွေမှာလည်း စိတ်ဓာတ်ကျလက္ခဏာများ တွေ့ရပါတယ်။

▪️ ဖိစီးမှုက ဦးနှောက်ထဲက ကိုယ်ခံအားစနစ်ကို ကိုယ်စားပြုတဲ့ မိုက်ခရိုဂလီယာဆဲလ်တွေကို သက်ရောက်စေကာ ရောင်ရမ်းခြင်း ဖြစ်စေတယ်လို့ ဟီဘရူးတက္ကသိုလ်မှ စိတ်ရောဂါအထူးကု ယာမီယာနဲ့အဖွဲ့က ပြသနိုင်ခဲ့ပါတယ်။

▪️ ရုပ်ပိုင်းဆိုင်ရာ နာမကျန်းဖြစ်တဲ့ သက်ကြီးရွယ်အိုတွေ၊ ကလေးဘဝတည်းက ဒုက္ခကြုံလာရသူတွေ၊ စိတ်ကျရောဂါ ကုသနည်းနဲ့ မတိုးသူတွေမှာ ရောင်ရမ်းခြင်းကြောင့်ဖြစ်တဲ့ စိတ်ကျအခြေအနေ ပိုဖြစ်နိုင်ပါတယ်လို့ ဖော်ပြထားပါတယ်။

▪️ ပြီးခဲ့တဲ့နှစ် ၃၀ အတွင်း သုတေသနတွေအရ စိတ်ကျရောဂါမှာ ကိုယ်ခံအားစနစ်က အရေးကြီးတဲ့ကဏ္ဍက ပါဝင်နေတာ တွေ့ခဲ့ကြောင်း၊ စိတ်ကျလက္ခဏာများအပြင် နောက်ခံအကြောင်းအရင်းပါ ဖြေရှင်းရမှာဖြစ်ကြောင်း ပြောသွားပါတယ်။

#Source: The Jerusalem Post

#World_Health
Published 14 February 2025

▪️ ဆံပင်ကျွတ်တာနဲ့ ပတ်သက်ပြီး ဦးထုပ်ဆောင်းတာကြောင့် မကြာခဏ ခေါင်းလျှော်ခြင်းကြောင့်လို့ ယူဆနေကြတာတွေဟာ မဟုတ်မှန်ဘူးလို့ နယူးယော့ခ်စီးတီးမှ ဒေါက်တာ ရော့စ်ကိုပယ်မန်းက ပြောပါတယ်။

▪️ အမျိုးသား ၈၀ ရာခိုင်နှုန်းကျော်နဲ့ အမျိုးသမီးတဝက်နီးပါးလောက်ဟာ ဘဝတလျှောက် ဆံပင်ကျွတ်ခြင်း ခံစားရပါတယ်။

▪️ မျိုးဗီဇအချက်အလက်နဲ့ ဆိုင်တယ်ဆိုပေမယ့် အခြားအရာတွေကြောင့်လည်း ဆံပင်ကျွတ်ခြင်း ပါးခြင်း ဖြစ်ရတယ်လို့ ကိုပယ်မန်းက မှတ်ချက်ပြုလိုက်ပါတယ်။
ထိုထဲမှာ ဖိစီးမှု၊ အာဟာရဓာတ် ချို့တဲ့ခြင်း၊ ဟော်မုန်းမညီမျှခြင်း၊ အမျိုးသမီးများ ဓမ္မတာဆုံးခြင်းနဲ့ နောက်ခံရောဂါများလည်း ပါဝင်ပါတယ်။

▪️ Rogaineအမှတ်တံဆိပ်နဲ့ ရောင်းချတဲ့ Minoxidilကို ဆံပင်ကျွတ်ခြင်း ကုသဖို့သုံးနေကြပေမယ့် ဆေးသုံးနေတာကို ရပ်တန့်လိုက်ရင် ဆံပင်ကျွတ်ခြင်းလက္ခဏာများ ပြန်ဖြစ်လာပါတယ်။

▪️ အသုံးပြုပုံက ဦးရေပြားမှာ နေ့စဉ်တိုက်ရိုက်လိမ်းပေးရတာ ဖြစ်ပါတယ်။

▪️ Redensylဟာလည်း ဆံပင်ကျွတ်ခြင်းအတွက် ကုသနည်းဖြစ်ပြီး သဘာဝပစ္စည်းများဖြစ်တဲ့ DHQG ၊ ဂလစ်ဆင်း၊ ဇင့်ကလိုရိုက်၊ မက်တာ-ဘိုင်ဆာလ်ဖိုက်၊ EGCG 2 ၊ ရေ၊ ဂလစ်ဆရင်း၊ သစ်သားဆီတို့ ပါဝင်ပါတယ်။

▪️ လက်ရှိမှာတော့ ဆံပင်ကျွတ်ခြင်းကို ကုသဖို့အတွက် သဘာဝကုသနည်းတွေ ရှိလာပါတယ်။

▪️ Red cloverပန်းဆီမှာ အိုင်ဆိုဖလေဗိုနက်စ် များပြားစွာပါဝင်ပြီး အမျိုးသမီးတွေမှာ ဟော်မုန်းအပြောင်းအလဲကြောင့် ဆံပင်ကျွတ်ခြင်းကို ကူညီပေးပါတယ်။

▪️ Saw palmettoက ဦးရေပြားမွေးညင်းပေါက်များကို ကျုံ့သွားစေပြီး ဆံပင်ကျွတ်ခြင်းကို ကာကွယ်ပေးပါတယ်။

▪️ Ashwagandhaက သွေးလည်ပတ်မှု ကောင်းစေပြီး ဦးရေပြားနဲ့ မွေးညင်းပေါက်များကို ကျန်းမာစေပါတယ်။

▪️ ကဖင်းက သွေးစီးဆင်းမှု ကောင်းစေသဖြင့် ဆံကေသာကြီးထွားမှုကို လှုံ့ဆော်ပေးပါတယ်။

▪️ ကာကူမင်ဓာတ်က နနွင်းမှာပါဝင်ပြီး ဓာတ်တိုးခြင်းနဲ့ ရောင်ရမ်းခြင်းကို ဆန့်ကျင်ပေးကာ ဆံပင်ကျွတ်ခြင်းဖြစ်စေတဲ့ ဟော်မုန်းကို လျော့ကျစေပါတယ်။

▪️ လာ့ချ်ထင်းရှူးသားဆီမှာ ပိုလီဖီနောလ်ပါဝင်ပြီး ဆံကေသာ ဖွံ့ဖြိုးစေကာ ဦးရေပြားကို ကျန်းမာစေပါတယ်။

▪️ ရို့စ်မယ်ရီဆီက ဆံကေသာဖွံ့ဖြိုးမှုကို သဘာဝအတိုင်း လှုံ့ဆော်ပေးပြီး ဦးရေပြား ခြောက်သွေ့ယားယံခြင်းမှ ကာကွယ်ပေးပါတယ်။

#Source: New York Post

Megapacks လို့သိကြတဲ့ ဓာတ်အားလိုင်းချိတ်ဆက် စွမ်းအင်သိုလှောင်ဘက်ထရီများ ထုတ်လုပ်ဖို့ ရည်ရွယ်ကာ ရှန်ဟိုင်းရှိ တက်စ်လာရဲ့ မဂ္ဂါစက်ရုံသစ်ကြီးကနေ အင်္ဂါနေ့မှာ စတင်ထုတ်လုပ်မှုပြုလုပ်ပြီဖြစ်ပြီး တရုတ်ပြည်မှာ အမေရိကန်အခြေစိုက် သန့်စင်စွမ်းအင်ကုမ္ပဏီကြီး တိုးချဲ့လာတာ မြင်တွေ့ရပါတယ်။
#World_Development
Published  13 February 2025
#Megapacks #ရှန်ဟိုင်း
#YMG #Yangon_Times #Yangon_Media_Group

#Daily_News
Published  13 February 2025

၁။ တစ်ရက်လျှင် နိုင်ငံကူးလက်မှတ်၅,၀၀၀ ခန့် ထုတ်ပေးနေ

၂။ EV တက္ကစီဖြင့် ရန်ကုန် - မော်လမြိုင်ခရီးစဉ် အော်ဒါများနေ၊ တိုးချဲ့ပြေးဆွဲရန်ရှိ

၃။ ခရီးသွားလုပ်ငန်းမြင့်တင်ရေး မြန်မာနိုင်ငံခရီးသွားပြပွဲ ၂၀၂၅ ကျင်းပမည်

၄။ Tesla က မဂ္ဂါစက်ရုံသစ်ကြီး ရှန်ဟိုင်း၌စတင်ထုတ်လုပ်လည်ပတ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

 #Local_News
Published 13 February 2025

▪️ အင်းစိန်မြို့နယ်ဖော့ကန်ရပ်ကွက် ရှိ ကောင်းဆေးရုံရှေ့ ၌ သံတွဲကားတစ်စီးမှ လမ်းသွားသူနှင့်ယာဉ်များအားဝင်တိုက်၍ ကျောင်းသူတစ်ဦးသေဆုံးမှုတစ်ခု ယနေ့ ညနေ ၃နာရီ ကျော်၌ ဖြစ်ပွားခဲ့ကြောင်း ဒေသခံများထံမှ သိရသည်။

▪️ သံချောင်းများတင်ဆောင်လာသည့် ၁၂ ဘီးတွဲကားသည်  ဖော့ကန်ကား
မှတ်တိုင်အနီး၌ လမ်းတဖက်ရှိ လမ်းသွားလမ်းလာ တစ်ဦးအပါအဝင်ယာဉ်များကိုပါ ဆင့်တိုက်သွားခြင်းဖြစ်ကြောင်း သိရသည်။

▪️ "၁၂ဘီးကားက သံချောင်းတွေတင်လာတာ ၊လမ်းဘေးမှာကျောင်းဆင်းလာတဲ့ လို့လမ်းလျှောက်လာနေတဲ့ ကျောင်းသူလေးကို နောက်ကနေ ဝင်တိုက်တာ
တစ်စဆီဖြစ်သွားတယ်၊ ရှေ့ကလမ်းဘေးရပ်ထားတဲ့ကားတွေကိုပါဆက်တိုက်ချသွားတယ် ၊ကျွန်မသမီးလေးတောင် လိုက်ဆွဲလိုက်လို့ လွတ်သွားတယ်၊ ကားသမားကိုတော့ ဖမ်းသွားပြီ၊ တိုက်ပြီးဆင်းပြေးသေးတာ၊ မူးနေတာလားမသိဘူး၊ ပုံရက်လဲကျသွားတာနဲ့ ဝိုင်းဖမ်းလိုက်ကြတယ်၊ လမ်းဟိုဘက်ခြမ်းမှာပဲ ပြီးခဲ့တဲ့ ရက်ကပဲ အဒေါ်ကြီးတစ် ယောက်ကိုဝင်တိုက်လို့ ‌ေ_သသွားသေးတယ် " ဟု ဒေသခံတစ်ဦးက ပြောသည်။

▪️ အဆိုပါ  ယာဉ်မောင်းအားသက်ဆိုင်ရာမှ ဖမ်းဆီးခေါ်ဆောင်သွားပြီး  အမှုဖွင့်၍ ဆက်လက်စုံစမ်းစစ်ဆေးနေကြောင်း သိရသည်။

▪️ ဖော့ကန်မှတ်တိုင်အနီး၌ ယခုလပိုင်းအတွင်း ၁၀ဘီး အုတ်ကားတစ်စီး မတော်တဆမှုဖြစ်ပွားကာ လူညှပ်သည့်ဖြစ်စဉ်တစ်ခုအပြင် ယခုရက်ပိုင်းအတွင်း  လမ်းလျှောက်သူတစ်ဦးကိုလည်း ယာဉ်တိုက်သေဆုံးမှုတစ်ခု ဖြစ်ပွားခဲ့သေးကြောင်း ဒေသခံများကပြောသည်။

#YMG/NN #Yangon_Times

တောင်သူများအတွက် လိုအပ်တဲ့ လယ်ယာသုံးစက်ပစ္စည်းကိရိယာ‌တွေကို ဈေးနှုန်းချိုသာပြီး အရည်အသွေးကောင်းမွန်စွာ ထုတ်လုပ်နိုင်ဖို့အတွက်ဆောင်ရွက်ပေးသွားမှာဖြစ်တယ်လို့ စက်မှုဝန်ကြီးဌာန၊ ပြည်ထောင်စုဝန်ကြီး ဒေါက်တာချာလီသန်းက ပြောပါတယ်။
#Local_News
Published  13 February 2025
#အရည်အသွေးပြည့်မီ #လယ်ယာသုံးစက်ပစ္စည်း
#YMG/SW #Yangon_Times