#Local_News
Published_15 Feb 2025

▪️ နစက အစိုးရနှင့် TNLA တို့ တရုတ်နိုင်ငံ ယူနန်ပြည်နယ်၊ ကူမင်းမြို့တွင် တွေ့ဆုံမည်ဖြစ်သောကြောင့် ယနေ့ ဖေဖော်ဝါရီလ ၁၅ ရက်တွင် TNLA မှ ကိုယ်စားလှယ်များ ကူမင်းမြို့သို့ ရောက်ရှိနေကြပြီ ဖြစ်ကြောင်း သိရ သည်။

▪️ ပလောင်ပြည်နယ်လွတ်မြောက်ရေးတပ်ဦး-PSLF/TNLA ၏ ထုတ်ပြန်ချက်တွင် မနက်ဖြန် ဖေဖော်ဝါရီလ ၁၆ ရက်တွင် တွေ့ဆုံမည် ဖြစ်ကြောင်းနှင့် အဆိုပါ တွေ့ဆုံမှုအတွက် တရုတ်အစိုးရက စီစဉ်ပေးကြောင်း ဖော်ပြ ထားသည်။

▪️ နစက အစိုးရဘက်မှ MNDAA ကိုးကန့်အဖွဲ့ကို တွေ့ဆုံဆွေးနွေးခဲ့သူ ကစထ(၁) မှူးဖြစ်သည့် ဒုဗိုလ်ချုပ်ကြီး ကိုကိုဦးမှ ဦးဆောင်မည်ဖြစ်ကြောင်း သိရသည်ဟုလည်း အဆိုပါ ထုတ်ပြန်ချက်တွင် ဖော်ပြထားသည်။

▪️ ၎င်းတို့ PSLF ကိုယ်စားလှယ်အဖွဲ့အနေဖြင့် ဒုဗိုလ်ချုပ်ကြီး တားဂျုတ်ဂျားက ဦးဆောင်ပြီး၊ မဟာမိတ်ဆက်ဆံ ရေးဌာနမှူး ဗိုလ်မှူးကြီး တာမိုးဟိန်း အပါအဝင် ကိုယ်စားလှယ် ၉ ဦးတက်ရောက်မည်ဖြစ်ကြောင်း သိရသည်။

▪️ TNLA ၏ ထုတ်ပြန်ချက်တွင် နစက နှင့် တွေ့ဆုံမည့် ကိစ္စကို မြန်မာကိုယ်စားလှယ်များနှင့်တွေ့ဆုံမည်ဟု သုံးနှုန်းထားပြီး လက်ရှိစစ်ရေး ပြဿနာများပြေလည်နိုင်ရန် မနက်ဖြန် ဖေဖော်ဝါရီလ ၁၆ ရက် တွင် တွေ့ဆုံ မှုများစတင်မည်ဖြစ်ကြောင်း ဖော်ပြထားသည်။

▪️ တရုတ်အစိုးရ၏ ကြားဝင်ညှိနှိုင်းမှုဖြင့် နစက နှင့် MNDAA တို့ ပြီးခဲ့သည့် ဇန်နဝါရီအတွင်းက ဆွေးနွေး ညှိနှိုင်း မှုများ ပြုလုပ်ခဲ့သေးသည်။

Yangon_Times/PP

#Local_News
Published 15 February 2025

▪️ ရုရှားရင်းနှီးမြှုပ်နှံမှု RC Investment ၏  သဘာဝဓာတ်မြေသြဇာ ရွက်ဖျန်းအားဆေးရည်ထုတ် စက်ရုံစီမံကိန်းအတွက် မြန်မာနိုင်ငံရင်းနှီးမြှုပ်နှံမှုကော်မရှင် (MIC) မှ ခွင့်ပြုချက် ထုတ်ပေးလိုက်ကြောင်း သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနမှ သိရသည်။

▪️ အဆိုပါစီမံကိန်းသည် ရုရှားနိုင်ငံသား ရင်းနှီးမြှုပ်နှံသူ၏ တင်ဒါဖြစ်ပြီး MICမှ မကြာသေးမီက ချထားပေးခြင်းဖြစ်ကြောင်း သိရသည်။

▪️ ထို့အပြင်  RC Investment ၏ နေပြည်တော်စီမံကိန်းသည်  အသေးစား ရှေ့ပြေးအစီအစဉ်ဖြစ်ပြီး ရေရှည်မျှော်မှန်းချက်အရ မန္တလေးတိုင်း၊ ဧရာဝတီတိုင်းနှင့်  ပဲခူးတိုင်းဒေသကြီးတို့တွင်  ရွက်ဖျန်းအားဆေးရည်စက်ရုံများ တည်ဆောက်သွားရန် ရှိကြောင်း၊ ယခုလုပ်ဆောင်မည့် စက်ရုံမှ ထွက်ရှိမည့် သဘာဝရွက်ဖျန်းအားဆေးရည် အသုံးပြုမှုကြောင့် ဓာတုဓာတ်မြေသြဇာသုံးစွဲမှု (၃၀) ရာခိုင်နှုန်းအထိ လျှော့ချနိုင်ရန် ရည်ရွယ်ထားကြောင်း သိရသည်။

#YMG/NN #Yangon_Times

#Local_News
Published 15 February 2025

▪️ ဓာတ်သတ္တု (ရွှေ) ရည်ညွှန်းဈေးကော်မတီမှ နေ့စဉ်ထုတ်ပြန်ပေးနေသည့်ရွှေရည်ညွှန်းဈေးမှာ ယနေ့တွင် တစ်ကျပ်သားလျှင် ကျပ်၅၅သိန်းကျော်လာကြောင်း သိရသည်။

▪️ ကမ္ဘာ့ရွှေဈေးနှုန်းမှာယမာန်နေ့က တစ်အောင်စလျှင် အမေရိကန် ဒေါ်လာ ၂၉၂၈ ဒေါ်လာအထိရှိခဲ့ရာမှ ယနေ့တွင် ၂၈၈၂ ဒေါ်လာအထိပြန်လာကျဆင်းလာသော်လည်း  ရည်ညွှန်းဈေးမှာမူ တစ်ကျပ်သားလျှင်ကျပ်သုံးသောင်းအထိမြင့်တက်လာကြောင်း သိရသည်။

▪️ မြန်မာနိုင်ငံတော်ဗဟိုဘဏ်မှ ဒေါ်လာများဆက်တိုက်ထုတ်ရောင်းပေးနေသည့်အတွက်ပြည်တွင်းငွေလဲနှုန်း များကျဆင်းနေပြီး ယနေ့တွင်ပြင်ပ ပေါက်ဈေးအမေရိကန် တစ်‌ဒေါ်လာလျှင်  ၄,၄၉၀ ကျပ်အထိသာရှိနေကာ ယခုရက်ပိုင်းအတွင်းဈေးငြိမ်နေကြောင်း သိရသည်။

▪️ သို့သော် ဓာတ်သတ္တု(ရွှေ) ရည်ညွှန်းဈေးကော်မတီ၏ သိပ်သည်းဆ ၁၉.၂၅ ဂရမ်/ကုဗစင်တီမီတာ အထက်ရှိသည့်  စံချိန်မီရွှေတစ်ကျပ်သားဈေးမှာ ယမာန်နေ့က၅,၄၉၀,၀၀၀ ကျပ် အထိသာရှိခဲ့ရာမှ ယနေ့တွင် ၅,၅၂၀,၀၀၀အထိရှိလာကြောင်း သိရသည်။

#YMG/NN #Yangon_Times

#Local_News
Published 15 February 2025

▪️ ပြင်းထန်ဝမ်းပျက်ဝမ်းလျှောရောဂါ တုံ့ပြန်ကာကွယ်ဆေး(OCV)တိုက်ကျွေးခြင်းကို မကွေးတိုင်းနှင့် တနင်္သာရီတိုင်းတွင် တိုက်ကျွေးသွားမည်ဖြစ်ကြောင်း ကျန်းမာရေးဝန်ကြီးဌာနမှ သိရသည်။

▪️ ကျန်းမာရေးဝန်ကြီးဌာန၊ ပြည်သူ့ကျန်းမာရေးဦးစီးဌာနအနေဖြင့် ပြင်းထန်ဝမ်းပျက်ဝမ်းလျှောရောဂါ ဖြစ်ပွားမှုများပြားခဲ့သည့် ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ မွန်ပြည်နယ်တို့တွင် ပြင်းထန်ဝမ်းပျက်ဝမ်းလျှောရောဂါတုံ့ပြန်ကာကွယ်ဆေး(OCV)တိုက်ကျွေးခြင်းလုပ်ငန်းကို ဆောင်ရွက်ခဲ့ပြီးဖြစ်ကြောင်း သိရသည်။

▪️ လက်ရှိတွင်မကွေးတိုင်းဒေသကြီးအတွင်း ရောဂါဖြစ်ပွားမှုများရှိခဲသည့် မကွေးမြို့နယ်၊ မင်းလှမြို့နယ်နှင့် ပခုက္ကူမြို့နယ်တို့တွင် တိုက်ကျွေးပေးသွားမည်ဖြစ်ပြီး (OCV)ကာကွယ်ဆေးတိုက်ကျွေးခြင်းအား မကွေးတိုင်းဒေသကြီးအတွင်း၌ (၁၇-၂-၂၀၂၅) ရက်တွင် စတင်ဆောင်ရွက်မည်ဖြစ်‌ကြောင်း၊ကာကွယ်ဆေးရရှိမှုအရေအတွက်အရ (၅)ရက်မှ (၇)ရက်အတွင်း အပြီးသတ်ဆောင်ရွက်မည်ဖြစ်ကြောင်း၊ (OCV)ကာကွယ်ဆေး တိုက်ကျွေးရာတွင် အဓိက ဦးစားပေးတိုက်ကျွေးရမည့် ဦးတည်အုပ်စုများမှာ ကျူးကျော်ရပ်ကွက်နေပြည်သူများ၊ လူနေထူထပ်ပြီး ပတ်ဝန်းကျင်သန့်ရှင်းမှုအားနည်းသည့် နေရာများတွင် နေထိုင်သူများ၊ ရွှေ့ပြောင်းသူအုပ်စုများ၌ အသက်(၁)နှစ်အထက် ပြည်သူလူထုများအားလုံးကို ဦးစားပေး တိုက်ကျွေးမည်ဖြစ်‌ကြောင်း သိရသည်။

▪️ သန့်ရှင်းသော သောက်သုံးရေ၊ သန့်ရှင်းသောအိမ်သာတို့ကို အလွယ်တကူလက်လှမ်းမီသော ပြည်သူများ၊ လူနေမှုအဆင့်အတန်း မြင့်မားသူများအနေဖြင့် လတ်တလောတွင် ကာကွယ်ဆေးသောက်သုံးရန် မလိုအပ်သေးကြောင်းလည်း သိရသည်။

#YMG/SW #Yangon_Times

#Local_News
Published 15 February 2025

▪️ ဂျပန်နိုင်ငံက မြန်မာလုပ်သားများအတွက် အလုပ်ကမ်းလှမ်းစာ (၃၂၅)ခုကမ်းလှမ်းထားကြောင်း မြန်မာသံရုံး၊ တိုကျိုမြို့က ယနေ့ထုတ်ပြန်ထားသည်။

▪️ မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ ( Demand Letter ) များကို စိစစ်ဆောင်ရွက်ပေးလျက်ရှိကြောင်း၊ ထိုသို စိစစ်ဆောင်ရွက်ရာတွင် ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ/ ကုမ္ပဏီများသည် ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများစိစစ်ပြီး စိစစ်တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီး ဌာန မှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိ‌ေကြာင်း သိရသည်။

▪️ အဆိုပါ Demand Letter များကို ဂျပန်ကုမ္ပဏီများထံမှ ပြန်ကြားစာ လက်ခံရရှိသည့် ရက်စွဲအလိုက် အစဉ်အတိုင်း စိစစ်ပေးလျက်ရှိရာ ၂၀၂၄ခုနှစ်၊ နိုဝင်ဘာလ(၂၁) ရက်နေ့အထိ လက်ခံရရှိ၍ စိစစ်ပြီးစီးကြောင်း နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည့် အလုပ်ကမ်းလှမ်းစာ (၃၂၅)ခု ရှိကြောင်း သိရသည်။

#YMG/SW #Yangon_Times

#World_Science
Published 15 February 2025

▪️ ၂၀၂၅ ဇန်နဝါရီလက အပူနွေးဆုံး ဇန်နဝါရီအဖြစ် စံချိန်တင်သွားတယ်လို့ ကြေညာထားကြကာ ကမ္ဘာ့အပူချိန် ဆက်လက်ပြီး စံချိန်တွေချိုးနေတာကြောင့် ကျန်တဲ့လတွေမှာ ဘာတွေဖြစ်လာနိုင်လဲဆိုတာ ဖော်ပြနေပါတယ်။

▪️ ကမ္ဘာပေါ်က နေရာအများအပြားမှာ ချမ်းအေးတဲ့အပူချိန် ခံစားကြရပေမယ့် ကမ္ဘာမြေတစ်ခုလုံးအနေနဲ့တော့ ပူနွေးလာကာ ယခင်စံချိန်တွေကို ချိုးဖျက်သွားပါပြီ။

▪️ ထိုလအတွက် ကမ္ဘာ့မျက်နှာပြင် လေထုပျမ်းမျှအပူချိန်က စက်မှုမတိုင်မီကာလကိုကျော်ပြီး ၁.၇၅ ဒီဂရီဆဲလ်စီးယပ်စ် ပိုလာပါတယ်။

▪️ ပစိဖိတ်ရှိ လာနီညာရာသီဥတုပုံစံက ကမ္ဘာ့အပူချိန် အေးမြလာရမှာဖြစ်ပေမယ့် အခုလို အပူချိန်များလာတာက မိုးလေဝသပညာရှင်များ စိုးရိမ်စရာ ဖြစ်လာပါတယ်။

▪️ အပူလှိုင်းတွေက သမုဒ္ဒရာကိုဖြတ်ပြီး အလွန်အင်အားကြီးလာတာကြောင့် လာနီညာရဲ့ အေးမြမှုကို ဖုံးလွှမ်းတယ်လို့ ဆိုကြပါတယ်။

▪️ လာနီညာက အပြည့်အဝအနေအထား မရောက်ရှိသေးကာ ကမ္ဘာကြီးက ထိုအဆင့် ၂ ခုကြား လက်ရှိမှာရောက်ရှိနေတယ်လို့ ကော့ပါနီကပ်စ်က သုံးသပ်ထားပါတယ်။

▪️ ဖန်လုံအိမ်ဓာတ်ငွေ့ ထုတ်လွှတ်ခြင်းကြောင့် ရာသီဥတုပြောင်းလဲရခြင်းနဲ့ အခြားသမုဒ္ဒရာချိုင့်ဝှမ်းတွေမှာ အပူလွန်ကဲခြင်းတို့ကြောင့် ကမ္ဘာ့အပူချိန် မြင့်တက်လာခြင်းကို လာနီညာ အပြည့်အဝဖြစ်ပေါ်ရင်တောင် အေးမြအောင် လျှော့ချဖို့ မလုံလောက်ဘူးလို့ မိုးလေဝသခန့်မှန်းရေး ဥရောပစင်တာမှ ဆာမန်သာဘာဂျက်စ်က ပြောပါတယ်။

▪️ ရုပ်ကြွင်းလောင်စာများမှ ဖန်လုံအိမ်ဓာတ်ငွေ့ ထုတ်လွှတ်ခြင်းဟာ ၂၀၂၅ အထိတိုင်အောင် ပူနွေးစေမယ်လို့ ကမ္ဘာ့မိုးလေဝသအဖွဲ့အစည်း (WMO)က ၂၀၂၄ ဒီဇင်ဘာမှာ သတိပေးထားပါတယ်။

▪️ ၂၀၂၅ ဟာ လာနီညာကြောင့် ၂၀၂၃ နဲ့ ၂၀၂၄ တို့ထက် ပိုအေးမြမယ်လို့ ခန့်မှန်းနေကြပေမယ့် ပူနွေးလာတဲ့စံချိန်တွေကြောင့် စိုးရိမ်စရာဖြစ်လာပြီး သုတေသနအချို့ကတော့ ၂၀၂၅ ဟာ အပူနွေးဆုံးနှစ် ဖြစ်လာလိမ့်မယ်လို့ ဆိုထားပါတယ်။

#Source: India Today

#World_Health
Published 15 February 2025

▪️ ဖရုံစေ့တွေက အာဟာရဓာတ် အလွန်မြင့်မားကာ ပရိုတိန်း၊ မဂ္ဂနီဆီယံ၊ ဇင့်၊ သံဓာတ်တို့ အလွန်ကြွယ်ဝပါတယ်။

▪️ ဓာတ်တိုးဆန့်ကျင်ပစ္စည်းများလည်း ပါဝင်တာကြောင့် ရောင်ရမ်းခြင်းကို တိုက်ဖျက်ပေးပြီး နာတာရှည်ရောဂါများမှ ကာကွယ်ပေးပါတယ်။

▪️ ဖရုံစေ့ကို ထမင်းစားဇွန်းတစ်ဇွန်းခန့် နေ့စဉ်စားပေးခြင်းဖြင့် ကျန်းမာရေးကို အထောက်အကူ ဖြစ်စေမှာပါ။

▪️ ဒီအတွက် ဖရုံစေ့နေ့စဉ်စားခြင်းရဲ့ အကျိုးကျေးဇူးများကို ဖော်ပြလိုက်ပါတယ်။

(၁) ထရစ်ပ်တိုဖန် အမိုင်နိုအက်ဆစ် ပါဝင်ခြင်းကြောင့် ဆယ်ရိုတိုနင်ပမာဏ များစေပြီး အိပ်စက်မှုကို အထောက်အကူ ပြုပါတယ်။

(၂) မဂ္ဂနီဆီယံ အထူးကြွယ်ဝစွာ ပါဝင်သဖြင့် နှလုံးကျန်းမာရေး၊ အရိုးကျန်းမာရေး၊ သွေးတွင်းသကြားဓာတ်တို့အတွက် အကျိုးပြုကာ သွေးပေါင်ချိန် ထိန်းညှိပေးပါတယ်။

(၃) ဗိုက်တာမင်-အီးနဲ့ ကယ်ရိုတီနွိုက်တို့က ရောင်ရမ်းခြင်းကို ဆန့်ကျင်ပေးပြီး ဓာတ်တိုးပျက်စီးခြင်းမှ ဆဲလ်များကို ကာကွယ်ပေးကာ အသက်ရှည်စေပါတယ်။

(၄) အမျှင်ဓာတ်ကြွယ်ဝတာကြောင့် အစာခြေခြင်းကို ကူညီပေးပြီး ဝမ်းချုပ်ခြင်းမှ ကာကွယ်ပေးကာ အူလမ်းကြောင်းကျန်းမာရေးကို ထောက်ကူပေးပါတယ်။

(၅) ဖရုံစေ့က သွေးတွင်းသကြားဓာတ် ထိန်းချုပ်ပေးတယ်လို့ အချို့လေ့လာချက်တွေမှာ ယူဆထားပါတယ်။

(၆) ကျန်းမာရေးနဲ့ ညီညွတ်သောအဆီ၊ အမျှင်၊ ဓာတ်တိုးဆန့်ကျင်ပစ္စည်းများ ပေါင်းစပ်လိုက်ကာ မကောင်းတဲ့ ကိုလက်စ်ထရောလ် လျော့ကျစေပြီး နှလုံးကျန်းမာရေးကို ထောက်ပံ့ပေးပါတယ်။

(၇) ဖရုံစေ့ထဲမှဦပါတဲ့ အဆီတွေနဲ့ ဗိုက်တာမင်တွေက အရေပြားအစိုဓာတ်ကို ကူညီပေးပြီး ဆံကေသာကျန်းမာရေး ကောင်းမွန်စေပါတယ်။

#Source: DoctorNDTV

လုပ်ငန်းကဏ္ဍတွေမှာ AI သို့ ပြောင်းလဲအသုံးပြုလာတာတွေက ဖိလစ်ပိုင်လုပ်သားများကို သက်ရောက်နေပြီး အလုပ်အကိုင်ဖူလုံရေးပြဿနာ ဖြေရှင်းပေးဖို့အတွက် ပေါ်လစီပြောင်းလဲရန် တောင်းဆိုလာကြပါတယ်။
#Asia_Industry
Published  14 February 2025
#AIစနစ်တိုးတက်ကျင့်သုံး #ဖိလစ်ပိုင်မှပြင်ပလုပ်သားရင်းမြစ်လုပ်ငန်း
#YMG #Yangon_Times #Yangon_Media_Group

#Daily_News
Published  14 February 2025

၁။ ကျပ်၁၅ ဘီလျံကျော်အသုံးပြု၍ နေပြည်တော် ရေပန်းဥယျာဉ်ကို အဆင့်မြှင့်တင်နေ

၂။ မြန်မာ-ကိုရီးယား ချစ်ကြည်ရေး (ဒလ)တံတား တည်ဆောက်မှု ၈၀ရာခိုင်နှုန်းခန့်ပြီးစီး

၃။ အထည်ပျက်ရောင်းချသူများနှင့် လုပ်ကွက်များမှဝင်ရောက်နေ၍ ရွှေကုန်ကြမ်းပေါလာ

၄။ AI စနစ်တိုးတက်ကျင့်သုံးလာသည်နှင့်အညီ ဖိလစ်ပိုင်မှ ပြင်ပလုပ်သားရင်းမြစ်လုပ်ငန်းကဏ္ဍထိခိုက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နေပြည်တော်အပါအဝင် တိုင်းနဲ့ပြည်နယ်အသီးသီးက MSME လုပ်ငန်းရှင်တွေ အနေနဲ့လုပ်ငန်းတိုးချဲ့တာ၊ စက်ပစ္စည်းနဲ့ ကုန်ကြမ်းဝယ်ယူလိုပါက
ချေးငွေတွေ လျှောက်ထားနိုင်တယ်လို့ MSME ဖွံ့ဖြိုးတိုးတက်ရေး ရန်ပုံငွေစီမံခန့်ခွဲမှုအဖွဲ့က အသိပေးထားပါတယ်။
#Local_News
Published  14 February 2025
#MSMEလုပ်ငန်းရှင် #ချေးငွေလျှောက်ထားနိုင်
#YMG/NN #Yangon_Times

လက်ရှိ ရွှေဈေးမြင့်တက်နေတဲ့ အချိန်ဖြစ်တာကြောင့် ဈေးကွက်အတွင်း အထည်ပျက်ရောင်းချသူများနေတဲ့အပြင်  ရွှေလုပ်ကွက်တွေက ကုန်ကြမ်းတွေဝင်နေတာကြောင့် ရွှေကုန်ကြမ်းပေါလာတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းကသိရပါတယ်။
#Local_News
Published  14 February 2025
#အထည်ပျက်ရောင်းချသူများ #ရွှေကုန်ကြမ်းပေါလာ
#YMG/NN #Yangon_Times

မြန်မာ-ကိုရီးယား ချစ်ကြည်ရေး (ဒလ)တံတားတည်ဆောက်မှု ၈၀ရာခိုင်နှုန်းခန့်ပြီးစီးနေပြီဖြစ်တယ်လို့ ဆောက်လုပ်ရေးဝန်ကြီးဌာန၊ တံတားဦးစီးဌာနမှ သိရပါတယ်။
#Local_News
Published  14 February 2025
#မြန်မာ-ကိုရီးယား #(ဒလ)တံတား
#YMG/SW #Yangon_Times