#World_Health
Published 13 October 2025

■ အချို့လူတွေက အယ်ကိုဟောယမကာတွေကို ရံဖန်ရံခါမှ သောက်တာမျိုး၊ သောက်ရင်လည်း အနည်းငယ်ပဲ သောက်တာမျိုး ရှိပါတယ်။

■ ယခင်လေ့လာချက်တွေအရ ဒီလိုမျိုး အနည်းငယ်သောက်ခြင်းက ဦးနှောက်ကျန်းမာရေးကို အကျိုးရှိစေတယ်လို့ ယူဆထားပါတယ်။

■ ဒါပေမဲ့ ၂၀၂၅ စက်တင်ဘာ ၂၃ ရက်နေ့က BMJ ဆေးပညာအဖွဲ့ဟာ ဒီယူဆချက်ကို ဆန့်ကျင်လိုက်ပြီး အနည်းငယ်မျှ သောက်သုံးခြင်းကပင် အာရုံကြောဆုတ်ယုတ်ရောဂါများ ဖြစ်လာနိုင်ခြေ များစေတယ်လို့ ပြောလာပါတယ်။

■ အယ်ကိုဟောကို အနည်းငယ်သောက်ပေးလျှင် ခန္ဓာကိုယ်မှာ အကျိုးပြုတယ်ဆိုတဲ့ ယူဆချက်တွေက တကယ်တမ်းမှားယွင်းပြီး လေ့လာချက်အရ နောက်ပိုင်းမှာ ဒီမန်ရှာဖြစ်တဲ့သူတွေဟာ အနည်းငယ်သောက်သုံးတာ တွေ့ရပါတယ်။

■ ဒီလိုသောက်သုံးခြင်းက ဘေးအန္တရာယ်မရှိဘူးလို့ ပြောနေကြတာတွေကို သုတေသီတွေက ဆန့်ကျင်ထောက်ပြလိုကြပါတယ်။

■ သုတေသီတွေက လူပေါင်းသန်းတဝက်ကျော်ထံမှ အချက်အလက်များ အပါအဝင် နောက်ထပ် ၂ သန်းရဲ့ မျိုးဗီဇအချက်အလက်များဖြင့် လေ့လာမှုကြီး ပြုလုပ်ကြပါတယ်။

■ တွေ့ရှိချက်အရ အယ်ကိုဟောဘယ်လောက်ပဲသောက်သောက် ဒီမန်ရှာဖြစ်နိုင်ခြေ မြင့်မားစေပါတယ်။

■ ဒါကြောင့် အယ်ကိုဟောအနည်းငယ်မျှ သောက်သုံးရင်တောင် ရေရှည်မှာ ဦးနှောက်ထိခိုက်စေပြီး နောက်ပိုင်းမှာ ဒီမန်ရှာဖြစ်လာစေနိုင်ပါတယ်။

Source: Hindustantimes.

#World_Health
Published 13 October 2025

■ ဒူးတွေက အရေးအကြီးဆုံးအဆစ်တွေထဲမှာ ပါဝင်ပြီး ယခုအချိန်မှာ ဂရုစိုက်ပေးရင် နောင်အချိန်မှာ အကျိုးရှိလိမ့်မယ်လို့ သိပ္ပံပညာရှင်တွေ ပြောနေကြပါတယ်။

■ အသက် ၃၀ လောက်ဆိုရင်ပင် ရာသီဥတုအပြောင်းအလဲ၊ မနက်အိပ်ရာထချိန် တောင့်တင်းတဲ့အခါ ဒူးကိုက်တတ်တာကို ခံစားမိမှာပါ။

■ လှုပ်ရှားမှုများလွန်းလို့ ဒူးနာတယ်ဆိုတာ မှန်သလို ကိုယ်အလေးချိန်များခြင်း၊ ကိုယ်ခံအားရောဂါများ၊ မျိုးဗီဇတို့ကြောင့်လည်း ဒူးပြဿနာ ဖြစ်နိုင်ပါတယ်။

■ လူကြီးတွေမှာ ခါးကိုက်ခါးနာဝေဒနာပြီးရင် ဒူးနာခြင်းက အဖြစ်အများဆုံးဖြစ်ပြီး နေ့စဉ်ဘဝနေထိုင်မှုကို သက်ရောက်စေပါတယ်။

■ ဒူးက ခန္ဓာကိုယ်တစ်ခုလုံးရဲ့ အခရာအကျဆုံးအဆစ်တွေထဲက တစ်ခုဖြစ်ပြီး ခြေလှမ်းလှမ်းလိုက်တိုင်းမှာ ခန္ဓာကိုယ်အလေးချိန်တစ်ခုလုံးကို ထမ်းထားရတယ်လို့ မိုင်ယိုဆေးရုံမှ အရိုးအထူးကု အန်နီကာချာဘရာက ပြောပါတယ်။

■ ဒူးကိုဖုံးထားတဲ့ ကြွက်သားတွေ ကောင်းကောင်းအလုပ်မလုပ်တော့တဲ့အခါ ဒူးအပေါ်ပိုပြီး ဖိအားပိုစေသဖြင့် ဒူးနာရတာ ဖြစ်ပါတယ်။

■ အဆိုပါ ကြွက်သားတွေကို သန်စွမ်းအောင် လေ့ကျင့်ပေးပါက ဒူးအရွတ်တွေ ချို့ယွင်းလာခြင်းမှ ကင်းဝေးစေပြီး ဒူးရောဂါတွေမှ ကာကွယ်ပေးပါတယ်။

■ လှေကားထစ်ပေါ် တက်လိုက်ဆင်းလိုက် ပြုလုပ်ခြင်း၊ ထိုင်ထလုပ်ခြင်း၊ ခြေတစ်ဖက်ဆန့်ထားခြင်း၊ ခြေသလုံးမြှောက်ခြင်း၊ ဘာကိုမှအားမပြုဘဲ ထိုင်ခုံမှထခြင်း စတဲ့လေ့ကျင့်ခန်းများ ပြုလုပ်နိုင်ပါတယ်။

■ ဒူးလေ့ကျင့်ခန်းတွေ ပြုလုပ်ပေးပြီး အရွတ်သန်မာစေခြင်း၊ ကြွက်သားနဲ့ အရိုးသိပ်သည်းမှုဆုံးရှုံးခြင်းတို့ကို လျှော့ချပေးခြင်းတို့ ပေးစွမ်းနိုင်မှာ ဖြစ်ပါတယ်။

■ ဒူးလေ့ကျင့်ခန်းလုပ်ရာမှာလည်း နည်းလမ်းမှန်မှန် ပြုလုပ်ပေးပါမှ ထိခိုက်ဒဏ်ရာရခြင်း မဖြစ်မှာပါ။

Source: BBC.

မြေနိမ့်ကော်ဖီစိုက်ပျိုးလုပ်ကိုင်လိုသူများအနေနဲ့ နည်းပညာအပါအဝင် အကူအညီတွေလိုအပ်ပါက စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီးရုံးကို ဆက်သွယ်ဆောင်ရွက်နိုင်
တယ်လို့ သိရပါတယ်။

#Local_News
Published 11 October 2025
#မြေနိမ့်ကော်ဖီ #ကော်ဖီ
#YMG/NN #Yangon_Times

#World_Health
Published 12 October 2025

■ မိုက်ခရိုပလတ်စတစ်အမှုန်တွေကို လူသားတွေ စားမိသောက်မိရှူရှိုက်မိနေပြီး လူတွေရဲ့ အညစ်အကြေး၊ အချင်း၊ မျိုးပွားအင်္ဂါနဲ့ ဦးနှောက်တို့ထဲမှာ တွေ့နေရပါတယ်။

■ အခုဆိုရင် ဒီအမှုန်တွေကို အရိုးတွေထဲမှာလည်း တွေ့ရှိထားပါတယ်။
အလွန်သေးငယ်တဲ့ ပလတ်စတစ်အမှုန်တွေဟာ အရိုးကျန်းမာရေးကို နည်းလမ်းမျိုးစုံနဲ့ ထိခိုက်စေတယ်လို့ လေ့လာချက် ၆၂ ခုမှာ တွေ့ရှိထားပါတယ်။

■ မိုက်ခရိုပလတ်စတစ်တွေက အရိုးတစ်ရှူးတွေအထိ ရောက်ရှိနိုင်ပြီး ဇီဝကမ္မဖြစ်စဉ်ကို နှောင့်ယှက်စေနိုင်တယ်လို့ ဘရာဇီးလ် ကမ်ပီနက်စ်ပြည်နယ်တက္ကသိုလ်မှ သိပ္ပံပညာရှင် ရိုဒရီဂိုဗျူနိုဒီအိုလီဗီရာက ပြောပါတယ်။

■ တိရိစ္ဆာန်လေ့လာချက်တွေထဲမှာ ပလတ်စတစ်မှုန်တွေက အရိုးဖွံ့ဖြိုးမှုကို လျော့ကျစေနိုင်တယ်လို့ တွေ့ထားပါတယ်။

■ အော်စတီယိုကလက်စ်ဆိုတဲ့ ဆဲလ်တွေက အရိုးဖွံ့ဖြိုးမှုနဲ့ ပြုပြင်ခြင်းကို အားပေးတာဖြစ်ပြီး ပလတ်စတစ်မှုန်တွေ နှောင့်ယှက်တာ ခံရတဲ့အခါ အရိုးဖွဲ့စည်းမှုများ အားနည်းသွားစေပြီး အရိုးများ ထိလွယ်အက်လွယ်လာပါတယ်။

■ ပလတ်စတစ်မှုန်တွေက ဆဲလ်လှုပ်ရှားနိုင်စွမ်းကို ချို့ယွင်းစေကာ ဆဲလ်အိုမင်းခြင်းကို မြန်ဆန်စေပြီး ဆဲလ်ကွဲခြင်းကိုလည်း ပြောင်းလဲစေတယ်လို့ ရှင်းပြပါတယ်။

■ ဒီဆိုးကျိုးတွေက တိရိစ္ဆာန်တွေရဲ့ အရိုးငြမ်းဖွံ့ဖြိုးမှုကို နှောင့်ယှက်စေတာ တွေ့ရပါတယ်။

■ လူသားတွေရဲ့အရိုးမှာ ဘယ်လိုဖြစ်မလဲ မသေချာပေမယ့် ပလတ်စတစ်မှုန်တွေက အရိုးကြွပ်ဆတ်ခြင်း၊ ကွဲအက်လွယ်ခြင်းတို့ ဖြစ်လာနိုင်စေမယ်လို့ သုတေသီများ ယူဆနေကြပါတယ်။

Source: Science Alert.

#World_Science
Published 12 October 2025

■ အချို့မှတ်ဉာဏ်တွေက ထူးထူးဆန်းဆန်း ထင်ရှားမှတ်မိပြီး အချို့ဟာတွေက ဝေဝါးနေတတ်ပါတယ်။

■ ဘော့စတွန်တက္ကသိုလ်မှာ ပြုလုပ်တဲ့ သုတေသနတစ်ခုမှာ ဒီအကြောင်းကို ရှင်းပြထားပြီး ဦးနှောက်က စိတ်ခံစားချက် သိသာထင်ရှားမှုနဲ့ နောက်ကွယ်က ဖြစ်စဉ်ပေါ်မူတည်ပြီး အချို့သော အဖြစ်အပျက်တွေကို ဦးစားပေးကြောင်း တွေ့ရှိခဲ့ပါတယ်။

■ စမ်းသပ်ပါဝင်သူ ၆၅၀ ခန့်ကို စမ်းသပ်မှု ၁၀ ခုပြုလုပ်ခဲ့ရာမှာ ဦးနှောက်က စိတ်ခံစားမှု ထင်ရှားတဲ့ အဖြစ်အပျက်တွေရဲ့ မှတ်ဉာဏ်တွေကို ရွေးချယ်အားကောင်းစေပြီး ဒါကို မှတ်ဉာဏ်မြှင့်တင်ခြင်းလို့ ခေါ်ပါတယ်။

■ ဦးနှောက်က မှတ်ဉာဏ်အပိုင်းအစတွေကို ခိုင်မြဲစေပြီး အနာဂတ်မှာ ပြန်လည်အသုံးချအောင် ပြုလုပ်ပေးတာ ဖြစ်ပါတယ်။

■ စိတ်ခံစားမှုအဖြစ်အပျက်တွေက ဦးနှောက်လှုပ်ရှားပုံကို ပြောင်းလဲစေပြီး မှတ်ဉာဏ်အပိုင်းအစတွေကို ခိုင်မြဲစေပါတယ်။

■ စိတ်ခံစားမှုအဖြစ်အပျက် ဖြစ်ပြီးနောက် ပေါ်လာတဲ့ မှတ်ဉာဏ်တွေက အဖြစ်အပျက် ဘယ်လောက်ထင်ရှားလဲပေါ် မူတည်ပြီး အားကောင်းသွားစေပါတယ်။

■ ဒီတွေ့ရှိချက်ကို အနာဂတ်မှာ အသုံးချသွားနိုင်မယ်လို့ သုတေသနအဖွဲ့ခေါင်းဆောင်က ပြောပါတယ်။

■ စိတ်ခံစားမှုအကြောင်းအရာတွေက မှတ်ဉာဏ်ချို့ယွင်းလာသူတွေမှာ မှတ်ဉာဏ်ကွယ်ပျောက်လာခြင်းကို ကယ်တင်နိုင်မယ်လို့ သိပ္ပံပညာရှင်တွေ ယုံကြည်နေပါတယ်။

■ အချို့မှတ်ဉာဏ်တွေ ထင်ရှားပြီး အချို့က ပျောက်ကွယ်ရတဲ့ အကြောင်းအရင်းကို အဖြေရှာနေကြပြီး မှတ်ဉာဏ်က ကျပန်းရွေးမှတ်မိတာမျိုးမဟုတ်ဘဲ စနစ်တကျ ရွေးချယ်တာမျိုး ဖြစ်တယ်လို့ သုတေသနမှာ ယူဆထားပါတယ်။

■ ဒီဖြစ်စဉ်တွေကနေ ကျန်းမာရေးစောင့်ရှောက်မှုနဲ့ ပညာရေးကဏ္ဍတို့မှာ အသုံးချသွားနိုင်ဖို့ မျှော်မှန်းထားကြပါတယ်။

Source: Times of India.

တရုတ်ကော်ဖီဆိုင်လုပ်ငန်း Luckin က ပြည်တွင်းဈေးကွက်လွှမ်းမိုးပြီးနောက် အမေရိကန်မှာ လုပ်ငန်းတိုးချဲ့ရန် ကြိုးပမ်းနေတာကြောင့် ဂျာဗားအတွက် ထိုးနှက်ချက်ဖြစ်နေပါတယ်။

#World_Business
Published 11 October 2025
#တရုတ်ပြည်တွင်း #ကော်ဖီ
#YMG #Yangon_Times #Yangon_Media_Group

ဒူးရင်း စိုက်ပျိုး၊ ထုတ်လုပ်၊ တင်ပို့ရောင်းချသူများ ပါဝင်တဲ့မြန်မာနိုင်ငံ ဒူးရင်းစိုက်ပျိုး ထုတ်လုပ်တင်ပို့ ရောင်းချသူများအသင်းဖွဲစည်းနိုင်ရေး ဆောင်ရွက်လျှကိရှိတယ်လို့ မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်းချသူများ အသင်းထံမှ သိရပါတယ်။

#Local_News
Published 11 October 2025
#ဒူးရင်း #မြန်မာနိုင်ငံ
#YMG/SW #Yangon_Times

မြန်မာ့ဆန်နှင့်ဆန်ကွဲကို အီးယူနဲ့ အခြားဈေးကွက်နိုင်ငံတွေကယခုအပတ်မှစတင်ပြီး ပြန်လည်ဝယ်ယူ‌နေပြီဖြစ်တယ်လို့ မြန်မာနိုင်ငံဆန်စပါးစိုက်ပျိုးထုတ်လုပ်သူများအသင်းကနေ သိရပါတယ်။

#Local_News
Published 11 October 2025
#မြန်မာ့ဆန်နှင့်ဆန်ကွဲ # အီးယူ
#YMG/SW #Yangon_Times

ရန်ကုန်စတော့အိတ်ချိန်း(YSX)Main Board မှာပြီးခဲ့တဲ့ စက်တင်ဘာလက ရှယ်ယာစောင်ရေ သုံးသိန်းကျော်အထိအရောင်းအဝယ် ဖြစ်ခဲ့တယ်လို့ YSXရဲ့စာရင်းတွေအရ သိရပါတယ်။

#Local_News
Published 11 October 2025
#YSX_Main_Board #ရန်ကုန်စတော့အိတ်ချိန်
#YMG/NN #Yangon_Times

#Daily_News
Published 11 OCtober 2025

၁။‌ ‎YSX Main Board ၌တစ်လအတွင်း ရှယ်ယာစောင်ရေ သုံးသိန်းကျော်အရောင်းအဝယ်ဖြစ်ခဲ့
‎
‌‎၂။ ‌‌‌‌‎မြန်မာ့ဆန်နှင့်ဆန်ကွဲကို အီးယူနှင့်အခြားဈေးကွက်နိုင်ငံများမှ ပြန်ဝယ်နေ
‎
၃။‌‎ ‎မြန်မာနိုင်ငံ ဒူးရင်းစိုက်ပျိုး ထုတ်လုပ်တင်ပို ရောင်းချသူများအသင်း ဖွဲ့စည်းမည်
‎
‎၄။ ‎ တရုတ်ပြည်တွင်း၌အောင်မြင်မှုရပြီးနောက် အမေရိကားသိုတိုးချဲ့ရန်ကြိုးပမ်းလာသည့် Luckingကော်ဖီဆိုင်လုပ်ငန်း... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 11 October 2025

■ ပြီးခဲ့သည့်အပတ်က စတင် ကျဆင်း သည့် စက်သုံးဆီ အမျိုးအစားအားလုံး ယခုအပတ်မှာလည်း တစ်လီတာလျှင် (၄၀)ကျပ်မှ (၁၀၀)ကျပ်အတွင်းဆက်လက် ကျဆင်းလာကြောင်းစက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ ယခုတစ်ပတ်အတွက်ထုတ်ပြန်ချက်အရ သိရသည်။

■ ထိုသို့ကျဆင်းရာတွင်ပြီးခဲ့သည့် အပတ်က 92 ဓာတ်ဆီ‌ ဈေးနှုန်းတစ်လီတာလျှင် (၉၀)ကျပ်နှင့်ယခုအပတ်တွင် (၁၀၀)ကျပ်အထိ ၊95 ဓာတ်ဆီ‌ ဈေးနှုန်းတစ်လီတာလျှင် (၈၅)ကျပ်မှ ယခုအပတ်တွင် (၉၅)ကျပ် အထိ ဆက်လက်ကျဆင်းလာကြောင်းသိရသည်။

■ ဒီဇယ်ဈေးနှုန်းတစ်လီတာလျှင် (၃၅)ကျပ် မှ ယခုအပတ်တွင် (၄၀) ကျပ် ၊နှင့်ပရီမီယမ်ဒီဇယ် ဈေးနှုန်းတစ်လီတာလျှင် (၆၀) ကျပ် မှ ယခုအပတ်တွင် (၆၅) ကျပ် အထိဈေးနှုန်း အသီးသီးကျဆင်းလာကြောင်း သိရသည်။

■ ယခုတစ်ပတ်အတွက်စက်သုံးဆီ ရည်ညွှန်းဈေးများမှာ 92 တစ်လီတာလျှင်၂ ,၇၃၀ ကျပ်၊95 တစ်လီတာလျှင် ၂,၈၀၀ကျပ် ၊ဒီဇယ်ဆီတစ်လီတာလျှင် ၂,၅၀၅ ကျပ် ၊ ပရီမီယံဒီဇယ်ဆီ တစ်လီတာလျှင် ၃,၀၅၀ ကျပ်အထိ ဈေးနှုန်းအသီးသီးရှိ‌နေ‌ကြောင်းသိရသည်။

#YMG/NN #Yangon_Times

#Local_News
Published 11 October 2025

■ မြန်မာနိုင်ငံတွင် အဖြစ်အများဆုံး မျက်စိရောဂါဖြစ်သော အတွင်းတိမ်ရောဂါ လျော့နည်းကျဆင်းစေရေးအတွက် အတွင်းတိမ်ခွဲစိတ်ခြင်းကို ဆေးရုံများ၌သာမက ကွင်းဆင်ကုသမှုအနေဖြင့် ကွင်းဆင်းအတွင်းတိမ်ခွဲစိတ်ခြင်း (Outreach Cataract Surgery)ကို ဆောင်ရွက်ပေးလျက်ရှိကြောင်းကျန်းမာရေးဝန်ကြီးဌာန ပြည်ထောင်စုဝန်ကြီးကပြောသည်။

■ နေပြည်တော်ရှိ ကျန်းမာရေးဝန်ကြီးဌာန (ရုံးအမှတ်-၄) အစ ည်းအဝေးခန်းမ၌ "ကမ္ဘာ့မျက်မမြင် ပပျောက်ရေးနေ့" အထိမ်းအမှတ် အခမ်းအနားကို အောက်တိုဘာ(၁၀)ရက်က ကျင်းပစဉ် ကျန်းမာရေးဝန်ကြီးဌာန ပြည်ထောင်စုဝန်ကြီးက ပြောကြားခဲ့ခြင်းဖြစ်သည်။

■ ထို့အပြင် နိုင်ငံအတွင်း မျက်ခမ်းစပ်ကဲ့သို့ ကူးစက်နိုင်သော မျက်စိရောဂါများ လျော့နည်းသွားသော်လည်း  ဆီးချို၊ သွေးတိုးရောဂါများ၏ နောက်ဆက်တွဲ မျက်စိရောဂါပြဿနာများ ဦးမော့မလာစေရေးအတွက် မကူးစက်နိုင်သောရောဂါများ ကာကွယ်ကုသရေးကို တိုးမြှင့်ဆောင်ရွက်လျက်ရှိကြောင်း သိရသည်။

■ ထို့ပြင် က‌လေးငယ်များ မျက်စိကျန်းမာရေးအတွက် ကျောင်းကျန်းမာရေး လုပ်ငန်းစဉ်များတွင် မျက်စိကျန်းမာရေးစစ်ဆေးခြင်းကို ထည့်သွင်းဆောင်ရွက် နေကြောင်း သိရသည်။

#YMG/NN #Yangon_Times