#World_Health
Published 28 May 2026

■ လွန်ခဲ့တဲ့နှစ်ပေါင်းသန်း ၁၈၀ ခန့်က နေထိုင်ခဲ့တဲ့ ပင်လယ်သတ္တဝါကြီးတစ်ကောင်ရဲ့ ပုံသဏ္ဍာန်မပျက်လုနီးပါး ကျောက်ဖြစ်ရုပ်ကြွင်းကို ဂျာမနီမှာ သိပ္ပံပညာရှင်တွေ အံ့အားသင့်ဖွယ် တွေ့ရှိခဲ့ကြပါတယ်။

■ တမ်နိုဒွန်တိုဆောရပ်စ်လို့သိကြတဲ့ ဧရာမပင်လယ်တွားသွားသတ္တဝါကြီးက ခက်ခဲကြမ်းတမ်းတဲ့ အခြေအနေများကြားမှ ဘယ်လိုရှင်သန်ခဲ့လဲဆိုတာကို အစာအိမ်ထဲမှာ တွေ့ရှိခဲ့တဲ့အရာတွေက ပြသနေပါတယ်။

■ လေ့လာမှုတစ်ခုမှာ အစာအိမ်ကျောက်ခဲများပါရှိတဲ့ သွားပေါင်း ၁၀၀ ရှိတဲ့ အသားစား အစ်သီယိုဆောရပ်စ် ရေနေတွားသွားတစ်ကောင်ကို တွေ့ရှိခဲ့ပါတယ်။

■ ထိုသတ္တဝါက ပခုံးနဲ့မေးရိုးတို့မှာ ဒဏ်ရာပြင်းထန်စွာ ရထားတဲ့အတွက် မြန်ဆန်တဲ့သားကောင်တွေကို လိုက်ဖမ်းရန် ခက်ခဲခဲ့ပေမယ့် ဆက်လက်ရှင်သန်ရန်အတွက်တော့ တစ်နည်းနည်း ရှာဖွေနိုင်ခဲ့ပါတယ်။

■ အလျား ၂၁ ပေရှိတဲ့ တမ်နိုဒွန်တိုဆောရပ်စ် ကျောက်ဖြစ်ရုပ်ကြွင်းဟာ ပုံသဏ္ဍာန်မပျက် ဦးခေါင်းခွံနဲ့ သွားပေါင်း ၁၀၀ ပါဝင်ပါတယ်။

■ ယခုတွေ့ရှိတဲ့ ဧရာမအသားစားသတ္တဝါကြီးဟာ ယခင်မှတ်တမ်းတင်ထားတာထက် ပိုမိုကြာရှည်စွာ ရှင်သန်နေထိုင်ခဲ့ကြောင်း တွေ့ရပါတယ်။

■ အစ်သီယိုဆောရပ်စ်သတ္တဝါရဲ့ ဗိုက်ထဲက ရှားပါးအစာအိမ်ကျောက်ခဲများ တွေ့ရှိခဲ့ရာမှာ ဒဏ်ရာများကြောင့် အစားအစာပုံစံ ပြောင်းလဲသွားပြီး အစာခြေဖျက်မှု အထောက်အကူပြုရန် ကျောက်ခဲများ မျိုချခဲ့ခြင်းဖြစ်နိုင်ကြောင်း ညွှန်ပြနေပါတယ်။

■ ဒဏ်ရာပြင်းထန်စွာ ရခဲ့ပေမယ့် တမ်နိုဒွန်တိုဆောရပ်စ်ဟာ လိုက်လျောညီထွေဖြစ်အောင် ပြောင်းလဲပြီး ရှင်သန်နိုင်ခဲ့တာ တွေ့ရပါတယ်။

■ ဒီတွေ့ရှိမှုကနေ မျိုးသုဉ်းခဲ့ပြီဖြစ်တဲ့ သတ္တဝါများအကြောင်း ပြန်လည်ဆန်းစစ်ဖို့ တွန်းအားဖြစ်စေပြီး အစာကွင်းဆက်ထိပ်ပိုင်းမှ သတ္တဝါများရဲ့ ဆင့်ကဲဖြစ်စဉ်များကို ပေါ်လွင်စေပါတယ်။

Source: WION Thur11

#World_Health
Published 28 May 2026

■ လမ်းလျှောက်ခြင်းက သွေးပေါင်ချိန် ထိန်းချုပ်ဖို့အတွက် အရိုးရှင်း အထိရောက်ဆုံးနည်းလမ်းတွေထဲက တစ်ခုဖြစ်ပေမယ့် ဘယ်လောက်အထိ လမ်းလျှောက်ဖို့ လိုအပ်နိုင်သလဲ။

■ လူရွယ်အများစုအတွက်တော့ တစ်ပတ်အတွင်း အနည်းဆုံး ၅ ရက်ခန့်ကို မိနစ် ၃၀ ခန့် စတင်လမ်းလျှောက်သင့်တယ်လို့ ဂျူပီတာဆေးရုံမှ ညွှန်ကြားရေးမှူး ဒေါက်တာ အာမစ်ဆာရက်ဖ်က ပြောပါတယ်။

■ ခပ်မြန်မြန် လမ်းလျှောက်ခြင်းက နှလုံးခုန်နှုန်းမြင့်စေရန် လုံလောက်ပေမယ့် မိနစ် ၃၀ က များလွန်းတယ်ထင်ရင် ၁၀ မိနစ်စီခန့် ခွဲလျှောက်နိုင်ပြီး ဒီလိုနည်းလမ်းကလည်း ပုံမှန်လုပ်သွားရင် သက်ရောက်မှုရှိတယ်လို့ ဆိုပါတယ်။

■ သွေးတိုးတဲ့သူတွေမှာ နေ့စဉ် ဖြည်းဖြည်းချင်း လှုပ်ရှားသွားမယ်ဆိုရင် အပေါ်သွေး ၄-၉ မီလီမီတာမာကျူရီခန့် ကျစေနိုင်မှာပါ။

■ အချိန်ကြာလာရင် သွေးလည်ပတ်မှု ကောင်းလာပြီး ကိုယ်အလေးချိန်ထိန်းချုပ်နိုင်ခြင်း၊ ဖိစီးမှုကျဆင်းခြင်းတို့ အကူအညီဖြစ်လာပြီး သွေးပေါင်ချိန်ထိန်းသိမ်းနိုင်မှာ ဖြစ်ပါတယ်။

■ အနည်းငယ်မျှ အပြောင်းအလဲတွေကလည်း အကူအညီဖြစ်စေနိုင်ပြီး ဓာတ်လှေကားအစား လှေကားဖြင့်တက်ခြင်း၊ စားသောက်ပြီးနောက် လမ်းလျှောက်ခြင်း၊ ညနေခင်း ခဏတဖြုတ် လမ်းလျှောက်ခြင်းတို့ လုပ်နိုင်သလို စိမ်းလန်းတဲ့ပတ်ဝန်းကျင်မှာ လမ်းလျှောက်ခြင်းကလည်း ဖိစီးမှု လျော့ကျစေနိုင်ပါတယ်။

■ တစ်ခါတည်းနဲ့ အပြင်းအထန် စလုပ်တာထက်စာရင် ဖြည်းဖြည်းချင်း အစပြုပြီး မြှင့်တင်သွားတာက ပိုပြီးထိရောက်နိုင်ပါတယ်။

■ သွေးတိုးများလွန်းသူ၊ နှလုံးရောဂါ ရှိသူတွေကတော့ လေ့ကျင့်ခန်းစမလုပ်ခင် ဆရာဝန်နဲ့ အရင်တိုင်ပင်သင့်ပါတယ်။

■ ဒါကြောင့် ပုံမှန်လေး လမ်းလျှောက်ခြင်းက သွေးပေါင်ချိန်ထိန်းနိုင်ရန် အထောက်အကူဖြစ်စေပြီး ရေရှည်ကျန်းမာရေးအတွက် အလွယ်ကူဆုံး အလေ့အကျင့် ဖြစ်ပါတယ်။

Source: Indian Express

အမေရိကန်နဲ့ အီရန်တို့ လက်မှတ်ရေးထိုးရန် နီးစပ်နေပြီဖြစ်တဲ့ အဆိုပြုသဘောတူညီချက်ထဲမှာ ရက် ၆၀ ကြာ အပစ်အခတ်ရပ်စဲရေး သက်တမ်းတိုးဖို ပါဝင်ပြီး ဟော်မုဇ်ရေလက်ကြား ပြန်လည်ဖွင့်ပေးရမှာဖြစ်ကာ အီရန်အနေဖြင့် ရေနံလွတ်လပ်စွာ ရောင်းချခွင့်ရမှာဖြစ်ပါတယ်။

#World_News
Published 26 May 2026
#အမေရိကန် #အီရန်
#YMG #Yangon_Times #Yangon_Media_Group

#Daily_News
Published 27 May 2026

၁။‌ ပဲမျိုးစုံ၊ ပြောင်းနှင့်နှမ်းတန်ချိန်သုံးသန်းကျော်တင်ပို့ထား

‌‎၂။ မြန်မာနိုင်ငံစက်ဘီးစီးတံခွန်စိုက်ပြိုင်ပွဲ ၂၀၂၆ကျင်းပမည်

၃။‌‌‎ စစ်ကိုင်းတိုင်း၌ဆီထွက်သီးနှံ စိုက်ဧက ၂၄ သိန်းကျော် စိုက်ပျိုးရန်လျာထား

၄။‎ စစ်ပွဲအဆုံးသတ်ရေးနှင့်ဟော်မုဇ်ရေလက်ကြားပြန်ဖွင့်ရေးအတွက်ငြိမ်းချမ်းရေးသဘောတူညီချက်ရရန် အမေရိကန်နှင့်အီရန်နီးစပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၀၂၅-၂၀၂၆ ဘဏ္ဍာနှစ်မှာ ပြည်ပနိုင်ငံတွေကို  ပဲမျိုးစုံ၊ ပြောင်းနဲ့ နှမ်းတန်ချိန် သုံးသန်းကျော်တင်ပို့ထားတယ်လို့ မြန်မာနိုင်ငံ ပဲမျိုးစုံ၊ ပြောင်းနှင့်နှမ်းကုန်သည်များအသင်းက သိရပါတယ်။

#Local_News
Published 26 May 2026
#ပဲမျိုးစုံ #ပြောင်း_နှမ်း
#YMG/NN #Yangon_Times

မြန်မာနိုင်ငံစက်ဘီးအဖွဲချုပ် (MCF) မှ(၆၄) ကြိမ်မြောက် မြန်မာနိုင်ငံ စက်ဘီးစီးတံခွန်စိုက်ပြိုင်ပွဲ ၂၀၂၆ ကို အားကစား ရေးရာဝန်ကြီးဌာနရဲ့ဦးဆောင်မှုဖြင့် ရန်ကုန်မြို့မှာ ဇွန် ၂၆ ရက်မှ ဇွန် ၂၈ ရက်အထိကျင်းပသွားမှာဖြစ်တယ်လို့သိရပါတယ်။

#Local_News
Published 26 May 2026
#စက်ဘီးစီးတံခွန်စိုက်ပြိုင်ပွဲ #MCF
#YMG/SW #Yangon_Times

စစ်ကိုင်းတိုင်း မှာအခု ၂၀၂၆-၂၀၂၇ စိုက်ပျိုးရာသီအတွက် ဆီထွက်သီးနှံ တွေဖြစ်တဲ့ မြေပဲ၊နှမ်း၊နေကြာ စိုက်ဧက ၂၄ သိန်းကျော် စိုက်ပျိုးဖို့လျာထားတယ်လို့ စစ်ကိုင်းတိုင်းဒေသကြီး စိုက်ပျိုးရေးဦးစီးဌာနက သိရပါတယ်။

#Local_News
Published 26 May 2026
#စစ်ကိုင်းတိုင်း #ဆီထွက်သီးနှံ
#YMG/NN #Yangon_Times

ထုတ်ကုန်တစ်ခုတွင် မူပိုင်ခွင့်(၄)ခုဖြင့် အကာအကွယ်ရယူနိုင်ရေး ဆောင်ရွက်ပေးလျှက်ရှိရာ လျှောက်လွှာ ၃၀၀ ကျော်ကို စက်မှုဒီဇိုင်းမှတ်ပုံတင်မူပိုင်ခွင့်လက်မှတ်များ ထုတ်ပေးပြီးဖြစ်တယ်လို့ စက်မှုဒီဇိုင်းမူပိုင်ခွင့်ဌာနခွဲ သိရပါတယ်။

#Local_News
Published 26 May 2026
#စက်မှုဒီဇိုင်းမှတ်ပုံတင်လက်မှတ်
#YMG/SW #Yangon_Times

#Local_News
Published 27 May 2026

■ လာမည့် နှစ်ရက်အတွင်း မြန်မာနိုင်ငံအလယ်ပိုင်းဒေသများသို့အနောက်တောင်မုတ်သုံလေ ဝင်ရောက်နိုင်ကြောင်းမိုးလေဝသနှင့်ဇလ‌ဗေဒညွှန်ကြားမှုဦးစီးဌာန၏ ယနေ့မနက်ပိုင်းထုတ်ပြန်ချက်အရသိရသည်။

■ ထို့အပြင် မွန်ပြည်နယ်တွင် မိုးတိမ်တောင်များ ဖြစ်ထွန်းလျက်ရှိပြီး အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားကြောင်းသိရသည်။

■ ၎င်းအပြင် ကပ္ပလီပင်လယ်ပြင်၊ ဘင်္ဂလားပင်လယ်အော်တောင်ပိုင်းနှင့် အရှေ့အလယ်ပိုင်း တို့တွင် မုတ်သုံလေ အားအသင့်အတင့်မှ အားကောင်းနေပြီး ဘင်္ဂလားပင်လယ်အော်အ‌ရှေ့မြောက်ပိုင်းတွင် တိမ်အနည်းငယ် ဖြစ်ထွန်းနေပြီး ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေကြောင်း ဆိုထားသည်။

■ ယနေ့ညနေအထိခန့်မှန်းချက်မှာ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ် တို့တွင် နေရာအနှံ့အပြား၊ နေပြည်တော်၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ချင်းပြည်နယ်နှင့် ရှမ်း ပြည်နယ်(တောင်ပိုင်း)တို့တွင် နေရာစိပ်စိပ်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး အထက်ပိုင်း၊ ကချင်ပြည်နယ်နှင့် ကယားပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်းရွာပြီး နေပြည်တော်တွင် နေရာကွက်၍ မိုးကြီးနိုင်ကြောင်းသိရသည်။

#YMG/NN #Yangon_Times

#World_News
Published 27 May 2026

■ အမေရိကန်သမ္မတ ဒေါ်နယ်ထရမ့်က မီဒီယာအဖွဲ့အစည်းကြီးများနဲ့ နိုင်ငံရေးအတိုက်အခံများကို ပြင်းပြင်းထန်ထန် ဝေဖန်ခဲ့ပြီး အီရန်အပေါ် အမေရိကန်စစ်တပ်က လုံးဝဥဿုံ အောင်ပွဲရရှိခဲ့ရင်တောင် ယင်းတို့ကဖြစ်ရပ်မှန်ကို ပုံဖျက်‌ဖော်ပြကြလိမ့်မယ်လို့ ပြောလိုက်ပါတယ်။

■ မီဒီယာကြီးတွေဟာ အမေရိကန်အနေဖြင့် အီရန်ကို အကြွင်းမဲ့ အောင်ပွဲခံနိုင်ရင်တောင် ထိုရလဒ်ကို လွဲမှားစွာဖော်ပြကြလိမ့်မယ်လို့ ထရမ့်က ဆိုရှယ်မီဒီယာ ပို့စ်တစ်ခုမှာ ပြောဆိုခဲ့ပါတယ်။

■ သတင်းမီဒီယာတွေက 'အီရန်ဟာ အမေရိကန်အပေါ် ပြောင်မြောက်ပြီး ထူးချွန်ပြည့်စုံတဲ့ အောင်ပွဲကို ရရှိခဲ့တယ်၊ ယှဉ်လို့တောင် မရပါဘူး’ ဆိုပြီး ခေါင်းကြီးပိုင်းသတင်း တင်ကြလိမ့်မယ်လို့ ဆိုပါတယ်။

■ ထရမ့်ဟာ The New York Times ၊ The Wall Street Journal ၊ CNN စတဲ့ နာမည်ကြီး သတင်းဌာနတွေကို အမည်ပြောင်တွေသုံးပြီး လှောင်ပြောင်ဖော်ပြခဲ့ပါတယ်။

■ ထရမ့်က ထိုအဖွဲ့အစည်းများကို သတင်းတုမီဒီယာဆိုတဲ့ အကြောင်းအရာအောက်
စုစည်း‌ဖော်ပြခဲ့ပါတယ်။

■ ဒါ့အပြင် ပြည်တွင်းနိုင်ငံရေး ပြိုင်ဘက်များအထိ ဝေဖန်ခဲ့ပြီး ဒီမိုကရက်များနဲ့ မီဒီယာလောကမှ ပုဂ္ဂိုလ်တွေဟာ လက်တွေ့ဘဝနဲ့ ကင်းကွာနေကြတယ်လို့ စွပ်စွဲခဲ့ပါတယ်။

Source: WION

#Local_News
Published 27 May 2026
 
■ လာမည့် ၅ နှစ်တာကာလအတွင်း ထာဝရငြိမ်းချမ်းရေးရရှိရန်အတွက် မျှော်မှန်းချက်ထား၍ ဆောင်ရွက်သွားမည်ဟု နိုင်ငံတော်သမ္မတဦးမင်းအောင်လှိုင်ကပြည်ထောင်စုအစိုးရအဖွဲ့အစည်းအဝေး တွင်  ပြောကြားလိုက်သည်။

■ ပြည်ထောင်စုသမ္မတမြန်မာနိုင်ငံတော်၊ ပြည်ထောင်စုအစိုးရအဖွဲ့အစည်းအဝေးကို ယနေ့နံနက်ပိုင်းတွင် နေပြည်တော်ရှိ နိုင်ငံတော်သမ္မတရုံးတော်၊ ပြည်ထောင်စုအစိုးရအဖွဲ့အစည်းအဝေးခန်းမ၌ ကျင်းပပြုလုပ်ခဲ့ခြင်း ဖြစ်သည်။

■ အစိုးရ ရက်ပေါင်း ၁၀၀ အတွင်း ငြိမ်းချမ်းရေးဆွေးနွေးခြင်းများကို ဆောင်ရွက်သွားနိုင်ရေးအတွက် ဖိတ်ခေါ်ခဲ့ပြီး လက်ရှိအချိန်၌ EAO အဖွဲ့အချို့နှင့်အောက်ခြေ အဆင့်များတွင် ထိတွေ့မှုများ ဆောင်ရွက်နေပြီဖြစ်ကြောင်း၊ PDF အမည်ခံ အကြမ်းဖက်အဖွဲ့များအနေဖြင့် ၂၀၂၀ ပြည့်နှစ်ရွေးကောက်ပွဲ၌ မဲမသမာမှုများကြောင့် ဖြစ်ပေါ်လာသည့် နိုင်ငံရေးဖြစ်စဉ်များအပေါ် ကျေနပ်လက်ခံနိုင်မှုမရှိခြင်းကြောင့် လက်နက်ကိုင်လမ်းစဉ်ကို ရွေးချယ်ခဲ့ကြခြင်းဖြစ်ကြောင်းနိုင်ငံတော် သမ္မတက ပြောသည်။

■ ယင်းအပြင် ပညာရေးဖွံ့ဖြိုးတိုးတက်လာစေရေးအတွက် တည်ငြိမ်အေးချမ်းမှုရှိရန်လည်း လိုအပ်မည်ဖြစ်သဖြင့် လာမည့် ၅ နှစ် တာကာလအတွင်း ထာဝရငြိမ်းချမ်း ရေးရရှိရန်အတွက် မျှော်မှန်းချက်ထား၍ ဆောင်ရွက်သွားမည်ဖြစ်ကြောင်း ပြောကြားခဲ့သည်။

■ နိုင်ငံတော်အစိုးရအနေဖြင့် ထာဝရငြိမ်းချမ်းရေးရရှိရန်အတွက် မည်ကဲ့သို့ပင် ဖိတ်ခေါ်ကမ်းလှမ်းနေသည်ဖြစ်စေ လက်နက်ကိုင်အဖွဲ့များအနေဖြင့် ယုံကြည်ချက်၊ ခံယူချက်ရှိစွာဖြင့် အမှန်တကယ်ငြိမ်းချမ်းရေးရယူလိုစိတ်၊ နိုင်ငံတော်ဖွံ့ဖြိုးတိုးတက်ရေးအတွက် အတူတကွ ဝိုင်းဝန်းပူးပေါင်းဆောင်ရွက် လိုစိတ်ရှိရန်လည်း လိုအပ်မည်ဖြစ်ကြောင်း၊ မိမိတို့အနေဖြင့် နိုင်ငံရေးအရ၊ လုံခြုံရေးအရ၊ စီးပွားရေးအရ အားနည်းချက်များဖြစ်ပေါ်လျက်ရှိသည်ကို အလေးထား၍ ပြုပြင်ပြောင်းလဲမှုများ ဆောင်ရွက်သွားကြရမည်ဖြစ်ကြောင်း၊ နိုင်ငံတော်တွင် ကြုံတွေ့ဖြတ်သန်းခဲ့ရသည့် သမိုင်းကြောင်းဆိုင်ရာများ၊ ခေတ်စနစ်အတွေ့အကြုံများအပေါ်တွင် သင်ခန်းစာယူ၍ အစိုးရအနေဖြင့် ကောင်းမွန်သည့် ဦးဆောင်မှုများဖြင့် နိုင်ငံရေးအား၊ စီးပွားရေးအား၊ ကာကွယ်ရေးအားများ တိုးတက်လာစေရန်၊ နိုင်ငံတကာမျက်နှာစာတွင် နိုင်ငံဂုဏ်သိက္ခာကို မြှင့်တင်သွားနိုင်ရန် ကြိုးပမ်းဆောင်ရွက်သွားကြရမည်ဖြစ်ကြောင်းလည်း သမ္မတက ပြောသည်။

■ ထို့အပြင် ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများ၊ တိုင်းဒေသကြီးနှင့် ပြည်နယ်ဝန်ကြီးချုပ်များအနေဖြင့်လည်း နိုင်ငံရေး၊ စီးပွားရေး၊ လုံခြုံရေးနှင့်ပတ်သက်လာပါက အမြင်ကျယ်စွာဖြင့် ကျယ်ကျယ်ပြန့်ပြန့် တွေးခေါ်ဆောင်ရွက်ကြရန်လည်း အလေးထားမှာကြားခဲ့ကြောင်း သိရသည်။

■ ယခုအခါ အစိုးရအနေဖြင့် နိုင်ငံတော်တာဝန်ကိုထမ်းဆောင်ခဲ့သည်မှာ တစ်လခွဲကာလသို့ ရောက်ရှိခဲ့ပြီဖြစ်ကြောင်း၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စု ဝန်ကြီးများ၊ တိုင်းဒေသကြီးနှင့် ပြည်နယ်ဝန်ကြီး ချုပ်များအနေဖြင့် နိုင်ငံတကာနှင့် ဆက်ဆံဆောင် ရွက်ရသည့်အခါ နိုင်ငံအတွက် အကျိုးရှိစေမည့် ပြောဆိုဆက်ဆံမှုများဖြစ်စေရန်၊ နိုင်ငံရေးအရ ပါတီစုံဒီမိုကရေစီစနစ် ခိုင်ခိုင်မာမာဖြစ်စေရေး ဆောင်ရွက်သွားမည်၊ ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကိုရအောင် တည်ဆောက်မည်ဖြစ်ကြောင်း၊ ဖက်ဒရယ်ဟုဆိုရာတွင် နယ်မြေဒေသကိုပေးသည့်ဖက်ဒရယ်ဖြစ်ပြီး လူမျိုးကိုပေးသည့် ဖက်ဒရယ်မဟုတ်သည်ကိုလည်း သိရှိနားလည်နိုင်ကြရန်လိုကြောင်း၊ တိုင်းပြည်သာယာဝပြောရေးဆောင်ရွက်နိုင်ရန်အလုပ်အကိုင်အခွင့်အလမ်းများရရှိစေရေး၊ အမှန်တကယ်အလုပ် လုပ်ကိုင်နိုင်စေရေး၊ လုပ်တတ်ကိုင်တတ်စေရေး ဖန်တီးပေးနိုင်ရမည်ဖြစ် ကြောင်း၊ ဗဟိုအစိုးရမှ ဖန်တီးပေးရမည်များရှိသကဲ့သို့ ပြည်နယ်နှင့် တိုင်းဒေသကြီးအဆင့်မှ ဖော်ဆောင်ပေးရမည်များလည်းရှိကြောင်း၊ ထိုသို့ ဆောင်ရွက်ပေးနိုင်မှသာလျင် ၎င်းတို့အနေဖြင့်ဝင်ငွေကောင်းလာမည်ဖြစ်ပြီး လူမှုစီးပွားဘဝများ တိုးတက်လာမည်ဖြစ်ကာ နိုင်ငံတော်အစိုးရအပေါ်တွင်လည်း ယုံကြည်မှုရှိလာမည်ဖြစ်ကြောင်း သမ္မတက ပြောကြားခဲ့သည်။

#YMG/PP #Yangon_Times

#Local_News
Published 27 May 2026

■ ပြန်လည်ထူထောင်ရေးလုပ်ငန်းများ ဆောင်ရွက် ရာတွင် လိုအပ်သည့် ဘိလပ်မြေ၊ သွပ်၊ သွပ်ရိုက်သံ အစရှိသည့် ဆောက်လုပ်ရေးလုပ်ငန်း သုံးပစ္စည်းများကို မန္တလေးမြို့မှလည်းကောင်း၊ မိမိအရပ်ဒေသသို့ ပြန်လည်ဝင်ရောက် နေထိုင်ကြမည့် ဒေသခံပြည်သူများအတွက် လူသုံးကုန်ပစ္စည်းများ၊ မီးဖိုချောင်သုံး ပစ္စည်း များ၊ ကျန်းမာရေးသုံးပစ္စည်းများကို နေပြည်တော်မှ လည်းကောင်း မေလ ၂၅ ရက်တွင် တပ်မတော်လေယာဉ်များဖြင့် ပို့ဆောင်ပေးခဲ့ရာ ကလေးမြို့သို့ ရောက်ရှိခဲ့ကြောင်း သိရသည်။

■ အဆိုပါ ကလေးမြို့သို့ ရောက်ရှိနေသည့် ပြန်လည်ထူထောင်ရေး လုပ်ငန်းသုံး ပစ္စည်းများဖြစ်သည့် ဘိလပ်မြေ၊ သွပ်၊ သံများနှင့် လူမှုကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနမှ ထောက်ပံ့ပေးအပ်သည့် လူသုံးကုန်ပစ္စည်းများကို ယနေ့နံနက်ပိုင်းတွင် ကလေးမြို့မှတစ်ဆင့် မော်တော်ယာဉ်များဖြင့် ဆက်လက်ပို့ဆောင်ရာ ညနေပိုင်းတွင် ဖလမ်းမြို့သို့ ရောက်ရှိခဲ့ကြောင်းသိရသည်။

■ မော်တော်ယာဉ်များဖြင့် ရောက်ရှိလာသည့် ကုန်ပစ္စည်းများကိုသက်ဆိုင်ရာတာဝန်ရှိသူများက လက်ခံရယူခဲ့ကြပြီး ဒေသခံပြည်သူများ၏ လက်ဝယ်အရောက်ဆက်လက်ဖြန့်ဝေပေးသွားမည်ဖြစ်ကြောင်း၊ ပို့ဆောင်ရန်ကျန်ရှိသည့်မြို့များသို့လည်း ဆက်လက်ပို့ဆောင်ပေးသွားမည်ဖြစ်ကြောင်းနှင့် နိုင်ငံတော်အစိုးရအနေဖြင့် ဒေသ၏လိုအပ်ချက်အပေါ်မူတည်ပြီး ဖြည့်ဆည်းပေးနိုင်ရေး စဉ်ဆက်မပြတ်ဆောင်ရွက်ပေးသွားမည်ဖြစ်ကြောင်း သိရသည်။

#YMG/PP #Yangon_Times