#World_Health
Published 30 May 2026

■ အသက် ၆၀ ဝန်းကျင်လောက်ကစပြီး အာဟာရဓာတ် လိုအပ်ချက်တွေ ပြောင်းလဲလာကြပါတယ်။

■ အသက် ၆၀ နောက်ပိုင်းမှာ ဇီဝကမ္မဖြစ်စဉ် နှေးလာပြီး ကြွက်သားဆုံးရှုံးလာပါတယ်။

■ ကြံ့ခိုင်ရေး လေ့ကျင့်ခန်းတွေ၊ ပရိုတိန်းတွေဖြင့် ကြွက်သားနဲ့ ခွန်အားဆုံးရှုံးမှုတွေ ထိန်းသိမ်းနိုင်ပါတယ်။

■ အာဟာရဓာတ် စုပ်ယူမှုလျော့နည်းလာတာကြောင့် အချို့သော အာဟာရဓာတ်တွေကို ဦးစားပေးဖို့ လိုအပ်လာပါတယ်။

■ (၁) ကယ်စီယံ
အသက်ကြီးလာတာနဲ့အမျှ ကယ်စီယံပိုစားဖို့ လိုလာပြီး အရိုးသန်မာမှုကို ကူညီပေးကာ အရိုးပွနိုင်ခြေ လျော့နည်းစေပါတယ်။
ကိုက်လံ၊ ပန်းဂေါ်ဖီစိမ်းတို့လို အစိမ်းရောင်အရွက်များ၊ နို့ထွက်ပစ္စည်းများ၊ လိမ္မော်ရည်၊ အပင်ထွက်နို့တို့လို ကယ်စီယံပါဝင်တဲ့ အစားအစာတွေမှာ ကယ်စီယံကြွယ်ဝစွာ ပါဝင်ပါတယ်။

■ (၂) ဗိုက်တာမင်-ဒီ
အရိုးသန်မာမှုကို ထောက်ပံ့ပေးကာ အဆီပါသောငါး၊ ကြက်ဥအနှစ်တို့မှာ ပါဝင်သလို နေရောင်ခြည်ထိတွေ့ခြင်းကလည်း ဗိုက်တာမင်-ဒီ ရရှိစေပါတယ်။

■ (၃) ဗိုက်တာမင်-ဘီ၁၂
အသက်ကြီးလာတဲ့အခါ အစာအိမ်အက်ဆစ် ထုတ်လုပ်မှု နည်းသွားတာကြောင့် ဗိုက်တာမင်-ဘီ၁၂ စုပ်ယူနိုင်ဖို့ ခက်လာပါတယ်။
ဒါကြောင့် အသား၊ ဥ၊ နို့ထွက်ပစ္စည်း၊ ငါးတို့ စားသုံးခြင်းဖြင့် ဘီ၁၂ ရရှိစေမှာ ဖြစ်ပါတယ်။

■ (၄) ပရိုတိန်း
အသက်ကြီးလာရင် ပရိုတိန်း ပိုလိုအပ်လာတာကြောင့် စားတဲ့အခါတိုင်းမှာ ပရိုတိန်းလုံလောက်အောင် စားသုံးသင့်ပြီး ကြက်သား၊ ငါး၊ ဥ၊ ဒိန်ချဉ်၊ တိုဖူးတို့မှာ ပရိုတိန်းကြွယ်ဝစွာ ပါဝင်ပါတယ်။

■ (၅) အမျှင်ဓာတ်
အစာခြေစနစ် ကောင်းမွန်နေစေဖို့ အမျှင်ဓာတ် ပိုစားရမှာဖြစ်ပြီး အပင်အခြေပြု စားစရာတွေဖြစ်တဲ့ ပဲ၊ ဟင်းရွက်၊ အသီးအနှံ၊ အခွံမာသီး၊ အစေ့အဆန်တို့မှာ ကြွယ်ဝစွာ ပါဝင်ပါတယ်။

Source: Very Well Health

နည်းပညာပိုင်း တိုးတက်မှုများ၊ ပို့ကုန်တိုးမြှင့်လာမှုများနဲ့ အသုံးပြုမှုကဏ္ဍများ ပိုမိုကျယ်ပြန့်လာမှုတို့ကြောင့် တရုတ်နိုင်ငံရဲ့ 3D ပရင့်ထုတ်ကဏ္ဍ လျင်မြန်စွာဖွံဖြိုးတိုးတက်တဲ့ အဆင့်သစ်တစ်ခုသို့ ကူးပြောင်းနေပြီဖြစ်ပါတယ်။

#Asia_Industry
Published 29 May 2026
#တရုတ်3Dပရင့်
#YMG #Yangon_Times #Yangon_Media_Group

မေ ၂၉၊နယူးဒေလီ(WION) - အိန္ဒိယ အမျိုးသားလုံခြုံရေးအကြံပေး အဂျစ်ဒိုဗယ် (Ajit Doval) သည် သောကြာနေ့က မော်စကိုမြို့၌ ကျင်းပသည့် ပထမဆုံးအကြိမ် နိုင်ငံတကာ လုံခြုံရေးဖိုရမ်၏ ပြင်ပ  သီးသန့်တွေ့ဆုံမှုအဖြစ်တွင် မြန်မာအစိုးရ အမျိုးသားလုံခြုံရေးဆိုင်ရာအကြံပေး ဦးတင်အောင်စန်းနှင့် ဆွေးနွေး ပွဲများ ပြုလုပ်ခဲ့သည်။

လုံခြုံရေးဆိုင်ရာ အကြီးအကဲနှစ်ဦးသည် လုံခြုံရေး၊ ကာကွယ်ရေး၊ ဆက်သွယ်မှုနှင့် အခြား နှစ်နိုင်ငံ အကျိုးတူကဏ္ဍများတစ်လျှောက် နှစ်နိုင်ငံပူးပေါင်းဆောင်ရွက်မှုများကို ပြန်လည်သုံးသပ်ခဲ့ကြပြီး မကြာ  သေးမီက ဒေသတွင်း ဖြစ်ပေါ်တိုးတက်မှုများအပေါ် အမြင်ချင်းဖလှယ်ခဲ့ကြကြောင်း တာဝန်ရှိသူများက ပြောကြားခဲ့သည်။

မြန်မာနိုင်ငံ၏ ပြည်တွင်းလုံခြုံရေးအခြေအနေဆိုင်ရာ စိန်ခေါ်မှုများနှင့် အင်ဒို-ပစိဖိတ်ဒေသတွင်း ပိုမို ကျယ်ပြန့်သော ပထဝီဝင်နိုင်ငံရေး အပြောင်းအလဲများ ရှိနေသော်လည်း အိမ်နီးချင်းနှစ်နိုင်ငံအနေဖြင့် ဆက်ဆံရေးပိုမိုခိုင်မာစေရန် ကြိုးပမ်းနေချိန်တွင် ယခုတွေ့ဆုံမှု ထွက်ပေါ်လာခြင်းဖြစ်သည်။

ဘင်္ဂလားပင်လယ်အော်ကဏ္ဍစုံနည်းပညာနှင့် စီးပွားရေးပူးပေါင်းဆောင်ရွက်မှုအဖွဲ့ (BIMSTEC) ကို နှစ်နိုင်ငံစလုံးက အလေးထားကြောင်း မီးမောင်းထိုးပြလျက် မြန်မာနိုင်ငံ၏ အမျိုးသားလုံခြုံရေး အကြံပေး ဦးတင်အောင်စန်းသည် (၅) ကြိမ်မြောက် ဘင်းမ်စတက် အမျိုးသားလုံခြုံရေးအကြံပေးများ အစည်းအဝေး    အတွက် ဇူလိုင်လတွင် အိန္ဒိယနိုင်ငံသို့ လာရောက်ရန် အစီအစဉ်ရှိသည်။

ယခု မော်စကိုတွေ့ဆုံမှုသည် မေလ (၃၀) ရက်မှ ဇွန်လ (၃) ရက်နေ့အထိ ပြုလုပ်မည့် မြန်မာနိုင်ငံ သမ္မတ ဦးမင်းအောင်လှိုင်၏ အဆင့်မြင့် အိန္ဒိယနိုင်ငံခရီးစဉ်အတွက် လမ်းခင်းပေးလိုက်ခြင်းဖြစ်သည်။

မေ ၂၉၊၂၀၂၆- နိုင်ငံတော်သမ္မတဦးမင်းအောင်လှိုင်၏ မကြာမီစတင်မည့် အိန္ဒိယနိုင်ငံသို့ တရားဝင်ခရီးစဉ်အတွင်း စီးပွားရေးစီမံကိန်းများပူးပေါင်းဆောင်ရွက်မှုများနှင့် နယ်စပ်စီမံခန့်ခွဲရေးကိစ္စများ ပါဝင်ဖွယ်ရှိနေ  ကြောင်း သိရသည်။

အိန္ဒိယနိုင်ငံအခြေစိုက် Wion သတင်းဌာန၏ ယနေ့ မေ၂၉ရက် သတင်းထုတ်ပြန်ချက်တစ်ရပ်တွင် ကုလားတန် ဘက်စုံသယ်ယူပို့ဆောင်ရေး စီမံကိန်း အပါအဝင် ဆက်သွယ်ရေး စီမံကိန်းများ၊ စွမ်းအင် ကဏ္ဍ ပူးပေါင်းဆောင်ရွက်မှုနှင့် ပိုမိုကောင်းမွန်သော နယ်စပ်စီမံခန့်ခွဲရေးကိစ္စရပ်များမှာ ခရီးစဉ်အတွင်း ထင်ရှားစွာ ပါဝင်လာမည်ဟု မျှော်လင့်ရကြောင်းဖော်ပြထားခြင်းဖြစ်သည်။

ကုန်သွယ်ရေး၊ အိန္ဒိယနိုင်ငံ အရှေ့မြောက်ပိုင်းရှိ အလွယ်တကူ ဝင်ထွက်သွားလာနိုင်သော နယ်စပ်  တစ်လျှောက် အကြမ်းဖက်မှု တန်ပြန်နှိမ်နင်းရေး ပူးပေါင်းဆောင်ရွက်မှုနှင့် အိန္ဒိယနိုင်ငံ၏ ကုန်းတွင်းပိတ် ပြည်နယ်များကို အရှေ့တောင်အာရှနှင့် ချိတ်ဆက်ပေးနိုင်မည့် ဆက်သွယ်ရေးစင်္ကြံများကိစ္စသည်လည်း ဆွေးနွေးပွဲ အစီအစဉ်တွင် လွှမ်းမိုးထားဖွယ်ရှိနေကြောင်းလည်း သတင်းကဆိုသည်။

သမ္မတ ဦးမင်းအောင်လှိုင်သည် အစိုးရအဖွဲ့ ဝန်ကြီးများ၊ အဆင့်မြင့်အရာရှိကြီးများနှင့် စီးပွားရေး  လုပ်ငန်းရှင် ခေါင်းဆောင်များ ပါဝင်သော အဆင့်မြင့် ကိုယ်စားလှယ်အဖွဲ့နှင့်အတူ ဇွန်လ (၁) ရက်နေ့တွင် နယူးဒေလီမြို့၌ ဝန်ကြီးချုပ် မိုဒီနှင့် တရားဝင် ဆွေးနွေးပွဲများ ပြုလုပ်မည်ဖြစ်သည်။

အဆိုပါ ဆွေးနွေးပွဲများတွင် နှစ်နိုင်ငံအကြား “သမိုင်းနှင့် ယဉ်ကျေးမှုဆိုင်ရာ ဆက်နွှယ်မှုများ” ကို ပိုမို  ခိုင်မာအားကောင်းစေရေး အဓိကထား ဆွေးနွေးမည်ဟု မျှော်လင့်ရကြောင်း အိန္ဒိယအစိုးရ၏ ထုတ်ပြန်  ချက်တွင်ဖော်ပြထားသည်။ ခရီးစဉ်အတွင်း သီးသန့် စီးပွားရေးဖိုရမ်တစ်ခုကိုလည်း ကျင်းပသွားမည်   ဖြစ်သည်။

ဇွန်လ (၂) ရက်နေ့တွင် အိန္ဒိယ စက်မှုလုပ်ငန်းရှင် ခေါင်းဆောင်များနှင့် စီးပွားရေးဆိုင်ရာ တွေ့ဆုံမှုများနှင့် လုပ်ငန်းခွင်လေ့လာရေးများအတွက် မွမ်ဘိုင်းမြို့သို့ ခရီးမထွက်ခွာခင် သမ္မတ ဦးမင်းအောင်လှိုင်သည် ဗုဒ္ဓဘာသာဝင်များအတွက် အလွန်အရေးပါသော ဘာသာရေး အထွတ်အမြတ်ထားရာ နေရာဖြစ်သည့် ဘီဟာပြည်နယ်ရှိ ဗုဒ္ဓဂါယာသို့ မေ၃၀ရက်တွင် သွားရောက်မည်ဖြစ်သည်။

"မြန်မာနိုင်ငံသည် အိန္ဒိယနိုင်ငံ၏ အိမ်နီးချင်းပထမ (Neighbourhood First)၊ အရှေ့မျှော်(Act East)မူဝါဒ နှင့် မဟာဆာဂါ (MAHASAGAR- လုံခြုံရေးနှင့် ဖွံ့ဖြိုးတိုးတက်မှုအတွက် အပြန်အလှန်နှင့် ဘက်စုံတိုးတက်ရေး)) မူဝါဒများ ဆုံစည်းရာတွင် တည်ရှိနေသည်" ဟု အိန္ဒိယအစိုးရ၏ ထုတ်ပြန်   ချက်တွင် မှတ်ချက်ပြုထားပြီး၊ နယူးဒေလီအစိုးရအနေဖြင့် နှစ်နိုင်ငံဆက်ဆံရေးအပေါ် မည်မျှ မဟာ  ဗျူဟာမြောက် အလေးထားကြောင်းကို မီးမောင်းထိုးပြထားကြောင်း အဆိုပါသတင်းကရေးသားသည်။

ယခုခရီးစဉ်သည် သမ္မတ ဦးမင်းအောင်လှိုင်၏ လက်ရှိရာထူးတာဝန်ဖြင့် ပထမဆုံးအကြိမ် ပြည်ပသို့  သွားရောက်သော ခရီးစဉ်လည်းဖြစ်သည်။

သစ်တောသယံဇာတ ပတ်ဝန်းကျင်ဖွံဖြိုးတိုးတက်ရေးနှင့် ထိန်းသိမ်းရေးအသင်း (FREDA)က ကြီးမှူးပြီးပထမဦးဆုံးအကြိမ်အဖြစ် “ငှက်ကြည့်ခြင်း (Bird Watching) သင်တန်း” ကိုဖွင့်လှစ်သွားမှာဖြစ်တယ်လို့သိရပါတယ်။

#Local_News
Published 29 May 2026
#ငှက်မျိုးစိတ် #ငှက်ကြည့်ခြင်းသင်တန်း
#YMG/SW #Yangon_Times

ယာဉ်အို/ယာဉ်ဟောင်းတွေနေရာမှာ လျှပ်စစ်သုံးယာဉ်တွေကို အစားထိုးလဲလှယ်ဆောင်ရွက်ပေးသွားမှာဖြစ်ပြီး လိုအပ်တဲ့နိုင်ငံခြား ငွေကြေးကိုလည်း ဗဟိုဘဏ်ကထုတ်‌ရောင်းပေးသွားမယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက အသိပေးထုတ်ပြန်ထားပါတယ်။

#Local_News
Published 29 May 2026
#ယာဉ်အို #ယာဉ်ဟောင်း
#YMG/NN #Yangon_Times

ယူနန်ပြည်နယ်မှလုပ်ငန်းရှင်များအနေနဲ့ပြည်တွင်းရှိစွမ်းအင်ကဏ္ဍနဲ့အခြေခံအဆောက်အဦကဏ္ဍတွေမှာ ရင်းနှီးမြှုပ်နှံလိုတယ်လို့ ကူမင်းကောင်စစ် ဝန်ချုပ်ရုံးမှ သိရပါတယ်။

#Local_News
Published 29 May 2026
#ယူနန် #ကူမင်းကောင်စစ် ဝန်ချုပ်ရုံး
#YMG/SW #Yangon_Times

ရန်ကုန်မြို့မှာ သုံးရက်တိုင်တိုင်ကျင်းပနေတဲ့ အကြိမ်(၂၀)မြောက် မြန်မာနိုင်ငံရဲ့ အကြီးဆုံးအိမ်ခြံမြေ ကားအရောင်းပြပွဲကြီးမှာအိမ်ခြံမြေ ကားတွေကို အရစ်ကျစနစ်နဲ့ ရောင်းချပေးနေတယ်လို့ သိရပါတယ်။

#Local_News
Published 29 May 2026
#အိမ်ခြံမြေ #ကားအရောင်းပြပွဲ
#YMG/NN #Yangon_Times

#Daily_News
Published 29 May 2026

၁။‌ ငှက်မျိုးစိတ်များအားလေ့လာနိုင်ရန် ငှက်ကြည့်သင်တန်းဖွင့်မည်

‌‎၂။ ‌‌‌‌ယာဉ်အို/ယာဉ်ဟောင်းများနေရာ၌ (EV)ယာဉ်များဖြင့် အစားထိုးလဲလှယ်ပေးမည်

‎၃။‌‌‎ ယူနန်မှလုပ်ငန်းရှင်များကစွမ်းအင်ကဏ္ဍနှင့်အခြေခံအဆောက်အဦကဏ္ဍတို့တွင် ရင်းနှီးမြှုပ်နှံလို

၄။‎ ‌‌‌‌‌‌‌‌‌အမြောက်အများထုတ်လုပ်မှုအဆင့်ရောက်လာကာ ကမ္ဘာလုံးဆိုင်ရာဈေးကွက်စိုးမိုးလာသည့် တရုတ်3Dပရင့်လုပ်ငန်းကဏ္ဍ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 29 May 2026

■ ကမ္ဘောဒီးယားနိုင်ငံတွင် အခက်အခဲကြုံတွေ့နေရသည့် အမျိုးသား၄၅ဦး နှင့်အမျိုးသမီး ၃၀ဦး စုစုပေါင်း မြန်မာနိုင်ငံသား ၇၅ ဦးအား အမိနိုင်ငံသို့ ပြန်လည်ခေါ်ဆောင်ခဲ့ကြောင်းသိရသည်။

■ နိုင်ငံတော်အစိုးရသည် ပြည်ပတွင်ရောက်ရှိနေသည့် မြန်မာနိုင်ငံသားများ အခက်အခဲများ ကြုံတွေ့လာပါက နိုင်ငံသားများအပေါ် အလေးအနက်ထား တန်ဖိုးထားသည့်အနေဖြင့် မြန်မာသံရုံးနှင့် မြန်မာကောင်စစ်ဝန်ချုပ်ရုံးတို့က သက်ဆိုင်ရာနိုင်ငံများနှင့်ချိတ်ဆက်၍ အမိနိုင်ငံသားများ မြန်မာနိုင်ငံသို့အေးချမ်းလုံခြုံစွာ အမြန်ဆုံးပြန်လည်ရောက်ရှိနိုင်ရန် စီစဉ်ဆောင်ရွက်ပေးလျက်ရှိခြင်း ဖြစ်သည်။
 
■ ထိုသို့ဆောင်ရွက်ပေးလျက်ရှိရာ မြန်မာသံရုံး (ဖနောင်ပင်) သို့ ကမ္ဘောဒီးယားနိုင်ငံ နယ်စပ်ဒေသများရှိ Online scam အလုပ်ရုံများမှ ထွက်ပြေးရောက်ရှိလာသည့် မြန်မာနိုင်ငံသား အမျိုးသား ၄၅ ဦးနှင့် အမျိုးသမီး ၃၀ တို့ကို တပ်မတော်လေယာဉ်ဖြင့် ယမာန်နေ့မွန်းလွဲပိုင်းတွင် ပြန်လည်ခေါ်ဆောင်ခဲ့ပြီး ရန်ကုန်မင်္ဂလာဒုံ လေတပ်စခန်းဌာနချုပ်သို့ မွန်းလွဲ ၁ နာရီကျော်တွင် ရောက်ရှိခဲ့သည်။
 
■ နိုင်ငံတော်အစိုးရအနေဖြင့် အမိနိုင်ငံသားများ ပြည်ပတွင် အလုပ်လုပ်ကိုင်စဉ် အခက်အခဲများ ကြုံတွေ့ရပါက မြန်မာသံရုံးနှင့် မြန်မာကောင်စစ်ဝန်ချုပ်ရုံးတို့၏ ညှိနှိုင်းကူညီဆောင်ရွက်ပေးမှုဖြင့် မြန်မာနိုင်ငံသို့ ပြန်လည်ခေါ်ဆောင်ပေးလျက်ရှိရာ ထိုသို့ကူညီကယ်တင်ပေးမှုအား အလုပ်သမားနှင့် မိဘဆွေမျိုးများက နိုင်ငံတော်အစိုးရ၊ မြန်မာသံရုံးနှင့် ကောင်စစ်ဝန်ချုပ်ရုံးတို့အား လှိုက်လှဲစွာကျေးဇူးတင်လျက်ရှိကြောင်း သိရသည်။

#YMG/NN #Yangon_Times

#Local_News
Published 29 May 2026

■ မြန်မာ-တရုတ် နှစ်နိုင်ငံအကြားမဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေစီမံကိန်းများ (၂၀၂၆) တွင် စီမံကိန်းရှစ်ခုကိုအကောင်အထည်ဖော်ဆောင်ရွက် သွားမည်ဖြစ်ကြောင်းသိရသည်။

■ အဆိုပါ မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေစီမံကိန်းများ (၂၀၂၆)အတွက် ရန်ပုံငွေလွှဲပြောင်းလက်ခံလွှာ လက်မှတ်ရေးထိုးခြင်း အခမ်းအနားကို ယမာန်နေ့နံနက်ပိုင်းက နေပြည်တော်ရှိ M - Gallery ဟိုတယ်၌ကျင်းပသည်။
 
■ ရန်ပုံငွေလွှဲပြောင်းလက်ခံလွှာကို နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေ၏ရှေ့မှောက်၌ နိုင်ငံခြားရေးဝန်ကြီးဌာန ဒုတိယဝန်ကြီးနှင့် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံအမတ်ကြီးတို့က လက်မှတ်ရေးထိုးခဲ့ကြသည်။

■ ယင်းအခမ်းအနားတွင် ပြည်ထောင်စုဝန်ကြီး ဦးတင်မောင်ဆွေက မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေစီမံကိန်းများသည် ပြည်သူဗဟိုပြု ဖွံ့ဖြိုးတိုးတက်မှုစီမံကိန်း များကို အကောင်အထည်ဖော်ရာတွင် အရေးပါလှပြီး ဒေသတွင်း ပြည်သူများ၏ လူမှုစီးပွားဘဝ ဖွံ့ဖြိုးတိုးတက်မှုကို သိသာထင်ရှားစွာ အထောက်အကူပြုလျက်ရှိကြောင်း၊ မြန်မာနိုင်ငံအနေဖြင့် ၂၀၁၇ ခုနှစ်မှစတင်၍ အမေရိကန်ဒေါ်လာ ၄၀ ဒသမ ၄၆ သန်းကျော်ခန့်တန်ဖိုးရှိ စီမံကိန်းစုစုပေါင်း ၁၄၀ ကိုရရှိခဲ့ကြောင်း၊ ၂၀၂၆ ခုနှစ်တွင် မြန်မာနိုင်ငံအနေဖြင့် စိုက်ပျိုးရေး၊ စွမ်းအင်၊ သဘာဝပတ်ဝန်းကျင်ထိန်းသိမ်းမှု၊ ရေအရင်းအမြစ်စီမံခန့်ခွဲမှု၊ MSME ကဏ္ဍဖွံ့ဖြိုးတိုးတက်မှုနှင့်ယဉ်ကျေးမှုဆိုင်ရာ ပူးပေါင်းဆောင်ရွက်မှု စသည့် နယ်ပယ်များကိုအထောက်အကူပြုနိုင်မည့် စီမံကိန်းရှစ်ခုကို အကောင်အထည်ဖော်ဆောင်ရွက်မည်ဖြစ်ကြောင်း ထည့်သွင်းပြောကြားသည်။
 
■ ထို့နောက် ပြည်ထောင်စုဝန်ကြီးက မဲခေါင် - လန်ချန်း ဒေသတွင်းငြိမ်းချမ်းရေး၊ သာယာဝ ပြောရေး၊ ရေရှည်တည်တံ့ခိုင်မြဲရေးနှင့် အားလုံးပါဝင်နိုင်သော ဖွံ့ဖြိုးတိုးတက်မှုများကို မြှင့်တင်ရန်အတွက် တရုတ်နိုင်ငံနှင့်လည်းကောင်း၊ အခြားသော မဲခေါင်-လန်ချန်း အဖွဲ့ဝင်နိုင်ငံများနှင့်လည်းကောင်း နီးကပ်စွာပူးပေါင်းဆောင်ရွက်သွားမည်ဖြစ်ကြောင်း မြန်မာနိုင်ငံ၏ ကတိကဝတ်ကို ထပ်လောင်းအတည်ပြုပြောကြားသည်။
 
■ ယင်းနောက် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံအမတ်ကြီး မစ္စမာကျားက အမှာစကားပြောကြားသည်။

■ အဆိုပါ အခမ်းအနားသို့ နိုင်ငံခြားရေးဝန်ကြီးဌာန၊ ပညာရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ လျှပ်စစ်နှင့်စွမ်းအင်ဝန်ကြီးဌာန၊ စက်မှုနှင့်အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာနနှင့် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာနတို့မှ ပြည်ထောင်စုဝန်ကြီးများနှင့် တာဝန်ရှိသူများတက်ရောက်ကြသည်။
 
■ မဲခေါင်-လန်ချန်း ပူးပေါင်းဆောင်ရွက်မှုသည် ၂၀၁၆ ခုနှစ်တွင် ဒေသတွင်း ရေရှည်တည်တံ့ခိုင်မြဲပြီး အားလုံးပါဝင်သော ဖွံ့ဖြိုးတိုးတက်မှုအတွက် ပူးပေါင်းဆောင်ရွက်ရန် ရည်ရွယ်၍ ကမ္ဘောဒီးယား၊ တရုတ်၊ လာအို၊ မြန်မာ၊ ထိုင်း၊ ဗီယက်နမ် စသောအဖွဲ့ဝင် နိုင်ငံခြောက်နိုင်ငံဖြင့်ဖွဲ့စည်းခဲ့သည့် ဒေသခွဲပူးပေါင်းဆောင်ရွက်မှုဆိုင်ရာ ယန္တရားတစ်ရပ်ဖြစ်‌ကြောင်း သိရသည်။
 
#YMG/NN #Yangon_Times

#World_News
Published 29 May 2026

■ အမေရိကန်နဲ့ အီရန်တို့ဟာ အပစ်အခတ်ရပ်စဲရေး သက်တမ်းတိုးရန်နဲ့ ဟော်မုဇ်ရေလက်ကြား ရေကြောင်းကုန်သွယ်ရေး ဖြတ်သန်းသွားလာမှု ကန့်သတ်ချက်များ ရုပ်သိမ်းရန် ကြာသပတေးနေ့မှာ သဘောတူညီမှု ရရှိခဲ့ကြောင်း သတင်းရင်းမြစ်များက ရိုက်တာသတင်းဌာနသို့ ပြောကြားခဲ့ပါတယ်။

■ ဒါပေမဲ့ အမေရိကန်သမ္မတ ဒေါ်နယ်ထရမ့်က ယင်းသဘောတူညီချက်ကို အတည်ပြုရန် ကျန်ရှိနေသေးသလို အပြီးမသတ်ရသေးကြောင်း အီရန်နိုင်ငံပိုင် မီဒီယာက ဆိုပါတယ်။

■ သဘောတူညီချက်အရ အပစ်ရပ်စဲရေးဟာ နောက်ထပ်ရက် ၆၀ ကြာတဲ့အထိ တိုးချဲ့လိုက်ပြီး ရေလက်ကြားကနေ ဖြတ်သန်းခွင့်ပြုမှာ ဖြစ်ပါတယ်။

■ အမေရိကန်နဲ့ အီရန်ခေါင်းဆောင်ပိုင်းတွေကသာ အတည်ပြုပါက ငြိမ်းချမ်းရေးအတွက် အကြီးမားဆုံးခြေလှမ်း ဖြစ်လာနိုင်ပါတယ်။

■ ထရမ့်က သဘောတူညီချက်အကြောင်း အတည်မပြုရသေးသလို အီရန်ဘက်ကလည်း သဘောတူညီချက်အကြောင်း မပြောထားပါဘူး။

■ အတိုက်အခိုက် အဆုံးသတ်ရေး သဘောတူညီမှုရရန် နီးစပ်နေပြီလို့ အမေရိကန်အစိုးရက အကြိမ်ကြိမ်ပြောထားပါတယ်။

■ သဘောတူညီချက်ထဲမှာ ရေလက်ကြား ဖြတ်သန်းရေး၊ အီရန်ဆိပ်ကမ်းများ ပိတ်ဆို့ထားမှုနဲ့ အီရန်ရေနံရောင်းချမှု ဒဏ်ခတ်ပိတ်ဆို့မှုများ ဖြေလျှော့ပေးဖို့တွေ ပါလာနိုင်ပါတယ်။

■ ရေလက်ကြား ပြန်ဖွင့်လာနိုင်ခြေ မျှော်လင့်ချက်ဖြင့် ရေနံဈေးနှုန်း ကျဆင်းလာနိုင်ပါတယ်။

Source: Reuters