မြန်မာ့သနပ်ခါးလိမ်းခြယ်သည့်ဓ‌လေ့ ယူနက်စကိုတင်သွင်းဖို့အထောက်အကူ ဖြစ်စေတဲ့ လှုပ်ရှားမှုတစ်ခုအနေနဲ့"သွေးချင်းစုံလင် သနပ်ခါးသဘင် သရုပ်ဖေါ် ပြိုင်ပွဲ"ကို ရန်ကုန်မြို့တွင် လာမယ့်ဖေဖော်ဝါရီ ၁၂ရက်နေ့၊ ပြည်ထောင်စုနေ့မှာ
ကျင်းပသွားမယ်လို့ မြန်မာ့ယဥ်ကျေးမှု အမွေအနှစ်များ ထိန်းသိမ်းစောင့်ရှောက်ရေးအဖွဲ့က သိရပါတယ်။
#Local_News
Published 23 January 2025
#သနပ်ခါးလိမ်းခြယ်သည့်ဓ‌လေ့ #ယူနက်စကို
#YMG/NN #Yangon_Times

#Local_News
Published 23 January 2025

▪️ ကျန်းမာရေးဝန်ကြီးဌာနက ကြီးမှူးကျင်းပသော “(၅၃)ကြိမ်မြောက် မြန်မာ နိုင်ငံကျန်းမာရေးဆိုင်ရာ သုတေသနညီလာခံ” တတိယနေ့ကို ယမာန်‌ နေ့က  ရန်ကုန်မြို့၊ ဒဂုံမြို့နယ်၊ အမှတ်-၅၊ ဇီဝကလမ်းရှိ ဆေးသုတေ သနဦးစီးဌာန(ရုံးချုပ်)၌ ဆက်လက်ကျင်းပရာ သုတေသနစာတမ်းရှင်များက သုတေသန စာတမ်း စုစုပေါင်း(၁၀)စောင်ကို ဖတ်ကြားတင်ပြခဲ့ကြ ကြောင်း သိရသည်။  

▪️ မနက်ပိုင်းတွင် သုတေသနစာတမ်းများကို ဆေးဘက်ဆိုင်ရာနည်းပညာတက္ကသိုလ်နှင့် သွားဘက် ဆိုင်ရာဆေးတက္ကသိုလ်(မန္တလေး)တို့မှ  ကထိကများ၊ ဗဟိုအမျိုးသမီးဆေးရုံကြီး(ရန်ကုန်)၊ သားဖွား/ မီးယပ် အထူးကုဆရာဝန်၊ တပ်မတော်ဆေးတက္ကသိုလ်၊ အထွေထွေသမားတော်နှင့် ဘွဲ့လွန်သင်တန်းသူများ၊ ဆေးသု တေသနဦးစီးဌာန၊ ဒုတိယညွှန်ကြားရေးမှူးနှင့်  သုတေသနမှူးများက ဖတ်ကြားတင်သွင်းခဲ့ကြပြီး တက်ရောက် လာသူများက မေးမြန်းဆွေးနွေး အကြံပြုခဲ့ကြသည်။

▪️ မွန်းလွဲပိုင်းတွင် လူမှုဘဝနေထိုင်မှုနှင့် အစာအာဟာရစားသောက်မှုပုံစံများ ပြောင်းလဲလာခြင်းနှင့် အတူ မကူးစက်တတ်သော ရောဂါများဖြစ်ပွားမှုတိုးတက်များပြားလာသောကြောင့် ယင်းအပြုအမူများကို ဖော်ထုတ် ခြင်းဖြင့် ကျန်းမာရေးနှင့်ညီညွတ်သော လူမှုဘဝတိုးတက်လာစေရန်ရည်ရွယ်၍  ကျန်းမာရေးပြဿနာ ဖြစ်စေ နိုင်သည့် အချက်အလက်များဖော်ထုတ်ခြင်းဖြင့် ကျန်းမာရေးနှင့်ညီညွတ်သော လူမှုဘဝမြှင့်တင်စေရန် ဆောင်ရွက်ခြင်း - Promoting a Healthy Lifestyle and Addressing Health Risk Behaviors” ပညာရပ် ဆိုင်ရာနှီးနှောဖလှယ်ပွဲကို ကျင်းပခဲ့သည်။

▪️ အဆိုပါ  နှီးနှောဖလှယ်ပွဲတွင် ဆေးသုတေသနဦးစီးဌာန၊ ဒုတိယညွှန်ကြားရေးမှူးချုပ် (ငြိမ်း) ဒေါက်တာရဲတင့်လွင် က “အထိုင်လျော့ပါ၊ များများလှုပ်ရှားပါ- လေ့ကျင့်ခန်းသည်ဆေးဖြစ်သည်” ခေါင်းစဉ်ဖြင့်လည်းကောင်း၊ ပြည်သူ့ကျန်းမာရေးဦးစီးဌာန၊ ညွှန်ကြားရေးမှူး ဒေါက်တာသီတာဝင်းက “မြန်မာနိုင်ငံအတွင်း ဆေးရွက်ကြီး ထိန်းချုပ်ရေး” ခေါင်းစဉ်ဖြင့်လည်းကောင်း၊ ရှမ်းပြည်နယ်(မြောက်ပိုင်း)၊ ပြည်နယ်ပြည်သူ့ကျန်းမာရေး/ ကုသ ရေးဦးစီးဌာန၊ ပြည်နယ်ပြည်သူ့ကျန်းမာရေး/ကုသရေးဦးစီးဌာနမှူး ဒေါက်တာထွန်းညွန့်ဦးက “လိင်မှတစ်ဆင့် ကူးစက်တတ်သော ရောဂါများနှင့် HIV ရောဂါကို ကာကွယ်ခြင်းဖြင့် ကျန်းမာရေးကိုထိန်းသိမ်းခြင်း” ခေါင်းစဉ် ဖြင့်လည်းကောင်း၊ ဆေးတက္ကသိုလ်(၂)(ရန်ကုန်)၊ တွဲဖက်ပါမောက္ခ ဒေါက်တာမျိုးကျော်သူက “ကျန်းမာရေး ထိခိုက်စေသောအပြုအမူများကို ဖြေရှင်းနိုင်သော လူနေမှုပုံစံများအား စိတ်ကျန်းမာရှုထောင့်မှတင်ပြခြင်း” ခေါင်းစဉ်ဖြင့်လည်းကောင်း၊ ဆေးသုတေသနဦးစီးဌာန၊  ဒုတိယညွှန်ကြားရေးမှူး ဒေါက်တာကြေးမုံထွေးက “အာဟာရသည် ကလေးဘဝမှ အသက်အရွယ်ကြီးသူများအထိ ကျန်းမာရေးကို မည်ကဲ့သို့ထောက်ပံ့ပေးပြီး အန္တရာယ်ရှိသော အပြုအမူများကိုမည်ကဲ့သို့ကာကွယ်ပေးခြင်း”ခေါင်းစဉ်ဖြင့်လည်းကောင်း ဖတ်ကြားတင်သွင်း ခဲ့ကြပြီး တက်ရောက်လာသူများက မေးမြန်းဆွေးနွေး အကြံပြုခဲ့ကြ ကြောင်းသိရသည်။

#YMG/NN #Yangon_Times

#Local_News
Published 23 January 2025

▪️ မြန်မာနိုင်ငံ ရုပ်ရှင်အစည်းအရုံးဝင်အဖြစ်လျှောက်ထားခြင်းလုပ်ငန်းစဥ်များ ခေတ္တရပ်နားထားမည်ဖြစ်ကြောင်း အစည်းအရုံးကတရားဝင်ထုတ်ပြန်ထားသည်။

▪️ ထိုသို့ ရပ်နားထားခြင်းကို ယခုလ ၂၇ရက်တွင်စတင်သွားမည်ဖြစ်ရာ အသင်းဝင်အသစ်အဖြစ်လျှောက်ထားခြင်းကိုသာ ခေတ္တရပ်ဆိုင်းခြင်းဖြစ်ပြီး မုလအသင်းဝင်များ သက်တမ်းတိုးခြင်းကို ဆက်လက်ဆောင်ရွက်ပေးသွားမည်ဖြစ်ကြောက်း သိရသည်။

▪️ အသင်းဝင်သစ် လျှောက်လွှာလက်ခံခြင်းကို ဖေဖော်ဝါရီလ ဒုတိယပတ်တွင်ပြန်လည်စတင်သွားမည်ဖြစ်ကြောင်းသိရသည်။

▪️ မြန်မာနိုင်ငံရုပ်ရှင်အစည်းအရုံး၏ အသင်းဝင် ရုပ်ရှင်လောပသားများအတွက် ၁၆ကြိမ်မြောက် ဆန်၊ဆီနှင့် စားသောက်ကုန်များ ထောက်ပံ့လှူဒါန်း ခြင်းကို ယခုလ၂၂ရက်မှ ၂၅ရက်အထိ ပြုလုပ်လျှက်ရှိကြောင်း သိရသည်။

#YMG/SW #Yangon_Times

၂၂ ဇန်နဝါရီ ၂၀၂၅

တရုတ်သမ္မတ ရှီကျင့်ဖျင်နှင့်  ရုရှားသမ္မတပူတင်တို့ဟာ  ဗီဒီယိုမှတစ်ဆင့် အင်္ဂါနေ့က တွေ့ဆုံဆွေးနွေးစကားပြောဆိုခဲ့ကြပါတယ်။  တရုတ်နှင့်ရုရှားတို့ရဲ့ဆက်ဆံရေးဟာ ၂၀၂၅ခုနှစ်မှာ နောက်တပ်အမြင့်တစ်ခုတက်လှမ်းဖို့ အတူတကွပူးပေါင်းဆောင်ရွက်ရေး ပူတင်ကို တိုက်တွန်းခဲ့ပါတယ်။

Source CCTV+

၁၉ ဇန်နဝါရီ၊ ၂၀၂၅

တရုတ်နိုင်ငံ အနောက်တိုင်းပိုင်း ကွေကျူးပြည်နယ်မှာ တည်ဆောက်နေတဲ့ ကမ္ဘာ့အမြင့် ဆုံးတံတားဖြစ်လာမယ့် တံတားတစ်စင်းရဲ့ အဓိကအစိတ်အပိုင်းတည်ဆောက်မှု သောကြာနေ့က ပြီးစီးသွားပါတယ်။

 Source CCTV+

#Local_News
Published 23 January 2025

▪️ ဒဂုံမြို့သစ်တောင်ပိုင်းတွင်  ယနေ့မနက်အစောပိုင်း၌ ကုန်စုံဈေးဆိုင်တစ်ဆိုင် မီးလောင်မှုဖြစ်ပွားခဲ့ကြောင်း ဒေသခံများထံမှ သိရသည်။

▪️ ဇန်နဝါရီ ၂၃ ရက်နေ့၊ မနက်၆နာရီ ၂မိနစ် အချိန်ခန့်က ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ (၅၆)ရပ်ကွက်၊ စုပြည့်ရတနာလမ်းတွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ  သတင်းရရှိသဖြင့် ဒဂုံမြို့သစ်(တောင်ပိုင်း)မြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ (၇၀)နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ ဒဂုံဆိပ်ကမ်းမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၆နာရီ ၂၃ မိနစ်အချိန် ၌ မီးထိန်းနိုင်ခဲ့ပြီး ၆ နာရီ၂၈ မိနစ်အချိန်၌  မီးငြိမ်းခဲ့‌ ကြောင်းသိရသည်။

▪️ ယင်းဖြစ်စဉ်ကြောင့် မီးစတင်လောင်ခဲ့သည့် ကုန်စုံဆိုင်မှာပျက်စီးဆုံးရှုံးခဲ့ပြီး အသေးစိတ်အချက်များအားဆက်လက်စုံစမ်းနေကြောင်းသိရသည်။

#YMG/NN #Yangon_Times

#Local_News
Published_23 Jan 2025

▪️ တိုးတက်လာသည့်စစ်နည်းဗျူဟာ၊စစ်လက်နက်ပစ္စည်း၊စစ်အတတ်ပညာများကိုသုတေသနပြုလေ့လာ၍ သင်ခန်းစာတိုးချဲ့သင်ကြားရန်လိုကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။

▪️ ယမန်နေ့က နေပြည်တော်တိုင်းစစ်ဌာနချုပ်၊ တောင်ညိုတပ်နယ်ရှိ နယ်မြေခံလေ့ကျင့်ရေးသင်တန်း ကျောင်းနှင့် တပ်မတော်ရုပ်မြင်သံကြားထုတ်လွှင့်ရေးတပ်(တောင်ညို)သို့ သွားရောက် ကြည့်ရှုစစ်ဆေးစဉ် အထက်ပါအ တိုင်း ပြောကြားခဲ့ခြင်း ဖြစ်သည်။

▪️ သင်တန်းသားများကို သင်ကြားလေ့ကျင့်ပေးရာ၌ စာပေပိုင်း ဆိုင်ရာများကို အမှန်တကယ်သိရှိနားလည်မှုရှိ အောင် သင်ကြားပေးရမည့်အပြင် လက်တွေ့လေ့ကျင့်မှုများကိုလည်း ကျွမ်းကျင်ပိုင်နိုင်စွာဆောင်ရွက်နိုင်ရေး လေ့ကျင့်ပေးရမည်ဖြစ်ကြောင်းနှင့် ကြံ့ခိုင်ရေးလေ့ကျင့်မှုများ ဆောင်ရွက်ရာတွင် အသက်အရွယ် အဆင့်အလိုက်သတ်မှတ်ထားသည့် စံချိန်စံနှုန်းများအတိုင်း ပြည့်မီအောင်လေ့ကျင့်ပေးရန် ၎င်းက ပြောကြားခဲ့သည်။

▪️ ယင်းအပြင်ခေတ်နှင့် အညီပြောင်းလဲတိုးတက်လာသည့် စစ်နည်းဗျူဟာများ၊ စစ်လက်နက်ပစ္စည်းများ၊ စစ်အတတ်ပညာများကို စဉ်ဆက်မပြတ် သုတေသနပြု လေ့လာ၍ သင်ခန်းစာများတိုးချဲ့သင်ကြားပို့ချပေးသွားရန်၊အရည်အချင်း ပြည့်ဝပြီး လက်တွေ့နယ်ပယ်တွင် ကာကွယ်ရေးနှင့်လုံခြုံရေးတာဝန်များကို ပိုင်နိုင်စွာ ထမ်းဆောင်နိုင်ရေး သင်တန်းသားများကို စနစ်တကျလေ့ကျင့် မွေးထုတ်ပေးရန်လည်း ပြောကြားခဲ့ကြောင်း သိရသည်။

▪️ လေ့ကျင့်ရေးပိုင်းဆိုင် ရာများနှင့် ပတ်သက်၍ ယနေ့ခေတ်တွင် စစ်လက်နက်နည်းပညာများ၊ စစ်နည်းဗျူဟာများသည် အဆက်မပြတ်တိုးတက်လျက်ရှိရာ “လေ့လာ၊ လေ့ကျင့်၊ လိုက်နာ” ဟူသည့်မူဝါဒအတိုင်း စစ်အ တတ်ပညာ များကို အမြဲမပြတ်လေ့လာနေကြကာသင်ယူထားရှိပြီးဖြစ်သည့် စစ်မှုရေးရာနည်း နာများနှင့် အတတ်ပညာများကို ပိုမိုကျွမ်းကျင်အောင် အမြဲလေ့ကျင့်နေရရန်နှင့် ချမှတ် ထားရှိသည့်စည်းမျဉ်းစည်း ကမ်းများအတိုင်း အမြဲလိုက်နာကျင့်သုံးနေရမည်ဖြစ်ကြောင်းလည်း ပြောကြားခဲ့သည်။

▪️ အလားတူ အုပ်ချုပ်သူများအနေဖြင့် မိမိတို့ကွပ်ကဲနေရသူများကို စနစ်တကျကွပ်ကဲကြပ်မတ်နေရန်လိုသကဲ့သို့ ၎င်းတို့၏သက်သာ ချောင်ချိရေးအတွက်လည်းမိမိတို့တတ်စွမ်းသရွေ့ဖြည့်ဆည်းဆောင်ရွက်ပေးရန်လို ကြောင်း၊ စစ်သည်တစ်ဦးချင်းရသင့်ရထိုက်သည့်အခွင့်အရေးများကိုမှန်မှန်ကန်ကန်ဖြင့်ဖြည့်ဆည်းပေးရန်၊လက်အောက်၏လိုအပ်ချက်ကို ဖြေရှင်းပေးနိုင်ရေး စဉ်းစားဆောင်ရွက်ကြရန်လည်း ပြောကြားခဲ့ကြောင်း သိရသည်။

▪️ မြန်မာနိုင်ငံ၏ လက်ရှိလူဦးရေမှာ ၅၂ သန်းခန့်ရှိပြီး အမျိုးသား ၄၇ ရာခိုင်နှုန်းနှင့် အမျိုးသမီး ၅၃ ရာခိုင်နှုန်း ခန့်ရှိသည့်အနက် လူဦးရေအနည်းငယ်သာ တပ်မတော်သားဘဝကိုခံယူ၍ မွန်မြတ်လှသည့် နိုင်ငံတော်ကာကွယ်ရေးနှင့်လုံခြုံရေးတာဝန်များကို ထမ်းဆောင်နိုင်ကြခြင်းဖြစ်သဖြင့် အများသူငှာလုပ်ဆောင်နိုင်ရန်ခက်ခဲ သည့် တပ်မတော်သားဘဝကို ဂုဏ်ယူတန်ဖိုးထားကြရန်လိုကြောင်း၊ နိုင်ငံနှင့် ပြည်သူတို့အတွက် မြင့်မြတ်လှသည့် တာဝန်များကို ထမ်းဆောင်နေရသည့် တပ်မတော်သားများ၏ ဘဝကိုဂုဏ်ယူတတ်ရန်နှင့် ပေးအပ်လာသည့်တာဝန်များကို ကျေပွန်စွာထမ်းဆောင်သွားရန်လိုကြောင်းလည်း နစကဥက္ကဌကပြောကြားခဲ့ကြောင်း သိရသည်။

#Yangon_Times/PP

#World_News
Published 23 January 2025

▪️ ဗုဒ္ဓဟူးနေ့က လော့စ်အိန်ဂျလိစ်မြောက်ပိုင်းမှာ နောက်ထပ်တောမီးတစ်ခု လောင်ကျွမ်းခဲ့ရာ ဧကပေါင်း ၉၄၀၀ ကျော် လျင်မြန်စွာကူးစက်လောင်ကျွမ်းခဲ့ပြီး လေပြင်းနဲ့ ခြုံထူများက မီးကိုအားပေးသလို ဖြစ်ခဲ့ကာ လူပေါင်း ၃၁၀၀၀ ကျော်ကို မဖြစ်မနေ ထွက်ပြေးတိမ်ရှောင်ဖို့ ညွှန်ကြားခဲ့ရပါတယ်။

▪️ လော့စ်အိန်ဂျလိစ်မြောက်ပိုင်း မိုင် ၅၀ အကွာက The Hughes မီးက မြို့ပြနေရာမှ တောမီးကြီးနှစ်ခုကို အတော်လေးထိန်းချုပ်လာနိုင်တဲ့ မီးသတ်သမားတွေ နောက်ထပ်ရင်ဆိုင်စရာ ဖြစ်လာပါတယ်။

▪️ ဗုဒ္ဓဟူးနေ့ နာရီပိုင်းအတွင်းမှာပဲ The Hughes မီးက Eaton မီးရဲ့ ၃ ပုံ ၂ ပုံလောက်အထိ ကြီးမားလာခဲ့ပါတယ်။

▪️ လော့စ်အိန်ဂျလိစ်ကောင်တီ Castaic Lakeနေရာမှ လူတွေကို အသက်အန္တရာယ် ချက်ချင်းရှိနေပြီလို့ တာဝန်ရှိသူများ သတိပေးခဲ့ပြီး ကယ်လီဖိုးနီးယားတောင်ပိုင်း အများစုမှာ ခြောက်သွေ့လေပြင်းများကြောင့် မီးဘေးအန္တရာယ် ရှိနေဆဲဖြစ်ပါတယ်။

▪️ ဆန်ဂေဘရီယယ်တောင်တန်းတွေက ဧက ၇ သိန်းရှိတဲ့ ဥယျာဉ်ကြီးတစ်ခုလုံးကို ဧည့်သည်ဝင်ရောက်ခွင့် ပိတ်ထားတယ်လို့ အိန်ဂျလိစ်အမျိုးသားသစ်တောက ပြောပါတယ်။

▪️ မီးလျင်မြန်စွာ ကူးစက်လာနိုင်တာကို ခန့်မှန်းပြီး ကယ်လီဖိုးနီးယားတောင်ပိုင်းတဝိုက် မီးသတ်သမား ၁၁၀၀ ခန့် နေရာချထားတယ်လို့ ကယ်လီဖိုးနီးယား မီးကာကွယ်ရေးဌာနက ဆိုပါတယ်။

▪️ Hughesမီးအတွက် မီးသတ်သမား ၄ ထောင်ကျော် ငြိမ်းသတ်နေကြပါတယ်။
ကယ်လီဖိုးနီးယားတောင်ပိုင်းမှာ ၉ လကြာအောင် မိုးမရွာခဲ့ဘဲ အလွန်ခြောက်သွေ့အန္တရာယ်များတဲ့ အခြေအနေဖြစ်ခဲ့ပေမယ့် စနေနေ့မှ တနင်္လာနေ့အထိ မိုးရွာသွန်းမယ်လို့ ခန့်မှန်းရတာကြောင့် မီးသတ်သမားတွေအတွက် အတော်လေးသက်သာရာ ရဖွယ်ရှိပါတယ်။

▪️ ရုပ်သံဗီဒီယိုထဲမှာ ရဟတ်ယာဉ်တွေက ရေကန်ထဲမှ ရေတွေကိုယူနေပြီး တောင်ကုန်းပေါ်ကနေ မီးသတ်ဆေးများ ဖြန်းနေတာ တွေ့ရပါတယ်။

▪️ ဇန်နဝါရီ ၇ ရက်နေ့က စတင်လောင်ကျွမ်းတဲ့ မီးကြီးနှစ်ခုကတော့ အတော်လေး ထိန်းချုပ်ထားနိုင်ပြီ ဖြစ်ပါတယ်။

#Source: Reuters

#World_Health
Published 23 January 2025

▪️ ဆယ်လ်မွန်နဲလားလို့ခေါ်တဲ့ ဘက်တီးရီးယားပိုးဟာ အများပြည်သူ ကျန်းမာရေးပြဿနာ ဖြစ်လာပြီး ပဋိဇီဝဆေးယဉ်ပါးကာ ဆေးကုသမှုတွေကို ခံနိုင်ရည်ရှိသလို ကူးစက်နေရာအမျိုးမျိုးကနေ ပျံ့နှံ့နိုင်ပါတယ်။

▪️ ရောဂါပိုးရှိနေတဲ့ အစားအစာတွေ၊ လူသားတွေ၊ တိရိစ္ဆာန်တွေနဲ့ တိုက်ရိုက်ထိတွေ့မှုကနေ ကူးစက်တတ်သလို ပန်စတိတ်သုတေသီများရဲ့ လေ့လာချက်မှာဆိုရင် အိမ်မွေးခွေးတွေကနေလည်း ကူးစက်နိုင်ပါတယ်။

▪️ ခွေးတွေနဲ့ လူတွေ နီးစပ်တဲ့အခြေအနေကို လေ့လာချက်မှာ အလေးပေးဖော်ပြထားပြီး ဆေးယဉ်ပါးဆယ်လ်မွန်နဲလားတွေက တိရိစ္ဆာန်ကနေ လူသားဆီ ကူးစက်နေတာ စိုးရိမ်စရာ ဖြစ်နေပါတယ်။

▪️ ခွေးတွေမှာ ဆယ်လ်မွန်နဲလားက ရောဂါလက္ခဏာ မပေါ်တတ်ဘဲ ဘက်တီးရီးယားကို သယ်ဆောင်ထားနိုင်ကာ အစားအစာများ သန့်ရှင်းစွာ မကိုင်တွယ်ခြင်း၊ အိမ်မွေးတွေကို ထိန်းသိမ်းရာမှာ မသန့်ရှင်းခြင်းတို့ကြောင့် ရောဂါကူးစက်နိုင်ခြေ များစေပါတယ်။

▪️ ဆယ်လ်မွန်နဲလားလို ဘက်တီးရီးယားက ကျန်းမာရေးအန္တရာယ်များစေပေမယ့် ကျန်းမာရေးအတွက် ကောင်းမွန်စေတဲ့ ဘက်တီးရီးယားတွေလည်း ရှိနေပါတယ်။
အိမ်မွေးတွေနဲ့ အနီးကပ်နေတဲ့အခါ ကျန်းမာရေးအန္တရာယ်များအကြောင်း သတိထားဖို့လိုပါတယ်။

▪️ အမေရိကန် FDA ထံမှ ဇီဝစောင့်ကြည့်ရေး အချက်အလက်များမှ ခွေးများရဲ့ ဆယ်လ်မွန်နဲလား ကူးစက်မှုတွေကို ဆန်းစစ်ခဲ့ရာ လူသားတွေမှ ကူးစက်မှုတွေနဲ့ ကိုက်ညီနေပါတယ်။

▪️ ခွေးတွေမှာတွေ့ရတဲ့ ရောဂါပိုးမျိုးနွယ်တွေဟာ လူသားတွေမှာ ဆေးယဉ်ပါးတဲ့ မျိုးနွယ်တွေဖြစ်နေပါတယ်။

▪️ ဒီအတွက် လက်ဆေးခြင်းလိုမျိုး တစ်ကိုယ်ရည် သန့်ရှင်းမှုအလေ့အထများ ပြုလုပ်ဖို့အရေးကြီးကြောင်း သုတေသနပြုစုသူ အန်ကူချီယာအမ်အီကာနာထာက ပြောသွားပါတယ်။

▪️ ဒီသုတေသနရဲ့ ရည်ရွယ်ချက်က အိမ်မွေးတိရိစ္ဆာန်မွေးခြင်းကို အားမပေးချင်တာမဟုတ်ဘဲ အန္တရာယ်တွေအကြောင်း သိရှိစေလိုတာ ဖြစ်ပါတယ်။

#Source: India Today

#World_Health
Published 23 January 2025

▪️ အချိုဓာတ်နဲ့ ပြည့်ဝဆီ ပါဝင်မှုများတဲ့ အစားအသောက်က ဦးနှောက်အတွင်း ရောင်ရမ်းမှုဖြစ်စေကာ ဦးနှောက်ဆဲလ်များကို ထိခိုက်စေနိုင်ပြီး ဒီမန်ရှာရောဂါ ဖြစ်နိုင်ခြေများစေဖွယ်ရှိတယ်လို့ လေ့လာချက်တွေမှာ တွေ့ရှိယူဆထားကြပါတယ်။

▪️ ပြည့်ဝဆီမြင့်မားတဲ့ အသားကြီးတွေ အထူးသဖြင့် အဆင့်ဆင့် ထုပ်ပိုးထုတ်လုပ်ထားတဲ့ အသားကြီးတွေကို အစားများပါက ရံဖန်ရံခါမှ စားသုံးတာထက်ပိုပြီး ဦးနှောက်စွမ်းဆောင်ရည် ကျဆင်းခြင်းနဲ့ ဒီမန်ရှာဖြစ်နိုင်ခြင်းတို့ ဖြစ်စေနိုင်ကြောင်း တွေ့ရှိထားပါတယ်။

▪️ ဒါ့အပြင် အသားကြီးတွေက ဆီးချိုရောဂါ ဒုတိယအမျိုးအစားနဲ့ နှလုံးရောဂါတို့လည်း ဖြစ်နိုင်ခြေများစေကာ ဦးနှောက်ကျန်းမာရေး ယုတ်လျော့စေတယ်လို့လည်း ဘရစ်ဂမ်နဲ့ အမျိုးသမီးဆေးရုံမှ ဒေါက်တာ ဒေါင်ဝမ်က ပြောပါတယ်။

▪️ အသားကြီးတွေထဲမှာ အမဲသား၊ ဝက်သား၊ သိုးသားတို့ပါဝင်ပြီး အဆင့်ဆင့်ထုတ်လုပ်ထားတဲ့ အသားကြီးတွေက အရသာမှုန့်များ၊ ဓာတုပစ္စည်းများ ပါဝင်တဲ့ ဝက်ပေါင်ခြောက်၊ ဟော့ဒေါ့၊ ဝက်အူချောင်းနဲ့ အလားတူထုတ်ကုန်များ ဖြစ်ပါတယ်။

▪️ ဒါတွေစားသုံးခြင်းရဲ့ ကျန်းမာရေးဆိုးကျိုးတွေထဲမှာ ဒီမန်ရှာက ထိပ်ဆုံးကပါဝင်နေပါတယ်။

▪️ ဒီမန်ရှာဆိုတာက မှတ်ဉာဏ်စွမ်းရည်၊ အာရုံစူးစိုက်မှု၊ ပိုင်းခြားဆင်ခြင်မှုတို့ ဆုံးရှုံးလာတဲ့ အခြေအနေဖြစ်ပြီး အသားကြီးတွေကို လက်တစ်ဖဝါးစာ အရွယ်အစားရဲ့ ၄ ပုံ ၁ ပုံမျှ နေ့စဉ်စားသုံးခြင်းဖြင့် ဒီမန်ရှာဖြစ်နိုင်ခြေ ၁၃ ရာခိုင်နှုန်း ပိုများစေပါတယ်။

▪️ နောက်တစ်မျိုးက မှတ်ဉာဏ်စွမ်းရည်နဲ့ စဉ်းစားတွေးတောနိုင်စွမ်းတို့ ဆိုးရွားလာတဲ့ အခြေအနေဖြစ်ပါတယ်။

▪️ နေ့စဉ် အဆင့်ဆင့်ထုတ်လုပ်ထားတဲ့ အသားကြီးကို လက်တစ်ဖဝါးစာ အရွယ်အစားရဲ့ ၄ ပုံ ၁ ပုံမျှစားသုံးခြင်းဖြင့် ထိုအခြေအနေ ဖြစ်နိုင်ခြေ ၁၄ ရာခိုင်နှုန်းများစေပါတယ်။

▪️ ဒါ့အပြင် ထိုကဲ့သို့အသားတွေ များများစားခြင်းဖြင့် ဦးနှောက်ရဲ့ မှတ်မိနိုင်စွမ်း၊ ကျိုးကြောင်းဆင်ခြင်းမှု၊ ပြဿနာဖြေရှင်းစွမ်းရည်တို့လည်း ထိခိုက်စေကာ နေ့စဉ်စားသုံးခြင်းဖြင့် ဦးနှောက်ကို ၁.၆၁ နှစ်ခန့် အိုမင်းစေပါတယ်။

▪️ အသားကြီးစားမယ့်နေရာမှာ အခွံမာသီး၊ ပဲအမျိုးမျိုး၊ ငါးတို့စားသုံးခြင်းဖြင့် ဒီမန်ရှာဖြစ်နိုင်ခြေ လျော့နည်းစေပါတယ်။

▪️ အသားကြီးစားသုံးတဲ့အခါမှာလည်း ခပ်သေးသေးပမာဏကို ပြောင်းဂျုံဆန်များ၊ ဟင်းရွက်များ၊ အသီးအနှံများ၊ ပဲများနဲ့ စားသုံးသင့်တယ်လို့ နော့သ်ဝဲလ်ကျန်းမာရေး လီနော့စ်ဟေးလ်ဆေးရုံမှ အာဟာရပညာရှင် အက်ရှ်လေဘော်မိုလ်က ပြောသွားပါတယ်။

#Source: New York Post

တနင်္ဂနွေနေ့မှာ အစ္စရေးလ်-ဟားမတ်စ် အပစ်အခတ်ရပ်စဲရေး သဘောတူညီချက် စတင်အသက်ဝင်လာပြီး ထောင်ချီရှိတဲ့ စစ်ဘေးရှောင် ပါလက်စ်တိုင်းအရပ်သားများ ဂါဇာတောင်ပိုင်း ရာဖာမြို့သို့ ပြန်လာချိန်မှာ ထားရစ်ခဲ့ရတဲ့ နေအိမ်တွေလုံးဝပျက်စီးနေတာကို တွေ့ရှိကြရပါတယ်။
#World_Crisis
Published 22 January 2025
#အစ္စရေးလ်-ဟားမတ်စ် #ပါလက်စ်တိုင်းအရပ်သား
#YMG #Yangon_Times #Yangon_Media_Group

#Daily_News
Published 22 January 2025

၁။ ဝင်းစိန်တောရဆရာတော်ကြီး၏ ၁၀၄ နှစ်မြောက် ဝိဇာတမွေးနေ့ပူဇော်ပွဲမနက်ဖန်ကျင်းပမည်

၂။ ပဲစဉ်းငုံလွတ်လပ်စွာတင်သွင်းခွင့် အိန္ဒိယနှစ်တိုးသတ်မှတ်လိုက်‌သောကြောင့် ဈေးမာလာနိုင်

၃။ ယခုနှစ်မှစတင်ကာမတ်လ ၂၁ ရက်နေ့ကို ကမ္ဘာ့ရေခဲတောင်များနေ့အဖြစ် သတ်မှတ်

၄။ နေရပ်ပြန်လာသည့် စစ်ဘေးရှောင်ပါလက်စ်တိုင်းအရပ်သားများ နေအိမ်အပျက်အစီးများသာကြုံတွေ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group