အမေရိကန်မှာ ပျံ့ပွားနေတဲ့ ငှက်တုပ်ကွေးရောဂါကြောင့် ကြက်ဥဈေးနှုန်းမြင့်တက်လာပြီး ကြက်အငှားဝန်ဆောင်မှု လိုချင်သူများပြားလာပါတယ်။
လူတွေက ဥဥပေးတဲ့ ကြက်တွေကို အချိန်ကာလတစ်ခုအထိ ငှားရမ်းတာဖြစ်ပြီး လတ်ဆတ်တဲ့ကြက်ဥများ ပုံမှန်ရရှိစေပါတယ်။
#World_News
Published  22 February 2025
#ငှက်တုပ်ကွေး #ကြက်ဥဈေးနှုန်းမြင့်တက်
#YMG #Yangon_Times #Yangon_Media_Group

#Daily_News

Published  22 February 2025

၁။ ကျောက်ဖြူရေနက်ဆိပ်ကမ်းစီမံကိန်း Long Stop Date မတိုင်ခင်လုပ်ငန်းများပြီးပြတ် အောင်ဆောင်ရွက်ရမည်

၂။ ငွေကြေးခဝါချမှုတိုက်ဖျက်ရေးဥပဒေကို ပြင်ဆင်ရန်ပြည်ပမှ နည်းပညာအကူအညီများရယူဆောင်ရွက်မည်

၃။ ရွှေလုပ်ငန်းရှင်များအား ဈေးတက်နိုင်သည့် နည်းလမ်းများဖြင့် ရောင်းဝယ်ခြင်းမပြုကြရန် အသိပေး

၄။ ငှက်တုပ်ကွေးကြောင့် အမေရိကန်တွင် ကြက်ဥဈေးနှုန်းမြင့်တက်ကာ ကြက်မငှားရမ်းမွေးမြူသူများပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခု၂၀၂၅ခုနှစ် နှစ်ဆန်းပိုင်းမှာ ပြည်ပနိုင်ငံတွေကို ပြောင်းတန်ချိန်လေးသိန်းခန့်တင်ပို့ထားတယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
#Local_News
Published  22 February 2025
#ပြောင်းတန်ချိန်လေးသိန်းခန့်တင်ပို့ #မြန်မာနိုင်ငံပြောင်းလုပ်ငန်းအသင်း
#YMG/NN #Yangon_Times

တိုင်းနဲ့ပြည်နယ်အသီးသီးမှာ ရောင်းဝယ်နေတဲ့  ရွှေလုပ်ငန်းရှင်တွေကို  ဈေးတက်နိုင်တဲ့ နည်းလမ်းတွေနဲ့ ရောင်းဝယ်ခြင်းမပြုကြဖို့ မြန်မာနိုင်ငံရွှေလုပ်ငန်းရှင်များအသင်းချုပ်က  အသိပေးလိုက်ပါတယ်။
#Local_News
Published  22 February 2025
#ရွှေလုပ်ငန်းရှင် #မြန်မာနိုင်ငံရွှေလုပ်ငန်းရှင်များအသင်းချုပ်
#YMG/NN #Yangon_Times

ငွေကြေးခဝါချမှုတိုက်ဖျက်ရေးဥပဒေအား ပြင်ဆင်နိုင်ဖို့အတွက် ပြည်ပမှကျွမ်းကျင်ပညာရှင်တွေရဲ့  နည်းပညာအကူ အညီ‌တွေရယူနိုင်ရေး ချိတ်ဆက်ဆောင်ရွက်လျက်ရှိတယ်လို့ မြန်မာနိုင်ငံတော်ဗဟိုဘဏ်ဥက္ကဋ္ဌက ပြောကြားလိုက်ပါတယ်။
#Local_News
Published  22 February 2025
#ငွေကြေးခဝါချမှုတိုက်ဖျက်ရေးဥပဒေ #မြန်မာနိုင်ငံတော်ဗဟိုဘဏ်
#YMG/SW #Yangon_Times

ကျောက်ဖြူအထူးစီးပွား‌ရေးဇုန်ရေနက်ဆိပ်ကမ်းစီမံကိန်းရဲ့ Long Stop Date သက်တမ်းတိုးမြှင့်ထားတဲ့ ကာလဟာ လာမယ့် ဇွန်လမှာ ပြည့်မြောက်မှာဖြစ်တာ‌ကြောင့် အဆိုပါသက်တမ်းမပြည့်မြောက်မီ လုပ်ငန်း‌ေတွပြီးပြတ် အောင်ဆောင်ရွက်ရမယ်လို့ ယမန်‌နေ့က ကျင်းပခဲ့တဲ့ကျောက်ဖြူအထူးစီးပွားရေးဇုန် ရေနက်ဆိပ်ကမ်းစီမံကိန်းဆောင်ရွက်နိုင်ရေးအတွက် မြန်မာနဲ့CITIC နှစ်ဖက်ကြိုတင်ဖြည့်ဆည်းရမယ့်အချက်တွေနဲ့ စပ်လျဉ်းတဲ့ လုပ်ငန်းညှိနှိုင်းအစည်းအဝေးမှ သိရပါတယ်။
#Local_News
Published  22 February 2025
#ကျောက်ဖြူရေနက်ဆိပ်ကမ်း #Long_Stop_Date
#YMG/SW #Yangon_Times

#Local_News
Published_22 Feb 2025

▪️ အွန်လိုင်းလိမ်လည်မှု (Telecom Fraud) နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့် တရုတ်နိုင်ငံသား (၁၁၁)ဦးကို ယနေ့ ဖေဖော်ဝါရီလ ၂၂ ရက်က ထပ်မံလွှဲပြောင်းပေးခဲ့ကြောင်း သိရသည်။

▪️ ယင်းတို့ကို လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတိုကိုရှေးရှု၍ မြန်မာ-ထိုင်း အမှတ် (၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံသို ဥပဒေလုပ်ထုံးလုပ်နည်းများနှင့်အညီ ပြည်နှင်လွှဲပြောင်းပေးခဲ့ခြင်းဖြစ်ကြောင်း သိရသည်။

▪️ ယနေ့ ပြည်နှင်လွှဲပြောင်းပေးခဲ့သည့် ပြည်ပနိုင်ငံသားများသည် မြန်မာနိုင်ငံအတွင်းသို့ တရားမဝင် ဝင်ရောက်နေထိုင်ပြီး ကရင်ပြည်နယ် မြဝတီမြို့- ရွှေကုက္ကိုလ်နှင့် KK Park နယ်မြေများတွင် တရားမဝင် Online လောင်းက စားမှုများ၊ Online လိမ်လည်မှုများနှင့် ဒုစရိုက်မှုများတွင် ပါဝင်လုပ်ဆောင်ရန် စည်းရုံးစေခိုင်းခြင်း ခံခဲ့ကြရသူများဖြစ်ကြပြီး ၎င်းတို့၏ ဖွင့်ဟဝန်ခံချက်များအရအများစုသည် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်းပြီး နယ်စပ်ဒေသများမှတစ်ဆင့် မြန်မာနိုင်ငံအတွင်းသို တရားမဝင်ရောက်လာခဲ့ခြင်းဖြစ်ကြောင်း သိရသည်။

▪️ အဆိုပါ ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေချော မွေ့စေရေးအတွက် ပြည်ထဲရေးဝန်ကြီးဌာန မြန်မာနိုင်ငံရဲတပ်ဖွဲ့ ဒုတိယရဲချုပ် ရဲဗိုလ်ချုပ်တင်ကိုကိုနှင့် တာဝန်ရှိသူများက လိုက်လံကြည့်ရှု စစ်ဆေးကြပြီး မြန်မာနိုင်ငံမှ တာဝန်ရှိသူများက တရုတ်ပြည်သူ့သမ္မတနိုင်ငံမှ တာဝန်ရှိသူများထံ ပြည်နှင်လွှဲပြောင်း လက်ခံရေးဆိုင်ရာ အထောက်အထား စာရွက်စာတမ်းများကို လွှဲပြောင်းပေးအပ်ကြကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

#Yangon_Times/PP

#Local_News
Published 22 February 2025

▪️ ဂျပန်နိုင်ငံသို့ သွားရောက်မည့် မြန်မာနိုင်ငံသားများဗီဇာလျှောက်ထားခြင်းအတွက်လတ်တလောတွင် အီးမေးလ်မှတဆင့်လက်ခံဆောင်ရွက်ပေးမည်ဖြစ်ကြောင်း မြန်မာနိုင်ငံဆိုင်ရာဂျပန်သံရုံးက သတင်းထုတ်ပြန်ထားသည်။

▪️ ဂျပန်ဗီဇာလျှောက်ထားခြင်းအတွက် ယခင်က အွန်လိုင်းဘိုကင်စနစ်ဖြင့် လျှောက်ထားစေခဲ့သော်လည်း ယခုအခါ အွန်လိုင်းဘိုကင်စနစ်သို့ ဝင်ရောက်ဘိုကင်ယူ၍မရသော အခြေအနေဖြစ်ပေါ်လျက်ရှိပြီး အဆင်မပြေမှုများ ဖြစ်ပွားစေသည့်အတွက် အနူးအညွန်တောင်းပန်အပ်ကြောင်း ထုတ်ပြန်ချက်တွင် ဖော်ပြထားသည်။

▪️ လတ်တလောအချိန်ကာလ အတွင်း ကြိုတင်ဘိုကင်ယူခြင်းများကို မြန်မာနိုင်ငံဆိုင်ရာ ဂျပန်သံရုံး၏ ကောင်စစ်ဌာနအီးမေးလ် (This email address is being protected from spambots. You need JavaScript enabled to view it.) တွင် လက်ခံဆောင်ရွက်ပေးမည်ဖြစ်ပြီးဗီဇာလျှောက်ထားမည့်သူများသည်
၁။ ဗီဇာလျှောက်ထားမည့်သူ၏ အမည်　

၂။ ဗီဇာလျှောက်ထားမည့်သူ၏ တယ်လီဖုန်းနံပါတ်

၃။ မြန်မာနိုင်ငံမှ ထွက်ခွာမည့်ရက်စွဲ　

၄။ COE (ကာလရှည်နေထိုင်ခွင့် လက်မှတ်/ Certificate of Eligibility) ရှိ/မရှိတို့ကို ဖော်ပြလျှောက်ထားရမည်ဖြစ်ကြောင်း သိရသည်။

▪️ အီးမေးလ်ပေးပို့သည့်ရက်မှ အချိန်တစ်ပတ်ကြာသည်အထိ သံရုံးမှ ပြန်စာမရရှိပါက အကြောင်းကြားနိုင်ပြီး အွန်လိုင်းဘိုကင်စနစ်ဖြင့် ကြိုတင်ဘိုကင်ရယူထားပြီးသူများ အီးမေးလ်ဖြင့် နောက်တစ်ကြိမ် ကြိုတင်ဘိုကင်ယူရန် မလိုအပ်ကြောင်း သိရသည်။

#YMG/SW #Yangon_Times

#Local_News
Published 22  February 2025

▪️ ရန်ကုန်တိုင်း၊ ဆိပ်ကြီးခနောင်တိုမြို့နယ်ရှိ ခနောင်တိုချောင်းအတွင်း သင်္ဘောတစ်စီး မီးလောင်မှုတစ်ခု ယ‌နေ့မနက်ပိုင်းတွင်ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖေဖော်ဝါရီ ၂၂ရက်နေ့၊ မနက်၉နာရီ  ၄၇မိနစ် အချိန်ခန့်က  ရန်ကုန်တိုင်းဒေသကြီး၊ ဆိပ်ကြီးခနောင်တိုမြို့နယ်၊ အရှေ့ရပ်ကွက်၊ ခနောင်တိုချောင်းအတွင်းတွင် သင်္ဘော(၁)စီး မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ  သတင်းရရှိသဖြင့် ဆိပ်ကြီးခနောင်တိုမြို့နယ်မီးသတ်စခန်းနှင့် ဒလမြို့နယ်မီးသတ်စခန်းတို့မှ သန္ဓေမီးသတ်တပ်ဖွဲ့ဝင်များသည် အပေါ့စားစက်(၄)လုံးဖြင့် မီးငြှိမ်းသတ်ရေးလုပ်ငန်းများ ဆောင်ရွက်လျှက်ရှိကြောင်းသိရသည်။

#YMG/NN #Yangon_Times

#World_News
Published 22 February 2025

▪️ အစိုးရလုပ်သားအင်အား လျှော့ချဖို့ကြိုးစားနေတဲ့ အမေရိကန်သမ္မတ ဒေါ်နယ်ထရမ့်ရဲ့ အစီအစဉ် တစ်စိတ်တစ်ပိုင်းအဖြစ် ပင်တဂွန်စစ်ဌာနချုပ်ကလည်း အလုပ်နေရာပေါင်း ၅,၄၀၀ လျှော့ချသွားမယ်လို့ သောကြာနေ့က ပြောလိုက်ပါတယ်။

▪️ ဒီလိုကြိုးပမ်းမှုတွေနဲ့ ပတ်သက်ပြီး ဒီမတိုင်ခင်နေ့က ရီပတ်ဘလစ်ကန် လွှတ်တော်အမတ်အချို့ဟာ မဲပေးသူတွေထံမှ လှောင်ပြောင်မှုများ ခံခဲ့ရပါတယ်။

▪️ ဒါဟာ မျှော်မှန်းထားတဲ့အတိုင်း ကာကွယ်ရေးဌာနမှ အလုပ်နေရာပေါင်း ၅ သောင်းခန့်ရဲ့ တစ်စိတ်တစ်ပိုင်းကို လျှော့ချသွားမှာဖြစ်ပြီး လာမယ့်သီတင်းပတ်မှာ ပြုလုပ်မှာဖြစ်ပါတယ်။

▪️ ပင်တဂွန်အနေနဲ့ အလုပ်ရာထူး ခန့်အပ်ခြင်းရပ်ဆိုင်းသွားဖို့ လုပ်ဆောင်သွားမှာဖြစ်ပြီး ၉၅၀,၀၀၀ အင်အားရှိတဲ့ အရပ်သားဝန်ထမ်းတွေကနေ ၅-၈ ရာခိုင်နှုန်း လျှော့ချသွားနိုင်တယ်လို့ ထိပ်သီးအရာရှိ ဒါရင်ဆယ်လ်နစ်ခ်က ပြောပါတယ်။

▪️ ဘီလျံနာအီလွန်မက်စ် ဦးဆောင်ပြီး အမေရိကန်အစိုးရ အဖွဲ့အစည်းတွေမှ လုပ်သား ၂ သောင်းကျော် လျှော့ချခြင်း၊ နိုင်ငံခြားအကူအညီကစလို့ ဘဏ္ဍာရေးကြီးကြပ်မှုအထိ အစီအစဉ်တွေ ဖျက်သိမ်းခြင်းတို့ လုပ်ဆောင်နေကြတာ ဖြစ်ပါတယ်။

▪️ တရားဥပဒေနည်းလမ်းရ ရလဒ်တွေ ရောထွေးနေကာ သောကြာနေ့က နိုင်ငံတကာဖွံ့ဖြိုးရေး အမေရိကန်အေဂျင်စီမှ လုပ်သား ၂ ထောင်ကျော်ကို အလုပ်နုတ်ထွက်ခွင့်ပြုမယ့် ထရမ့်အစီအစဉ်အတွက် အစိုးရတရားသူကြီးတစ်ဦးက လမ်းဖွင့်ပေးခဲ့ပါတယ်။

▪️ ဒါပေမဲ့ အထူးအကြံပေးရုံး အကြီးအကဲကို ထရမ့်ချက်ချင်းထုတ်ပယ်ဖို့ လုပ်တာကိုတော့ အမေရိကန် တရားရုံးချုပ်က ပိတ်ပင်ခဲ့ပါတယ်။

▪️ ဒါ့အပြင် FBIကလည်း ဝန်ထမ်း ၁,၅၀၀ ကို ဝါရှင်တန်ရုံးချုပ်ကနေ နိုင်ငံတဝှမ်းရှိ ရုံးများထံ လွှဲပြောင်းဖို့ ညွှန်ကြားခဲ့ပါတယ်။

▪️ နာမကျန်းဖြစ်နေသူပေါင်းး ၁၃၇,၀၀၀ ခန့်အတွက် ကျန်းမာရေးအစီအစဉ်မှာ ကြီးကြပ်နေတဲ့ အလုပ်ထုတ်ပယ်ပြီးသား ဝန်ထမ်းတွေကို ပြန်လည်ခေါ်ယူသွားဖို့ရှိတယ်လို့ အမေရိကန် ရောဂါထိန်းချုပ်ကာကွယ်ရေးစင်တာ CDCက ပြောထားပါတယ်။

▪️ အမေရိကန်နိုင်ငံသား အများစုက အီလွန်မက်စ်ရဲ့ အစိုးရဝန်ထမ်းအင်အား လျှော့ချရေးကြိုးပမ်းမှုက အစိုးရအဖွဲ့အစည်းတွေ ထိခိုက်မှာကို စိုးရိမ်နေကြတယ်လို့ စစ်တမ်းအရသိရပါတယ်။

▪️ သမဂ္ဂအဖွဲ့အများအပြားက အစိုးရအဖွဲ့ရဲ့ အားထုတ်မှုတွေနဲ့ ပတ်သက်လို့ စွဲချက်တင်ထားကြကာ ထရမ့်နဲ့ မက်စ်တို့ကတော့ အစိုးရအဖွဲ့အစည်းတွေဟာ ပိုလျှံဖောင်းပွနေတယ်လို့ ဆိုထားပါတယ်။

#Source: Reuters

#Local_News
Published 22  February 2025

▪️ ကျိုင်းတုံမြို့အနီး၌ ယနေ့မနက်ပိုင်းက မြေငလျင်လှုပ်ခတ်ခဲ့ကြောင်းမိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ ဖေဖော်ဝါရီလ ၂၂ ရက်နေ့၊ မြန်မာစံတော်ချိန် (၀၅)နာရီ၊ (၄၈)မိနစ်၊ (၁၆)စက္ကန့် အချိန်တွင် ကျိုင်းတုံငလျင်စခန်းမှ အရှေ့ဘက် (၁၁) မိုင်ခန့်ကွာဝေးသော မြန်မာနိုင်ငံပြည်တွင်း (ကျိုင်း တုံမြို့၏ အရှေ့ဘက် (၁၀) မိုင်ခန့်အကွာ)၊ မြောက်လတ္တီတွဒ် (၂၁.၂၈) ဒီဂရီ၊ အရှေ့လောင်ဂျီတွဒ် (၉၉.၇၆) ဒီဂရီ၊ အနက်(၁၀)ကီလိုမီတာကို ဗဟိုပြု၍ အင်အားရစ်(ခ်)တာစကေး (၃.၃) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း တိုင်းထွာရရှိကြောင်း သိရသည်။

#YMG/NN #Yangon_Times

#World_Health
Published 22 February 2025

▪️ အုန်းဆီမှာ ရောင်ရမ်းဆန့်ကျင်ခြင်းနဲ့ ပိုးသန့်စင်ခြင်း အာနိသင်တွေ၊ အစိုဓာတ်ထိန်းသိမ်းခြင်းတွေ ပေးစွမ်းနိုင်ပါတယ်။

▪️ ဒါ့အပြင် အိုမင်းရင့်ရော်ခြင်းလက္ခဏာ လျှော့ချခြင်း၊ အသားအရေ အစိုဓာတ်ထိန်းပေးခြင်းနဲ့ ချောမွေ့ခြင်းတို့လည်း ကူညီပေးပါတယ်။

▪️ ကော်လာဂျင်ထုတ်လုပ်ခြင်း၊ အသားအရေ တင်းရင်းခြင်းတို့မှာလည်း အကူအညီ ဖြစ်စေနိုင်ပါတယ်။

▪️ အသားအရေအတွက် အုန်းဆီအသုံးပြုနိုင်မယ့် နည်းလမ်းတွေကို ဖော်ပြလိုက်ပါတယ်။

(၁) အစိုဓာတ်ထိန်းသိမ်းခြင်း
▪️ ရေချိုးပြီးနောက် ခြောက်သွေ့နေတဲ့ အရေပြားပေါ်မှာ အုန်းဆီအနည်းငယ် လိမ်းပေးခြင်းဖြင့် ထိရောက်စွာ အစိုဓာတ် ထိန်းနိုင်ပါတယ်။

(၂) မိတ်ကပ်ဖျက်ခြင်း
▪️ အုန်းဆီက အရေပြားမှ သဘာဝအဆီများ မပါဘဲ မိတ်ကပ်နဲ့ အညစ်အကြေးများကို ဖယ်ရှားနိုင်ပါတယ်။

(၃) နေရောင်ထိတွေ့ပြီးနောက်သုံးခြင်း
▪️ နေရောင်နဲ့ထိတွေ့လို့ နီမြန်းရောင်ရမ်းသွားတဲ့ အရေပြားပေါ်မှာ အုန်းဆီသုံးခြင်းဖြင့် အစိုဓာတ်ထိန်းပေးကာ သက်သာစေပါတယ်။

(၄) နှုတ်ခမ်းအဆီအဖြစ်သုံးခြင်း
▪️ ဆောင်းရာသီ နှုတ်ခမ်းခြောက်ခြင်းမှ ကာကွယ်ရန် အုန်းဆီသုတ်ပေးပြီး အစိုဓာတ်ထိန်းနိုင်ပါတယ်။

(၅) ညဘက်လိမ်းခြင်း
▪️ ညအိပ်ရာမဝင်ခင် မျက်နှာသစ်ပြီး အုန်းဆီပါးပါးလိမ်းခြင်းဖြင့် ရေဓာတ်ဖြည့်ပေးနိုင်ပါတယ်။

▪️ အုန်းဆီလိမ်းတဲ့အခါမှာ အရေပြားအခြေအနေကို စောင့်ကြည့်သင့်ပြီး အထူးသဖြင့် အဆီပြန်ပြီး ဝက်ခြံထွက်လွယ်တဲ့သူတွေမှာ သတိထားသင့်ပါတယ်။

#Source: DoctorNDTV