#World_Science
Published 03 May 2025

▪️ စကြဝဠာကြီးဟာ အလွန်နှေးကွေးစွာ လှည့်ပတ်နေနိုင်ဖွယ်ရှိတယ်လို့ Royal Astronomical Societyမှာ လေ့လာဖော်ပြထားပြီး ဖြေရှင်းရအခက်ဆုံး ပဟေဌိတွေထဲက တစ်ခုဖြစ်တဲ့ Hubble tension ကို ဖြေရှင်းပေးနိုင်ဖွယ်ရှိပါတယ်။

▪️ ဒီသုတေသနကို ဟာဝိုင်အီတက္ကသိုလ်မှ အစ္စဗန်ဆာပူဒီက ဦးဆောင်ပြုလုပ်တာ ဖြစ်ပါတယ်။

▪️ လက်ရှိ စကြဝဠာဆိုင်ရာယူဆချက်များအရ စကြဝဠာဟာ လှည့်ပတ်ခြင်းမရှိဘဲ ဦးတည်ချက်အဖက်ဖက်သို့ ညီမျှစွာချဲ့ထွင်နေပါတယ်။

▪️ ဒါပေမဲ့ စကြဝဠာချဲ့ထွင်နှုန်း အတိုင်းအတာတွေနဲ့တော့ ကိုက်ညီခြင်းမရှိပါဘူး။

▪️ Hubble tensionက မူလနည်းလမ်း ၂မျိုးကနေ ကွဲပြားတဲ့ ချဲ့ထွင်မှုတန်ဖိုးဖြစ်စေရာကနေ ဖြစ်ပေါ်လာပါတယ်။

▪️ ဆာပူဒီနဲ့အဖွဲ့က အနည်းငယ်သော လှည့်ပတ်နှုန်းကနေ စကြဝဠာချဲ့ထွင်ခြင်းအထိ ပူးပေါင်းဖြစ်ပေါ်တဲ့ သင်္ချာနည်းလမ်းပုံစံတစ်ခုကို ထုတ်ဖော်ခဲ့ပါတယ်။

▪️ ယင်းတို့ရဲ့ ခန့်မှန်းချက်ပုံစ့အရ စကြဝဠာကြီးဟာ နှစ်ပေါင်း ၅၀၀ ဘီလီယံအတွင်း တစ်ပတ်ပြည့်အောင် လည်ပတ်နိုင်ကာ ဒါကိုတွေ့ရှိဖို့ရာ နှေးလွန်းပေမယ့် စကြဝဠာတိုးချဲ့ခြင်းအပေါ် သက်ရောက်နိုင်တဲ့သဘော ဖြစ်နေပါတယ်။

▪️ ဒီစိတ်ကူးက ရူပဗေဒဥပဒေတွေကို ချိုးဖောက်ခြင်းမရှိပါဘူး။

▪️ နောက်ထပ်သုတေသနအဆင့်မှာတော့ ကွန်ပျူတာ သရုပ်ဖော်ပုံစံများ အသုံးပြုပြီး စကြဝဠာလည်ပတ်သီအိုရီနဲ့ သိသာထင်ရှားတဲ့ လည်ပတ်မှုလက္ခဏာတွေကို စမ်းသပ်သွားမှာ ဖြစ်ပါတယ်။

▪️ ဒါကိုသာအတည်ပြုနိုင်ရင် စကြဝဠာကြီးရဲ့ လှုပ်ရှားမှုပုံစံကို ပိုမိုနားလည်လာနိုင်ပြီး နှစ်ပေါင်းများစွာ ပဟေဌိဖြစ်နေတဲ့ Hubble tensionကို ဖြေရှင်းစေနိုင်ဖွယ် ရှိပါတယ်။

#Source: India Today

#World_Health
Published 05 May 2025

▪️ ဆိုဒီယမ်များတဲ့ အစားအစာတွေက သွေးပေါင်ချိန်မြင့်တက်စေကာ နှလုံးရောဂါဖြစ်နိုင်ခြေ များစေတယ်လို့ သိထားပါတယ်။

▪️ ကနေဒါလေ့လာချက်တစ်ခုမှာတော့ ပိုတက်ဆီယမ်ကြွယ်ဝတဲ့ အချို့သောစားစရာတွေဟာ သွေးပေါင်ချိန်ထိန်းညှိရာမှာ သက်ရောက်မှုရှိစေတယ်လို့ တွေ့ရှိလာပါတယ်။

▪️ ခါတိုင်းဆိုရင် သွေးပေါင်ချိန်တိုးတယ်ဆိုရင် ဆားလျှော့စားရမှာဖြစ်တယ်လို့ ဝါတာလိုတက္ကသိုလ်မှ ပရော်ဖက်ဆာအန်နီတာလေတန်က ပြောပါတယ်။

▪️ ပိုတက်ဆီယမ်ကြွယ်ဝတဲ့ ငှက်ပျောသီး၊ ပန်းဂေါ်ဖီစိမ်းတို့လို စားစရာတွေစားခြင်းက ဆိုဒီယမ်လျှော့စားတာထက်ပိုပြီး အကျိုးသက်ရောက်မှုကြီးတယ်လို့ ပြောပါတယ်။

▪️ ယောက်ျားတွေက ဓမ္မတာမဆုံးသေးတဲ့အမျိုးသမီးတွေထက် သွေးတိုးနိုင်ခြေပိုများပေမယ့် ပိုတက်ဆီယမ် ပိုစားပေးရင် တုံ့ပြန်မှုပိုရှိပါတယ်။

▪️ ယနေ့ခေတ် အနောက်တိုင်း အစားအစာတွေမှာ ဆိုဒီယမ်များပြီး ပိုတက်ဆီယမ် နည်းလာတာကြောင့် သွေးတိုးရောဂါ အဖြစ်များလာပါတယ်။

▪️ ငှက်ပျောသီးက သွေးတိုးအတွက် အကျိုးပြုတဲ့အပြင် အမျှင်ဓာတ်ကြွယ်ဝတာကြောင့် အစာခြေခြင်းနဲ့ ဝမ်းသွားခြင်းကို ကူညီပေးပါတယ်။

▪️ ဗိုက်တာမင်-ဘီ၆နဲ့ ထရစ်တိုဖန်တို့က စိတ်အခြေအနေ၊ ဦးနှောက်ကျန်းမာရေး၊ အာရုံကြောစနစ်တို့ကို တိုးတက်စေပါတယ်။

▪️ သဘာဝသကြားနဲ့ ကာဗိုဟိုက်ဒရိတ်တို့က စွမ်းအင်အလျင်အမြန် ထောက်ပံ့ပေးပြီး မုန့်တစ်ထုပ်လျှင် ၁၀၅ ကယ်လိုရီပါဝင်ပါတယ်။

▪️ လေ့ကျင့်ခန်းလုပ်ပြီးနောက် အီလက်ထရိုလိုက်များ ပြန်ဖြည့်ပေးသလို ငှက်ပျော်ခွံနဲ့ မျက်နှာပွတ်တိုက်ခြင်းဖြင့် သဘာဝအတိုင်း ကြည်လင်စေတဲ့ အစွမ်းသတ္တိရှိပါတယ်။

#Source: New York Post

#Local_News
Published 05 May 2025

▪️ KNLA အဖွဲ့နှင့် PDF များက ရန်ကုန်-မော်လမြိုင် ပြည်ထောင်စုကားလမ်းမကြီးပေါ်ရှိ သံကူကွန်ကရစ် တံတား တစ်စင်းကို မိုင်းခွဲဖျက်ဆီးခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

▪️ မွန်ပြည်နယ်၊ သထုံမြို့နယ်၊ ရန်ကုန်-မော်လမြိုင် ပြည်ထောင်စုကားလမ်းမကြီးပေါ်ရှိ မိုင်တိုင်အမှတ်၊ ၁၃၅/၇ နှင့် ၁၃၆ အကြား အရှည် ၃၇ ပေ၊ အကျယ် ၄၈ ပေ၊ ခံနိုင်ဝန်တန် ၆၀ ရှိ သံကူကွန်ကရစ်အမျိုးအစား တံတား အမှတ်(၄/၁၃၆)ကို ယနေ့ မေလ ၄ ရက် နံနက်က မိုင်းထောင်ဖောက်ခွဲဖျက်ဆီးခဲ့ခြင်းဖြစ်ကြောင်း သိရသည်။

▪️ ယင်းကြောင့်အဆိုပါသံကူ ကွန်ကရစ်တံတားမှာ ကမ်းကပ်ခုံအနီးမှ အထက်ပိုင်းကျိုးကျ ပျက်စီးခဲ့ပြီး မော်တော် ယာဉ်များ ဖြတ်သန်းသွားလာနိုင်မှု မရှိကြောင်းနှင့် ထိုသို့ ပျက်စီးသွားသည့် တံတားကို တာဝန်ရှိသူများက ပြန် လည်ပြုပြင်ခြင်း လုပ်ငန်းများကို အမြန်ဆုံး ဆောင်ရွက် လျက်ရှိကြောင်း သိရသည်။

▪️ KNLA အဖွဲ့နှင့် PDF အမည်ခံအကြမ်းဖက် သမားများက အဆိုပါသံကူကွန်ကရစ်တံကို ၂၀၂၄ ခုနှစ်၊ ဖေဖော် ဝါရီလ ၂၉ ရက်တွင် တစ်ကြိမ်၊ ၂၀၂၄ ခုနှစ်၊ ဇူလိုင်လ ၁၆ ရက်တွင် တစ်ကြိမ် မိုင်းထောင်ဖောက်ခွဲခဲ့ပြီး ယနေ့ ဖောက်ခွဲခဲ့မှုမှာ တတိယအကြိမ်မြောက် ဖောက်ခွဲဖျက်ဆီးခဲ့ခြင်းဖြစ်ကြောင်း သိရသည်။

▪️ ထိုသို့ မိုင်းထောင်ဖောက်ခွဲမှု ကြောင့် မော်တော်ယာဉ်များ၊ ဆေးရုံကားများ၊ ကျောင်းကားများ၊ ဈေးကားများ သွားလာနိုင်မှုမရှိဘဲ ပြည်သူလူထုမှ ၎င်းတို့၏လုပ်ရပ်အပေါ် လွန်စွာရွံမုန်းလျက်ရှိကြောင်းသိရှိရပြီး မိုင်းထောင် ဖောက်ခွဲဖျက်ဆီးခဲ့သည့် အကြမ်းဖက်သမားများကို လိုအပ်သည့်တုံ့ပြန်မှုများ ပြုလုပ်နိုင်ရေးနှင့် နယ်မြေဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များက လုံခြုံရေးလုပ်ငန်းစဉ်များတိုးမြှင့် ဆောင်ရွက် လျက်ရှိကြောင်း သိရသည်။
#Yangon_Times/PP

#World_Health
Published 04 May 2025

▪️ ဒေလီတက္ကသိုလ်ပရော်ဖက်ဆာတစ်ဦးဖြစ်တဲ့ အသက် ၄၆ နှစ်အရွယ်အမျိုးသမီး ဂျိုစနာဟာ အန္တရာယ်များတဲ့ကိုယ်ဝန်ကနေ သုံးမွှာပူးမွေးဖွားနိုင်ခဲ့ပါတယ်။

▪️ ဒီသုံးမွှာပူးကို ကိုယ်ဝန်သက်တမ်း ၂၅ ပတ်ဖြင့် လမစေ့ဘဲမွေးဖွားခဲ့ပြီးနောက် ဘာအန္တရာယ်မှမရှိဘဲ ကလေးအထူးကြပ်မတ်ဆောင်(NICU)မှာ ၂၂၅ရက်တိုင်အောင် အသက်ရှင်နေပါတယ်။

▪️ ဖန်ပြွန်သန္ဓေနည်းလမ်းဖြင့် ရရှိခဲ့တဲ့ မိန်းကလေး ၃ဦးရဲ့ စုစုပေါင်းမွေးဖွားအလေးချိန် ၂.၅ ကီလိုဂရမ်သာရှိခဲ့ပြီး ကျန်းမာရေးပြဿနာဘာမှမရှိဘဲ အမ်ရီတာဆေးရုံမှ ဆင်းသွားခဲ့ပြီဖြစ်ပါတယ်။

▪️ ဂျိုစနာဟာ ဖန်ပြွန်သန္ဓေကို နှစ်တွေကြာအောင် ကြိုးစားခဲ့ပြီး ဆီးချိုအမျိုးအစား(၁)၊ သွေးတိုးရောဂါတို့ ခံစားနေသူဖြစ်ပါတယ်။

▪️ ကိုယ်ဝန်နောက်ဆုံးရက်သတ္တပတ်တွေမှာ အဆုတ်ရောင်လည်းဖြစ်ပွားခဲ့ပြီး အရေးပေါ် ဗိုက်ခွဲမွေးဖွားခဲ့ရပါတယ်။

▪️ ဒီလိုမျိုးအခြေအနေတွေ ခက်ခဲခဲ့ပေမယ့် ခွဲစိတ်မှုရလဒ်ကတော့ ကောင်းမွန်ခဲ့ပါတယ်။

▪️ ဒေါက်တာ ဟမ်မန့်ရှာမာဦးဆောင်တဲ့ အဖွဲ့ကတော့ နည်းပညာအဆင့်အတန်းနဲ့ စိတ်ရောကိုယ်ပါ ကြိုးစားမှုတို့ကို ပြသခဲ့ကြပါတယ်။

▪️ ၂၅ပတ်ဖြင့် မွေးဖွားခဲ့ပေမယ့် သုံးမွှာပူးဟာ အသက်ရှူဖို့ရာ စက်ကိရိယာအကူအညီ မလိုအပ်ခဲ့ပါဘူး။

▪️ အထူးကြပ်မတ်ဆောင်မှာ ၂၂၅ရက်ကျော်ကြာအောင်နေပြီးနောက် ရောဂါကူးစက်မှုတွေ၊ ကိုယ်တွင်းသွေးယိုစိမ့်မှုတွေ မရှိခဲ့ကြပါဘူး။

▪️ ဂျိုစနာက ကလေးတွေရဲ့ ရောဂါခုခံအားနဲ့ အာဟာရဓာတ်တို့အတွက် မရှိမဖြစ်အရေးကြီးတဲ့ မိခင်နို့ကို ဆက်လက်တိုက်ကျွေးနေပါတယ်။

▪️ အိန္ဒိယမှာ နှစ်စဉ်နှစ်တိုင်း လမစေ့ဘဲမွေးဖွားမှုပေါင်း ၃ သန်းခွဲကျော်ရှိနေပြီး အသက် ၅ နှစ်အောက်သေဆုံးသူ ၃ သိန်းနီးပါးရှိနေပါတယ်။

▪️ ဒါကြောင့် အဆင့်မြင့်ကလေးစောင့်ရှောက်ရေး၊ ကျွမ်းကျင်သူနာပြု၊ လှူဒါန်းနို့ချိုရရှိရေး၊ မိခင်ထောက်ပံ့ရေးစနစ်တို့ အရေးကြီးပုံကို အိန္ဒိယက အလေးပေးဖော်ပြနေပါတယ်။

#Source: India Today

ရှန်ကျိုး-၁၉ အာကာသယာဉ်မှူးများမှ ပြန်လည်ယူဆောင်လာတဲ့ အာကာသစမ်းသပ်နမူနာများ လေ့လာရခြင်းက ကမ္ဘာပေါ်ရှိ ပစ္စည်းအသစ်များထုတ်လုပ်ခြင်းနဲ့ အနာဂတ်မှာ လူသားတို့ရဲ့ အာကာသလှုပ်ရှားမှုများအတွက် နည်းပညာဆိုင်ရာပံ့ပိုးပေးနိုင်လိမ့်မယ်လို့ တရုတ်သိပ္ပံအကယ်ဒမီမှ သုတေသီများဆိုပါတယ်။
#Asia_Space
Published 03 May 2025
#ရှန်ကျိုး-၁၉အာကာသခရီး #အာကာသပစ္စည်းနမူနာများ
#YMG #Yangon_Times #Yangon_Media_Group

#Daily_News

Published 03 May 2025

၁။ တရုတ်နိုင်ငံဆေးဝါးအဖွဲ့ မန္တလေးတွင် ငလျင်ဘေးနှင့်ဆက်စပ်သော ရောဂါကာကွယ်ထိန်းချုပ်ရေးလုပ်ငန်းများ ဆောင်ရွက်ပေးနေ

၂။ ပို့ကုန်အားလုံး လိုင်စင်ပြန်လည်လျှောက်ထားရမည်

၃။ “ငလျင်အပြီး အဆောက်အဦး အကဲဖြတ်ခြင်းနှင့် ပြုပြင်ခြင်းနည်းပညာ” တစ်ရက်သင်တန်းပြုလုပ်မည်

၄။ ရှန်ကျိုး-၁၉ အာကာသခရီး၌အာကာသပစ္စည်းနမူနာများအား ကမ္ဘာပေါ်သို့ယူဆောင်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published_3 April 2025

▪️ တရုတ်နိုင်ငံအစိုးရက မြန်မာနိုင်ငံကို ကူညီပေးသည့် ၁၁ သုတ်မြောက် အရေးပေါ် လူသားချင်းစာနာမှု ငလျင်ဘေးကယ်ဆယ်ရေးပစ္စည်းများဖြစ်သည့် အသင့်နေအိမ် (Prefabricated ရုံးခန်းနှင့် ဆက်စပ်ပရိဘောဂများ စုစုပေါင်း ၃၄၀ စုံ) အလုံး ၃၄၀ ကို ထောက်ပံ့လိုက်သည်။

▪️ ယင်းပစ္စည်းများ ယမန်နေ့ မေလ ၂ ရက် ညပိုင်းက ရန်ကုန်မြို့သို့ရောက်ရှိခဲ့ရာ မြန်မာနိုင်ငံဆိုင်ရာ တရုတ်သံရုံးမှသံမှူးအိုးယန်သောက်ပင်း - Mr. Ouyang Daobing နှင့် ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း တို့က ယနေ့မေလ ၃ ရက်တွင် လွှဲပြောင်းပေးအပ်မှုလုပ်ဆောင်ခဲ့ကြောင်း သိရသည်။
#Yangon_Times/PP

#Local_News
Published 3 May 2025

▪️ မြန်မာနိုင်ငံကူးလက်မှတ်ထုတ်ပေးရေးရုံးမှ အွန်လိုင်းမှ တဆင့် နိုင်ငံကူးလက်မှတ် လျှောက်ထားခြင်းကို ပြန်လည်လက်ခံနေပြီရာ နိုင်ငံကူးလက်မှတ်လျှောက်ထားခြင်းအတွက် ငွေပေးချေရာတွင် မြန်မာနိုင်ငံ၏ ဒစ်ဂျစ်တယ်ငွေပေးချေမှု National QR Standard ဖြစ်သည့် MMQR ကို မေလ၂ရက်မှ စတင်ကာအသုံးပြုနိုင်ပြီဖြစ်ကြောင်း သိရသည်။

▪️ ယခင်က နိုင်ငံကူးလက်မှတ်လျှောက်ထားခြင်းအတွက် Online ငွေပေးချေမှုအား KBZ Pay စနစ်, MPU ကတ် စနစ်နှင့် AYA Pay စနစ်များဖြင့် လက်ခံဆောင်ရွက်ပေး လျက်ရှိပြီး ယခုအခါ အများပြည်သူ ပိုမိုလွယ်ကူအဆင်ပြေစွာ ငွေပေးချေနိုင်ရန်အတွက် MMQR ဖြင့် ငွေပေးချေခြင်းကို ထပ်မံ ဆောင်ရွက်ပေး ခြင်းဖြစ်ကြောင်း သိရသည်။

▪️ ထို့ကြောင့် မေလ (၂)ရက်နေ့မှ စ၍ သက်ဆိုင်ရာ ငွေပေးချမည့်နေ့ရက်တွင် MMQR စနစ်နှင့် နည်းပညာချိတ်ဆက်မှု အသင့်ဖြစ်သည့် မိုဘိုင်းဘဏ်လုပ်ငန်းစနစ်များ၊ Mobile Wallet ဆောင်ရွက်သော ဘဏ်များနှင့်ငွေပေးချေမှုအဖွဲ့အစည်းတိုင်း၏ MMQR စနစ်အသီးသီးတို့ဖြင့် မိမိတို့၏ မြန်မာနိုင်ငံကူးလက်မှတ်လျှောက်ထားခြင်းအတွက် ငွေပေးချေနိုင်မည်ဖြစ်ကြောင်း သိရသည်။

#YMG/SW #Yangon_Times

#Asia_Lifestyle
Published 03 May 2025

▪️ အိမ်မွေးတိရိစ္ဆာန်ထိန်းကျောင်းသူလီက ခွေးတစ်ကောင် သင်ကြားမှုတစ်ခုတတ်မြောက်တိုင်း ပျော်ရွှင်မှုခံစားရပါတယ်။

▪️ လီက တရုတ်အလယ်ပိုင်း ဟူဘေပြည်နယ်မြို့တော်ဝူဟန်မှာ ခွေးမူကြိုဖွင့်ထားပြီး ခွေးထိန်းကျောင်းပေးသလို အလေ့အကျင့်ကောင်းတွေ တတ်မြောက်လာစေရန် လေ့ကျင့်သင်ကြားပေးပါတယ်။

▪️ လီရဲ့ဂေဟာမှာ ခွေးတွေက နေ့ပိုင်းအတွင်း လွတ်လပ်စွာသွားလာနိုင်ပြီး အချို့ကတော့ နေ့ပိုင်းထိန်းကျောင်းခံဖို့ လာကြသလို အချို့ကတော့ ပိုင်ရှင်တွေခရီးသွားတဲ့အခါ ခေတ္တလာရောက်နေထိုင်ကြပါတယ်။

▪️ "ခွေးတွေက အိမ်မှာဘယ်သူမှမရှိရင် အထီးကျန်ရတာမျိုး၊ လှောင်အိမ်ထဲ ထည့်ရတာမျိုးကို ပိုင်ရှင်တွေက မလိုလားကြတာကြောင့် ဂေဟာမှာဆိုရင် လွတ်လပ်စွာလှုပ်ရှားခွင့် ပေးထားတယ်" လို့ လီကပြောပါတယ်။

▪️ အစားစားချိန်ကို လေ့ကျင့်သင်ကြားပေးတဲ့ကဏ္ဍ သတ်မှတ်ကာ ထိုင်ခြင်း၊ လှည့်ခြင်း၊ လက်လှုပ်ခါခြင်းစတဲ့ အပြုအမူများ လေ့လာသင်ကြားရပြီး စနစ်ကျတဲ့ အစာကျွေးခြင်းနဲ့ တစ်ကောင်ချင်း ညွှန်ကြားပြသမှုတွေကနေ အမိန့်ပေးချက်တွေကို ဖြည်းဖြည်းချင်း နားလည်လာကြပါတယ်။

▪️ တုပေါင်လို့ခေါ်တဲ့ ခွေးဖြူလေးကတော့ ဂေဟာစဖွင့်ထဲက တက်ရောက်နေသူဖြစ်ပြီး ညွှန်ကြားချက်တွေကို တိတိကျကျ လိုက်နာနိုင်စွမ်းကြောင့် ခွေးတွေကြားမှာ အတန်းခေါင်းဆောင်နေရာ ရထားပါတယ်။

▪️ တုပေါင်ကို စခေါ်လာတုန်းကဆိုရင် နေရာတိုင်းလိုက်ပြီး သန့်ရှင်းခဲ့ရကြောင်း၊ အခုတော့ ပြောသမျှကို နားထောင်သဘောပေါက်လာပြီ ဖြစ်ကြောင်း တုပေါင်ရဲ့ပိုင်ရှင်က ပြောပါတယ်။

▪️ ခွေးတွေအတွက် ရုပ်ပိုင်းဆိုင်ရာ အသိပညာပေးအချိန်လည်းရှိပြီး ညနေကျရင်တော့ လီက ပိုင်ရှင်တွေထံ တင်ပြရပါတယ်။

▪️ ခွေးလေးတွေ သင်ကြားမှုတစ်ခု တတ်မြောက်တိုင်း အောင်မြင်မှုလို ခံစားရသလို ပိုင်ရှင်တွေအတွက်လည်း စိတ်ချလက်ချ ခရီးသွားနိုင်တယ်လို့ လီကပြောသွားပါတယ်။

ငလျင်ဒဏ်သင့်ဒေသတွေအတွက် အိန္ဒိယနိုင်ငံက လှူဒါန်းတဲ့ ကာကွယ်ဆေးတွေရောက်ရှိလာပြီလို့ WHO Myanmar မှ သိရပါတယ်။
#Local_News
Published 03 May 2025
#အိန္ဒိယကဆေးလှူဒါန်း #ဆေးများရောက်ရှိ
#YMG/SW #Yangon_Times

ရန်ကုန်အထိုင် စက်သုံးဆီဈေးနှုန်းတွေ နှစ်ပတ်ဆက်တိုက်ပြန်လည် မြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီး
ကြပ် ရေးကော်မတီက သိရပါတယ်။
#Local_News
Published 03 May 2025
#စက်သုံးဆီဈေးနှုန်းပြန်တက် #သိုလှောင်ဖြန့်ဖြူးခြင်းလုပ်ငန်း
#YMG/NN #Yangon_Times

မြန်မာနိုင်ငံက ငလျင်ဘေးသင့်ခဲ့သူတွေအတွက် တရုတ်နိုင်ငံဆေးဝါးအဖွဲ့ဟာ ရောဂါကာကွယ်ထိန်းချုပ်ရေးလုပ်ငန်းတွေကို အရှိန်မြှင့်လုပ်ဆောင်ပေးနေကြောင်း သိရပါတယ်။
#Local_News
Published 03 May 2025
#တရုတ်နိုင်ငံဆေးဝါးအဖွဲ့ #ရောဂါကာကွယ်ထိန်းချုပ်ရေးလုပ်ငန်း
#YMG #Yangon_Times #Yangon_Media_Group