#World_Health
Published 27 October 2025

■ အာရုံကြောနည်းပညာကုမ္ပဏီ Elemind က ဦးနှောက်လှိုင်းတွေကို ပြောင်းလဲစေကာ လျင်မြန်စွာအိပ်ပျော်စေမယ့် နည်းပညာမြင့်ခေါင်းပတ်ကိရိယာကို ထုတ်လုပ်လိုက်ပါတယ်။

■ အမေရိကန်မှာ လူဦးရေ ၄၂ ရာခိုင်နှုန်းလောက်က လိုအပ်တဲ့အိပ်ချိန် မရရှိဘဲ ၂၅ ရာခိုင်နှုန်းကသာ တစ်ညကို ၈ နာရီအိပ်ချိန်ရတယ်လို့ စစ်တမ်းတစ်ခုအရ သိရပါတယ်။

■ အိပ်ရေးမဝတဲ့အခါ ဦးနှောက်အိုမင်းခြင်း၊ ဝမ်းတွင်းအဆီ၊ သွေးတိုး၊ ဆီးချို၊ နှလုံးနဲ့ ကျောက်ကပ်ပြဿနာများ၊ စိတ်ဓာတ်ကျခြင်း၊ ရောင်ရမ်းခြင်း စတဲ့ပြဿနာများ ဆက်စပ်နေပါတယ်။

■ နာဆာဝန်ထမ်းဟောင်း ပယ်ရီက မနှစ်က Elemind ကို စတင်လည်ပတ်စေပြီး ဆေးဝါးတွေ မသုံးစွဲဘဲနဲ့ လျင်မြန်စွာအိပ်ပျော်စေမယ့် နည်းလမ်းကို ရှာဖွေနေခဲ့ပါတယ်။

■ ၃၄၉ ဒေါ်လာတန် ခေါင်းပတ်ကိရိယာက ဆူညံသံဖယ်ရှားပေးကာ ဆင်ဆာများဖြင့် ဦးနှောက်ကို ဖတ်ကြည့်ပြီး ငြိမ်သက်စေတဲ့ပုံစံမျိုး ဖြစ်စေပါတယ်။

■ နိုးကြားစေတဲ့ ဦးနှောက်လှိုင်းတွေကို နှောင့်ယှက်စေမယ့် ဦးနှောက်လှိုင်းတွေ လွှတ်ပေးပြီး ဦးနှောက်ကို အိပ်စက်အောင် ကူညီပေးတယ်လို့ ပယ်ရီက ရှင်းပြပါတယ်။

■ သာယာငြိမ့်ညောင်းတဲ့ ဂီတသံက အိပ်ပျော်စေသလိုမျိုး အသံကိုရိုးရှင်းစွာ အသုံးပြုထားပါတယ်။

■ ဒီအသံဟာ နားကမကြားရဘဲ ဦးခေါင်းထဲကနေ ဖြတ်သန်းသွားတဲ့ အသံမျိုးဖြစ်ပါတယ်။

■ လက်တွေ့စမ်းသပ်ချက်တွေထဲမှာ ခေါင်းပတ်ပစ္စည်းအသုံးပြုသူ ၇၆ ရာခိုင်နှုန်းဟာ ၄၈ ရာခိုင်နှုန်း လျင်မြန်စွာ အိပ်ပျော်စေပါတယ်။

■ ဒါပေမဲ့ ပြင်ပနှောင့်ယှက်မှုတွေ ရှိတဲ့အခါမျိုးမှာတော့ ပိုပြီးလျင်မြန်စွာ အိပ်မပျော်စေပါဘူး။

■ ဒီခေါင်းပတ်ကို အသုံးပြုမယ်ဆိုရင်တော့ အသားကျဖို့ တစ်ပတ်ခန့် အချိန်ယူရနိုင်ကြောင်း ပယ်ရီက ပြောထားပါတယ်။

Source: New York Post.

#World_Health
Published 27 October 2025

■ ဓာတ်တိုးဆန့်ကျင်ပစ္စည်းဆိုတာက ခန္ဓာကိုယ်မှာ ဓာတ်တိုးဖိစီးမှုကနေ ကာကွယ်ပေးခြင်းကို ကူညီပေးတဲ့ မော်လီကျူးတွေဖြစ်ပါတယ်။

■ ဓာတ်တိုးခြင်းဖြစ်တဲ့အခါ ဆဲလ်တွေ၊ ပရိုတိန်းတွေ၊ ဒီအင်န်အေတွေကို ထိခိုက်စေပြီး ဆီးချို၊ နှလုံးရောဂါ၊ ကင်ဆာတို့လို ရောဂါမျိုးတွေ ဖြစ်လာစေနိုင်ပါတယ်။

■ ဓာတ်တိုးဆန့်ကျင်ပစ္စည်းတွေရဲ့ အရေးပါပုံတွေကတော့..

■ (၁) ဆဲလ်ထိခိုက်မှုများမှ လျှော့ချပေးကာ နာတာရှည်ရောဂါများမှ ကာကွယ်ပေးပါတယ်။

■ (၂) ကိုယ်ခံအားစနစ် ထောက်ပံ့ကူညီပေးပြီး ရောဂါဘယများကို ကူညီတိုက်ဖျက်ပေးပါတယ်။

■ (၃) ခန္ဓာကိုယ်တွင်း ရောင်ရမ်းမှုဖြစ်စဉ်များကို လျှော့ချပေးပြီး ရောင်ရမ်းခြင်းနဲ့ သက်ဆိုင်တဲ့ ကျန်းမာရေးပြဿနာများမှ ကာကွယ်ပေးပါတယ်။

■ (၄) အရေပြားဆဲလ်တွေကို ခရမ်းလွန်ရောင်ခြည်မှ ကာကွယ်ပေးကာ အိုမင်းရင့်ရော်ခြင်းလက္ခဏာများ လျှော့ချပေးပါတယ်။

■ (၅) မျက်လုံးကျန်းမာရေးအတွက် အကျိုးရှိစေပြီး မျက်လုံးရောဂါများမှ ကာကွယ်ပေးပါတယ်။

■ (၆) ဦးနှောက်ကျန်းမာရေးကို ကာကွယ်ပေးကာ အာရုံကြောချို့တဲ့ရောဂါများ ဖြစ်နိုင်ခြေကို လျှော့ချပေးပါတယ်။

■ ဓာတ်တိုးဆန့်ကျင်ပစ္စည်းများ ပါဝင်တဲ့ အစားအစာများကတော့..
ဘယ်ရီသီး၊ အချဉ်သီးများ၊ သလဲသီး၊ အစိမ်းရောင်ဟင်းရွက်များနဲ့ ဂေါ်ဖီမျိုးနွယ်များ၊ သစ်ကြားသီး လျှော်စေ့တို့လို အခွံမာသီးများနဲ့ အစေ့အဆန်များ၊ ပဲအမျိုးမျိုး၊ အုတ် ဆန်ညိုတို့လို ဂျုံအစားအစာများ၊ ဟင်းခတ်အမွှေးအကြိုင်များ၊ ချောကလက်မည်း၊ လက်ဖက်စိမ်း ကော်ဖီတို့ ဖြစ်ပါတယ်။

Source: NDTV.

▪️ကွာလာလမ်ပူ၊ အောက်တိုဘာ ၂၆၊၂၀၂၅ (ဘနာမား) — ဖီဖာဥက္ကဋ္ဌ ဂျီအန်နီ အင်ဖန်တီနို (Gianni Infantino) သည် အရှေ့တောင်အာရှ ၁၁ နိုင်ငံလုံး ပါဝင်မည့် ဒေသတွင်း ဘောလုံးပြိုင်ပွဲသစ်ဖြစ်သော FIFA ASEAN Cup ဖီဖာ အာဆီယံ ဖလား ဘောလုံး ပြိုင်ပွဲကို ယနေ့ ထုတ်ဖော်ကြေညာခဲ့သည်။

▪️လူဦးရေ သန်း ၇၀၀ ခန့်ရှိသော ဤဒေသအတွင်း ပိုမိုကြီးမားသော အကျိုးသက်ရောက်မှု ရှိစေရန်အတွက် အဆိုပါပြိုင်ပွဲကို ဖီဖာ၏ နိုင်ငံတကာ ပွဲစဉ် ပြက္ခဒိန် (FIFA International Match Calendar) ကာလအတွင်း ကျင်းပသွားမည်ဖြစ်ကြောင်း အင်ဖန်တီနိုက ပြောကြားခဲ့သည်။

▪️"ဒေသတွင်းမှာ အမှန်တကယ် သက်ရောက်မှုရှိပြီး ကမ္ဘာ့စင်မြင့်ပေါ်မှာ ထွန်းတောက်လာစေဖို့အတွက် ဖီဖာရဲ့ နိုင်ငံတကာ ပွဲစဉ်ပြက္ခဒိန် မူဘောင်အတွင်းမှာ အကောင်းဆုံး ကစားသမားတွေ ပါဝင်ယှဉ်ပြိုင်မယ့် ဒီပြိုင်ပွဲကို ဘောလုံးလောကအတွက် တကယ့်တွန်းအားတစ်ခု ဖြစ်စေဖို့ ကျွန်တော်တို့ စတင်လိုက်တာ ဖြစ်ပါတယ်"ဟုသူကပြောသည်။

▪️"ဘောလုံးအားကစားက ကမ္ဘာကြီးကို စည်းလုံးစေပါတယ်" ဟု အင်ဖန်တီနိုက ထပ်လောင်းပြော  ကြားခဲ့သည်။ "အာဆီယံ ၁၁ နိုင်ငံလုံးနဲ့အတူ ကျွန်တော်တို့ FIFA ASEAN Cup ကို ဖန်တီးနေပါတယ်။ ဒါဟာ ဒေသတွင်းကို စည်းလုံးစေမယ့် ပြိုင်ပွဲတစ်ခုဖြစ်ပြီး ကြီးမားတဲ့ အောင်မြင်မှုတစ်ခု ဖြစ်လာမှာပါ" ဟု သူက ဆိုသည်။

▪️ဤကြေညာချက်ကို ကွာလာလမ်ပူ ကွန်ဗင်းရှင်းစင်တာ (KLCC) ၌ ကျင်းပသော ၄၇ ကြိမ်မြောက် အာဆီယံ ထိပ်သီးအစည်းအဝေး၏ သီးသန့်တွေ့ဆုံမှုအဖြစ် ဒေသတွင်း ဘောလုံးအားကစား ဖွံ့ဖြိုး တိုးတက်ရေးဆိုင်ရာ နားလည်မှုစာချွန်လွှာ (MoU) လက်မှတ်ရေးထိုးပြီးနောက် သူက ပြောကြားခဲ့ခြင်း ဖြစ်သည်။

▪️အဆိုပါ နားလည်မှုစာချွန်လွှာကို ဂျီအန်နီ အင်ဖန်တီနို နှင့် အာဆီယံ အတွင်းရေးမှူးချုပ် ဒေါက်တာ ကာအို ကင်မ် ဟိုအန် (Dr Kao Kim Hourn) တို့က လက်မှတ်ရေးထိုးခဲ့ကြပြီး၊ အာဆီယံ ၂၀၂၅ ၏ ဥက္ကဋ္ဌဖြစ်သူ မလေးရှား ဝန်ကြီးချုပ် ဒါတွတ် စရီ အန်ဝါ အီဘရာဟင် က အသိသက်သေအဖြစ် တက်ရောက်ခဲ့သည်။

▪️ကမ္ဘာ့ဘောလုံးအဖွဲ့ချုပ်(ဖီဖာ) အနေဖြင့် ဤနားလည်မှုစာချွန်လွှာမှတစ်ဆင့် ဒေသတွင်း၌ ယင်း၏ ကြိုးပမ်းအားထုတ်မှုများကို အားကောင်းစေရန်နှင့် ဖွံ့ဖြိုးတိုးတက်ရေးဆိုင်ရာ အစီအစဉ်များကို တိုးချဲ့ရန် သန္နိဋ္ဌာန်ချထားကြောင်း အင်ဖန်တီနိုက ပြောကြားခဲ့သည်။

▪️"ပထမမဏ္ဍိုင်ကတော့ ကစားပွဲရဲ့ သမာသမတ်ကျမှု (Integrity) ဖြစ်ပါတယ်။"

"ဒုတိယမဏ္ဍိုင်ကတော့ ပွဲစဉ်တွေအတွက် လုံခြုံစိတ်ချရတဲ့ ပတ်ဝန်းကျင်ကို သေချာစေဖို့ ဖြစ်ပါတယ်။"

"တတိယမဏ္ဍိုင်ကတော့ ပညာရေးပါ — ဘောလုံးအားကစားကနေတစ်ဆင့် သင်ယူမှုကို မြှင့်တင်ပေးပြီး ဒေသတွင်းက မိန်းကလေး၊ ယောက်ျားလေး၊ အမျိုးသမီးနဲ့ အမျိုးသားအားလုံးအတွက် ဖွံ့ဖြိုးတိုးတက်မှုကို အားပေးဖို့ ဖြစ်ပါတယ်"

"အာဆီယံမှာ အခု နိုင်ငံပေါင်း ၁၁ နိုင်ငံ ရှိနေပါပြီ။ ဒါဟာ အားကစားလောကမှာ မှော်ဆန်တဲ့ နံပါတ်တစ်ခုဆိုတာ ခင်ဗျားတို့ သိတဲ့အတိုင်းပါပဲ။ ဘောလုံးအသင်းတစ်သင်းကို ကစားသမား ၁၁ ယောက်နဲ့ ဖွဲ့စည်းထားတာပါ။ ဒါကြောင့် အခုဆို အသင်းတစ်သင်း ရှိနေပြီ။ပွဲတွေကို အနိုင်ယူဖို့ အသင့်ဖြစ်နေပါပြီ။ကျွန်တော်တို့ ဖီဖာအနေနဲ့ ဒီအဓိကမူတွေပေါ် အခြေခံပြီး အာဆီယံနဲ့ ဆက်လက် ပူးပေါင်းဆောင်ရွက်ဖို့ မျှော်လင့်နေပါတယ်" ဟု သူက ပြောကြားခဲ့သည်။

လာမယ့်ကြံရာသီအတွင်း ကန်ထရိုက်လယ်ယာစနစ်နဲ့ စိုက်ပျိုးဝယ်ယူကြိတ်ခွဲနိုင်ရေးအပါအဝင် တောင်သူများ စိုက်ပျိုးထွက်ရှိသမျှ ကြံအားလုံးကို ဝယ်ယူကြိတ်ခွဲနိုင်ရေးတွေကို စိုက်ပျိုးရေးဦးစီးဌာန၊ အသင်းအဖွဲနဲ့ တာဝန်ရှိသူတွေဆွေးနွေးခဲ့ကြတယ်လို့ စိုက်ပျိုးရေးဦးစီးဌာနကသိရပါတယ်။

#Local_News
Published 25 October 2025
#ကြံ
#YMG/NN #Yangon_Times

၂၆ အောက်တိုဘာ၊၂၀၂၅- ကွာလာလမ်ပူ - မြန်မာနိုင်ငံတွင် ရေရှည်တည်တံ့သော ငြိမ်းချမ်းရေးသည် "မြန်မာပြည်သူများ ပိုင်ဆိုင်ပြီး မြန်မာပြည်သူများက ဦးဆောင်သော ငြိမ်းချမ်းရေး" ဖြစ်ရမည်ဟု ယခုနှစ် အာဆီယံ ဥက္ကဋ္ဌ ဖြစ်သော  မလေးရှားဝန်ကြီးချုပ် ဒါတုခ် ဆာရီ အန်ဝါ အီဘရာဟင်က အလေးထား ပြောကြားခဲ့သည်။

▪️ယနေ့ ကျင်းပသော (၄၇) ကြိမ်မြောက် အာဆီယံ ထိပ်သီး အစည်းအဝေး နှင့် ဆက်စပ် အစည်း အဝေးများ၏ ဖွင့်ပွဲ အခမ်းအနားတွင် အန်ဝါက ဘုံသဘောတူညီချက် ၅ ချက် (Five-Point Consensus) ၏ ထိန်းကွပ်မှုဖြင့် ဆွေးနွေးမှုများနှင့် ပြန်လည်သင့်မြတ်ရေးကို အားပေးကူညီမည့် အာဆီယံအဖွဲ့၏ ကတိကဝတ်ကို ထပ်လောင်း အတည်ပြု ပြောကြားခဲ့သည်။

▪️ယခုနှစ် အာဆီယံဥက္ကဋ္ဌအဖြစ် မလေးရှား သည် အာဆီယံ အား ကြံ့ကြံ့ခံနိုင်ရည် ရှိစေရန်၊ ဆီလျော်မှု ရှိစေရန် နှင့် ခေတ်ကာလနှင့်အညီ တုံ့ပြန်နိုင်စွမ်း ရှိစေရန်အတွက် ယင်း၏ ဦးစားပေး လုပ်ငန်းစဉ်များကို ပြန်လည် ချိန်ညှိရန် ကြိုးပမ်းခဲ့သည်။

▪️ “အဖွဲ့ဝင်နိုင်ငံများနှင့် အတူ ကျွန်တော်တို့အနေနှင့် မြန်မာနိုင်ငံတွင် ငြိမ်းချမ်းရေးအတွက် အခြေအနေများ ဖြစ်ပေါ်စေရန် လုပ်ဆောင်ခဲ့ကြပါတယ်။ အဲဒီအတွက် စိတ်ရှည်သည်းခံမှု၊ ဇွဲလုံ့လ နှင့် မြေပြင် အခြေအနေ အရပ်ရပ်ကို ရိုးသားစွာ သုံးသပ်နားလည်မှုတို့ လိုအပ်တယ်ဆိုတာ ကျွန်တော်တို့ သိပါတယ်။ဘုံသဘောတူညီချက် ၅ ချက်ရဲ့ ထိန်းကွပ်မှုဖြင့် အာဆီယံဟာ အကြမ်းဖက်မှုများ လျှော့ချဖို့ နှင့် လူသားချင်း စာနာထောက်ထားမှုဆိုင်ရာ အကျပ်အတည်းကို သက်သာစေဖို့ ရရှိနိုင်သမျှသော လမ်းကြောင်းများနှင့် မိတ်ဖက်များ အားလုံးကို အသုံးပြုခဲ့ပါတယ်။ဒါပေမယ့်ရေရှည်တည်တံ့တဲ့ ငြိမ်းချမ်း ရေးကို အတင်းအကျပ် ဖိအားပေး ဖော်ဆောင်လို့မရနိုင်ပါဘူး။ အဲဒါက  မြန်မာပြည်သူတွေ ပိုင်ဆိုင်ပြီး မြန်မာပြည်သူတွေက ဦးဆောင်တဲ့ ငြိမ်းချမ်းရေး ဖြစ်ရပါမယ်။ အဲသလို ဖြစ်မှသာ ပြန်လည်သင့်မြတ်ရေး ဟာ တည်တံ့ ခိုင်မြဲနေမှာ ဖြစ်ပါတယ်။" ဟု သူက ပြောကြားခဲ့သည်။

▪️မြန်မာနိုင်ငံရှိ စစ်တပ် ဦးဆောင်သည့် အစိုးရက ရွေးကောက်ပွဲများကို ဒီဇင်ဘာ ၂၈ ရက်နေ့တွင် စတင်၍ အဆင့်လိုက် ကျင်းပသွားမည် ဖြစ်ပြီး ရလဒ်များကို ဇန်နဝါရီလကုန်တွင် မျှော်လင့်ထားကြောင်း ပြောကြားထားသည်။

▪️အောက်တိုဘာ ၉ ရက်နေ့က နိုင်ငံခြားရေး ဝန်ကြီး ဒါတုခ် ဆာရီ မိုဟာမက် ဟာဆန်သည် မြန်မာနိုင်ငံ၏ ထိပ်တန်း ခေါင်းဆောင်များ၊ ၎င်း၏ နိုင်ငံခြားရေး ဝန်ကြီး အဆင့်တူ ပုဂ္ဂိုလ်တို့နှင့် ဆွေးနွေးမှုများ ပြုလုပ်ရန် မြန်မာနိုင်ငံသို့ လာရောက်ခဲ့သည်။

▪️မြန်မာ အစိုးရသည် ရွေးကောက်ပွဲကို ဆန့်ကျင်သော သူပုန် အဖွဲ့အစည်း မျိုးစုံနှင့် တိုက်ပွဲများ ဖြစ်ပွား နေစဉ်တွင် ကာလကြာရှည် နှောင့်နှေးခဲ့သော ရွေးကောက်ပွဲသို့ မလေးရှားနိုင်ငံက လေ့လာရေး အဖွဲ့များ စေလွှတ်မည်ဟု အေအက်ဖ်ပီကို အောက်တိုဘာ ၁၀ရက်က ပြောကြားခဲ့ကြောင်း သိရသည်။

Source NST

#World_Health
Published 26 October 2025

■ ဈေးကွက်ထဲ ရောင်းချနေတဲ့ ပေါင်မုန့်တွေထဲမှာ ပေါင်မုန့်ဖြူနဲ့ ပေါင်မုန့်ညိုက အများဆုံးဖြစ်ပါတယ်။

■ ဂျုံစေ့ကနေလုပ်တဲ့ ပေါင်မုန့်ညိုက ပေါင်မုန့်ဖြူထက် ပိုပြီးအာဟာရဓာတ်များကာ ဘယ်ဟာက ပိုပြီးကျန်းမာစေလဲဆိုတာ အငြင်းအခုန်ဖြစ်နေကြပါတယ်။

■ ပေါင်မုန့်အရည်အသွေးပေါ် သက်ရောက်နေတဲ့ အချက်အလက်များစွာလည်း ရှိပါတယ်။

■ အာဟာရပညာရှင် လော့ဗ်နိဘာထရာက ပေါင်မုန့်ညိုဟာ ပေါင်မုန့်ဖြူထက် အမြဲတမ်းပိုပြီး ကျန်းမာရေးအတွက် ကောင်းတာတော့ မဟုတ်ဘူးလို့ အင်စတာဂရမ်မှာ ဖော်ပြထားပါတယ်။

■ ဈေးကွက်ထဲရောင်းချတဲ့ ပေါင်မုန့်ညိုအတုတွေကို ခွဲခြားနိုင်မယ့် နည်းလမ်းတွေကတော့..

■ (၁) အရောင်နှင့်ဂျုံစေ့ပါဝင်မှု မတူညီခြင်း
ပေါင်မုန့်ဖြူဟာ များသောအားဖြင့် သန့်စင်ပြီးဂျုံမှုန့်ဖြင့် ပြုလုပ်ကာ အမှုန်အမွှားတွေ ဖယ်ထားတာကြောင့် အမျှင်ဓာတ်၊ ဗိုက်တာမင်၊ သတ္တုဓာတ်တို့ ပိုနည်းပါတယ်။

■ ပေါင်မုန့်ညိုတွေကတော့ သန့်စင်ပြီးဂျုံနဲ့အတူ ကရာမယ်အရောင်၊ စပါးအရသာတို့ ပါဝင်တာကြောင့် အညိုရောင်ဖြစ်နေပြီး ကျန်းမာစေတယ်လို့တော့ မဟုတ်ဘဲ '၁၀၀ ရာခိုင်နှုန်းဂျုံဆန်မှုန့်'လို့ ရေးထားမှသာ စိတ်ချရပါတယ်။

■ (၂) အမျှင်ဓာတ်ပါဝင်မှု
ဂျုံစစ်စစ်ဖြင့်ပြုလုပ်တဲ့ ပေါင်မုန့်ဟာ တစ်ခါစားရင် အနည်းဆုံး အမျှင် ၃ ဂရမ်ပါဝင်ပါတယ်။

■ အမျှင်ဓာတ်ပိုများလေ အူလမ်းကြောင်းလှုပ်ရှားမှု ကောင်းမွန်စေပြီး ဝမ်းချုပ်ခြင်းကို ကာကွယ်ပေးပါတယ်။ Sun 11 am

■ (၃) ကြော်ငြာအားကောင်းခြင်း
အစားအစာကုမ္ပဏီတွေက တကယ်တမ်းထက် ပိုပြီးကျန်းမာစေသလိုမျိုး အရောင်းမြှင့်တင်ကြပြီး ပါဝင်မှုပစ္စည်းစာရင်း မှားယွင်းစွာဖော်ပြခြင်း၊ အရောင်ထည့်ခြင်းတို့ အသုံးပြုတတ်ကြပါတယ်။

■ ဒါကြောင့် ပေါင်မုန့်ညိုဆိုတိုင်းလည်း ၁၀၀ ရာခိုင်နှုန်းဂျုံစစ်စစ်လို့ မသတ်မှတ်နိုင်ပါဘူး။

Source: NDTV

#World_Health
Published 26 October 2025

■ ယနေ့ခေတ် ဒီဂျစ်တယ်ဖန်သားပြင်တွေကြောင့် မျက်လုံးဖိအားများရသလို နေထိုင်စားသောက်မှုပုံစံ မှားယွင်းမှုကြောင့်လည်း ဖိအားတိုးစေပါတယ်။

■ ကွန်ပျူတာ၊ ဖုန်း၊ တီဗီဖန်သားပြင်တို့ကို အချိန်ကြာမြင့်စွာ ကြည့်ရှုခြင်းဖြင့် နေ့စဉ်နဲ့အမျှ မျက်လုံးကို ဒဏ်ဖြစ်နေစေတာ မသိကြပါဘူး။

■ ဒါကြောင့် မျက်လုံးကို ထိခိုက်စေတဲ့ အလေ့အထ ၅ မျိုးကို ပညာရှင်များ သတိပေးထားပါတယ်။

■ (၁) ကွန်ပျူတာ၊ ဖုန်း၊ တီဗီ အကြည့်များခြင်းက မျက်လုံးကြွက်သားတွေ ပင်ပန်းစေပြီး ရုံးတွေမှာရော ကလေးသူငယ်တွေမှာပါ ပြဿနာဖြစ်လာကာ ခြောက်သွေ့ခြင်း၊ ယားယံခြင်း၊ ခေါင်းကိုက်ခြင်း၊ အမြင်ဝါးခြင်းတို့က အစောပိုင်းလက္ခဏာတွေ ဖြစ်ပါတယ်။

■ (၂) နေပူထဲသွားတဲ့ နေကာမျက်မှန်မတပ်ဘဲ သွားခြင်းက မျက်လုံးကို ခရမ်းလွန်ရောင်ခြည် ထိခိုက်စေပြီး ကြာရှည်ထိတွေ့ပါက ရေတိမ်၊ မျက်လုံးကင်ဆာတို့ ဖြစ်စေနိုင်ပါတယ်။

■ (၃) အိပ်ရေးပျက်ခြင်း၊ ရေဓာတ်ခန်းခြောက်ခြင်း၊ မကြာခဏမျက်လုံးပွတ်ခြင်း၊ ဗိုက်တာမင်နည်းခြင်းတို့က အမြင်အားနည်းစေပြီး မျက်လုံးပြုပြင်ကာကွယ်နိုင်စွမ်း လျော့ကျစေပါတယ်။

■ (၄) အနည်းငယ်မျှ ပြုပြင်လေ့ကျင့်ရုံဖြင့် သိသာပြောင်းလဲစေမယ့် နည်းလမ်းကတော့ ကွန်ပျူတာ၊ ဖုန်းကြည့်နေရင်း မိနစ် ၂၀ ကြာတိုင်း ပေ ၂၀ အကွာသို့ စက္ကန့် ၂၀ ကြည့်ပေးရမှာ ဖြစ်ပါတယ်။

■ (၅) မျက်လုံးက အနူးညံ့ဆုံးအင်္ဂါတွေထဲ ပါဝင်တာကြောင့် ပုံမှန်မျက်လုံးစစ်ဆေးပေးခြင်း၊ ထိခိုက်မှုများမှ ကာကွယ်ခြင်းတို့ဖြင့် ထိန်းသိမ်းပေးသင့်ပါတယ်။

Source: India Today.

လေယာဉ်လိုအပ်ချက် မြင့်မားလာခြင်းနဲ့ ရေရှည်မိတ်ဖက်ဆက်ဆံရေး ခိုင်မြဲစေရန်အတွက် Airbus က တရုတ်မှာ ထုတ်လုပ်မှုတိုးချဲ့သွားမယ်လို့ စီအီးအို ဂီလွန်ဖော်ရီက ဗုဒ္ဓဟူးနေ့မှာပြောသွားပါတယ်။

#World_Industry
Published 25 October 2025
#Airbus #လေယာဉ်
#YMG #Yangon_Times #Yangon_Media_Group

စက်သုံးဆီရည်ညွှန်းဈေး‌တွေ လေးပတ်ဆက်တိုက်ကျဆင်းနေတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ အခုတစ်ပတ်အတွက် ထုတ်ပြန်ချက်အရသိရပါတယ်။

#Local_News
Published 25 October 2025
#စက်သုံးဆီ
#YMG/NN #Yangon_Times

မြန်မာနိုင်ငံဘောလုံးအဖွဲချုပ် (MFF)နဲ့ ကမ္ဘာ့ဘောလုံးအဖွဲ့ချုပ် (FIFA)တို ပူးပေါင်းကာ ဒေသအလိုက်လေ့ကျင့်ရေးစင်တာတွေကို နေရာဒေသခြောက်ခုမှာ ဖွင့်လှစ်သွားမယ်လို့ သိရပါတယ်။

#Local_News
Published 25 October 2025
#MFF #FIFA
#YMG/SW #Yangon_Times

စွမ်းအင်အသွင်ကူးပြောင်ရေးကာလတွင် စွမ်းအင်ဖူလုံမှုနှင့်လုံခြုံမှုအတွက် နှစ်နိုင်ငံ နီးကပ်စွာပူးပေါင်းဆောင်ရွက်လိုတဲ့ အခြေအနေများကို ယမန်နေ့က တွေ့ဆုံဆွေးနွေးခဲ့တယ်လို့ သိရပါတယ်။

#Local_News
Published 25 October 2025
#မြန်မာ_တရုတ် #စွမ်းအင်
#YMG/SW #Yangon_Times

#Daily_News

Published 25 OCtober 2025

၁။‌ ‎‎စွမ်းအင်အသွင်ကူးပြောင်းရေးကာလတွင် မြန်မာ-တရုတ် နှစ်နိုင်ငံနီးကပ်စွာပူးပေါင်းဆောင်ရွက်ရေးဆွေးနွေး
‎
၂။ ‌‌‌‌‌‎‎‎MFF နှင့် FIFA ၏ ဒေသအလိုက် လေ့ကျင့်ရေးစင်တာများ ဒေသခြောက်ခုတွင်ဖွင့်လှစ်မည်
‎
‎၃။‌‎‎ စက်သုံးဆီဈေး လေးပတ်ဆက်တိုက်ကျဆင်း
‎
‎‎၄။‎ Airbusကုမ္ပဏီ၏A320လေယာဉ်တပ်ဆင်ထုတ်လုပ်ရေးလုပ်ငန်း တရုတ်၌တိုးချဲ့သွားမည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group