#World_Health
Published 11 June 2026

■ ကိုယ်လက်လှုပ်ရှားပေးခြင်းက ဦးနှောက်ကို အကျိုးပြုတယ်ဆိုတာ သိထားကြပြီး ခန္ဓာကိုယ်လှုပ်ရှားလိုက်တိုင်း ဦးနှောက်က တစ်ခါဆေးကြောသန့်စင်ခံရတယ်ဆိုတဲ့ အံ့ဩစရာအကြောင်းအရင်းကို ပန်စတိတ်မှ သုတေသီတွေ တွေ့ရှိခဲ့ပါတယ်။

■ ကြွက်တွေနဲ့ စမ်းသပ်ရာမှာ ဦးနှောက်က ဝမ်းဗိုက်နဲ့ ဆက်နွယ်နေတာကို တွေ့ရှိခဲ့ပြီး ဟိုက်ဒရောလစ်စနစ်လိုမျိုး သွေးကြောကွန်ရက်ကတဆင့် ချိတ်ဆက်နေတာ ဖြစ်ပါတယ်။

■ ဝမ်းဗိုက်ကြွက်သားများ ကျုံ့ညှစ်မှုကြောင့် ဖြစ်ပေါ်လာတဲ့ ဖိအားဟာ ဦးနှောက်နဲ့ အာရုံကြောမအရည် (CSF)ကို စီးဆင်းစေပါတယ်။

■ ဒီအရည်က အာရုံကြောဆုတ်ယုတ်ပျက်စီးစေတဲ့ ရောဂါတွေနဲ့ ဆက်စပ်နေတဲ့ ဆဲလ်အညစ်အကြေးများ ဖယ်ရှားပေးရန် ကူညီပေးပါတယ်။

■ နေ့စဉ်သုံးပစ္စည်းတွေမှာ တွေ့ရလေ့ရှိတဲ့ မိုက်ခရိုပလတ်စတစ်များကို လူတွေရဲ့ ဦးနှောက်တစ်ရှူးများမှာ ရှာဖွေတွေ့ရှိထားပြီး ဦးနှောက်ရောင်ရမ်းခြင်းနဲ့ အာရုံကြောဆုတ်ယုတ်ပျက်စီးခြင်းတို့ ဖြစ်စေနိုင်ပါတယ်။

■ မိုက်ခရိုပလတ်စတစ်များဟာ ကိုယ်ခံအားစနစ် တုံ့ပြန်မှုများကို ဖြစ်စေကာ ဦးနှောက်-သွေးအကာအကွယ် အားနည်းစေခြင်းနဲ့ အာရုံကြောဆဲလ်များ အနှောင့်အယှက်ဖြစ်စေခြင်းတို့ကြောင့် အယ်ဇိုင်းမားရောဂါ၊ ပါကင်ဆန်ရောဂါတို့နဲ့ ဆက်စပ်မှု ရှိလာနိုင်ပါတယ်။

■ ပလတ်စတစ်မပါတဲ့ လက်ဖက်ရညအိတ်များ၊ သဘာဝအမျှင်ထည် အဝတ်အထည်များ၊ ရေစစ်ရေနဲ့ တကိုယ်ရည်သုံးပစ္စည်းများကို ပြောင်းလဲအသုံးပြုခြင်းဖြင့် မိုက်ခရိုပလတ်စတစ်များနဲ့ ထိတွေ့မှုကို လျှော့ချနိုင်ပါတယ်။

Source: Yahoo News

အသင့်ထုတ်လုပ်အစိတ်အပိုင်းများဖြင့် တည်ဆောက်တဲ့ ကမ္ဘာ့ပထမဆုံး ကွန်ပျူတာပါဝါစင်တာစခန်းကို တရုတ်အရှေ့ပိုင်း ရှန်တုန်ပြည်နယ် ချင်တောင်မြို့မှာ စနေနေ့ကစတင်ဖွင့်လှစ်လိုက်ပါတယ်။

#Asia_Development
Published 10 June 2026
#တရုတ်ချင်တောင် #ကွန်ပျူတာပါဝါစင်တာစခန်း
#YMG #Yangon_Times #Yangon_Media_Group

ရန်ကုန်မြို့ ရှိဗိုလ်ချုပ်အောင်ဆန်းပြတိုက်အား အကြီးစားပြင်ဆင်မှုရာနှုန်းပြည့်ပြီးစီးဖြစ်တာကြောင့် လာမယ့်အာဇာနည်နေ့မှာ အများပြည်သူကို ပြခန်းတိုးချဲ့ပြသသွားမယ်လို့ဟိုတယ်ခရီးသွားလာရေးနှင့်ယဉ်ကျေးမှုဝန်ကြီးဌာနကနေ သိရပါတယ်။

#Local_News
Published 10 June 2026
#ဗိုလ်ချုပ်အောင်ဆန်းပြတိုက် #ရန်ကုန်မြို့
#YMG/NN #Yangon_Times

ဈေးကွက်အတ‌င်းရောင်းချနေတဲ့အစားအသောက်လုပ်ငန်းများအား ဘေးအန္တရာယ်ဖြစ်နိုင်ခြေအရ နမူနာကောက်ယူစစ်ဆေးခြင်းကို ယခုလ(၁၅)ရက်မှ စတင်ကာဆောင်ရွက်သွားမှာဖြစ်တယ်လို့ ကျန်းမာရေးဝန်ကြီးဌာန အစားအသောက်နှင့်ဆေးဝါးကွပ်ကဲရေးဦးစီးဌာန(FDA) မှ အသိပေးထားပါတယ်။#Local_News
Published 10 June 2026
#အစားအသောက်လုပ်ငန်း
#YMG/SW #Yangon_Times

အထည်ချုပ်လုပ်ငန်းများရဲ့ CMP ကုန်ကြမ်း Import လိုင်စင်များ ၂ ပတ်ခန့် (ခန့်မှန်း)ကြာမြင့်တဲ့ စိစစ်မှုများရှိမယ်လို မြန်မာနိုင်ငံအထည်ချုပ်လုပ်ငန်းရှင်များအသင်းမှ အသိပေးထုတ်ပြန်ထားပါတယ်။

#Local_News
Published 10 June 2026
#CMP #မြန်မာနိုင်ငံအထည်ချုပ်လုပ်ငန်း
#YMG/NN #Yangon_Times

တစ်ကျပ်သားကို ကျပ်သိန်း၁၁၀အထက်အထိ မြင့်တက်ခဲ့တဲ့မြန်မာ့ရွှေပြင်ပ‌ပေါက်စျေးဟာဆက်တိုက်ဆက်တိုက်ကျ‌ဆင်းလာခဲ့ပြီးနောက် လက်ရှိမှာတစ်ကျပ်သားကို(၉၆)သိန်းခန့်ကိုရောက်ရှိလာတာဖြစ်ပါတယ်။

#Local_News
Published 10 June 2026
#မြန်မာ့‌ရွှေ
#YMG/SW #Yangon_Times

#Daily_News
Published 10 June 2026

၁။‌ ဗိုလ်ချုပ်အောင်ဆန်းပြတိုက်အား အကြီးစားပြင်ဆင်မှုရာနှုန်းပြည့်ပြီးစီး၊အာဇာနည်နေ့၌ ပြခန်းတိုးချဲ့ပြသမည်

‌‎၂။ ‌‌‌‌အစားအသောက်လုပ်ငန်းများ နမူနာကောက်ယူစစ်ဆေးခြင်းယခုလ(၁၅)ရက်တွင်စတင်မည်

‎၃။‌‌‎ CMP ကုန်ကြမ်း Import လိုင်စင်များ ၂ ပတ်ခန့် (ခန့်မှန်း)ကြာမြင့်သည့် စိစစ်မှုများရှိမည်

၄။‎ ‌‌‌‌‌‌‌‌‌အစိတ်အပိုင်းများဖြင့်တည်ဆောက်သောကမ္ဘာ့ပထမဆုံးကွန်ပျူတာပါဝါစင်တာကြီး တရုတ်ချင်တောင်၌ဖွင့်လှစ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 10 June 2026

■ ပြီးခဲ့သည့် ဇွန်လ(၈)ရက်နေ့ညနေပိုင်း ကျောင်းဆင်းချိန်တွင် ပျောက်ဆုံးသွားခဲ့သည့်ရန်ကုန်မြို့ မြောက်ဒဂုံမြို့နယ်မှ  ၁၃နှစ်အရွယ် က‌ေ-လးငယ်အား နှစ်ရက်အကြာတွင် ‌ေ-သဆုံးလျှက်ပြန်လည်တွေ့ရှိပြီဖြစ်ကြောင်း သိရသည်။

■ အဆိုပါ ၁၃ နှစ်အရွယ်ကလေးငယ်သည် မြောက်ဒဂုံ မြို့နယ် အမှတ် 39(A)ရပ်ကွက်တွင် နေထိုင်သူဖြစ်ပြီး ဇွန်လ(၈)ရက်နေ့ ညနေကျောင်းဆင်းပြီး ၄နာရီခွဲ အချိန်
၌ နေအိမ်မှထွက်ခွာသွားရာမှ ပျောက်ဆုံးခဲ့ခြင်းဖြစ်သည်။

■ ၎င်းအား မိဘဆွေမျိုးများနှင့်သက်ဆိုင်ရာမှ လိုက်လံရှာဖွေခဲ့ပြီးနောက် ယနေ့မနက်အစောပိုင်း၌ ပြန်လည်တွေ့ရှိခဲ့ကြောင်း သိရသည်။

■ "ကျွန်တော့်တူလေး ဒီနေ့မနက် ၆နာရီမြောက်ဒဂုံ ၃၈ရပ်ကွက် ကန်ဘောင်မှာ ရုပ်အ ‌ေ_လာင်း တွေ့ရှိခဲ့ပါတယ်။စစ်ဆေးဖို့တွက် မြောက်ဥက္ကလာဆေးရုံကြီးသို့သယ်ဆောင်သွားခဲ့ပါတယ်။
မျက်နှာကလဲဖောယောင်နေပြီးဒဏ်ရာများလဲတွေ့ရှိထားပါတယ်။ဆေးရုံကလဲ ရက်ထားလို့မရတော့တဲ့တွက်ဒီနေ့သဂြိုလ်ပါမည်" ဟု ၎င်းနှင့်ဆွေမျိုး တော်စပ်သူက လူမှုကွန်ယက်၌ ရေးသားထားသည်။
   
အဆိုပါ ၁၃နှစ်အရွယ် (G-6) ကျောင်းသားလေး၏ ရုပ်အ‌ေ_လာင်းအား ယနေ့သဂြိုလ်မည်ဖြစ်ကြောင်း သိရသည်။

#YMG/NN #Yangon_Times

#World_Health
Published 10 June 2026

■ သကြားမပါ ထုတ်ကုန်အများအပြားမှာတွေ့ရလေ့ရှိတဲ့ အချိုအတုတစ်မျိုးဖြစ်တဲ့ အရစ်သရီတိုလ်ဟာ ဦးနှောက်နဲ့ သွေးကြောကြားရှိ အကာအကွယ်ဆဲလ်များကို ပျက်စီးစေနိုင်ပြီး လေဖြတ်ခြင်း၊ နှလုံးသွေးကြောဆိုင်ရာ ပြဿနာများပိုမိုဖြစ်ပွားစေနိုင်ပါတယ်။

■ ဒီအချိုအတုက ခန္ဓာကိုယ်အတွင်း အောက်ဆီဂျင်ဓာတ်တိုးဆန့်ကျင်မှု မမျှတခြင်းကို ဖြစ်ပေါ်စေနိုင်ပြီး ဆဲလ်များကို ပျက်စီးစေကာ ခန္ဓာကိုယ် ရောဂါခုခံအားစနစ် ကျဆင်းစေနိုင်ပါတယ်။

■ သွေးကြောများရဲ့ လုပ်ဆောင်ချက်ကို ထိခိုက်စေပြီး သွေးခဲနိုင်ခြေ ပိုမိုမြင့်မားစေနိုင်ပါတယ်။

■ အရစ်သရီတိုလ်ဟာ သွေးလည်ပတ်မှု ထိန်းညှိပေးတဲ့ အဓိကမော်လီကျူးများမျှခြေကို ပျက်ပြားစေပါတယ်။

■ ဒါကြောင့် သွေးကြောများ ကျဉ်းသွားစေပြီး ဦးနှောက်သို့ အောက်ဆီဂျင်နဲ့ အာဟာရဓာတ်များ ရောက်ရှိမှု ပြတ်တောက်သွားစေနိုင်ပါတယ်။

■ သွေးခဲများကို အရည်ပျော်စေတဲ့ သဘာဝလုပ်ဆောင်ချက်ကိုလည်း ပိတ်ဆို့နိုင်တာကြောင့် လေဖြတ်နိုင်ခြေ မြင့်မားစေပါတယ်။

■ ဒီတွေ့ရှိချက်ကို လက်တွေ့အခြေအနေတွေမှာ အတည်ပြုဖို့အတွက်တော့ နောက်ထပ်သုတေသနတွေ လိုအပ်ပါသေးတယ်။

■ အရစ်သရီတိုလ်ကို သကြားအယ်ကိုဟောအဖြစ် သတ်မှတ်ထားပြီး အရသာနဲ့ အသုံးပြုပုံမှာ သကြားနဲ့ ဆင်တူတာကြောင့် ကျန်းမာရေးပိုင်းမှာ စိုးရိမ်စရာဖြစ်ပေမယ့် လူကြိုက်များနေဆဲ ဖြစ်ပါတယ်။

■ ကွပ်ကဲရေးအဖွဲ့တွေက အရစ်သရီတိုလ်ဟာ ဘေးကင်းစိတ်ချရတယ်လို့ အတည်ပြုထားပေမယ့် နောက်ဆုံးသုတေသနများအရ ရေရှည်မှာဖြစ်လာနိုင်တဲ့ အန္တရာယ်တွေကို ထောက်ပြနေပါတယ်။

■ ယေဘုယျအားဖြင့် အချိုအတုတွေရဲ့ ဘေးကင်းမှုအပေါ် မေးခွန်းထုတ်စရာ ဖြစ်လာစေပါတယ်။

Source: Science Alert

#World_Health
Published 10 June 2026

■ ကျန်းမာသန်စွမ်းတဲ့ ဥများကို ထိန်းသိမ်းရန်နဲ့ သွေးဆုံးခြင်း နှေးစေရန်အတွက် မမျိုးဥကြွေတဲ့ အကြိမ်ရေကို လျှော့ချဖို့အကြောင်း တရုတ်ဇီဝပညာရှင် ဟုန်မေဝမ် သုတေသနရှာဖွေနေပါတယ်။

■ အမျိုးသမီးများဟာ မွေးရာပါ မမျိုးဥအရေအတွက် အကန့်အသတ်ဖြင့်သာပါရှိလာပြီး အချိန်ကြာလာတာနဲ့အမျှ ဥများရဲ့ အရည်အသွေးနဲ့ အရေအတွက်လျော့နည်းသွားတတ်ပါတယ်။

■ မမျိုးဥကြွေခြင်းကို နှေးစေခြင်းဖြင့် မျိုးအောင်နိုင်စွမ်းထိန်းသိမ်းရာမှာ အထောက်အကူ ပြုနိုင်မှာ ဖြစ်ပါတယ်။

■ ဒီလေ့လာမှုကနေ မမျိုးဥကြွေခြင်း လျှော့ချခြင်းကြောင့် ဖြစ်လာနိုင်တဲ့ အီစထရိုဂျင်ဟော်မုန်း အခန်းကဏ္ဍအပေါ် စိုးရိမ်စရာများ ဖြစ်ပေါ်စေပါတယ်။

■ အီစထရိုဂျင်ဟော်မုန်းဆိုတာက ခန္ဓာကိုယ်တစ်ခုလုံးရဲ့ ကျန်းမာရေးအတွက် အလွန်အရေးကြီးပါတယ်။

■ မမျိုးဥအိမ်များက အမျိုးသမီးများကျန်းမာရေးအတွက် ပိုမိုကျယ်ပြန့်တဲ့ အခန်းကဏ္ဍမှ ပါဝင်နေပြီး အရိုးကျန်းမာရေး၊ ဦးနှောက်လုပ်ဆောင်ချက်၊ ဇီဝကမ္မဖြစ်စဉ်နဲ့ အိုမင်းရင့်ရော်မှုတို့အပေါ် သက်ရောက်မှု ရှိစေပါတယ်။

■ လေ့လာချက်များအရ မမျိုးဥအိမ် အိုမင်းရင့်ရော်ခြင်းဟာ အမျိုးသမီးများရဲ့ ခန္ဓာကိုယ်တစ်ခုလုံး အိုမင်းရင့်ရော်မှုဖြစ်စဉ်အပေါ် သက်ရောက်နေနိုင်တယ်လို့ သုတေသနတွေက ဖော်ပြနေပါတယ်။

■ သုတေသီများက မျိုးအောင်နိုင်စွမ်းကို ထိန်းသိမ်းပေးမယ့် အခြားနည်းလမ်းများကိုလည်း ရှာဖွေနေကြပါတယ်။

■ ပင်မစတမ်ဆဲလ်ဖြင့် ကုသခြင်း၊ မမျိုးဥအိမ် ပြန်လည်နုပျိုခြင်းတို့ ပါဝင်ပြီး ကနဦးရလဒ်အချို့ အားတက်စရာ တွေ့ရှိထားပါတယ်။

■ ဒီနည်းလမ်းတွေကို ကုသနည်းတွေအဖြစ် ကျယ်ကျယ်ပြန့်ပြန့်မသုံးခင် နောက်ထပ်အထောက်အထားတွေ ရှာဖွေဖို့ လိုအပ်ပါသေးတယ်။

Source: India Today.

နေပြည်တော်၊ ဇွန် ၉ ရက်။ ။ နိုင်ငံတော်အစိုးရ၏ အဓိကလုပ်ငန်းစဉ်ဖြစ်သည့် နိုင်ငံဖွံ့ဖြိုးတိုးတက်ရေးနှင့် တည်ငြိမ်အေးချမ်းရေးအတွက် စိုက်ပျိုးမွေးမြူရေးကို အခြေခံသော MSME လုပ်ငန်းများ မြှင့်တင်ရန်၊ ပညာရေးကဏ္ဍ အဆင့်မြှင့်တင်ရန်နှင့် နိုင်ငံ့ဝန်ထမ်းများ အဂတိကင်းရှင်းစွာ တာဝန်ထမ်းဆောင်ရန် နိုင်ငံတော်သမ္မတ ဦးမင်းအောင်လှိုင်က ယနေ့ နေပြည်တော်တွင် ကျင်းပသော ပြည်ထောင်စုအစိုးရအဖွဲ့ အစည်းအဝေး၌ အလေးအနက် တိုက်တွန်းပြောကြားလိုက်သည်။

နိုင်ငံတော်သမ္မတရုံးတော်၊ ပြည်ထောင်စုအစိုးရအဖွဲ့ အစည်းအဝေးခန်းမ၌ ကျင်းပသည့် အဆိုပါ အစည်းအဝေးသို့ ဒုတိယသမ္မတများဖြစ်ကြသည့် ဦးညိုစောနှင့် ဒေါ်နန်းနီနီအေး၊ ပြည်ထောင်စုဝန်ကြီးများ တက်ရောက်ခဲ့ကြပြီး တိုင်းဒေသကြီးနှင့် ပြည်နယ်ဝန်ကြီးချုပ်များက Video Conferencing ဖြင့် တက်ရောက်ခဲ့ကြသည်။

အစည်းအဝေးတွင် နိုင်ငံတော်သမ္မတက နိုင်ငံ၏ ဂျီဒီပီ (GDP) တိုးတက်စေရန်အတွက် နိုင်ငံတွင်းရှိ ပုဂ္ဂလိကနှင့် နိုင်ငံပိုင်စက်ရုံများ စဉ်ဆက်မပြတ် လည်ပတ်ရန်လိုအပ်ကြောင်းနှင့် ဒေသတွင်း ကုန်ကြမ်းများကို အသုံးပြု၍ အသေးစား၊ အငယ်စားနှင့် အလတ်စား (MSME) စီးပွားရေးလုပ်ငန်းများကို နိုင်ငံ၏ အဓိက စီးပွားရေးမောင်းနှင်အားအဖြစ် ဖော်ဆောင်ရန် လမ်းညွှန်ခဲ့သည်။ ထို့ပြင် ကျောင်းနေအရွယ် ကလေးတိုင်း ပညာသင်ကြားနိုင်ရေးနှင့် အဆင့်မီ ပညာရေးစနစ်တစ်ခု တည်ဆောက်ရန်၊ စိုက်ပျိုးရေးနှင့် မွေးမြူရေးကဏ္ဍတွင် နိုင်ငံပိုင် မြေနှင့် ရေအရင်းအမြစ်များကို စနစ်တကျ အကျိုးရှိရှိ အသုံးချရန်တို့ကိုလည်း ထည့်သွင်းပြောကြားခဲ့သည်။

အထူးသဖြင့် အုပ်ချုပ်ရေးနှင့် လုံခြုံရေး တာဝန်ရှိသူများအနေဖြင့် လုပ်ငန်းများ ဆောင်ရွက်ရာတွင် ပြည်သူလူထုအပေါ် ဝန်ထုပ်ဝန်ပိုး မဖြစ်စေရေး၊ တရားမဝင် ငွေကြေးကောက်ခံခြင်းနှင့် အဂတိလိုက်စားမှုများ လုံးဝကင်းရှင်းရန် လိုအပ်ကြောင်းနှင့် နိုင်ငံတော်ဘဏ္ဍာငွေများကို လေလွင့်မှုမရှိစေဘဲ အကျိုးရှိရှိ သုံးစွဲရန် တင်းကျပ်စွာ သတိပေး မှာကြားခဲ့သည်။

နိုင်ငံတော်သမ္မတ ဦးမင်းအောင်လှိုင်၏ အစည်းအဝေးမှာကြားချက် ကောက်နှုတ်ချက်များ

အောက်ပါတို့မှာ ပြည်ထောင်စုအစိုးရအဖွဲ့ အစည်းအဝေးတွင် နိုင်ငံတော်သမ္မတမှ အဓိကထား မှာကြားခဲ့သည့် အချက်များဖြစ်ပါသည် -

• စီးပွားရေးနှင့် ဥစ္စာဓနဆိုင်ရာ

• "နိုင်ငံ၏ စီးပွားရေး ဖွံ့ဖြိုးတိုးတက်ခြင်းသည် ပြည်သူများတွင် ဥစ္စာဓနများ ပေါများစေခြင်းပင်ဖြစ်ကြောင်း၊ ဥစ္စာဓနများ ပေါများစေရေးအတွက် အစိုးရမှ ဆောင်ရွက်ပေးရမည်များရှိသကဲ့သို့ ပြည်သူလူထုအနေဖြင့်လည်း ကိုယ်တိုင်ကိုယ်ကျ ဝိုင်းဝန်းလုပ်ကိုင်ကြရမည် ဖြစ်သည်။"

• ပညာရေးကဏ္ဍဆိုင်ရာ

• "ကျောင်းနေအရွယ် ကလေးငယ်အားလုံး ကျောင်းနေနိုင်ရေး ဝိုင်းဝန်းဆောင်ရွက်ကြစေလိုပြီး၊ အဆင့်မီ ပညာရေးစနစ်ကို ဆောင်ရွက်ရာတွင် ရုပ်ပိုင်းဆိုင်ရာများ စနစ်တကျဖြစ်ရန်လိုသကဲ့သို့ သင်ကြားရေးပိုင်းကိုလည်း ထိရောက်စွာ သင်ကြားပြသပေးရန် လိုအပ်သည်။"
• "နိုင်ငံဖွံ့ဖြိုးတိုးတက်ရေးအတွက် တက္ကသိုလ်များအားလုံးတွင် ဥပဒေဘွဲ့နှင့် စီးပွားရေးဆိုင်ရာဘွဲ့များကို ထည့်သွင်းသင်ကြားစေခဲ့ပြီး ဒေသအလိုက် ပညာတတ်များ ပေါကြွယ်ဝစွာ မွေးထုတ်ပေးရန် လိုသည်။"

• MSME နှင့် စက်မှုလုပ်ငန်းဆိုင်ရာ

• "နိုင်ငံ၏ စီးပွားရေးဖွံ့ဖြိုးရေးအတွက် ပကတိအခြေအနေနှင့် ကိုက်ညီသည့် စီးပွားရေးလုပ်ငန်းမှာ အသေးစား၊ အငယ်စားနှင့် အလတ်စား (MSME) လုပ်ငန်းများပင်ဖြစ်ပြီး ယင်းလုပ်ငန်းများကို နိုင်ငံ၏ အဓိက စီးပွားရေးမောင်းနှင်အား တစ်ခုဖြစ်လာအောင် ဆောင်ရွက်ရမည်။"
• "စက်ရုံများ လည်ပတ်မှုမရှိဘဲ ရပ်နားထားရခြင်းသည် နိုင်ငံတော်အတွက် နစ်နာဆုံးရှုံးမှုဖြစ်ပြီး စက်မှုကုန်ထုတ်လုပ်ငန်းများ တိုးတက်လာမှသာ နိုင်ငံ၏ GDP တိုးတက်လာမည် ဖြစ်သည်။"

• စိုက်ပျိုးမွေးမြူရေးနှင့် သဘာဝပတ်ဝန်းကျင်ဆိုင်ရာ

• "စိုက်ပျိုးမွေးမြူရေး လုပ်ငန်းများတွင် လူတစ်ဦးကဲ့သို့ စဉ်းစား၍ ဂရုစိုက်ဆောင်ရွက်ရန် လိုအပ်ပြီး နိုင်ငံတော်၏ သဘာဝအရင်းအမြစ်များဖြစ်သော မြေနှင့် ရေကို အကျိုးရှိရှိ မှန်မှန်ကန်ကန် အသုံးချရမည်။"
• "တရားမဝင် ရွှေတူးဖော်သည့် လုပ်ငန်းများကြောင့် မြစ်ချောင်းများ ပျက်စီးမှုမရှိစေရေး ထိထိရောက်ရောက် နှိမ်နင်းရန်နှင့် ရေအရင်းအမြစ်များကို အကျိုးရှိရှိ အသုံးချနိုင်ရေး ရေသိုလှောင်ထိန်းသိမ်းရန် နေရာများ ဆောင်ရွက်ရမည်။"
• "ဒေသတွင်း မွေးမြူရေးဇုန်များ စနစ်တကျ အကောင်အထည်ဖော်ခြင်းဖြင့် အသား၊ ငါး စျေးနှုန်းများ ကျဆင်းလာမည် ဖြစ်သည်။"

• စီမံခန့်ခွဲမှု၊ ဘဏ္ဍာရေးနှင့် အဂတိကင်းရှင်းရေးဆိုင်ရာ

• "မြေပြင်တွင် ဖြစ်ပေါ်နေသည့် အခြေအနေမှန်များကို အချိန်နှင့်တစ်ပြေးညီ မှန်မှန်ကန်ကန် သိရှိအောင် ဆောင်ရွက်ပြီး အမြန်ဆုံးနှင့် အမှန်ကန်ဆုံး ဖြေရှင်းဆောင်ရွက်ပေးရမည်။"
• "ခွင့်ပြုပေးထားသည့် ဘဏ္ဍာငွေများကို သက်ဆိုင်ရာကဏ္ဍများအလိုက် မှန်မှန်ကန်ကန်နှင့် အကျိုးရှိရှိ အသုံးချရန်လိုပြီး၊ သတ်မှတ်ကာလအတွင်း သုံးစွဲနိုင်မှုမရှိပါက အခြားလိုအပ်သည့် နေရာများတွင် သုံးနိုင်ရန် ဆောလျင်စွာ ပြန်လည်အပ်နှံရမည်။"
• "လုံခြုံရေးအရ စစ်ဆေးကြပ်မတ်မှုများ ပြုလုပ်ရာတွင် ပြည်သူများအတွက် ဝန်ထုပ်ဝန်ပိုးမဖြစ်စေရန်နှင့် တရားမဝင် ငွေကြေးကောက်ခံခြင်းများ လုံးဝမဖြစ်စေရန် လိုအပ်သည်။"
• "ငွေကြေးအလွဲသုံးစားခြင်း၊ လုပ်ပိုင်ခွင့်အာဏာများကို မလျော်မညီအသုံးချ၍ ငွေကြေးရယူခြင်း၊ လာဘ်ပေးလာဘ်ယူခြင်းတို့သည် နိုင်ငံတော်အစိုးရ၏ ပုံရိပ်နှင့် နိုင်ငံ၏ တည်ငြိမ်အေးချမ်းရေးကို ထိခိုက်စေသဖြင့် နိုင်ငံ့ဝန်ထမ်းများအားလုံး အဂတိတရား ကင်းရှင်းရန်နှင့် တာဝန်ရှိသူများက စနစ်တကျ ကွပ်ကဲကြပ်မတ်ရန် လိုအပ်သည်။

တရုတ်ပြည်ရဲ့ 3D ပရင့်ထုတ်ခြင်းလုပ်ငန်းဟာ နည်းပညာပိုင်းတိုးတက်မှု၊ အသုံးချမှုကဏ္ဍနဲ့ ပြည်ပတင်ပို့ရေး တိုးမြင့်လာတာတွေကြောင့် ပိုမိုကျယ်ပြန့်တဲ့ စက်မှုကုန်ထုတ်လုပ်ငန်းနဲ့ လူသုံးကုန်ဈေးကွက်တွေဆီ ကူးပြောင်းနေပြီ ဖြစ်ပါတယ်။

#Asia_Business
Published 09 June 2026
#တရုတ်ပြည် #3Dပရင်တာ
#YMG #Yangon_Times #Yangon_Media_Group