#World_Science
Published 12 June 2026

■ မြို့ပြတွေ အပူဒဏ်လွန်ကဲခြင်းမှ ကာကွယ်ပေးဖို့အတွက် သစ်ပင်တွေက အခက်ခဲဆုံး လုပ်ကြရပါတယ်။

■ လမ်းတွေကို အေးမြစေကာ အရိပ်ပေးနိုင်သလို အပူမြင့်တက်ခြင်းကို ဆန့်ကျင်ပေးပါတယ်။

■ ကမ္ဘာ့လေ့လာချက်တစ်ခုအရ သစ်ပင်ရိပ်တွေ လျော့နည်းလာပြီး စီးပွားရေးနိမ့်ပါးတဲ့ မြို့တွေမှာ အပူဒဏ်ကို ကာကွယ်နိုင်စွမ်း နည်းလာပါတယ်။

■ ထိုကဲ့သို့မြို့တွေဟာ သစ်ပင်တွေကို အလိုအပ်ဆုံးနေရာတွေဖြစ်ပါတယ်။

■ ကမ္ဘာတဝှမ်းမှ မြို့ကြီး ၉ ထောင်ကို ဆန်းစစ်ရာမှာ သစ်ပင်တွေက အရိပ်၊ ရေငွေ့တို့ဖြင့် ပျမ်းမျှ ၀.၁၅ ဒီဂရီဆဲလ်စီးယပ်စ်ခန့် အေးမြစေပါတယ်။

■ သစ်ပင်တွေမရှိရင် နှစ်ဆနီးပါး ပိုပူပြင်းလာနိုင်ကာ ကွန်ကရစ်အဆောက်အအုံတွေ လမ်းတွေ အပူကိုစုပ်ယူ ပြန်ထုတ်လွှတ်နေကြပါတယ်။

■ ချမ်းသာတဲ့ နိုင်ငံတွေမှာတော့ မြို့ ၄၀ ရာခိုင်နှုန်းနီးပါးဟာ သစ်ပင်ရိပ်ကနေ အပူချိန် ၁၇ ဒီဂရီဆဲလ်စီးယပ်စ်ကျော်လောက် အေးမြစေပါတယ်။

■ ဖွံ့ဖြိုးဆဲနိုင်ငံတွေမှာတော့ သစ်ပင်ရိပ် အလွန်နည်းပါးပြီး လေထုအပူချိန်အေးမြနှုန်း နည်းပါးနိုင်ပါတယ်။

■ လူဦးရေထူထပ်ပြီး စီးပွားရေးနိမ့်ပါးတဲ့ မြို့ပြနေရာတွေဟာ သစ်ပင်ရိပ်အနည်းဆုံးဖြစ်ပြီး သစ်ပင်တွေ အလိုအပ်ဆုံး ဖြစ်နေပါတယ်။

■ ပူပြင်းတဲ့နေရာမှာ သစ်ပင်တစ်ပင်ရဲ့ အေးမြနိုင်စွမ်းက ပိုပြီးထိရောက်မှုရှိပါတယ်။

■ သစ်ပင်တွေရှိရုံဖြင့်တော့ ရာသီဥတုဖောက်ပြန်မှုကနေ ကယ်တင်ပေးနိုင်မှာ မဟုတ်ပါဘူး။

■ သစ်ပင်စိုက်ပျိုးရေး အကောင်းဆုံးကြိုးပမ်းရင်တောင် အနာဂတ်မြို့ပြနေရာတွေမှာ အပူဒဏ် ၂၀ ရာခိုင်နှုန်းခန့် လျှော့ချပေးနိုင်မှာ ဖြစ်ပါတယ်။

Source: India Today

#World_Health
Published 12 June 2026

■ နာနတ်သီးမှာ ပါဝင်တဲ့ ဘရိုမလိန်းအင်ဇိုင်းကို အသီးတွေမှာတွေ့ရပြီး အစာခြေခြင်း၊ ရောင်ရမ်းလျှော့ချခြင်း၊ ပြန်လည်သက်သာခြင်းနဲ့ ကိုယ်ခံအားစနစ်တို့မှာ အထောက်အကူပေးတယ်လို့ တွေ့ရှိထားပါတယ်။

■ နာနတ်သီးကို ထည့်သွင်းစားသုံးပေးရင် အလုံးစုံကျန်းမာရေးကို မြှင့်တင်ပေးနိုင်မှာ ဖြစ်ပါတယ်။

■ ဘရိုမလိန်းက နာနတ်သီးမှရတဲ့ ပရိုတီယိုလစ်တစ်အင်ဇိုင်းအစုအဖွဲ့ဖြစ်ပြီး ဆေးဘက်ဆိုင်ရာ အကျိုးကျေးဇူးများ ပေးစွမ်းနိုင်ပါတယ်။

■ ဘရိုမလိန်းက ပရိုတိန်းတွေကို ခြေဖျက်ပေးပြီး အစာခြေခြင်းကို ချောမွေ့စေကာ လေပွခြင်း၊ အစာမကြေခြင်းလက္ခဏာများကို သက်သာစေနိုင်ပါတယ်။

■ အဓိကသက်ရောက်မှုတစ်ခုက ရောင်ရမ်းဆန့်ကျင်အာနိသင်ဖြစ်ပြီး အားကစားဒဏ်ရာများ၊ ကြွက်သားရောင်ရမ်းခြင်း၊ နှာခေါင်းပေါက်အတွင်းပြဿနာများနဲ့ ဆက်စပ်မှုတွေကို လျှော့ချပေးပါတယ်။

■ နာနတ်သီးမှာ ဗိုက်တာမင်-စီ ကြွယ်ဝတာကြောင့် ကိုယ်ခံအားလုပ်ဆောင်ချက်ကို ထောက်ကူပေးသလို ရောဂါကူးစက်မှုတွေကြား ခုခံတုံ့ပြန်စေပါတယ်။

■ အခြားအစွမ်းသတ္တိများအနေဖြင့် ဒဏ်ရာသက်သာစေခြင်း၊ ခွဲစိတ်ပြီးနောက် ပြန်လည်သက်သာခြင်း၊ နှာခေါင်းအတွင်းပိတ်ဆို့မှုများ သက်သာခြင်းတို့ ပါဝင်ပါတယ်။

■ နာနတ်သီးကို အသင့်အတင့်စားသုံးရင် ဘေးကင်းစိတ်ချရပေမယ့် အများအပြားစားရင်တော့ ပါးစပ်ယားယံခြင်း၊ အစာအိမ်မအီမသာဖြစ်ခြင်း၊ ဓာတ်မတည့်ခြင်းတို့ ဖြစ်နိုင်ပါတယ်။

■ နောက်ထပ်သုတေသနတွေ ပြုလုပ်နေဆဲဖြစ်ကာ နာနတ်သီးက အာဟာရမျှတမှုအတွက် ဖြည့်စွက်ပေးနိုင်သလို ရေဓာတ်၊ ဗိုက်တာမင်များ၊ ဓာတ်တိုးဆန့်ကျင်ပစ္စည်းများ၊ သဘာဝအကျိုးပြုဒြပ်ပေါင်းများ ပါဝင်ပါတယ်။

Source: NDTV.

SoFi Stadium အားကစားကွင်းမှ အလုပ်သမားတွေဟာ ကမ္ဘာ့ဖလားဘောလုံးပြိုင်ပွဲမတိုင်မီ သပိတ်မှောက်ရန် မဲခွဲဆုံးဖြတ်ရာမှာ ၉၆ ရာခိုင်နှုန်းဖြင့် အတည်ပြုလိုက်ကြပါတယ်။

#World_News
Published 11 June 2026
#ကမ္ဘာ့ဖလား #အမေရိကန်အလုပ်သမား
#YMG #Yangon_Times #Yangon_Media_Group

#Daily_News
Published 11 June 2026

၁။‌ အိန္ဒိယကရူပီး(၁၇)ဒသမ(၇၅)သန်းကျော် တန်ဖိုးရှိစက်ပစ္စည်းကိရိယာများပေးအပ်

‌‎၂။ ‌‌‌‌သဘာဝဘေးအန္တရာယ်ကာကွယ်နိုင်သည့် အကျိုးပြုဧရိယာဒေသအဖြစ်ဆယ်အိမ်တန်းကမ်းခြေကိုဖော်ဆောင်သွားမည်ဟုဆို

‎၃။‌‌‎ ဆန်ဈေးနှုန်းကြီးမြင့်မှုမရှိစေရေး ဆန်ဆိုင်များကိုအဖွဲ့စုံဖြင့်စစ်ဆေးနေ

၄။‎ ‌‌‌‌‌‌‌‌‌ကမ္ဘာ့ဖလားပွဲမတိုင်မီဆန္ဒပြထုတ်ဖော်ရန် အမေရိကန်အလုပ်သမားများပြင်ဆင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 11 June 2026

ဖူးခက်။ ။ ယခုသီတင်းပတ်အစောပိုင်းက ချောင်သလေး (Cherng Talay) ရှိ လမ်းမတစ်ခုပေါ်တွင် အလောင်းစွန့်ပစ်ခံထားရသည့် မြန်မာနိုင်ငံသားတစ်ဦး အသတ်ခံရမှုနှင့်ပတ်သက်၍ အတူလုပ်ကိုင်သူ မြန်မာရွှေ့ပြောင်းလုပ်သားနှစ်ဦးကို ဆူရတ်ထာနီ (Surat Thani) တွင် ဖမ်းဆီးရမိခဲ့သည်။

■ ပြစ်မှုဖြစ်ပွားရာနေရာမှ ရရှိသည့် စီစီတီဗွီ (CCTV) မှတ်တမ်းများနှင့် အခြားသက်သေအထောက်အထားများကို အသုံးပြုကာ စုံစမ်းစစ်ဆေးရေးမှူးများက နောက်ခြေရာခံလိုက်လံပြီးနောက် သံသယရှိသူနှစ်ဦးကို ဆူရတ်ထာနီတွင် ဖမ်းဆီးရမိခဲ့ကြောင်း ချောင်သလေးရဲတပ်ဖွဲ့က ယနေ့ ဇွန် ၁၁ ရက် တွင် သတင်းထုတ်ပြန်ခဲ့သည်။ အဆိုပါအမှုသည် တနင်္လာနေ့ ဇွန် ၈ ရက် နံနက် ၇ နာရီခန့်တွင် ချောင်သလေး၊ မူ ၆ (Moo 6) ရှိ စွန့်ပစ်ထားသော Dream Phuket Hotel and Spa ရှေ့ လမ်းမပေါ်တွင် အမျိုးသားတစ်ဦး၏ အလောင်းကို တွေ့ရှိရကြောင်း ရဲတပ်ဖွဲ့ထံ သတင်းပို့ချက်ရရှိရာမှ စတင်ခဲ့ခြင်းဖြစ်သည်။

■ စုံစမ်းစစ်ဆေးရေးမှူးများ၊ မှုခင်းသိပ္ပံအရာရှိများနှင့် ဗာချီရာဖူးခက် (Vachira Phuket) ဆေးရုံမှ မှုခင်းဆရာဝန်ကြီးတစ်ဦးတို့သည် အခင်းဖြစ်ပွားရာနေရာသို့ သွားရောက်စစ်ဆေးခဲ့ရာ သေဆုံးသူတွင် ဓားဒဏ်ရာအမြောက်အမြား ရရှိထားသည်ကို တွေ့ရှိခဲ့ရသည်။ ထို့ပြင် အလောင်းအနီး၌ ဓားအိမ်တစ်ခုကိုလည်း ရှာဖွေတွေ့ရှိခဲ့သည်။ အနီးအနားတွင် ရပ်တန့်ထားသည့် အနက်ရောင် ဟွန်ဒါ (Honda PCX) ဆိုင်ကယ်တစ်စီးကိုလည်း တွေ့ရှိခဲ့ပြီး ရဲအရာရှိများက ၎င်းမော်တော်ယာဉ်ကို ရှာဖွေရာတွင် သေဆုံးသူမှာ အသက် ၄၅ နှစ်အရွယ် မြန်မာနိုင်ငံသား ကိုရဲမင်းကျော် ဖြစ်ကြောင်း အတည်ပြုနိုင်သည့် နိုင်ငံကူးလက်မှတ် ပတ်စ်ပို့ ကို ရှာဖွေတွေ့ရှိခဲ့သည်။

■ စုံစမ်းစစ်ဆေးရေးဌာန ဒုတိယရဲမှူးကြီး အနုရတ် ကလန်နာရွန် နှင့် စုံစမ်းစစ်ဆေးရေးဌာန ရဲမှူး ချာနာဆင် ပရာတစ် နာ သလန်း တို့၏ ဦးဆောင်မှုဖြင့် ချောင်သလေးရဲတပ်ဖွဲ့သည် အရှိန်အဟုန်မြှင့် စုံစမ်းစစ်ဆေးမှုများ စတင်ပြုလုပ်ခဲ့သည်။ ရဲတပ်ဖွဲ့သည် သက်သေများကို စစ်ဆေးမေးမြန်းခြင်း၊ မှုခင်းဆေးပညာဆိုင်ရာ သက်သေအထောက်အထားများ စုဆောင်းခြင်းတို့အပြင် အလောင်းတွေ့ရှိသည့်နေရာနှင့် သံသယရှိသူများ ထွက်ပြေးတိမ်းရှောင်သည့် လမ်းကြောင်းတစ်လျှောက်ရှိ စီစီတီဗွီမှတ်တမ်းများကို ပြန်လည်စစ်ဆေးခဲ့သည်။

■ စုံစမ်းစစ်ဆေးမှုများအရ အဆိုပါလူသတ်မှုတွင် သံသယရှိသူအဖြစ် မြန်မာနိုင်ငံသားနှစ်ဦးကို ဖော်ထုတ်နိုင်ခဲ့သဖြင့် ဖူးခက်ခရိုင်တရားရုံးက ၎င်းတို့အား လူသတ်မှုပူးပေါင်းကျူးလွန်ခြင်း စွဲချက်ဖြင့် ဖမ်းဝရမ်းများ ထုတ်ပြန်ခဲ့သည်။ သံသယရှိသူများမှာ သိန်းမြင့် (ခ) ဂျက် နှင့် ကျော်ခိုင် (ခ) ချစ်မင်း တို့ ဖြစ်ကြသည်။

■ လူသတ်မှုဖြစ်ပွားခဲ့သည်ဟု ယူဆရသည့်နေရာဖြစ်သော ဆွိုင်ခေါ့တနော့ ၁၂ လမ်းသွယ်အတွင်းမှ ၎င်းတို့နှစ်ဦး ဆိုင်ကယ်စီး၍ ထွက်ခွာသွားသည်ကို စီစီတီဗွီမှတ်တမ်းများတွင် ဖမ်းမိခဲ့ခြင်းဖြစ်ကြောင်း ရဲတပ်ဖွဲ့က ပြောကြားခဲ့သည်။ ၎င်းတို့အမျိုးသားနှစ်ဦးကို ဇွန်လ ၁၀ ရက် (မနေ့က) တွင် ဆူရတ်ထာနီခရိုင်၊ ဖွန်ဖင်မြို့နယ်ရှိ ဘန်မာဒူအာရဲစခန်းပိုင်နက်အတွင်း ဖမ်းဆီးရမိခဲ့ခြင်းဖြစ်ပြီး၊ ဥပဒေအရ အရေးယူဆောင်ရွက်နိုင်ရန်အတွက် ချောင်သလေးရဲစခန်းသို့ ပြန်လည်ခေါ်ဆောင်လာခဲ့သည်။

■ ရဲတပ်ဖွဲ့က လူသတ်မှုကျူးလွန်ရသည့် အကြောင်းရင်းကို ဖော်ထုတ်ရန်နှင့် အခြားသူများ ပါဝင်ပတ်သက်မှု ရှိ၊ မရှိ ဆုံးဖြတ်နိုင်ရန်အတွက် စုံစမ်းစစ်ဆေးမှုများကို ဆက်လက်လုပ်ဆောင်နေဆဲဖြစ်ကြောင်း ပြောကြားပြီး၊ အာဏာပိုင်များက ဤပြစ်မှုနှင့် ဆက်နွှယ်သူအားလုံးကို ခြေရာခံဖော်ထုတ်ကာ ဥပဒေအရ အပြင်းထန်ဆုံး အရေးယူသွားမည်ဟု ကတိပြုထားသည်။

အိန္ဒိယသမ္မတနိုင်ငံမှ ရူပီး ၁၇ ဒသမ ၇၅ သန်းကျော်တန်ဖိုးရှိ ငလျင်ဒဏ်သင့်အဆောက်အအုံများ၏ ကြံ့ခိုင်မှုကိုစစ်ဆေးရာတွင်အသုံးပြုသော စက်ပစ္စည်းကိရိယာများ လွှဲပြောင်းပေးအပ်တဲ့အခမ်းအနားကို ယမန်နေ့ရန်ကုန်မြို့ လှိုင်မြို့နယ် မြန်မာနိုင်ငံအင်ဂျင်နီယာအသင်းချုပ်ရှိ Function Hallမှာကျင်းပခဲ့ပါတယ်။

#Local_News
Published 11 June 2026
#အိန္ဒိယ
#YMG/SW #Yangon_Times

ရန်ကုန်တိုင်းဒေသကြီးအတွင်းရှိ ဆယ်အိမ်တန်းကမ်းခြေကို နိုင်ငံတော်မူဝါဒနဲ့အညီ ကာကွယ်ထိန်းသိမ်းစောင့်ရှောက်ပြီး သဘာဝဘေးအန္တရာယ် ကာကွယ်နိုင်တဲ့အကျိုးပြုဧရိယာဒေသတစ်ခုဖြစ်စေဖို သက်ဆိုင်ရာဌာနတွေရဲ့ လုပ်ထုံးလုပ်နည်းတွေနဲ့အညီ ဆောင်ရွက်သွားမယ်လို့ ရန်ကုန်တိုင်းဒေသကြီးသယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးစိုးဦးက ပြောပါတယ်။

#Local_News
Published 11 June 2026
#ဆယ်အိမ်တန်းကမ်းခြေ
#YMG/NN #Yangon_Times

ဆန်လက်လီ/လက်ကား ရောင်းဝယ်ရေးအရောင်းဆိုင်များသို့ ဆန်ဈေးနှုန်းကြီးမြှင့်မှုမရှိစေရေး အဖွဲ့စုံဖြင့်ကွင်းဆင်းစစ်ဆေးလျှက်ရှိတယ်လို့ စားသုံးသူရေးရာဦးစီးဌာနမှ သိရပါတယ်။

#Local_News
Published 11 June 2026
#ဆန် #ဆန်ဆိုင်
#YMG/SW #Yangon_Times

မိုးဦးကာလရေယာဉ်များ သဘာဝဘေးအန္တရာယ် ကြိုတင်ကာကွယ်ရေးနဲ့ လုံခြုံရေးအတွက်ရေအရင်းအမြစ်နှင့် မြစ်ချောင်းများ ဖွံဖြိုးတိုးတက်ရေးဦးစီးဌာနက ရေလမ်းသတိပေး နှိုးဆော်ချက်ထုတ်ပြန်ထားပါတယ်။

#Local_News
Published 11 June 2026
#မိုးဦးကာလ #ရေယာဉ်
#YMG/NN #Yangon_Times

#World_News
Published 11 June 2026

■ ငြိမ်းချမ်းရေး သဘောတူညီချက်မရရင် နောက်ထပ်တိုက်ခိုက်မှုတွေ ပြုလုပ်မယ်လို့ အမေရိကန်သမ္မတ ဒေါ်နယ်ထရမ့် ခြိမ်းခြောက်ထားတဲ့အတိုင်း အီရန်ကို ညတွင်းချင်း ပစ်မှတ်အများအပြား တိုက်ခိုက်ခဲ့ကြောင်း အမေရိကန်စစ်တပ်က ဗုဒ္ဓဟူးနေ့မှာ ပြောပါတယ်။

■ ဒီတိုက်ခိုက်မှုတွေဟာ အီရန်ရဲ့ ရန်စတဲ့လုပ်ရပ်တွေကြောင့် တုံ့ပြန်ရတာဖြစ်ပြီး အီရန်ဘက်ကလည်း ဟော်မုဇ်ရေလက်ကြားကနေ ဖြတ်သန်းတဲ့ သင်္ဘောတွေကို ပစ်မှတ်ထားမယ်လို့ ခြိမ်းခြောက်ထားပါတယ်။

■ အီရန်ခြိမ်းခြောက်ထားပြီး တင်းမာမှု မြင့်တက်နေပေမယ့် ဟော်မုဇ်ရေလက်ကြားမှာ သင်္ဘောတွေ ဖြတ်သန်းနိုင်ရေး လျှို့ဝှက်အစီအစဉ်တစ်ခု လုပ်ဆောင်နိုင်ခဲ့တယ်လို့ ထရမ့်ကပြောပါတယ်။

■ အီရန်ကို ငြိမ်းချမ်းရေးသဘောတူညီချက် ယူစေရန် ဖိအားပေးဖို့နဲ့ သံတမန်ရေးအရ အသာစီးရဖို့ အခုလို တိုက်ခိုက်ရတာ ဖြစ်တယ်လို့ အမေရိကန် ကာကွယ်ရေးဝန်ကြီး ပီ့ဟက်ဂ်ဆက်သ်က အကြောင်းပြပါတယ်။

■ အခုဆိုရင် ဒီပဋိပက္ခဟာ ၄ လကြာမြင့်လာပြီဖြစ်ပြီး ဧပြီလက ယာယီအပစ်အခတ်ရပ်စဲရေး သဘောတူညီမှု ရခဲ့ပေမယ့် နှစ်ဖက်စလုံးဟာ အပြန်အလှန် တိုက်ခိုက်မှုတွေ ဆက်တိုက်လုပ်နေခဲ့ပါတယ်။

■ အမေရိကန်ဟာ ရေပေးဝေရေး အဆောက်အအုံတွေ အပါအဝင် အရပ်သားပိုင်ပစ်မှတ်တွေကို တိုက်ခိုက်နေတာကြောင့် နိုင်ငံတကာဥပဒေကို ချိုးဖောက်ရာရောက်တယ်လို့ အီရန်က စွပ်စွဲနေပါတယ်။

■ ကာတာက အမေရိကန်နဲ့ အီရန်ကြား ကြားဝင်စေ့စပ်နေပြီး သံတမန်ရေး ကြိုးပမ်းမှုတွေ လုပ်နေပေမယ့် ထူးထူးခြားခြား တိုးတက်မှု မရှိသေးပါဘူး။

■ ဒီစစ်ပွဲကြောင့် ကမ္ဘာ့ရေနံနဲ့ ဓာတ်ငွေ့ထောက်ပံ့မှုတွေကို ဆိုးဆိုးရွားရွား သက်ရောက်စေကာ ဈေးနှုန်းတွေ မြင့်တက်လာစေပြီး ထရမ့်အစိုးရအဖွဲ့အတွက်လည်း နိုင်ငံရေးစိန်ခေါ်မှု ကြီးမားလာပါတယ်။

Source: Reuters

#Local_News
Published 11 June 2026

■ နယူးဒေလီ။ ။ မငြိမ်မသက်ဖြစ်နေသော ထိုဒေသအတွင်း ရေကြောင်းသယ်ယူပို့ဆောင်ရေးအပေါ် တိုက်ခိုက်မှုများ ပိုမိုပြင်းထန်လာခြင်းအပေါ် စိုးရိမ်ပူပန်မှုများ မြင့်တက်နေစဉ်၊ အိုမန်ကမ်းလွန်ပင်လယ်ပြင်ရှိ ကုန်တင်သင်္ဘောတစ်စင်းအား အမေရိကန်က တိုက်ခိုက်ခဲ့ခြင်းကို အိန္ဒိယနိုင်ငံက ပြင်းထန်စွာ ကန့်ကွက်ရှုတ်ချခဲ့ပြီး ၎င်းတို့၏ ကန့်ကွက်လွှာကို မှတ်တမ်းတင်ရန်အတွက် အမေရိကန်သံရုံး ယာယီတာဝန်ခံ ဂျေဆန် မိခ်စ် (Jason Meeks) ကို ဆင့်ခေါ်ခဲ့သည်။

■ အိန္ဒိယနိုင်ငံခြားရေးဝန်ကြီးဌာန (MEA) သည် နယူးဒေလီမြို့ရှိ ၎င်း၏ရုံးချုပ်တွင် မိနစ် ၃၀ ကြာ ပြုလုပ်သည့် တွေ့ဆုံပွဲအတွင်း ဂျေဆန် မိခ်စ် ထံသို့ ကန့်ကွက်လွှာ (demarche) ကို လွှဲပြောင်းပေးအပ်ခဲ့သည်။ ဤအရေးယူဆောင်ရွက်မှုသည် ဗုဒ္ဓဟူးနေ့အစောပိုင်းက အိန္ဒိယလူမျိုး သင်္ဘောသား ၂၄ ဦး လိုက်ပါလာသည့် ပလောင်း (Palau) နိုင်ငံအလံလွှင့်ထူထားသော "ဆက်တေဘယ်လို" (Settebello) သင်္ဘော တိုက်ခိုက်ခံရပြီးနောက် ထွက်ပေါ်လာခြင်းဖြစ်သည်။

■ အဆိုပါဖြစ်စဉ်သည် အိန္ဒိယလူမျိုးသင်္ဘောသားများသာ လိုက်ပါလာပြီး ဘေးကင်းစွာ ရွှေ့ပြောင်းပေးနိုင်ခဲ့သည့် "မာရီဗက်စ်" (Marivex) အမည်ရှိ အခြားကုန်တင်သင်္ဘောတစ်စင်းအား အမေရိကန်က အလားတူတိုက်ခိုက်ခဲ့ပြီး တစ်ရက်အကြာတွင် ဖြစ်ပွားခဲ့ခြင်းဖြစ်သည်။

■ ပင်လယ်ရေကြောင်းဆိုင်ရာ သတင်းမြစ်များကမူ ပင်လယ်ကွေ့ဒေသတွင် တင်းမာမှုများ မြင့်တက်နေစဉ်အတွင်း ပြီးခဲ့သည့် ဧပြီလက အမေရိကန်က ချမှတ်ထားသော ပိတ်ဆို့အရေးယူမှုကို ကျင့်သုံးသည့်အနေဖြင့် အဆိုပါသင်္ဘောနှစ်စင်းစလုံးကို အီရန်နှင့်ဆက်နွှယ်နေသည့် ရေနံကုန်သွယ်မှုနှင့် ဆက်စပ်ဖော်ပြကြသည်။

■ အိန္ဒိယနိုင်ငံသည် ယခုအချိန်အထိ ၎င်း၏အပြင်းထန်ဆုံး တုံ့ပြန်မှုအဖြစ် အဆိုပါဖြစ်စဉ်များ ဆက်တိုက်ဖြစ်ပွားနေခြင်းအပေါ် အလွန်အမင်း စိုးရိမ်ပူပန်ကြောင်း ဖော်ပြခဲ့သည်။ “ဒီဒေသတွင်း ရေကြောင်းသယ်ယူပို့ဆောင်ရေးအပေါ် ဆက်တိုက်တိုက်ခိုက်နေတဲ့ ဖြစ်ရပ်တွေဟာ အလွန်စိုးရိမ်စရာကောင်းပြီး လက်ရှိဖြစ်ပွားနေတဲ့ ဒေသတွင်းပဋိပက္ခတွေရဲ့ တိုက်ရိုက်ရလဒ်ပဲ ဖြစ်ပါတယ်” ဟု အိန္ဒိယနိုင်ငံခြားရေးဝန်ကြီးဌာနက ထုတ်ပြန်ခဲ့သည်။

■ “ဒေသတွင်းကို ငြိမ်းချမ်းရေးနဲ့ တည်ငြိမ်မှုတွေ ပြန်လည်ရောက်ရှိလာစေဖို့အတွက် တင်းမာမှုတွေကို ချက်ချင်းလျှော့ချဖို့နဲ့ သံတမန်ရေးနည်းလမ်းအရ ဖြေရှင်းနိုင်မယ့် လက်ရှိဆွေးနွေးပွဲတွေကို အဆုံးသတ်ဖို့ ကျွန်ုပ်တို့အနေနဲ့ ထပ်လောင်းတောင်းဆိုပါတယ်။ ဒေသတွင်းရှိ ကုန်တင်သင်္ဘောတွေနဲ့ အရပ်ဘက်အခြေခံအဆောက်အအုံတွေကို ပစ်မှတ်ထားတိုက်ခိုက်နေတာတွေ ရပ်တန့်ရမှာဖြစ်ပြီး၊ နိုင်ငံတကာဥပဒေနဲ့အညီ ဒေသတွင်း နိုင်ငံတကာရေပိုင်နက်တွေကနေတစ်ဆင့် လွတ်လပ်ပြီး အဟန့်အတားမရှိ ရေကြောင်းသွားလာမှုနဲ့ ကုန်သွယ်မှုတွေကို အမြန်ဆုံးပြန်လည်ဖော်ဆောင်ပေးရပါမယ်။”

■ “သင်္ဘောပေါ်ပါလာတဲ့ အိန္ဒိယလူမျိုးသင်္ဘောသား ၂၄ ဦးအနက် လက်ရှိအချိန်အထိ ၂၁ ဦးကို ကယ်ဆယ်နိုင်ခဲ့ပြီး ၃ ဦး ပျောက်ဆုံးနေကြောင်း သိရပါတယ်” ဟု အိန္ဒိယနိုင်ငံခြားရေးဝန်ကြီးဌာနက ထုတ်ပြန်ချက်တွင် ဖော်ပြထားသည်။ “အိုမန်နိုင်ငံရှိ ကျွန်ုပ်တို့သံရုံးအနေနဲ့ အခြေအနေကို အနီးကပ်စောင့်ကြည့်နေပြီး လက်ရှိလုပ်ဆောင်နေတဲ့ ရှာဖွေရေးနဲ့ ကယ်ဆယ်ရေးလုပ်ငန်းတွေမှာ အိုမန်အာဏာပိုင်တွေနဲ့တက်ကြွစွာ ပူးပေါင်းဆောင်ရွက်နေပါတယ်” ဟု အိန္ဒိယနိုင်ငံခြားရေးဝန်ကြီးဌာနကပြောသည်။

#World_Health
Published 11 June 2026

■ အသီးအနှံနဲ့ ဟင်းရွက်များများစားခြင်းက ကျန်းမာရေးညီညွတ်ပြီး မျှတတဲ့ အစားအသောက်တွေရဲ့ အရေးကြီးအစိတ်အပိုင်း ဖြစ်ပါတယ်။

■ လူအများစုက နှလုံးကျန်းမာရေး ကာကွယ်ဖို့အတွက် အစားအစာတွေထဲမှာ ဖလေဗိုနော လုံလောက်စွာ မရရှိဘူးလို့ တွေ့ရှိထားပါတယ်။

■ ဓာတ်တိုးဆန့်ကျင်အာနိသင် ပေးစွမ်းနိုင်တဲ့ ဖလေဗိုနောကို လုံလောက်စွာ စားသုံးမယ်ဆိုရင် နှလုံးသွေးကြောရောဂါတွေကနေ သေဆုံးနိုင်ခြေကို သိသိသာသာ လျှော့ချပေးနိုင်ကြောင်း Core Laboratory of Mars Edge ညွှန်ကြားရေးမှူး ဂျာဗီယာအော့တာဗီယာနီက ပြောပါတယ်။

■ ဖလေဗိုနောကို နေ့စဉ် ၅၀၀ မီလီဂရမ်ခန့် စားသုံးမယ်ဆိုရင် နှလုံးသွေးကြောရောဂါကြောင့် သေဆုံးနိုင်ခြေကို ၂၇ ရာခိုင်နှုန်းအထိ လျှော့ချပေးနိုင်ပါတယ်။

■ ဒါပေမဲ့ လူအများစုဟာ နေ့စဉ်ကျန်းမာရေးညီညွတ်စွာ စားသုံးနေတာတောင် ဒီပမာဏ မရရှိကြပါဘူး။

■ ဖလေဗိုနော အများဆုံးပါဝင်တဲ့ အစားအစာတွေထဲမှာ ဆီးသီး၊ ခရန်ဘယ်ရီသီး၊ ဘလက်ဘယ်ရီ၊ လက်ဖက်စိမ်း၊ ချယ်ရီသီး၊ ပန်းသီး၊ စတော်ဘယ်ရီ၊ ဘလူးဘယ်ရီတို့ ပါဝင်ပါတယ်။

■ ဥပမာအားဖြင့် ဘယ်ရီသီးများ ထည့်စားခြင်း၊ လက်ဖက်စိမ်းသောက်သုံးခြင်းစတဲ့ အလေ့အကျင့်လေးတွေကနေစပြီး ဖလေဗိုနောများလာစေကာ ရေရှည်နှလုံးကျန်းမာရေးကို ထောက်ပံ့ပေးနိုင်မှာ ဖြစ်ပါတယ်။

■ အာဟာရညီညွတ်မျှတတဲ့ အစားအစာတွေထဲကနေ ချင့်ချိန်ပြီး ရွေးချယ်ဖို့က အရေးကြီးသလို အာဟာရကြွယ်ဝတာတွေကို ဦးစားပေးဖို့ လိုအပ်ပါတယ်။

Source: Health Line