#World_News
Published 06 January 2025

▪️ ဘီလျံနာ ပရဟိတသမား ဆိုသူ ဂျော့ဂျ်ဆိုရော့စ်ကို အမေရိကန်သမ္မတ ဂျိုးဘိုင်ဒင်ကနေ လွတ်လပ်ရေးဆုတံဆိပ် ချီးမြှင့်ခဲ့တဲ့ ဆုံးဖြတ်ချက်ဟာ အကျည်းတန်တယ်လို့ တက်စ်လာစီအီးအို အီလွန်မက်စ်က ဝေဖန်ပြစ်တင်လိုက်ပါတယ်။

▪️ အမေရိကန်ပြည်ထောင်စုမှာ အမြင့်ဆုံးအရပ်သား ဂုဏ်ပြုဆုဖြစ်တဲ့ လွတ်လပ်ရေးဆုတံဆိပ်ကို ယခုနှစ်အတွင်း ၁၉ ဦးမြောက် ပေးအပ်ခဲ့တာဖြစ်ပြီး နိုင်ငံရေး၊ အားကစား၊ ဖျော်ဖြေရေး၊ လူ့အခွင့်အရေး၊ LGBTQ+ရေးနဲ့ သိပ္ပံနယ်ပယ်တို့မှ ပုဂ္ဂိုလ်များ ပါဝင်ခဲ့ပါတယ်။

▪️ Open Society Foundations တည်ထောင်သူဖြစ်ပြီး အထင်ကရ ရင်းနှီးမြှုပ်နှံသူဖြစ်တဲ့ ဆိုရော့စ်ဟာ ဒီမိုကရေစီ၊ လူ့အခွင့်အရေး၊ ပညာရေးနဲ့ လူမှုတရားမျှတရေးတို့ အားကောင်းစေမယ့် ကမ္ဘာလုံးဆိုင်ရာ ကြိုးပမ်းဆောင်ရွက်မှုများကြောင့် အသိအမှတ်ပြုခံရတာ ဖြစ်တယ်လို့ အိမ်ဖြူတော်မှ တရားဝင်ထုတ်ပြန်လိုက်ပါတယ်။

▪️ အီလွန်မက်စ်က ဆိုရော့စ်ကို အကောင်းမမြင်ခဲ့တာဟာ အခုမှမဟုတ်ဘဲ ၂၀၂၃ ခုနှစ်ကလည်း ဂျူးနွယ်ဖွား ဆိုရော့စ်ဟာ လူသားမျိုးနွယ်ကို မုန်းတီးနေပြီး လူ့အဖွဲ့အစည်း အသိုင်းအဝိုင်းကို တိုက်စားရန် ရည်ရွယ်နေတယ်လို့ ထိုးနှက်ပြောဆိုခဲ့ပါသေးတယ်။

▪️ ဒါ့အပြင် စွမ်းအားတွေရှိပြီး လူအများသေကြေစေတဲ့ မာဗယ်လ်မှ စိတ်ကူးယဉ်ဇာတ်ကောင် မက်ဂ်နီတိုကို ဆိုရော့စ်နဲ့ ခိုင်းနှိုင်းလိုက်ပါတယ်။

▪️ ဆိုရော့စ်ဟာ ဒုတိယကမ္ဘာစစ်အတွင်း နာဇီတို့သိမ်းပိုက်ထားခဲ့တဲ့ ဟန်ဂေရီမှ အသက်ရှင်ကျန်ရစ်သူဖြစ်ပြီး သူ့ရဲ့ချမ်းသာကြွယ်ဝမှုနဲ့ ပရဟိတအမည်ခံလှုပ်ရှားမှုတို့ ဆက်စပ်ရာကနေ ကမ္ဘာလုံးဆိုင်ရာ မငြိမ်မသက်မှုတွေ ဖြစ်စေတယ်ဆိုတဲ့ ပူးပေါင်းကြံစည်ယူဆမှုတွေနဲ့ မကြာခဏဆိုသလို ပစ်မှတ်ထားခံခဲ့ရပါတယ်။

▪️ ၁၉၃၀မှာ မွေးဖွားခဲ့ပြီး ဟန်ဂေရီမှာ ဂျူးဆယ်ကျော်သက်အဖြစ် ပုန်းခိုခဲ့ရကာ ဆယ်စုနှစ်တွေ ကြာတဲ့အခါမှာတော့ Open Society Foundations တည်ထောင်နိုင်ခဲ့ပြီး ဒီမိုကရေစီအရေး၊ လူ့အခွင့်အရေး၊ လူမှုရေးတွေ မြှင့်တင်ဖို့အတွက် ဘီလီယံနဲ့ချီ သုံးစွဲခဲ့ပါတယ်။

▪️ ဒါပေမဲ့ ကမ္ဘာ့နိုင်ငံရေးနဲ့ ဘဏ္ဍာရေးကိစ္စတွေမှာ ပါဝင်ပတ်သက်ခဲ့တာက သူ့ကို အစွန်းရောက်ပုဂ္ဂိုလ်အဖြစ် ထင်မှတ်စရာဖြစ်ခဲ့ပြီး အစိုးရပြောင်းလဲမှုများ၊ စီးပွားရေး မတည်ငြိမ်မှုများ၊ ရန်ပုံငွေလှုပ်ရှားမှုများမှာ လွှမ်းမိုးချုပ်ကိုင်ခဲ့တယ်လို့ ဝေဖန်စွပ်စွဲခံခဲ့ရသူတစ်ဦးဖြစ်ပါတယ်။

▪️ ဒါ့အပြင် မကြာသေးမီက အိန္ဒိယမှ အဒါနီဂရုအရှုပ်တော်ပုံ ဖြစ်ရပ်တွေမှာလည်း ဆိုရော့စ်ရဲ့နာမည် ပေါ်ထွက်လာခဲ့ပါတယ်။

#Source: India Today

#Local_News
Published 6 January 2025
▪️ လာမည့် ဇန်နဝါရီလ ၇ ရက်တွင် ရန်ကုန်မြို့တွင်း ရေယာယီပြတ်တောက်မည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။

▪️ ယာယီပြုပြင်ထားသော ဂျိုးဖြူပိုက်လိုက်ကြီးအား အကြီးစား ပြုပြင်မှုများ ပြုလုပ်မည်ဖြစ်သောကြောင့် ဇန်နဝါရီလ ၇ ရက် နံနက် အစောပိုင်း ၂ နာရီမှစ၍ ရေစတင်ပိတ်ပြီး ရေကျန်များထုတ်ခြင်း၊ ဂျွိုင်းဆက်များပြုပြင်ခြင်းလုပ်ငန်းများ ဆောင်ရွက်မည်ဖြစ်ရာ ယင်းနေ့ညနေပိုင်းတွင် ရေပြန်လည်ရရှိစေရန် ဆောင်ရွက်သွားမည်ဖြစ်ကြောင်း သိရသည်။

▪️ ယခုလ ၅ ရက်မှစတင်၍ ပြောင်းလဲလိုက်သော လျှပ်စစ်မီးပေးမှုပုံစံအရ မီးလာချိန်မှသာ ရေစက်များအပြိုင်အဆိုင်မောင်းနှင်ရသောကြောင့် ရန်ကုန်မြို့တွင်း အထပ်မြင့်နေပြည်သူများ ရေပြဿနာကို ကြုံတွေ့နေရကြောင်းလည်း သိရသည်။

#YMG/SW #Yangon_Times

#Local_News
Published_6 Jan 2025

▪️ ရန်ကုန်တိုင်းဒေသကြီးအတွင်း အကြမ်းဖက်လုပ်ငန်းများ ဆောင်ရွက်လျက် ရှိသည့် တရားခံ ကျား ၅ ဦး၊ မ ၂ ဦး၊ စုစုပေါင်း ၇ ဦးတို့အား Sig Sauer ပစ္စတို သေနတ် ၂ လက်၊ ၎င်းကျည်အိမ် ၃ ခု၊ 9mm ကျည် ၂၄ တောင့်၊ ပွိုင့် 38 Special အမျိုးအစား ခြောက်လုံးပြူးသေနတ် ၁ လက်၊ ၎င်းကျည် ၂၅ တောင့်၊ လက်လုပ်ဗုံး ၂ လုံး၊ TNT ယမ်းတောင့် ၂ တောင့်၊ ဒီတိုနေတာ ၅၃၅ ချောင်း၊ ယမ်းမှုန့် ၃ ပိဿာ ၅ဝ ကျပ်သား၊ နိုက်ထရိုကလယ် ဇင်း ၅ဝ ကျပ်သား၊ ပုလဲ ၅ဝ ပိသာ၊ Black Powder ၂ဝ ကျပ်သား၊ ယမ်းကြိုး(၂ဝဝ ပေ) ၁ ခွေ၊ ဖောက်ခွဲရေး ဆက်စပ်ပစ္စည်းများနှင့် အတူ ဖမ်းဆီးရမိခဲ့ကြောင်း နစက သတင်းထုတ်ပြန်ရေးအဖွဲ့က ထုတ် ပြန်လိုက်သည်။

▪️ ယင်းတို့အနေဖြင့် ၂၀၂၃ ခုနှစ်၊ ဒီဇင်ဘာလ ၂၄ ရက်တွင် မရမ်းကုန်းမြို့နယ်၊ (၃)ရပ်ကွက်၊ သမိုင်းလမ်းဆုံရှိ လုံခြုံရေးဘန်ကာ ကို လက်လုပ်ရီမုမိုင်းဖြင့် ဖောက်ခွဲခြင်း၊၂၀၂၄ ခုနှစ်၊ မေလ ၆ ရက်တွင် ဒဂုံမြို့သစ်(မြောက် ပိုင်း)မြို့နယ်၊ (၃၂)ရပ် ကွက် အုပ်ချုပ် ရေးမှူးရုံးကိုလက်လုပ်မိုင်းဖြင့် ဖောက်ခွဲခြင်း၊မေလ ၁၂ ရက်တွင် အင်း စိန်မြို့နယ်၊ ပေါက်တော ဝမီး ပွိုင့်ရှိ ဆက်သွယ်ရေး Box ကို လက်လုပ်ရီမုမိုင်းဖြင့် ဖောက်ခွဲခြင်း၊ မေလ ၃၀ ရက်တွင် အင်းစိန်မြို့နယ်၊ အရှေ့ကြို့ကုန်းရပ်ကွက်၊ ကောင်းသန့် ထမင်းဆိုင်၌ ရစဖမှူး ဦးစောဝင်း လွင်အား ပစ္စတိုဖြင့် ပစ်ခတ်လုပ်ကြံ သတ်ဖြတ်ခြင်း(လူထိခိုက် သေဆုံးမှု မရှိခဲ့)၊ ဇူလိုင်လ ၈ ရက်တွင် အင်းစိန်မြို့နယ်၊ စော်ဘွားကြီးကုန်းရပ်ကွက်ရှိ အင်းဝဘဏ်ကို လက်လုပ်မိုင်းဖြင့် ဖောက်ခွဲခြင်း၊ ဩဂုတ်လ ၁၄ ရက်တွင် မြောက် ဥက္ကလာပမြို့နယ်၊ ဘုန်းကြီးလမ်းရှိယာဉ်ထိန်းရုံး (အဟောင်း)ကို လက်လုပ်မိုင်းဖြင့် ဖောက်ခွဲခြင်း၊ အောက်တိုဘာလ ၁၂ ရက်တွင် တာမွေမြို့နယ်၊ ဦးချစ်မောင်လမ်းရှိ 29 ရတနာ ရွှေဆိုင်ကို လက်လုပ်မိုင်းဖြင့် ဖောက်ခွဲခြင်း၊ ဒီဇင်ဘာလ ၂၂ ရက်တွင် မရမ်းကုန်းမြို့နယ်၊ (၂)ရပ်ကွက်၊ အထက်ဗဟိုလမ်း၊ အမှတ် (၁၃)ရှိ Apollo Hotel ရှေ့တွင်တပ်မတော်အရာရှိ နှင့် ညီမဖြစ်သူတို့အား ပစ်ခတ်လုပ်ကြံသတ်ဖြတ်ခဲ့ခြင်း(မစိုးရိမ်ရ)၊ စုစုပေါင်း ဖောက် ခွဲမှု ၆ ကြိမ်၊ အကြောင်းမဲ့ လုပ်ကြံသတ်ဖြတ်မှု ၂ ကြိမ်တို့ကို အသီးသီးကျူးလွန်ခဲ့ကြကြောင်း သိရသည်။

▪️ ပြီးခဲ့သည့်၂၀၂၄ ခုနှစ်၊ ဒီဇင်ဘာလ ၂၂ ရက်က မရမ်းကုန်းမြို့နယ်၊ (၂)ရပ်ကွက်၊ အထက် ဗဟိုလမ်းရှိ “Apollo ဟိုတယ်၌ ကျင်းပပြုလုပ်သည့် ညီဖြစ်သူ၏ မင်္ဂလာပွဲသို့ သွားရောက်ခဲ့သော ပြင်ဦးလွင်မြို့မှ ခွင့်ပြန်လာသည့် တပ်မတော်အရာရှိကညီမဖြစ်သူနှင့်အတူ မော်တော်ယာဉ်ဖြင့် ပြန်လည်ထွက်ခွာစဉ် ဟိုတယ်ရှေ့ အထက် ဗဟိုလမ်းမပေါ်သို့ရောက်ရှိချိန်အကြမ်းဖက်သမား ၂ ဦးမှ ပစ္စတိုဖြင့် ၃ ချက်ပစ်ခတ်ထွက်ပြေးသွားခဲ့ရာ တပ်မတော်အရာရှိတွင် ယာလက်ဖျံဖောက်ဝင်ဒဏ်ရာ(မစိုးရိမ်ရ)နှင့် ညီမဖြစ်သူတွင် ယာခါးရှပ်ထိ မှန်ဒဏ်ရာ (မစိုးရိမ်ရ)ဖြစ်စဉ် နောက်ပိုင်း ၎င်းတို့ကိုအထက်ပါအတိုင်း ဖမ်းမိခဲ့ခြင်းဖြစ်ကြောင်း သိရသည်။

▪️ အဆိုပါ ဖြစ်စဉ်မှတရားခံ မိုးထက်အောင်(ခ)မိုးထက်(ခ)တိမ်ညို၊ နိုင်ဝင်းလတ်၊ ခိုင်မင်းစိုး(ခ)ငြိမ်းခန့်လင်း(ခ) ပါပီ လွန်နှင့် မိုးထက်အောင်(ခ)မိုးထက်(ခ)တိမ်ညို၏ မိဘများဖြစ်သည့် သန်းအောင်၊ ချိုမာလွင် တို့ ၅ ဦးအား အင်းစိန်မြို့နယ်၊ အနောက်ကြို့ကုန်းရပ်ကွက်၊ အင်းစိန်လမ်း၊ ရတနာသိင်္ခဘုန်းကြီး ကျောင်းဝန်းအတွင်းရှိ စူပါပါဝါကိုမွန်လေး ကားဆေးဘော်ဒီရုံ၌ ဒီတိုနီတာ ၅ဝဝ ချောင်း၊ ယမ်းကြိုး(၂ဝဝ ပေ) ၁ ခွေ၊ နိုက်ထရိုက လယ်ဇင်း ၅ဝ ကျပ် သား၊ လက်လုပ်ဗုံး ၁ လုံး၊ ယမ်းမှုန့်(ရောစပ်ပြီး) ၃ ပိဿာ၊ ပုလဲ ၅၀ ပိဿာ၊ Black Powder ၂၀ ကျပ်သားတို့နှင့်အတူ ဒီဇင်ဘာလ ၂၉ ရက် နံနက်ပိုင်းတွင် လုံခြုံရေးပူးပေါင်းအဖွဲ့ကဖမ်းဆီးရမိခဲ့ကြောင်း သိရသည်။

▪️ ဖမ်းဆီးရမိတရားခံများ၏ ထွက်ဆိုချက်အရ ရတနာသိင်္ခဘုန်းကြီးကျောင်းတိုက်အတွင်း၌ လက်နက်ခဲယမ်းများ သိုဝှက်သိမ်းဆည်းထားကြောင်း သိရှိရသဖြင့် ဝင်ရောက်ရှာဖွေခဲ့ရာ အနန္တ ဂုဏ်ရည်ကျောင်းဆောင် ဒုတိယထပ်အခန်းအတွင်းမှ ပွိုင့် 38 Special အမျိုးအစား ခြောက်လုံးပြူး သေနတ် ၁ လက်၊ ၎င်းကျည် ၂၅ တောင့်၊ TNT ယမ်းတောင့် ၂ တောင့်၊ ဒီတိုနေတာ ၃၅ ချောင်း၊ ပန်းရောင်ယမ်းမှုန့် ၅ဝ ကျပ်သားနှင့် ဖောက်ခွဲရေးဆက် စပ် ပစ္စည်းများအား သိမ်းဆည်းရမိခဲ့ကြောင်း သိရသည်။

▪️ ဖမ်းဆီးရမိတရားခံများ၏ထွက်ဆိုချက်အရ ပြစ်မှုကျူးလွန်စဉ်က အသုံးပြုခဲ့သော လက်နက်ခဲယမ်းများကို ကြည့် မြင်တိုင်မြို့နယ်၊ ကရင်အမျိုးသားရပ်ကွက်၊ ဦးကောင်းလမ်း၊ အမှတ်(၅၂၈)၊ (မြေညီထပ်)အခန်းတွင် နေထိုင် သည့်ဖမ်းဆီးရန်ကျန်တရားခံများဖြစ်သည့်စွမ်းထက်(ခ)အေရွန်နှင့်ဇွန်ပွင့်ဖြူတို့ထံတွင်သိမ်းဆည်းထားကြောင်း သိရှိရသဖြင့် သွားရောက်ရှာဖွေခဲ့ရာ ၎င်းတို့ ၂ ဦးမှာ ထွက်ပြေးတိမ်းရှောင်သွားခဲ့ပြီး ဖမ်းဆီးရန်ကျန် တရားခံ စွမ်းထက်(ခ) အေရွန်၏ မိခင်ဖြစ်သူ ခင်ယုဆွေအား နေအိမ်မီးဖို ခန်းအတွင်းမှ Sig Sauer ပစ္စတို သေနတ် ၂ လက်၊ ကျည်အိမ် ၃ ခု၊ 9mm Thai Arms ကျည် ၁၅ တောင့်၊ 9mm Luger ကျည် ၉ တောင့်၊ လက်လုပ်ဗုံး ၁ လုံးတို့နှင့်အတူ ထပ်မံဖမ်းဆီးရမိခဲ့ကြောင်း သိရသည်။

ဖမ်းဆီးရမိတရားခံ မိုးထက်အောင်(ခ)မိုးထက်(ခ)တိမ်ညို၏ ထွက်ဆိုချက်အရ ဇန်နဝါရီလ ၂ ရက် တွင် တရား ခံ ထက်အောင်လှိုင်အား အင်းစိန်မြို့နယ်၊ ဗဟိုလမ်း၊ မီးရထားဒီဇယ်စက်ခေါင်းစက်ရုံဝင်ပေါက်အနီး၌ ထပ်မံဖမ်း ဆီးရမိခဲ့ကြောင်း သိရသည်။

▪️ ဖမ်းဆီးရမိတရားခံများ၏ ထွက်ဆိုချက်အရ ၎င်းတို့သည် ၂၀၂၁ ခုနှစ်၊ မတ်လခန့်တွင် ဖမ်းဆီးရန်ကျန် တရား ခံများဖြစ်သည့် ဝိုင်ချို၊ နေမင်း တို့နှင့်အတူ ကော့မှူးမြို့နယ်၊ ငှက်အော်စမ်းကျေးရွာအနီးတွင် PDF အကြမ်း ဖက်သင်တန်းကိုသင်တန်းသားအင်အား ၁၇ ဦးဖြင့် ၇ ရက်၊ခိုင်မင်းစိုး(ခ)ငြိမ်းခန့်လင်း(ခ)ပါပီလွန်သည် ၂၀၂၁ ခုနှစ်၊ ဇွန်လခန့်တွင် မြဝတီမြို့ နယ်၊ လေးကေ့ကော်မြို့သစ်အနီး KNLA တမဟ(၆)နယ်မြေတွင် အကြမ်းဖက် ဖောက်ခွဲရေးသင်တန်း အမှတ်စဉ်(၁)ကို သင်တန်းသားအင်အား ၂၀ ဦးဖြင့် ၁၀ ရက် တက်ရောက်ခဲ့ကြကြောင်း သိရသည်။

▪️ ယင်းအပြင် ခိုင်မင်းစိုး(ခ)ငြိမ်းခန့်လင်း(ခ)ပါပီလွန် သည် အကြမ်းဖက်သင်တန်း ဆင်းပြီးနောက် လူမှုကွန်ယက် မှ တစ်ဆင့်ရင်းနှီးခဲ့သူ ဖမ်းဆီးရန်ကျန်တရားခံ ခင်လင်းလင်း ၏ ချိတ်ဆက်ပေးမှုဖြင့် ထိုင်းနိုင်ငံ၊ မဲဆောက်မြို့ သို့ သွားရောက်၍ ၂၀၂၃ ခုနှစ်၊ ဇူလိုင်လအထိ နေထိုင်ခဲ့ကြောင်း၊ ဩဂုတ်လခန့်တွင် အကြမ်းဖက်သင်တန်း တက်ရောက်စဉ် ရင်းနှီးခဲ့သူဖမ်းဆီးရန်ကျန်တရားခံ အဲရစ်အောင်ငြိမ်းသည် Messenger မှတစ်ဆင့် ဆက်သွယ် ၍ PDF အကြမ်းဖက်အဖွဲ့များအတွက် ထောက်ပို့ လုပ်ငန်းများ လုပ်ဆောင်ရာတွင် လာရောက်ကူညီပေးရန် ပြောကြားခဲ့သောကြောင့် ထိုင်းနိုင်ငံ၊ မဲဆောက်မြို့မှ ရန်ကုန်မြို့သို့ပြန်လာခဲ့ပြီး မိုးထက်အောင်(ခ)မိုးထက်(ခ) တိမ်ညိုနေထိုင်သည့် ရတနာသိင်္ခဘုန်းကြီးကျောင်းဝန်း အတွင်း၌ သွားရောက်နေထိုင်ခဲ့ကြောင်း၊ ၎င်းနောက် လူမှုကွန်ယက် Facebook စာမျက်နှာတွင် “ဆာကူရာ” အမည်ဖြင့် အကောင့်ဖွင့်လှစ်၍ ထောက်ပံ့ငွေများ ကောက်ခံ ခဲ့ပြီး ရရှိလာသော ငွေကြေးများကို အဲရစ်အောင်ငြိမ်း ထံသို့ Kpay မှတစ်ဆင့်လွှဲပြောင်းပေးခဲ့ကြောင်း သိရသည်။

▪️ ခိုင်မင်းစိုး(ခ)ငြိမ်းခန့်လင်း(ခ)ပါပီလွန် ၏ ထွက်ဆိုချက်အရ ၂၀၂၃ ခုနှစ်၊ ဒီဇင်ဘာလ ခန့်တွင် ယခင်ငွေကြေး ထောက်ပံ့ပေးနေသည့် ထိုင်းနိုင်ငံတွင်နေထိုင်သူ ဖမ်းဆီးရန်ကျန်တရားခံ ကိုမျိုး(ခ)ဆရာကျောင်း (ခ)ဦးလေး ကြီး ထံသို့ Telegram မှတစ်ဆင့် ဆက်သွယ်ပြီး ထောက်ပံ့ငွေ တောင်းခံခဲ့ရာ ၎င်းမှ အကြမ်းဖက်အဖွဲ့ ၁ ခု ဖွဲ့စည်းပါက ငွေကြေးထောက်ပံ့ပေးမည်ဟု ပြောကြား ခဲ့သည့်အတွက် Together Urban Force အမည်ခံ အကြမ်းဖက်အဖွဲ့အား ခိုင်မင်းစိုး(ခ) ငြိမ်းခန့်လင်း (ခ)ပါပီလွန် မှခေါင်းဆောင်၍ မိုးထက်အောင်(ခ)မိုးထက်(ခ) တိမ်ညို ၊ နိုင်ဝင်းလတ်၊ ဖမ်းဆီးရန်ကျန် တရားခံများဖြစ်သည့် စွမ်းထက်(ခ)အေရွန်၊ ဇွန်ပွင့်ဖြူတို့ ၅ ဦးဖြင့် စတင်ဖွဲ့စည်းခဲ့ခြင်းဖြစ်ကြောင်း၊ အကြမ်းဖက်ဖောက်ခွဲဖျက်ဆီးခြင်းနှင့် လုပ်ကြံသတ် ဖြတ်ခြင်းများ ဆောင်ရွက်ရာတွင် အသုံးပြုခဲ့သည့် လက်နက်ခဲယမ်းများကိုဖမ်းဆီးရန်ကျန် တရားခံကိုမျိုး (ခ)ဆရာကျောင်း(ခ)ဦးလေးကြီးမှ ဖမ်းဆီးရန်ကျန် တရားခံသောကြာ(ခ)ကောင်းဆက်သွေး(ခ) အောင်မြတ် သူနှင့်ချိတ်ဆက်၍ ပို့ဆောင်ပေးခြင်းဖြစ်ပြီး ဆောင်ရွက်ပြီးပါက လူမှုကွန်ရက်တွင်တင်၍ ထောက်ပံ့ငွေတောင်းခံခြင်းများကို ဆောင်ရွက်ခဲ့ ကြောင်း သိရသည်။

#Yangon_Times/PP

#World_Health
Published 06 January 2025

▪️ အမေရိကန် ရောဂါထိန်းချုပ်ကာကွယ်ရေးစင်တာ (CDC)ရဲ့ အချက်အလက်များအရ ဒီဇင်ဘာ ပထမအပတ်အတွင်း နိုရိုဗိုင်းရပ်စ် ကူးစက်ပျံ့ပွားမှု ၉၁ ဦးရှိခဲ့ပါတယ်။

▪️ ယမန်နှစ် ထိုရက်သတ္တပတ်အတွင်းမှာတော့ ကူးစက်မှု ၆၅ ဦးသာရှိခဲ့တာ ဖြစ်ပါတယ်။

▪️ နိုရိုဗိုင်းရပ်စ် ကူးစက်တဲ့ လက္ခဏာတွေက အော့အန်ခြင်းနဲ့ ဝမ်းလျှောခြင်းတို့ ဖြစ်ပါတယ်။

▪️ ရောဂါပျံ့ပွားမှုတွေကို အပျော်စီးသင်္ဘောများ၊ လူပေါင်းစုံရှိတတ်တဲ့ ဘိုးဘွားရိပ်သာများ၊ အကျဉ်းထောင်များ၊ ကျောင်းများမှာ တွေ့ရပါတယ်။

▪️ အမေရိကန်မှာ အစားအသောက်ကနေ ရောဂါကူးစက်ရာမှာ နိုရိုဗိုင်းရပ်စ်က အဓိကဖြစ်နေပြီး နှစ်စဉ် ထိုကဲ့သို့ကူးစက်မှုမျိုးရဲ့ ၅၈ ရာခိုင်နှုန်းအထိ သက်ဆိုင်နေတယ်လို့ CDCက ဆိုပါတယ်။

▪️ ဒီဗိုင်းရပ်စ်မျိုးက အလွယ်တကူ ပျံ့နှံ့တတ်ပြီး ဗိုင်းရပ်စ်အမှုန် ၁၀ ခုလောက်ဖြင့် လူကိုနေမကောင်း ဖြစ်စေနိုင်တယ်လို့ ကျန်းမာရေးပညာရှင်များ ဆိုနေကြပါတယ်။

▪️ အမေရိကန်မှာ နိုရိုဗိုင်းရပ်စ် ကူးစက်သူ နှစ်စဉ် ၂၅၀၀ ခန့်ရှိပါတယ်။

▪️ အများအားဖြင့် နိုဝင်ဘာကနေ ဧပြီလအတွင်း အဖြစ်များပြီး ရောဂါလက္ခဏာတွေအနေနဲ့ အော့အန်ခြင်း၊ ဝမ်းလျှောခြင်း၊ မူးဝေခြင်း၊ အစာအိမ်အောင့်ခြင်း၊ ကိုက်ခဲခြင်း၊ ခေါင်းကိုက်ခြင်း၊ ဖျားနာခြင်းတို့ ဖြစ်နိုင်ပါတယ်။

▪️ ကူးစက်ပုံကတော့ အစားတူတူစားခြင်း၊ ဇွန်းခက်ရင်း တူတူမျှစားခြင်းတို့ဖြင့် အများစုကူးစက်တတ်ပါတယ်။

▪️ ဒါ့အပြင် အစားအစာ၊ ရေ၊ ရောဂါပိုးရှိနေတဲ့ မျက်နှာပြင်တို့ကနေလည်း ကူးစက်နိုင်ပါတယ်။

▪️ ဗိုင်းရပ်စ်နဲ့ထိတွေ့ပြီး ၁၂ နာရီမှ ၄၈ နာရီအတွင်း ရောဂါလက္ခဏာ စပြကာ အများစုကတော့ ၁ ရက်မှ ၃ ရက်အတွင်း သက်သာတတ်ပါတယ်။

▪️ အသက်အရွယ်မရွေး နိုရိုဗိုင်းရပ်စ် ကူးစက်တတ်ပြီး ကိုယ်ခံအားနည်းသူတွေမှာ ကူးစက်နိုင်ခြေ အများဆုံးဖြစ်ပါတယ်။

▪️ ဗိုင်းရပ်စ်ကူးစက်တဲ့အခါ ရေများများသောက်သင့်ပြီး ရေဓာတ်ခန်းခြောက်တဲ့ သူတွေအနေနဲ့ ဆေးကုသမှု ခံယူသင့်ပါတယ်။

▪️ နိုရိုဗိုင်းရပ်စ် ကာကွယ်ဖို့ အကောင်းဆုံးနည်းလမ်းက လက်ကို မကြာခဏ စင်ကြယ်စွာ ဆေးကြောဖို့ပဲဖြစ်ပါတယ်။

#Source: New York Post

#World_Health
Published 06 January 2025

▪️ ကင်ဆာဖြစ်နိုင်ခြေ လျှော့ချနိုင်ရန်အတွက် ရှောင်ရှားသင့်တဲ့ အစားအစာ ၂ မျိုးကို အာဟာရအစားအစာ ပညာရှင်တစ်ဦး ပြောသွားပါတယ်။

▪️ ကင်ဆာဖြစ်နိုင်ခြေများစေတဲ့ စားစရာတွေအများကြီး ရှိတယ်လို့ သူများတွေ ပြောနေပေမယ့် တကယ်တမ်းတော့ ၂ မျိုးသာရှိတယ်လို့ ကင်ဆာဗေဒအထူးပြု အစားအသောက် အာဟာရပညာရှင် နီကိုးလ်အန်ဒရူးက ပြောပါတယ်။

▪️ ထို ၂ မျိုးက ထုပ်ပိုးထုတ်လုပ်ထားတဲ့ အသားတွေနဲ့ အယ်လ်ကိုဟောတို့ဖြစ်တယ်လို့ ဆိုပါတယ်။

▪️ သကြားက ကယ်လိုရီများစေပြီး ကိုယ်အလေးချိန် တက်စေပေမယ့် ကင်ဆာကို တိုက်ရိုက်မဖြစ်စေဘူးလို့ နီကိုးလ်က သူ့ရဲ့အင်စတာဂရမ်မှာ ဖော်ပြထားပါတယ်။

▪️ အဆီတစ်ရှူးတွေ အလွန်များလာတဲ့အခါမှာသာ ရောင်ရမ်းဟော်မုန်းတွေ ထွက်စေပြီး အကျိတ်ကြီးထွားမှုကို အားပေးတယ်လို့ ရှင်းပြပါတယ်။

▪️ အယ်လ်ကိုဟောက အဖွဲ့ ၁ ကင်ဆာဖြစ်စေတဲ့ ပစ္စည်းမျိုးဖြစ်ပြီး ရင်သားနဲ့ အသည်းကင်ဆာတို့ ဆက်စပ်နေပြီး ထုပ်ပိုးထုတ်လုပ် အသားတွေကတော့ အူမကြီးကင်ဆာ ဖြစ်နိုင်ခြေများစေပါတယ်။

▪️ သကြားက သူကိုယ်တိုင်တော့ ကင်ဆာမဖြစ်စေပေမယ့် အဆီတစ်ရှူးများလွန်းရင်တော့ ကင်ဆာအမျိုးအစား ၁၃ မျိုးဖြစ်နိုင်ခြေ များတာနဲ့တော့ ဆက်စပ်နေပါတယ်။

▪️ ထုပ်ပိုးထုတ်လုပ်အသားတွေက ကင်ဆာဖြစ်နိုင်တာ သေချာပြီး အခြားအရာတွေက ဆေးလိပ်နဲ့ အယ်လ်ကိုဟောတို့ ဖြစ်တယ်လို့ ယူကေကင်ဆာသုတေသနကလည်း အတည်ပြုလိုက်ပါတယ်။

▪️ သကြားမပါ အစားအစာတွေက ကင်ဆာဖြစ်နိုင်ခြေ လျော့နည်းစေတယ်ဆိုတဲ့ အထောက်အထားမျိုး မတွေ့ရဘူးလို့ ဆိုပါတယ်။

▪️ ထုတ်လုပ်ထားတဲ့ အသားလို့ဆိုရာမှာ ကြာရှည်ခံအောင် အနံ့အရသာကောင်းမွန်အောင် ဓာတုဆေးများ ထည့်သွင်းထားတဲ့ အသားများ၊ ကြပ်တိုက်ခြင်း ဆားဖြူးခြင်းတို့ စီမံထားတဲ့ အသားများ ပါဝင်ပါတယ်။

▪️ ဒီလိုအသားတွေမှာ နိုက်ထရိတ်တွေနဲ့ နိုက်ထရိုက်တွေ ပါဝင်ပြီး စားမိတဲ့အခါ N-နိုက်ထရိုဆိုဖြစ်သွားပြီး အူနံရံတွေက ဆဲလ်တွေကို ထိခိုက်စေကာ အူမကြီးကင်ဆာ ဖြစ်စေနိုင်ပါတယ်။

#Source: Express

၅ ဇန်နဝါရီ ၊၂၀၂၅

အမေရိကန်ရဲ့ ရွေးကောက်ခံသမ္မတ ဒေါ်နယ်ထရမ့်က သူ သမ္မတအဖြစ် ကျမ်းကျိန်မယ့် ဇန်နဝါရီ ၂၀ ရက်နေ့မှာ အမေရိကန်အလံ တိုင်တစ်ဝက်ဆက်လက်လွှင့်ထူထားမယ့်ကိစ္စကို ပြီးခဲ့တဲ့သောကြာနေ့က အပြစ်တင်လိုက်ပါတယ်။

ဒီဇင်ဘာ ၂၉ရက်က ကွယ်လွန်ခဲ့တဲ့ အမေရိကန်သမ္မတဟောင်း ဂျင်မီကာတာအတွက် ဝမ်းနည်းခြင်း  အထိမ်းအမှတ်အဖြစ် အမေရိကန်အလံကို ရက်ပေါင်း ၃၀ တိတိ တိုင်တစ်ဝက်လွှင့်ထူဖို့ သမ္မတဘိုင်ဒင်က အမိန့်ထုတ်ပြန်ခဲ့တာ ဖြစ်ပါတယ်။

ဇန်နဝါရီ ၉ရက်နေ့မှာ ဝါရှင်တန်မှာပြုလုပ်မယ့် ကာတာအတွက်အောက်မေ့ဖွယ်အခမ်းအနားသို့ တက်ရောက်မယ်လို့ ကြေညာထားတဲ့ ထရမ့်က သမ္မတအသစ်အဖြစ် သူကျမ်းသစ္စာကျိန်ဆိုနေစဉ်အတွင်း အမေရိကန်အလံ တိုင်တစ်ဝက်လွှင့်ထူထားရှိနေမယ့် အပေါ် သူ့ရဲ့ ထရု ဆိုရှယ်မီဒီယာပေါ်ကနေ သောကြာနေ့က ပို့စ်တစ်ခုရေးတင်ခဲ့ပါတယ်။

“ ဒီမိုကရက်တွေဟာ ကျွန်တော်တို့ရဲ့ အံ့ချီးဖွယ်အမေရိကန်အလံကို ကျွန်တော်ကျမ်းကျိန်နေစဉ်အတွင်း တိုင်တစ်ဝက် ဆက်လွှင့်ထားနိုင်ဖို့အရေး အတော်စိတ်လှုပ်ရှားနေကြတယ်” လို့ ထရမ့်ကရေးခဲ့ပါတယ်။

“ သူတို့က အဲဒါကို သိပ်ကောင်းတယ်ပေါ၊ ပြီးတော့ ဒါကို သိပ်ပျော်နေကြတာ။ သူတို့ ကျွန်တော်တို့ နိုင်ငံကို မချစ်ဘူး။ ကိုယ့်ကိုကိုယ်ပဲချစ်ကြတာ” လို့ထရမ့်ကပြောပါတယ်။

ပြီးခဲ့တဲ့အပတ်က ကာတာသေဆုံးခဲ့ရတဲ့အတွက် အမေရိကန်အလံဟာ အနာဂတ်သမ္မတရဲ့ ကျမ်းကျိန်ပွဲ မှာ ပထမဆုံးအဖြစ် တိုင်တစ်ဝက်လွှင့်ထူလိမ့်မယ်” လို့ ထရမ့်ကပြောပါတယ်။

ဘယ်သူမှ ဒါကိုမမြင်ချင်ဘူး။ အမေရိကန်တွေက အဲဒီအတွက် ပျော်ရွှင်မှာမဟုတ်ဘူး။ ဘာဖြစ်မလဲ ကြည့် ကြတာပေါ့ လို့ထရမ့်ကဆိုပါတယ်။

အိမ်ဖြူတော်ပြောရေးဆိုခွင့်ရ ကာရင်း ယွန်းပီယဲက သူတို့အနေနှင့် ဆုံးဖြတ်ချက်ကိုပြန်ပြင်ဖို့ အစီအစဉ်မရှိဘူးလို့ ပြောပါတယ်။

Source Reuters

#World_Science
Published 05 January 2025

▪️ လူတွေရဲ့ ပျမ်းမျှကိုယ်အပူချိန်ဟာ ကျဆင်းလာတယ်လို့ စတန်းဖို့ဒ်တက္ကသိုလ်မှ လေ့လာသုံးသပ်ခဲ့ကာ ၁၉ ရာစုနှစ်လောက်တည်းက စံထားလာတဲ့ ကိုယ်အပူချိန်ကို စိန်ခေါ်လာပါတယ်။

▪️ ကူးစက်ရောဂါ ပညာရှင် ဒေါက်တာ ဂျူလီပါဆွန်နက်ဦးဆောင်တဲ့အဖွဲ့က ရာစုနှစ် ၂ ခုနီးပါးလောက်မှ အချက်အလက်တွေကို ဆန်းစစ်ပြီး ပျမ်းမျှကိုယ်အပူချိန်က ၃၆.၆ ဒီဂရီဆဲလ်စီးယပ်စ် ရှိတယ်ဆိုတာဟာ မမှန်ကန်ဘူးလို့ ဆိုလိုက်ပါတယ်။

▪️ စက်သင်ယူ အယ်လ်ဂိုရစ်သမ်ကို အသုံးပြုပြီး ၂၀၀၈ မှ ၂၀၁၇ အတွင်း အရွယ်ရောက်ပြီး လူနာတွေရဲ့ ပါးစပ်တိုင်းအပူချိန် ၆၁၈၃၀၆ ခုကို သုတေသနလုပ်ခဲ့ကြပါတယ်။

▪️ ဆရာဝန်တွေအပါအဝင် လူအများစုက သာမန်ကိုယ်အပူချိန်ကို ၃၆.၆ ဒီဂရီလို့ ထင်မှတ်ထားပေမယ့် လူတစ်ဦးချင်းစီနဲ့ အခြေအနေပေါ် မူတည်ပြီး ၃၆.၆ ဒီဂရီ မရှိသလောက်ဖြစ်တယ်လို့ ပါဆွန်နက်က ပြောပါတယ်။

▪️ ၁၉ ရာစုနှစ်နောက်ပိုင်း ဆယ်စုနှစ်တစ်ခုကြာတိုင်းမှာ အမေရိကန်မှ လူတွေရဲ့ ပျမ်းမျှကိုယ်အပူချိန်က ၀.၀၅ ဒီဂရီဆဲလ်စီးယပ်စ်ကျဆင်းနေကာ ဒါဟာ နေထိုင်မှုအဆင့်အတန်းနဲ့ ကျန်းမာရေး တိုးတက်လာတဲ့ သဘောဖြစ်နေပါတယ်။

▪️ ကိုယ်အပူချိန် ပြောင်းလဲလာခြင်းက ရောဂါစဖြစ်တယ်လို့ သတ်မှတ်ရမယ့် အတိုင်းအတာနဲ့ ကွဲပြားလာနိုင်ပါတယ်။

▪️ ကိုယ်အပူချိန်က တစ်နေ့တာအတွင်း တစ်ဒီဂရီရဲ့ ဆယ်စိတ်တစ်စိတ်မျှ အပြောင်းအလဲရှိနိုင်ပြီး အသက်အရွယ်၊ ကိုယ်အလေးချိန်၊ ကျား/မ၊ နေ့အချိန်တို့အပေါ် မူတည်နေပါတယ်။

▪️ ကြွက်သားဆုံးရှုံးလာပြီး ဇီဝကမ္မဖြစ်စဉ် ပြောင်းလဲလာတဲ့ လူကြီးတွေမှာ ကိုယ်အပူချိန် အနည်းငယ် ကျဆင်းနိုင်ပါတယ်။

▪️ အမျိုးသမီးတွေဆိုရင် ဓမ္မတာကာလရောက်ချိန် ဟော်မုန်းအပြောင်းအလဲများကြောင့် အမျိုးသားတွေထက် ကိုယ်အပူချိန် များတတ်ပါတယ်။

▪️ ပျမ်းမျှကိုယ်အပူချိန်ရဲ့ အပြင်ဘက်မှာ ကြာရှည်ရောက်နေတာကတော့ ရောဂါပြဿနာဖြစ်နိုင်တဲ့ လက္ခဏာတွေဖြစ်ပါတယ်။

#Source: The Jerusalem Post

#World_Health
Published 05 January 2025

▪️ မီးဖိုချောင်သုံးပစ္စည်းတွေထဲက အသုံးများတဲ့ ဟင်းခတ်အမွှေးကြိုင်တစ်မျိုးဖြစ်တဲ့ ငရုတ်ကောင်းဟာ ကျန်းမာရေးအကျိုးကျေးဇူးများစွာ ရှိနေပါတယ်။

▪️ ဓာတ်တိုးဆန့်ကျင်ပစ္စည်းများနဲ့ မရှိမဖြစ် အာဟာရဓာတ်များ ပါဝင်သလို ရိုးရာဆေးတွေမှာလည်း အသုံးပြုကြပြီး အထူးသဖြင့် နှလုံးကျန်းမာရေးနဲ့ ကိုယ်ခံအားစနစ်တို့ကို အကျိုးပြုပါတယ်။

ငရုတ်ကောင်းက နှလုံးကျန်းမာရေးကို ဘယ်လိုတိုးတက်စေလဲဆိုတော့..

▪️ (၁) သူ့မှာပါတဲ့ ပိုက်ပရင်ဓာတ်က မကောင်းတဲ့ LDLကိုလက်စ်ထရောလ်ကို လျှော့ချပေးကာ နှလုံးသွေးကြော စီးဆင်းမှုကို ကောင်းမွန်စေပါတယ်။

▪️ (၂) ဓာတ်တိုးဆန့်ကျင်ပစ္စည်းများက သွေးကြောလုပ်ဆောင်ချက်များကို တိုးတက်စေကာ နှလုံးအပေါ် ဖိအားပြေလျော့စေပါတယ်။

▪️ (၃) နှလုံးရောဂါဖြစ်စေတဲ့ ဓာတ်တိုးဖိစီးမှုများကို တိုက်ဖျက်ပေးပြီး နှလုံးဆက်စပ်ပြဿနာများ ဖြစ်နိုင်ခြေ လျော့နည်းစေပါတယ်။

▪️ (၄) ကိုယ်အလေးချိန် ထိန်းသိမ်းဖို့ ကူညီပေးသဖြင့် ဇီဝကမ္မဖြစ်စဉ် အားကောင်းစေပြီး အဆီများကို ဖြိုခွဲပေးပါတယ်။

ငရုတ်ကောင်းက ကိုယ်ခံအားစနစ်ကို ဘယ်လိုမြှင့်တင်ပေးလဲဆိုတော့..

▪️ (၁) ပိုက်ပရင်ဓာတ်က ရောဂါပိုးမွှားများကို ရှင်းလင်းပေးနိုင်တာကြောင့် ရောဂါကူးစက်မှုများကို တိုက်ဖျက်ပေးပါတယ်။

▪️ (၂) ဗိုက်တာမင်-စီက ကိုယ်ခံအားဆဲလ် လုပ်ဆောင်ချက်ကို မြှင့်တင်ပေးပြီး ဇင့်က ကိုယ်ခံအားအတွက် အရေးကြီးတဲ့ကဏ္ဍက ပါဝင်နေပါတယ်။

▪️ (၃) ချွဲသလိပ်ပိတ်ဆို့ခြင်းကို ရှင်းလင်းစေပြီး အသက်ရှူလမ်းကြောင်းစနစ်ကို ကောင်းမွန်စေပါတယ်။

▪️ (၄) ရောင်ရမ်းဆန့်ကျင်အာနိသင်က ရောဂါကူးစက်မှုများနဲ့ ရောဂါဘယများမှ ခံနိုင်ရည် ရှိစေပြီး နာတာရှည်ရောဂါများမှ ကင်းဝေးစေပါတယ်။

#Source: DoctorNDTV

ရာသီဥတုဖောက်ပြန်မှုနှင့် မိုးခေါင်ရေရှားမှုတို့ကြောင့် ဗီယက်နမ်နှင့်ဟွန်ဒူးရပ်စ်တို့၌ ကော်ဖီအထွက်နှုန်းကျဆင်း

ကမ္ဘာပေါ်မှာ ကော်ဖီအဓိကစိုက်ပျိုးရာ နိုင်ငံတွေထဲက ဗီယက်နမ်နဲ့ ဟွန်ဒူးရပ်စ်တို နှစ်နိုင်ငံမှာ အပူချိန်မြင့်မားခြင်း၊ မိုးခေါင်ရေရှားခြင်း၊ ရာသီဥတုဖောက်ပြန်မှုကြောင့် ပုံမှန်မဟုတ်တဲ့ အခြေအနေများဖြင့် ဆိုးဆိုးရွားရွားခံစားနေရပါတယ်။
#World_Agriculture
Published 4 January 2025
#ဗီယက်နမ်နှင့်ဟွန်ဒူးရပ်စ် #ကော်ဖီအထွက်နှုန်းကျဆင်း
#YMG #Yangon_Times #Yangon_Media_Group

#Daily_News
Published 4 January 2025

၁။ ဒီဇင်ဘာအတွင်း ငွေတောင်ကမ်းခြေသို့ ခရီးသွားလေးသောင်းကျော်လာရောက်လည်ပတ်

၂။ ကိုးလတာအတွင်း မြေဩဇာတန်ချိန် ၁၄ သိန်းကျော်နှင့် ပိုးသတ်ဆေးတန်ချိန် နှစ်သောင်းကျော်တင်သွင်းခဲ့

၃။ ပြည်ထောင်စုအဆင့် MSME ထုတ်ကုန်ပြပွဲနှင့် ပြိုင်ပွဲကို ငါးရက်ကြာ ကျင်းပမည်

၄။ ရာသီဥတုဖောက်ပြန်မှုနှင့် မိုးခေါင်ရေရှားမှုတို့ကြောင့် ဗီယက်နမ်နှင့်ဟွန်ဒူးရပ်စ်တို့၌ကော်ဖီအထွက်နှုန်းကျဆင်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၄ ဇန်နဝါရီ ၂၀၂၅

ယနေ့လွတ်မြောက်လာသည့် အကျဉ်းသားများထဲတွင် ကချင်ပြည်နယ်ဝန်ကြီးချုပ်ဟောင်း ဒေါက်တာ ခက်အောင်ပါဝင်တယ်လို့သိရပါတယ်။ထို့အပြင် ပုဒ်မ ၅၀၅ဖြင့်အကျဉ်းချခံရသူများထဲမှ  လူ ၆၀၀ ခန့်လည်းလွတ်မြောက်လာမယ်လို့ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်   ဇော်မင်းထွန်းကပြောပါတယ်။

#knl/ymg

မော်တော်ဆိုင်ကယ်များနှင့် သုံးဘီးမော်တော်ဆိုင်ကယ်များအတွက် ရောင်းချပေးမည့် စွမ်းအင်ဝန်ကြီးဌာနပိုင်ဓာတ်ဆီဆိုင် (၃)ဆိုင်ကို ယနေ့ဇန်နဝါရီ (၄)ရက်နေ့တွင် နေပြည်တော်နှင့် မန္တလေးမြို့များတွင် ဖွင့်လှစ်ပေးခဲ့ပါတယ်။
#Local_News
Published 4 January 2025
#ပြည်တွင်းထုတ်ဓာတ်ဆီ #စွမ်းအင်ဝန်ကြီးဌာနပိုင်
#YMG #Yangon_Times #Yangon_Media_Group