ဂျာမနီဟာ အမေရိကန်နဲ့ ကုန်ပစ္စည်းကုန်သွယ်မှု သိသိသာသာကျဆင်းသွားပေမယ့် ဟမ်းဘတ်ဆိပ်ကမ်းမှာတော့ ပထမနှစ်ဝက်အတွင်း ကွန်တိန်နာအရေအတွက် စံချိန်တင်တိုးတက်များလာကြောင်း ဟာဖန်ဟမ်းဘတ်မားကတ်တင်းက တနင်္လာနေ့မှာ ထုတ်ပြန်လိုက်ပါတယ်။

#World_Business
Published 21 August 2025
#ဂျာမနီ_အမေရိကန် #ဟမ်းဘတ်ဆိပ်ကမ်း
#YMG #Yangon_Times #Yangon_Media_Group

#Daily_News
Published 21 August 2025

၁။‌‎ ‎ငလျင်ကြောင့် ထိခိုက်ခံစားခဲ့ရသူများအတွက် တစ်အိမ်ထောင်လျှင် ကျပ်ငွေလေးသိန်းပေးအပ်
‎
‌‎၂။ ‌‌‌‌‎‎ကန်ထရိုက်လယ်ယာကို ဆန်Export Zone အဖြစ် သတ်မှတ်ရန်ဆောင်ရွက်နေ
‎
၃။‌‎ ‎ရေထွက်ကုန် ငါးတန်ချိန် ရှစ်သောင်းကျော်တင်ပို့ထား

‎၄။ ‎ ‎အမေရိကန်နှင့်ကုန်သွယ်ရေးကျဆင်းသော်လည်း ဟမ်းဘတ်ဆိပ်ကမ်း၌ကွန်တိန်နာများစံချိန်တင်ရောက်ရှိ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပြင်းအားမြင့် ငလျင်ဒဏ်ခံခဲ့ရတဲ့ အင်းလေးကန်ဒေသရှိ ပြည်သူတွေကို ပံ့ပိုးဖို့ အသက်မွေးဝမ်းကျောင်း ပြန်လည်ထူထောင်ရေး အစီအစဥ်သစ်တစ်ရပ်ကို အပြည်ပြည်ဆိုင်ရာအလုပ်သမားရေးရာအဖွဲ့ (ILO) က မိတ်ဆက်ခဲ့ပါတယ်။

‎‎#Local_News
Published 21 August 2025
#အင်းလေး #ငလျင်
#YMG/SW #Yangon_Times

အခုဘဏ္ဍာနှစ်လေးလတာအတွင်း အမေရိကန်ဒေါ်လာ ၉၆ သန်းကျော်တန်ဖိုးရှိတဲ့ ရေထွက်ကုန် ငါးတန်ချိန် ရှစ်သောင်းကျော်တင်ပို့ထားတယ်လို့ ငါးလုပ်ငန်းဦးစီးဌာန ကသိရပါတယ်။

‎
‎‎#Local_News
Published 21 August 2025
#ရေထွက်ကုန်ငါးတန်ချိန် #ငါးလုပ်ငန်းဦးစီးဌာန
#YMG/NN #Yangon_Times

ဆန်အိပ်စပို့ ကုမ္ပဏီတွေအနေနဲ့ တောင်သူလယ်သမားတွေနဲ့ ပူးပေါင်းပြီး ကန်ထရိုက်လယ်ယာကို Export Zone အဖြစ်သတ်မှတ်ဆောင်ရွက်ပေးဖို့ ဆွေးနွေးခဲ့ကြတယ်လို့ မြန်မာနိုင်ငံဆန်စပါးအသင်းချုပ်ကသိရပါတယ်။

‎
‎#Local_News
Published 21 August 2025
#မြန်မာနိုင်ငံဆန်စပါးအသင်းချုပ် #ဆန်အိပ်စပို့ကုမ္ပဏီ
#YMG/NN #Yangon_Times

ပြည်ထောင်စုနယ်မြေ နေပြည်တော်တပ်ကုန်းမြို့နယ်အတွင်းက ကျေးရွာများတွေမှာ ပြင်းထန်ငလျင်ကြောင့် ထိခိုက်ခံစားခဲ့ရတဲ့ ငလျင်ဘေးသင့် အိမ်ထောင်စုများအား ပြန်လည်ထူထောင်ရေးအတွက် ငွေသားထောက်ပံ့ခြင်းအစီအစဉ်ကို ယမန်နေ့က ပြုလုပ်ခဲ့ပြီးအိမ်ထောင်စု (၁) စုလျှင် ထောက်ပံ့ငွေ ကျပ် လေးသိန်းနှုန်း ထောက်ပံ့ပေးအပ်ခဲ့တယ်လို မြန်မာနိုင်ငံကြက်‌ခြေနီအသင်းမှသိရပါတယ်။

‎
‎#Local_News
Published 21 August 2025
#ငလျင် #နေပြည်တော်တပ်ကုန်းမြို့နယ်
#YMG/SW #Yangon_Times

#Local_News
Published 21 August 2025

▪️ ယာယီရပ်နားထားခဲ့ရသည့်နောင်ချိုမြို့မှ DVB T2 စနစ်ဖြင့် ထပ်ဆင့်ထုတ်လွှင့်ပေးသော မြန်မာ့အသံနှင့်ရုပ်မြင်သံကြား (MRTV) အစီအစဉ်များကိုဩဂုတ် ၂၀ ရက် နံနက်ပိုင်းမှစ၍ ပြန်လည်ထုတ်လွှင့်နိုင်ပြီဖြစ်‌ကြောင်းသိရသည်။

▪️ မြန်မာ့အသံနှင့် ရုပ်မြင်သံကြား၏ နောင်ချိုထပ်ဆင့်လွှင့် စက်ရုံမှ DVB T2 စနစ်ဖြင့် ပြန်လည်ထုတ်လွှင့်နိုင်ရန်အတွက် နေပြည်တော် မြန်မာ့အသံနှင့်ရုပ်မြင်သံကြား၊ စက်မှုဌာနခွဲမှ ကျွမ်းကျင်အင်ဂျင်နီယာအဖွဲ့သည် ဩဂုတ် (၁၇)ရက် ညနေပိုင်းမှစ၍ ထိခိုက်ပျက်စီးခဲ့သည့် ထုတ်လွှင့်ရေးတာဝါတိုင်၊ ထုတ်လွှင့်ရေးအင်တီနာနှင့် High Frequency Feeder Cable တို့အား နေ့ညကြိုးပမ်းပြုပြင်ခြင်း၊ ပျောက်ဆုံးခဲ့သည့် လွှင့်စက်နှင့် ဆက်စပ်ပစ္စည်းများအား အစားထိုးတပ်ဆင်ခြင်းများဖြင့် ဦးစားပေးစီစဉ်ဆောင်ရွက်ခဲ့ခြင်းဖြစ်ကြောင်း၊ထို့အပြင် မြန်မာ့အသံရေဒီယိုနှင့် FM အစီအစဉ်များ ပြန်လည်ထုတ်လွှင့်နိုင်ရေးအတွက်လည်း ဆက်လက်ပြုပြင်လျက်ရှိပြီး စက်ရုံအဆောက်အအုံနှင့် အုတ်တံတိုင်းပျက်စီးမှုများကိုလည်း ဆက်လက်ပြုပြင်ဆောင်ရွက်လျက်ရှိကြောင်း၊ မြန်မာ့အသံနှင့် ရုပ်မြင်သံကြားမှ ထုတ်လွှင့်သော အစီအစဉ်များကို DTH စနစ်ဖြင့်လည်း နိုင်ငံတစ်ဝန်းသို့ တိုက်ရိုက်ထုတ်လွှင့်ပေးလျက်ရှိကြောင်း သိရသည်။

▪️ ရှမ်းပြည်နယ် (မြောက်ပိုင်း) နောင်ချိုမြို့တွင် အကြမ်းဖက်သောင်းကျန်းသူများ၏ လုပ်ရပ်များကြောင့် နောင်ချိုမြို့မှ DVB T2 စနစ်ဖြင့် ထပ်ဆင့်ထုတ်လွှင့်ပေးသော မြန်မာ့အသံနှင့်ရုပ်မြင်သံကြား (MRTV) အစီအစဉ်များမှာ ၂၀၂၄ ခုနှစ် ဇွန် (၃၀) ရက်နေ့မှ စတင်ပြီး ယာယီရပ်နားထားခဲ့ရခြင်းဖြစ်သည်။

#YMG/SW #Yangon_Times

#Local_News
Published 21 August 2025

ယမန်နေ့ည ၁၀နာရီအချိန်ခန့်က သာကေတ၊ ရှုခင်းသာလမ်းမပေါ်တွင်ကွန်တိန်နာကားနှင့် အိမ်စီးကားမျက်နှာချင်းဆိုင်တိုက်မှုဖြစ်ပွားခဲ့ကြောင်း သိရသည်။

ဩဂုတ်လ(၂၀)ရက် ည ၉နာရီ ၄၅မိနစ် အချိန်ခန့် က ရန်ကုန်တိုင်း‌ဒေသကြီး၊သာကေတမြို့နယ်၊ ရှုခင်းသာလမ်း၊ Emerald Bays ရှေ့တွင် တစ်ဘက်ယာဥ်ကြောမှ လမ်းအလယ်တုန်းအား ကျော်ထွက်လာသော ကွန်တိန်နာ ကားကြီး နှင့် မျက်နှာချင်းဆိုင်မှလာသော Toyota Caldina အမျိုးအစား ယာဥ်ငယ်တို့ တိုက်မိမှု ဖြစ်ပွားခဲ့ခြင်းဖြစ်‌ကြောင်းသိရသည်။

အဆိုပါယာဥ်တိုက်မှုဖြစ်စဥ်သို့ YANGON RESCUE ORGANIZATION ရန်ကုန်တိုင်း ပြန်ကြားရေး -၂ နှင့် ရန်ကုန်တိုင်း တွဲဘက်ပြန်ကြားရေး
(သင်္ဃန်းကျွန်းခရိုင်)တို့ ကူညီရန် ရောက်ရှိခဲ့ကြပြီးမိတ်ဖက်အသင်းများလည်း ကူညီရန်ရောက်ရှိကြကြောင်း၊ဖြစ်စဥ်မှ ထိခိုက်ဒဏ်ရာရသူ Caldina ယာဥ်မောင်းအား မြေပြင်ပြုစုမှုပြုပေးပြီး "အောင်ရဲသူ" ကူညီကယ်ဆယ်ရေးအသင်း၏ လူနာတင်ယာဥ်ဖြင့် ရန်ကုန်ဆေးရုံကြီး အရေးပေါ်သို့ ပို့ဆောင်‌ပေးခဲ့‌ကြောင်းသိရသည်။

#YMG/SW #Yangon_Times

#World_News
Published 21 August 2025

▪️ ဥရောပနိုင်ငံများအနေနဲ့ ယူကရိန်းလုံခြုံရေး အာမခံချက်များအတွက် ကုန်ကျစရိတ်အများစုကို ကျခံသွားရမယ်လို့ အမေရိကန်ဒုသမ္မတ ဂျေဒီဗန့်စ်က ဗုဒ္ဓဟူးနေ့မှာ ပြောသွားပါတယ်။

▪️ သမ္မတဒေါ်နယ်ထရမ့်ကတော့ ယူကရိန်းစစ်ပွဲအဆုံးသတ်ရေးအတွက် ငြိမ်းချမ်းရေးသဘောတူညီချက် ရယူလိုနေပါတယ်။

▪️ ယူကရိန်းအတွက် အဓိကအရေးကြီးတာက ရုရှားကျူးကျော်မှုများထံမှ လုံခြုံရေးအာမခံချက် ရရှိဖို့ဖြစ်ပါတယ်။

▪️ အမေရိကန်က မြေပြင်မှာ တပ်ကူများချပေးမှာ မဟုတ်ပေမယ့် လေကြောင်းကူညီမှုများ ပေးသွားမယ်လို့ ထရမ့်ကပြောပါတယ်။

▪️ အမေရိကန်က ယူကရိန်းကာကွယ်ရေးအတွက် ငွေကြေးတွေ ဆက်လက်ထောက်ပံ့သွားမှာ မဟုတ်ဘူးလို့ အိမ်ဖြူတော်က ဆိုပါတယ်။

▪️ ထရမ့်က ကုန်ကျစရိတ်တွေအတွက် ဥရောပနိုင်ငံတွေကို ပိုပြီးတာဝန်ယူစေချင်နေပါတယ်။

▪️ ဒီဝန်ထုပ်ဝန်ပိုးကို ဥရောပအနေနဲ့ အဓီကထမ်းရွက်သွားဖို့ ဗန့်စ်က မျှော်လင့်ကြောင်း Fox News ကို ပြောသွားပါတယ်။

▪️ ဘယ်လိုပဲဖြစ်ဖြစ် ဥရောပအနေနဲ့ ကုန်ကျစရိတ်အများစု ခံယူသင့်တယ်လို့ ပြောပါတယ်။

▪️ သူတို့ရဲ့ အခြေအနေ၊ လုံခြုံရေးကိစ္စနဲ့ ပတ်သက်လို့ အခုကစပြီး ဒီထက်တာဝန်ယူသွားရမယ်လို့ ပြောသွားပါတယ်။

Source: Reuters

#Local_News
Published 21 August 2025

▪️ လာမည့်ရွေးကောက်ပွဲ၌ မသန်စွမ်းသူများကိုယ်တိုင် ဆန္ဒမဲပေးနိုင်ရေး ဆောင်ရွက်ပေးထားကြောင်းသိရသည်။

▪️ အဆိုပါ မသန်စွမ်းသူများကိုယ်တိုင် ဆန္ဒမဲပေးနိုင်ရေးအသိပညာပေးခြင်းနှင့် မြန်မာအီလက်ထရောနစ်မဲပေးစက် လက်တွေ့စမ်းသပ်အသုံးပြုခြင်းအစီအစဉ်ကို ယမာန်နေ့မနက် က လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန စုပေါင်းအစည်းအဝေးခန်းမ၌ ကျင်းပရာပြည်ထောင်စုဝန်ကြီးက ပြည်ထောင်စုရွေးကောက်ပွဲကော်မရှင်အနေဖြင့် မသန်စွမ်းသူများ၊ အထူးသဖြင့် အမြင်အာရုံမသန်စွမ်းသူများ လျှို့ဝှက်ဆန္ဒမဲပေးနိုင်ရေးအတွက် မျက်မမြင်လက်စမ်းစာ (Braille) ကို အခြေခံသည့် မြန်မာအီလက်ထရောနစ်မဲပေးစက်ကို တီထွင်ပြုလုပ်ပေးမှုသည် အားလုံးပါဝင်ဆောင်ရွက်နိုင်သည့် ရွေးကောက်ပွဲဖြစ်စေရန် ကြိုးစားပေးရာရောက်ပါကြောင်း၊ မျက်မမြင်လက်စမ်းစာ (Braille) မတတ်ကျွမ်းသည့် အမြင်အာရုံမသန်စွမ်းသူများအပါအဝင် ကိုယ်အင်္ဂါမသန်စွမ်းသူ၊ အကြားအာရုံမသန်စွမ်းသူများအနေဖြင့် ကိုယ်တိုင် သို့မဟုတ် လိုအပ်ပါက မသန်စွမ်းသူကိုယ်တိုင်ရွေးချယ်သည့် အကူလူပုဂ္ဂိုလ်ဖြင့် ဆန္ဒမဲပေးနိုင်ရေး ဆောင်ရွက်ထားရှိကြောင်း၊ မကြာမီကျင်းပမည့် ပါတီစုံဒီမိုကရေစီအထွေထွေရွေးကောက်ပွဲတွင် မဲဆန္ဒပေးပိုင်ခွင့်ရှိသည့် မသန်စွမ်းသူအားလုံး တက်တက်ကြွကြွပါဝင်ဆန္ဒမဲပေးရန်နှင့် မြန်မာနိုင်ငံမသန်စွမ်းသူများ အသင်းချုပ်အပါအဝင် ယနေ့တက်ရောက်လာသော မသန်စွမ်းကိုယ်စားလှယ်များ၊ တာဝန်ရှိသူများက ပံ့ပိုးပူးပေါင်းဆောင်ရွက်ပေးရန် ပြောကြားသည်။

▪️ ထို့နောက် ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်လွင်ဦးက ပါတီစုံဒီမိုကရေစီအထွေထွေရွေးကောက်ပွဲတွင် မြန်မာအီလက်ထရောနစ် မဲပေးစက်အသုံးပြုရခြင်းနှင့် စပ်လျဉ်း၍ ရှင်းလင်းပြောကြားခဲ့ပြီး တာဝန်ရှိသူတစ်ဦးက မြန်မာအီလက်ထရောနစ် မဲပေးစက်နှင့် စပ်လျဉ်း၍ ရှင်းလင်းတင်ပြခဲ့ပြီး ဆက်လက်၍ မသန်စွမ်းသူများက မြန်မာအီလက်ထရောနစ်မဲပေးစက်ဖြင့် လက်တွေ့စမ်းသပ်မဲပေးခြင်းအစီအစဉ်များ ဆောင်ရွက်ပြီး မြန်မာအီလက်ထရောနစ်မဲပေးစက်ဖြင့် မဲပေးခြင်းအားဖြင့် မသန်စွမ်းသူများကိုယ်တိုင် အခြားသူတစ်ဦးဦး၏ အကူအညီမပါဘဲ လျှို့ဝှက်ဆန္ဒမဲပေးနိုင်မည်ဖြစ်ကြောင်း သိရသည်။

▪️ အဆိုပါ အခမ်းအနားသို့လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်း၊ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်လွင်ဦး၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာသန်းစိုး၊ နေပြည်တော်ကောင်စီ၊ ကောင်စီဝင် ဦးမြင့်စိုးနှင့် တာဝန်ရှိသူများ၊ မသန်စွမ်းသူကိုယ်စားလှယ်များ တက်ရောက်ကြ ကြောင်းသိရသည်။

#YMG/NN #Yangon_Times

#Local_News
Published 21 August 2025

▪️ လာမည့် ဒီဇင်ဘာလ (၂၈) ရက်နေ့တွင် ကျင်းပမည့် ပါတီစုံဒီမိုကရေစီအထွေထွေရွေးကောက်ပွဲ အပိုင်း ( ၁ ) တွင်
မြို့နယ် (၁၀၂) မြို့နယ်ပါဝင်မည်ဖြစ်ကြောင်းပြည်ထောင်စုရွေးကောက်ပွဲကော်မရှင်(UEC) ထုတ်ပြန်ချက်အရ သိရသည်။

▪️ ထိုတိုင်းဒေသကြီး/ပြည်နယ်အသီးသီးရှိ မြို့နယ် ( ၁၀၂ ) မြို့နယ်၏ အမည်စာရင်းများကို ပြည်ထောင်စုရွေးကောက်ပွဲကော်မရှင်(UEC) က သြဂုတ်လ (၂၀) ရက်ညပိုင်းတွင် ထုတ်ပြန်ကြေညာခဲ့ခြင်းဖြစ်သည်။

▪️ တိုင်းဒေသကြီးနှင့် ပြည်နယ်အသီးသီးတွင် ပါဝင်သော မြို့နယ်အမည်စာရင်းများကို UEC၏ ထုတ်ပြန်ချက်တွင် အသေးစိတ်ကြည့်ရှုနိုင်ပြီးထို ထုတ်ပြန်ချက်အရ ချင်းပြည်နယ်နှင့် ကယားပြည်နယ်တို့တွင် ၂ မြို့နယ်စီ၊ ကရင်ပြည်နယ်နှင့် ရခိုင်ပြည်နယ်တွင် ၃ မြို့နယ်စီ၊ တနင်္သာရီတိုင်းတွင် ၄ မြို့နယ်၊ မွန်ပြည်နယ်တွင် ၅ မြို့နယ်၊ ကချင်ပြည်နယ်တွင် ၆ မြို့နယ်၊ ပဲခူးတိုင်း၊ မန္တလေးတိုင်း၊ ဧရာဝတီတိုင်းနှင့် နေပြည်တော်တို့တွင် ၈ မြို့နယ်စီ၊ မကွေးတိုင်းတွင် ၉ မြို့နယ်၊ စစ်ကိုင်းတိုင်း၊ ရန်ကုန်တိုင်းနှင့်
ရှမ်းပြည်နယ်တို့တွင် ၁၂ မြို့နယ်စီ ပါဝင်ကြောင်း သိရသည်။

#YMG/SW #Yangon_Times

#Local_News
Published 21 August 2025

▪️ ၂၀၂၅-၂၀၂၆ ဘဏ္ဍာရေးနှစ်တွင် ပြည်ထောင်စုတိုင်းရင်းသားကျေးရွာ (ရန်ကုန်) ၏ ငွေလုံးငွေရင်းဖြင့် ဆောင်ရွက်မည့် သန်း ၂၀ အောက်လုပ်ငန်းများနှင့် သန်း ၂၀ အထက် တင်ဒါလုပ်ငန်းများအကောင်အထည်ဖော်ဆောင်ရွက်နေ ကြောင်းသိရသည်။

▪️ အဆိုပါ တိုင်းရင်းသားကျေးရွာသို့ နယ်စပ်ရေးရာဝန်ကြီးဌာနနှင့် တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့် သည် တိုင်းရင်းသားလူမျိုးများရေးရာဝန်ကြီးဌာန ဒုတိယဝန်ကြီး၊ ရန်ကုန်တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး၊ တိုင်းရင်းသားရေးရာဝန်ကြီးတို့နှင့်အတူ ယနေ့နံနက်ပိုင်းက ပြည်ထောင်စုတိုင်းရင်းသားကျေးရွာအစည်းအဝေးခန်းမ၌ နယ်စပ်ရေးရာဝန်ကြီးဌာနနှင့် တိုင်းရင်းသားလူမျိုးများရေးရာဝန်ကြီးဌာနတို့မှ ဝန်ထမ်းများနှင့် တွေ့ဆုံ ခဲ့ ကြောင်းသိရသည်။

▪️ ပြည်ထောင်စုဝန်ကြီးက မိမိတို့ဝန်ကြီးဌာန၏ အဓိကတာဝန်ဖြစ်သည့် တိုင်းရင်းသားလူမျိုးများ၏ အခွင့်အရေးများ နစ်နာဆုံးရှုံးမှုမရှိစေရေးတည်ဆဲဥပဒေများနှင့်အညီ ဆောင်ရွက်ပေးရမည်ဖြစ်ကြောင်း၊ တိုင်းရင်းသား MSME လုပ်ငန်းများကို ဌာနအနေဖြင့် လက်လှမ်းမီသမျှ ကူညီဆောင်ရွက်ရမည်ဖြစ်ကြောင်း၊ ပညာရေးကဏ္ဍတွင် တိုင်းရင်းသားကလေးငယ်များ ဘာသာစကားအခက်အခဲကို ကျော်လွန်၍ ကျောင်းထွက်နှုန်းလျော့နည်းလာစေရေး ကြိုးပမ်းဆောင်ရွက်ကြရန် လိုအပ်ကြောင်း၊ ၂၀၂၅-၂၀၂၆ ဘဏ္ဍာရေးနှစ်၌ ပြည်ထောင်စုတိုင်းရင်းသားကျေးရွာ (ရန်ကုန်) တွင် အကောင်အထည်ဖော်ဆောင်ရွက်မည့်လုပ်ငန်းများကို ဘဏ္ဍာရေးစည်းမျဉ်းစည်းကမ်းများ၊ စံချိန်စံညွှန်းများနှင့်အညီ အချိန်မီပြီးစီးရေးဆောင်ရွက်ကြရမည်ဖြစ်ကြောင်း ပြောကြားသည်။

▪️ ထို့နောက် ဒုတိယဝန်ကြီး ဦးဇော်အေးမောင်က ၂၀၂၅-၂၀၂၆ ဘဏ္ဍာရေးနှစ်တွင် ပြည်ထောင်စုတိုင်းရင်းသားကျေးရွာ (ရန်ကုန်) ၏ ငွေလုံးငွေရင်းဖြင့် ဆောင်ရွက်မည့် သန်း ၂၀ အောက်လုပ်ငန်းများနှင့် သန်း ၂၀ အထက် တင်ဒါလုပ်ငန်းများ အကောင်အထည်ဖော်ဆောင်ရွက်နေမှု၊ ပြည်ထောင်စုတိုင်းရင်းသားကျေးရွာ (ရန်ကုန်) ၏ ဝင်ငွေရရှိမှုနှင့် ပုံမှန်လုပ်ငန်းဆောင်ရွက်မှုများကို ရှင်းလင်းတင်ပြသည်။

▪️ ယင်းနောက် ဝန်ထမ်းများ၏ တင်ပြချက်များအပေါ် ပြည်ထောင်စုဝန်ကြီးက ပေါင်းစပ်ညှိနှိုင်းဆောင်ရွက်ပေးခဲ့ပြီး ပြည်ထောင်စုတိုင်းရင်းသားကျေးရွာ (ရန်ကုန်) ၏ ရိုးရာအိမ်များ၊ နန်းမြင့်မျှော်စင်၊ ဆလုံပြခန်းနှင့် ဝန်ထမ်းအိမ်ရာများအတွင်း အသုံးပြုနိုင်ရန် Solar Panel ၅၈ လုံး ပေးအပ်ရာ ဒုတိယဝန်ကြီးနှင့် တာဝန်ရှိသူများက လက်ခံရယူကြကြောင်းသိရသည်။

▪️ ထို့နောက် ပြည်ထောင်စုတိုင်းရင်းသားကျေးရွာ (ရန်ကုန်) အတွင်း လုပ်ငန်းဆောင်ရွက်ထားရှိမှုအခြေအနေများကို ကြည့်ရှုစစ်ဆေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ ကြောင်းသိရသည်။

#YMG/NN #Yangon_Times