#World_Health
Published 02 July 2026

■ ချီကာဂိုမှာပြုလုပ်တဲ့ ၂၀၂၆ ASCO နှစ်ပတ်လည်အစည်းအဝေးမှာ ကျန်းမာရေးပညာရှင်ပေါင်း ၄ သောင်းက ကမ္ဘာပေါ်မှာ ကင်ဆာရလဒ် တိုးတက်စေရန် ဦးတည်ကာ ကင်ဆာသုတေသနတွေ မျှဝေခဲ့ကြပြီး ဒီထဲကမှ အဓိကအချက် ၅ ချက်ကို ဖော်ပြလိုက်ပါတယ်။

■ (၁) စမတ်ဆေးဝါး GRWD5769 ကို သုတေသီတွေ ထုတ်လုပ်လိုက်ပြီး ကင်ဆာဆဲလ်တွေ ပုန်းကွယ်မနေနိုင်အောင် ကာကွယ်ပေးကာ ရောဂါခုခံအားစနစ် ပိုမိုအလုပ်လုပ်စေမှာ ဖြစ်ပါတယ်။

■ ယခင်ကုသနည်းတွေ အလုပ်မဖြစ်တဲ့ လူနာတွေမှာ ဒီဆေးဖြင့်စမ်းသပ်ရာ အကျိတ်ဆဲလ်တွေကို ဖုံးကွယ်ထားတဲ့အရာတွေကို ဖယ်ရှားနိုင်ခဲ့ပြီး အနည်းဆုံး ၃၀ ရာခိုင်နှုန်းခန့် အကျိတ်တွေ ကျုံ့သွားစေပါတယ်။

■ နောက်ထပ် စမတ်ဆေး ၂ မျိုးကလည်း အဆုတ်ကင်ဆာလူနာတွေမှာ အသက်ရှင်ချိန် ၁၅ ရာခိုင်နှုန်း ဆွဲဆန့်ပေးနိုင်ခဲ့ပါတယ်။

■ (၂) ဆေးသစ် ၂ မျိုးက အသက်ဆုံးရှုံးမှုများတဲ့ ကင်ဆာတွေထံကနေ အသက်ရှင်ချိန် သိသိသာသာ တိုးများစေပြီး Daraxonrasib ဆေးဆိုရင် ပန်ကရိယကင်ဆာလူနာတွေကို အသက်ရှင်သန်ချိန်နှစ်ဆ ပိုများစေပါတယ်။

■ Mezigdomide ဆေးကတော့ အရေပြားကင်ဆာတွေမှာ ရောဂါဆိုးရွားမလာစေဘဲ အသက်ရှင်နှုန်း ၂ ဆတိုးစေပါတယ်။

■ (၃) လတ်တလော တွေ့ရှိချက်များအရ ကင်ဆာကုသမှုအချို့ကို ဘေးကင်းစွာ ရှောင်ရှားနိုင်မှာဖြစ်ပြီး မျိုးရိုးဗီဇစစ်ဆေးမှုတစ်ခုကနေ ရင်သားကင်ဆာဝေဒနာရှင်များဟာ ဆေးကုသခြင်းကို ရှောင်ရှားနိုင်ပြီး ဟော်မုန်းကုသနည်းတစ်ခုတည်းသာ အသုံးပြုနိုင်မှာပါ။

■ (၄) ကမ္ဘာပေါ်မှာ ကင်ဆာဖြစ်ပွားမှုက ၂၀၅၀ အရောက်မှာ ၂၁ ရာခိုင်နှုန်းလောက် ပိုများလာနိုင်တယ်လို့ ခန့်မှန်းထားပါတယ်။

■ သက်ရှည်ကျန်းမာရေးအတွက် လုပ်အားတိုးချဲ့ဖို့နဲ့ ကင်ဆာကာကွယ်ရေး ဦးစားပေးဖို့ အရေးတကြီး လိုအပ်လာပါတယ်။

■ (၅) အိပ်ရေးမဝခြင်းက ကင်ဆာစောစီးစွာ ဖြစ်ပွားမှုနှုန်း ၈၀ ရာခိုင်နှုန်းနီးပါး မြင့်တက်စေနိုင်ပါတယ်။

■ ကျန်းမာရေးနဲ့ ညီညွတ်တဲ့ နေထိုင်စားသောက်မှုပုံစံများ ပြောင်းလဲခြင်းဖြင့် ကင်ဆာအသက်ရှင်ကျန်သူတွေမှာ စိုးရိမ်ပူပန်မှု၊ နွမ်းနယ်ခြင်း၊ အိပ်မပျော်ခြင်းတို့ လျှော့ချပေးနိုင်မှာ ဖြစ်ပါတယ်။

Source: The Guardian

၂၀၂၆ ဖီဖာကမ္ဘာ့ဖလားပြိုင်ပွဲ လက်ခံကျင်းပရာမြို့တစ်မြို့ဖြစ်တဲ့ မက္ကဆီကိုမှ မွန်တာရေးမှာ ဘောလုံးကွင်းဝန်းကျင် ရဲတပ်ဖွဲ့လုံခြုံရေးလုပ်ငန်းများ ကူညီပေးရန်အတွက် လူအုပ်စုတွေကို စောင့်ကြပ်ကြည့်ရှုနိုင်တဲ့ အဆင့်မြင့်နည်းပညာသုံး တရုတ်ပြည်ထုတ် စက်ရုပ်ခွေးများနေရာချထားပါတယ်။

#World_Technology
Published 01 July 2026
#မက္ကဆီကို #ကမ္ဘာ့ဖလားပြိုင်ပွဲ
#YMG #Yangon_Times #Yangon_Media_Group

အာဆီယံလွတ်လပ်စွာကုန်သွယ်ရေး သဘောတူညီချက် (AFTA) အရ တိရစ္ဆာန်အစာထုတ်လုပ်ရာတွင်အသုံးပြုမယ့် ပြောင်းဖူးကို ထိုင်းနိုင်ငံသိုါ တင်သွင်းခွင့် နှစ်လသက်တမ်းတိုးလိုက်ပြီလို့ ထိုင်းနိုင်ငံရှိ
စီးပွားရေးဝန်ကြီးဌာနမှ အခုရက်ပိုင်းအတွင်း တရားဝင်ထုတ်ပြန်လာပြီလို့သိရပါတယ်။

#Local_News
Published 01 July 2026
#ထိုင်းနိုင်ငံ #ပြောင်း
#YMG/NN #Yangon_Times

ရေနံနည်းစနစ်ကျတွင်း (Standard Well)များ တူးဖော်ထုတ်လုပ်နိုင်ဖို့အတွက်တင်ပြလာတဲ့ ကုမ္ပဏီများကို စနစ်တကျစိစစ်ကာ လုပ်ငန်းလုပ်ကိုင်ခွင့်များ ခွင့်ပြုပေးသွားမယ်လို့ လျှပ်စစ်နှင့်စွမ်းအင်ဝန်ကြီးဌာန၊ပြည်ထောင်စုဝန်ကြီးဦးကိုကိုလွင်ကပြောပါတယ်။

#Local_News
Published 01 July 2026
#ရေနံ
#YMG/SW #Yangon_Times

လာမယ့် ဇူလိုင်(၃)ရက်ကနေ(၁၀)ရက် ၊တစ်ပတ်တာအတွင်း ဒေသအချို့မှာမိုးကြီး၍ ရုတ်တရက် ရေကြီး၊မြေပြိုမှုများ ဖြစ်ပွားနိုင်တာကြောင့် သတိပြုနေထိုင်ကြဖို့ မိုးလေဝသနှင့်ဇလ‌ဗေဒညွှန်ကြားမှုဦးစီးဌာနကထုတ်ပြန်ထားတဲ့ မိုးကြီးမယ့်သတိပေးချက် အမှတ်စဉ်(၁/၂၀၂၆) အရသိရပါတယ်။

#Local_News
Published 01 July 2026
#ရေကြီး
#YMG/NN #Yangon_Times

ဈေးကွက်အတွင်း မြန်မာဘာသာဖြင့် ပြည်စုံစွာဖော်ပြထားတဲ့ ကုန်စည်များကိုသာရောင်းချရမှာဖြစ်တယ်လို့ စားသုံးသူရေးရာဦးစီးဌာနမှသိရပါတယ်။

#Local_News
Published 01 July 2026
#ကုန်စည်
#YMG/SW #Yangon_Times

#Daily_News
Published 01 July 2026

၁။‌ ထိုင်းနိုင်ငံသို့ အခွန်လွတ်ပြောင်းတင်သွင်းခွင့် နှစ်လသက်တမ်းတိုး

‌‎၂။ ‌ရေနံနည်းစနစ်ကျတွင်းများတူးဖော်ရန် ကုမ္ပဏီများကိုစိစစ်၍ လုပ်ငန်းလုပ်ကိုင်ခွင့်ပေးသွားမည်

‎၃။‌‌‎ တစ်ပတ်အတွင်းဒေသအချို့၌မိုးကြီး၍ ရုတ်တရက်ရေကြီး၊မြေပြိုမှုများဖြစ်ပွားနိုင်ဟု မိုးဇလသတိပေး

၄။‎ ‌‌‌‌‌‌‌‌‌ဘောလုံးပွဲလုံခြုံရေးအတွက် တရုတ်ပြည်ထုတ်နောက်ဆုံးပေါ်စက်ရုပ်ခွေးများ မက္ကဆီကိုအသုံးပြု... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 1 July 2026

■ ထိုင်းနိုင်ငံ၊ သုဝဏ္ဏဘူမိလေဆိပ်တွင် လေယာဉ်လက်မှတ်အတုဖြင့် ပိတ်မိနေသည့် မြန်မာအမျိုးသမီးတစ်ဦးအား အလုပ်သမားသံအရာရှိရုံးမှ မိခင်နိုင်ငံသို့ ပြန်လည်ကူညီပို့ဆောင်ပေးခဲ့ကြောင်း ဗန်ကောက်မြို့ရှိ မြန်မာအလုပ်သမားသံအရာရှိရုံးမှထုတ်ပြန်ထားသည်။

■ အလုပ်သမားသံအရာရှိရုံးအနေဖြင့် အိုမန်နိုင်ငံမှ မြန်မာနိုင်ငံသို့ ပြန်လာစဉ် ထိုင်းနိုင်ငံ၊ သုဝဏ္ဏဘူမိအပြည်ပြည်ဆိုင်ရာလေဆိပ်၌ လေယာဉ်အပြောင်းအလဲ (Transit) စောင့်ဆိုင်းနေခိုက် ရန်ကုန်မြို့သို့ ဆက်လက်ထွက်ခွာမည့် လေယာဉ်လက်မှတ်မှာ အတုဖြစ်နေသဖြင့် လေဆိပ်အတွင်း ပိတ်မိကာ အခက်အခဲကြုံတွေ့နေရသည့် မြန်မာနိုင်ငံသူ ဒေါ်စောနန်းကြည်အား ဘေးအန္တရာယ်ကင်းရှင်းစွာဖြင့် မိခင်နိုင်ငံသို့ ပြန်လည်ရောက်ရှိနိုင်ရေး ကူညီဆောင်ရွက်ပေးခဲ့‌ေကြာင်း သိရသည်။

■ အဆိုပါဖြစ်စဉ်နှင့်ပတ်သက်၍ ထိုင်းလေဆိပ်ရဲတပ်ဖွဲ့မှ ၂၉-၆-၂၀၂၆ ရက်နေ့တွင် ဆက်သွယ်အကြောင်းကြားလာခဲ့သဖြင့် ဗန်ကောက်မြို့ရှိ မြန်မာအလုပ်သမားသံအရာရှိရုံးအနေဖြင့် ဒေါ်စောနန်းကြည် မြန်မာနိုင်ငံသို့ အဆင်ပြေချောမွေ့စွာ ပြန်လည်ထွက်ခွာနိုင်ရေးအတွက် Myanmar National Airline (MNA) လေကြောင်းလိုင်းနှင့် အမြန်ဆုံးညှိနှိုင်းကာ လေယာဉ်လက်မှတ်အား အဆင်ပြေအောင် ပံ့ပိုးစီစဉ်ပေးခြင်း အပါအဝင် လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်း၊လက်ရှိတွင်အဆိုပါ မြန်မာနိုင်ငံသူ ဒေါ်စောနန်းကြည်မှာ မိခင်နိုင်ငံသို့ အဆင်ပြေချောမွေ့စွာဖြင့် ပြန်လည်ထွက်ခွာသွားနိုင်ခဲ့ပြီဖြစ်ကြောင်း သိရသည်။

#YMG/SW #Yangon_Times

#Local_News
Published 01 July 2026
 
■ အလုပ်သမားဝန်ကြီးဌာန ပြည်ထောင်စုဝန်ကြီး ဦးခင်မောင်စိုးသည် အပြည်ပြည်ဆိုင်ရာ ရွှေ့ပြောင်းသွားလာရေးအဖွဲ့ (International Organization for Migration-IOM) ရုံးအကြီးအကဲဖြစ်သူ Mr.Daihei Mochizuki ဦးဆောင်သည့်ကိုယ်စားလှယ်အဖွဲ့အား ယမာန်နေ့မွန်းလွဲပိုင်းတွင် အလုပ်သမားဝန်ကြီးဌာန ယာယီရုံးဧည့်ခန်းမ၌ လက်ခံတွေ့ဆုံခဲ့ရာ ရွှေ့ပြောင်းအလုပ်သမားရေးရာဆိုင်ရာကိစ္စရပ်များကို ဆွေးနွေးခဲ့ကြောင်း သိရသည်။
 
■ ထိုသို့ တွေ့ဆုံစဉ် အလုပ်သမားဝန်ကြီးဌာနနှင့် International Organization for Migration (IOM) တို့အကြား ပူးပေါင်းဆောင်ရွက်လျက်ရှိသည့် ရွှေ့ပြောင်းအလုပ်သမားရေးရာဆိုင်ရာကိစ္စရပ်များ၊ IOM ဝန်ထမ်းများအတွက် ပြည်ဝင်ဗီဇာရရှိရေးနှင့် ပြည်တွင်းခရီးသွားလာခွင့်အတွက် ဆောင်ရွက်ပေးမှုများ၊ ရွှေ့ပြောင်းလုပ်သားများထောက်ပံ့ကူညီရေးဗဟိုဌာန (Migrant Workers Resource Center-MRC) များ၏ လုပ်ငန်းဆောင်ရွက်ချက်များ၊ ဝန်ကြီးဌာနမှ ဆောင်ရွက်စေလိုသည့် လုပ်ငန်းစဉ်များကို ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြသည်။
 
■ အဆိုပါ တွေ့ဆုံပွဲသို့ ဒုတိယဝန်ကြီး၊ ညွှန်ကြားရေးမှူးချုပ်များ၊ ဘာသာရပ်ဆိုင်ရာအရာထမ်းများနှင့် IOM ရုံးမှ ကိုယ်စားလှယ်များတက်ရောက်ခဲ့ကြကြောင်း သိရသည်။
 
#YMG/NN #Yangon_Times

#Local_News
Published 01 July 2026

■ ယနေ့ ဇူလိုင်(၁)နေ့မှစတင်၍ မော်လမြိုင်-ရန်ကုန်လမ်းပိုင်း၌ DEMU ရထားတွဲဆိုင်းဖြင့် ရန်ကုန်-မော်လမြိုင်-ရန်ကုန် နေ့ချင်းပြန် ပြေးဆွဲပေးသွားနေပြီဖြစ်ကြောင်း မော်လမြိုင်ဘူတာကြီး မှသိရသည်။

■ အဆိုပါ DEMU ရထားတွဲဆိုင်းတွင် အထက်တန်း (၂)တွဲပထမတန်း (၄) တွဲ ဖြင့် ပြေးဆွဲပေးသွားမည်ဖြစ်ပြီး ပြေးဆွဲချိန်မှာ (၆) နာရီ ခန့်သာကြာမြင့်ဖြစ်ပြီး aircorn စနစ် ဖြင့်ပြေးဆွဲပေးသွာမည်ဖြစ်ပြီးရထားထွက်ခွာချိန်မှာ မော်လမြိုင်ဘူတာ မှ နေ့စဉ် (၁၂)နာရီအချိန် တွင်စတင်ထွက်ခွာမည်ဖြစ်ပြီး ရန်ကုန်ဘူတာကြီးသို့ (၆) နာရီတွင် ရောက်ရှိမည်ဖြစ်သည်။

■ ထို့အပြင် ရထားလက်မှတ်များအား online စနစ်ဖြင့် ရောင်း​ချပေးသွားမည်ဖြစ်ပြီး မော်လမြိုင်-ရန်ကုန် ရထားခရီးစဥ်အတွက် (၇)ရက်ကြိုတင်စနစ်ဖြင့်လည်းကောင်း၊ လမ်းခရီးများအတွက် (၅)ရက်ကြိုတင်စနစ်ဖြင့်လည်းကောင်း၊ ရောင်းချပေးသွားမည်ဖြစ်ပြီး (ortp.railways.gov.mm) ၌ ဝယ်ယူနိုင်ကြောင်းသိရသည်။

■ DEMU ရထားအား ရထားအမှတ် (၈၄) အစုန်ဖြင့်ပြေးဆွဲသွားမည်ဖြစ်ပြီး လက်မှတ်ခ နှုန်းထားမှာ မော်လမြိုင်-ရန်ကုန် အထက်တန်း တစ်ဦးလျှင် ၂၂၀၀၀ကျပ် ကျသင့်မည်ဖြစ်ပြီး ပထမတန်းမှာ တစ်ဦးလျှင် ၁၆၀၀၀ကျပ် ကျသင့်မည်ဖြစ် ကြောင်း DEMU ရထားရပ်တ​န်​မည့်ဘူတာများမှာ (ပေါင်ဘူတာ၊ သထုံဘူတာ ၊ ကျိုက်ထိုဘူတာ၊ သိမ်ဇရပ်ဘူတာ၊ ပဲခူးဘူတာ၊ တိုးကြောင်ကလေး ဘူတာ)များတွင်ရပ်တန့်ပေးသွားမည်ဖြစ်ပြီး အသေးစိတ်သိရှိလိုပါက Hotline: 1188 သို့ဆက်သွယ်မေးမြန်းနိုင်ကြောင်းသိရသည်။

#YMG/NN #Yangon_Times

#World_Health
Published 01 July 2026

■ အယ်ဇိုင်းမားရောဂါအတွက် စမ်းသပ်ဆေးတစ်မျိုးဟာ လူနာအချို့မှာ မှတ်ဉာဏ်နဲ့ စဉ်းစာတွေးတောစွမ်းရည် ပြန်ရစေရန် အကူအညီဖြစ်စေကြောင်း တွေ့ရှိထားပါတယ်။

■ အမေရိကန် ဆေးကုသရေးစင်တာ ၅၄ ခုမှ အယ်ဇိုင်းမားရောဂါ ဖြစ်ပွားသူ ၃၅၁ ဦးကို buntanetap ဆိုတဲ့ဆေးဖြင့် စမ်းသပ်ခဲ့ကြပါတယ်။

■ ဒီဆေးက အယ်ဇိုင်းမား၊ ပါကင်ဆန်ရောဂါတို့နဲ့ ဆက်စပ်နေတဲ့ ဦးနှောက်ထဲက အန္တရာယ်ပြုပရိုတိန်း စုပြုံခြင်းကို လျှော့ချပေးမှာ ဖြစ်ပါတယ်။

■ စမ်းသပ်မှုအရ ယေဘုယျအားဖြင့် တိုးတက်မှု သိသာထင်ရှားခြင်း မရှိကြောင်း တွေ့ရပေမယ့် ဇီဝအမှတ်အသားဖြင့် အတည်ပြုထားတဲ့ အယ်ဇိုင်းမားလူနာများ၊ အထူးသဖြင့် ရောဂါလက္ခဏာ နုနယ်တဲ့ လူနာတွေမှာ အကျိုးကျေးဇူးများရရှိကြောင်း တွေ့ရပါတယ်။

■ Buntanetap ဆေးပမာဏ တိုးမြှင့်တိုက်ကျွေးခြင်းဖြင့် အယ်ဇိုင်းမား ဝေဒနာရှင်တွေမှာ မှတ်ဉာဏ်နဲ့ အသိဉာဏ်စွမ်းရည်တို့ ပိုမိုကောင်းမွန်စေပြီး ဦးနှောက်ရောင်ရမ်းမှုနဲ့ ဆဲလ်ပျက်စီးမှုတို့ကို လျှော့ချပေးနိုင်တဲ့ လက္ခဏာများ တွေ့ရကြောင်း ဖော်ပြထားပါတယ်။

■ ယခင်စမ်းသပ်မှုများအတွင်း Buntanetap ဟာ ပါကင်ဆန်ဝေဒနာရှင်များရဲ့ အသိဉာဏ်စွမ်းရည်နဲ့ လှုပ်ရှားမှုစွမ်းရည်များကိုလည်း တိုးတက်စေတယ်ဆိုတာ သက်သေပြနိုင်ခဲ့ပါတယ်။

■ လက်ရှိမှာ အဆိုပါဆေးရဲ့ သိရှိမှုစွမ်းရည်ကျဆင်းမှု နှောင့်နှေးစေတဲ့ သက်ရောက်မှုကို အတည်ပြုနိုင်ရန် လူနာ ၇၆၀ ပါဝင်တဲ့ ပိုမိုကြီးမားတဲ့ တတိယအဆင့်စမ်းသပ်မှုတစ်ခု လုပ်ဆောင်နေပါတယ်။

■ နောက်ထပ်စမ်းသပ်မှုကြီးတွေ ပြုလုပ်ရန် လိုအပ်နေပေမယ့် ဒီဆေးဟာ အာရုံကြောဆုတ်ယုတ်ရောဂါ အမျိုးမျိုးကို ကုသရာမှာ အသုံးဝင်နိုင်မယ်လို့ မျှော်လင့်ရပါတယ်။

Source: India Today

#World_News
Published 01 July 2026

■ မကြာသေးမီက လက်မှတ်ရေးထိုးခဲ့တဲ့ ၁၄ ချက်ပါ နားလည်မှုစာချွန်လွှာရဲ့ အဓိကပြဌာန်းချက်များကို ဆွေးနွေးပွဲများ မစတင်မီ အကောင်အထည် ဖော်ရမှာဖြစ်ကြောင်း၊ အမေရိကန်နဲ့ နောက်ဆုံးသဘောတူညီချက်တစ်ခုအတွက် ဆွေးနွေးညှိနှိုင်းရန် အသင့်မဖြစ်သေးကြောင်း အီရန်က လေသံထွက်လာပါတယ်။

■ နားလည်သဘောတူညီချက် ချိုးဖောက်မှုမှန်သမျှကို အီရန်တုံ့ပြန်သွားမှာဖြစ်ပြီး ပါရှန်ပင်လယ်ကွေ့ ဖြစ်ရပ်တွေဆိုရင် အပစ်အခတ်ရပ်စဲရေး ချိုးဖောက်မှုများအဖြစ် အီရန်က ရှုမြင်ကြောင်း အီရန်ပါလီမန်ဥက္ကဌ မိုဟာမက်ဘက်ဂါဂါလီဘက်ဖ်က သတိပေးလိုက်ပါတယ်

■ ဒါ့အပြင် သံတမန်ရေးမှာ အီရန်စိတ်ကြိုက် ချဉ်းကပ်မှာဖြစ်ပြီး ညှိနှိုင်းမှုမရပါက စစ်ရေးအတွက် ပြင်ဆင်ထားကြောင်းလည်း ဆိုပါတယ်။

■ နားလည်မှုစာချွန်လွှာ အကောင်အထည်ဖော်ရေးအတွက် အီရန်နဲ့ အမေရိကန် ကိုယ်စားလှယ်တွေ သီးခြားဆွေးနွေးဖို့ စီစဉ်ထားတဲ့အချိန်မှာ အခုလိုပြောကြားလာတာ ဖြစ်ပါတယ်။

■ အမေရိကန်ရေတပ်မှ ပိတ်ဆို့မှုတွေ ဖယ်ရှားပြီးနောက် ရေနံတင်ပို့မှု စည်သန်း ၄၀ ကျော် မြင့်တက်ခဲ့တယ်လို့ ဥက္ကဌက ကြေညာခဲ့ပါတယ်။

■ နားလည်မှုစာချွန်လွှာကြောင့် ရေလက်ကြားပိတ်ဆို့မှု ပြီးဆုံးသွားတာဟာ အဓိကအောင်မြင်မှုကြီးလို့ သတ်မှတ်နေပါတယ်။

■ နောက်ထပ်ဆွေးနွေးမှုများ ပြုလုပ်ရန် အမေရိကန်တာဝန်ရှိသူတွေ ဒိုဟာသို့ ရောက်နေပေမယ့် အီရန်ကတော့ တိုက်ရိုက်ပြောဆိုဆွေးနွေးရန် ဆက်လက်ငြင်းဆိုနေပြီး ကြားဝင်စေ့စပ်ခြင်းကိုပဲ လိုချင်နေပါတယ်။

■ ကာတာဝန်ကြီးချုပ်က အမေရိကန်ကိုယ်စားလှယ်အဖွဲ့နဲ့ တွေ့ဆုံခဲ့ပြီး ဆွေးနွေးမှုတွေမှာ ကာတာရဲ့ အခန်းကဏ္ဍက သဘောတူညီချက်ကနေ အမြစ်ခံတယ်လို့ ဆိုခဲ့ပါတယ်။

Source: WION