#Local_News
Published 21 March 2025

▪️ ရန်ကုန် - မန္တလေးအမြန်လမ်းမကြီးတွင် ဖြစ်ပွားခဲ့သည့် ယာဉ်မတော်တဆမှုအများစုမှာယာဉ်မောင်းမကျွမ်းကျင်မှုနှင့် မဆင်မခြင်အရှိန်ပြင်း မောင်းနှင်မှုများကြောင့် သာဖြစ်ကြောင်း အမြန်လမ်းရဲတပ်ဖွဲ့မှ သိရသည်။

▪️ အဆိုပါ အမြန်လမ်းမကြီးတွင် ယခုနှစ် ဇန်နဝါရီနှင့် ဖေဖော်ဝါရီလ နှစ်လအတွင်းအတွင်း ယာဉ်မတော်တဆမှု (၂၆) မှု ဖြစ်ပွားခဲ့ကာယာဉ်မတော်တဆမှုကြောင့် စုစုပေါင်း (၁၁) ဦး ‌ေ-သဆုံးကာ (၆၆) ဦး ဒဏ်ရာရရှိခဲ့ကြောင်း သိရသည်။

▪️ ယင်း ယာဉ်မတော်တဆမှုများသည် ယာဉ်မောင်းမကျွမ်းကျင်မှုနှင့် မဆင်မခြင်အရှိန်ပြင်း မောင်းနှင်မှုများကြောင့် သာဖြစ်ကြောင်း သိရသည်။

▪️ ထို့အပြင် အမြန်လမ်းမကြီးရဲတပ်ဖွဲ့အနေဖြင့် ရန်ကုန်-မန္တလေး အမြန်လမ်းမကြီး တလျှောက် ယာဉ်အန္တရာယ်၊ လမ်းအန္တရာယ် ကင်းရှင်းစေရန် သတ်မှတ်အရှိန်နှုန်းထက် ကျော်လွန်မောင်းနှင်သော မော်တော်ယာဉ်များအား အရှိန်နှုန်း တိုင်းတာစက်များဖြင့် တိုင်းတာစစ်ဆေးပြီးအရေးယူခြင်းများကို အလေး ထားဆောင်ရွက်ရှိကြောင်း သိရသည်။

#YMG/NN #Yangon_Times

#Local_News
Published 21 March 2025

▪️ ရခိုင်ပြည်နယ်၏ မြို့တော်စစ်တွေတွင် အတာသင်္ကြန်ပွဲတော်ကို ရခိုင်ရိုးရာ စည်ကားသိုက်မြိုက်ပျော်ရွှင်အောင် ကျင်းပဆောင်ရွက်သွားမည်ဖြစ်ကြောင်း ရခိုင်ပြည်နယ်အစိုးရအဖွဲ့ရုံးအစည်းအဝေးခန်းမ၌ ကျင်းပသော မြန်မာသက္ကရာဇ် ၁၃၈၆ ခုနှစ်၊ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ကျင်းပနိုင်ရေးလုပ်ငန်း ညှိနှိုင်းအစည်းအဝေးမှ သိရသည်။

▪️ အတာသင်္ကြန်ပွဲတော်ကို စည်ကားစွာကျင်းပသွားမည့်အပြင် ရခိုင်ရိုးရာ စဉ်လာမပျက် နံ့သာသွေးပွဲ၊ ဘုရားရေသပ္ပါယ်ပွဲ၊ သက်ကြီး ပူဇော်ပွဲနှင့် အန္တရာယ်ကင်းပရိတ်တရားနာယူပွဲများလည်း ကျင်းပသွားမည်ဖြစ်ကြောင်း ရခိုင်ပြည်နယ်ဝန်ကြီးချုပ် ဦးထိန်လင်းက ပြောကြားသည်။

▪️ နှစ်သစ်ကူး အတာသင်္ကြန်ပွဲတော်ကို ဧပြီလ ၁၃ ရက်နေ့၊ အကြိုနေ့မှ ဧပြီလ ၁၆ ရက်နေ့၊ သင်္ကြန်အတက်နေ့အထိ ကျင်းပသွားမည်ဖြစ်ပြီး နေပြည်တော်၊ အခြားတိုင်းဒေသကြီးနှင့် ပြည်နယ်အသီးသီးတွင်လည်း စည်ကားသိုက်မြိုက်စွာကျင်းပ ရန် ဆောင်ရွက်လျက်ရှိကြောင်း၊ ၂၀၂၄ ခုနှစ်တွင် ပါရာဂွေးနိုင်ငံ၌ ကျင်းပခဲ့သည့်(၁၉)ကြိမ်မြောက် ကမ္ဘာ့ဒြပ်မဲ့ယဉ်ကျေးမှု အမွေအနှစ် ညီလာခံတွင်လည်း မြန်မာနိုင်ငံမှ မြန်မာ့ရိုးရာနှစ်သစ်ကူး အတာ သင်္ကြန်ပွဲတော်သည် ယူနစ်စကို၏ လူသားမျိုးနွယ်ဆိုင်ရာ ဒြပ်မဲ့ယဉ်ကျေးမှုအမွေအနှစ်စာရင်းတွင် ပါဝင်ခွင့်ရရှိခဲ့ရာ မြန်မာ့ရိုးရာမဟာသင်္ကြန်ပွဲတော်ကို တစ်နိုင်ငံလုံးအတိုင်းတာဖြင့် စည်ကားသိုက်မြိုက်စွာ ကျင်းပမည်ဖြစ်သည့်အတွက် ရခိုင်ပြည်နယ်တွင်လည်း ယခင်နှစ်များနည်းတူ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 21 March 2025

▪️ မကြာခဏ လိင်မှုပြုတဲ့ ယောက်ျားတွေဟာ နှလုံးရောဂါပြဿနာများမှ ခံစားရနိုင်ခြေ ပိုနည်းတယ်လို့ သိပ္ပံပညာရှင်များ ပြောလာပါတယ်။

▪️ တစ်နှစ်ကို ၁၀၃ ကြိမ်ခန့် လိင်မှုပြုလုပ်ခြင်းဖြင့် နှလုံးကျန်းမာရေးအတွက် အထိရောက်ဆုံး ကာကွယ်မှုပေးနိုင်တယ်လို့ ဆိုကြပါတယ်။

▪️ ဒါဟာ တစ်ပတ်ကို ၂ ကြိမ်ခန့် ပြုလုပ်တဲ့သဘောဖြစ်ပါတယ်။
ဒါကိုမှ များတယ်ထင်နေရင်လည်း သိပ်စိတ်ပူစရာမရှိဘဲ တစ်နှစ်ကို ၅၂ ကြိမ်မျှ ပြုလုပ်ရင်တောင် အကျိုးကျေးဇူးသိသာတယ်လို့ ယမန်နှစ်ဒီဇင်ဘာလက ဖော်ပြထားပါတယ်။

▪️ နှလုံးရောဂါ ကာကွယ်နိုင်ဖို့အတွက် အနည်းဆုံးသတ်မှတ်ချက်က တစ်ပတ်ကို တစ်ကြိမ်ဖြစ်ပါတယ်။

▪️ လိင်မှုကိစ္စပြုလုပ်တာဟာ နှလုံးခုန်နှုန်းနဲ့ သွေးလည်ပတ်မှုတို့ကို မြှင့်တင်ပေးတဲ့ လေ့ကျင့်ခန်းတစ်မျိုးဖြစ်ပါတယ်။

▪️ နှလုံးရောဂါဖြစ်စေနိုင်မယ့် ဖိစီးမှုပမာဏကို လျှော့ချပေးပါတယ်။

▪️ မကြာခဏ လိင်မှုပြုခြင်းက စိတ်ခံစားချက် ဆက်သွယ်လာစေပြီး စိုးရိမ်ပူပန်မှုကို လျော့ကျစေသဖြင့် နှလုံးကျန်းမာရေးကို သွယ်ဝိုက်စွာ ထောက်ကူပေးပါတယ်။

▪️ အမျိုးသားတွေဟာ သွေးပေါင်ချိန်၊ ကိုလက်စ်ထရောလ်၊ နေထိုင်စားသောက်မှုပုံစံများကြောင့် အမျိုးသမီးတွေထက် နှလုံးရောဂါ ပိုမိုစောစီးစွာ ဖြစ်နိုင်တယ်လို့ ဒေါက်တာ လောရန့်စ်ကန်နင်ဂမ်က ပြောပါတယ်။

▪️ ဒါပေမဲ့လည်း လိင်ကိစ္စကို အများကြီးလုပ်ဖို့ ဆိုလိုတာမဟုတ်ပါဘူး။
တစ်နှစ်ကို ၁၂ ကြိမ်အောက် ဒါမှမဟုတ် တစ်နေ့ကို တစ်ကြိမ်ထက်ပိုလုပ်တာမျိုးကတော့ နှလုံးကျန်းမာရေးကို ထိခိုက်နိုင်ပါတယ်။

▪️ ဒါဟာ လှုပ်ရှားလေ့ကျင့်ခန်းကို အလွန်အကျွံပြုလုပ်တဲ့အခါ အကျိုးကျေးဇူးလျော့သွားသလိုမျိုး လိင်မှုကိစ္စ လွန်ကျူးရင်လည်း နှလုံးကျန်းမာရေးကို ဘေးဖြစ်စေနိုင်ပါတယ်။

#Source: Metro

#World_Health
Published 21 March 2025

▪️ ကိုယ်ဝန်ဆောင်ချိန် အစောပိုင်းကာလအတွင်း ဖောလစ်အက်ဆစ်ဖြည့်စွက်အားဆေး အသုံးပြုပါက မွေးလာတဲ့ကလေး အသက် ၆ နှစ်အရွယ်ရောက်တဲ့အခါ အပြောအဆိုနဲ့ အပြုအမူပိုင်းစွမ်းရည် သိသိသာသာ တိုးတက်စေနိုင်တယ်လို့ သုတေသနတစ်ခုမှာ ယူဆထားပါတယ်။

▪️ လေ့လာချက်အရ ကိုယ်ဝန်အစောပိုင်းကာလမှာ ဖောလစ်အက်ဆစ် အသုံးပြုခြင်းနဲ့ ကလေးတွေမှာ ဦးနှောက်ကျန်းမာရေးရလဒ်တို့ကြား အပြုသဘောဆောင်တဲ့ ဆက်စပ်မှုကို တွေ့လာပြီး ပမာဏမြင့်မားရင်တောင် ဆိုးကျိုးတွေ့ရတဲ့ အထောက်အထား မရှိဘူးလို့ စတန်းဖို့ဒ်တက္ကသိုလ်မှ အာရုံကြောပရော်ဖက်ဆာ ဒေါက်တာ ကင်မ်ဖို့ဒ်မီဒေါက ပြောပါတယ်။

▪️ ဖောလစ်အက်ဆစ်ဆိုတာက ဗိုက်တာမင်-ဘီတစ်မျိုး ဖြစ်ပြီး အစိမ်းရောင်အရွက်များ၊ ကြက်ဥများ၊ ပန်းဂေါ်ဖီစိမ်း၊ အချဉ်သီးတို့မှာ ပါဝင်ပြီး လူတိုင်းအတွက် အရေးပါသလို အထူးသဖြင့် ကိုယ်ဝန်ဆောင်များနဲ့ ကိုယ်ဝန်ရလိုသူများအတွက် အရေးကြီးပါတယ်။

▪️ လက်ရှိမှာ ကိုယ်ဝန်ဆောင်အမျိုးသမီး အများစုအတွက် နေ့စဉ်လိုအပ်တဲ့ ဖောလစ်အက်ဆစ်ပမာဏက ၀.၄ မီလီဂရမ်ဖြစ်ပါတယ်။

▪️ ဝက်ရူးပြန်ရောဂါရှိတဲ့ မိခင်တွေကနေမွေးတဲ့ ကလေး ၂၆၂ ဦးနဲ့ သာမန်မိခင်တွေကနေမွေးတဲ့ ကလေး ၈၃ ဦးတို့ကို စောင့်ကြည့်လေ့လာခဲ့ကြပါတယ်။

▪️ ကိုယ်ဝန်ဆောင်ကာလ ပထမ ၁၂ ပတ်အတွင်း မိခင်တွေကို အဖွဲ့ခွဲပြီး ဖောလစ်အက်ဆစ် ပမာဏအမျိုးမျိုး အသုံးပြုစေပြီး လေ့လာခဲ့ပါတယ်။

▪️ ကလေးတွေကို အပြောအဆိုစွမ်းရည်များ စမ်းသပ်မှုပြုလုပ်သလို မိဘတွေကိုလည်း ကလေးတွေရဲ့ လူမှုပေါင်းသင်းရေး၊ ဆက်ဆံရေး၊ နေ့စဉ်နေထိုင်မှုစွမ်းရည်တို့ကို မေးမြန်းခဲ့ပါတယ်။

▪️ ဖောလစ်အက်ဆစ် အသုံးပြုတဲ့မိခင်တွေရဲ့ ကလေးတွေက ပျမ်းမျှအားဖြင့် IQ ၁၀၈ မှတ်ရရှိပြီး ဖြည့်စွက်အားဆေး အသုံးမပြုတဲ့ မိခင်တွေရဲ့ ကလေးတွေကတော့ ၉၆ မှတ်သာ ရှိပါတယ်။

▪️ ဖောလစ်အက်ဆစ်ကို ပမာဏအနည်းငယ် အသုံးပြုတဲ့မိခင်တွေရဲ့ ကလေးတွေကတော့ ၁၁၀ မှတ်ဝန်းကျင်ရရှိပြီး ပမာဏမြင့်မားသူတွေကတော့ ၁၀၈ မှတ်ခန့်ရှိကာ နှစ်ဖွဲ့စလုံးက သာမန်အမှတ် ၁၀၃ ထက် ပိုများနေပါတယ်။

▪️ ဒါကြောင့် ကိုယ်ဝန်ဆောင်အစောပိုင်းမှာ ဖောလစ်အက်ဆစ် ပမာဏများများ အသုံးပြုပါက ကလေးဦးနှောက်ကျန်းမာရေးကို အကျိုးပြုဆဲဖြစ်တယ်လို့ မီဒေါက ပြောသွားပါတယ်။

#Source: New York Post

တရုတ်ပြည်မှ သက်တမ်းရင့် အသုံးပြုပြီးသား ဘက်ထရီအများအပြားကို ပြန်လည်အသုံးချလျက်ရှိကာ သဘာဝရင်းမြစ်များ သက်သာစေသလို ပတ်ဝန်းကျင်အပေါ် ထိခိုက်မှုကိုလည်း ထိရောက်စွာ လျှော့ချနိုင်တယ်လို့ CGTNသတင်းဌာနက ဖော်ပြထားပါတယ်။
#Asia_Technology
Published 20 March 2025
#သက်တမ်းကုန်ဘက်ထရီ #အသုံးပြုပြီးသားဘက်ထရီ
#YMG #Yangon_Times #Yangon_Media_Group

#Daily_News

Published 20 March 2025

၁။ တက္ကသိုလ်ဝင်တန်းစာမေးပွဲချိန်နောက်ကျကျောင်းသားများအား တစ်နာရီခွဲကြာသည်အထိစောင့်ဟုဆို

၂။ သုခဒဂုံအိမ်ခန်းများတစ်ဆင့် ငှါးရမ်းခြင်းရှိပါက အိမ်ခန်းငှါးရမ်းခွင့် ရုပ်သိမ်းမည်

၃။ EV ကားများ ဧပြီ၁ ရက်မှ စတင်ကာလမ်း၊ တံတားအသုံးပြုခ ပေးဆောင်ရမည်

၄။ အသုံးပြုပြီးသား သက်တမ်းကုန်ဘက်ထရီအများအပြားကို တရုတ်ကုမ္ပဏီများပြန်လည်အသုံးပြုရေးအတွက် ထုတ်လုပ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အရေပြားကင်ဆာရောဂါအထိဖြစ်ပွားနိုင်တဲ့ ခရမ်းလွန်ရောင်ခြည် အညွှန်းကိန်းမြင့်မားနေတာကြောင့် တစ်နှစ်အောက်ကလေးတွေအပြင်မခေါ်ကြဖို့ ကျန်းမာရေးဝန်ကြီးဌာနက တိုက်တွန်းလိုက်ပါတယ်။
#Local_News
Published 20 March 2025 
#ခရမ်းလွန်ရောင်ခြည်မြင့်မားနေ #တစ်နှစ်အောက်ကလေးတွေအပြင်မခေါ်ရ
#YMG/NN #Yangon_Times

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီ (POEA) ကတစ်ဆင့် EPS စနစ်နဲ့ အလုပ်သမားတွေ စေလွတ်လျှက်ရှိရာ အမျိုးသမီး တစ်ဦးအပါအဝင် ၁၂၄ဦး ဒီကနေ့မှာ ဆိုးလ်မြို့ကို ရောက်ရှိခဲ့တယ်လို့ ဆိုးလ်မြို့ရှိ မြန်မာသံရုံးက သိရပါတယ်။
#Local_News
Published 20 March 2025
#ကိုရီးယား #အစိုးရပြည်ပအလုပ်အကိုင်အေဂျင်စီ(POEA)
#YMG/NN #Yangon_Times

EV ကားအသုံးပြုသူ‌တွေအနေနဲ​ေလာမယ့် ဧပြီလ၁ရက်စတင်ပြီး လမ်း၊တံတားအသုံးပြုခတွေ ပေးဆောင်ရမယ်လို့ ဆောက်လုပ်ရေးဝန်ကြီးဌာန၊ လမ်းဦးစီးဌာနမှ သိရပါတယ်။
#Local_News
Published 20 March 2025
#EVကား #တံတားအသုံးပြုခပေးဆောင်ရ
#YMG/SW #Yangon_Times

သုခဒဂုံ ပြည်သူ့အငှါးအိမ်ရာမှ အိမ်ခန်းငှားရမ်းခွင့်ရရှိထားသူတွေအနေနဲ့ ကိုယ်တိုင်နေထ်ုင်ခြင်းမပြုဘဲ တစ်ဆင့် ငှါးရမ်းခြင်း လွှဲပြောင်းခြင်းများရှိပါက အိမ်ခန်းငှါးရမ်းခွင့်ကို ရုပ်သိမ်းပြီး ဥပဒေနဲ့အညီ အရေးယူ ဆောင်ရွက်သွားမယ်လို့ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ထုတ်ပြန်ထားပါတယ်။
#Local_News
Published 20 March 2025
#သုခဒဂုံအိမ်ခန်း #အိမ်ခန်းငှါးရမ်းခွင့်ရုပ်သိမ်း
#YMG/SW #Yangon_Times

တက္ကသိုလ်ဝင်တန်းဖြေဆိုတဲ့ ကျောင်းသား၊ ကျောင်းသူတွေအဆင်ပြေစေဖို့  စာမေးပွဲချိန်နောက်ကျကျောင်းသားတွေကို အချိန်တစ်နာရီခွဲကြာတဲ့ အထိစောင့်ပေးတယ်လို့ ပညာဝန်ကြီးဌာနက သိရပါတယ်။
#Local_News
Published 20 March 2025
#တက္ကသိုလ်ဝင်တန်းစာမေးပွဲ #ပညာဝန်ကြီးဌာန
#YMG/NN #Yangon_Times

#Local_News
Published 20 March 2025

▪️ရန်ကုန်-မန္တလေးအမြန်လမ်းမကြီး၌ Express ခရီးသည်တင်ယာဉ်တစ်စီး တိမ်းမှောက်၍ ကိုးဦးဒဏ်ရာရရှိခဲ့ကြောင်း အမြန်လမ်းမီးသတ်တပ်ဖွဲ့မှ သိရသည်။

▪️မတ်လ ၂၀ရက်နေ့ မနက် ၄ နာရီ ၄၀မိနစ်အချိန်ခန့်က ရန်ကုန်-မန္တလေးအမြန်လမ်းမကြီး မိုင်တိုင်အမှတ်(၃၄၆/၀) ဖာလုံအနီးတွင်ယာဉ်မတော်တဆမှုဖြစ်ပွား‌ ခဲ့ကြောင်း သိရသည်။

▪️အဆိုပါ သတင်းရရှိ ၍၊ စကားအင်းအမြန်လမ်းမီးသတ်စခန်းမှတပ်ဖွဲ့ဝင်(၁+၄)ဦး၊ စကားအင်း အမြန်လမ်းရဲစခန်းမှ စခမ  အပါတပ်ဖွဲ့ဝင်(၂+၇)ဦးနှင့်အတူကူညီကယ်ဆယ်ရေးလုပ်ငန်းသွား ရောက်ဆောင်ရွက်ခဲ့ရာ ဖြစ်စဉ်မှာနေပြည်တော်ဘက်မှ မန္တလေးဘက်သို့ မောင်းနှင်လာသော YUTONG အမျိုးစား၊ဖြူဝါနီရောင် Express ခရီးသည်တင်ယာဉ်သည် အခင်းဖြစ်မိုင်တိုင်အရောက်တွင် ယာဉ်မောင်းအိပ်ငိုက်ပြီး လမ်းလယ်ကျွန်းအားဝင်ရောက်တိုက်မိပြီး အရှိန်မထိန်းနိုင်ဘဲတိမ်းမှောက်ရပ်တန့်သွားခဲ့ခြင်း ဖြစ်ကြောင်းသိရသည်။

▪️ယာဉ်မတော်တဆမှုကြောင့်၊ယာဉ်ပေါ်တွင် ယာဉ်မောင်း(၂)ဦး၊ ယာဉ်နောက်လိုက်(၃)ဦး၊ ခရီးသည် ကျား(၃)ဦး၊ မ(၁၈)ဦး၊ ပေါင်း(၂၆)ဦးအနက်၊ ကျား(၁)ဦး၊ မ(၈)ဦး၊ ပေါင်း(၉)ဦး၊ ထိခိုက်ဒဏ်ရာများရရှိခဲ့သဖြင့်၊ EMS 192 လူနာတင်ယာဉ်ဖြင့်၊ တံတားဦးမြို့နယ်ပြည်သူ့ဆေးရုံသို့ ပို့ဆောင်ကူညီပေးခဲ့ ကြောင်း သိရသည်။

#YMG/NN #Yangon_Times