#Local_News
Published 06 January 2025

▪️ နိုင်ငံတည်ဆောက်ရေးတွင် အရည်အသွေးမြင့်မားသည့် လူငယ်များရရှိစေရန်လူငယ်ငြိမ်းချမ်းရေးဖိုရမ်ကျင်းပမည်ဖြစ်ကြောင်း လူငယ်ငြိမ်းချမ်းရေးဖိုရမ်ကျင်းပရေးဦးစီးကော်မတီဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့် ကပြောသည်။

▪️ ယမာန်နေ့မွန်းလွဲပိုင်းတွင် နေပြည်တော်ရှိ M Gallery ဟိုတယ်၌ ကျင်းပသည့်
လူငယ်ငြိမ်းချမ်းရေးဖိုရမ်ကျင်းပရေး ဦးစီးကော်မတီ၏ တတိယအကြိမ် လုပ်ငန်းညှိနှိုင်းအစည်းအဝေး၌ ၎င်းကထည့်သွင်းပြောကြားခဲ့ခြင်းဖြစ်သည်။

▪️ အစည်းအဝေးတွင် ဦးစီးကော်မတီဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်က ငြိမ်းချမ်းရေးတွင် လူငယ်ကဏ္ဍသည် အရေးကြီးသည်ကို ယခုကျင်းပမည့် လူငယ်ငြိမ်းချမ်းရေးဖိုရမ်ဖြင့် ပုံဖော်မည်ဖြစ်ကြောင်း၊ နိုင်ငံတည်ဆောက်ရေးတွင် အရည်အသွေးမြင့်မားသည့် လူငယ်များရရှိစေရန် ယခုကျင်းပမည့် ဖိုရမ်မှဖော်ထုတ်မည်ဖြစ်ကြောင်း၊ ငြိမ်းချမ်းရေးနှင့် လူငယ်များ၏ အခန်းကဏ္ဍအား ဆက်နွှယ်ဆောင်ရွက်ခြင်းဖြစ်ကြောင်း၊ ငြိမ်းချမ်းမှသာ လူငယ်များ၏ အနာဂတ်ကောင်းမွန်မည်ဖြစ်ပြီး လူငယ်များအား ပြုစုပျိုးထောင်ပေးမှသာ ငြိမ်းချမ်းသည့် ပတ်ဝန်းကျင်တစ်ခုကို ဖော်ဆောင်နိုင်မည်ဖြစ်ကြောင်း၊ သဟဇာတဖြစ်သည့် ပတ်ဝန်းကျင်တစ်ခုဖြစ်အောင်၊ လူငယ်များအား ကိုယ်ကျင့်တရားကောင်းမွန်သည့် လူငယ်များဖြစ်အောင် ဆွေးနွေးဖော်ထုတ်မည်ဖြစ်ကြောင်း၊ ယခုဖိုရမ်မှတစ်ဆင့် တီထွင်ဖန်တီးနိုင်စွမ်းရှိသော လူငယ်များကို ဖော်ထုတ်နိုင်ရန်၊ အနာဂတ်နိုင်ငံတော်အတွက် စွမ်းရည်မြင့်မားသည့် လူငယ်များပေါ်ထွက်လာစေရန် မျှော်လင့်ပါကြောင်း ပြောကြားသည်။

▪️ ထို့နောက် ဦးစီးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်က ယနေ့အစည်းအဝေးတွင် သက်ဆိုင်ရာကော်မတီအလိုက် အဆုံးအဖြတ်ပေးရမည့် အချက်များအား အတည်ပြုချက်ရယူမည်ဖြစ်ကြောင်း၊ ကျင်းပမည့် ဖိုရမ်သည် ယခင်ငြိမ်းချမ်းရေးဖိုရမ်များနှင့်မတူဘဲ လူငယ်များအနေဖြင့် သီးသန့်ဆောင်ရွက်သည့် ဆွေးနွေးမှုအခင်းအကျင်းဖြစ်ကြောင်း၊ လူငယ်ငြိမ်းချမ်းရေးဖိုရမ်သည် အနာဂတ်အတွက် အရေးပါသည့် လူငယ်များ၏အခန်းကဏ္ဍအား ရည်ရွယ်၍ ကျင်းပဆောင်ရွက်ခြင်းဖြစ်ကြောင်းပြောကြားပြီး လူငယ်ငြိမ်းချမ်းရေးဖိုရမ်ကျင်းပရေး လုပ်ငန်းကိစ္စရပ်များ၊ ကြိုတင်ပြင်ဆင်ဆောင်ရွက်မှုအခြေအနေ၊ ပူးပေါင်းညှိနှိုင်းရေးလုပ်ငန်းကိစ္စရပ်များနှင့် စပ်လျဉ်း၍ ရှင်းလင်းဆွေးနွေးသည်။

▪️ ယင်းနောက် ဝန်ကြီးဌာနများမှ ဒုတိယဝန်ကြီးများ၊ နေပြည်တော်ကောင်စီအဖွဲ့ဝင်၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များ၊ တိုင်းဒေသကြီးနှင့် ပြည်နယ်များမှ လူမှုရေးရာဝန်ကြီးများက လုပ်ငန်းကဏ္ဍအလိုက် ရှင်းလင်းဆွေးနွေးကြပြီး တက်ရောက်လာသူများက ဝိုင်းဝန်းအကြံပြုဆွေးနွေးကြသည်။

▪️ ဆက်လက်၍ ဦးစီးကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဦးမောင်မောင်အုန်းက ယခုလူငယ်ငြိမ်းချမ်းရေးဖိုရမ်သည် နိုင်ငံအတွက် အနှစ်သာရရှိသည့် ဖိုရမ်တစ်ခုဖြစ်ကြောင်း၊ နိုင်ငံတော်က လူငယ်များကို အလေးထားကြောင်း၊ လုံခြုံပျော်ရွှင်တည်ငြိမ်သည့် အသိုက်အဝန်းရရှိနိုင်မည့် သတင်းစကားကို ယခုဖိုရမ်တွင် လူငယ်များကို ပေးရမည်ဖြစ်ကြောင်း၊ လူငယ်နှင့်အစိုးရ၊ ပြည်သူနှင့် အစိုးရယုံကြည်မှုတည်ဆောက်ရမည်ဖြစ်ကြောင်း၊ ယခုလူငယ်ငြိမ်းချမ်းရေးဖိုရမ်တွင် လူငယ်များသည် နိုင်ငံတည်ဆောက်ရေးအတွက် အရေးပါသည်ဆိုသည့် သတင်းစကားကိုပေးနိုင်ရမည်ဖြစ်ကြောင်း ဖြည့်စွက်ဆွေးနွေးသည်။

▪️ ယင်းနောက် ဦးစီးကော်မတီဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်က နိဂုံးချုပ်အမှာစကားပြောကြားပြီး အစည်းအဝေးကို ရုပ်သိမ်းလိုက်သည်။

▪️ အဆိုပါ အစည်းအဝေးသို့ လူငယ်ငြိမ်းချမ်းရေးဖိုရမ်ကျင်းပရေးဦးစီးကော်မတီဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်၊ ဦးစီးကော်မတီ ဒုတိယဥက္ကဋ္ဌ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်း၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီအတွင်းရေးမှူး ဒုတိယဗိုလ်ချုပ်ကြီး မင်းနိုင်နှင့် ကော်မတီဝင်များ၊ ဦးစီးကော်မတီအဖွဲ့ဝင် ဒုတိယဝန်ကြီးများ၊ အမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ကြပြီး တိုင်းဒေသကြီးနှင့် ပြည်နယ်များမှ လူမှုရေးရာဝန်ကြီးများက Video Conferencing ဖြင့် ပါဝင်တက်ရောက်ကြသည်။

▪️ ဖိုရမ်သည် နိုင်ငံတည်ဆောက်ရေးတွင် လူငယ်များ၏ အခန်းကဏ္ဍပါဝင်မှုကို အလေးပေးဆောင်ရွက်ခြင်းဖြစ်ပြီး လူငယ်များ၏ စိတ်ဓာတ်နှင့် စွမ်းအားများကို အကောင်းဆုံးသော ပုံစံများဖြင့် နိုင်ငံ၏ ငြိမ်းချမ်းရေးတည်ဆောက်မှုလုပ်ငန်းစဉ်များအတွင်း ပေါင်းစပ်ထည့်သွင်းနိုင်မည်ဖြစ်ကြောင်းသိရသည်။

#YMG/NN #Yangon_Times

#Local_News
Published 06 January 2025

▪️ ရန်ကုန်မြို့ အောင်မင်္ဂလာအဝေးပြေးကားဝင်းတွင် Expressကား(၁)စီး မီးလောင်မှု ယနေ့မနက်ပိုင်းကဖြစ်ပွားခဲ့ကြောင်း သိရသည်။

▪️ ဇန်နဝါရီ၆ ရက်နေ့၊ မနက်၃နာရီ ၄၄ မိနစ်အချိန်ခန့်ကရန်ကုန်တိုင်းဒေသကြီး၊ မင်္ဂလာဒုံမြို့နယ်၊ အောင်မင်္ဂလာအဝေးပြေးကားဝင်းတွင် Expressကား(၁)စီး မီးလောင်မှုဖြစ်ပွားခဲ့ကြောင်းသိရသည်။

▪️ အဆိုပါ သတင်းရရှိသဖြင့် မင်္ဂလာဒုံမြို့နယ်မီးသတ်စခန်းမှ မီးငြှိမ်းသတ်ယာဉ်(၄)စီး၊ မီးသတ်ရေသယ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက်၃ နာရီ ၅၈မိနစ်အချိန်၌မီးငြိမ်းခဲ့ကြောင်းသိရသည်၊၊

#YMG/NN #Yangon_Times

#World_Health
Published 06 January 2026

■ အယ်ကိုဟော အနည်းငယ်သောက်သုံးခြင်းက နှလုံးအတွက် ကောင်းမွန်တယ်လို့ ဆိုကြပြန်ပြီး ကင်ဆာဖြစ်စေတယ်လို့ သတိပေးထားတာတွေကို စိန်ခေါ်လာပါတယ်။

■ အမေရိကန် နှလုံးအဖွဲ့အစည်းရဲ့ ဒီအကြံပြုချက်က အယ်ကိုဟော သောက်သုံးမှုနဲ့ ပတ်သက်ပြီး အငြင်းပွားစရာတွေ ဖြစ်လာပါတယ်။

■ တစ်နေ့ကို တစ်ခွက်နှစ်ခွက်ခန့် သောက်ခြင်းဖြင့် နှလုံးသွေးကြောရောဂါ၊ လေဖြတ်ခြင်း၊ ရုတ်တရက်သေဆုံးခြင်း၊ နှလုံးရပ်ခြင်းတို့ကို အန္တရာယ်မဖြစ်စေဘဲ ဒီလိုရောဂါတွေ ဖြစ်နိုင်ခြေကိုပင် လျှော့ချနိုင်တယ်လို့ သုံးသပ်ကြပါတယ်။

■ အခြားသော ကျန်းမာရေးအဖွဲ့အစည်းတွေကတော့ အယ်ကိုဟောကို အနည်းငယ်မျှ သောက်သုံးလျှင်ပင် နှလုံးသွေးကြောရောဂါများ ဖြစ်နိုင်ခြေများစေကြောင်း သတိပေးထားပါတယ်။

■ အယ်ကိုဟောသောက်ခြင်းနဲ့ အချို့သောကင်ဆာများ ဖြစ်နိုင်ခြင်း ဆက်စပ်မှုတွေအကြောင်း ဖော်ပြထားတဲ့ တင်ပြချက်တစ်ခုကို အမေရိကန်အစိုးရက စက်တင်ဘာလမှာ ရုပ်သိမ်းခဲ့ပါတယ်။

■ ဒါဟာ အစိုးရက ဒီလိုအကြံပြုထားတဲ့ တင်ပြချက်ကိုပဲ အမှီပြုထားတာကြောင့်ဖြစ်ပြီး မသောက်သူတွေထက် အသက်အန္တရာယ်ဆုံးပါးနိုင်ခြေ လျော့နည်းတယ်လို့လည်း ပါဝင်ပါတယ်။

■ ဒီသုံးသပ်ချက်တွေဟာ နှလုံးသွေးကြောရောဂါတစ်ခုကိုပဲ အာရုံစိုက်ထားတာဖြစ်ပြီး လမ်းညွှန်ချက်အနေနဲ့ မဟုတ်ကြောင်း၊ ဒါကြောင့် အရင်ကမသောက်ရင် စပြီးမသောက်စေလိုကြောင်း နှလုံးအဖွဲ့အစည်းမှ ဒေါက်တာ မာရီယဲဂျေဆပ်စ်က ပြောပါတယ်။

■ အယ်ကိုဟော အနည်းငယ်သောက်လို့ နှလုံးသွေးကြောရောဂါအတွက် အကျိုးရှိစေနိုင်တယ်ဆိုတဲ့ အကြောင်းအရာတွေက ဘေးအန္တရာယ်များပြီး အယ်ကိုဟောနဲ့ ဆက်စပ်တဲ့ ကျန်းမာရေးအန္တရာယ်တွေ ဖြစ်လာနိုင်တယ်လို့ ဝေဖန်သူတွေ သတိပေးနေကြပါတယ်။

Source: SeattleTimes

#World_Science
Published 06 January 2026

■ နှစ်ပေါင်းဘီလီယံကျော် ကြာလာတာတဲ့အခါ ကမ္ဘာ့လေထုမှ အမှုန်ငယ်လေးတွေက လမြေကြီးပေါ်သို့ ကျရောက်ပြီး အာကာသယာဉ်မှူးတွေအတွက် သက်ရှိထောက်ပံ့နိုင်တဲ့ အရာတွေ ဖြစ်လာနိုင်ပါတယ်။

■ သိပ္ပံပညာရှင်တွေက ကမ္ဘာပေါ်က အမှုန်တွေ လပေါ်သို့ ဘယ်လိုရောက်လဲဆိုတာကို အခုမှ စတင်သိရှိလာကြပါတယ်။

■ ကမ္ဘာ့သံလိုက်စက်ကွင်းနဲ့အတူ ဆိုလာလေက လေထုအမှုန်များကို လမျက်နှာပြင်သို့ သယ်ဆောင်သွားပြီး လမြေကြီးပေါ်မှာ အမှုန်တွေ ကျန်ခဲ့တယ်လို့ ရိုချက်စတာတက္ကသိုလ်က လေ့လာဖော်ပြထားပါတယ်။

■ လမြေကြီးထဲမှာ ရေ၊ ကာဗွန်ဒိုင်အောက်ဆိုဒ်၊ ဟီလီယံ၊ အာဂွန်၊ နိုက်ထရိုဂျင်တို့လို အငွေ့ပျံလွယ်တဲ့ အရာတွေပါဝင်ကာ ကမ္ဘာ့လေထုကနေ အစပြုခဲ့ဖွယ် ရှိပါတယ်။

■ သုတေသနအရ ကမ္ဘာ့သံလိုက်စက်ကွင်းက ယနေ့ခေတ် အခြေအနေမှာပင် လပေါ်ကို အမှုန်တွေ ပို့ဆောင်ခြင်းကို ထောက်ပံ့ပေးနိုင်ပါတယ်။

■ လမြေကြီးထဲမှာ ကမ္ဘာ့လေထုအရာဝတ္ထုတွေ ရှိနေတဲ့ နှစ်ရှည်လများ အခြေအနေကို မှတ်တမ်းတင်နိုင်ပြီး ကမ္ဘာ့ရာသီဥတုတွေ၊ သမုဒ္ဒရာတွေ၊ သက်ရှိဆင့်ကဲပြောင်းလဲမှုတွေအကြောင်း ပိုမိုသိရှိစေရန် အထောက်အကူ ဖြစ်စေနိုင်ပါတယ်။

■ လမြေကြီးက အနာဂတ်မှာ လစူးစမ်းသူတွေအတွက် ရင်းမြစ်ကြီးတစ်ခု ဖြစ်လာနိုင်ပြီး ကမ္ဘာပေါ်က ထောက်ပံ့ပစ္စည်းတွေ ပို့ဆောင်နိုင်ရန် လိုအပ်ချက်တွေ လျော့ကျလာနိုင်ဖွယ် ရှိပါတယ်။

■ ဒီလေ့လာချက်ကနေ မားစ်ဂြိုဟ်လိုမျိုး အခြားဂြိုဟ်တွေမှာ အသက်ရှင်နေထိုင်နိုင်တဲ့ အခြေအနေတွေနဲ့ လေထုထွက်ပေါက်များအကြောင်း သိရှိလာအောင် ကူညီပေးနိုင်ဖွယ် ရှိပါတယ်။

Source: Phys.

တရုတ်ပြည်သူ့လွတ်မြောက်ရေးတပ် (PLA)ရေတပ်ဟာ ၂၀၂၆ နှစ်စမှာ Type 052D ပဲ့ထိန်းဒုံးကျည်ခွင်းသင်္ဘောအသစ်ကို နေရာချတာဝန်ပေးလိုက်ပြီ ဖြစ်ပါတယ်။

#Asia_Military
Published 05 January 2026
#ဒုံးကျည်ဖျက်သင်္ဘော #PLA
#YMG #Yangon_Times #Yangon_Media_Group

ပြည်တွင်းမှာတည်ဆောက်ထားတဲ့ ဘတ္တရီလျှပ်စစ်စက်ခေါင်းနဲ့နေပြည်တော်-တောင်ငူ ရထားလမ်းပိုင်းကိုပြေးဆွဲပေးသွားမယ်လို့ သိရပါတယ်။

#Local_News
Published 05 January 2026
#လျှပ်စစ်စက်ခေါင်း #နေပြည်တော်_တောင်ငူ
#YMG/SW #Yangon_Times

ရွှေတိဂုံစေတီတော်ကြီးရဲ့ရွှေသင်္ကန်း ကပ်လှူပူဇော်ခြင်းလုပ်ငန်းတွေမှာ အသုံးပြုနိုင်ဖို့ ရွှေဆိုင်းတွေဝယ်ယူသွားမယ်လို့ဂေါပကအဖွဲ့မှသိရပါတယ်။

#Local_News
Published 05 January 2026
#ရွှေတိဂုံစေတီတော်ကြီး #ရွှေသင်္ကန်း
#YMG/SW #Yangon_Times

#Daily_News
Published 05 January 2026

၁။‌ ‎‎မဟာမုနိဘုရားကြီးထုပိကာကို ရွှေစင်ရွှေပြားအသစ်ကပ်လှူရန်အလှူရှင်များကိုဖိတ်ခေါ်နေ
‎
‎‌‎၂။ ‌‌‌‌‌‌‌‌‌‌‌‎‎‎ရွှေတိဂုံစေတီတော်ကြီး၏ ရွှေသင်္ကန်းကပ်လှူပူဇော်ခြင်းလုပ်ငန်းများအတွက် ရွှေဆိုင်းများဝယ်ယူမည်
‎
‎၃။‌‌‎ ‌‌‌‌‌‌‌‌‌‎ပြည်တွင်း၌တည်ဆောက်ခဲ့သည့် လျှပ်စစ်စက်ခေါင်းဖြင့်နေပြည်တော်-တောင်ငူ ပြေးဆွဲမည်
‎
‎၄။‎ ‌‌‌‌‌‌‌‌‌‎‎တရုတ်ရေတပ်၏ဒုံးကျည်ဖျက်သင်္ဘောအမျိုးအစားသစ် (၂၀၂၆)၌စတင်တာဝန်ထမ်းဆောင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အင်အားပြင်းထန်ခဲ့တဲ့ မန္တလေးငလျင်ကြီးကြောင့် ထိခိုက်ပျ-က်စီးခဲ့တဲ့ မဟာမုနိဘုရားကြီးကိန်း၀ပ်စံပါယ်တော်မူရာ ရွှေကျောင်းတော်ကြီးပေါ်ရှိ ထုပိကာကို ရွှေစင်ရွှေပြားအသစ်ကပ်လှူမှာဖြစ်ရာ ပါဝင်လှူဒါန်းလိုသူတွေကို ဖိတ်ခေါ်ထားတယ်လို့ ဂေါပကအဖွဲ့က‌နေသိရပါတယ်။

#Local_News
Published 05 January 2026
#မဟာမုနိဘုရားကြီး #မန္တလေးငလျင်ကြီး
#YMG/NN #Yangon_Times

သီရိမဂ်လာကမ္ဘာအေးစေတီ‌တော်၌ ထမနဲထိုးပွဲနဲ့ စတုဒိသာလှူဒါန်းပွဲကို အခုလအတွင်း ကျင်းပသွားမယ်လို့ စေတီတော်ဂေါပကအဖွဲ့က သိရပါတယ်။

#Local_News
Published 05 January 2026
#ကမ္ဘာအေးစေတီ #ထမနဲထိုးပွဲ
#YMG/NN #Yangon_Times

#Local_News
Published 05 January 2025

▪️ ရန်ကုန်မြို့ ပြည်သူ့ရင်ပြင်၌ ကျင်းပလျက်ရှိသည့် ၂၀၂၆ ခုနှစ် (၇၈)နှစ်မြောက် လွတ်လပ်ရေးနေ့အထိမ်းအမှတ် MSME စျေးရောင်းပွဲတော် ၌ စျေးဆိုင်ခန်းပေါင်း ၃၅၀ကျော်ကိုပါဝင်ပြသခဲ့ကြောင်းသိရသည်။

▪️ အဆိုပါပြပွဲတွင် ရန်ကုန်တိုင်းဒေသကြီးအတွင်းရှိ စက်မှုဇုန်များ၊ MSME လုပ်ငန်းရှင်များ၊ အသေးစားစက်မှုလက်မှုလုပ်ငန်းဦးစီးဌာန၊ သမဝါယမဦးစီးဌာန၊ တိုင်းဒေသကြီး ရင်းနှီးမြှုပ်နှံမှု နှင့် ကုမ္ပဏီများညွှန်ကြားမှုဦးစီးဌာန၊ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်(UMFCCI)၊ မြန်မာနိုင်ငံ ဆန်စပါးအသင်းချုပ်တို့ ဆိုင်ခန်းများ၊ စာအုပ်အရောင်းဆိုင်များနှင့် စားသောက်ဆိုင်ခန်းများအပါအဝင် ဆိုင်ခန်းပေါင်း ၃၅၀ ကျော် ပါဝင်ပြသရောင်းချကြကြောင်း သိရသည်။

▪️ ဒေသအသီးသီးမှ ထွက်ကုန်ပစ္စည်းများကို စျေးနှုန်းသက်သာစွာ ရောင်းချနေမှု၊ ပြည်သူများ ဝယ်ယူအားပေးနေမှုကို ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းသည် တိုင်းဒေသကြီးဝန်ကြီးများ၊ တာဝန်ရှိသူများနှင့်အတူ ယမာန်နေ့ကကြည့်ရှုအားပေးပြီး ပြည်သူများအား ရင်းရင်းနှီးနှီး နှုတ်ဆက်ကြသည်။

▪️ ထို့ပြင် ပြည်သူ့ရင်ပြင်အလယ်ရှိ (၇၈)နှစ်မြောက် လွတ်လပ်ရေးနေ့အထိမ်းအမှတ် ဂီတဖျော်ဖြေရေးမဏ္ဍပ်၌လည်း တေးသံရှင်များ၊ DJ အနုပညာရှင်များ၊ တိုင်းရင်းသားရိုးရာအကအဖွဲ့များနှင့် မျိုးဆက်သစ်တေးသံရှင်များစွာတို့က ပွဲတော်လာပရိသတ်အကြိုက် မြူးကြွစွာသီဆိုဖျော်ဖြေပေးကြပြီး ပြည်သူများပွဲတော်သို့လာရောက်ရာတွင် အဆင်ပြေချောမွေ့စေရန်အတွက် မော်တော်ယာဉ်များ ပို့ဆောင်ပြေးဆွဲပေးလျက်ရှိသည့်အပြင် သန့်ရှင်းပြီး စည်းကမ်းရှိသည့် ပွဲတော်ဖြစ်စေရေးအတွက် အမှိုက်များ စနစ်တကျစွန့်ပစ်ရန် အမှိုက်ပုံးများ၊ Mobile Toilet များကိုလည်း စီစဉ်ဆောင်ရွက်ပေးခဲ့ကာ ယနေ့ညပိုင်းတွင်လည်း ပွဲတော်ကျင်းပရာ ပြည်သူ့ရင်ပြင်၌ ၂၀၂၆ခုနှစ် (၇၈) နှစ်မြောက် လွတ်လပ်ရေးနေ့အထိမ်းအမှတ်အဖြစ် မီးရှူးမီးပန်းများလည်း ပစ်ဖောက်ခဲ့ကြောင်းသိရသည်။ 

#YMG/NN #Yangon_Times

#World_News
Published 05 January 2026

■ ဒိန်းမတ်နဲ့ ဂရင်းလန်းခေါင်းဆောင်တွေက အမေရိကန်သမ္မတ ဒေါ်နယ်ထရမ့် ဂရင်းလန်းကို သိမ်းယူရန် ခြိမ်းခြောက်နေတာတွေကို ရပ်တန့်ဖို့ တနင်္ဂနွေနေ့က တိုက်တွန်းလိုက်ပါတယ်။

■ ထရမ့်က The Atlantic မဂ္ဂဇင်းနဲ့ အင်တာဗျူးမှာ ဂရင်းလန်းကို ထိန်းချုပ်လိုကြောင်း ထပ်မံပြောကြားခဲ့တာ ဖြစ်ပါတယ်။

■ အမေရိကန်က ဂရင်းလန်းကို ထိန်းချုပ်ဖို့ဆိုတာက အဓိပ္ပာယ်မရှိကြောင်း၊ ဒိန်းမတ်ပြည်ထောင်စု ၃ နိုင်ငံကို အမေရိကန် သိမ်းပိုက်ခွင့်မရှိကြောင်း ဒိန်းမတ်ဝန်ကြီးချုပ် မတ်ဖရက်ဒရစ်ဆန်က ပြောကြားသွားပါတယ်။

■ အမေရိကန်က ဗင်နီဇွဲလားသမ္မတ နီကိုလတ်စ်မဒူရိုကို ဖမ်းဆီးပြီးနောက်တစ်နေ့မှာ ထရမ့်က ဂရင်းလန်းကို ထိန်းချုပ်ဖို့လိုအပ်ကြောင်း ပြောသွားပါတယ်။

■ နီးစပ်တဲ့ မဟာမိတ်တွေကို သိမ်းပိုက်ဖို့ ခြိမ်းခြောက်နေတာတွေ မပြုလုပ်တော့ဖို့ အမေရိကန်ကို တိုက်တွန်းလိုတယ်လို့ ဖရက်ဒရစ်ဆန်က ပြောပါတယ်။

■ အမေရိကန်သမ္မတက ဂဪင်းလန်းကို လိုအပ်တယ်ဆိုပြီး ဗင်နီဇွဲလားလိုမျိုး ပြုမူတာဟာ မလေးစားရာကျတယ်လို့ ဂရင်းလန်းဝန်ကြီးချုပ် ယန်းစ်ဖရက်ဒရစ်နီလ်ဆန်ကလည်း ပြောသွားပါတယ်။

■ ဒီဇင်ဘာ ၂၁ ရက်နေ့က ထရမ့်ဟာလူဝီစီယာနာအုပ်ချုပ်ရေးမှူး ဂျက်ဖ်လန်ဒရီကို ဂရင်းလန်းအထူးသံတမန်အဖြစ် ခန့်အပ်ခဲ့ပါသေးတယ်။

■ ဂရင်းခန်းက ဥရောပနဲ့ မြောက်အမေရိကကြား တည်ရှိကာ ဒုံးကျည်ကာကွယ်ရေးစနစ်များအတွက် အဓိကကျတဲ့ ဗျူဟာမြောက်နေရာ ဖြစ်နေသလို သတ္တုတွင်းကြွယ်ဝတာကလည်း ဆွဲဆောင်ချင်စရာ ဖြစ်နေပါတယ်။

Source: Reuters