ရန်ကုန်၊ဇွန်၃၀၊၂၀၂၆

လာမည့် ၂၀၂၆ ခုနှစ်၊ ဇူလိုင်လ (၈) ရက်နေ့မှ စတင်၍ ပြည်ထောင်စုသမ္မတမြန်မာနိုင်ငံတော် အစိုးရနှင့် ဘယ်လာရုစ်သမ္မတနိုင်ငံ အစိုးရတို့အကြား သာမန်နိုင်ငံကူးလက်မှတ် ကိုင်ဆောင်သူများအတွက် အပြန်အလှန် ဗီဇာကင်းလွတ်ခွင့်ဆိုင်ရာ သဘောတူညီချက် တရားဝင် စတင်အသက်ဝင်မည်ဖြစ်ကြောင်း သိရသည်။

အဆိုပါ သဘောတူညီချက်အရ နှစ်နိုင်ငံ နိုင်ငံသားများသည် တစ်နိုင်ငံနှင့် တစ်နိုင်ငံသို့ သွားရောက်ရာတွင် ကြိုတင်ဗီဇာလျှောက်ထားရန် မလိုအပ်ဘဲ လွတ်လပ်စွာ ဝင်ထွက်သွားလာခွင့် ရရှိမည်ဖြစ်သည်။ သို့ရာတွင် အဆိုပါ ဗီဇာကင်းလွတ်ခွင့်ဖြင့် သွားရောက်သူများအနေဖြင့် တစ်ကြိမ်လျှင် နေထိုင်ခွင့်ကာလ ရက်ပေါင်း (၃၀) အထိ ရရှိကြမည်ဖြစ်သည်။

ယခုကဲ့သို့ ဗီဇာကင်းလွတ်ခွင့် ပြုလုပ်ပေးခြင်းဖြင့် နှစ်နိုင်ငံအကြား ခရီးသွားလာရေးလုပ်ငန်းများ ပိုမိုဖွံ့ဖြိုးတိုးတက်လာစေရန်နှင့် ကုန်သွယ်ရေး၊ ရင်းနှီးမြှုပ်နှံမှု အစရှိသည့် နှစ်နိုင်ငံ ပူးပေါင်းဆောင်ရွက်မှုများ ပိုမိုအားကောင်းလာစေရန် ရည်ရွယ်ခြင်းဖြစ်ကြောင်းသိရသည်။

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်၏ ဖိတ်ကြားချက်အရ ဘယ်လာရုစ်သမ္မတနိုင်ငံ သမ္မတ မစ္စတာ အလက်ဇန္ဒား လူကာရှန်ကိုသည် မြန်မာနိုင်ငံသို့ အလုပ်သဘော ခရီးလာရောက်ရန်ရှိနေသည်။

#World_Health
Published 30 June 2026

■ အာလူးရဲ့ အာဟာရတန်ဖိုးတွေ ဇီဝဖြစ်စဉ်တွေအကြောင်း အငြင်းအခုံဖြစ်နေကြရာ BMJ လေ့လာဖော်ပြချက်ထဲမှာ အာလူးကို ကြွပ်နေအောင် ကြော်စားခြင်းက ကျန်းမာရေးအန္တရာယ် များစေတယ်လို့ ဖော်ပြထားပါတယ်။

■ လူပေါင်း ၂၀၅,၀၀၀ ကို နှစ်ပေါင်း ၄၀ ကြာအောင် လေ့လာခဲ့ရာမှာ အာလူးကြော်စားသုံးခြင်းနဲ့ ဆီးချိုရောဂါ ဖြစ်ပွားမှုမြင့်မားခြင်းတို့ ဆက်စပ်နေခဲ့ပြီး အာလူးကို သာမန်ချက်ပြုတ်စားသောက်ခြင်းကတော့ ဆီးချိုမဆက်စပ်ခဲ့ပါဘူး။

■ ၃၇ နှစ်တာလေ့လာချက်မှာတော့ အာလူးစားသုံးခြင်းက ၂၂,၂၉၉ ဦးမှာ ဆီးချိုရောဂါနဲ့ ဆက်စပ်ခဲ့ပြီး တစ်ပတ်ကို ၃ ကြိမ်စားသုံးခြင်းကတော့ ဆီးချိုဖြစ်နိုင်ခြေ ၅ ရာခိုင်နှုန်း များစေတာကြောင့် ချက်ပြုတ်စားသောက်တဲ့ ပုံစံက သိသိသာသာ သက်ဆိုင်နေပါတယ်။

■ တစ်ပတ်ကို အာလူးကြော် ၃ ကြိမ်စားခြင်းက ဆီးချိုဖြစ်နိုင်ခြေ ၂၀ ရာခိုင်နှုန်းပိုများစေပြီး ချက်ပြုတ်ခြင်း၊ အာလူးထောင်းခြင်းတို့ကတော့ တစ်ပတ်ကို ၃ ကြိမ်စားခြင်းဖြင့် ဆီးချိုဖြစ်နိုင်ခြေ တိုးများခြင်း မရှိခဲ့ပါဘူး။

■ အာလူးစားမယ့်အစား ဂျုံပြောင်းဆန် အစားထိုးခြင်းဖြင့် ဆီးချိုဖြစ်နိုင်ခြေ ၈ ရာခိုင်နှုန်း လျှော့ချနိုင်ပြီး အာလူးကြော်နေရာမှာ အစားထိုးရင်တော့ ၁၉ ရာခိုင်နှုန်း လျှော့ချပေးနိုင်မှာပါ။

■ ဆီကြော်မုန့်တွေ ရှောင်ရှားဖို့က အရေးကြီးပြီး ဂျုံပြောင်းဆန်လိုမျိုး စားစရာတွေနဲ့ အစားထိုးသင့်ပါတယ်။

■ ဒီလေ့လာချက်ကနေ စားစရာတွေကို ချက်ပြုတ်ပြင်ဆင်ပုံက အရေးကြီးကြောင်း ဖော်ပြနေပြီး ဆီကြော်စာတွေအစား ကျန်းမာရေးနဲ့ ညီညွတ်တဲ့ အစားအစာတွေ ပိုမိုစားသုံးသင့်ကြောင်း အကြံပြုနေပါတယ်။

Source: NDTV

#World_Health
Published 30 June 2026

■ အင်စတာဂရမ်ထဲက ဗီဒီယိုတစ်ခုထဲမှာ ခြေထောက်လေ့ကျင့်ခန်း ပြုလုပ်ခြင်းဖြင့် ဆီးချိုလူနာတွေမှာ သွေးတွင်းသကြားဓာတ်ကို ၅၂ ရာခိုင်နှုန်း လောင်ကျွမ်းစေနိုင်တယ်လို့ ဖော်ပြထားကာ ဆီးချိုဝေဒနာရှင်တွေ နေ့စဉ် ကိုယ်လက်လှုပ်ရှားမှု ပြုလုပ်ဖို့ အားပေးရာရောက်နိုင်တယ်လို့ ကြံ့ခိုင်ရေးထရိန်နာ ရီတစ်ချောင်ဒယ်ရီက ပြောထားပါတယ်။

■ လေ့ကျင့်ခန်းတွေက ဆီးချိုထိန်းချုပ်ရာမှာ အရေးပါပြီး ကြွက်သားတွေ အထူးသဖြင့် ခြေထောက်လေ့ကျင့်ခန်းတွေက ဂလူးကို့စ် ထိန်းချုပ်စေနိုင်ပါတယ်။

■ ခြေထောက်ကြွက်သားတွေရဲ့ အရွယ်အစားကြောင့် လှုပ်ရှားမှုပြုလုပ်စဉ်မှာ ဂလူးကို့စ်ပမာဏ အများအပြား စုပ်ယူစေကာ အင်ဆူလင်တုံ့ပြန်မှု အားကောင်းစေတာကြောင့် ဆီးချိုသမားတွေအတွက် အကြံပြုထားပါတယ်။

■ ဆီးချိုထိန်းချုပ်ရာမှာ ဘေးကင်းပြီး ထိရောက်မှုရှိတဲ့ လေ့ကျင့်ခန်းတွေထဲမှာ လမ်းလျှောက်ခြင်း၊ ထိုင်ထလုပ်ခြင်း၊ စက်ဘီးစီးခြင်း၊ လှေကားတက်ခြင်း၊ အလေးချိန်ပါသော အားစိုက်ထုတ်ရတဲ့ လေ့ကျင့်ခန်းများ ပါဝင်ပါတယ်။

■ ပုံမှန်လေ့ကျင့်ခန်း ပြုလုပ်ခြင်းဖြင့် ဂလူးကို့စ်ထိန်းချုပ်မှု တိုးတက်စေခြင်း၊ အင်ဆူလင်ယဉ်ပါးမှု လျော့ကျခြင်း၊ ကိုယ်အလေးချိန် ထိန်းချုပ်စေနိုင်ခြင်း၊ နှလုံးသွေးကြောကျန်းမာရေး တိုးတက်စေခြင်းတို့ ရရှိနိုင်ပါတယ်။

■ လေ့ကျင့်ခန်းပြုလုပ်ခြင်းလိုမျိုး နေထိုင်စားသောက်မှုပုံစံ ပြောင်းလဲမှုများ ဂရုတစိုက်ပြုလုပ်ခြင်းဖြင့် ဆီးချိုအစောပိုင်းရှိသူတွေမှာ ဆေးဝါးအပေါ် မှီခိုရမှု လျော့ကျနိုင်ကာ ဒီလိုပြောင်းလဲမှုတွေကို ကျန်းမာရေးစောင့်ရှောက်သူတွေက စောင့်ကြည့်ရမှာ ဖြစ်ပါတယ်။

Source: The Indian Express

ကမ္ဘာတဝှမ်းမှ လူငယ်အက်ရှင်ဝါသနာရှင်များဟာ ပေကျင်းမြို့ရှိ ဂျက်ကီချန်းစတန့်အဖွဲ့ လေ့ကျင့်ရေးစခန်းမှာ ၅ ရက်ကြာ ယဉ်ကျေးမှုဖလှယ်ပွဲသို့ လာရောက်ခဲ့ကြပါတယ်။

#Asia_Event
Published 27 June 2026
#ဂျက်ကီချန်းစတန့်အဖွဲ့ #ပေကျင်း
#YMG #Yangon_Times #Yangon_Media_Group

ငလျင်ကြောင့်ထိခိုက်ခံစားခဲ့ရသော ရပ်ရွာလူထုအတွက် မြန်မာနိုင်ငံကြက်ခြေနီအသင်းက ထောက်ပံ့ကူညီမှုများကို စဉ်ဆက်မပြတ်ဆောင်ရွက်လျက်ရှိရာ ပြင်းထန်ငလျင်ကြောင့် ထိခိုက်ခံစားခဲ့ရသူများ ပြန်လည်ထူထောင်ရေးအတွက် ရှမ်းပြည်နယ်(တောင်ပိုင်း)၊ ညောင်ရွှေမြိုနယ်ရှိကျေးရွာများတွင် ငလျင်ကြောင့်ပျက်စီးခဲ့သောနေအိမ်များကို ပြုပြင်နိုင်ဖို့အတွက်ကျပ်သိန်းတစ်ထောင်နီးပါးပေးအပ်ခဲ့တယ်လို့သိရပါတယ်။

#Local_News
Published 29 June 2026
#ငလျင် #ညောင်ရွှေမြို့နယ်
#YMG/SW #Yangon_Times

တေရသမအကြိမ်မြောက် မြန်မာနိုင်ငံလုံးဆိုင်ရာ သုတစုံလင်ဗုဒ္ဓဝင်ဖြေဆို ပူ‌ဇော်ပွဲမှာ ရန်ကုန်တိုင်းပထမ ၊ တစ်နိုင်ငံလုံးတတိယဆုရှင် မမြဖူးငုံအား ထပ်ဆင့်ဂုဏ်ပြုပွဲကို ဇွန်လ(၂၇)ရက်နေ့က ရန်ကုန်မြို့ဒဂုံဆိပ်ကမ်းမြို့နယ်ရှိ အောင်သုခပရိယတ္ထိစာသင်တိုက်မှာကျင်းပပြုလုပ်ခဲ့ပါတယ်။

#Local_News
Published 29 June 2026
#သုတစုံလင်ဗုဒ္ဓဝင်
#YMG/NN #Yangon_Times

နေပြည်တော်‌ကောင်စီနယ်‌မြေ၊ ဇမ္ဗူသီရိမြို့နယ်၊ သုခသိဒ္ဓိရပ်ကွက်ရှိ သုခတော်ဝင်အိမ်ရာ အပိုင်း(၂)မှ တိုက်ခန်းတွေအတွက် လျှောက်ထားသူများအား မဲနှိုက်ရွေးချယ်တာကို လာမယ့် ဇူလိုင်လ(၁)ရက်နဲ့(၂)ရက်နေ့တွေမှာ ပြုလုပ်သွားမယ်လို့သိရပါတယ်။

#Local_News
Published 29 June 2026
#နေပြည်တော်သုခတော်ဝင်အိမ်ရာ
#YMG/SW #Yangon_Times

ခရီးသွားလုပ်ငန်းနှင့် ယဉ်ကျေးမှုခေါင်းစဉ် နဲ့ Short Video ပြိုင်ပွဲကျင်းပသွားမှာဖြစ်တာကြောင့် ဒီကနေ့ကနေစတင်ပြီး ပြိုင်ပွဲဝင်ဗီဒီယိုတွေကို ပေးပိုနိုင်ပြီလို့ ဟိုတယ်၊ ခရီးသွားလာရေး နှင့်ယဉ်ကျေးမှုဝန်ကြီးဌာနက သိရပါတယ်။

#Local_News
Published 29 June 2026
#ခရီးသွားလုပ်ငန်းနှင့်ယဉ်ကျေးမှု
#YMG/NN #Yangon_Times

#Daily_News
Published 29 June 2026

၁။‌ ငလျင်ဒဏ်သင့်ညောင်ရွှေမြို့နယ်ပြန်လည်ထူထောင်ရေးအတွက် ကျပ်သိန်းတစ်ထောင်နီးပါးပေးအပ်

‌‎၂။ ‌သုတစုံလင်ဗုဒ္ဓဝင်တတိယဆုရရှိသူအားဒဂုံဆိပ်ကမ်းမြို့နယ်မှ ထပ်ဆင့်ဂုဏ်ပြု

‎၃။‌‌‎ နေပြည်တော်သုခတော်ဝင်အိမ်ရာ အပိုင်း(၂)အတွက် ဇူလိုင် ၁ ရက်နှင့် ၂ ရက်တွင်မဲနှိုက်မည်

၄။‎ ‌‌‌‌‌‌‌‌‌ပေကျင်း၌လူငယ်ရုပ်ရှင်ဖန်တီးသူများ ဂျက်ကီချန်းစတန့်အဖွဲ့နှင့်လေ့ကျင့်သင်ယူ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 29 June 2026

■ အကျဉ်းထောင်များရှိ အကျဉ်းသား၊ အကျဉ်းသူများ၊ လူငယ်သင်တန်းကျောင်းများရှိ  ကလေးသူငယ်များနှင့် မသန်စွမ်းကျောင်းများမှ   မသန်စွမ်းသူများ   ပညာသင်ယူခွင့်ဆက်လက်ရရှိနိုင်ရေး ဆောင်ရွက်ပေးသွားမည်ဖြစ်ကြောင်း မြန်မာနိုင်ငံအမျိုးသားလူ့အခွင့်အရေးကော်မရှင်၏အမှတ်စဉ် (၇/၂၀၂၆) သတင်းထုတ်ပြန်ချက်၌ ဖော်ပြထားသည်။

■ အဆိုပါထုတ်ပြန်ချက်၌ ပညာရေးသည် လူတစ်ဦးချင်းစီ၏  အခြေခံလူ့အခွင့်အရေးတစ်ရပ်ဖြစ်သည့်အပြင်  နိုင်ငံတစ်နိုင်ငံ၏ လူမှုရေး၊ စီးပွားရေးနှင့် နိုင်ငံရေးဖွံ့ဖြိုးတိုးတက်မှုကို အခြေခံပံ့ပိုးပေးသောအရေးကြီးသည့် မဏ္ဍိုင်တစ်ရပ်လည်းဖြစ်ပြီး ပြည်ထောင်စုသမ္မတ မြန်မာနိုင်ငံတော်ဖွဲ့စည်းပုံအခြေခံဥပဒေ (၂၀၀၈ ခုနှစ်)၊ ပုဒ်မ ၃၆၆ ၊ ပုဒ်မခွဲ (က)၊ ကမ္ဘာ့လူ့အခွင့်အရေး ကြေညာစာတမ်း အပိုဒ် ၂၆ (က)၊ မြန်မာနိုင်ငံမှ ပါဝင်ချုပ်ဆိုထားသော ကုလသမဂ္ဂ၏ ကလေးသူငယ်အခွင့်အရေးများဆိုင်ရာ သဘောတူစာချုပ်အပိုဒ် ၂၈၊ ၂၉၊ မသန်စွမ်းသူများ၏ အခွင့်အရေးဥပဒေ (၂၀၁၅ ခုနှစ်) ပုဒ်မ ၂၀ နှင့် ကလေးသူငယ်အခွင့်အ‌ရေးများဆိုင်ရာ ဥပဒေ (၂၀၁၉ခုနှစ်) ပုဒ်မ ၄၆၊ ၄၇၊  တို့တွင် ပညာသင်ယူခွင့်နှင့်စပ်လျဉ်း၍ ပြဋ္ဌာန်းကြေညာထား ကြောင်း ဖော်ပြထားသည်။

■ ထို့အပြင် ၂၀၂၅-၂၀၂၆ ပညာသင်နှစ်အတွက် တက္ကသိုလ်ဝင်စာမေးပွဲအောင်စာရင်းများကို ၂၀၂၆ ခုနှစ်၊ ဇွန်လ ၂၈ ရက်နေ့တွင် ထုတ်ပြန်ကြေညာခဲ့ရာ တက္ကသိုလ်ဝင်စာမေးပွဲအောင်မြင်သူ ၅၂ ဒသမ ၃၇ ရာခိုင်နှုန်းအနက် အကျဉ်းဦးစီးဌာနအောက်ရှိ အင်းစိန်ဗဟိုအကျဉ်းထောင်မှ အကျဉ်းသား ၃၆ ဦးဖြေဆို အောင်မြင်ခဲ့ပြီး ယခုနှစ်နှင့်ပါဆိုလျှင် အင်းစိန်ဗဟိုအကျဉ်းထောင်မှ ဖြေဆိုအောင်မြင်မှုမှာ ၁၀၀ ရာခိုင် နှုန်းဖြင့် ၅ နှစ်ဆက်တိုက် ဖြေဆိုအောင်မြင်မှုဖြစ်ပြီး မန္တလေးဗဟိုအကျဉ်းထောင်မှ အကျဉ်းသား ၁၀ ဦး၊ စုစုပေါင်း အကျဉ်းသား ၄၆ ဦး အောင်မြင်ခဲ့ကြောင်း ၊ အောင်မြင်သူများတွင် ၃ ဘာသာဂုဏ်ထူးရှင် ၅ ဦး၊ ၂ ဘာသာဂုဏ်ထူးရှင် ၆ ဦးနှင့် ၁ ဘာသာဂုဏ်ထူးရှင် ၆ ဦး ပါဝင်ကြောင်းဖော်ပြထားသည်။

■ ထို့အပြင် လူမှုဝန်ထမ်းဦးစီးဌာနအောက်ရှိ လူငယ်သင်တန်းကျောင်းများနှင့် မသန်စွမ်းကျောင်းများမှ သင်တန်းသား၊ သင်တန်းသူများ ဖြစ်ကြသော  ကြည့်မြင်တိုင်မျက်မမြင်ကျောင်းမှ အမြင်အာရုံမသန်စွမ်းသူ ၂ ဦး၊ ကျိုက်ဝိုင်းလူငယ်သင်တန်းကျောင်းမှ ၃  ဦး၊  အမျိုးသမီးကလေးများသင်တန်းကျောင်း (မန္တလေး)မှ ၁ ဦး၊ လပွတ္တာလူငယ့်အားမာန်သင်တန်းကျောင်းမှ ၁ ဦး၊ မန္တလေး လူငယ်သင်တန်းကျောင်းမှ ၄ ဦးလည်း အောင်မြင်ခဲ့ကြောင်း သိရသည်။    

■ ပညာရေးကို မြှင့်တင်ရင်းနှီးမြှုပ်နှံခြင်းသည် လူတစ်ဦးချင်း၏ အနာဂတ်ကိုသာမက နိုင်ငံ၏ယှဉ်ပြိုင်နိုင်စွမ်းနှင့် ရေရှည်ဖွံ့ဖြိုးတိုးတက်ရေးအတွက်လည်း  မရှိမဖြစ်အရေးကြီးသော ရင်းနှီးမြှုပ်နှံမှုတစ်ရပ်ဖြစ်သောကြောင့်  ၂၀၂၅-၂၀၂၆ ပညာသင်နှစ် တက္ကသိုလ်ဝင်စာမေးပွဲ ဖြေဆိုအောင်မြင်သူအားလုံးအတွက် မြန်မာနိုင်ငံအမျိုးသားလူ့အခွင့်အရေးကော်မရှင်မှ ဂုဏ်ယူဝမ်းမြောက်ပါကြောင်းနှင့်  အကျဉ်းထောင်များရှိ အကျဉ်းသား၊ အကျဉ်းသူများ၊ လူငယ်သင်တန်းကျောင်းများရှိ  ကလေးသူငယ်များနှင့်မသန်စွမ်းကျောင်းများမှ  မသန်စွမ်းသူများ   ပညာသင်ယူခွင့်ဆက်လက်ရရှိနိုင်ရေး ဆောင်ရွက်ပေးသွားမည်ဟုယုံကြည်ပါကြောင်း သတင်းထုတ်ပြန်ထားကြောင်း သိရသည်။    

#YMG/NN #Yangon_Times

#Local_News
Published 29 June 2026

■ MSMEs “လက်ဖက်ရည်စကားဝိုင်း” (Tea Talk) ကို ရန်ကုန်မြို့ရှိ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်၌ ဇွန် ၃၀ ရက်တွင် ကျင်းပသွားမည်ဖြစ်သည်။

■ အဆိုပါလက်ဖက်ရည်စကားဝိုင်း၌ ခရီးသွားကဏ္ဍအသေးစား၊ အငယ်စားနှင့် အလတ်စား (MSME) လုပ်ငန်းများ ဖွံ့ဖြိုးတိုးတက်ရေးအတွက် မြေပြင်တွင် ကြုံတွေ့နေရသည့် အခက်အခဲများကို ပွင့်လင်းမြင်သာစွာ ဆွေးနွေးသွားမည်ဖြစ်သည်။

■ ယင်း “လက်ဖက်ရည်စကားဝိုင်း” ကို စုစုပေါင်း နှစ်ကြိမ်တိုင်တိုင် ကျင်းပသွားရန် စီစဉ်ထားပြီး စကားဝိုင်းများမှ ရရှိလာသည့် ရလဒ်များကို အခြေခံ၍ သက်ဆိုင်ရာဝန်ကြီးဌာနများနှင့် တာဝန်ရှိသူများပါဝင်မည့် ဆွေးနွေးပွဲတစ်ရပ်ကို ဆက်လက်ကျင်းပသွားမည်ဖြစ်သည်။

■ ထို့အပြင် ​ဆွေးနွေးပွဲများမှ ထွက်ပေါ်လာသည့် အကြံပြုချက်များနှင့် အချက်အလက်များကို အစီရင်ခံစာအဖြစ်ပြုစုကာ သက်ဆိုင်ရာတာဝန်ရှိသူများထံ တင်ပြသွားမည်ဖြစ်ပြီး MSME ခရီးသွားလုပ်ငန်းများ ရေရှည်ဖွံ့ဖြိုးတိုးတက်ရေးအတွက် လိုအပ်သော မူဝါဒပိုင်းဆိုင်ရာ ပံ့ပိုးကူညီမှုများရရှိနိုင်ရေးကို ဆက်လက်အကောင်အထည်ဖော် ဆောင်ရွက်သွားမည်ဖြစ်ကြောင်းလည်း သိရသည်။

#YMG/NN #Yangon_Times

#World_News
Published 29 June 2026

■ ဥရောပမှာ မုန်တိုင်းရွေ့လျားနေပြီး တနင်္ဂနွေနေ့ကဆိုရင် နေရာအချို့မှာ အပူချိန် ၄၀ ဒီဂရီဆဲလ်စီးယပ်စ်အထိ ရှိခဲ့ကာ ယခုစံချိန်တင်အပူလှိုင်းကာလအတွင်း ပြင်သစ်မှာ သေဆုံးသူ ၁ ထောင်ကျော်ပြီလို့ သိရပါတယ်။

■ အပူဒဏ်ကြောင့် သေဆုံးရခြင်းအများစုမှာ သက်ကြီးရွယ်အိုတွေဖြစ်တယ်လို့ ပြင်သစ်ပြည်သူ့ကျန်းမာရေးဌာနက ပြောထားကာ လူနေအိမ်တွေရဲ့ အသက်ဆုံးပါးမှုတွေကိုလည်း အသေးစိတ်သိလာရပြီ ဖြစ်သဖြင့် အရေအတွက် တိုးများလာနိုင်တယ်လို့ သတိပေးထားပါတယ်။

■ ဇွန် ၂၀ ရက်နေ့ကစတင်ကာ ဥရောပမှာ အဆိုးရွားဆုံး အပူလှိုင်းဖြစ်ပေါ်ခဲ့ပြီး ဓာတ်အားထုတ်လုပ်ရေးတွေ ထိခိုက်ကာ ကျန်းမာရေးစနစ်များကို ဖုံးလွှမ်းသွားခဲ့ပါတယ်။

■ အခုဆိုရင် လူပေါင်းသန်း ၁၅၀ လောက်ဟာ အလွန်ပူပြင်းတဲ့ အခြေအနေအောက် နေထိုင်နေရပြီး ရာနဲ့ချီ သေဆုံးထားသလို ကျောင်းတွေပိတ်ထားရတယ်လို့ WHO ညွှန်ကြားရေးမှူးချုပ် တက်ဒရိုအက်ဒါနွမ်ဂေဘရီယေဆပ်စ်က X မှာ ဖော်ပြထားပါတယ်။

■ ဂျာမနီ၊ ပိုလန်၊ ချက်၊ ဩစတြီးယားတို့မှာ အပူချိန်စံချိန်တင်ခဲ့ပြီး ပြင်သစ်မှာ မုန်တိုင်းတွေကြောင့် နောက်ထပ်ပျက်စီးမှုတွေ ဖြစ်ပေါ်စေပါတယ်။

■ ဒီလိုအပူလှိုင်းက လူသားတွေကြောင့်ဖြစ်ရတဲ့ ရာသီဥတုဖောက်ပြန်မှုဖြစ်ပြီး နောက်ထပ်လည်း မကြာခဏ ဖြစ်နိုင်တယ်လို့ သိပ္ပံပညာရှင်တွေ ပြောပါတယ်။

■ အပူဒဏ်လွန်ကဲခြင်းကြောင့် ပို့ဆောင်ရေး၊ ဓာတ်အားစနစ်များ၊ စိုက်ပျိုးရေးကဏ္ဍတို့ကို သက်ရောက်စေပြီး နျူကလီးယားစက်ရုံတွေ ဓာတ်အားထုတ်လုပ်မှု လျော့နည်းစေတဲ့အပြင် မြစ်တွေ ခန်းခြောက်လာပါတယ်။

■ အပူလှိုင်းက အရှေ့ဘက်သို့ ရွေ့လျားနေသဖြင့် ဥရောပအနောက်ခြမ်းမှာ ချမ်းအေးလာနိုင်တယ်လို့ ခန့်မှန်းရပေမယ့် သီတင်းပတ်တွေကြာအောင် ဆက်ရှိနေနိုင်ပါတယ်။

Source: Reuters