ရီနို၊ နီဗားဒါး — နီဗားဒါးပြည်နယ်၊ ရီနိုမြို့ရှိ အကြီးဆုံးလောင်းကစားရုံအပြင်ဘက်တွင် သေနတ်ကိုင်  တစ်ဦးက ဇူလိုင်၂၈ရက်၊တနင်္လာနေ့နံနက်ပိုင်းတွင် ပစ်ခတ်မှုဖြစ်ပွားခဲ့ပြီး လူသုံးဦးသေဆုံးကာ သုံးဦး  ဒဏ်ရာရရှိခဲ့သည်။ ရဲတပ်ဖွဲ့က ပစ်ခတ်သူကို ပစ်ခတ်ဖမ်းဆီးခဲ့ကြောင်း အရာရှိများက ပြောကြားခဲ့သည်။

သံသယရှိသူသည် သေဆုံးသူများနှင့် သိရှိထားသည့် ဆက်နွယ်မှုများမရှိဘဲ၊ သူသည် Grand Sierra Resort ၏ ဧည့်သည်လား သို့မဟုတ် ဝန်ထမ်း လားဆိုသည်ကိုလည်း မသိရသေးပါ။ ထိုအပန်းဖြေနေရာ သည် ရီနိုမြို့၏ အထင်ရှားဆုံးနေရာတစ်ခုဖြစ်ပြီး ဂီတပွဲများ၊ အားကစားပွဲများနှင့် ၂၀၂၄ ရွေးကောက် ပွဲမတိုင်မီ သမ္မတ ဒေါ်နယ်ထရမ့် ၏ ရွေးကောက်ပွဲမဲဆွယ်ဟောပြောပွဲများ ကျင်းပခဲ့ဖူးသည်။ ကယ်လီဖိုး  နီးယားနယ်စပ်အနီးနှင့် တာဟိုး ရေအိုင် ၏ အရှေ့မြောက်ဘက်တွင် တည်ရှိပြီး နွေရာသီခရီးသွားများ အလာ များသော နေရာဖြစ်သည်။

ရဲတပ်ဖွဲ့သည် ပစ်ခတ်မှု၏ ရည်ရွယ်ချက်ကို ဆက်လက်စုံစမ်းနေဆဲဖြစ်သည်။

ဒဏ်ရာရသူနှစ်ဦးသည် အရေးပေါ်အခြေအနေတွင်ရှိနေပြီး အခြားတစ်ဦးမှာ ကုသမှုခံယူပြီးနောက်ဆေးရုံ   မှ ဆင်းခွင့်ရခဲ့ကြောင်း စုံစမ်းစစ်ဆေးမှုကို ဦးဆောင်နေသည့် စပါ့ခ်စ်မြို့ ရဲမှူး ခရစ်စ် ခရော့စ်ဖော့သ် က ပြောကြားခဲ့သည်။

ပစ်ခတ်မှုသည် မနက် ၇:၃၀ ခန့်တွင် ဖြစ်ပွားခဲ့ပြီး သေနတ်ကိုင်သည် လောင်းကစားရုံ-ဟိုတယ်၏ ကားရပ်နားနေရာ သို့ ချဉ်းကပ်ကာ လက်နက်ထုတ်ယူပြီး လူစုတစ်ခုကို ပစ်ခတ်ခဲ့သည်။ သူ၏ သေနတ် သည်အစပိုင်းတွင် အလုပ်မလုပ်ခဲ့သော်လည်း မကြာမီ များစွာပစ်ခတ်နိုင်ခဲ့ပြီး သူသည် ကားပါကင်   လော့   ထဲသို့ ခြေလျင်ထွက်ပြေးခဲ့သည်။ ထိုနေရာတွင် သူသည် လက်နက်ကိုင်  လောင်းကစားရုံ   အစောင့်   တစ်ဦးနှင့် ရင်ဆိုင်မိခဲ့သည်။ သေနတ်ကိုင်သည် အစောင့်ကို ပစ်ခတ်ခဲ့ပြီး အစောင့်ကလည်း ထပ်မံ   ထွက်ပြေးသည့်သူကို ပြန်လည်ပစ်ခတ်ခဲ့ကြောင်း ခရော့စ်ဖော့သ်က ပြောကြားခဲ့သည်။

ထို့နောက် သူသည် ်ဖွဲ့ဝင်များ မရောက်မီ သုံးမိနစ်ခန့် အချိန်အတွင်း ပါကင်လော့အတွင်း ကားမောင်း   နေသူတစ်ဦးကို ထပ်မံပစ်ခတ် သတ်ပစ်ခဲ့သည်။

"အံ့ဖွယ်ကောင်းအောင် လျင်မြန်စွာတုံ့ပြန်မှုများပြုလုပ်ခဲ့ပါတယ်" ဟု ရီနိုမြို့တော်ဝန် ဟီလာရီ ရှီးဗီး က ပြောကြားရင်း၊ ထိုသို့လျင်မြန်စွာ တုံ့ပြန်နိုင်ခြင်းကြောင့် သံသယရှိသူသည် လောင်းကစားရုံ-ဟိုတယ်အတွင်းသို့ ဝင်ရောက်ကာ ဆက်လက်ပစ်ခတ်မှု မပြုလုပ်နိုင်ခဲ့ကြောင်း ဖြည့်စွက်ပြောကြားခဲ့ သည်။

ခရော့စ်ဖော့သ် အဆိုအရ၊ ပစ်ခတ်သူသည် သေနတ်ကျည်ကပ်များစွာဆောင်ထားခဲ့ကြောင်းသိရသည်။

ထိုသူသည် ရီနိုရဲတပ်ဖွဲ့ဝင်များကို ပစ်ခတ်ခဲ့ပြီး ကင်းလှည့်ရဲကားတစ်စီးကို ထိမှန်ခဲ့သည်။ ရဲအရာရှိ အများအပြားက ပြန်လည်ပစ်ခတ်သဖြင့် ထိုသူ သေနတ်ထိမှန်သွားကြောင်း ခရော့စ်ဖော့သ် က ပြောကြား  ခဲ့သည်။ အမည်မဖော်ပြရသေးသည့် ထိုသေနတ်သမားသည် အရေးပေါ်အခြေအနေတွင် ရှိနေဆဲ  ဖြစ်သည်။

Source NPR

#Local_News
Published 29 July 2025

▪️ ၂၀၂၅ မန္တလေးငလျင်ဆိုင်ရာ အချက်အလက်များ သိရှိနိုင်ရန်အတွက် ဝက်ဘ်ဆိုက် လွှင့်တင်ထားရှိထားကြောင်းနိုင်ငံပိုင်သတင်းစာများမှ တဆင့် အသိပေးကြေညာထားသည်။

▪️ အဆိုပါဝက်ဘ်ဆိုက်ကို ၂၀၂၅ ခုနှစ် မတ်လ ၂၈ ရက်နေ့က လှုပ်ခတ်ခဲ့သည့် အင်အား ရစ်(ခ်)တာစကေး ၇ ဒသမ ၇ အဆင့်ရှိ မန္တလေးငလျင်ကြီးအပါအဝင် မြန်မာနိုင်ငံအတွင်း လှုပ်ခတ်ခဲ့သည့် မြေငလျင်သတင်းများ သိရှိနိုင်စေရန်၊ ငလျင်လှုပ်ခတ်စဉ်အတွင်း ကိုယ်တိုင်ကြုံတွေ့ခံစားခဲ့ရသည့်ဖြစ်စဉ်များအား မျှဝေပေးနိုင်ရန်၊ ငလျင်ဒဏ်ကြောင့် ထိခိုက်ပျက်စီးမှုများနှင့်စပ်လျဉ်း၍ အလှူရှင်များမှ လှူဒါန်းလာနိုင်စေရန်၊ ပျက်စီးဆုံးရှုံးမှုများအတွက် လူသားချင်းစာနာထောက်ထားမှုဆိုင်ရာအကူအညီများနှင့် အလှူငွေများ ထိရောက်စွာ လှူဒါန်းနိုင်ရန်တို့အတွက်လွှင့်တင်ထားခြင်းဖြစ်‌ေကြာင်း သိရသည်။

▪️ ထို www.myanmarearthquake.gov.mm ဝက်ဘ်ဆိုက်တွင် မြေငလျင်ဆိုင်ရာသတင်းများကို တစ်နေရာတည်းမှ ဝင်ရောက်ကြည့်ရှုနိုင်ပြီး ငလျင်လှုပ်ခတ်မှုကြောင့် ထိခိုက်ခဲ့သည့် ဖြစ်စဉ်များကိုလည်း လေ့လာနိုင်သည့်အပြင် ကိုယ်တိုင်ကြုံတွေ့ခဲ့ရသည့်ဖြစ်စဉ်များနှင့် ထိခိုက်ခဲ့မှုများကို မျှဝေပေးခြင်းဖြင့် အလှူရှင်များက လှူဒါန်းလိုသော နေရာများအား ကိုယ်တိုင်ရွေးချယ်ကာ KBZ Pay ၊ CB Pay၊ AYA Pay၊ OK $ နှင့် Wave Pay စသည့် မိမိနှစ်သက်ရာ Pay များဖြင့် လွယ်ကူစွာ တိုက်ရိုက်လှူဒါန်းနိုင်ပြီး Online မှတစ်ဆင့် MMQR ဖြင့် လှူဒါန်းနိုင်မည်ဖြစ်‌ကြောင်း သိရသည်။

▪️ ထို့ပြင်ပြည်ပအလှူရှင်များအနေဖြင့်လည်း Visa Card၊ Master Card များ အသုံးပြု၍ လှူဒါန်းနိုင်မည်ဖြစ်‌ကြောင်း သိရသည်။

#YMG/SW #Yangon_Times

#Local_News
Published 29 July 2025

▪️ လာမည့်ဩဂုတ်လအတွင်း အာရှဘောလုံးအဖွဲ့ချုပ် (AFC) က ကြီးမှူးကျင်းပမည့် ဘောလုံးပြိုင်ပွဲ လေးမျိုးကို မြန်မာနိုင်ငံက အိမ်ရှင်အဖြစ် လက်ခံကျင်းပသွားမည်ဖြစ်ကြောင်း သိရသည်။

▪️ အာရှဘောလုံးအဖွဲ့ချုပ် (AFC) မှ ကြီးမှူးကျင်းပမည့် ဘောလုံးပြိုင်ပွဲများ၏ ပွဲစဉ်များကို အိမ်ရှင်အဖြစ် အောင်မြင်စွာ လက်ခံကျင်းပနိုင်ရေး ပေါင်းစပ်ညှိနှိုင်းအစည်းအဝေးကို ယမန်‌နေ့နံနက်ပိုင်းတွင် ရန်ကုန်မြို့ ဝေဇယန္တာလမ်းရှိ အမျိုးသားအားကစားပြိုင်ပွဲရုံ (၁) သုဝဏ္ဏပတ္တမြားခန်းမ၌ ကျင်းပရာ မြန်မာနိုင်ငံအိုလံပစ်ကော်မတီဒုတိယဥက္ကဋ္ဌ အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီး ဦးထိန်လင်း၊ ရန်ကုန်တိုင်းဒေသကြီး အားကစားနှင့်ကာယပညာကော်မတီဥက္ကဋ္ဌ ရန်ကုန်တိုင်းဒေသကြီး လူမှုရေးရာဝန်ကြီး ဦးဌေးအောင်နှင့် ဌာနဆိုင်ရာများ တက်ရောက်ကြ‌ေကြာင်း သိရသည်။

▪️ အစည်းအဝေးတွင် ဒုတိယဝန်ကြီးက မြန်မာနိုင်ငံအနေဖြင့် ဩဂုတ်လအတွင်း အာရှဘောလုံးအဖွဲ့ချုပ် (AFC) က ကြီးမှူးကျင်းပမည့် ဘောလုံးပြိုင်ပွဲ လေးမျိုးကို အိမ်ရှင်အဖြစ် လက်ခံကျင်းပသွားမည်ဖြစ်၍ အဆိုပါပြိုင်ပွဲများ အောင်မြင်စွာ ကျင်းပပြုလုပ်နိုင်ရေးအတွက် လုံခြုံရေး၊ သွားလာနေထိုင်စားသောက်ရေး၊ အုပ်ချုပ်မှုနှင့် ယာဉ်လမ်းကြောင်းပိတ်ဆို့မှုများ မဖြစ်ပေါ်စေရေးတို့ကို သက်ဆိုင်ရာဌာနများက အလေးထားဆောင်ရွက်ပေးစေလိုကြောင်းပြောကြားခဲ့သည်။

▪️ ထို့ပြင်ပြိုင်ပွဲများ အောင်မြင်စွာ လက်ခံကျင်းပနိုင်ရေးအတွက် ရန်ကုန်တိုင်းဒေသကြီးအစိုးရအဖွဲ့၊ သက်ဆိုင်ရာဝန်ကြီးဌာနများ၊ မြန်မာနိုင်ငံဘောလုံးအဖွဲ့ချုပ်တို့က ဝိုင်းဝန်းကူညီပံ့ပိုးပြီး ပူးပေါင်းညှိနှိုင်းဆောင်ရွက်ပေးရန် မှာကြားခဲ့ကြောင်း သိရသည်။

#YMG/SW #Yangon_Times

#World_News
Published 29 July 2025

▪️ အမေရိကန်နဲ့ တရုတ်စီးပွားရေးအရာရှိများဟာ တနင်္လာနေ့က စတော့ဟုမ်းမြို့မှာ အချိန် ၅ နာရီကျော်ကြာအောင် တွေ့ဆုံဆွေးနွေးခဲ့ကြပါတယ်။

▪️ အဓိကအားဖြင့် ကမ္ဘာ့စီးပွားရေး အင်အားကြီးနှစ်နိုင်ငံကြား ကုန်သွယ်ရေးစစ်ပွဲ အငြင်းပွားစရာများကို ဖြေရှင်းရန် ရည်ရွယ်တာဖြစ်ပြီး ယာယီပြေငြိမ်းရေးကို ၃ လတိုးချဲ့ဖို့ ကြိုးပမ်းခဲ့ကြပါတယ်။

▪️ စတော့ဟုမ်းမြို့လယ် ဆွီဒင်ဝန်ကြီးချုပ်ရုံး ရိုဆင်ဘက်ကိုရောက်လာတဲ့ အမေရိကန်ညှိနှိုင်းရေးအဖွဲ့ထဲမှာ အမေရိကန်ဘဏ္ဍာရေးဝန်ကြီး စတော့ဘက်ဆန့် ပါဝင်သလို တရုတ်ဒုဝန်ကြီးချုပ် ဟီလိုင်ဖန်လည်း တွေ့ရပါတယ်။

▪️ အခွန်အပြန်အလှန်စည်းကြပ်ခြင်းနဲ့ မြေရှားသတ္တုကိစ္စတွေနဲ့ ပတ်သက်တဲ့ တင်းမာမှုတွေကိုလျှော့ချဖို့ မေလနဲ့ဇွန်လတို့မှာ တရုတ်နဲ့ အမေရိကန်တို့ အကြိုသဘောတူညီချက်များ ရရှိပြီးနောက် တရုတ်ဘက်က အခွန်သဘောတူညီချက်ရရှိအောင် ပြုလုပ်ဖို့ ဩဂုတ် ၁၂ ရက်နေ့အထိ အချိန်ရမှာဖြစ်ပါတယ်။

▪️ နှစ်ဖက်ညှိနှိုင်းရေးများက ရုံးကနေ ည ၈ နာရီဝန်းကျင်မှာ ထွက်လာကြပြီး သတင်းထောက်တွေနဲ့ မပြောဆိုခဲ့ကြဘဲ အင်္ဂါနေ့မှာ ဆက်လက်ဆွေးနွေးသွားဖို့ ရှိပါတယ်။

▪️ "သဘောတူညီချက် အရာရောက်ဖို့ကို ဆက်လက်စောင့်ကြည့်သွားရဖို့ရှိပြီး အရေးကြီးသတ္တုပစ္စည်းများ စီးဆင်းနေဖို့နဲ့ မျှတတဲ့ကုန်သွယ်ရေးအတွက် အခြေခံဆောင်ရွက်ချက်များ သတ်မှတ်ဖို့ ဖြစ်ပါတယ်" လို့ အမေရိကန် ကုန်သွယ်ရေးကိုယ်စားလှယ် ဂျေမီဆန်ဂရီယာက ပြောသွားပါတယ်။

▪️ ဆွေးနွေးညှိနှိုင်းရေးတိုးချဲ့လာရခြင်းက ဒေါ်နယ်ထရမ့်နဲ့ ထရုတ်သမ္မတ ရှီကျင့်ဖျင်တို့ တွေ့ဆုံလာရဖို့ ဖြစ်လာနိုင်ပါတယ်။

▪️ တရုတ်နဲ့ ကုန်သွယ်ရေးဆွေးနွေးမှု မပျက်ပြားစေရန်နဲ့ ထရမ့်-ရှီကျင့်ဖျင်တွေ့ဆုံနိုင်ရန်အတွက် အမေရိကန်က တရုတ်သို့တင်ပို့တဲ့ နည်းပညာပစ္စည်းများအပေါ် ထိန်းချုပ်ကန့်သတ်ခြင်းများကို ရပ်ဆိုင်းထားပါတယ်။

▪️ အမေရိကန်-တရုတ် ညှိနှိုင်းဆွေးနွေးမှုများက အခြားသော အာရှနိုင်ငံတွေထက် များစွာရှုပ်ထွေးနေပြီး အချိန်ထပ်လိုအပ်ဦးမယ်လို့ သုံးသပ်သူများ ပြောပါတယ်။

#Source: Reuters

#Local_News
Published 29 July  2025

▪️ ကိုဗစ်-၁၉ ရောဂါ ဓာတ်ခွဲအတည်ပြုလူနာသစ်တစ်ဦးတွေ့ရှိ၊တစ်ကိုယ်ရေကာကွယ်ရေးနည်းလမ်းများကိုလိုက်နာဆောင်ရွက်ရန် လိုအပ်ကြောင်း
ကျန်းမာရေးဝန်ကြီးဌာန၊ ပြည်သူ့ကျန်းမာရေးဦးစီးဌာန၊ မြန်မာနိုင်ငံရောဂါကာကွယ်ထိန်းချုပ်ရေးဗဟိုဌာန(Myanmar CDC)၏ ဇူလိုင် ၂၈ ရက်နေ့၊ ည ၈ နာရီအချိန်က အသိပေးထုတ်ပြန်ထားသည်။

▪️ ကျန်းမာရေးဝန်ကြီးဌာနသည် ကိုဗစ်-၁၉ ရောဂါ စောင့်ကြပ်ကြည့်ရှုခြင်းလုပ်ငန်းများကို စဉ်ဆက်မပြတ် ဆောင်ရွက်လျက်ရှိရာ ဇူလိုင် ရက်နေ့၊ ည ၈ နာရီမှ ၂၇ ရက်နေ့၊ ည ၈ နာရီအထိ ရက်သတ္တပတ်အတွင်း ဓာတ်ခွဲနမူနာစုစုပေါင်း (၈၈၈) ခုအား စစ်ဆေးပြီးစီးခဲ့ရာကိုဗစ်-၁၉ ရောဂါ ဓာတ်ခွဲအတည်ပြုလူနာသစ်တစ်ဦးတွေ့ရှိရကြောင်း ဖော်ပြထားသည်။

▪️ ထို့ကြောင့် ရောဂါပိုးတွေ့ရှိနှုန်းမှာ (၀.၁၁) ရာခိုင်နှုန်းဖြစ်ပြီး အစီရင်ခံကာလအတွင်း ပြင်းထန်လူနာ၊ အထူးကြပ်မတ်ကုသမှုပေးရသောလူနာနှင့် ကိုဗစ်-၁၉ ရောဂါဖြင့် သေဆုံးလူနာမရှိကြောင်း သိရသည်။

▪️ လတ်တလောတွင် မိမိတို့နိုင်ငံအတွင်း၌ ကိုဗစ်-၁၉ ရောဂါ ကူးစက်ဖြစ်ပွား/သေဆုံးမှုနှင့် စပ်လျဉ်း၍ စိုးရိမ်ဖွယ်ရာအခြေအနေမရှိသော်လည်း ရောဂါဖြစ်ပွားမှုမှ ကြိုတင်ကာကွယ်နိုင်ရန်အတွက် တစ်ကိုယ်ရေကာကွယ်ရေးနည်းလမ်းများကို လိုက်နာဆောင်ရွက်ရန် လိုအပ်ပြီး ရောဂါကူးစက်ခံရပါက ရောဂါပြင်းထန်နိုင်ခြေနှင့် အသက်ဆုံးရှုံးနိုင်ခြေမြင့်မားသည့်အသက်အရွယ်ကြီးသူများ (အသက် ၆၀ နှင့်အထက်)၊ ဆီးချိုရောဂါ၊ နာတာရှည်အဆုတ်ရောဂါ၊ ကင်ဆာရောဂါရှိသူများ၊ ကိုယ်ဝန်ဆောင်မိခင်များ (ကိုယ်ဝန်ဆောင်ကာလ ၃ လနှင့်အထက်) ကို ဦးစားပေးအစီအစဉ်ဖြင့် ကိုဗစ်-၁၉ ရောဂါ ထပ်ဆောင်းကာကွယ်ဆေး ထိုးနှံပေးနေပြီဖြစ်ပါ၍ ကာကွယ်ဆေးထိုးနှံမှုခံယူကြရန် လိုအပ်ကြောင်း အကြံပြုထားသည်။

#YMG/NN #Yangon_Times

#Local_News
Published 29 July  2025

▪️ မြန်မာနှင့် မိုင်၇၀၀ကျော်ဝေးကွာသော မြန်မာနိုင်ငံသို့ပြင်ပ(Nicobar Islands, India Region)၊နေရာ၌ အင်အားပြင်းတန်သောငလျင် တစ်ခုလှုပ်ခတ်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ အဆိုပါ မြေငလျင်သည် အင်အားအင်အားရစ်(ခ်)တာစကေး  ၆ဒသမ  အဆင့်ရှိ အင်အားပြင်းထန်သော မြေငလျင်တစ်ခု ဖြစ်သည်။

▪️ ဇူလိုင်လ ၂၉ ရက်နေ့၊ မြန်မာစံတော်ချိန် (၀၁) နာရီ၊ (၁၁)မိနစ်၊ (၅၁) စက္ကန့် အချိန်တွင် ကမ္ဘာအေးမြေငလျင်စခန်းမှ အနောက်တောင်ဘက် (၇၁၇)မိုင် ခန့်ကွာဝေးသော မြန်မာနိုင်ငံပြည်ပ (Nicobar Islands, India Region)၊ မြောက်လတ္တီတွဒ် (၆.၈၄) ဒီဂရီ၊ အရှေ့ လောင်ဂျီတွဒ် (၉၃.၁၇) ဒီဂရီ၊ အနက် (၁၀) ကီလိုမီတာခန့်ကို ဗဟိုပြု၍ အင်အားရစ်(ခ်)တာစကေး (၆.၁) အဆင့်ရှိ အင်အားပြင်းထန်သော မြေငလျင်တစ်ခု လှုပ်ရှားသွားကြောင်း တိုင်းထွာရရှိ သိရသည်။

#YMG/NN #Yangon_Times

#World_Science
Published 29 July 2025

▪️ ၂၀၂၅ ဩဂုတ် ၂ ရက်နေ့မှာ လုံးဝနေကြတ်ခြင်းကနေ အမှောင်ကျသွားဆိုတဲ့ အကြောင်းအရာတွေ လိုင်းပေါ်မှာ နေရာယူနေကြပါတယ်။

▪️ ဒါက မဟုတ်ဘူးလို့ ဆိုရမှာဖြစ်ပြီး နက္ခတ္တပညာရှင်များက ယခုနှစ် ဩဂုတ် ၂ ရက်နေ့မှာ နေကြတ်ခြင်းကနေ အမှောင်ကျမှာ မဟုတ်ဘူးလို့ အတည်ပြုလိုက်ပါတယ်။

▪️ တကယ်တမ်းက ၂၀၂၇ ဩဂုတ် ၂ ရက်နေ့မှ ဖြစ်နိုင်မှာပါ။

▪️ အွန်လိုင်းနဲ့ မက်ဆေ့ချ်တွေမှာတော့ ကမ္ဘာကြီး ၆ မိနစ်လောက် အမှောင်ကျသွားမယ်ဆိုတာကို ရက်စွဲမှားဖြင့် ဖော်ပြနေကြတာ ဖြစ်ပါတယ်။

▪️ မှားယွင်းဖော်ပြထားကြတဲ့အတွက် လူအများမျှော်လင့်ချက်ကြီးနဲ့ စောင့်ဆိုင်းနေကြနိုင်ပါတယ်။

▪️ ၂၀၂၇ ဩဂုတ် ၂ ရက်နေ့မှာတော့ လုံးဝနေကြတ်ခြင်း ဖြစ်နိုင်ခြေရှိနေပြီး ဥရောပ၊ မြောက်အာဖရိက၊ အရှေ့အလယ်ပိုင်းတွေမှာ လအရိပ်ဖုံးလွှမ်းသွားမှာဖြစ်ပြီး ရှားပါးကောင်းကင်ဖြစ်စဉ်တွေ မြင်ရနိုင်ပါတယ်။

▪️ ထိုအချိန်မှာ လက ကမ္ဘာနဲ့နေကြား ရောက်လာပြီး နေ့ဘက်ကနေ ညဘက်ကြီးအဖြစ် ခဏတာ ပြောင်းလဲသွားနိုင်ပါတယ်။

▪️ ၂၀၂၇ မှာ ၆ မိနစ်ခန့် မှောင်မည်းလာမှာဖြစ်ပေမယ့် ဘူမိနေရာလမ်းကြောင်းအနည်းငယ်သာ သက်ရောက်နိုင်ကာ ကျန်တဲ့နေရာတွေမှာတော့ နေ့အလင်းရောင် သိသိသာသာ ပြောင်းလဲမှာမဟုတ်ပါဘူး။

▪️ အွန်လိုင်းအကြောင်းအရာတွေက တကယ့်အချက်အလက်တွေကို နှောင့်ယှက်နိုင်တယ်ဆိုတဲ့ ဥပမာဖြစ်နေပါတယ်။

#Source: India Today

#World_Science
Published 29 July 2025

▪️ လက်ချောင်းအတိုအရှည်ပေါ် မူတည်ပြီး လိင်စိတ်ဆန္ဒ၊ အပြုအမူ၊ ကြိုက်နှစ်သက်ပုံတွေ ကွဲပြားနိုင်တယ်လို့ သိပ္ပံပညာရှင်တွေ ပြောလာပါတယ်။

▪️ လူတစ်ဦးရဲ့ လိင်အပြုအမူပုံစံတွေက မိခင်ဝမ်းတွင်းထဲရှိစဉ်ထဲက ပုံဖော်သွားတယ်လို့ ဆိုထားပါတယ်။

▪️ ကျားဟော်မုန်းတစ်မျိုးဖြစ်တဲ့ အန်ဒရိုဂျင်နဲ့ ပတ်သက်ပြီး ဦးနှောက်တုံ့ပြန်ပုံကလည်း သက်ဆိုင်နေပါတယ်။

▪️ ဒီအတွက် ဂျပန်နိုင်ငံ အိုကာယာမာတက္ကသိုလ်မှ သုတေသီတွေက ကြွက်တွေနဲ့ စမ်းသပ်ခဲ့ရာမှာ သူတို့ရဲ့ လက်ချောင်းအတိုအရှည်က လိင်စိတ်ဆန္ဒနဲ့ ပြုမူပုံတွေကို ညွှန်ပြနေတယ်လို့ ကောက်ချက်ချခဲ့ပါတယ်။

▪️ ဒုတိယမြောက်လက်ချောင်းနဲ့ စတုတ္ထမြောက်လက်ချောင်းတို့ရဲ့ အချိုး 2D:4D က ကြွက်တွေရဲ့ လိင်ပိုင်းဆိုင်ရာ အပြုအမူနဲ့ အကြိုက်တွေကို ခန့်မှန်းနိုင်ကြောင်း တွေ့ရှိလာပါတယ်။

▪️ လက်ညှိုးက လက်သူကြွယ်ထက် ပိုတိုခြင်း၊ တစ်နည်းအားဖြင့် 2D:4D အချိုးနည်းခြင်းက လိင်စိတ်ဆန္ဒပြင်းပြတယ်လို့ မှတ်ချက်ပြုခဲ့ပါတယ်။

▪️ လက်ညှိုးပိုတိုတဲ့ကြွက်တွေက တခြားကြွက်တွေထက် လိင်စိတ်ဆန္ဒပိုမြင့်မားသလို ထောင်မတ်နိုင်စွမ်း ပိုအားကောင်းတာ တွေ့ရပါတယ်။

▪️ ဒါ့အပြင် လှောင်အိမ်ထဲထည့်ကာ ကြွက်မအနံ့ရှိတဲ့ နေရာနဲ့ ကြွက်ထီးအနံ့ရှိတဲ့ နေရာဆိုပြီး ထည့်ပေးထားပါတယ်။

▪️ ထိုအခါမှာ ကြွက်မအနံ့ရှိတဲ့နေရာဆီကို ပိုပြီးစူးစမ်းလေ့လာနေတာ တွေ့ရပါတယ်။

▪️ ဟော်မုန်းသက်ရောက်မှုက ဦးနှောက်အပေါ်မှာ ဝမ်းဗိုက်ထဲမှာတည်းက သက်ရောက်နေပြီး နောက်ပိုင်းမှာ 2D:4D အချိုးအတိုင်း ဖြစ်လာပါတယ်။

▪️ စမ်းသပ်ချက်တွေက ကြွက်ထီးတွေမှာပဲ တစ်ဖက်သတ် စမ်းသပ်ထားတာ ဖြစ်ပါတယ်။

#Source: WION

ယီမင်ရဲ့ရီယယ်ငွေကြေးက အစိုးရထိန်းချုပ်ဒေသတွေမှာ အတော်လေး ဆက်လက်ကျဆင်းနေပြီး ယခုနောက်ဆုံး ကုန်သွယ်ရေးတွေမှာ အမေရိကန်တစ်ဒေါ်လာကို ရီယယ် ၂,၉၀၀ ခန့်အထိ ကျဆင်းသွားပါတယ်။
#World_Business
Published 28 July 2025
#ယီမင်ရဲ့ရီယယ်ငွေကြေး #ယီမင်ငွေကြေးတန်ဖိုးကျ
#YMG #Yangon_Times #Yangon_Media_Group

#Daily_News

Published 28 July 2025

၁။ ‌‌‌‎‎‎‎မင်းဘူးနေရောင်ခြည်စွမ်းအင်သုံး ဓာတ်အားပေးစက်ရုံ ဒုတိယအဆင့်ဓာတ်အားထုတ်လုပ်မှုကို နွေရာသီအမှီဆောင်ရွက်မည်

‎၂။ ‌‎‎‎‌ဂျိုးဖြူရေသုံးစွဲသူအားလုံး ရေမီတာမဖြစ်မနေတတ်ဆင်ရမည်

၃။ ‌‎‎‎စားအုန်းဆီရည်ညွှန်းဈေး တက်ရိပ်ပြ

၄။ ‎စီးပွားရေးအကြပ်အတည်းများကြား ယီမင်ငွေကြေးတန်ဖိုးစံချိန်တင်ကျဆင်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပူထရာဂျာယာ၊မလေးရှား၊ဇူလိုင်၂၈ (ရိုက်တာ) - ကမ္ဘောဒီးယားနှင့် ထိုင်းခေါင်းဆောင်များသည် ဆယ်စုနှစ် တစ်ခုကျော်အတွင်း အပြင်းထန်ဆုံး ပဋိပက္ခကို အဆုံးသတ်ရန် ရည်ရွယ်၍ တနင်္လာနေ့ သန်းခေါင်ယံ မှစ၍ အပစ်အခတ်ရပ်စဲရေးကို သဘောတူခဲ့ကြသည်။ ငါးရက်ကြာ ပြင်းထန်သော တိုက်ပွဲများ ဖြစ်ပွားပြီး  နောက် ယင်းသဘောတူညီချက် ရရှိခဲ့ခြင်း ဖြစ်သည်။

ပဋိပက္ခငြိမ်းအောင် နိုင်ငံတကာမှ ကြိုးပမ်းနေချိန်တွင် ထိုင်းနှင့် ကမ္ဘောဒီးယားခေါင်းဆောင်များသည် အာဆီယံဒေသဆိုင်ရာအဖွဲ့၏ လက်ရှိဥက္ကဋ္ဌဖြစ်သူ မလေးရှားဝန်ကြီးချုပ် အန်ဝါ အီဘရာဟင် ဦးဆောင်  ကျင်းပသည့် မလေးရှားနိုင်ငံတွင် ဆွေးနွေးပွဲများ ပြုလုပ်ခဲ့ပြီး နှစ်ဖက်စလုံးက ရန်လိုမှုများကို ရပ်ဆိုင်းရန် နှင့် တိုက်ရိုက်ဆက်သွယ်မှုများ ပြန်လည်စတင်ရန် သဘောတူညီခဲ့ကြသည်။

“ယနေ့ ကျွန်တော်တို့ အလွန်ကောင်းမွန်တဲ့ အစည်းအဝေးတစ်ခုနှင့် အလွန်ကောင်းမွန်တဲ့ ရလဒ်တွေ ရရှိခဲ့ပါတယ်။ ဒါဟာ အသက်ပေါင်းများစွာ ဆုံးရှုံးထိခိုက်ဒဏ်ရာရတာတွေအပြင် လူတွေ နေရပ်စွန့်ခွာ ထွက်ပြေးရတာတွေကို ဖြစ်စေခဲ့တဲ့ တိုက်ပွဲတွေကို ချက်ချင်းရပ်တန့်နိုင်လိမ့်မယ်လို့ မျှော်လင့်ပါတယ်" ဟု ကမ္ဘောဒီးယားခေါင်းဆောင် ဟွန်မာနက်က ပြောကြားခဲ့ပြီး ဒီလုပ်ငန်းစဉ်မှာ ပါဝင်ဆောင်ရွက်ပေး  ခဲ့သည့်  ထရမ့်နှင့် တရုတ်နိုင်ငံကိုလည်း ကျေးဇူးတင်ကြောင်း သူက ဆက်လက်ပြောဆိုသည်။

"ဝန်ကြီးချုပ် အန်ဝါ ခုလေးတင် ကြေညာခဲ့တဲ့ ဖြေရှင်းနည်းတွေက ကျွန်တော်တို့ရဲ့ နှစ်နိုင်ငံ ဆွေးနွေးမှု  တွေ ပုံမှန်ဆက်ဆံရေးအတိုင်း ပြန်ဖြစ်လာဖို့နဲ့ အနာဂတ်မှာ တပ်ဖွဲ့တွေရဲ့ တင်းမာမှု လျှော့ချရေးအတွက် အခြေခံတစ်ခု ဖြစ်စေလိမ့်မယ်လို့ မျှော်လင့်ပါတယ်" ဟု ထိုင်းယာယီ  ဝန်ကြီးချုပ် ဖူမ်သမ် ဝေချာချိုင်းက ပြောကြားခဲ့သည်

အမျိုးသားကင်ဆာရောဂါ ကုသရေးဌာန (ဒဂုံမြို့သစ်(ဆိပ်ကမ်း)မြို့နယ်ကို နိုင်ငံတော်ရဲ့ ခွင့်ပြုရန်ပုံငွေကျပ် ၃၂ ဘီလီယံကျော်နဲ့ စီမံကိန်းအကောင်အထည်ဖော်ဆောင်ရွက်နေတယ်လို့ ကျန်းမာရေးဝန်ကြီးဌာနကသိရပါတယ်။
#Local_News
Published 28 July 2025
#အမျိုးသားကင်ဆာရောဂါကုသရေးဌာန #စီမံကိန်းချမှတ်ဆောင်ရွက်
#YMG/NN #Yangon_Times