#World_Health
Published 18 October 2022
အသက် ၇၀ အရွယ်အမျိုးသမီးကြီးဟာ သူ့မျက်လုံးအိမ်ထဲကနေ မျက်ကပ်မှန် ၂၃ ခု ဖယ်ရှားခဲ့ရပါတယ်။
ကယ်လီဖိုးနီးယား နယူးပို့တ်ကမ်းခြေမှ မျက်စိဆရာဝန်'ကက်ထရီနာကာတီဗာ'က ထိုမျက်ကပ်မှန်တွေကို နားကြပ်တံထိပ်လေးဖြင့် ဖယ်ရှားခဲ့ပါတယ်။
လူနာက အမြင်အာရုံဝေဝါးလာပြီး မျက်လုံးက မခံမရပ်နိုင်အောင် ထိုးအောင့်လာတာကြောင့် မျက်စိအထူးကုဆီ သွားရောက်ခဲ့ပါတယ်။
သက်ကြီးအရွယ်တွေမှာ တစ်နှစ်တစ်ခါ မျက်စိအထူးကုနဲ့ပြသရန် အကြံပြုထားကြပေမယ့် ယင်းအမျိုးသမီးကြီးကတော့ ၂ နှစ်အတွင်း မျက်စိမစစ်ဆေးခဲ့ပါဘူး။
မျက်ကပ်မှန်ကို နှစ်ပေါင်း ၃၀ လောက်တပ်ဆင်ခဲ့ရကာ ရောဂါပိုးဝင်တာမျိုး၊ အမြင်အာရုံကွယ်တာမျိုး မဖြစ်တာကပဲ ကံကောင်းတယ်လို့ ဆိုရမှာ ဖြစ်ပါတယ်။
လူနာက သူ့မျက်လုံးထဲ တစ်ခုခုဝင်နေသလို ခံစားရကာ မဖယ်ထုတ်တတ်ဘူးလို့ ဆိုပါတယ်။
အစကတော့ မျက်ကပ်မှန်ကျိုးပဲ့ပြီး ကျန်နေတာမျိုး၊ ဒါမှမဟုတ် မိတ်ကပ်အကြွင်းအကျန်တွေ ရှိနေတာမျိုးဖြစ်မယ်လို့ ဒေါက်တာ'ကာတီဗာ'က ထင်ခဲ့ပါသေးတယ်။
မျက်ခွံဆွဲလှန်တဲ့ကိရိယာနဲ့ မျက်ခွံအပေါ်ရော အောက်ရောဆွဲကြည့်ပြီး မျက်လုံးကိုအောက်စိုက်ခိုင်းတော့မှ မျက်ကပ်မှန်အစွန်းလေးရှိနေတာကို တွေ့မြင်လိုက်ရပါတယ်။
ဒေါက်တာ'ကက်ထရီနာ'က သူမျက်စိအထူးကုအလုပ်လုပ်တဲ့နှစ်(၂၀)အတွင်း ဒါမျိုးတစ်ခါမှ မတွေ့ဖူးကြောင်းပြောကြားခဲ့ပါတယ်။
Source: Daily Mail
#Yangon_Media_Group
#World_Lifestyle
Published 18 October 2022
သူငယ်ချင်း၊ မိသားစုဆွေမျိုးများနဲ့ ပြောဆိုဆက်ဆံခြင်းမျိုးက မှတ်ဉာဏ်ချို့ယွင်းခြင်း အခြေအနေကို သက်သာစေနိုင်တယ်လို့ သုတေသနတွေ့ရှိထားပါတယ်။
ထိုကဲ့သို့ လူမှုပေါင်းသင်းဆက်ဆံရာမှာ လူချင်းမတွေ့နိုင်ရင်တောင် အွန်လိုင်းမှ Zoom(ဇူးမ်)ဖြင့် ဆက်သွယ်ပြောဆိုခြင်းကလည်း ထိရောက်မှုရှိစေပါတယ်။
အသက် ၇၅ နှစ်အထက် သက်ကြီးရွယ်အိုတွေကို လေ့လာမှုပြုလုပ်ခဲ့ပါတယ်။
သူတို့ကို တစ်ပတ်အတွင်း Zoom ကနေ မိနစ် ၃၀ ကြာစကားပြောဆိုမှု ၄ ကြိမ်ပြုလုပ်ခဲ့ရာ မှတ်ဉာဏ်ချို့ယွင်းမှုနဲ့ပတ်သက်ပြီး ဦးနှောက်ရဲ့စွမ်းရည်တိုးတက်လာကြောင်း တွေ့ရှိခဲ့ကြပါတယ်။
မှတ်ဉာဏ်လက်ကျန်စွမ်းဆောင်ရည် တိုးတက်အောင်ပြုလုပ်ခြင်းက dementia ကို ကုသကာကွယ်တာမျိုးမဟုတ်ပေမယ့် ဦးနှောက်ရဲ့ ဆက်သွယ်မှုစွမ်းရည်ကို တိုးများလာစေတာဖြစ်ပါတယ်။
"ကျွန်မတို့ရဲ့ဦးနှောက်က ကွန်ရက်တွေချိတ်ဆက်ထားတာနဲ့ တူပါတယ်၊ များများချိတ်ဆက်ထားမယ်ဆိုရင် အချို့အပိုင်းတွေ အလုပ်မလုပ်နိုင်ပေမယ့်လည်း ကျန်တဲ့အစိတ်အပိုင်းတွေက လုပ်ဆောင်ပေးနိုင်ပါတယ်၊ ဒါကြောင့် အသိဉာဏ်စိတ်ကို လှုံ့ဆော်ပေးခြင်းဖြင့် ချိတ်ဆက်မှုကောင်းမွန်စေပါတယ်" လို့ မာဆာချူဆက်ဆေးရုံ ဦးနှောက်စင်တာမှ ပရော်ဖက်ဆာ'ဟီရိုကိုဒေါ့ဂျ်'က ပြောပြသွားပါတယ်။
ဦးနှောက်ထဲရှိဆဲလ်တွေကြား မကောင်းတဲ့အရာတွေ ကပ်ညှိပြီးတော့ မှတ်ဉာဏ်ကျဆင်းမှုဖြစ်စေတယ်ဆိုရင်တောင် ကျန်တဲ့အစိတ်အပိုင်းတွေနဲ့ ပုံမှန်အတိုင်းဆက်လက်ဆောင်ရွက်နိုင်ပါတယ်။
စမ်းသပ်တဲ့အခါ သက်ကြီးရွယ်အိုတွေကို တက်ဘလက်များပေးထားကာ တစ်ပတ်အတွင်း Zoom ကနေ မိနစ် ၃၀ ပြောဆိုမှု ၄ ကြိမ်ပြုလုပ်စေပြီး ၆ လကြာတဲ့အထိ လုပ်ခိုင်းခဲ့ပါတယ်။
အဲဒီနောက် နောက်ထပ် ၆ လကြာတဲ့အထိ တစ်ပတ်ကို မိနစ် ၃၀ စာ ၂ ကြိမ်ပြောဆိုခိုင်းပြီး သူတို့ရဲ့ပေါင်းသင်းဆက်ဆံရေးအခြေအနေကို အပတ်စဉ် ၁၀ မိနစ်ခန့်စစ်ဆေးစောင့်ကြည့်ခဲ့ပါတယ်။
Zoom နဲ့ ပြောဆိုခြင်းမရှိတဲ့ စမ်းသပ်ခံအဖွဲ့ကတော့ မှတ်ဉာဏ်စွမ်းဆောင်ရည်ကျဆင်းခဲ့ပြီး Zoom နဲ့ပြောဆိုခဲ့သူတွေကတော့ တိုးတက်လာခဲ့ပါတယ်။
လူချင်းတွေ့ပေါင်းသင်းဆက်ဆံတာက မှတ်ဉာဏ်စွမ်းဆောင်ရည်တိုးတက်စေသလို အွန်လိုင်းကနေ ပြောဆိုခြင်းကလည်း ထိရောက်မှုရှိတယ်လို့ ဒေါ့ဂျ်ရဲ့လေ့လာမှုမှာ ဖော်ပြထားပါတယ်။
Zoom ဖြင့်ပြောဆိုခြင်းက မျက်နှာပါ မြင်တွေ့နိုင်တာကြောင့် အသုံးဝင်နိုင်စေတယ်လို့ ယုံကြည်နေကြပါတယ်။
ဒါပေမဲ့ လူချင်းတွေ့ပြောဆိုခြင်းနဲ့ အွန်လိုင်းကနေပြောဆိုခြင်းတို့ကြား ကွာခြားချက်ကို ခွဲခြားသိရှိဖို့လည်း လိုအပ်ပါသေးတယ်။
"လူချင်းတွေ့တာက ပိုကောင်းတယ်လို့ယူဆကြပေမယ့် ရုပ်သံကြည်လင်ပြတ်သားပြီး ဖန်သားမျက်နှာပြင်ကြီးတဲ့ကိရိယာနဲ့ဆိုရင် လူချင်းတွေ့သလိုခံစားရစေနိုင်တယ်လို့ ဆိုပါတယ်။
အချို့သက်ကြီးရွယ်အိုတွေက ဒီဂျစ်တယ်နည်းပညာတွေနဲ့ မရင်းနှီးတာကြောင့် သူတို့အတွက် အသုံးပြုရလွယ်ကူမယ့် စက်ပစ္စည်းမျိုးတီထွင်ဖို့လည်း လိုအပ်ပါတယ်။
#Source: SCMP
#Yangon_Media_Group
#World_Society
Published 17 October 2022
ဥရောပတခွင်မှာ လာမယ့်ဆောင်းရာသီအတွင်း လျှပ်စစ်ဓာတ်အား ပြတ်လတ်မှုမဖြစ်စေရန် ခြိုးခြံချွေတာဖို့ တိုက်တွန်းနေကြပေမယ့် ဆွစ်ဇာလန်နိုင်ငံရှိ ဘာဗိုနာတောင်ကြားက လူတွေကတော့ စိုးရိမ်စရာမရှိပါဘူး။
#Yangon_Media_Group
Published 17 Oct 2022
ရုရှားက ယူကရိန်းနိုင်ငံတလျောက် ဒရုန်းနှင့်ဒုံးကျည် တိုက်ခိုက်မှုတွေ အဆက်မပြတ်ပြုလုပ်နေတယ်လို့ ယူကရိန်း သမ္မတ ဗိုလိုဒီမီယာဇီလင်စကီးက တနင်္လာနေ့မှာပြောပါတယ်။ ဒါပေမယ့် ဒီလိုတိုက်ခိုက်တာတွေဟာ ယူကရိန်းနိုင်ငံသားတွေကိုတော့ ဖြိုကွဲလို့ ရမှာမဟုတ်ဘူးလို့လည်း သူကပြောလိုက်ပါတယ်။
“ တစ်ညလုံးနှင့် တမနက်လုံးလုံး ရန်သူတွေဟာ အရပ်သားတွေကို အကြမ်းဖက်ခဲ့တယ်။ ကာမီကာဇီ ဒရုန်းတွေနှင့် ဒုံးကျည်တွေဟာ ယူကရိန်းနေရာအားလုံးကို တိုက်ခိုက်နေတယ်။ ရန်သူဟာ ကျွန်တော်တို့ရဲ့ မြို့တွေကို တိုက်ခိုက်နိုင်ပေမယ့် ကျွန်တော်တို့ကို ဖြိုခွဲလို့တော့ရမှာမဟုတ်ဘူး” လို့ သူကပြောပါတယ်။
ရုပ်သံထဲမှာ ရဲအရာရှိတွေဟာ ကိဗ်ရဲ့ ကောင်းကင်ယံမှာ နိမ့်နိမ်းလေးပျံသန်းလာနေတဲ့ ကာမီကာဇီ ဒရုန်းတွေကို ပြန်လည်ပစ်ခတ်နေတာကို မြင်တွေ့ကြရပါတယ်။
မြို့တော်ကိဗ်ရဲ့ မြို့တော်ဝန်က လူနှစ်ဦးဟာ အပျက်အစီးပုံတွေကြားထဲ ပိတ်မိနေတယ်လို့ ပြောအပြီးမှာ ကိဗ်က လူနေအဆောက်အဦတစ်လုံး ထိမှန်ခဲ့တယ်လို့သူကအတည်ပြုပါတယ်။
Source AFP
#Kamikaze_drones_attack
#Kyiv_Ukraine
#Zelensky
#DailyNews
Published _ 17 October 2022
၁။ ရန်ကုန်-မော်လမြိုင်ရထား လေအိတ်တွဲဆိုင်းသစ်ဖြင့် စတင်ပြေးဆွဲနေ
၂။ အခြေခံစားသောက်ကုန်စည်ဈေးနှုန်း အတက်အကျပုံမှန် မရှိဟုဆို
၃။ ဘင်္ဂလားဒေ့ရှ်သို့ ဆန်တန်ချိန် နှစ်သိန်းခွဲတင်ပို့မည့် သင်္ဘောယခုတစ်ပတ်အတွင်း စတင်ထွက်ခွာမည်
၄။ ဆောင်းရာသီလျှပ်စစ်ဓာတ်အားပြတ်တောက်မှာ စိုးရိမ်စရာမလိုသည့် ဆွစ်ဇာလန်တောင်ကြားက ရွာကလေးတွေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
#World_Politics
Published 17 October 2022
ဗြိတိန်လွှတ်တော်အမတ်တွေက ယခုတစ်ပတ်အတွင်း ဝန်ကြီးချုပ်'လစ်ဇ်ထရပ်စ်'ကို ရာထူးမှဖြုတ်ချဖို့ ကြိုးစားသွားမှာဖြစ်ပြီး ဒေါင်းနင်းလမ်းဝန်ကြီးချုပ်ရုံးကတော့ ဒီလိုလုပ်ရပ်က အထွေထွေရွေးကောက်ပွဲ ပြုလုပ်လာရနိုင်တယ်လို့ သတိပေးခဲ့ကြောင်း ဒေးလီးမေးလ်က ဖော်ပြခဲ့ပါတယ်။
အာဏာရကွန်ဆာဗေးတစ်ပါတီမှာ ပါဝင်တဲ့ ပါလီမန်အဖွဲ့ဝင်တစ်ရာကျော်ဟာ 'ထရပ်စ်'အပေါ် အယုံအကြည်မရှိတဲ့ စာစောင်များကို ကွန်ဆာဗေးတစ်ပါတီကော်မတီအကြီးအကဲဖြစ်တဲ့ 'ဂရေဟမ်ဘရက်ဒီ'ထံသို့ ပေးပို့ရန် အသင့်ရှိနေကြောင်း သတင်းမှာဖော်ပြထားပါတယ်။
ဗြိတိန်ဟာ နိုင်ငံရေးအကျပ်အတည်းကြုံနေရကာ ၂၀၁၆ ခုနှစ်မှာ ဥရောပသမဂ္ဂကနေ နှုတ်ထွက်ဖို့ မဲခွဲဆုံးဖြတ်ခဲ့ပြီးနောက်ပိုင်း ဝန်ကြီးချုပ် ၃ ဦး အပြောင်းအလဲဖြစ်ခဲ့ပါတယ်။
'ထရပ်စ်'က ရာထူးနှုတ်ထွက်ချိန်တန်ပြီဆိုတာကို 'ဘရက်ဒီ'အနေနဲ့ အသိပေးပြောကြားပေးရန်နဲ့ နိုင်ငံရေးပါတီအုပ်ချုပ်ပုံများကို ပြောင်းလဲရန် ပါလီမန်အမတ်တွေက တိုက်တွန်းသွားမှာဖြစ်ပါတယ်။
'ဂရေဟမ်'ကတော့ ဒီလုပ်ရပ်တွေကို လက်မခံချင်ဘဲ 'ထရပ်စ်'နဲ့အတူ အသစ်ခန့်အပ်ထားတဲ့ နိုင်ငံ့အဓိပတိ'ဂျယ်ရမီဟန့်'တို့ဟာ အောက်တိုဘာ ၃၁ ရက်နေ့ ဘတ်ဂျက်ဖြင့် စီးပွားရေးဗျူဟာချမှတ်ရန် အခွင့်ရထိုက်တယ်လို့ ပြောဆိုခဲ့ကြောင်း သတင်းဖော်ပြထားပါတယ်။
အချို့လွှတ်တော်အမတ်တွေက 'ထရပ်စ်'နေရာမှာ ခေါင်းဆောင်အသစ်တစ်ဦးနဲ့ အစားထိုးရန် လျှို့ဝှက်ဆွေးနွေးခဲ့ကြတယ်လို့ The Times က ဖော်ပြခဲ့ပါတယ်။
အခွန်လျှော့ပေါ့ပေးမယ်လို့ ကတိပြုခဲ့ပြီးနောက် ပြီးခဲ့တဲ့လက ကွန်ဆာဗေးတစ်ပါတီခေါင်းဆောင်ရွေးပွဲမှာ အနိုင်ရခဲ့တဲ့'ထရပ်စ်'ဟာ နိုင်ငံရေးလောက၌ ဆက်လက်ရပ်တည်နိုင်ရန် ကြိုးစားနေရပါတယ်။
ပြည်သူ့ထင်မြင်ချက်ထောက်ခံမှုတွေမှာ အတိုက်အခံ လေဘာပါတီနောက်ကျန်ခဲ့တဲ့အတွက် ကွန်ဆာဗေးတစ်ပါတီအတွင်း မကျေမနပ်မှုများ ထွက်ပေါ်လာတာဖြစ်ပါတယ်။
Source: Reuters
#Yangon_Media_Group
#World_Innovation
Published 17 October 2022
စကြဝဠာကြီးရဲ့ အကျယ်ပြန့်ဆုံးပုံရိပ်တွေကို ရိုက်ကူးနိုင်မယ့် ကမ္ဘာ့အကြီးမားဆုံးဒီဂျစ်တယ်ကင်မရာကို သိပ္ပံပညာရှင်များ ဖော်ထုတ်ခဲ့ကြပါတယ်။
ထိုကင်မရာဟာ ၃.၂၀၀ မဂ္ဂါပစ်ဇယ်ကင်မရာဖြစ်ပြီး ၁၅ မိုင်အကွာမှ ဂေါက်ရိုက်ဘောလုံးကို မြင်နိုင်တဲ့အထိ စွမ်းအားကြီးမားပါတယ်။
ကင်မရာအရွယ်အစားက ကားတစ်စီးစာမျှရှိပြီး မှန်ဘီလူးကပင် အချင်း ၅ ပေရှိပါတယ်။
ကင်မရာပြုလုပ်ပြီးစီးပါက ချီလီတောင်တန်းတစ်ခုရှိ ရူဘင်အာကာသလေ့လာရေးစခန်းကနေ ကမ္ဘာ့တောင်ဘက်ကောင်းကင်ရဲ့ ညပုံရိပ်တွေကို ဖမ်းယူနိုင်မှာ ဖြစ်ပါတယ်။
ညဘက်ကောင်းကင်ရဲ့ ကြယ်တွေ ဂလက်ဆီတွေကို ကျယ်ပြန့်နက်ရှိုင်းတဲ့အထိ တွေ့မြင်နိုင်မှာဖြစ်ပါတယ်။
ကင်မရာက အပြည့်အဝမပြီးသေးပေမယ့် အစိတ်အပိုင်းအားလုံး တပ်ဆင်ပြီးဖြစ်ပါတယ်။
ကင်မရာထားရှိရာ SLAC National Accelerator ဓာတ်ခွဲခန်းသို့ ဓာတ်ပုံဆရာများကို ဖိတ်ခေါ်ခဲ့ပြီး ပထမဆုံးအကြိမ်ကြည့်ရှုလေ့လာစေခဲ့ပါတယ်။
အရွယ်အစား ၅ ပေခွဲနဲ့ ၉.၈ ပေရှိပြီးတော့ ကားငယ်တစ်စီးမျှရှိကာ ၆,၂၀၀ ပေါင်အလေးချိန်ရှိပါတယ်။
မှန်ဘီလူးတွေမှာ CCD လို့ခေါ်တဲ့ အာရုံခံပစ္စည်း ၁၈၉ ခုပါဝင်ကာ CCD တစ်ခုဟာ iPhone တစ်လုံးထက် ပစ်ဇယ်ပိုမိုပါဝင်ပါတယ်။
ဒီကင်မရာက လပြည့်ဂြိုဟ်အလုံး ၄၀ ခန့်အရွယ်အစားရှိတဲ့ ကောင်းကင်ကို ရိုက်ကူးနိုင်လောက်တဲ့ စွမ်းအားရှိနေပါတယ်။
ကင်မရာကို အချောသတ်ထုတ်လုပ်ပြီးပါက ၂၀၂၃ မေလမှာ ချီလီကိုတင်ဆောင်မှာဖြစ်ပြီး လာမယ့်နှစ်အတွင်း အပြည့်အဝစတင်လုပ်ဆောင်မှာဖြစ်ပါတယ်။
ဒီအောင်မြင်မှုက ရူဘင်လေ့လာရေးစီမံကိန်းရဲ့ အထင်ရှားဆုံးဖြစ်ကြောင်း ညွှန်ကြားရေးမှူး'စတီဗင်ခန်း'က ပြောပြခဲ့ပါတယ်။
Source: The Jerusalem Post
#Yangon_Media_Group
Page 517 of 774