#Asia_Development
Published 3 May 2023

ကမ္ဘောဒီးယားရှိ တရုတ်ကလှူဒါန်းထားတဲ့ ဆေးရုံတစ်ရုံမှ လူနာတွေဟာ ဆေးရုံမှဆရာဝန်တွေနဲ့ သူနာပြုတွေ တရုတ်တိုင်းရင်းဆေးပညာ(TCM) အသုံးပြုခြင်းကနေ အကျိုးကျေးဇူးများရရှိခဲ့ကြပါတယ်။

#Asia_Development #ကမ္ဘောဒီးယား #တရုတ်တိုင်းရင်းဆေးနည်းပညာ
#YMG #Yangon_Media_Group

#Daily_News
Published_ 3 May 2023

၁။ ရန်ကုန်တိုင်းရွှေအသင်းရည်ညွှန်းသတ်မှတ်ဈေး ၂၃သိန်းကျော်သတ်မှတ်ထားပြီး ပြင်ပပေါက်ဈေး ၂၉သိန်း၇သောင်းကျော်ရှိနေ

၂။ ကိုဗစ်လက္ခဏာလုံးဝမပြဘဲ ကိုဗစ်ပိုးတွေ့ရသူပိုများနေ၍ သတိပြုကာကွယ်ရန်လိုဟုဆို

၃။ ရွှေတိဂုံစေတီတော်တွင် ကဆုန်လပြည့်ဗုဒ္ဓနေ့၌ ကဆုန်ညောင်ရေသွန်းလောင်းလှူပူဇော်ပွဲကျင်းပ

၄။ကမ္ဘောဒီးယားမှ တရုတ်လှူဒါန်းထားသည့် ဆေးရုံတွင် တရုတ်တိုင်းရင်းဆေးနည်းပညာဖြင့်လူနာများကိုကုသပေးနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

Published 3 May 2023

မြန်မာနိုင်ငံသို့ရောက်ရှိနေတဲ့ တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး မစ္စတာချင်းကန်ဟာ နိုင်ငံတော် အေးချမ်းသာယာရေးနှင့်ဖွံ့ဖြိုးရေးကောင်စီဥက္ကဋ္ဌတာဝန်ယူခဲ့တဲ့  အငြိမ်းစား ဗိုလ်ချူပ်မှူးကြီးသန်းရွှေနှင့် မေလ ၂ရက်နေ့က တွေ့ဆုံခဲ့တယ်လို့ တရုတ်အစိုးရပိုင်မီဒီယာတွေက သတင်းထုတ်ပြန်ပါတယ်။

တရုတ်နိုင်ငံဟာ မြန်မာနိုင်ငံက အားထားရတဲ့ အိမ်နီးချင်းကောင်းနှင့် မိတ်ဖက်ကောင်းနိုင်ငံဖြစ်ပြီး မြန်မာနိုင်ငံတည်ငြိမ်ရေးနှင့် ဖွံ့ဖြိုးတိုးတက်မှုတိုးမြှင့်ရေးတို့အတွက် အမြဲထောက်ခံအားပေးပါတယ်လို့ တရုတ်နိုင်ငံခြားရေး ဝန်ကြီးက အငြိမ်းစားဗိုလ်ချူပ်မှူးကြီးသန်းရွှေနှင့်တွေ့ဆုံစဉ်ပြောကြားခဲ့တယ်လို့ CGTNရဲ့သတင်းထုတ်ပြန်ချက်အရသိရပါတယ်။

မြန်မာနိုင်ငံရဲ့အချုပ်အခြာအာဏာနှင့်နယ်မြေတည်တံ့ခိုင်မြဲမှုကို တရုတ်က လေးစားပြီး မြန်မာနိုင်ငံရဲ့ပြည်တွင်းငြိမ်းချမ်းရေး လုပ်ငန်းစဉ်တိုးတက်ရေးကိုထောက်ခံတယ်လို့ မစ္စတာချင်းက ပြောပါတယ်။  မြန်မာနိုင်ငံရဲ့ လွတ်လပ်ရေးစောင့်ရှောက်ထိန်းသိမ်းမှု၊နိုင်ငံရေးတည်ငြိမ်အောင်ထိန်းသိမ်းထားမှုနှင့် ရေရှည်တည်တံ့ခိုင်မြဲသည့်ဖွံ့ဖြိုးတိုးတက်ရးသဘောပေါက်နားလည်မှုတို့အတွက် မြန်မာနိုင်ငံကို အကူအညီများဆက်ပေးရန် တရုတ်က အသင့်အနေအထားရှိတယ်လို့လည်းသူကပြောပါတယ်။

အတူတကွမျှဝေကြသည့်အနာဂတ်နှင့်အတူ တရုတ်-မြန်မာ လူမှုအသိုက်အဝန်းတည်ထောင်ရန်တရုတ်ဘက်က  မြန်မာနိုင်ငံနှင့် လက်တွဲလုပ်ဆောင်လိုတယ်လို့လည်း တရုတ်နိုင်ငံခြားရေးဝန်ကြီးက ဗိုလ်ချူပ်မှူးကြီးသန်းရွှေ(ငြိမ်း)ကိုပြောကြားခဲ့တယ်လို့ ဆင်ဟွာသတင်းမှာဖော်ပြထားပါတယ်။

မြန်မာနိုင်ငံနှင့် အိမ်နီးချင်းကောင်းပီသတဲ့ ချစ်ကြည်ရင်းနှီးမှုရှိပြီး မြန်မာနိုင်ငံရဲ့လူမှုစီးပွားဖွံ့ဖြိုးတိုးတက်ရေးအတွက်  ခိုင်မာတဲ့ထောက်ခံအားပေးမှုတွေအတွက် တရုတ်ကိုကျေးဇူးတင်တယ်လို့ အငြိမ်းစား ဗိုလ်ချူပ်မှူးကြီးသန်းရွှေက တရုတ်နိုင်ငံခြားရေးဝန်ကြီးကိုပြန်လည်ပြောကြားခဲ့ပါတယ်။ တရုတ်နှင့်မြန်မာနှစ်နိုင်ငံအကြား ဆွေမျိုးပေါက်ဖော်ချစ်ကြည်ရေးဆက်လက်သယ်ဆောင်နိုင်ပြီး ချစ်ကြည်စွာပူးပေါင်းဆောင်ရွက်မှုတိုးမြှင့်နိုင်မယ်လို့ သူယုံကြည်တယ်လို့လည်း ဗိုလ်ချူပ်မှူးကြီးသန်းရွှေ(ငြိမ်း)က ပြောပါတယ်။ အဲဒီအပြင် အသီးအပွင့်ဖြစ်ထွန်းတဲ့ နှစ်နိုင်ငံဆက်ဆံရေးအတွက် ပိုမိုတွန်းအားပေးဆောင်ရွက်နိုင်ကြလိမ့်မယ်လို့ မျှော်လင့်တယ်လို့လည်း အငြိမ်းစား ဗိုလ်ချူပ်မှူးကြီးက ပြောကြားခြ့တဲ့အကြောင်း ဆင်ဟွာကသတင်းဖော်ပြထားပါတယ်။

Source: Xinhua/CGTN

#ဗိုလ်ချူပ်မှူးကြီးသန်းရွှေ

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gang

#တရုတ်-မြန်မာဆက်ဆံရေး

#YangonMediaGroup

Published 3 May 2023

တရုတ်နိုင်ငံနှင့် မြန်မာနိုင်ငံတို့ဟာ နှစ်နိုင်ငံအကြား အလုံးစုံသော မဟာဗျူဟာမြောက်  ပူးပေါင်းဆောင်ရွက်မှု  ထပ်မံတိုးမြှင့်ဖို့ မေလ(၂)ရက် အင်္ဂါနေ့က သဘောတူခဲ့ကြတယ်လို့သိရပါတယ်။

မြန်မာနိုင်ငံမြို့တော်မှာ မြန်မာခေါင်းဆောင် ဗိုလ်ချူပ်မှူးကြီးမင်းအောင်လှိုင်နှင့်တွေ့ဆုံစဉ် တရုတ်နိင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်က “ အိမ်နီးချင်းနှစ်နိုင်ငံဟာ ပေါက်ဖော်ချစ်ကြည်ရေးကို အတူတကွမျှဝေခံစားကြတဲ့ အလျောက် မြန်မာနိုင်ငံနှင့် ဆက်ဆံရေးဟာ အရေးကြီးအထင်ကရဖြစ်တယ်လို့ တရုတ်က စွဲမြဲထားတယ်လို့ ပြောဆိုခဲ့ပါတယ်။

မျှဝေတဲ့အနာဂတ်နှင့်အတူ တရုတ်-မြန်မာအသိုက်အဝန်းကို အတူတကွလက်တွဲဆောင်ရွက်ဖို့၊ ကမ္ဘာလုံးဆိုင်ရာ ဖွံ့ဖြိုးတိုးတက်ရေးဦးစီးဦးရွက်ပြုမှု၊ကမ္ဘာလုံဆိုင်ရာလုံခြုံရေးဦးစီးဦးရွက်ပြုမှုနှင့် ကမ္ဘာလုံးဆိုင်ရာ လူမှုတိုးတက်ရေး ဦးစီးဦးရွက်ပြုမှုတွေ အကောင်အထည်ဖော်ရာမှာ ဦးဆောင်ဖို့  တရုတ်နိုင်ငံက အဆင်သင့် ရှိနေတယ်လို့လည်း ချင်းကပြောပါတယ်။

မြန်မာနိုင်ငံဟာ တည်ငြိမ်ရေးနှင့် အမျိုးသားဖွံ့ဖြိုးတိုးတက်ရေးရရှိလိမ့်မယ်လို့ တရုတ်က  ရိုးသားစွာ  ယုံကြည်တယ်လို့လည်း သူကပြောပါတယ်။ အမျိုးသားအခြေအနေတွေနှင့်ကိုက်ညီမယ့် မြန်မာ့စရိုက်လက္ခဏာတွေနှင့်အတူ ဖွံ့ဖြိုးတိုးတက်မှု လမ်းကြောင်းတစ်ခုကို စူးစမ်းရှာဖွေတာကို တရုတ်ကထောက်ခံအားပေးတယ်လို့လည်း သူကဖြည့်စွက်ပြောကြားပါတယ်။

မြန်မာ့နိုင်ငံရေးအသွင်ကူးပြောင်းမှုလုပ်ငန်းစဉ်တိုးတက်ရေးကို တရုတ်ကထောက်ခံပြီး နိုင်ငံထဲက သက်ဆိုင်တဲ့ အဖွဲ့တွေဟာ ကွဲပြားခြားနားမှုတွေကို သင့်လျော်မှန်ကန်စွာ ရင်ဆိုင်ဖြေရှင်းဖို့နှင့် အခြေခံဥပဒေနှင့် တရားဥပဒေမူဘောင်အောက်ကေန အမျိုးသားပြန်လည်သင့်မြတ်ရေးရရှိအောင်ဆောင်ရွက်ဖို့  တရုတ်နိုင်ငံကထောက်ခံအားပေးတယ်လို့ မစ္စတာချင်းက ဆက်လက်ပြောကြားပါတယ်။

မြန်မာနိုင်ငံရဲ့ အချုပ်အခြာအာဏာကို နိုင်ငံတကာအသိုက်အဝန်းက လေးစားသင့်ကြပြီး မြန်မာနိုင်ငံ ငြိမ်းချမ်းရေးနှင့် ပြန်လည်သင့်မြတ်ရေးရရှိဖို့ ကူညီရာမှာ အပြုသဘောအခန်းကဏ္ဍကနေဆောင်ရွက်ပေးသင့်ကြတယ်လို့လည်းသူက ပြောပါတယ်။

မြန်မာနိုင်ငံရဲ့ဖွံ့ဖြိုးတိုးတက်ရေးကြိုးပမ်းအားထုတ်မှုတွေ၊မှာ ကူညီဖို့ တရုတ်နိုင်ငံဖက်က အစွမ်းရှိသလောက် ဆက်လက် ကူညီပေးမှာဖြစ်ပြီး တရုတ်-မြန်မာ စီးပွားရေးစင်္ကြံရဲ့ အဓိကကျကျပူးပေါင်းဆောင်ရွက်နေတဲ့စီမံကိန်းတွေကိုအရှိန်မြှင့်တင် မယ်လို့ သူကဆက်လက်ပြောဆိုပါတယ်။  လယ်ယာစိုက်ပျိုးရေး၊ပညာရေး၊ကျန်းမာရေးစောင့်ရှောက်မှုနှင့် မြန်မာပြည်သူတွေ အကျိုးရှိစေမယ့် အခြားကဏ္ဍတွေရဲ့ စီံမံကိန်းတွေကို အကောင်အထည်ဖော်သွားမယ်လို့လည်း တရုတ်နိုင်ငံခြားရေးဝန်ကြီးက ဆက်လက်ပြောဆိုပါတယ်။

သက်ဆိုင်တဲ့ပြဿနာတွေကို ညှိနှိုင်းဆွေးနွေးခြင်းဖြင့် ဖြေရှင်းမှုနှင့်အတူ မြန်မာနှင့် ဘင်္ဂလားဒေ့ရှ်နိုင်ငံတွေရဲ့ ဆက်ဆံရေးတိုးမြှင့်လာစေရေး တရုတ်ကထောက်ခံအားပေးတယ်လို့သူကပြောဆိုလိုက်ပြီး  တရုတ်-မြန်မာ-ဘင်္ဂလားဒေ့ရှ် လက်တွေ့ကျကျပူးပေါင်းဆောင်ရွက်မှု ချဲ့ထွင်ရေးကို အဲဒီနှစ်နိုင်ငံနှင့်အတူ တရုတ်က လက်တွဲလုပ်ဆောင်လိုတယ်လို့လည်း မစ္စတာချင်းက ပြောပါတယ်။

မြန်မာနှင့်တရုတ်နိုင်ငံတို့ဟာ သံတမန်ဆက်ဆံရေးတည်ထောင်ခဲ့တာ  နှစ်ပေါင်း ၇၀နီးပါး ရှိပြီလို့ ဗိုလ်ချူပ်မှူးကြီး မင်းအောင်လှိုင်က ပြောကြားပြီး နှစ်နိုင်ငံဟာ ဖွံဖြိုးတိုးတက်မှုအရှိန်ုနှင့် အသီးအပွင့်ရလာဒ်တွေကို အမြဲထိန်းသိမ်းခဲ့ကြတယ်လို့ ဆက်လက်ပြောကြားပါတယ်။

မြန်မာ-တရုတ်ချစ်ကြည်ရေးနှင့်ပူးပေါင်းဆောင်ရွက်ရေးကို ပိုမိုတိုးမြှင့်ဖို့ နှင့် အနာဂတ်အတူတကွမျှဝေတဲ့ မြန်မာ-တရုတ် အသိုက်အဝန်းကို တက်ကြွစွာတည်ထောင်ရန် မြန်မာနိုင်ငံက တရုတ်နှင့်အတူလက်တွဲဆောင်ရွက်လိုတယ်လို့လည်း ဗိုလ်ချူပ်မှူးကြီးကပြောပါတယ်။

တရုတ်နိုင်ငံက ကြီးမားတဲ့အခန်းကဏ္ဏကနေ ပါဝင်ဆောင်ရွက်မှုကိုကြိုဆိုထားတဲ့ မြန်မာနိုင်ငံနှင့်ပတ်သက်တဲ့ ပြဿနာအရေးကိစ္စတွေမှာ တရုတ်နိုင်ငံရဲ့ ဓမ္မဓိဋ္ဌာန်ကျပြီးဘက်လိုက်မှုကင်းတဲ့ ရပ်တည်ချက်ကို မြန်မာက ကျေးဇူးတင်တယ်လို့ ဗိုလ်ချူပ်မှူးကြီးကဖြည့်စွက်ပြောကြားပါတယ်။

မြန်မာနိုင်ငံထဲက တရုတ်နိုင်ငံသားတွေနှင့် အဖွဲ့အစည်းတွေကို အကာအကွယ်ပေးရေး အထူးအရေးကြီးတယ်ဆိုတာကို မြန်မာကစွဲမြဲစွာသိရှိထားကြောင်းလည်း မြန်မာခေါင်းဆောင်ကပြောကြားပါတယ်။ နှစ်နိုင်ငံရဲ့နယ်စပ်ဒေသ တည်ငြိမ်အေးချမ်းရေးထိန်းသိမ်းရာမှာ တရုတ်ဘက်နှင့်အတူ ပူးပေါင်းဆောင်ရွက်ဖို့ မြန်မာက အမြဲအသင့်ရှိပါတယ်လို့လည်း သူက ပြောပါတယ်။

ချင်ဟာ သူ့ရဲ့ခရီးစဉ်အတွင်း မြန်မာနိုင်ငံ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ဥက္ကဋ္ဌ ဦးသန်းရွှေ၊ နိုင်ငံခြားရေးဝန်ကြီး ဦးသန်းဆွေတို့နှင့်လည်းတွေ့ဆုံခဲ့ပါတယ်။

Source CCTV

-ymg/knl

#တရုတ်-မြန်မာဆက်ဆံရေး

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gang

#ဗိုလ်ချူပ်မှူးကြီးမင်းအောင်လှိုင်

#YangonMediaGroup

#World_Politics
Published 3 May 2023

ပြီးခဲ့တဲ့လ မီဒီယာမှာသတင်းမပေါက်ကြားခင် ယူကရိန်းစစ်ပွဲနဲ့ပတ်သက်ပြီး အရေးကြီးအချက်အလက်များပါဝင်တဲ့ ထိပ်တန်းလျှို့ဝှက်စာရွက်စာတမ်းများ ပေါက်ကြားမှုနဲ့ပတ်သက်ပြီး အမေရိကန်က ယူကရိန်းအသိမပေးခဲ့ဘူးလို့ ယူကရိန်းသမ္မတ'ဗိုလိုဒီမီယာဇယ်လန်စကီ'က ဝါရှင်တန်ပို့စ်ကို ပြောကြားခဲ့ပါတယ်။

အမေရိကန်လုံခြုံရေးရဲ့ အရှက်ရဖွယ်ပေါက်ကြားမှုကြောင့် ရုရှားတပ်တွေကို ယူကရိန်းတန်ပြန်တိုက်ခိုက်မယ့်အစီအစဉ်တွေနဲ့ ယူကရိန်းလေကြောင်းကာကွယ်ရေး စိုးရိမ်မှုများပါ ထွက်ပေါ်လာခဲ့ပါတယ်။

"ဒီမတိုင်ခင် အိမ်ဖြူတော် ဒါမှမဟုတ် ပင်တဂွန်ကနေ သတင်းအချက်အလက် လက်ခံမရရှိခဲ့ကြောင်း ဇယ်လန်စကီက မေလ ၁ ရက်နေ့အင်တာဗျူးတစ်ခုမှာ ပြောကြားခဲ့ပါတယ်။

ဇယ်လန်စကီရဲ့ပြောဆိုချက်ကို ပင်တဂွန်သတင်းစာရှင်းလင်းပွဲအတွင်းရေးမှူး 'ပက်ရိုင်ဒါ'က အတည်ပြုခြင်း ငြင်းဆိုခြင်းမရှိဘဲ အမေရိကန်အနေဖြင့် နိုင်ငံများကာကွယ်ရန် လိုအပ်တဲ့လုံခြုံရေးအကူအညီများရရှိစေရန် ယူကရိန်း၊ မဟာမိတ်နိုင်ငံများနဲ့ အလွန်နီးကပ်စွာ ပူးပေါင်းဆောင်ရွက်သွားရန် ကတိပြုထားဆဲဖြစ်ကြောင်း CNN ကို ပြောကြားခဲ့ပါတယ်။

ဆယ်စုနှစ်အတွင်း အစိုးရသတင်းအဆိုးရွားဆုံးပေါက်ကြားမှုဖြစ်စေခဲ့တဲ့ ကိစ္စအတွက် အမေရိကန်လေတပ်ကာကွယ်ရေးမှ အသက် ၂၁ နှစ်အရွယ် အိုင်တီကျွမ်းကျင်သူ'ဂျက်ခ်တက်ဆယ်ရာ'ကို စွပ်စွဲထားပါတယ်။

နိုင်ငံတော်လုံခြုံရေးကို ဆိုးရွားလွန်းတဲ့အန္တရာယ်ဖြစ်စေတယ်လို့ ပင်တဂွန်ကဆိုလိုက်ကာ ပြီးခဲ့တဲ့လက ဖောက်ဖျက်မှုဆိုင်ရာစွဲချက် ၂ ခုဖြင့် ဖမ်းဆီးတရားစွဲဆိုခဲ့ပါတယ်။

ဒါဟာ အိမ်ဖြူတော်ရော အမေရိကန်ရဲ့ဂုဏ်သိက္ခာကိုပါ ထိခိုက်​စေတယ်လို့ ဇယ်လန်စကီက ပြောကြားခဲ့ပါတယ်။

အချက်အလက်တွေထဲမှာ ရုရှားနဲ့ယူကရိန်းတပ်ဖွဲ့ဝင်များနဲ့ လက်နက်အပျောက်အဆုံးများ၊ ပင်လယ်နက်အတွင်း နေတိုးလေ့လာရေးယာဉ်များအကြောင်းအသေးစိတ်နဲ့ အနီးကပ်မိတ်ဖက်ယူကရိန်းအပေါ် အမေရိကန်စောင့်ကြည့်ထောက်လှမ်းတဲ့ မှတ်တမ်းတွေလည်း ပါဝင်ပါတယ်။

ရန်သူအတွက် တစ်နည်းမဟုတ်တစ်နည်း အသိပေးနေတဲ့ဘယ်လိုအချက်အလက်မဆို သူတို့အတွက်တော့ အားနည်းချက်ဖြစ်လာကြောင်း ဇယ်လန်စကီကဆိုပါတယ်။

ရုရှားကျူးကျော်မှုစတင်ကတည်းက ဒေါ်လာဘီလီယံချီထောက်ပံ့ကူညီထားတဲ့ အမေရိကန်မှ ဆက်သွယ်မှုမရှိခြင်းအပေါ် ခံစားနေမယ့်အစား ပိုပြီးအရေးကြီးတဲ့စစ်ပွဲကိုသာ ဦးစားပေးရမယ်လို့ ပြောကြားခဲ့ပါတယ်။

တက်ဆယ်ရာက မကြာသေးမီ မတ်လအစောပိုင်းရက်စွဲပါတဲ့ စာရွက်စာတမ်းအချို့ကို Discord ဆိုရှယ်မီဒီယာရှိ သီးသန့်အဖွဲ့သို့ ပေးပို့နေခဲ့တယ်လို့ သံသယရှိခဲ့ပါတယ်။

Source: CNA #World_Politics #အချက်အလက်များပေါက်ကြားမှု #ယူကရိန်းသမ္မတ
#YMG #Yangon_Media_Group

Published 3 May 2023

တရုတ်-မြန်မာနယ်စပ်ဒေသတည်ငြိမ်ရေးထိန်းသိမ်းရန်နှင့် နိုင်ငံအကြားချစ်ကြည်စွာပူးပေါင်းဆောင်ရွက်မှုတိုးမြှင့်ရန် ကြိုးပမ်းအားထုတ်ကြဖို့ တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်ဟာ မေလ၂ ရက်နေ့ အင်္ဂါနေ့က တရုတ်နိုင်ငံ အနောက်တောင်ပိုင်း ယူနန်ပြည်နယ်က တရုတ်-မြန်မာနယ်စပ်ကို သွားရောက်စစ်ဆေးစဉ်တိုက်တွန်းပြောကြားခဲ့တယ်လို့ တရုတ်CCTVသတင်းဌာနကသတင်းထုတ်ပြန်ပါတယ်။

ယူနန်ဟာ မြန်မာနှင့်ဆက်စပ်တဲ့ အရေးကိစ္စတွေမှာ ထိပ်တန်းရှေ့ဆုံးမှာတည်ရှိတဲ့အတွက်  တရုတ်-မြန်မာ ဆက်ဆံရေး တိုးတက်ရေးမှာ အတုမရှိတဲ့ အခန်းကဏ္ဍကနေပါဝင်ဆောင်ရွက်နေတာဖြစ်တယ်လို့လည်း မစ္စတာချင်းက ပြောပါတယ်။

နယ်စပ်မျဉ်းရှင်းရှင်းလင်းလင်းရှိစေဖို့နှင့် နယ်စပ်ဒေသတည်ငြိမ်ရေးထိန်းသိမ်းဖို့ ကြိုးပမ်းအားထုတ်ကြဖို့လည်း သူက ပြောပါတယ်။ ပြီးတော့ နယ်စပ်ဖြတ်ကျော်မှုခင်းတွေကိုလည်း တင်းကြပ်စွာကိုင်တွယ်ဖို့လည်း သူက တိုက်တွန်းလိုက်ပါတယ်၊

ရှေ့တန်းစီမံခန့်ခွဲရေး၊ နယ်စပ်ဖြတ်ကျော်ကုန်သွယ်ရေးနှင့် နှစ်နိုင်ငံဆက်ဆံရေးမှာ နှစ်ဖက် ညှိနှိုင်းဆောင်ရွက်ဖို့လည်း တရုတ်နိုင်ငံခြားရေးဝန်ကြီးက တိုက်တွန်းခဲ့ပါတယ်။ အီဲဒအပြင် ပုံမှန်နယ်စပ်ဖြတ်ကျော်ကုန်သွယ်ရေးတိုးမြှင့်ရေး၊ ပြည်သူအချင်းချင်းကူးလူးဆက်ဆံရေး၊ ဝင်ပေါက်ဂိတ်တွေကို ဖွင့်နိုင်သမျှများများဖွင့်နိုင်ရေး အရေးကြီးတယ်လို့လည်း သူက အလေးပေးပြောဆိုပါတယ်။  နယ်စပ်ဖြတ်ကျော် စီးပွာရေးပူးပေါင်းဆောင်ရွက်မှုဇုံတည်ဆောက်မှုနှင့် တရုတ်-မြန်မာ စီးပွားရေးစင်္ကြ တိုးတက်မှုရှိစေရေးလည်း သူက တိုက်တွန်းခဲ့ပါတယ်။

နိုင်ငံခြားရေးရာကိစ္စမှာ ယူနန်အနေနှင့် နိုင်ငံတော်အခွဲအဆင့်အကျိုးရှိစွာ ကိုင်တွယ်ဆောင်ရွက်ဖို့နှင့် နယ်စပ်ဒေသတစ်လျောက် ငြိမ်းချမ်းရေးနှင့် တည်ငြိမ်အေးချမ်းရေးနှင့် တရုတ်မြန်မာ ချစ်ကြည်ရေး အလုံးစုံအနေအထားကို ထိန်းသိမ်းမြှင့်တင်ဖို့လည်း တရုတ်နိုင်ငံခြားရေးဝန်ကြီးက ပြောကြားခဲ့တယ်လို့သိရှိရပါတယ်။

#ymg/knl

#တရုတ်နိုင်ငံခြားရေးဝန်ကြီးတရုတ်-မြန်မာနယ်စပ်သွားရောက်

#တရုတ်-မြန်မာဆက်ဆံရေး

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan