#local_news
Published_ 2 June 2023

အဖွဲ့ဝင်နိုင်ငံပေါင်း ၁၃၄ နိုင်ငံပါဝင်သည့် ဂျီ-၇၇ အုပ်စု၏ Vienna Chapter ထူထောင်သည့် (၂၅) နှစ်ပြည့်အထိမ်းအမှတ်အခမ်းအနားကို မေ ၃၁ ရက်တွင် ဗီယင်နာမြို့ ရှိ Vienna International Centre ၌ ကျင်းပခဲ့ရာ မြန်မာအမြဲတမ်းကိုယ်စားလှယ် သံအမတ်ကြီး ဦးမင်းသိမ်း တက်ရောက်ခဲ့ကြောင်း သိရပါတယ်။

အခမ်းအနားတွင် ဂျီ-၇၇နှင့် တရုတ်အုပ်စု (Vienna Chapter) ၏ လက်ရှိ အလှည့်ကျဥက္ကဋ္ဌ ပါကစ္စတန်အမြဲတမ်းကိုယ်စားလှယ်နှင့် အခြားသော အမြဲတမ်း ကိုယ်စားလှယ်များက ဂုဏ်ပြုအမှာစကားများ အသီးသီးပြောကြားခဲ့ပါတယ်။

ဂျီ-၇၇ အုပ်စုကို ၁၅-၆-၁၉၆၄ ရက်တွင် ဂျီနီဗာမြို့၌ ဖွံ့ဖြိုးဆဲနိုင်ငံပေါင်း (၇၇) နိုင်ငံဖြင့် စတင်တည်ထောင်ခဲ့တာဖြစ်ပြီး၊ ဂျီ-၇၇ အုပ်စု၏ Vienna Chapter ကို ၁၉-၅-၁၉၉၈ ရက်တွင် ထူထောင်ခဲ့တာ ဖြစ်ပါတယ်။

အဆိုပါအုပ်စုကို တရုတ်နိုင်ငံက နိုင်ငံရေးအရ အစဉ်ထောက်ခံမှုပေးခဲ့ပြီး၊ ၁၉၉၄ ခုနှစ်မှ စတင်၍ ဘဏ္ဍာရေးအရပါ ထောက်ပံ့ခဲ့ခြင်းကြောင့် ဂျီ-၇၇နှင့်တရုတ်အုပ်စုအဖြစ် ပြောင်းလဲ သုံးနှုန်းခဲ့ကြောင်း၊ ယခုအခါ ဂျီ-၇၇နှင့်တရုတ်အုပ်စုတွင် ကုလသမဂ္ဂအဖွဲ့ဝင် ဖွံ့ဖြိုးဆဲနိုင်ငံပေါင်း (၁၃၄) နိုင်ငံ ရှိပြီဖြစ်ပါတယ်။

ဂျီ-၇၇ အုပ်စု Chapter များအဖြစ် Liaison Office များကို ဂျီနီဗာ၊ နိုင်ရိုဘီ၊ ပါရီ၊ ရောမနှင့် ဗီယင်နာမြို့တို့တွင် ဖွင့်လှစ်ထားကြောင်း သိရပါတယ်။
ygm_mnn
#local_news #နိုင်ငံပေါင်း ၁၃၄ နိုင်ငံပါဝင် #Vienna Chapterထူထောင်သည့်အခမ်းအနား
#YMG #Yangon_Media_Group

#World_News
Published_ 2 June 2023

ခေတ်မီဆန်းပြားသော စောင့်ကြည့်ရေးဆော့ဖ်ဝဲကို အသုံးပြုတဲ့ အမေရိကန်သူလျှိုစစ်ဆင်ရေးကို ရုရှားဖက်ဒရယ်လုံခြုံရေးဝန်ဆောင်မှု(FSB)က ဇွန်လ ၁ ရက်နေ့မှာ တွေ့ရှိခဲ့တယ်လို့ ဆိုပါတယ်။

FSB က iPhone ထောင်ပေါင်းများစွာကို စစ်ဆေးကြည့်ရာ ရုရှားအခြေစိုက် ကက်စ်ပါစကီ(Kaspersky)ဓာတ်ခွဲခန်းက သူတို့ဝန်ထမ်းဒါဇင်ခန့်ရဲ့ဖုန်းတွေမှာ အမေရိကန်စစ်ဆင်ရေး ပါဝင်နေတယ်လို့ အခိုင်အမာဆိုလိုက်ပါတယ်။

အက်ပဲလ်(Apple)စက်ပစ္စည်းထောင်ပေါင်းများစွာဟာ ကူးစက်ခံထားရကြောင်း FSB က ထုတ်ပြန်လိုက်ပါတယ်။

ဒီထဲမှာမှ ရုရှားပြည်တွင်းပုံမှန်အသုံးပြုသူများနဲ့ ရုရှားအခြေစိုက်နိုင်ငံခြားသံတမန်များရဲ့ ပစ္စည်းတွေပါဝင်နေပါတယ်။

FSB က အက်ပဲလ်လက်ကိုင်ဖုန်းများအသုံးပြုပြီး အမေရိကန်ထောက်လှမ်းရေးလုပ်ဆောင်နေတာကို ဖော်ထုတ်တွေ့ရှိခဲ့ကြောင်း ထုတ်ပြန်ခဲ့တာဖြစ်ပါတယ်။

အက်ပဲလ်နဲ့ ဆက်သွယ်ထောက်လှမ်းရေးလုံခြုံရေး အမေရိကန်အေဂျင်စီဖြစ်တဲ့ အမျိုးသားလုံခြုံရေးအေဂျင်စီ(NSA)တို့ကြား နီးကပ်စွာပူးပေါင်းဆောင်ရွက်နေတဲ့ အကြံအစည်ကို FSB က ချပြခဲ့ပါတယ်။

အက်ပဲလ်က လျှို့ဝှက်ကြံစည်မှုကို သိသိနဲ့ ပူးပေါင်းလုပ်ဆောင်နေတယ်ဆိုတဲ့ အထောက်အထားကိုတော့ မပြသခဲ့ပါဘူး။

အက်ပဲလ်ကတော့ ဒီစွပ်စွဲမှုတွေကို ငြင်းဆိုလိုက်ပါတယ်။

ကက်စ်ပါစကီစီအီးအို 'ယူဂျင်းကက်စ်ပါစကီ'က သူ့ဝန်ထမ်းတွေရဲ့ဖုန်းဒါဇင်ခန့်ဟာ လျှို့ဝှက်စစ်ဆင်ရေးမှာ ပတ်သက်နေတယ်လို့ တွစ်တာမှာဖော်ပြလိုက်ကာ ထိပ်သီးအလွှာနဲ့ အလယ်အလတ်အလွှာစီမံခန့်ခွဲရေးတို့ရှိ ဝန်ထမ်းတွေကိုပစ်မှတ်ထားပြီး အင်မတန်ရှုပ်ထွေးလှတဲ့ ဆိုက်ဘာတိုက်ခိုက်မှုပြုလုပ်နေတယ်လို့ ဖော်ပြခဲ့ပါတယ်။

အမေရိကန်ဟက်ကာတွေက အစ္စရေးလ်၊ ဆီးရီးယား၊ တရုတ်၊ နေတိုးအဖွဲ့ဝင်များထံမှ သံတမန်များနဲ့ အပေးအယူလုပ်ခဲ့တယ်လို့ FSB က စွပ်စွဲခဲ့ပါတယ်။

အမေရိကန်ထုတ်လက်ကိုင်ဖုန်းတွေထဲက ဆော့ဖ်ဝဲများမှတဆင့် လျှို့ဝှက်ဒေတာစုဆောင်းခြင်း လုပ်ဆောင်နေတယ်လို့ ရုရှားနိုင်ငံခြားရေးဝန်ကြီးဌာနက ထုတ်ပြန်လိုက်ပါတယ်။

အမေရိကန်ထောက်လှမ်းရေးတွေဟာ ဆယ်စုနှစ်တွေတိုင်အောင် အိုင်တီကုမ္ပဏီတွေကိုအသုံးချပြီး အင်တာနက်အသုံးပြုသူတွေရဲ့ အချက်အလက်အများအပြားကို စုဆောင်နေကြောင်း ဝန်ကြီးဌာနက ဆိုပါတယ်။
Source: WION
#World_News #Appleနှင့်အမေရိကန်ထောက်လှမ်းရေးတို့ပူးပေါင်း #လျှို့ဝှက်ထောက်လှမ်းနေ
#ရုရှားစွပ်စွဲ
#YMG #Yangon_Media_Group

#World_Science
Published_ 2 June 2023

ခန္ဓာကိုယ်တွင်း ဆေးရောက်ရှိရန် ခက်ခဲတဲ့နေရာတွေထံ ရောက်ရှိစေဖို့ သေးငယ်ပြီးကိုယ်တိုင်တိုက်ထုတ်နိုင်တဲ့ မိုက်ခရိုရိုဘော့များကို ဆရာဝန်များမကြာခင် အသုံးချနိုင်တော့မှာဖြစ်ပါတယ်။

ကိုလိုရာဒိုဘိုလ်ဒါတက္ကသိုလ်မှ သုတေသီတွေက အရည်မှတဆင့် လျင်မြန်စွာဖြတ်သန်းနိုင်ပြီး နာမကျန်းမှုများနဲ့ ရောဂါများကို ကုသပေးနိုင်တဲ့ မိုက်ခရိုရိုဘော့များကို ဖန်တီးနေကြပါတယ်။

အဆိုပါမိုက်ခရိုရိုဘော့များဖြင့် ခန္ဓာကိုယ်မှာ ထိုးဖောက်ဝင်ရောက်ခြင်းမရှိဘဲ ခွဲစိတ်မှုတွေပြုလုပ်နိုင်မှာဖြစ်ကြောင်း ဓာတုနဲ့ ဇီဝအင်ဂျင်နီယာဌာနမှ ပါရဂူဘွဲ့လွန်သုတေသီ'ဂျင်လီ'က ပြောပြခဲ့ပါတယ်။

ဖြတ်တောက်စရာမလိုဘဲ ရိုဘော့တွေကို ဆေး ဒါမှမဟုတ် ထိုးဆေးကနေ ခန္ဓာကိုယ်ထဲထည့်သွင်းနိုင်မှာဖြစ်ပြီး သူတို့ဘာသာ ဆောင်ရွက်သွားမှာဖြစ်တယ်လို့ ဆိုပါတယ်။

မိုက်ခရိုရိုဘော့တွေဟာ ၂၀ မိုက်ခရိုမီတာအချင်းသာရှိပြီး အလွန်လျင်မြန်စွာ ဆောင်ရွက်နိုင်ပါတယ်။

လူ့ဆံပင်ထက် အဆပေါင်းများစွာသေးငယ်ကာ တစ်စက္ကန့်ကို ၃ မီလီမီတာခန့်ဖြင့် သွားလာနိုင်ကာ နှိုင်းဆမြန်နှုန်းအရဆိုရင် ချီတာကျားသစ်တွေထက် ပိုမိုမြန်ဆန်ပါတယ်။

စမ်းသပ်လေ့လာချက်မှာတော့ စတီးရွိုက်ဆေးဖြစ်တဲ့ ဒက်ဆာမက်သာဆုန်းကို မိုက်ခရိုရိုဘော့များဖြင့် သယ်ဆောင်စေကာ ဓာတ်ခွဲခန်းကြွက်တွေရဲ့ ဆီးအိမ်ဆီ ပို့ဆောင်စေခဲ့ပါတယ်။

အောင်မြင်တဲ့ရလဒ်များအရ မိုက်ခရိုရိုဘော့တွေဟာ ဆီးအိမ်ရောဂါများနဲ့ အခြားရောဂါများကို ကုသရာမှာ အရေးပါတဲ့အရာ ဖြစ်နိုင်ဖွယ်ရှိနေပါတယ်။

ဆီးအိမ်နာကျင်ခြင်းဝေဒနာဟာ လူသန်းပေါင်းများစွာမှာ ဖြစ်ပွားနေပြီး ကုသရာမှာလည်း အလွန်နာကျင်ရပါတယ်။

အခု မိုက်ခရိုရိုဘော့တွေ ထွက်ပေါ်လာရင်တော့ သက်သာလာနိုင်ဖွယ်ရှိနေပါတယ်။
Source: WION
#World_Science #လူ့ဆံပင်ထက်သေးငယ်သည့်မိုက်ခရိုရိုဘော့
#YMG #Yangon_Media_Group

#World_Health
Published 2 June 2023

မိသားစုတစ်စုထံမှ သားဖြစ်သူဟာ အလွန်တက်ကြွပြီး အားကစားလိုက်စားသူဖြစ်ပေမယ့် သွေးကင်ဆာရောဂါကို ရှာဖွေတွေ့ရှိပြီး ၂၄ နာရီအကြာပဲ သေဆုံးသွားခဲ့ပါတယ်။

ဒါကြောင့် ကင်ဆာဟာ ဒီလိုအချိန်တိုအတွင်းမှာပဲ သေဆုံးစေနိုင်သလားဆိုတဲ့ မေးခွန်းတွေထွက်ပေါ်လာပါတယ်။

အသက် ၁၆ နှစ်ရှိ 'ကိုင်လ်လင်ပါ'ဟာ ဧပြီအစောပိုင်းက ဘတ်စ်ကတ်ဘောကစားပြီးနောက် နောက်ကျောမှာ နာကျင်မှုစတင်ခံစားခဲ့ပြီး ရက်ပိုင်းအတွင်းမှာပဲ မတ်တပ်မရပ်နိုင်တော့တဲ့အထိ နာမကျန်းဖြစ်လာပါတယ်။

အစပိုင်းမှာ လက္ခဏာမပြပေမယ့် ကင်ဆာကို နောက်ဆုံးတွေ့ရှိချိန်မှာ သူ့ရဲ့အင်္ဂါတွေ စတင်ပျက်စီးနေပြီဖြစ်ပြီး ရောဂါတွေ့ရှိပြီး နာရီပိုင်းအတွင်း ဧပြီ ၁၃ ရက်နေ့မှာ ကွယ်လွန်ခဲ့ပါတယ်။

သွေးကင်ဆာက လျင်မြန်စွာပျံ့နှံ့ပြီး နောက်ပိုင်းအဆင့်ရောက်မှ လက္ခဏာတွေ့ရှိတာကြောင့် ရောဂါတွေ့ရှိပြီး ၂၄ နာရီအတွင်းမှာပဲ သွေးကင်ဆာလူနာတွေ သေဆုံးနိုင်ကြောင်း အမေရိကန်ကင်ဆာအဖွဲ့အစည်းမှ ဒေါက်တာ'အာရစ်ဖ်ကာမယ်'က ပြောကြားခဲ့ပါတယ်။

ဒီကင်ဆာမျိုးက သွေးဖြူဥတွေက ခန္ဓာကိုယ်တွင်းမှာ ထိန်းမနိုင်သိမ်းမရကြီးထွားလာကာ သွေးကြောတွေနဲ့ အရေးကြီးအင်္ဂါများဆီ ပျံ့နှံ့သွားပါတယ်။

ဒီလိုလူနာအနေနဲ့ ပင်ပန်းလွယ်ပြီး အလွန်အမင်းအိပ်စက်တတ်ကာ ကိုယ်အလေးချိန်ကျဆင်းသွားတတ်ပါတယ်။

အားကစားသမားတွေကတော့ နာကျင်ကိုက်ခဲမှုတွေကို အမှုမဲ့အမှတ်မဲ့ဖြစ်တတ်တာကြောင့် အစောပိုင်းလက္ခဏာတွေ မသိရှိခဲ့တာဖြစ်နိုင်ပါတယ်။

ပုံမှန်သွေးဖြူဥအရေအတွက်က သွေးတစ်မိုက်ခရိုလီတာမှာ ၄,၅၀၀ နဲ့ ၁၁,၀၀၀ အတွင်းရှိပါတယ်။

သွေးကင်ဆာလူနာတွေမှာတော့ တစ်ပတ်အတွင်းမှာပင် သွေးဖြူဥ ၂ သိန်းလောက်အထိ မြင့်တက်လာနိုင်ပါတယ်။

ရောဂါရှာဖွေတွေ့ရှိပြီး မကြာခင်အတွင်း သေဆုံးနိုင်သလားကို မေးမြန်းရာမှာ နောက်ကျမှသိရှိခြင်းနဲ့ ကုသမှုနောက်ကျခြင်းတို့ကြောင့်ဖြစ်ပါတယ်။

သွေးဖြူဥတွေက အာရုံကြောများ အဆစ်များနားမှာ စုပြုံလာသလို အရွယ်အစားလည်းကြီးမားလာပါတယ်။

ကိုင်လ်လင်ပါကတော့ သူ့ရဲ့အတွင်းအင်္ဂါတွေပျက်စီးပြီး သေဆုံးသွားခဲ့တာဖြစ်ပါတယ်။
Source: The Jerusalem Post
#YMG #Yangon_Media_Group

#World_Miss
Published_ 1 Jun 2023

'ဆိုဖီယာဆော်လိုမွန်'က သူမအတွက် သမိုင်းဝင်ဖြစ်လာမယ့်ပွဲအတွက် ရေကူးဝတ်စုံ၊ ညနေခင်းဝတ်စုံတိုဖြင့် ဓာတ်ပုံရိုက်ကူးရန် အာရုံစူးစိုက်ကာ ပြင်ဆင်နေပါတယ်။

#World_Miss #ပထမဆုံးလိင်အင်္ဂါပြောင်းဗင်နီဇွဲလားအလှမယ် #ဆိုဖီယာဆော်လိုမွန်
#YMG #Yangon_Media_Group

#Daily_News
Published_ 1 Jun 2023

၁။ သွေးလွန်တုပ်ကွေးရောဂါ တိုက်ဖျက်ရေးဗျူဟာသစ်များ ဆောင်ရွက်နေ

၂။ ကိုဗစ်လူနာသစ် (၇၁) ဦး ထပ်တွေ့ရှိပြီး ရာခိုင်နူန်းဖြင့် ၀ ဒဿမ ၈၅ ရာခိုင်နူန်းရှိ

၃။ ကမ္ဘာ့ရွှေဈေး ကျဆင်းနေပြီး ပြင်ပရွှေပေါက်ဈေးသိန်း၃၀ အထက်မှာ ပဲရှိ

၄။ ပထမဆုံးလိင်အင်္ဂါပြောင်းဗင်နီဇွဲလားအလှမယ်ဖြစ်လာရန် ဆိုဖီယာဆော်လိုမွန်မျှော်လင့်နေ0 .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG