#World_Health
Published 20 July 2023

အကြားအာရုံဆဲလ်တွေ ပြုပြင်ရာမှာ သိသာထင်ရှားတဲ့ အောင်မြင်မှုရလာပြီး အကြားအာရုံဆုံးရှုံးမှုကို ကုသကာကွယ်ရာမှာ တိုးတက်မှုတွေရှိလာကြောင်း ဗာဂျီးနီးယားဆေးတက္ကသိုလ်မှ သုတေသီများက ဖော်ပြလိုက်ပါတယ်။

အာရုံခံစားမှုကို ထိန်းသိမ်းပေးပြီး အကြားအာရုံအတွက် အရေးကြီးတဲ့ အမွှေးအမျှင်ဆဲလ်တွေကို လေ့လာခဲ့ကြတာ ဖြစ်ပါတယ်။

ဒီမတိုင်ခင်အထိ ပျက်စီးသွားတဲ့ အကြားအာရုံအမျှင်ဆဲလ်တွေဟာ ပြန်ရှင်သန်မလာပေမယ့် အခုအခါမှာတော့ သူတို့ဘာသာ ပြန်လည်ပြုပြင်နိုင်ကြောင်း အဆိုပါတက္ကသိုလ်မှ သုတေသနတွေ့ရှိထားပါတယ်။

ဆံပင်ဆဲလ်များ မွေးရာပါပြုပြင်မှု လုပ်ငန်းစဉ်များကို ရှင်းထုတ်ရန် ရည်ရွယ်ပြီး နောက်ဆုံးမှာ အားကောင်းလာစေမယ့် ထိရောက်တဲ့နည်းဗျူဟာများ ဖြစ်ပေါ်စေမှာဖြစ်ကြောင်း ဦးဆောင်သုတေသီ 'ဂျန်ဘမ်ရှင်း'က ဆိုပါတယ်။

ဆေးဝါးတွေ အသုံးပြုပြီး ဆဲလ်ပြုပြင်လှုံ့ဆော်ဖို့ သုတေသနပြုချက်ကနေ ထွက်ပေါ်လာတာဖြစ်ပါတယ်။

အဆိုပါပြုပြင်နည်းလမ်းဖြင့် အကြားအာရုံနဲ့ ဆက်စပ်ရောဂါတွေကို ကုသရာမှာ တိုးတက်မှုတွေ ရှိလာနိုင်ပါတယ်။

အသံကြားခြင်းကို လုပ်ဆောင်ပေးတဲ့ အမွှေးမျှင်ဆဲလ်တွေဟာ သဘာဝအရ နူးညံ့ပြီး ဆူညံသံတွေကို ကြာရှည်စွာထိခိုက်တာကို မခံနိုင်ပါဘူး။

အတွင်းပိုင်းထဲက စတီရီယိုစီလီယာကို ထိခိုက်ခြင်းက ထိုအန္တရာယ်ဖြစ်စေတဲ့ အကြောင်းအရင်းတစ်ခု ဖြစ်ပါတယ်။

အသက်အရွယ်ကြောင့် သက်ကြီးရွယ်အို ၃ ပုံ ၁ ပုံခန့်မှာ အကြားအာရုံ ဆုံးရှုံးနေရပါတယ်။

ဒီလိုဖြစ်ရတဲ့ အတွင်းပိုင်းအကြောင်းအရင်းများကို သိရှိနားလည်ကာ အသုံးချခြင်းဖြင့် အကြားအာရုံဆုံးရှုံးမှု ကာကွယ်ရန် နည်းလမ်းများ ရရှိလာနိုင်ပါတယ်။

ဒါ့အပြင် အယ်လ်ဇိုင်းမား၊ ဒီမန်ရှာရောဂါတွေမှာလည်း အသုံးဝင်နိုင်ချေ ရှိနေပါတယ်။

ထိုလေ့လာချက်က အမွှေးမျှင်ဆဲလ် ပြုပြင်ခြင်းဖြစ်စဉ်ကို နားလည်စေနိုင်ရုံမက ဆဲလ်ဇီဝဗေဒသုတေသနမှာလည်း ပိုမိုအသုံးချစေနိုင်မှာ ဖြစ်ပါတယ်။

ဒီလုပ်ငန်းကြောင့် ဆဲလ်ပြုပြင်မှုများ ဆက်လက်လေ့လာရန် အမျိုးသားကျန်းမာရေးအဖွဲ့အစည်းကနေ ဒေါ်လာ ၂.၃ သန်း ရရှိထားပါတယ်။

Source: WION #World_Health #အကြားအာရုံဆဲလ်များကို ပြုပြင်နိုင်မည့် ပြုပြင်မှုလုပ်ငန်းစဉ်
#Yangon_Times

#World_Health
Published 20 July 2023

ရောဂါပိုးမွှားသန့်စင်ခြင်းနဲ့ သန့်ရှင်းရေးနေရာတွေမှာ အသုံးပြုတဲ့ လက်ချား(ဘိုရက်စ်မှုန့်)ကို စားသုံးခြင်းဖြင့် အကျိုးကျေးဇူးရရှိပုံများကို TikTok မှာ ဖော်ပြလာကြပါတယ်။

လက်ချားကို သေချာစွာ အသုံးမပြုတတ်ရင် ဘယ်လောက်အထိ အဆိပ်အတောက်ဖြစ်စေလဲ ဆိုတာကို ပညာရှင်များ သတိပေးဖူးပါတယ်။

လက်ချားကို စားသုံးရင် အဆစ်အမြစ်နာတာတွေ သက်သာစေတယ်ဆိုပြီး ဖော်ပြလာကြတာဖြစ်ပါတယ်။

ဘိုရက်စ်ဟာ ခြောက်သွေ့ရေကန်ကြမ်းပြင်တွေမှာ သဘာဝအတိုင်း တွေ့ရတတ်ပြီး ဘိုရွန်၊ အောက်ဆီဂျင်၊ ဟိုက်ဒရိုဂျင်၊ ဆိုဒီယမ်များဖြင့် ဖွဲ့စည်းထားတဲ့ အဖြူရောင်သတ္တုဖြစ်ပါတယ်။

သန့်ရှင်းရေးပစ္စည်းအဖြစ် အများစုအသုံးပြုကြကာ လျှော်ဖွပ်ရေးပစ္စည်းတွေမှာ တွေ့ရတတ်ပါတယ်။

ဒါ့အပြင် သွားတိုက်ဆေး၊ ခံတွင်းဆေးရည်၊ ပေါင်းသတ်ဆေး၊ သုတ်ဆေး၊ အချို့သောအလှကုန်ပစ္စည်းတွေမှာလည်း အသုံးပြုကြပါသေးတယ်။

သုတေသီဒေါက်တာ 'ရက်စ်နယူဟမ်'က အဆစ်အမြစ်ရောင်နဲ့ အရိုးပွရောဂါတို့ ကုသရာမှာ ဘိုရက်စ်အသုံးပြုပုံကို TikTok အသုံးပြုသူတွေက ကိုးကားဖော်ပြနေကြတာ ဖြစ်ပါတယ်။

တိရိစ္ဆာန်တွေနဲ့ လူသားတွေမှာ အဆစ်အမြစ်ရောင်ခြင်းကို ဘိုရွန်ဖြည့်စွက်ခြင်းဖြင့် သက်သာစေနိုင်တယ်လို့ နယူဟမ်က ယုံကြည်နေပါတယ်။

ဘိုရွန် သို့မဟုတ် ဆိုဒီယမ်တက်ထရာဘိုရိတ်ကို နေ့စဉ် ၆ မီလီဂရမ်ခန့်ဖြင့် လူတွေမှာ စမ်းသပ်ခဲ့ရာ ဩစတြေးလျမှာ ဘိုရွန်ဖြည့်စွက်ဆေးပုလင်းပေါင်း ၉ သောင်းရောင်းချခဲ့ရပေမယ့် ဩစတြေးလျ ကွပ်ကဲရေးစည်းမျဉ်းအသစ်တွေကြောင့် ဘိုရွန်ဟာ အဆိပ်ရှိတယ်လို့ ကြေညာခဲ့ပါတယ်။

အွန်လိုင်းမှာ ဖော်ပြထားတဲ့ လက်ချားရဲ့အသုံးဝင်ပုံတွေကတော့ ပါးစပ်နဲ့မျက်လုံးမှာ ရောင်ရမ်းခြင်းကို သက်သာစေခြင်း၊ ဓမ္မတာလာစဉ်နာကျင်မှုကို သက်သာစေခြင်း၊ ကင်ဆာကုသခြင်း၊ အခြားအရာများစွာ ပါဝင်ပါတယ်။

လက်ချားက အရိုးသန်မာစေတယ်ဆိုတာကို နှစ်ပေါင်းများစွာ တွေ့ရှိထားကြောင်း NIH ဝက်ဘ်ဆိုက်မှာ ဖော်ပြထားပါတယ်။

အမေရိကန်စားသောက်ကုန်အားလုံးမှာ လက်ချားကို ပိတ်ပင်ထားပါတယ်။

လက်ချားက သဘာဝကုန်ကြမ်းပစ္စည်းဖြစ်ပေမယ့် ဘေးကင်းတာတော့ မဟုတ်ပါဘူး။

လက်ချားစားသုံးခြင်းကြောင့် အရေပြားနီမြန်းခြင်း၊ အော့အန်ခြင်း၊ မူးဝေခြင်း၊ မျက်လုံးယားယံခြင်း၊ အသက်ရှူပြဿနာ၊ အမျိုးသားလိင်စိတ်ဆန္ဒနဲ့ မျိုးအောင်နိုင်စွမ်း ချို့ယွင်းခြင်း၊ အင်္ဂါများထိခိုက်နိုင်ခြင်း၊ အသက်သေဆုံးခြင်းတို့ ဖြစ်စေနိုင်ပါတယ်။

လက်ချားက သန့်ရှင်းရေးနဲ့ ပိုးသတ်ခြင်းတို့မှာ အလွန်ထိရောက်ပေမယ့် ခန္ဓာကိုယ်အတွက် လိုအပ်နေတာတော့ မဟုတ်ပါဘူး။

Source: The Jerusalem Post #World_Health #အဆစ်အမြစ်ရောင်ခြင်းအတွက် လက်ချားစားသုံးသင့်ကြောင်း
#Yangon_Times

ရာသီဥတုအပူချိန်မြင့်မားလွန်းခြင်းနှင့် မိုးခေါင်ရေရှားမှုများကြောင့် အီရတ်မှပျားရည်ထုတ်လုပ်မှုများစွာထိခိုက်

အီရတ်အလယ်ပိုင်း ဘာဘီလုံပြည်နယ်မှာ အပူချိန်မြင့်မားနေပြီး မိုးခေါင်မှုနဲ့ အပူချိန်မြင့်တက်ခြင်းတိုကြောင့် ပျားတွေကိုထိခိုက်လာပြီး ပျားရည်ထုတ်လုပ်မှု ခက်ခဲလာပါတယ်။

Published 19 July 2023
#World_Agriculture #မိုးခေါင်ရေရှားမှုများကြောင့် အီရတ်မှပျားရည်ထုတ်လုပ်မှုများစွာထိခိုက်
#Yangon_Times

၁၉ ဇူလိုင်၊၂၀၂၃

ဗုဒ္ဓဟူးနေ့မှာ ကျင်းပတဲ့ အောက်လွှတ်တော်နှင့် အထက်လွှတ်တော်ပူးတွဲအစည်းအဝေးက ရှေ့သို့ပါတီ Move Forward Party ခေါင်းဆောင် ပီတာလင်းဂျာရွန်ရတ်ကို ဝန်ကြီးချုပ်လောင်းအဖြစ် ထပ်မံအဆိုပြခြင်းကို ပယ်ချလိုက်ပါတယ်။ ပါလီမန်ရဲ့ လုပ်ထုံးလုပ်န်းတွေကြောင့် ယခုလိုပိတ်ပင်လိုက်တာဖြစ်တယ်လို့ ပါလီမန်ဥက္ကဋ္ဌ ဝန်မူဟာမက် နို မာသာက ပြောပါတယ်။

ယနေ့ ဇူလိုင်၁၉ရက် ဒေသစံတော်ချိန်ညနေ ၅နာရီ၁၀မိနစ်မှာ ပါလီမန်အမတ် ၇၁၅ ဦးက မဲပေးပြီးတဲ့နောက် မစ္စတာဝန်က ယခုလိုကြေညာခဲ့ခြင်းဖြစ်ပါတယ်။ ပါလီမန်အစည်းအဝေးကို မနက်၉နာရီခွဲစတင်ကတည်းက ရှည်လျားလှ သော အချေအတင်ဆွေးနွေးမှုတွေပြုလုပ်ပြီးနောက်မဲခွဲခဲ့ကြတာဖြစ်ပါတယ်။

ပူးတွဲအစည်းအဝေးမှာ မစ္စတာပီတာ ထပ်မံအဆိုပြုခြင်းကို ကန့်ကွက်သူပေါင်း ၃၉၅ ဦးရှိပါတယ်။ အများစုဟာ ရွေးကောက်ခံမဟုတ်တဲ့ဆီးနိတ်အမတ်များဖြစ်ကြပါတယ်။ ၃၁၂ဦးကထောက်ခံခဲ့ပြီး (၈)ဦးက ကြားနေခဲ့ကာ တစ်ဦးက မဲပေးခွင့်ကိုမရယူခဲ့ပါဘူး။

ကန့်ကွက်ပယ်ချသူတွေဟာ သတ်မှတ်ထားတဲ့ အမတ်ဦးရေတစ်ဝက်ဖြစ်တဲ့ ၃၇၄မဲထက်ကျော်လွန်တဲ့အတွက် ဒါဟာ အများစုဖြစ်တယ်လို့ မစ္စတာဝန်ကပြောပါတယ်။ မဲပေးပြီးနောက် အစည်းအဝေးကို ရပ်နားလိုက်ပါတယ်။ သူတို့ဟာ လာမယ့် ကြာသပတေးနေ့မှာထပ်ဆုံကြဦးမှာဖြစ်ပြီး ဒီတစ်ခါတော့ ဖွေထိုင်းပါတီဟာ ဝန်ကြီးချုပ်လောင်းအသစ် အဆိုတင်သွင်းလိမ့်မယ်လို့ မျှော်လင့်ထားကြပါတယ်။ အဆိုပြုခံရဖို့ ဖြစ်နိုင်သူကတော့ စီးပွားရေးလုပ်ငန်းရှင် သရက်သာ သာဗစ်ဆင်ပဲ ဖြစ်ပါတယ်။ အကယ်၍ ဖွေထိုင်းပါတီဟာ တစ်ကြိမ်တည်းနှင့် ဝန်ကြီးချုပ်မတင်မြှောက်နိုင်ရင် အဲဒီ အဆိုပြုခံရသူအဖို့ နောက်တစ်ကြိမ်ပြန်ပြီး အဆိုပြုခံရတော့မှာမဟုတ်ပါဘူး။

ဖွေထိုင်းပါတီဟာ အောက်လွှတ်တော် နေရာ ၁၄၁နေရာအနိုင်ရရှိထားတဲ့ ဒုတိယမြောက်အကြီးဆုံးအနိုင်ရ ပါတီဖြစ်ပါတယ်။

Source-Bangkok Post

#ThailandPolitics

#PitaLimjaroenrat

#Daily_News
Published_ 19 July 2023

၁။ အာဇာနည်နေ့အခမ်းအနားသို့ နစကအဖွဲ့ဝင်များနှင့် အာဇာနည်မိသားစုဝင်များတက် ရောက်ဂါရဝပြု

၂။ မွန်၊ ကရင်၊ တနင်္သာရီဒေသနှင့်ရန်ကုန်တွင် လေပြင်းတိုက်ပြီး မိုးဆက်တိုက်သည်းမည်

၃။ မြန်မာ့ပြောင်း ဂျပန်ဈေးကွက်အထိ ထိုးဖောက်နိုင်ရန်အရည်အသွေးမြှင့်တင်နေ

၄။ ရာသီဥတု အပူချိန်မြင့်မားလွန်းခြင်းနှင့် မိုးခေါင်ရေရှားမှုများကြောင့် အီရတ်မှပျားရည်ထုတ်လုပ်မှုများစွာထိခိုက် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

၁၉ ဇူလိုင်၊၂၀၂၃

ထိုင်းနိုင်ငံက ဖွဲ့စည်းပုံအခြေခံခုံရုံးက ရှေ့သို့ပါတီ Move Forward Party ခေါင်းဆောင်နှင့် ဝန်ကြီးချုပ်လောင်းအဖြစ် စာရင်းတင်သွင်းထားသူ ပီတာလင်မ်ဂျရွန်ရတ်ကို အောက်လွှတ်တော်ကိုယ်စားလှယ်အဖြစ်မှ ဗုဒ္ဓဟူးနေ့(ဇူလိုင်၁၉) ရက်မနက်မှာ ဆိုင်းငံ့လိုက်ပါတယ်။

မစ္စတာပီတာဟာ အိုင်တီဗွီ မီဒီယာကုမ္ပဏီရဲ့ ရှယ်ယာတွေကို ဆက်ခံခဲ့သူအဖြစ်တိုင်တန်းမှုကိုလက်ခံလိုက်ပြီးနောက် ထိုင်းဖွဲ့စည်းပုံ အခြေခံဥပဒေခုံရုံးက သူ့ကို လွှတ်တော်ကိုယ်စားလှယ်အဖြစ်မှ ဆိုင်းငံ့ကြောင်းကြေညာလိုက်  ခြင်းဖြစ်ပါ တယ်။

ထိုင်းအခြေခံဥပဒေအရ ပါလီမာန်အမတ်တွေကို မီဒီယာအဖွဲ့အစည်းတွေမှာ ရှယ်ယာပိုင်ဆိုင်ခွင့် တားမြစ်ထားပါတယ်။ မစ္စတာပီတာဟာ ကွယ်လွန်သူဖခင်ရဲ့ ပိုင်ဆိုင်မှုအစိတ်အပိုင်းအဖြစ် ရှယ်ယာပေါင်း ၄၂၀၀၀ ကိုသေတမ်းစာအရသာ ရရှိခဲ့ခြင်းဖြစ်ပြီးအဲဒါတွေအားလုံးကို ဆွေမျိုးတွေဆီ လွှဲပေးပြီဖြစ်တယ်လို့ စောဒကတက်ထားပါတယ်။

ယခုလိုလွှတ်တော်ကိုယ်စားလှယ်အဖြစ်မှဆိုင်းငံ့ခံရသော်လည်း သူ့ကို ဝန်ကြီးချုပ်အဖြစ်အမည်စာရင်းတင်သွင်းခဲ့မှု အပေါ် ဟန့်တားလို့မရပါဘူး။ ဒီကနေ့မှာ အဲဒီအတွက် လွှတ်တော်ပူးတွဲအစည်းအဝေးကျင်းပပြီး အချေအတင် ပြောဆိုကြမှာဖြစ်ပါတယ်။

အဲဒီအမှုဟာ ဖွဲ့စည်းပုံအခြေခံဥပဒေခုံရုံးထံ ပြီးခဲ့တဲ့အပတ်က ရောက်ရှိခဲ့ပါတယ်။

မစ္စတာပီတာဟာ မီဒီယာအဖွဲ့အစည်းရဲ့ ရှယ်ယာရှင်ဖြစ်လို့ သူ့ကို လွှတ်တော်ကိုယ်စားလှယ်အဖြစ်မှ ပယ်ဖျက်ပေးဖို့ ရွေးကောက်ပွဲကော်မရှင်က အခြေခံဥပဒေခုံရုံးကို ထောက်ခံတင်ပြခဲ့ပါတယ်။

အဲဒါကြောင့် ဒီကနေ့ ဗုဒ္ဓဟူးနေ့မှာ ခုံရုံးက အဲဒီအမှုကို ကန့်ကွက်သူမရှိ သဘောတူလက်ခံခဲ့ကြတာဖြစ်ပါတယ်။အဲဒီအပြင် သူ့ကို လွှတ်တော်ကိုယ်စားလှယ်အဖြစ်မှဆိုင်းငံ့ဖို့ကိုလည်း ထောက်ခံမဲ(၇)မဲ ကန့်ကွက်မဲ(၂)မဲနှင့် ခုံရုံးက အတည်ပြုခဲ့ပါတယ်။

မစ္စတာပီတာဟာ ခုံရုံးစာရရှိပြီး ၁၅ရက်အတွင်းဖြေရှင်းချက်ပေးပို့ရမှာဖြစ်ပါတယ်။

Source-Bangkok Post

#ThailandPolitics

#PitaLimjaroenrat