#World_Health
Published 10 September 2024

▪️ အသားအရေ ဝင်းလက်စိုပြေနေတာဟာ ကျန်းမာရေးကောင်းပြီး အာဟာရသင့်တင့်တဲ့ သဘောဖြစ်ပါတယ်။

▪️ အသားအရေ ထိန်းသိမ်းရာမှာ အပြင်အရေပြား သာမက ကိုယ်တွင်းအာဟာရဓာတ်ကလည်း အရေးပါပါတယ်။

▪️ အသီးဖျော်ရည်တွေဟာ အသားအရေ ကျန်းမာရေးကို မြှင့်တင်ပေးနိုင်တဲ့ အာဟာရဓာတ်တွေကို ထောက်ပံ့ပေးနိုင်ပါတယ်။

▪️ အသားအရေ ကျန်းမာရေးအတွက် အထောက်အကူပေးနိုင်တဲ့ ဖျော်ရည်တွေကို ဖော်ပြလိုက်ပါတယ်။

▪️ (၁) မုန်လာဥနီဖျော်ရည် - ဘီတာကယ်ရိုတင်း၊ ဗိုက်တာမင်-အေ၊ စီတို့ကြွယ်ဝကာ အသားအရေး ဝင်းလက်ပြေပြစ်စေပါတယ်။

▪️ (၂) သကြားမုန်လာဖျော်ရည် - အဆိပ်အတောက် ပြေစေတဲ့ အစွမ်းသတ္တိရှိပြီး သွေးသန့်စင်ပေးပါတယ်။

▪️ (၃) သခွားသီးဖျော်ရည် - ရေဓာတ်များပြားတာကြောင့် အသားအရေ စိုစွတ်စေပါတယ်။

▪️ (၄) ဟင်းနုနွယ်ဖျော်ရည် - ဓာတ်တိုးဆန့်ကျင်ပစ္စည်းများနဲ့ ဗိုက်တာမင်များ ပါဝင်ကာ အရေပြားပြုပြင်မှုကို အားကောင်းစေပါတယ်။

▪️ (၅) သလဲသီးဖျော်ရည် - ဓာတ်တိုးဆန့်ကျင်ပစ္စည်း ကြွယ်ဝခြင်းကြောင့် အရေပြားဆဲလ် ပြန်လည်ရှင်သန်စေပြီး အားဖြည့်ပေးပါတယ်။

▪️ (၆) ခရမ်းချဉ်သီးဖျော်ရည် - လိုင်ကိုပင်းဓာတ် ကြွယ်ဝတာကြောင့် နေရောင်ခြည် ထိခိုက်မှုမှ ကာကွယ်ပြီး အသားအရေ တင်းရင်းစေပါတယ်။

▪️ (၇) ရှားစောင်းလတ်ပတ်ဖျော်ရည် - ဒဏ်ရာပြန်လည်သက်သာစေတဲ့ အစွမ်းသတ္တိရှိပြီး ရေဓာတ်ဖြည့်ဆည်းပေးပါတယ်။

▪️ ဒီဖျော်ရည်တွေဟာ အရေပြားကျန်းမာရေးကို ထောက်ပံ့ပေးပြီး အဆိပ်အတောက်များကို ဖယ်ရှားပေးကာ တင်းရင်းစေပါတယ်။

▪️ ဒီလိုဖျော်ရည်တွေကို နေ့စဉ်ပါဝင်သောက်သုံးခြင်းဖြင့်် ကျန်းမာရေးအကျိုးကျေးဇူးများ စတင်ရရှိစေမှာ ဖြစ်ပါတယ်။

#Source: DoctorNDTV

ဆန်ဖရန်ဆစ္စကိုမြို့ ပြန်လည်စည်ကားစေရန် စီးပွားရေးလုပ်ငန်းများအတွက် မြို့လယ်တွင် နေရာလွတ်များအခမဲ့ငှားရမ်းခြင်းများလုပ်လာရ

အမေရိကန် ဆန်ဖရန်ဆစ္စကိုမြို့မှာ မြို့ထဲနေရာများ ပြန်လည်စည်ကားစေရန် အသေးစား စီးပွားရေးလုပ်ငန်းရှင်များကို ဆွဲဆောင်တဲ့အနေနဲ့ အခန်းလွတ်နေရာများကို ငှားရမ်းခအခမဲ့ဖြင့် ကမ်းလှမ်းနေကြပါတယ်။
#World_Business
Published September 2024
#ဆန်ဖရန်ဆစ္စကို #နေရာလွတ်များအခမဲ့ငှားရမ်း
#YMG #Yangon_Times #Yangon_Media_Group

#Daily_News
Published 09 September 2024

၁။ မြန်မာတစ်နိုင်ငံလုံးအတိုင်းအတာ EV ကားအားသွင်း Station(၂၀)ခုဖွင့်လှစ်နိုင်ပြီဖြစ်

၂။ အိန္ဒိယ၌ပြုလုပ်မည့် U-21 မြင်းစီးတန်းခုန် ပြိုင်ပွဲသို့ ဝင်ရောက်ယှဥ်ပြိုင်ရန် အရည်အချင်းစစ်ပြိုင်ပွဲ၌ တစ်ဦးစကာတင်ရွေးချယ်ခဲ့

၃။ တောင်သူထုတ်ရောင်းမှုများလာခြင်းနှင့်  သယ်ယူပို့ဆောင်စရိတ်ကြီးမြင့်ခြင်းကြောင့် ကြက်သွန်နီ‌ ဈေးအကျပိုင်းရောက်နေ

၄။ ဆန်ဖရန်ဆစ္စကိုမြို့ ပြန်လည်စည်ကားစေရန် စီးပွားရေးလုပ်ငန်းများအတွက် မြို့လယ်တွင် နေရာလွတ်များ အခမဲ့ငှားရမ်းခြင်းများလုပ်လာရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 09 September 2024

▪️ ဗြိတိန်တော်ဝင်မင်းသား ဟယ်ရီဟာ လာမယ့်သီတင်းပတ် အသက် ၄၀ ပြည့်မွေးနေ့မှာ ယခင်ဘုရင်မမိခင် အဖွားတော်ကြီးထံမှ ဒေါ်လာသန်းပေါင်းများစွာ လက်ခံရယူရန် စီစဉ်ထားတယ်လို့ The Independent က ဖော်ပြထားပါတယ်။

▪️ တော်ဝင်မင်းသား ၁၀ နှစ်သား အရွယ်တုန်းက အဖွားတော်ကြီး အဲလိဇဘက် ဘုရင်မရဲ့ ယုံကြည်မှုပေးအပ်ခံရကာ လာမယ့် စက်တင်ဘာ ၁၅ ရက်နေ့မှာ အလွန်များပြားတဲ့ ငွေပမာဏကို လက်ခံရရှိဖို့ အခြေအနေ ကိုက်ညီမှာဖြစ်ကြောင်း မီဒီယာဌာနက ဖော်ပြပါတယ်။

▪️ ထိုကာလတုန်းက အသက် ၉၄ နှစ်ရှိခဲ့တဲ့ ဖွားတော်ကြီးဟာ သူ့ရဲ့မြေးတွေအတွက် အခွန်အခမဲ့ ဒေါ်လာ ၄၀.၄ သန်း ချန်ထားခဲ့တယ်လို့ ပြောခဲ့ကြောင်း The Times က ဆိုပါတယ်။

▪️ ထိုအမွေတွေကို နှစ်ကြိမ်ခွဲပေးတာ ဖြစ်ပြီး မင်းသားဝီလျံနဲ့ ဟယ်ရီတို့ အသက် ၂၁ နှစ်ပြည့်ချိန်မှာ တစ်ကြိမ်၊ အသက် ၄၀ ပြည့်ချိန်မှာ တစ်ကြိမ် ခွဲပေးတာဖြစ်တယ်လို့ သတင်းစာမှာ ဖော်ပြထားပါတယ်။

▪️ ဒီနည်းလမ်းဖြင့် အဖွားတော်ကြီးဟာ မြေးတွေအတွက် ငွေချန်ထားခဲ့သလို အခွန်သက်သာစွာဖြင့် ပိုင်ဆိုင်မှုတွေကို လက်ဆင့်ကမ်းတဲ့ နည်းလမ်းလည်းဖြစ်တယ်လို့ နန်းတော်အကူဟောင်းတစ်ဦးက ပြောသွားပါတယ်။

▪️ မင်းသားဟယ်ရီဟာ အမွေရရှိမှုမှာ သူ့အစ်ကိုဝီလျံထက် ပိုများနိုင်တယ်လို့ ယူဆရပါတယ်။

▪️ ဘာကြောင့်လဲဆိုတော့ ဝီလျံဟာ ဗြိတိန်ရဲ့ အနာဂတ်ထီးနန်းဆက်ခံသူ ဖြစ်ပြီး ကွန်းဝေါလ်မြို့စားအဖြစ်မှ ပိုမိုများပြားတဲ့ ပိုင်ဆိုင်မှုတွေ လက်ခံရနိုင်တာကြောင့် ဖြစ်ပါတယ်။

▪️ ချားလ်စ်ဘုရင် နန်းတက်ပြီးနောက် ဝီလျံဟာ ဝေးလ်စ်မင်းသားအဖြစ် ကြေညာခံရပြီး ကွန်းဝေါလ်မြို့စား ဖြစ်လာကာ ထိုကနေ ခန့်မှန်းခြေ ဒေါ်လာ ၅၀.၂ သန်းခန့် အမွေရနိုင်ပါတယ်။

▪️ ဖွားတော်ကြီး ၂၀၀၂ ခုနှစ်က အသက် ၁၀၁ နှစ်အရွယ်ဖြင့် နတ်ရွာစံချိန်မှာ သူ့ရဲ့အိမ်ရာပိုင်ဆိုင်မှုတွေကို ဘုရင်မထံ အပ်နှင်းခဲ့တယ်လို့ ဘက်ကင်ဂမ်နန်းတော်က ထုတ်ပြန်ကြေညာခဲ့ပါတယ်။

▪️ ဘုရင်မကြီး အဲလိဇဘက်ရဲ့ ရုပ်ပုံတွေနဲ့ အနုပညာ လက်ရာတွေကိုတော့ တော်ဝင်စုဆောင်းရေးသို့ လွှဲပြောင်းသင့်ကြောင်း ဘုရင်မက ဆုံးဖြတ်ခဲ့ပါတယ်။

#Source: NDTV

#World_Health
Published 09 September 2024

▪️ HPV ဗိုင်းရပ်စ်ဟာ ကမ္ဘာတဝှမ်းမှာ အဖြစ်အများဆုံး လိင်မှတဆင့် ကူးစက်ရောဂါဖြစ်ပြီး လူသန်းပေါင်းများစွာမှာ ကူးစက်နေပါတယ်။

▪️ ဗိုင်းရပ်စ်မျိုးနွယ်အများစုက အန္တရာယ်မဖြစ်ပေမယ့် အချို့ကတော့ ကင်ဆာအမျိုးမျိုး အပါအဝင် ကျန်းမာရေးပြဿနာများ ဖြစ်နိုင်ပါတယ်။

▪️ ဒါကြောင့် ကူးစက်နိုင်ခြေများနဲ့ ကင်ဆာများမဖြစ်အောင် ကာကွယ်ခြင်းက အရေးကြီးနေပါတယ်။

▪️ HPV နဲ့တိုက်ရိုက်ဆက်စပ်နေတဲ့ ကျန်းမာရေးပြဿနာများနဲ့ ပတ်သက်ပြီး ကာကွယ်ခြင်းနဲ့ စောစီးစွာ စစ်ဆေးတွေ့ရှိဖို့ အရေးကြီးပုံများကို ဖော်ပြလိုက်ပါတယ်။

▪️ (၁) သားအိမ်ခေါင်းကင်ဆာ - သားအိမ်ခေါင်းကင်ဆာ ဖြစ်သူအားလုံးနီးပါးဟာ အန္တရာယ်ပြု HPV မျိုးနွယ်ကြောင့် ဖြစ်ပြီး စောစီးစွာသိရှိခြင်းက အချိန်မီကုသမှု ရရှိနိုင်မှာ ဖြစ်ပါတယ်။

▪️ (၂) HPV ဆက်စပ်ကင်ဆာများ - လည်ချောင်း၊ ပါးစပ်၊ စအို၊ ကျားအင်္ဂါကင်ဆာများနဲ့လည်း ဆက်စပ်နေကာ အထူးသဖြင့် အစာရေမျိုလည်ချောင်းကင်ဆာ အဖြစ်များလာကြပါတယ်။

▪️ (၃) ကာကွယ်ဆေးဖြင့် ကာကွယ်ခြင်း - HPV ကာကွယ်ဆေးက ဗိုင်းရပ်စ်မျိုးနွယ် အများအပြားကို ထိရောက်စွာ ကာကွယ်နိုင်ကာ ဆယ်ကျော်သက်များ အရွယ်မရောက်မီမှာပင် ထိုးသင့်ပါတယ်။

▪️ (၄) ဘေးကင်းစိတ်ချစွာ လိင်ဆက်ဆံခြင်း - ကွန်ဒုံးအသုံးပြုခြင်း၊ လိင်ဆက်ဆံဖော် လျှော့ချခြင်းတို့က HPV ကူးစက်နိုင်ခြေ နည်းပါးပေမယ့် အရေပြားချင်း ထိတွေ့မှုကြောင့် ကူးစက်နိုင်တာကြောင့် သိပ်ပြီး မယုံကြည်ရပါဘူး။

▪️ HPV ဗိုင်းရပ်စ်တွေထဲမှာ အမျိုးပေါင်း ၂၀၀ ကျော်ရှိပြီး လိင်မှတဆင့် ကူးစက်တတ်တဲ့ မျိုးနွယ် ၄၀ ကျော်ရှိကာ HPV 6 နဲ့ 11 တို့က အန္တရာယ်နည်းတဲ့ အမျိုးအစားတွေ ဖြစ်ပြီး HPV 16 နဲ့ 18 တို့ကတော့ ကင်ဆာအထိ ဖြစ်ပွားနိုင်တဲ့ အမျိုးအစားတွေ ဖြစ်ပါတယ်။

▪️ HPV ကူးစက်မှုအများစုက လက္ခဏာမပြတတ်ဘဲ သူ့အလိုလို ပျောက်သွားတတ်သလို ပေါ်လာတဲ့အခါမှာတော့ လိင်အင်္ဂါနားတဝိုက် ကြွက်နို့လို အဖုအကျိတ်များ ဖြစ်တတ်ပါတယ်။
ဒါ့အပြင် သားအိမ်ခေါင်းမှာလည်း စစ်ဆေးကြည့်တဲ့အခါ ပြောင်းလဲမှုများ ဖြစ်တတ်ပါတယ်။

▪️ ဒီဗိုင်းရပ်စ်ဟာ များသောအားဖြင့် အရေပြားချင်း ထိတွေ့ခြင်း၊ လိင်ဆက်ဆံဖော်များခြင်း၊ ကိုယ်ခံအားနည်းခြင်း၊ အကာအကွယ်မဲ့ လိင်ဆက်ဆံခြင်းတို့ကြောင့် ဖြစ်ကြပါတယ်။

#Source: DoctorNDTV

#World_Health
Published 09 September 2024

▪️ ယနေ့ခေတ် ဆယ်ကျော်သက်များကြား ကွန်ဒုံးအသုံးပြုခြင်း စိုးရိမ်စရာကောင်းလောက်အောင် နည်းပါးနေကြောင်း WHO က သတိပေးလိုက်ကာ လိင်မှတဆင့် ရောဂါကူးစက်ခြင်းနဲ့ ကျန်းမာရေး ကုန်ကျစရိတ် များပြားခြင်းတို့ အပြင် နောက်ဆက်တွဲ အကျိုးဆက်များ ဖြစ်လာနိုင်တယ်လို့ ဆိုပါတယ်။

▪️ မကြာသေးမီက လေ့လာချက်အရ အသက် ၁၅ နှစ်ဝန်းကျင် ဆယ်ကျော်သက် ၃၀ ရာခိုင်နှုန်းလောက်ဟာ နောက်ဆုံးအကြိမ် လိင်ဆက်ဆံစဉ်က ကွန်ဒုံးနဲ့ ကိုယ်ဝန်တားဆေးတို့ အသုံးမပြုခဲ့ကြဘူးလို့ တွေ့ရှိထားပါတယ်။

▪️ တားနည်းသုံးမယ်ဆိုရင်လည်း ကွန်ဒုံးကို သိပ်ပြီး မသုံးကြပါဘူး။

▪️ ပြီးခဲ့တဲ့ ဆယ်စုနှစ်အတွင်း လိင်မှုပြုကြတဲ့ ဆယ်ကျော်သက်တွေမှာ ကွန်ဒုံးအသုံးပြုနှုန်းက သိသိသာသာ ကျဆင်းလာပါတယ်။

▪️ အထူးသဖြင့် နွမ်းပါးသူများနဲ့ ဗဟုသုတနည်းတဲ့ ဆယ်ကျော်သက်တွေဟာ ကွန်ဒုံးအသုံးမပြုကြတာ များပါတယ်။

▪️ မိန်းကလေးတွေ ကွန်ဒုံးအသုံးပြုခြင်း အနည်းဆုံးနိုင်ငံက အယ်လ်ဘေးနီးယားဖြစ်ပြီး ၂၄ ရာခိုင်နှုန်းသာရှိကာ အများဆုံးကတော့ ဆားဘီးယားနိုင်ငံ ၈၁ ရာခိုင်နှုန်းဖြစ်ပါတယ်။

▪️ ယောက်ျားလေးတွေ ကွန်ဒုံးအသုံးပြုခြင်း အနည်းဆုံးက ဆွီဒင် ၄၃ ရာခိုင်နှုန်းဖြစ်ပြီး အများဆုံးက ဆွစ်ဇာလန် ၇၇ ရာခိုင်နှုန်း ဖြစ်ပါတယ်။

▪️ အဓိကက ဥရောပတလျှောက် ကျောင်းနေအရွယ် ကလေးတွေမှာ အကာအကွယ်မဲ့ လိင်ဆက်ဆံကြတာဟာ စိုးရိမ်စရာ ဖြစ်လာတယ်လို့ ပညာရှင်များ သတိပေးထားပါတယ်။

▪️ ဒါကြောင့် လူငယ်တွေကြား လိင်မှတဆင့် ကူးစက်ရောဂါများနဲ့ မလိုလားအပ်တဲ့ ကိုယ်ဝန်များ ရလာနိုင်ခြေ များနေပါတယ်။

▪️ လိင်မှုဆိုင်ရာ အသိပညာ မရှိခြင်းနဲ့ ကိုယ်ဝန်တားနည်းများ မရရှိခြင်းတို့က ကျန်းမာရေး ပြဿနာ ဖြစ်လာတယ်လို့ ရှင်းပြပါတယ်။

▪️ ဒီအခြေအနေတွေကို အမြန်ဆုံးဖြေရှင်းရန် လိုအပ်လာတယ်လို့ WHO က ထုတ်ပြန်ထားပါတယ်။

▪️ အသက်အရွယ်အားလုံးမှာ ကွန်ဒုံးအသုံးပြုခြင်း လျော့နည်းလာတာကြောင့် လိင်မှတဆင့် ကူးစက်ရောဂါများ ဖြစ်နိုင်ခြေများလာနိုင်ကြောင်း အမေရိကန်မှ ကျန်းမာရေးအရာရှိများ သတိပေးထားပါတယ်။

#Source: New York Post