Published 4 April 2022

အိမ်မွေးတိရိစ္ဆာန်တွေအတွက် ကျန်းမာရေးထုတ်ကုန်များ နိုင်ငံတကာကုန်စည်ပြပွဲကို ဂျပန်နိုင်ငံ တိုကျိုမြို့တော်မှာ ဧပြီ ၃ ရက်က ဖွင့်လှစ်ခဲ့ရာမှာ ပြပွဲလာသူတွေဟာ များပြားလှတဲ့ ထုတ်ကုန်တွေကြောင့် သဘောကျနှစ်ချိုက်နေခဲ့ကြပါတယ်။

ဂျပန်နှင့် နိုင်ငံရပ်ခြားက ကုမ္ပဏီ ၄၀၀ကျော်တို့ဟာ ထောင်ပေါင်းများစွာရှိတဲ့ တိရိစ္ဆာန်ကျန်းမာရေးထုတ်ကုန်တွေကို လာရောက်ပြသခဲ့ကြပြီး ပြပွဲဟာ (၃)ရက်ကြာမြင့်မှာဖြစ်ပါတယ်။

အဲဒီထုတ်ကုန်တွေထဲမှာ အိမ်မွေးတိရစ္ဆာန်အစားအစာတွေ၊အဝတ်အထည်တွေ၊ အလှအပနှင့် ဆေးဝါးထုတ်ကုန်တွေ ပါဝင်ပါတယ်။ အများစုကတော့ ကျန်းမာရေးနှင့်ညီညွတ်တဲ့ အိမ်မွေးတိရိစ္ဆာန်အစားအစာတွေဖြစ်ကြပြီး ဝယ်ယူသူတွေ  သဘောကျနေကြပါတယ်။

သူ့အိမ်က ခွေးလေးက အစားဂျီးများလို့ အသည်းအားတိုးတဲ့ အစားအစာတွေအဓိကဝယ်ဖြစ်တယ်လို့ တစ်ဦးကပြောပါတယ်။

ဂျပန်မှာ ကလေးမွေးနှုန်းကျဆင်းနေပေမယ့် အိမ်မွေးတိရိစ္ဆာန်အရေအတွက်က ထိုးထောင်တက်နေပါတယ်။ခွေးတွေ ကြောင်တွေရဲ့ အရေအတွက်ဟာ အသက်၁၅နှစ်အောက်အရွယ် လူဦးရေထက် များနေပါတယ်။

ဂျပန်မှာ အိမ်မွေးတိရိစ္ဆာန်ထုတ်ကုန်ဈေးကွက်ရဲ့ အရွယ်အစားဟာ တိုးတက်နေပြီး ၂၀၂၂ခုနှစ်မှာ ၅၀၀ဘီလျံယန်းငွေ(အမေရိကန်ဒေါ်လာ ၄,၀၈ ဘီလီယံ)အထိရှိလာမယ်လို့ ခန့်မှန်းထားပါတယ်။

 Source CMG

#LocalNews
Published -4 Apr 2022

ရောဂါကူးစက်မှုတွေကြောင့် ကုန်စည်ပို့ဆောင်ရေးနဲ့အလုပ်အကိုင်အခွင့်အလမ်းတွေ များစွာနစ်နာခဲ့ရတဲ့ တရုတ်မြန်မာနယ်စပ်မြို့တွေဖြစ်တဲ့ ရွှေလီနဲ့ ကျယ်ဂေါင်မြို့တွေကို တရုတ်အာဏာပိုင်တွေက ဧပြီလ ၃ ရက်နေ့ ည ၈ နာရီအချိန်ကစတင်ကာ အဲ့ဒီမြို့တွေနဲ့ မြန်မာနယ်စပ်ဝင်ထွက်ပေါက်နေရာတွေကို ရောဂါကူးစက်မှုအနိမ့်ဆုံးဇုန်အဖြစ်သတ်မှတ်လိုက်တယ်လို့ သိရပါတယ်။

#Yangon_Media_Group

#LocalNews
Published - 4 April 2022

မြန်မာနိုင်ငံအတွင်း ဧရာဝတီတိုင်းအပါအဝင် ရခိုင်ပြည်နယ်နဲ့ မွန်ပြည်နယ်တို့မှာရှိတဲ့ ငါးသလောက် သားပေါက်တဲ့နေရာတွေကို ထိန်းသိမ်းရေးဧရိယာ ၆ သိန်းကျော် သတ်မှတ်ထိန်းသိမ်းလိုက်တယ်လို့ သိရပါတယ်။

#Yangon_Media_Group

#DailyNews
Published -4 April 2022

၁။ မြန်မာနိုင်ငံအတွင်း ငါးသလောက်ထိန်းသိမ်းဧရိယာရေပြင် ၆ သိန်းကျော် သတ်မှတ်ထိန်းသိမ်း

၂။ ရွှေလီ-ကျယ်ဂေါင်မြို့များကို ရောဂါကူးစက်မှုအနိမ့်ဆုံးဇုန်အဖြစ် တရုတ်အာဏာပိုင်များသတ်မှတ်

၃။ မိုးလေဝသ သတင်း

၄။ အသက်၇၀အရွယ် ပြင်သစ်မတောင်တက်သမားကြီး ဧဝရတ်တောင်ကိုလမ်းကြောင်းအသစ်မှတက်ရောက်၍ စံချိန်တင်နိုင်ရန်ကြိုးစားသွားမည်...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#TV Yangon Times Matters အစီအစဉ်
Published - 3 April 2022

အစီအစဉ်တင်ဆက်သူ ဆရာဟိန်းလတ် က တက္ကသိုလ်သီချင်းတွေနှင့်အတူ ကျော်ကြားခဲ့တဲ့ အဆိုတော် အောင်နိုင်(ခရမ်းပြာ) နဲ့ အတူ "တက္ကသိုလ်သီချင်းများ" ဆိုတဲ့ ခေါင်းစဉ်အောက်မှာ တက္ကသိုလ် သီချင်းတွေရေးဖွဲသီဆိုခဲ့ကြတဲ့ လွမ်းမောဖွယ်အတိတ်အတွေ့အကြုံတွေကို ပြောဆိုခဲ့ကြတာတွေဖြစ်ပါတယ်

#Yangon_Media_Group

Published 3 April 2022

ကာဇက်စတန်သမ္မတနှင့် အဆင့်မြင့်အရာရှိကြီးတွေကို တိုက်ခိုက်ဖို့ ကြံစည်နေတဲ့ နိုင်ငံခြားသူလျှိုတစ်ဦးကို ယင်းရဲ့ လုံခြုံရေးတပ်ဖွဲ့တွေက ဖမ်းဆီးရမိခဲ့တယ်လို့   ဧပြီ၃ ရက် တနင်္ဂနွေနေ့ကပြောပါတယ်။

“နိုင်ငံခြားသူလျှိုတစ်ဦးဖြစ်တဲ့ ကာဇက်နိုင်ငံသားတစ်ဦးကို နူလ်ဆူလ်တန်မြို့တော်မှာ တန်ပြန်ထောက်လှမ်းရေးအဖွဲ့က မတ်၂၅ရက်က ဖမ်းဆီးရမိခဲ့ပါတယ်” လို့ အမျိုးသားလုံခြုံရေးကောင်စီက သတင်းထုတ်ပြန်ပါတယ်။

အဲဒီသူဟာ ကာဇက်စတန်သမ္မတနှင့် အဆင့်မြင့်အရာရှိတော်တော်များများနှင့်အတူ အထူးတပ်ဖွဲ့နှင့် လုံခြုံရေးတပ်ဖွဲ့တွေကို  တိုက်ခိုက်ဖို့ ကြံစည်ခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

သူ့အိမ်ကိုရှာဖွေစဉ် နိုင်ငံခြားတိုင်းပြည်လုပ်သေနတ်၊မူးယစ်ဆေးဝါးတွေနှင့် ငွေစက္ကူအများအပြား တွေ့ရှိသိမ်းဆည်းရမိခဲ့ ပါတယ်။ သူ့ကို ဖမ်းဆီးမိပြီးနောက် အကြမ်းဖက်မှုစုံစမ်းစစ်ဆေးမှုစတင်စဉ်မှာ သူက ဝန်ခံခဲ့တယ်လို့ သတင်းထုတ်ပြန်ချက်က ဆိုပါတယ်။

ကာဇက်စတန်ဟာ ဆိုဗီယက်သမ္မတနိုင်ငံဟောင်းတစ်ခုဖြစ်ပြီး အလယ်အာရှမှာ အချမ်းသာဆုံးနိုင်ငံဖြစ်ပါတယ်။ ဇန်နဝါရီ လဆန်းပိုင်းက လောင်စာဆီဈေးတက်မှုကြောင့် ငြိမ်းချမ်းစွာဆန္ဒပြနေတုန်း အကြမ်းဖက်မှုတွေဖြစ်ပြီး သွေးထွက်သံယိုမှု နှင့် လုယက်မှုတွေဖြစ်ခဲ့ရပါတယ်။

အဲဒီအကြမ်းဖက်မှုကို အကြမ်းဖက်အုပ်စုတွေရဲ့လက်ချက်လို့ ကာဇက်စတန်ကပြောပြီး နိုင်ငံခြားမီဒီယာတွေရဲ့ သတင်းဖော်ပြချက်တွေကို ဝေဖန်ခဲ့ပါတယ်။

Source AFP