၁၆ ဇွန် ၂၀၂၃

မြန်မာနိုင်ငံသားနှစ်ဦးကို စိတ်ကြွရူးသွပ်ဆေးပြားပေါင်း (၃)သိန်းကျော်နှင့်အတူ ထိုင်း-မြန်မာ နယ်စပ် ချင်းမိုင်ပြည်နယ်၊ ချင်းဒေါင်ခရိုင်အတွင်း ကြာသပတေးနေ့က ဖမ်းဆီးရမိခဲ့တယ်လို့သိရပါတယ်။

ကြာသပတေးနေ့ညက ဆွမ်လမ်ယိုင်အနီးမှာ နယ်စပ်ဖြတ်ကျော်လာတဲ့ ကျောပိုးအိတ်လွယ်ထားကြတဲ့ မသင်္ကာစရာ (၃)ဦးကို  ထိုင်းနိုင်ငံ ဖမောင် အထူးတပ်ဖွဲ့မှစစ်သားတွေက ခြေရာခံမိခဲ့ပါတယ်။ ထိုင်းစစ်သားတွေက သူတို့ကို ရပ်တန့်ဖို့ အချက်ပြပေးမယ့် သူတို့က ချက်ခြင်း ထွက်ပြေးသွားကြတာဖြစ်ပါတယ်။ အဲဒါကြောင့် သူတို့နောက်ထပ်ချပ်မကွာလိုက်တဲ့ အခါ သူတို့အထဲက နှစ်ဦးကိုဖမ်းမိပြီး အဲဒီနှစ်ဦးစလုံးဟာ မြန်မာနိုင်ငံသားတွေဖြစ်တယ်လို့ ထိုင်းရဲကပြောတဲ့အကြောင်း ဘန်ကောက်ပို့စ်မှာ ရေးသားထားပါတယ်။

သူတို့နှစ်ဦးရဲ့ ကျောပိုးအိတ်တွေအတွင်းက စိတ်ကြွရူးသွပ်ဆေးပြားပေါင်း   ၃၄၂,၀၀၀ ကို သိမ်းဆည်းရမိခဲ့ပါတယ်။ သူတို့ကို နာဝိုင်းရဲစခန်းကို လွှဲပေးခဲ့တယ်လို့ သတင်းမှာဖော်ပြထားပါတယ်။

 မူးယစ်ဆေးဝါးဖောက်ကားကြတဲ့ အုပ်စုငယ်ကလေးတွေဟာ သဘာဝနယ်စပ်နေရာတွေနေ ထိုင်းနိုင်ငံဘက်ကို မူးယစ်ဆေးဝါးတွေ မှောင်ခိုသွင်းနေကြတယ်လို့ ထိုင်းထောက်လှမ်းရေးက သတင်းရတဲ့အတွက် နယ်စပ်ဒေသ တလျောက်မှာ  လုံခြုံရေးတင်းတင်းကြပ်ကြပ်ဆောင်ရွက်နေကြတာဖြစ်ပါတယ်။

သတင်းအရင်းအမြစ်-ဘန်ကောက်ပို့စ်

#Thai_Myanmar_Border

#စိတ်ကြွမူးယစ်ဆေးပြား_မြန်မာနိုင်ငံသား_ထိုင်းမြန်မာနယ်စပ် 

#YangonMediaGroup

#YangonTimes

Published_10 June  2023

ပြည်တွင်းအခွန်များဦးစီးမှူးရုံးကို ဖောက်ခွဲမှုကျူးလွန်ခဲ့သည့် Brave Eagleအဖွဲ့ခေါင်းဆောင်နှင့် အဖွဲ့ဝင်(၄)ဦးအားများအား ဖမ်းဆီးရမိပြီ ဖြစ်ကြောင်း နစက သတင်းထုတ်ပြန်ရေးအဖွဲ့က သိရသည်။

 ဇွန်လ ၅ ရက် မွန်းလွဲပိုင်းက ရန်ကုန်တိုင်းဒေသကြီး၊ကျောက်တံတားမြို့နယ်၊အမှတ်(၄)ရပ်ကွက်၊ ပန်းဆိုးတန်းလမ်း၊ ပြည်တွင်းအခွန်များဦးစီးမှူးရုံး၊ (၃)လွှာရှိကုမ္ပဏီများ ဆိုင်ရာအခွန်ဌာန၊ အများပြည်သူများ ထိုင်ရန်ပြုလုပ်ထားသည့် စတီးထိုင်ခုံများဘေးမှ ပေါက်ကွဲမှုဖြစ်ပွားခဲ့ရာ အခွန်ဌာနမှ ဝန်ထမ်း ၅ ဦးနှင့် ပြည်သူ ၁ ဦးတို့တွင်(မစိုးရိမ်ရ)ဒဏ်ရာများရရှိခဲ့ကြခြင်း ဖြစ်သည်။

 မြေပြင်သတင်းဖော်ထုတ်မှုများအရ တရားခံသည် ဇွန်လ၅ ရက် နေ့လယ်ပိုင်းတွင် ပန်းဆိုးတန်းလမ်းပေါ်မှ အခွန်ဦးစီးမှူးရုံးသို့ နီညိုရောင်လက်ဆွဲအိတ်နှင့် စက္ကူဖိုင် ၁ ခု တို့ကို ကိုင်ဆောင်ကာ ဝင်ရောက်လာခဲ့ပြီး ပေါက်ကွဲမှုဖြစ်ပွားခဲ့သည့် တတိယထပ်ရှိ စတီးထိုင်ခုံ၌ ၂ မိနစ်ခန့်ထိုင်၍ လက်ဆွဲအိတ်ကို ထိုင်ခုံဘေးတွင်ချထားကာ အဝေးမှ ရီမုဖြင့် ဖောက်ခွဲခဲ့ခြင်း ဖြစ်ကြောင်း သိရသည်။

 အဆိုပါ ရီမုမိုင်းဖောက်ခွဲခဲ့သူသည် ကြည့်မြင်တိုင်မြို့နယ်၊အုန်းပင်လမ်းနှင့် ဗိုလ်သူရလမ်းပေါ်ရှိ တိုက်အမှတ်(၂၇)၊ (၂)လွှာ၊ အခန်း(B)တွင် နေထိုင်ကြောင်း သိရှိရသဖြင့် လုံခြုံရေး ပူးပေါင်းအဖွဲ့မှ သွားရောက်ဖမ်းဆီးခဲ့ရာ ထွက်ပြေးတိမ်းရှောင်သွားခဲ့ပြီး တိုက်ခန်းအတွင်း လက်ပစ်ဗုံး ၄ လုံး၊ လက်လုပ်ဗုံး ၁ လုံး၊ အင်္ကျီနှင့် ပုဆိုးတို့ကို သိမ်းဆည်းရမိခဲ့ကြောင်း ၊ယင်းနောက် ဇွန်လ ၈ ရက် ညနေပိုင်းတွင် စမ်းချောင်းမြို့နယ်၌ငှားရမ်းနေထိုင်သူအောင်မြင်သူ(ခ)အောင်လှိုင်ဝင်းအားဖမ်းဆီးရမိခဲ့ရာ ယင်း၏ထွက်ဆိုချက်အရ ပြည်တွင်းအခွန်များဦးစီးမှူးရုံး၌ရီမုမိုင်းထောင်ဖောက်ခွဲ ခဲ့သည့် အောင်မြင့်မြတ်(ခ)ပြည့်ဖြိုးအောင် (ခ) Mood နှင့်ဓနနောင်ဝင်း (ခ) ရှိုင်းထက်ကိုကို(ခ) Roke တို့ ၂ ဦးအား ထပ်မံဖမ်းဆီးရမိခဲ့ကြောင်း၊ယင်းနောက်ကျော်စည်သူ(ခ)Jack အား ဖမ်းဆီးရမိခဲ့ပြီးအောင်ခန့်ပိုင်(ခ)ဝီလီယံ အား ထပ်မံဖမ်းဆီးရမိခဲ့သောကြောင့် ဖြစ်စဉ်တွင် လက်လုပ်မိုင်း ဖောက်ခွဲခဲ့သည့် အမျိုးသား  ၅ ဦးနှင့်အတူလက်ပစ်ဗုံး ၄ လုံး၊ လက်လုပ်ဗုံး ၁ လုံးတို့ကို ဖော်ထုတ်ဖမ်းဆီးရမိခဲ့ကြောင်း သိရသည်။

 ဖမ်းဆီးရမိ သူများ၏ ထွက်ဆိုချက်အရ Brave Eagle အဖွဲ့အနေဖြင့်ကမာရွတ်မြို့နယ်၊ ရွှေလီလမ်းရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာနရုံး ယာဉ်ရပနားနေရာအပါအဝင် ရန်ကုန်မြို့နယ်အတွင်း၌ အကြမ်းဖက်ဖောက်ခွဲမှု ၇ ကြိမ်ဆောင်ရွက်ခဲ့ကြောင်း၊ အောင်မြင့်သူ(ခ) အောင်လှိုင်ဝင်းသည်ဖမ်းဆီးရန်ကျန် တရားခံ ချမ်းငြိမ်းသူ(ခ)ပန်ဒါ၏ ချိတ်ဆက်ပေးမှုဖြင့် ဖမ်းဆီးရန်ကျန်တရားခံပြေး NLD ပါတီဝင်ဟောင်း မျိုးရန်နောင်သိမ်း ထံမှ ရန်ကုန်မြို့အတွင်းအကြမ်းဖက်လုပ်ငန်းများ ဆောင်ရွက်ရန်အတွက် လက်နက်ဝယ်ယူရန် ငွေကျပ် သိန်း ၅၀ကို ရရှိခဲ့ကြောင်း၊ ၎င်းငွေများကို ပစ္စတိုသေနတ်ဝယ်ယူရန် ချမ်းငြိမ်းသူ(ခ)ပန်ဒါထံသို့ ပြန်လည် လွှဲပြောင်းပေးခဲ့ကြောင်း ဖော်ထုတ်သိရှိရကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

 ယင်းအပြင် ကြံ့ခိုင်ရေးနှင့် ဖွံ့ဖြိုးရေးပါတီရုံးအား မိုင်းထောင်ဖောက်ခွဲရန် စီစဉ်ထားရှိကြောင်းဖော်ထုတ်သိရှိရကြောင်းလည်း နစက သတင်းထုတ်ပြန်ချက်တွက် ဖော်ပြထားသည်။

ymg/BM

Yangon_Media_Group

Published 9 June 2023

တရုတ်နှင့်ရုရှားလေတပ်တို့ ကြာသပတေးနေ့က ပူးတွဲပြီး ခြောက်ကြိမ်မြောက် မဟာဗျူဟာမြောက်ကင်းလှည့်ခြင်း   ဆောင်ရွက်ခဲ့ကြတဲ့ ဗွီဒီယိုကို တရုတ်ပြည်သူ့လွတ်မြောက်ရေးတပ်မတော် လေတပ်က ထုတ်ပြန်ခဲ့ပါတယ်။

တရုတ်နှင့်ရုရှားစစ်တပ်တွေအကြား နှစ်ပတ်လည် ပူးပေါင်းဆောင်ရွက်မှုအရ  နှစ်ဘက်ဟာ ဂျပန်ပင်လယ်ပြင်နှင့် အရှေ့တရုတ်ပင်လယ်တို့ရဲ့ လေပိုင်နက်ထဲမှာ အင်္ဂါနေ့က ပူးတွဲလေကြောင်းမဟာဗျူဟာကင်းလှည့်မှု ဆောင်ရွက်ခဲ့ ကြတာ ဖြစ်ပါတယ်။ နောက်တစ်ရက်မှာလည်း နှစ်ဘက်ဟာ  ပစိဖိတ်အနောက်ပိုင်း လေပိုင်နက်ထဲမှာ ဒုတိယအဆင့် ပူးတွဲလေကြောင်းမဟာဗျူဟာကင်းလှည့်မှုဆက်လက်ဆောင်ရွက်ခဲ့ကြပါတယ်။

နှစ်ဘက်အသုံးပြုတဲ့လေယာဉ်တွေဟာ TU-95 တီယူ-နိုင်တီးဖိုက် နှင့် H-6K အိတ်ချ် ဆစ်ခ်ကေ ဗုံးကြဲလေယာဉ်တွေအပြင် J-16 ဂျေ-ဆစ်ခ်တင်းန်နှင့် SU-30 အက်စ်ယူ သာတင်း တိုက်လေယာဉ်တွေလည်းပါဝင်ခဲ့တာကို ဗွီဒီယိုမှာတွေ့ရပါတယ်။

Source AFP

#China_Russia_Airforce_Joint_Patrol

#China_Russia_Relations

#ရုရှား_တရုတ်_ပူးတွဲလေကြောင်းကင်းလှည့်

#YangonMediaGroup

Published 8 June 2023

မြန်မာနိုင်ငံနှင့် တရုတ်ပြည်သူ့သမ္မတနိုင်ငံတို့အကြား ယနေ့ ဇွန်လ(၈)ရက်နေ့တွင်ကျရောက်သည့် သံတမန်ဆက်ဆံရေးထူထောင်ခြင်း (၇၃)နှစ်ပြည့် အထိမ်းအမှတ်အဖြစ် နှစ်နိုင်ငံအကြား နယ်ပယ်စုံ ပူးပေါင်း ဆောင်ရွက်မှု စာချုပ်များလက်မှတ်ရေးထိုးခဲ့ကြတယ်လို့ တရုတ်သံရုံးရဲ့ သတင်းထုတ်ပြန်ချက်အရသိရပါတယ်။

နေပြည်တော်မှာ ဒီကနေ့ကျင်းပတဲ့ အဲဒီအခမ်းအနားကို မြန်မာနိုင်ငံ နစက နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ကျန်းမာရေးဝန်ကြီးဌာန၊ သိပ္ပံနှင့်နည်းပညာဝန်ကြီးဌာန၊ အားကစားနှင့် လူငယ်ရေးရာဝန်ကြီးဌာန အပါအဝင် ဝန်ကြီးဌာနတွေက ပြည်ထောင်စုဝန်ကြီးတွေနှင့်အတူ  မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai တက်ရောက်ခဲ့ပါတယ်။

အဲဒီအခမ်းအနားမှာ လန်ချန်း-မဲခေါင်ပူးပေါင်းဆောင်ရွက်မှုအထူးရန်ပုံငွေဖြင့်ပံ့ပိုးသည့် မြန်မာနိုင်ငံစီမံကိန်းများ၊ တရုတ်နိုင်ငံမှ မြန်မာနိုင်ငံအား ကိုဗစ်-၁၉ ကာကွယ်ဆေး အကြိမ်ရေ (Doses) ၃ သန်း လှူဒါန်းခြင်း၊ မြန်မာနိုင်ငံ အစိုးရနည်းပညာကောလိပ် (မန္တလေး) အား လက်တွေ့စမ်းသပ်ခန်း စက်ပစ္စည်းနှင့် အွန်လိုင်းလေ့ကျင့်ပေးမှုများ ပေးအပ်ခြင်း၊ တရုတ်နိုင်ငံ၏အကူအညီဖြင့် အောင်ဆန်းအားကစားကွင်း ပြန်လည်တည်ဆောက်ခြင်း ဖြစ်နိုင်ခြေလေ့လာမှုအစရှတဲ့  တရုတ်-မြန်မာ ပူးပေါင်းဆောင်ရွက်မှုစာချုပ်များ လက်မှတ်ရေးထိုးခြင်းနှင့် လဲလှယ် ခြင်းတွေပြုလုပ်ခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

နိုင်ငံခြားရေးဝန်ကြီး ဦးသန်းဆွေက အမှာစကားပြောကြားရာတွင် မြန်မာ-တရုတ်နှစ်နိုင်ငံသည် ရဲ့ ဆွေမျိုးပေါက်ဖော်ချစ်ကြည်ရေး သံယောဇဉ်နက်ရှိုင်းလှကြောင်း၊ သံတမန်ဆက်ဆံရေး ထူထောင်လာကတည်းက နှစ်နိုင်ငံသည် ငြိမ်းချမ်းစွာအတူယှဉ်တွဲနေထိုင်ရေး မူကြီးငါးရပ်ကို အမြဲတစေကျင့်သုံး၍ အပြန်အလှန်လေးစားကာ တန်းတူညီမျှဆက်ဆံကြောင်း၊ အကျိုးတူပူးပေါင်းဆောင်ရွက်မှုအား အဆက်မပြတ်နက်ရှိုင်းလာစေပြီး နိုင်ငံတကာ စင်မြင့်ထက်တွင် အပြန်အလှန် ထောက်ခံအားပေးခဲ့ကြောင်း၊ တရုတ်နိုင်ငံအစိုးရနှင့်ပြည်သူများက မြန်မာနိုင်ငံ မိုခါဆိုင်ကလုန်းမုန်တိုင်းဒဏ်သင့်ပြီးနောက် သဒ္ဓါတရားထက်သန်စွာလှူဒါန်းပေးအပ်မှုကို ကျေးဇူးတင်ရှိပါ ကြောင်းပြောကြားခဲ့ပါတယ်။

ဝန်ကြီးဦးသန်းဆွေက မြန်မာ-တရုတ်နှစ်နိုင်ငံ၏ အခက်အခဲများ အတူကျော်ဖြတ်သည့် အေးအတူပူအမျှ  အသိုက် အဝန်းစိတ်ဓာတ်ကိုထင်ဟပ်စေကြောင်း၊ ယနေ့ လက်မှတ်ရေးထိုးလဲလှယ်သည့် ပူးပေါင်းဆောင်ရွက်မှု  စာချုပ်များ  သည် မြန်မာ-တရုတ် ပူးပေါင်းဆောင်ရွက်မှု၏ ကောင်းမွန်သောရလဒ်များကို ပေါ်လွင်စေကာ မြန်မာနိုင်ငံ လူမှုစီးပွားဖွံ့ဖြိုးတိုးတက်မှုအား အထောက်အကူပြုမည်ဖြစ်ကြောင်း၊ မြန်မာနိုင်ငံသည် တရုတ်နိုင်ငံသမ္မတ ရှီကျင့်ဖျင်အဆိုပြုသည့် ကမ္ဘာလုံးဆိုင်ရာဖွံ့ဖြိုးတိုးတက်မှု အဆိုပြုချက်၊ ကမ္ဘာလုံးဆိုင်ရာ လုံခြုံရေးအဆိုပြုချက်၊ ကမ္ဘာလုံးဆိုင်ရာ လူမှုရေးနှင့်ယဉ်ကျေးမှု အဆိုပြုချက်များကို ပြတ်သားစွာထောက်ခံအားပေးကြောင်း၊ တရုတ်နိုင်ငံနှင့် အခြားနိုင်ငံများနှင့်အတူ ၎င်းအဆိုပြုချက်များအား အကောင်အထည်ဖော်ဆောင်ကာ ပိုမိုငြိမ်းချမ်း၊ လုံခြုံ၍စည်ပင်ဝပြောသောကမ္ဘာကြီးကို အတူတည်ဆောက်သွားလိုကြောင်းလည်းဆက်လက်  ပြောကြားခဲ့  ပါ  တယ်။

သံအမတ်ကြီး Mr. Chen Hai ကလည်း တရုတ်-မြန်မာ သံတမန်ဆက်ဆံရေး ထူထောင်လာကတည်းက ချစ်ကြည်ရင်းနှီးစွာကူးလူးဆက်ဆံသည့် သမိုင်းကိုပြန်လည်ပြောကြားခဲ့ပါတယ်။ အဲဒီနောက်သူက  “ယနေ့  ပူးပေါင်းဆောင်ရွက်မှုစာချုပ်များအား လက်မှတ်ရေးထိုးလဲလှယ်ခြင်းသည် နှစ်နိုင်ငံ သံတမန်ဆက်ဆံရေး ထူထောင်မှု (၇၃) နှစ်ပြည့်အား လက်တွေ့လှုပ်ရှားမှုဖြင့် ဂုဏ်ပြုဆိုကာ တရုတ်-မြန်မာ ဆွေမျိုးပေါက်ဖော် သံယောဇဉ်ကို လက်ဆင့်ကမ်းပြန့်ပွားရန် ဆောင်ရွက်၍ တရုတ်-မြန်မာပူးပေါင်းဆောင်ရွက်မှုများ ရလဒ်အသစ်များ ရရှိရန်ဆောင်ရွက်ခြင်းဖြစ်ကြောင်း၊ တရုတ်နိုင်ငံသည် မြန်မာနိုင်ငံအပေါ် ချစ်ကြည်ရင်းနှီးသည့်မူဝါဒသည် မြန်မာပြည်သူတစ်ရပ်လုံးအပေါ်ဖြစ်ကြောင်း၊ လန်ချန်း-မဲခေါင်ပူးပေါင်းဆောင်ရွက်မှုနှင့် တရုတ်နိုင်ငံအကူ အညီ   ဖြင့် မြန်မာနိုင်ငံ၌ဆောင်ရွက်သည့်စီမံကိန်းများသည်လည်း အေးအတူပူအမျှ၊ အတူလက်တွဲရှေ့သို့ချီတက်သည့် တရုတ်-မြန်မာ အေးအတူပူအမျှအသိုက်အဝန်းစိတ်ဓာတ်ကို ထင်ဟပ်စေကြောင်းပြောကြားခဲ့ပါတယ်။

တရုတ်နိုင်ငံက မြန်မာနိုင်ငံ လူမှုစီးပွား ဖွံ့ဖြိုးတိုးတက်မှုနှင့် ပြည်သူလူနေမှုဘဝ ကောင်းမွန်လာစေရေးတို့အား လက်တွေ့ကျကူညီပေးမယ်လို့လည်း တရုတ်သံအမတ်ကြီးကပြောပါတယ်။

မြန်မာနိုင်ငံအားကူညီသည့် အသစ်တစ်သုတ် ကိုဗစ်-၁၉ ကာကွယ်ဆေး အကြိမ်ရေ (Doses) ၃ သန်းသည် ဇွန်လ ၇ ရက်နေ့ညတွင် ရန်ကုန်သို့ ပို့ဆောင်ရောက်ရှိပြီဖြစ်ကြောင်း၊ တရုတ်နိုင်ငံအစိုးရမှ မြန်မာနိုင်ထံ လှူဒါန်းပေးအပ်သည့် ပထမအသုတ် သဘာဝဘေးအန္တရာယ် ကယ်ဆယ်ရေးပစ္စည်းများသည်လည်း ဇွန်လ ၁၂ ရက်နေ့တွင်ပို့ဆောင်ရောက်ရှိ၍လွှဲပြောင်းပေးအပ်မည်ဖြစ်ကြောင်း၊ တရုတ်နိုင်ငံသည် မြန်မာနိုင်ငံဖွံ့ဖြိုးတိုးတက်မှု    အတွက် တတ်စွမ်းသမျှကူညီမှုများ ဆက်လက်ပေးအပ်သွားပြီး မြန်မာနိုင်ငံနှင့်အတူ နှစ်နိုင်ငံ ကဏ္ဍအသီးသီး၌ ကူးလူးဖလှယ်ပူးပေါင်းဆောင်ရွက်မှုများ ပိုများသည့်လက်တွေ့ကျကျရလဒ်များရရှိရေးဖော်ဆောင်ကာ နှစ်နိုင်ငံနှင့် နှစ်နိုင်ငံပြည်သူများ အကျိုးဖြစ်ထွန်းစေရန် ဆောင်ရွက်သွားလိုတယ်လို့ဆက်လက်ပြောကြားခဲ့တယ်လို့ သတင်း  ထုတ်ပြန်ချက်မှာဖော်ပြထားပါတယ်။

လက်မှတ်ရေးထိုးပွဲအခမ်းအနားပြီးတဲ့ နောက် သံအမတ်ကြီး Mr. Chen Hai သည် မြန်မာနိုင်ငံသက်ဆိုင်ရာဌာနမှ တာဝန်ရှိပုဂ္ဂိုလ်များနှင့်အတူ တရုတ်-မြန်မာကဏ္ဍပေါင်းစုံတွင် ကူးလူးဖလှယ်ပူးပေါင်းဆောင်ရွက်မှုနှင့်စပ်လျဉ်း၍ အမြင်ချင်းဖလှယ်ခဲ့ကြတယ်လို့သိရပါတယ်။

-ymg/knl

#တရုတ်-မြန်မာသံတမန်ဆက်ဆံရေး (၇၃)နှစ်ပြည့်

#တရုတ်-မြန်မာဆက်ဆံရေး

#YangonMediaGroup

Published 8 June 2023

အောင်ဘာလေအွန်လိုင်းသိန်းဆုထီစနစ်စတင်ခြင်းဖွင်ပွဲအခမ်းအနားကို ယနေ့ ဇွန် ၈ရက် မနက်က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ ၌ကျင်းပရာ နစက ဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားခဲ့ပါတယ်။

အဆိုပါ အောင်ဘာလေအွန်လိုင်းသိန်းဆုထီစနစ်ကို Viettel Group (Mytel)နှင့် လုပ်ငန်းမိတ်ဖက်အဖြစ် ပူးပေါင်း ဆောင်ရွက်ခြင်းဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်၊ ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးဝင်းရှိန်၊ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်၊ မြန်မာစီးပွားရေးကော်ပိုရေးရှင်းဥက္ကဋ္ဌ ဒုတိယဗိုလ်ချုပ်ကြီးညိုစောနှင့် Viettel Group မှ (Mytel)CEO Nguyen Tien Dung တို့က အောင်ဘာလေ အွန်လိုင်းသိန်းဆုထီစနစ်အား စတင်ဖွင့်လှစ်ပေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီနောက် အောင်ဘာလေအွန်လိုင်း သိန်းဆု ထီစနစ် ဖွင့်ပွဲ အထိမ်းအမှတ် Logoကိုနစက ဥက္ကဋ္ဌ  ဗိုလ်ချုပ်မှူးကြီးမင်းအောင်လှိုင် ထံ ဒုတိယဝန်ကြီးချုပ်နှင့်ပြည်ထောင်စုဝန်ကြီး ဦးဝင်းရှိန် က ပေးအပ်သည်။ ယင်းနောက် အောင်ဘာလေအွန်လိုင်း သိန်းဆုထီစနစ်နှင့် ပတ်သက်၍ Mytelမှ ပြင်ပဆက်ဆံရေး အရာရှိချုပ် ဒေါက်တာနီလာအေး က ရှင်းလင်းတင်ပြခဲ့ပါတယ်။

အခမ်းအနားမှာ  ဗီယက်နမ် ဆိုရှယ်လစ်သမ္မတနိုင်ငံအစိုးရ၊ ကာကွယ်ရေး ဝန်ကြီးဌာန ကိုယ်စား ပြည်ထောင်စုသမ္မတ မြန်မာနိုင်ငံဆိုင်ရာ ဗီယက်နမ် သံအမတ်ကြီး H.EDr.Luan Thuy Duong က ကျေးဇူးတင်စကားပြောကြားခဲ့တယ်လို့လည်း သိရပါတယ်။

မြန်မာ၊ ဗီယက်နမ် အကအလှတေးဂီတ အဖွဲ့များက “We LoveMyanmar” တေးသီးချင်းနှင့် “အောင်ဘာလေအွန်လိုင်းသိန်းဆုဖီအား ထိုးလိုက်ကြပါစို့” တေးသီချင်းတို့ဖြင့် သီဆိုဖျော်ဖြေ တင်ဆက်ခဲ့ပြီး အခမ်းအနားကိုရုပ်သိမ်းခဲ့တယ်လို့လည်း သတင်းမှာဖော်ပြထားပါတယ်။

#ymg/knl

#ဗိုလ်ချူပ်မှူးကြီးမင်းအောင်လှိုင်

#အွန်လိုင်းအောင်ဘာလေထီ

#မြန်မာ့စီးပွားရေး

#မြန်မာ_ဗီယက်နမ်ဆက်ဆံရေး

Published_5 June 2023
Two civilians and four employees were injured due to an explosion at the Inland Revenue Department office in PanSodan of Kyauktada township on the afternoon of 5 June (today).
The explosion occurred on the 3rd floor of the office at the busy time.
As a result of the explosion, Two civilians who were in office for the matter of company’s tax and four employees including deputy division head who were at nearby area of explosion were injured
All injured persons were sent to Yangon General Hospital for necessary treatments.
The motive of explosion was still unknown and it was under investigation.
- ymg/ MNge