#TV Yangon Times Matters အစီအစဉ်
Published - 29 Jan 2023

အစီအစဉ်တင်ဆင်သူ ဆရာဟိန်းလတ်က ဝင်းမင်းခန့်၊တင်အောင်ခိုင်၊ဉာဏ်လင်းထွန်း(လူငယ်ဘာသာပြန်စာရေးဆရာ)တို့နှင့်အတူ

-"(ဝင်းမင်းခန့်) ဘာသာပြန်ဝတ္ထုတွေရေးဖို့ တစ်ရက်ကို အချိန်၈နာရီ ဘာသာပြန်ခဲ့ရခြင်းဖြစ်ပြီး လက်ရှိမှာ"ကမ္ဘာပျက်ကပ်ထဲမှမှော်ဧကရာဇ်"ဆိုတဲ့တရုတ်ပြည်မှာပြသနေဆဲဖြစ်တဲ့ စီးရီးတွဲကို ဘာသာပြန်ဖြစ်နေတယ်ဆိုတဲ့‌အကြောင်း

-(တင်အောင်ခိုင်) ပထမဆုံးစာအုပ်"နတ်ဘုရားတို့၏ဘုရင် "အမည်ရှိစာအုပ်တွင်အပိုင်း (၁၅၈၃) ပိုင်းပါဝင်ပြီး ဘာသာပြန်ဖို့တစ်နှစ်ခွဲ နှစ်နှစ်နီးပါးကြာမြင်ခဲ့ပြီး ယခုတတိယ‌မြောက်စာအုပ်ကို ဘာသာပြန်‌ဖြစ်နေပြီဆိုတဲ့အကြောင်း

-(ဉာဏ်လင်းထွန်း) ဘာသာပြန်စရေးတုန်းက ပရိသတ်လည်းနည်းသလို ဝင်ငွေလည်းမရခဲ့တာတွေရှိခဲ့တယ် ဝါသနာတဲ့ထပ်တူကျတဲ့အလုပ်ဖြစ်လို့ ကျေနပ်မိတယ်၂နှစ်အတွင်း တိုးတက်မှု‌တွေရှိခဲ့ကြောင်း ကိုယ့်ကိုထောက်ပြပေးတဲ့သူတွေဆီကနေ သင်ယူခဲ့ရတာတွေရှိကြောင်း "စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published _29 January 2023

ဘင်္ဂလားပင်လယ်အော်မှာဖြစ်ပေါ်နေသည့် လေဖိအားနည်းရပ်ဝန်းသည် မုန်တိုင်းငယ်အဖြစ် အားကောင်းလာနိုင်ပြီး မြန်မာ့ကမ်းရိုးတန်းတစ်လျှောက်အရှေ့ဘက်မှလေပြင်းများတိုက်ခတ်လာနိုင်ကြောင်း မိုးလေဝသနှင့်ဇလဗေဒညွှန်ကြားမှု ဦးစီးဌာနမှသိရသည်၊၊

မုန်တိုင်းငယ်အရှိန်ကြောင့် တနင်္သာရီတိုင်းဒေသကြီးနှင့် ရှမ်းပြည်နယ်(အရှေ့ပိုင်း)တို့တွင် နေရာကွက်ကျားမိုးအနည်းငယ် ထစ်ချုန်းရွာနိုင်သည်ဟုဆိုသည်၊၊

မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံအရှေ့ဘက်မှ လေပြင်းများတိုက်ခတ်ပြီးလှိုင်းအသင့်အတင့်မှ လှိုင်းကြီးနိုင်ကြောင်းသိရသည်၊၊

အရှေ့ဘက်မှလေပြင်းများတိုက်ခတ်စဉ်ရေပြင်/မြေပြင်လေသည် တစ်နာရီလျှင် မိုင်(၃၀)မှ (၃၅)မိုင်အထိတိုက်ခတ်နိုင်ကြောင်း လှိုင်းအမြင့်အနေဖြင့်မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၇)ပေမှ (၉)ပေခန့်နှင့် ရခိုင်ကမ်းရိုးတန်းတစ်လျှောက်နှင့်ကမ်းလွန်ပင်လယ်ပြင်တို့တွင် (၄)ပေမှ (၇)ပေခန့် ရှိနိုင်သဖြင့် ပင်လယ်ပြင်သွား သင်္ဘော၊စက်လှေ၊ငါးဖမ်းစက်လှေနှင့်ရေယာဥ်များ အထူးသတိပြုသွားလာရန်လိုအပ်ကြောင်း မိုးလေဝသနှင့်ဇလဗေဒညွှန်ကြားမှု ဦးစီးဌာနမှသိရသည်၊၊

ymg/tthl
#Yangon _Media_Group

#Local_News
Published _29 January 2023

ကျပ်သိန်းတစ်သောင်းနဲ့ ပြန်ပေးဆွဲခံခဲ့ရတဲ့ မကွေးတိုင်းဒေသကြီး၊ ပခုက္ကူမြို့နယ်၊ ပဒိုင်းခြုံကျေးရွာအနီး Myanmar Effort Company Limited အထည်ချုပ်စက်ရုံက တရုတ်နိုင်ငံသူ တစ်ယောက်နဲ့ မန်နေဂျာကို ကျပ်သိန်းနှစ်ထောင်နဲ့ ပြန်ရွေးယူခဲ့ရတယ်လို့ သိရပါတယ်။

#Yangon_Media_Group

#TV Yangon Times Matters အစီအစဉ်
Published - 29 Jan 2023

အစီအစဉ်တင်ဆင်သူ ဆရာဟိန်းလတ်က ဝင်းမင်းခန့်၊ တင်အောင်ခိုင်၊ဉာဏ်လင်းထွန်း(လူငယ်ဘာသာပြန်စာရေးဆရာ)တို့နှင့်အတူ

-"(ဝင်းမင်းခန့်) ဘာသာပြန်ဝတ္ထုတွေရေးဖို့ တစ်ရက်ကို အချိန်၈နာရီ ဘာသာပြန်ခဲ့ရခြင်းဖြစ်ပြီး လက်ရှိမှာ"ကမ္ဘာပျက်ကပ်ထဲမှမှော်ဧကရာဇ်"ဆိုတဲ့ တရုတ်ပြည်မှာပြသနေဆဲဖြစ်တဲ့ စီးရီးတွဲကို ဘာသာပြန်ဖြစ်နေတယ်ဆိုတဲ့‌အကြောင်း

-(တင်အောင်ခိုင်) ပထမဆုံးစာအုပ်"နတ်ဘုရားတို့၏ဘုရင် "အမည်ရှိစာအုပ်တွင်အပိုင်း (၁၅၈၃) ပိုင်းပါဝင်ပြီး ဘာသာပြန်ဖို့တစ်နှစ်ခွဲ နှစ်နှစ်နီးပါးကြာမြင်ခဲ့ပြီး ယခုတတိယ‌မြောက်စာအုပ်ကို ဘာသာပြန်‌ဖြစ်နေပြီဆိုတဲ့အကြောင်း

-(ဉာဏ်လင်းထွန်း) ဘာသာပြန်စရေးတုန်းက ပရိသတ်လည်းနည်းသလို ဝင်ငွေလည်းမရခဲ့တာတွေရှိခဲ့တယ် ဝါသနာတဲ့ထပ်တူကျတဲ့အလုပ်ဖြစ်လို့ ကျေနပ်မိတယ်၂နှစ်အတွင်း တိုးတက်မှု‌တွေရှိခဲ့ကြောင်း ကိုယ့်ကိုထောက်ပြပေးတဲ့သူတွေဆီကနေ သင်ယူခဲ့ရတာတွေရှိကြောင်း "စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published_28 January 2023

ယခင်အစိုးရလက်ထက်က YP စက်သုံးဆီဆိုင်ဆောက်မည့် မြေကွက် ၆ ကွက်၏ဂရန်ကို ပြန်လည်ပယ်ဖျက်လိုက်ကြောင်း YCDC ထုတ်ပြန် ရန်ကုန်မြို့တော် စည်ပင်သာယာရေးကော်မတီ(YCDC)က ထုတ်ပြန်လိုက်သည်။

ယင်းထုတ်ပြန်ချက်တွင် Yangon Petrol Co.,Ltd အနေဖြင့် စက်သုံးဆီအရောင်းဆိုင်များ ဖွင့်လှစ် ရောင်းချရန်အတွက် ဒဂုံမြို့သစ်(အရှေ့ပိုင်း)မြို့နယ်၊ဒဂုံမြို့သစ် (တောင်ပိုင်း) မြို့နယ်နှင့် ဒလမြို့နယ်များရှိ မြေနေရာများကို ဌာနမှ နှစ်(၆၀)မြေငှား စာချုပ်(ဂရန်)များထုတ်ပေးထားခဲ့ကြောင်း၊ယင်း နှစ်(၆၀)မြေငှားစာချုပ်(ဂရန်)များကို လုပ်ထုံးလုပ်နည်းနှင့်အညီပယ်ဖျက်ပြီးဖြစ်ပါကြောင်း အသိပေးကြေညာချက် ထုတ်ပြန်ခြင်းဖြစ်သည်။

အဆိုပါ မြေနေရာများမှာ Golden Star Co.,Ltd အမည်ပေါက်သော ဒဂုံမြို့သစ်(တောင်ပိုင်း)မြို့နယ်၊ မြေတိုင်းရပ်ကွက် (၆၂)၊ မြေကွက် အမှတ်(၁)၊ဂရန်စာအုပ်အမှတ်- A 0037058 A ၊ ဧရိယာ(၆၃ ဒသမ ၈၉၅) ဧက၊ Yangon Petrol Co.,Ltd အမည်ပေါက်မြေကွက်များဖြစ်သော မရမ်းကုန်းမြို့နယ်၊မြေတိုင်းရပ်ကွက်အမှတ် (၁၂+၁၇+၁၈)၊ မြေကွက်အမှတ်(၁၃/က)၊ ဂရန်စာအုပ် အမှတ် - A 0035310 A ၊ ဧရိယာ (၃ ဒသမ ၇၁၄) ဧက၊ သင်္ဃန်းကျွန်းမြို့နယ်၊ မြေတိုင်းရပ်ကွက် အမှတ် (၂၃-သုဝဏ္ဏ)၊ မြေကွက်အမှတ်(၂-အေ)၊ ဂရန် စာအုပ်အမှတ် - A 0035148 A ၊ ဧရိယာ (၀ ဒသမ ၆၉၉)ဧက၊ ဒဂုံမြို့သစ်(အရှေ့ပိုင်း)မြို့နယ်၊မြေတိုင်းရပ်ကွက်(၁-တိုးချဲ့)၊ မြေကွက် အမှတ် (၆၁၃)၊ ဂရန်စာအုပ်အမှတ်- A 0038147 A ၊ ဧရိယာ(၄၉၄၁)ဧက၊ ဒဂုံမြို့သစ်(တောင်ပိုင်း)မြို့နယ်၊ မြေတိုင်းရပ်ကွက်(၁၇)၊ မြေကွက် အမှတ်(၁-က)၊ ဂရန်စာအုပ်အမှတ်- A 0039600 A ၊ဧရိယာ(၀ ဒသမ ၇၅၂) ဧက၊ လမြို့နယ်၊ မြေတိုင်းရပ်ကွက်(၃)၊ မြေကွက်အမှတ် (၁၄၂၄)၊ ဂရန် စာအုပ်အမှတ်- A 0041013 A၊ ဧရိယာ(၁ ဒသမ ၄၁၅)ဧက တို့ ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ၊မြို့ပြမြေစီမံခန့်ခွဲမှုဌာန၏ ဌာနမှူး(ဒုတိယညွှန်ကြားရေးမှူးချုပ်)က ထုတ်ပြန်ထားခြင်းဖြစ်သည်။

ymg/mt
#Yangon_Media_Group

#Local_News
Published_ 29 January 2023

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီက နိုင်ငံခြားရင်းနှီးမြှုပ်နှံမှု လုပ်ငန်း ၉ ခု နဲ့ မြန်မာနိုင်ငံသား ရင်းနှီးမြှုပ်နှံမှု လုပ်ငန်းတစ်ခုတို့ကို အတည်ပြုခဲ့ကြောင်း ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီမှ သိရပါတယ်။

ဇန်နဝါရီ ၂၅ ရက်က ရန်ကင်းမြို့နယ်၊ ကမ္ဘာအေးဘုရားလမ်းပေါ်ရှိ ရန်ကုန်တိုင်းဒေသကြီး ရင်းနှီးမြှုပ်နှံမှု ကော်မတီရုံးမှာကျင်းပတဲ့ ကော်မတီအစည်းအဝေးမှာ လျှပ်စစ်ကဏ္ဍအတွက် နိုင်ငံခြားရင်းနှီးမြှုပ်နှံမှု လုပ်ငန်းတစ်ခု၊ စက်မှုကဏ္ဍမှာ မြန်မာနိုင်ငံသား ရင်းနှီးမြှုပ်နှံမှု လုပ်ငန်းတစ်ခုနဲ့ နိုင်ငံခြားရင်းနှီးမြှုပ်နှံမှုလုပ်ငန်းရှစ်ခုတိုကို အတည်ပြုခဲ့တာ ဖြစ်ပါတယ်။

အတည်ပြုပေးခဲ့တဲ့ လုပ်ငန်းတွေကတော့ နေရောင်ခြည်စွမ်းအင်သုံး ဆိုလာစနစ်တပ်ဆင်ပြီး လျှပ်စစ်စွမ်းအင် ထုတ်လုပ်ဖြန့်ဖြူးတဲ့လုပ်ငန်း၊ မြေပဲနဲ့ နေကြာတွေကို ကြိတ်ခွဲပြီး ဆီ ထုတ်လုပ်တာနဲ့ စားအုန်းဆီသန့်စင် ထုတ်လုပ်ရောင်းချတဲ့ လုပ်ငန်းတွေပါဝင်တယ်လို့ ဆိုပါတယ်။

ထို့အပြင် ဆေးဆိုးပန်းရိုက်အဝတ်အထည်တွေကို ထုတ်လုပ်ပြီး ပြည်တွင်း CMP လုပ်ငန်းတွေကို ရောင်းချတဲ့လုပ်ငန်း၊ အီလက်ထရွန်နစ် အစိတ်အပိုင်းအမျိုးမျိုး ထုတ်လုပ်တဲ့လုပ်ငန်း၊ ထုပ်ပိုးပစ္စည်းတွေကို ထုတ်လုပ်ပြီး ပြည်တွင်း CMP ဖိနပ်လုပ်ငန်းတွေကို ရောင်းချတဲ့လုပ်ငန်း စတဲ့လုပ်ငန်းတွေလည်း ပါဝင်ပါတယ်။

အဲဒီ ရင်းနှီးမြှုပ်နှံမှု လုပ်ငန်းတွေရဲ့ မတည်ငွေရင်းပမာဏမှာ ငွေကျပ်သန်း ၆,၀၀၀ လောက်နဲ့ အမေရိကန် ဒေါ်လာ ၁၀ သန်းကျော်ရှိပြီး ပြည်တွင်း အလုပ်အကိုင် အခွင့်အလမ်းပေါင်း ၄၃၀၀ ကျော်အတွက် ဖန်တီးပေးနိုင်မှာဖြစ်တယ်လို့ ရန်ကုန်တိုင်း ဒေသကြီး ရင်းနှီးမြှုပ်နှံမှုကော်မတီမှ သတင်းရရှိပါတယ်။

ygm_mnn
#Yangon_Media_Group