#Local_News
Published 5 January 2024

ကိုရီးယားနိုင်ငံရောက် မြန်မာလုပ်သားများကို အခြေခံလုပ်ခလစာ တစ်နာရီ ဝမ်သုံးထောင်ကျော် တိုးပေးလိုက်ကြောင်း အစိုးရပြည်ပအလုပ်အကိုင်အေဂျင်စီမှ သိရသည်။

ယခင်ကမြန်မာအပါအဝင်ကိုရီးယား၌လာရောက်လုပ်ကိုင်နေကြသည့် လုပ်သားများ၏ အခြေခံလုပ်ခလစာသည် တစ်နာရီလျှင် ဝမ် ၆၀၀၀ နီးပါးဖြစ်ပြီး ယခု ဝမ် ၉၀၀၀ ကျော်တိုးပေးလိုက်ခြင်းဖြစ်၍ ကုန်ထုတ်လုပ်သားများ၊ စက်ရုံလုပ်သားများ၊ ဆောက်လုပ်ရေးလုပ်သားများ၊ စိုက်ပျိုးရေးနှင့် မွေးမြူရေးလုပ်သားများ၊ သင်္ဘောကျင်းလုပ်သားများနှင့် အခြားအခြေခံအထွေထွေလုပ်သားများ ပါဝင်ကာယခု ဇန်နဝါရီလမှ စတင်၍တိုးပေးခြင်းဖြစ်ကြောင်းသိရသည်။

ကိုရီးယားနိုင်ငံ၌ အလုပ်လုပ်ကိုင်နေသည့် မြန်မာလုပ်သားများ အပါအဝင် အခြားအခြေခံလုပ်သားများ၏ တောင်းဆိုမှုအပေါ် ကိုရီးယားအလုပ်ရှင်များဘက်မှ ဆွေးနွေးညှိနှိုင်းပြီး ယခုလို အခြေခံလုပ်ခလစာများကို တိုးပေးခဲ့ခြင်းဖြစ်ကြောင်း သိရသည်။

အလုပ်သမားများဘက်မှ အမှန်တကယ် တောင်းဆိုသည့် အခြေခံလုပ်ခလစာမှာ တစ်နာရီလျှင် ဝမ် ၁၀၀၀၀ ဖြစ်ပြီး အလုပ်ရှင်ဘက်မှ တိုးပေးသည့် အခြေခံလုပ်ခလစာသည် ဝမ် ၉၈၆၀ ဖြစ်၍ ယခုတိုးပေးလိုက်သည့် အခြေခံလုပ်ခလစာမှာ ယခင် ၂၀၂၃ ခုနှစ်နှင့် နှိုင်းယှဉ်လျှင် ၂ ဒသမ ၅ ရာခိုင်နှုန်း တိုးပေးခဲ့ခြင်းဖြစ်ကြောင်း၊အဆိုပါ တစ်နာရီ ဝမ် ၉၈၆၀ သည် အခြေခံလုပ်အားခသာဖြစ်ပြီး အချိန်ပိုများ၊ ပိတ်ရက်များနှင့်ညဆိုင်းများအတွက် မပါဝင်ဘဲ အချိန်ပိုဆင်းပါက တစ်နာရီလျှင် အခြေခံလုပ်အားခ၏ တစ်ဆခွဲ ဝမ် ၁၄၇၉၀ ရရှိမည်ဖြစ်၍ အကြမ်းအားဖြင့် တစ်လလုပ်ခလစာမှာ ဝမ် ၂၀၆၀၇၄၀၊ မြန်မာငွေဖြင့် တွက်ချက်ပါက ၅၂ သိန်းကျပ်ဝန်းကျင်ရရှိမည်ဖြစ်ကြောင်း သိရသည်။

#Local_News #အခြေခံလုပ်ခလစာ #တစ်နာရီဝမ်ကိုးထောင်ကျော်အထိရရှိ #YMG/ NN #Yangon-Times

စိုက်ပျိုးရေးလုပ်ငန်းများမှာ အဓိကထား အသုံးပြုနေရတဲ့ ဓါတ်မြေဩဇာဟာ ဈေးနှုန်းကြီးမြင့်လာတဲ့ အတွက် သဘာဝဇီဝမြေဩဇာကိုပါ တွဲဖက်အသုံးပြုနိုင်ရန် တောင်သူများကို သင်တန်းတွေပို့ချပေးနေတယ်လို့ တိုင်းတောင်သူဖွံ့ဖြိုးရေးအဖွဲ့ထံက သိရပါတယ်။
#Local_News
Published_5 January 2024
#သင်တန်းတွေပို့ချပေး #တိုင်းတောင်သူဖွံ့ဖြိုးရေးအဖွဲ့
#YMG/LW #Yangon_Times

#Local_News
Published 5 January 2024

ရန်ကုန်-မန္တလေး အမြန်လမ်းမကြီး မိုင်တိုင်အမှတ် (၁၇၀/၃)နှင့်(၁၇၀/၄)အကြားတွင် ယာဉ်တစ်စီးမီးလောင်မှု ဖြစ်ပွားကြောင်း အမြန်လမ်း မီးသတ်တပ်ဖွဲ့ထံမှ သိရသည်။

ဇန်နဝါရီ ၅ ရက် မနက် ၁၁ နာရီ ၅၄ မိနစ် အချိန်ခန့်က လောင်ကျွမ်းခြင်းဖြစ်ကာ သတင်းရရှိခြင်းကြောင့် သာဂရ အမြန်လမ်း မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် မီးငြှိမ်းသတ်ခဲ့ရာ မွန်းတည့် ၁၂နာရီ အချိန်တွင် မီးငြှိမ်းခဲ့ကြောင်း သိရသည်။

အဆိုပါ မီးလောင်ကျွမ်းခဲ့သည့်ယာဉ်မှာ နာမည်ကြီး Brand တစ်ခုဖြစ်သည့် တန်ဖိုးကြီးသည့် Hummer အမှတ်တံဆိပ် ယာဉ် ဖြစ်ကြောင်း သိရသည်။

ယင်းကား မီးလောင်သည့် အကြောင်းရင်းနှင့် ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း သိရသည်။

#Local_News #ရန်ကုန်-မန္တလေးအမြန်လမ်း #ယာဉ်တစ်စီးမီးလောင် #YMG/LW #Yangon_Times

‘ဆောင်းတွင်းမှာ နှာစေး၊ ချောင်းဆိုး၊ ဖျားနာနဲ့ လေဖြတ်တာတွေဖြစ်နိုင်သလို အိမ်နီးချင်းနိုင်ငံတွေမှာ ဖြစ်ပေါ်နေတဲ့ ကိုဗစ်မျိုးခွဲ XBB- 10 မြန်မာနိုင်ငံတွင်း ကူးစက်နိုင်ခြေရှိတဲ့အတွက် ကြိုတင်ကာကွယ်ထားကြဖို့ လိုအပ်ပါတယ်’ မကွေးတိုင်းပြည်သူ့ကျန်းမာရေးဦးစီးဌာနမှူး၊ဒေါက်တာနန္ဒဝင်း
#Local_News
Published_5 January 2024
#ချောင်းဆိုး၊ဖျားနာသူများ #Maskများပြန်တပ်
#tthl #Yangon_Times

#Local_News
Published 5 January 2024

ထိုင်းငချိပ်(ခေါ်)ရာသီငချိပ်စပါးအနေ ဖြင့် ပြည်တွင်း/ပြည်ပ ဝယ်လိုအားကောင်းသည့်အတွက် ဈေးကောင်းရလျက်ရှိကြောင်း ဝက်လက်မြို့နယ် စပါးစိုက်တောင်သူအချို့ထံက သိရသည်။

ငချိပ်စပါးပေါ်ချိန် ဈေးနှုန်းသည် တင်း  (၁၀ဝ) လျှင် ကျပ် (၃,၈၀ဝ,၀ဝ၀)မှ  (၄,၀ဝ၀,ဝ၀ဝ) အထိဈေးနှုန်းရှိသော် လည်း ငချိပ်စပါး စောထွက်သည့် တောင် သူများမှာ မိုးလေဝသရာသီဥတုကို စိုးရိမ် ၍ ရောင်းချရာ ကျပ် (၃,၈၀ဝ,၀ဝ၀)သာ ရရှိခဲ့ကြောင်း စပါးစိုက်တောင်သူအချို့ထံမှ သိရသည်။

အဆိုပါ စပါးစိုက်တောင်သူများ၏ တွက်ချက်မှုအရ တစ်ဧကအထွက်နှုန်း  တင်း (၇၀) နှင့် တွက်ချက်ပါက တစ်ဧကလျှင် ကျပ်  (၂,၆၆၀,ဝ၀ဝ) ရရှိပြီး၊ ကုန်ကျစရိတ်မှာ ကျပ် (၁,၁၄၀,ဝ၀ဝ) ကုန် ကျ၍ တစ်ဧက အကျိုးအမြတ်သည် ကျပ်(၁,၅၂၀,ဝ၀ဝ)အထိ ရရှိကြောင်းသိရသည်။

ထို့ကြောင့် ဈေးနှုန်းအရသော်လည်းငကာင်း၊ ဈေးကွက်ကောင်းအရသော် လည်းကောင်း ရရှိနေသည့် ငချိပ်စပါးကို လာမည့်နှစ်များတွင်လည်း တွင်တွင်ကျယ်ကျယ်  စိုက်ပျိုးမည်ဟုဆိုသည်။

ငချိပ်စပါးအနေဖြင့် အနှံထွက်စတွင်  စပါးအရောင်သည် အဖြူနှင့်အစိမ်း ရောင်စထွက်ပြီးနောက် တစ်လခန့်အကြာတွင် ခရမ်းပုပ်ရောင် သို့ပြောင်းလဲကြောင်း၊  ခရမ်းပုပ်ရောင်မှတစ်ဆင့်  စပါးနှံ ရင့်သည့်အချိန်တွင် အုန်းခွံရောင်အဖြစ်သို့   ပြောင်းလဲလာကြောင်းနှင့် တစ်ဧကလျှင် တင်း (၇၀) မှ (၈၀)ထွက်ရှိကြောင်း သိရသည်။

 ငချိပ်စပါးကို  ၂၀၂၂-၂၀၂၃ခုနှစ် မိုးစပါး ရာသီချိန်ဖြစ်သည့် ဇူလိုင်လအတွင်း ပျိုးထောင်၍  သြဂုတ်လ အတွင်းတွင်  စိုက်ပျိုးရပြီး၊ ရွှေဘိုခရိုင်၊ ဝက်လက်မြို့နယ်ရှိ  စိုင်နိုင်ကြီး ကျေးရွာအပါ အဝင် ကျေးရွာအနှံ့အပြားတွင် စိုက် ပျိုးလျက်ရှိကြောင်း သိရသည်။

#Local_News #ထိုင်းငချိပ်(ခေါ် )ရာသီငချိပ်စပါး #ဝယ်လိုအားကောင်းနေ #YMG/LW #Yangon_Times

#Local_News
Published_5 January 2024

မြန်မာနိုင်ငံအင်ဂျင်နီယာကောင်စီ အဆောက်အအုံရှိ စတုတ္ထအလွှာအား (၃)နှစ်တာ ငှားရမ်းရန်အတွက် အိတ်ဖွင့် တင်ဒါခေါ်ယူလိုက်ပြီးဖေဖော်ဝါရီလ၅ရက်ညနေ၄နာရီနောက်ဆုံးထား လျှောက်ထားနိုင်ကြောင်း သိရသည်။

တင်ဒါကြမ်းခင်းဈေးအနေနဲ့ (၁)စတုရန်းပေကို ကျပ်၁၂၅၀ဖြင့်ခေါ်ယူထားပြီး အဆောက်အအုံ၏ အကျယ်အဝန်း သည်(၅၇၀၅.၀၉)စတုရန်းပေကျယ်ဝန်းသည်ဟုဆိုသည်။

မြန်မာနိုင်ငံအင်ဂျင်နီယာကောင်စီ အဆောက်အအုံရှိ စတုတ္ထအလွှာအား ပြည်တွင်း၊ပြည်ပလုပ်ငန်းရှင်များ၊ ကုမ္ပဏီများ၊ပုဂ္ဂလိကတက္ကသိုလ်များနှင့် ဆက်စပ်သင်တန်းဖွင့်လှစ်လိုသည့် အဖွဲ့အစည်းများသို့ (၃)နှစ်တာငှားရမ်းရန်အတွက်အိတ်ဖွင့်တင်ဒါအဆိုပြုလွှာတင်သွင်းရန်ခေါ်ယူထားခြင်းဖြစ်သည်။

တင်ဒါအဆိုပြုလွှာတင်သွင်းမှုကို ဖေဖော်ဝါရီလ၅ရက်ညနေ၄နာရီနောက်ဆုံးထားတင်သွင်းရမည်ဖြစ်ပြီး တင်ဒါပုံစံနှင့် အသေးစိတ်အချက်အလက်များကို တစ်စုံလျှင် ကျပ်တစ်သောင်းဖြင့် လမ်းမတော်မြို့နယ်၊ ခရေပင်လမ်း၊အမှတ်(၅/က)သို့ ရုံးချိန်အတွင်းရယူနိုင်မည်ဖြစ်ပြီး တင်သွင်းသူများအနေဖြင့် ဈေးနှုန်းမတင်နိုင် သေးမီကာလတွင် စိတ်ဝင်စားမှုအဆိုပြုလွှာကိုသတ်မှတ်ရက်အတွင်း တင်သွင်းရန် ဖြစ်ရမည်ဖြစ်ကြောင်း ဖော်ပြထားသည်။

#Local_News #အင်ဂျင်နီယာကောင်စီပိုင်အဆောက်အအုံ #(၃)နှစ်တာငှားရမ်းရန်တင်ဒါခေါ်ယူ #tthl #Yangon_Times