ဝူရှူးအားကစားနည်း စိတ်ဝင်စားသူတွေအတွက် နွေရာသီသင်တန်း အခမဲ့သင်ကြားပေးမှာပါ အသက် ၅နှစ်ကစပြီး သင်ကြားနိုင်တယ် သင်တန်းသားဦးရေ ကန့်သတ်ထားခြင်းမရှိပါဘူး  စိတ်ဝင်စားလို သင်တန်းတက်လိုသူတွေ အနေနဲ့ နဲ့မန္တလေးဝူရှူးအသင်းရဲ့ ဖုန်းနံပတ်၀၉၄၄၄၀၂၉၂၀၀၊ ၀၉၇၇၇၇၉၉၉၆၆ ကိုဆက်သွယ်စာရင်းပေးနိုင်ပါတယ်၊
#Local_News
Published_ 7 February 2024
#ဝူရှူးအားကစားနည်း #
#YMG/LW #Yangon_Times

ငွေခေတ် အားကစားသမားဂိုးအောင်ကျော်ကျော်ကို ဂိုးနည်းပြအဖြစ်ပြန်ခေါ် "ဗီယက်နမ်ဆီးဂိမ်းပြီးချိန်မှာ အနားယူခဲ့တဲ့ ငွေခေတ်အားကစားသမား၊ဂိုးသမားအောင်ကျော်ကျော်ကို ရန်ကုန်ယူနိုက်တက်လူငယ်အသင်းအတွက်ဂိုးနည်းပြအဖြစ်ခေါ်ယူလိုက်ပြီဖြစ်တယ်"
Yangon United Football Club
#Local_News
Published_ 7 February 2024
#ဂိုးသမားအောင်ကျော်ကျော် #ဂိုးနည်းပြအဖြစ်ပြန်လည်ခေါ်ယူ
#tthl #Yangon_Times

'ပြီးခဲ့တဲ့နှစ် ဖရဲရာသီချိန်က တရုတ်နိုင်ငံကိုတင်ပို့ခဲ့တာကြောင့် ၁၆ တန်တင်နိုင်တဲ့ ၁၂ဘီး ဖရဲကားတစ်စီးကို ကျပ်သိန်း ၁၇၀ အထိ အမြတ်အစွန်းရရှိပေမယ့် အခုနှစ်ရာသီချိန်မှာတော့ပြည်တွင်းဈေးကွက်သာအားထားနေရတာကြောင့် ဖရဲကားတစ်စီးကို ကျပ်၁၀သိန်းခန့်သာ အမြတ်အစွန်းရရှိနိုင်တော့တယ်၊ မရှုံး‌ပေမယ့်မကိုက်ဘူး ၊ 'ခရမ်းမြို့နယ်က ဖရဲစိုက်ပျိုးသူ စိုင်းကျော်မိုး

#Local_News
Published_ 7 February 2024
#တွက်ခြေကိုက်မှုနည်းပါးနေ #ဖရဲစိုက်တောင်သူ
#YMG/NN #Yangon_Times

Published 7 February 2024
မော်လမြိုင်မြို့ တွင် နှစ်ကျိတ်ရှစ်ဆူဘုရားပွဲ လှည့်လည်ပူဇော်ပွဲကို ယခုဖေဖေါ်ဝါရီလ တတိယအပတ်တွင် ပြန်လည် ပြုလုပ်မည်ဖြစ်ကြောင်း နှစ်ကျိတ်ရှစ်ဆူဘုရားလှည့်လည်ပူဇော်ပွဲ ကျင်းပရေးကော်မတီထံက သိရသည်။

နှစ်၁၀၀ကျော် သက်တမ်းရှိ အဆိုပါ လှည့်လည်အပူဇော်ခံပွဲကို နှစ်စဉ်ကျင်းပပြုလုပ်ခဲ့ရာ ပြီးခဲ့သည့် ကိုဗစ်ကာလ က မှ ၃နှစ်ခန့် ရပ်နားခဲ့ပြီး ယခု ၂၀၂၄ ခုနှစ်မှာပြန်လည်ကျင်းပပြုလုပ်ခြင်း ဖြစ်ကြောင်းသိရသည်။

နှစ်ကျိတ်ရှစ်ဆူဘုရား လှည့်လည်ပူဇော်မှုကိုဖေဖော်ဝါရီလ ၂၁ ရက်နေ့ ညနေပိုင်းတွင် မြို့တွင်းသတ်မှတ်ထားသည့် လမ်းများအတိုင်း လေးရက်တာ လှည့်လည်အပူဇော်ခံမည်ဖြစ်ကြောင်း သိရသည်။

လက်ရှိတွင် လှည့်လည်အပူဇော်ခံမည့် မော်တော်ယာဉ်များ ပြင်ဆင်ခြင်းများ စတင်ဆောင်ရွက်နေပြီဖြစ်ကြောင်း သိရသည်။

မော်လမြိုင်မြို့၏ နှစ်ကျိပ်ရှစ်ဆူဘုရားပူဇော်ပွဲကို ၁၉၁၆ ခုနှစ်တွင် ပန်းဘဲတန်းရပ်ကွက်မှစတင်ကာ ကုသလဝါယမအသင်းက ဦးဇိနစေတီတော်ကို ဘုရားမီးပူဇော်ရန် ရည်ရွယ်ချက်ဖြင့် စတင်ကျင်းပခဲ့ခြင်းဖြစ်ကြောင်း သိရသည်။

အဆိုပါကာလက  အထမ်းဖြင့် ဘုရားများကိုလှည့်လည်ပူဇော်ခဲ့ကြပြီး ၁၉၄၆ ခုနှစ်မှ စတင်ပြီး မော်လမြိုင်အမတ် သခင်သင်းလှိုင်တို့ ဦးစီးပြီး မြို့လုံးကျွတ်လှည့်လည်ပွဲအဖြစ် ပြောင်းလဲကျင်းပခဲ့ခြင်းဖြစ်ကြောင်းနှင့် နှစ်စဉ်တပို့တွဲလဆန်းကာလအတွင်း ကျင်းပလေ့ရှိကြောင်း သိရသည်။

Yangon Times/LW
#Local_News
#Published_ 7 February 2024
#YMG #Yangon_Times #Yangon_Media_Group

#Local_News
Published 7 February 2024

လာမည့်  ၂၀၂၄-၂၀၂၅ ဘဏ္ဍာနှစ်တွင် ပုသိမ်ထီး အကြမ်းပြုလုပ်ခြင်းနှင့် ဆေးခြယ်ရေးသင်တန်း ဖွင့်လှစ်သွားမည်ဖြစ်ကြောင်း အလုပ်သမားဝန်ကြီးဌာနမှ သိရသည်။

အဆိုပါ သင်တန်းအားပုသိမ်မြို့ရှိ ကျွမ်းကျင်မှုလေ့ကျင့်ရေးသင်တန်းကျောင်း၌ဖွင့်လှစ်သွားမည်ဖြစ်ကာ သက်ဆိုင်ရာဌာနများ၊ MSME လုပ်ငန်းရှင်များနှင့် အသင်းအဖွဲ့များ ပူးပေါင်း၍  ဖွင့်လှစ်ပို့ချနိုင်ရေး ဆောင်ရွက်သွားမည်  ဖြစ်ကြောင်း သိရသည်။

ဧရာဝတီတိုင်းဒေသကြီးသည် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ MSME ပိုမိုဖြစ်ထွန်းသောဒေသဖြစ်၍ နိုင်ငံတော်ဝန်ကြီးချုပ်၏  လမ်းညွှန်ချက်နှင့်အညီ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် ကျွမ်းကျင်လုပ်သားများ မွေးထုတ်ပေးနိုင်ရန် MSME သင်တန်း များဖြစ်သည့်  လယ်ယာသုံးစက်ကိရိယာများ အသုံးပြုနည်းနှင့် ပြုပြင်နည်းသင်တန်း၊ လယ်ယာသုံး ဓာတ်မြေဩဇာကို ဒေသထွက်ကုန်ကြမ်းများနှင့် အချိုးအစားမှန်ကန်စွာ ပြုလုပ်နည်းနှင့် စနစ်တကျအသုံးပြုနည်းသင်တန်း အစရှိသည့်  သင်တန်းများကိုလည်း ၂၀၂၄-၂၀၂၅ ဘဏ္ဍာနှစ်အတွင်း ဖွင့်လှစ်ပို့ချနိုင်ရေး ဆောင်ရွက်သွားမည်ဖြစ်ကြောင်း သိရသည်။

ပုသိမ်မြို့ရှိ ကျွမ်းကျင်မှုလေ့ကျင့်ရေးသင်တန်းကျောင်းသည် ၂၀၂၁-၂၀၂၂ ဘဏ္ဍာနှစ် ၆ လအတွင်း လျှပ်စစ်နှင့်ဂဟေသင်တန်းတွင် သင်တန်းသား ၈၀ ဦး၊ ၂၀၂၂-၂၀၂၃ ဘဏ္ဍာနှစ်တွင် လျှပ်စစ်နှင့်လေအေးပေးစက် တပ်ဆင်ပြုပြင်သင်တန်းတို့တွင် သင်တန်းသား ၁၀၀ ဦး မွေးထုတ်ခဲ့ပြီး ယခု ၂၀၂၃-၂၀၂၄ ဘဏ္ဍာနှစ်တွင် လျှပ်စစ်နှင့်လေအေးပေးစက် တပ်ဆင်ပြုပြင် သင်တန်းတို့တွင် သင်တန်းသား ၁၀၀ ဦး သင်တန်းပို့ချခဲ့ကြောင်း သိရသည်။

ထို့အပြင် ၂၀၂၃-၂၀၂၄ ဘဏ္ဍာနှစ်တွင် ကျွမ်းကျင်မှု စစ်ဆေးအကဲဖြတ်ခြင်းအနေဖြင့် လျှပ်စစ်အလုပ်အကိုင် ကျွမ်းကျင်မှု အဆင့် ၁ နှင့် ၂၊ အုတ်စီအလုပ်အကိုင်နှင့် လက်သမားအလုပ်အကိုင်တို့အတွက် ကျွမ်းကျင်မှု စစ်ဆေး အကဲဖြတ်ရေးဌာနများ တည်ထောင်ကာ စစ်ဆေးအကဲဖြတ်ခြင်းဆောင်ရွက်ခဲ့ရာ လျှပ်စစ်အလုပ်အကိုင် ကျွမ်းကျင်မှု အဆင့် ၁ အတွက် ၂၀၃ ဦး၊ အဆင့် ၂ အတွက် ၆၃ ဦး၊ လက်သမားကျွမ်းကျင်မှု အဆင့် ၁ အတွက် ၂၁ ဦး၊ အုတ်စီ ကျွမ်းကျင်မှု အဆင့် ၁ အတွက် ၂၃ ဦး စစ်ဆေးနိုင်ခဲ့ကြောင်းလည်း သိရသည်။

#Local_News #ပုသိမ်ထီးအကြမ်းပြုလုပ်ခြင်း #ဆေးခြယ်ရေးသင်တန်းဖွင့်လှစ် #YMG /NN #Yangon_Times

#Local_News
Published 7 February 2024

ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ အမှတ်(၂၀)ရပ်ကွက်၊ ဥယျာဉ်လမ်းတွင်မီးလောင်မှုကြောင့် မီးသတ်တပ်ဖွဲ့တစ်ဦးနှင့်ပြည်သူတစ်ဦး ထိခိုက်ဒဏ်ရာရရှိခဲ့ကြောင်း လူမှုကူညီရေးအသင်းထံက သိရသည်။

ဖေ​ဖေါ်ဝါရီ လ ၆ရက် ည ၁၁နာရီ ၅၂မိနစ်ခန့်က မီးလောင်ခဲ့ခြင်းဖြစ်ကာ မီးလောင်မှုဖြစ်ပွားကြောင်း သတင်းရရှိသဖြင့် လှိုင်သာယာမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး ထွက်ခွာခဲ့ပြီး ၁၁ နာရီ ၅၈မိနစ်  အချိန်တွင် Level 1 ယာဉ်အုပ်စုထွက်ခွာငြိမ်းသတ်ရာ ဖေဖေါ်ဝါရီ ၇ရက် ၀၀:၁၀အချိန် တွင် မီးထိန်းနိုင်ခဲ့ပြီး ၀၀:၁၅ မိနစ် တွင် မီးငြိမ်းခဲ့ကြောင်း သိရသည်။

အဆိုပါ မီးလောင်မှုကြောင့် မီးသတ်တပ်ဖွဲ့ဝင်တစ်ဦးနှင့် ပြည်သူတစ်ဦး မစိုးရိမ်ရ ထိခိုက်ဒဏ်ရာ အနည်းငယ် ရရှိခဲ့ပြီး အိမ်ထောင်စု ၈စု အိုးမဲ့အိမ်မဲ့ ဖြစ်ခဲ့ကြောင်း လှိုင်သာယာမြို့နယ် အခြေစိုက်အဖြူရောင် မေတ္တာလူမူကယ်ဆယ်ရေးအသင်းမှ သိရသည်။

#Local_News #မီးသတ်တပ်ဖွဲ့ဝင်တစ်ဦးနှင့်ပြည်သူတစ်ဦး #ထိခိုက်ဒဏ်ရာရရှိ #YMG/LW #Yangon_Times