မတ်(၂၈) ရက်ကလှုပ်ခတ်ခဲ့တဲ့ငလျင်ကြောင့် ယာယီရပ်နားထားခဲ့တဲ့ အွန်လိုင်းမှတဆင့် နိုင်ငံကူးလက်မှတ်လျှောက်ထားမှုကို မေလ၁ရက်က စတင်ပြီး ပြန်လည်လက်ခံနေပြီလို့ မြန်မာနိုင်ငံကူးလက်မှတ်ထုတ်ပေးရေးအဖွဲ့မှ သိရပါတယ်။
#Local_News
Published 02 May 2025
#အွန်လိုင်း #နိုင်ငံကူးလက်မှတ်လျှောက်ထားမှုလက်ခံ
#YMG/SW #Yangon_Times

#Local_News
Published 2 May 2025

▪️ ရန်ကုန်မြို့တွင်း၌ မေလအတွင်း၌ မီးပေးအုပ်စုသုံးစုအား အလှည့်ကျစနစ်ဖြင့်လျှပ်စစ်မီးပေးမည်ဖြစ်ကြောင်း သိရသည်။

▪️ ထိုသို့ပေးရာတွင် မေလ၁ရက်နေ့မှစတင်၍ A,B,Cအုပ်စုသုံးစုအား  လေးနာရီလာ ရှစ်နာရီပျက်စနစ်ဖြင့် လျှပ်စစ်မီးပေးမည်ဖြစ်ကြောင်း သိရသည်။

▪️ မေလ၂ရက်နေ့တွင် A အုပ်စု မှာ မနက်၅နာရီမှ ၉နာရီ အထိ လာပြီး ရှစ်နာရီ ပျက်မည်ဖြစ်ကာ ညနေ ၅နာရီမှ ည၉နာရီ အထိ ပြန်လည်လာမည်ဖြစ်ကြောင်း သိရသည်။

▪️ ထို့နောက်လေးနာရီပျက်ကာ နောက်တစ်နေ့မနက် ၁နာရီမှ ၅နာရီအထိပြန်လည်လာမည်ဖြစ်ကြောင်း သိရသည်။

▪️ B အုပ်စုမှာမူ  မနက်၉နာရီမှ နေ့လယ်၁နာရီ အထိလာပြီး ရှစ်နာရီပျက်မည်ဖြစ်ကာ ည၉နာရီမှ နောက်တစ်နေ့ မနက် ၁နာရီအထိ ပြန်လည်လာမည်ဖြစ်ကြောင်း သိရသည်။

▪️ ထို့အတူ Cအုပ်စုမှာ ယနေ့နေ့လယ် ၁နာရီမှ ညနေ ၅နာရီအထိလာပြီး ရှစ်နာရီ ပျက်မည်ဖြစ်ကာ နောက်တစ်နေ့မနက် ၁နာရီမှ  ၅နာရီ အထိ ပြန်လည်လာမည်ဖြစ်ကြောင်း သိရသည်။

▪️ အဆိုပါကဲ့သို့  လေးနာရီလာ ရှစ်နာရီပျက်ပုံစံဖြင့်အလှည့်ကျစနစ်များဖြင့်မေလ တစ်လတာအတွင်းလျှပ်စစ်မီးများပေးသွားမည်ဖြစ်ကာ ယခုရက်ပိုင်းအတွင်း မိုးရွာသွန်းမှုများရှိသည့်အတွက် လျှပ်စစ်မီးပေးသည့် နာရီ ပိုမိုရရှိလာကြောင်း တာမွေနှင့်ရွှေပြည်သာမြို့နယ်တွင် နေထိုင်သူများထံမှ သိရသည်။

#YMG/NN #Yangon_Times

#Local_News
Published 2 May 2025

▪️ မန္တလေးမြို့ရှိ မြပါဝါဆီဆိုင်၌ စက်သုံးဆီကား မီးလောင်မူ တစ်ခု ယနေ့မနက်ပိုင်းက ဖြစ်ပွားခဲ့ကြောင်း သိရသည်။

▪️ 'မန္တလေး ၃၅လမ်းနဲ့ ၆၆လမ်းထောင့်မှာရှိတဲ့  မြပါဝါဆီဆိုင် မှာ စက်သုံးဆီကား မီးလောင်တာပါ၊  မိနစ်ပိုင်းအတွင်းမီးငြိမ်းပါတယ်'ဟု မန္တလေးမီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။

▪️ ဖြစ်စဉ်မှာ မေလ၂ ရက်နေ့၊ မနက်  ၇ နာရီ ၃၂ မိနစ်အချိန်ခန့်က  မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းအေးသာစံမြို့နယ်၊ ၃၅လမ်းနှင့် ၆၆ လမ်းထောင့်တွင် ဆီဆိုင်မီးလောင်မှုဖြစ်ပွားခဲ့ခြင်းဖြစ် ကြောင်း သိရသည်။

▪️ အဆိုပါ သတင်းရရှိသဖြင့် level 1 ယာဉ်အုပ်စုထွက်ခွာငြှိမ်းသတ်ခဲ့ရာ
မနက်၇ နာရီ၄၁မိနစ် အချိန် ၌ မီးထိန်းနိုင်ခဲ့ပြီး ၇နာရီ ၄၆မိနစ် အချိန် ၌ မီးငြိမ်းခဲ့‌ကြောင်း သိရသည်။

▪️ မီးလောင်မှုဖြစ်စဉ်နှင့်ဆုံးရှုံးမှုတန်ဖိုးများအား ဆက်လက်စုံစမ်းနေကြောင်း သိရသည်။

#YMG/NN #Yangon_Times

#Local_News
Published 2 May 2025

▪️ ယနေ့မနက်အစောပိုင်း၌ ကွမ်းခြံကုန်းမြို့နယ်၌ ဂိုဒေါင်အတွင်းရှိ ကွန်တိန်နာကားမီးလောင်မှုဖြစ်ပွားခဲ့ကြောင်း သိရသည်။

▪️ မေလ ၂ ရက်နေ့၊ မနက်၁နာရီ  ၂မိနစ် အချိန်ခန့်က ရန်ကုန်တိုင်းဒေသကြီး၊ ကွမ်းခြံကုန်းမြို့နယ်၊ ကမာပါကျေးရွာအပိုင် ထန်းတောအပိုင်းတွင် ဂိုဒေါင်အတွင်းရှိ ကွန်တိန်နာကားမီးလောင်မှုဖြစ်ပွားခဲ့ကြောင်းသိရသည်။

▪️ အဆိုပါ သတင်းရရှိသဖြင့် ကွမ်းခြံကုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက်၁ နာရီ ၆ မိနစ်အချိန်တွင် မီးငြိမ်းနိုင်ခဲ့ကြောင်း သိရသည်။

#YMG/NN #Yangon_Times

#Daily_News

Published 01 May 2025

၁။ ငလျင်အဆောက်အအုံများ ပြန်ဆောက်ရေး နည်းလမ်း ၃ မျိုးဖြင့်ဆောင်ရွက်မည်

၂။ ငလျင်ဒဏ်ခံစားခဲ့ရသူများအတွက် စိတ်ပိုင်းဆိုင်ရာ နှစ်သိမ့်ဆွေးနွေးပညာပေးမှုများ ဆောင်ရွက်ပေးနေ

၃။ ယခုလမုတ်သုံစတင်ဝင်ရောက်ပြီး ဒေသအများစု၌ မိုးဦးတွင် မိုးပိုနိုင်

၄။ ရှန်ဟိုင်း၌လက်ခံဖွင့်လှစ်လိုက်သည့် ဖွံ့ဖြိုးရေးဘဏ်သစ်သို့ တရုတ်သမ္မတရှီကျင့်ဖျင်လာရောက်လည်ပတ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 1 May 2025

▪️ တိုက်ခန်းတွင်းထားရှိသည့် မီးစက်မှ ထွက်သောမီးခိုးနံ့ကြောင့် မိသားစုလေးဦးလုံးသေဆုံးခဲ့မှု စမ်းချောင်းမြို့နယ်တွင် ဖြစ်ပွားခဲ့ကြောင်း သိရသည်။

▪️ ဖြစ်စဉ်မှာယနေ့ မေလ၁ရက် နံနက် ၁၁နာရီ၄၅ မိနစ်အချိန် စမ်းချောင်းမြို့နယ်၊ လင်းလွန်းတောင်ရပ်ကွက်၊ ရွှေလောင်းလမ်း၊ အမှတ်(၄၄) (၄)လွှာ(အေ)အခန်းအတွင်း၌ နေထိုင်သူ လူ(၄)ဦး သေဆုံးနေကြောင်း သတင်းအရ ခရရမှူး ဒုရဲမှူးကြီး ခင်မောင်ဦး ဦးစီးအဖွဲ့၊ မနရမှူးရဲမှူးဝင်းနိုင် ဦးစီးအဖွဲ့၊ မြို့နယ်မီးသတ် ဦးစီးမှူး ဦးသူရဆွေ ဦးစီးအဖွဲ့တို့မှ သွားရောက်စစ်ဆေးခဲ့ရာ ဒေါ်အေးချို(အမှတ်-၄၃၂/ဘီ၊ မုဒိတာအိမ်ရာ၊ ၂-ရပ်ကွက်၊ မရမ်းကုန်းမြို့နယ်)မှ သားဖြစ်သူ ကိုကောင်းတို့မိသားစုနှင့် ဖုန်းဆက်သွယ် မရရှိမှုမှာ (၂)ရက်ခန့် ရှိပြီ ဖြစ်သဖြင့် ဒေါ်အေးချို မှ ဦးမျိုးထိုက်(အမှတ်-၄၄၊ ရွှေလောင်းလမ်း၊ စမ်းချောင်းမြို့နယ်)နေသူနှင့်အတူ အခန်းသို့ သွားရောက်ကြည့်ရှုခဲ့ရာ အခန်းအားအတွင်းမှ သော့ခတ်ထားသဖြင့် ချိုးဖျက် ဝင်ရောက်ကြည့်ရှုခဲ့ကြောင်း၊ ထိုသို့ ဝင်ရောက်ကြည့်ရှုစဉ် အခန်းအတွင်း၌ ကိုကောင်း(၃၀)နှစ်(ဘ)ဦးမင်းမင်းဦး၊ ၎င်း၏ ဇနီး မမိုးစန္ဒာ(၂၅)နှစ်(ဘ)ဦးမောင်ရီ၊ သားဖြစ်သူ ကောင်းသက်ပိုင် (၈)နှစ် နှင့် မဝင်းစန္ဓာ(၁၆)နှစ်(ဘ)ဦးခင်မောင်ရီ (မမိုးစန္ဒာ၏ညီမ)တို့(၄)ဦး၊ ခွေး(၁)ကောင်တို့အား သေဆုံး အနံ့များ ထွက်နေသည်ကို တွေ့ရှိခဲ့သဖြင့် သက်ဆိုင်ရာသို့ အကြောင်းကြားခဲ့ခြင်းဖြစ်ကြောင်း သိရသည်။

▪️ ပူးပေါင်းအဖွဲ့မှ ကနဦး စစ်ဆေးချက်အရ သေဆုံးသူ (၄)ဦး၌ ပြင်ပ ဒဏ်ရာများ မတွေ့ရှိရဘဲ အခန်းအတွင်း၌ ဆီကုန်နေသော ဓာတ်ဆီသုံး မီးစက်(၁)လုံးနှင့် အဲယားကွန်း တွေ့ရှိခဲ့သဖြင့် မြို့နယ်မီးသတ်ဦးစီးမှူး ဦးသူရဆွေ မှ အခန်းမှာ မှန်လုံခန်း ဖြစ်သဖြင့် မီးစက်အသုံးပြုစဉ် မီးခိုးမွှန်သေဆုံးခြင်း ဖြစ်နိုင်သည်ဟု ယူဆကြောင်းနှင့် သေဆုံးသူ (၄)ဦးနှင့်ပတ်သက်၍ ပူးပေါင်းအဖွဲ့ဖြင့်  စိစစ်လျက်ရှိကြောင်း၊ သေဆုံးသူ (၄)ဦးအား ရန်ကုန်ပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရသည်။

#YMG/SW #Yangon_Times