အခု ၂၀၂၅-၂၀၂၆ ဘဏ္ဍာနှစ်သုံးလအတွင်းထိုင်းနဲ့ တရုတ်နိုင်ငံတွေကနေ  နိုင်ငံခြားရင်းနှီးမြှုပ်နှံမှု(FDI )ပမာဏ အမေရိကန်ဒေါ်လာသန်း ၄၀ ကျော်ဝင်ရောက်ရင်းနှီးမြုပ်နှံခဲ့တယ်လို့ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနရဲ့ အချက်အလက်တွေအရ သိရပါတယ်။
#Local_News
Published 5 July 2025
#FDI #ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှု
#YMG/NN #Yangon_Times

#Local_News
Published 5 July 2025

▪️ နှစ်စဥ်ကျင်းပနေကြတောင်ပြုံးပွဲ‌တော်ကို ယခုနှစ်တွင် ဝါဆိုလဆန်း၈ရက် (သြဂုတ်လ၁ရက်မှ ၈ရက်) မှ ၁၅ရက်အထိ ကျင်းပသွားမည်ဖြစ်ကြောင်း ပွဲတော်ကျင်းပ ရေးကော်မတီက အသိပေးထုတ်ပြန်သည်။

▪️ မန္တလေးတိုင်းဒေသကြီး၊ အောင်မြေသာစံခရိုင်၊ မတ္တရာမြို့နယ်၊ တောင်ပြုံးကျေး ရွာအုပ်စု၊ တောင်ပြုံးကြီးကျေးရွာရှိ အနော်ရထာမင်းကြီး တည်ထားကိုးကွယ်ခဲ့သော သမိုင်းဝင် တောင်ပြုံးဆုတောင်းပြည့်-ဆုတောင်းရ မြတ်စွာဘုရား ဗုဒ္ဓပူဇနိယဆွမ်းတော်ကြီးလောင်းလှူပွဲနှင့် တောင်ပြုံး အရှင်နှစ်ပါး ပွဲတော်သို့ ဘုရားဖူးတိုင်းရင်းပြည်သူများ၊ ရိုးရာဓလေ့ ကိုးကွယ်သူများ၊ ဈေးသူ/ဈေးသားများအား စိတ်အေးချမ်းသာစွာဖြင့် လာရောက်နိုင်ကြရန် ပွဲတော်ကျင်းပရေးကော်မတီမှ အသိပေးကြေညာထားခြင်းဖြစ်ကာ နယ်မြေဒေသအခြေအနေသည်လည်း အေးချမ်းတည်ငြိမ်လျက်ရှိကြောင်း သိရသည်။

▪️ တောင်ပြုံးပွဲတော်ကို နှစ်စဉ် ဝါခေါင်လဆန်း၈ရက်မှ စတင်ပြီး ကျင်းပလေ့ရှိရာ ဝါခေါင်လဆန်း ၈ရက်နှင့်၉ရက်တို့တွင် ကန်တော့ခံပွဲ၊ ဝါခေါင်လဆန်း၁၀ရက်တွင် ညီလာခံဝင်၊ ဝါခေါင်လဆန်း ၁၁ရက်တွင် ချိုးရေတော်သုံးပွဲ၊ ဝါခေါင်လဆန်း ၁၂ ရက်တွင် နန်းတက်ပွဲ၊ ဝါခေါင်လဆန်း ၁၃ ရက်တွင် ယုန်ထိုးပွဲ၊ ဝါခေါင်လဆန်း ၁၄ ရက်တွင် ထိန်ပင်ခုတ်ပွဲ၊ ဝါခေါင်လဆန်း ၁၅ရက်တွင် ပခန်းမင်းပို့ပွဲနှင့် ဝါခေါင်လပြည့်ကျော် တရက်တွင် ရွှေဘုံဆင်းပွဲတို့ကို ရှေးအစဉ်အလာများအတိုင်း ကျင်းပခြင်းဖြစ်ကာ အနယ်နယ်အရပ်ရပ်မှ လာရောက်ဆင်နွဲကြသည့် ရိုးရာပွဲတော်တစ်ခုဖြစ်ကြောင်း သိရသည်။

#YMG/SW #Yangon_Times

မန္တလေးငလျင်ဘေးသင့် အာမခံအလုပ်သမား ၁၀,၀၀၀ ကျော်ကို သဘာဝဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှုအကျိုးခံစားခွင့် ငွေကျပ် သန်းပေါင်း ၁,၀၀၀ကျော်ခွင့်ပြုထုတ်ပေးခဲ့တယ်လို့ အလုပ်သမားဝန်ကြီးဌာန၊ လူမှုဖူလုံရေးအဖွဲ့က သိရပါတယ်။
#Local_News
Published 5 July 2025
#အာမခံအလုပ်သမားတစ်သောင်းကျော် #မိသားစုထောက်ပံ့မှုအကျိုးခံစားခွင့်
#YMG/NN #Yangon_Times

နိုင်ငံတကာစံနှုန်းနဲ့အညီပြောင်းလဲထားတဲ့  ရွှေတစ်ကျပ်သားအလေးချိန်သစ်ကို ရွှေဆိုင်‌တွေအားလုံးတပြေးညီပြောင်းလဲကျင့်သုံးရမှာဖြစ်တယ်လို့ မြန်မာနိုင်ငံရွှေလုပ်ငန်းရှင်များအသင်းချုပ်က ထုတ်ပြန်ထားပါတယ်။
#Local_News
Published 5 July 2025
#ရွှေတစ်ကျပ်သားအလေးချိန်သစ် #မြန်မာနိုင်ငံရွှေလုပ်ငန်းရှင်များအသင်းချုပ်
#YMG/SW #Yangon_Times

Myanmar Cyber Security Challenge 2025 (အလွတ်တန်းအဆင့်) ပြိုင်ပွဲပြုလုပ်သွားမည်ဖြစ်ရာ ပါဝင်ယှဉ်ပြိုင်နိုင်ရေးအတွက် ပြိုင်ပွဲဝင်အသင်းများကို ဖိတ်ခေါ်ထားတယ်လို့ သတင်းအချက်အလက်နည်းပညာနှင့် ဆိုက်ဘာလုံခြုံရေး ဦးစီးဌာနမှသိရပါတယ်။
#Local_News
Published 5 July 2025
#Myanmar_Cyber_Security_Challenge_2025 #အလွတ်တန်းအဆင့်
#YMG/SW #Yangon_Times

#Local_News
Published 5 July  2025

▪️ မန္တလေးငလျင်ကြီးကြောင့် ပျက်စီးသွားသောဒေသများတွင် ပြန်လည် ထူထောင်ရေးလုပ်ငန်းများကို နိုင်ငံတော်အကြီးအကဲ၏ လမ်းညွှန်မှုနှင့်အညီ အကောင်အထည်ဖော်ဆောင်ရွက်နိုင်ရေးကြိုးပမ်းဆောင်ရွက်နေကြောင်းသိရသည်။

▪️ အဆိုပါ အကောင်အထည်ဖော်ဆောင်ရွက်နိုင်ရေးအတွက်  ငလျင်ဘေးအန္တရာယ် ပြန်လည်ထူထောင်ရေး လုပ်ငန်းစီမံချက် (Recovery Plan) ရေးဆွဲရေးဆိုင်ရာ လုပ်ငန်းညှိနှိုင်းအစည်းအဝေးကို ယမန်နေ့ က  လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနစုပေါင်းအစည်းအဝေးခန်းမ၌ ကျင်းပသည်။

▪️ ပြည်ထောင်စုဝန်ကြီး ဒေါက်တာစိုးဝင်းက သဘာဝဘေး အန္တရာယ်တစ်ခုဖြစ်ပွားပြီး တုံ့ပြန်ဆောင်ရွက်မှုလုပ်ငန်းများ၊ လူသားချင်းစာနာထောက်ထားမှု ဆိုင်ရာအကူအညီအထောက်အပံ့ ပေးမှုလုပ်ငန်းများကို ဆောင်ရွက်ပြီးသည်နှင့် ပျက်စီးဆုံးရှုံးမှုနှင့် လိုအပ်ချက် ဆန်းစစ်လေ့လာမှုများကိုဆောင်ရွက်၍ ရရှိလာသည့်လေ့လာ တွေ့ရှိချက်များကို အခြေခံကာ ပြန်လည်ထူထောင်ရေးလုပ်ငန်းစီမံချက်ကို ရေးဆွဲဆောင်ရွက်လေ့ရှိကြပါကြောင်း၊ မြန်မာနိုင်ငံတွင်လည်း အဆိုပါလုပ်ငန်းစဉ်များအတိုင်းဆောင်ရွက်လျက်ရှိပါကြောင်း၊ လက်ရှိတွင် ကနဦးလိုအပ်ချက်စစ်တမ်း ကောက်ယူရေး၊ ပျက်စီးဆုံးရှုံးမှုအတည်ပြုရေးနှင့် လိုအပ်ချက်များ ဆန်းစစ်ဖော်ထုတ်ရေး လုပ်ငန်းကော်မတီက ပျက်စီးဆုံးရှုံးမှုများကို စာရင်းကောက်ယူပြုစုပြီးဖြစ်ပါကြောင်း၊ ပြန်လည်ထူထောင်ရေး လုပ်ငန်းစီမံချက်ကို မူလအခြေ အနေထက် ပိုမိုကောင်းမွန်ပြီး အနာဂတ်ဘေးအန္တရာယ်များအတွက်ပါ ကြံ့ကြံ့ခံနိုင်သည့် လူ့အသိုက်အဝန်း ဖြစ်လာစေရေး ဦးတည်ဆောင်ရွက်နိုင်ရေး အတွက် နိုင်ငံတကာစံနှုန်းများ၊ ပြည်တွင်း လုပ်ထုံးလုပ်နည်းများနှင့်ညီညွတ်သော ပြန်လည်ထူထောင်ရေး စီမံချက်ဖြစ်စေရေး ရေးဆွဲဆောင်ရွက်ကြရန်လိုပါကြောင်း၊ သက်ဆိုင်ရာကဏ္ဍ အလိုက်လက်တွေ့ကျပြီး လိုအပ်မှုနှင့်ကိုက်ညီကာ အမှန်တကယ်အကောင်အထည်ဖော်ဆောင် ရွက်နိုင်မည့် စီမံချက်တစ်ရပ် ပေါ်ပေါက်စေရေး ဘက်စုံထောင့်စုံက စဉ်းစားကာ ရေးဆွဲပြုစုကြစေလိုကြောင်း ပြောကြားသည်။

▪️ ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၏ အကြံပေးအဖွဲ့ဝင် ဒေါက်တာရင်ရင်နွယ်က ပြန်လည်ထူထောင်ရေးစီမံချက် (Recovery Plan)ရေးဆွဲရာတွင် ကဏ္ဍတစ်ခုချင်းအလိုက် ထည့်သွင်းစဉ်းစားဆောင်ရွက်ရမည့်အချက်များကို အကြံပြုဆွေးနွေးသည်။

▪️ အဆိုပါ အခမ်းအနားသို့ ဒုတိယဝန်ကြီး၊ အမြဲတမ်းအတွင်းဝန်၊ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေးမှူးချုပ်နှင့် ဝန်ကြီးဌာနအသီးသီးမှ ဘာသာရပ်ဆိုင်ရာ အရာထမ်းများ တက်ရောက်ကြပြီး သိရှိလိုသည်များကို မေးမြန်းဆွေးနွေးခဲ့ကြကြောင်း သိရသည်။

#YMG/NN #Yangon_Times