[Forwarded from Su Thet Office]
#LocalNews
Published - 31 July 2022
ဇူလိုင် ၃၀ရက်နေ့တွင် YBS 42 ယာဥ်လိုင်း အနုကြမ်းစီးခံရသည်ဆိုသည့်သတင်းမှာ အမှားသာဖြစ်ကြောင်း အဆိုပါယာဥ်လိုင်းမှ ပြန်လည်ဖြေရှင်းထားသည်။
YBS 42 ယာဥ်လိုင်းအားတာ၀န်ယူ ပြေးဆွဲပေးလျက်ရှိသည့် ရွှေပြည်သာသားအများနှင့်သက်ဆိုင်သောကုမ္ပဏီလိမိတက် တာ၀န်ရှိသူတစ်ဦးက YBS 42 ယာဥ်လိုင်းမှာ အဆိုပါဖြစ်စဥ်မျိုး ပြီးခဲ့သည့်နှစ် ၂၀၂၁ တုန်းကသာ ဖြစ်ပွားခဲ့ခြင်းဖြစ်ပြီး ယမန်နေ့ ဇူလိုင် ၃၀ ရက်နေ့ YBS 42 ဖြစ်စဥ်သည် လုံး၀ဖြစ်ပွားခဲ့ခြင်းမရှိကြောင်း သိရသည်။
ယမန်နေ့ ဖြစ်ပွားခဲ့သည့်ဖြစ်စဥ်အရ 6P-6057 ကားနံပါတ်မှာYBS 42 လုံး၀မရှိကြောင်းအတည်ပြုထားကြောင်း သိရသည်။
"ဒီလိုဖြစ်စဥ်မျိုး မနေ့က လုံး၀မဖြစ်ခဲ့ပါဘူး။ ဖြစ်ခဲ့ရင်လည်း ကျတော်တို့က သက်ဆိုင်ရာတာ၀န်ရှိသူ တွေကို ဒီလိုဖြစ်တယ် ပျက်တယ် တွေကို တင်ပြရပါတယ်၊၊ အခုဖြစ်ပုံက အရင်သတင်းဟောင်းကိုဘဲ ပြန်တင်တာလားဆိုတာတော့ မသိပါဘူး။ ဒီသတင်းအရင်းမြစ်ကို စတင်တာ SPT INFORMATION က credit ပေးပြီးစတင်တာတော့ တွေ့ခဲ့ပါတယ်။ ဒါပေမဲ့ တက်မယ်ဆိုလည်း သက်ဆိုင်ရာယာဥ်လိုင်းတာ၀န်ခံဆီကို အရင်ဆုံးစုံစမ်းသင့်ပါတယ်။ အခုက acc တခုကနေတင်တာကို အတည်ယူပြီးမတင်သင့်ပါဘူး။ အဲဒီ acc က အစစ်ရောဟုတ်နိုင်လား ဒါတွေစုံစမ်းပြီး သတင်းတခုကို အသေချာတင်သင့်ပါတယ်။အခုက acc အတုတွေနဲ့ လိုက်လုပ်နေတာအများကြီးပါ"ဟု ရွှေပြည်သာသားအများနှင့် သက်ဆိုင်သော ကုမ္ပဏီလိမိတက် တာ၀န်ရှိသူတစ်ဦးကပြောသည်။
ရွှေပြည်သာသားကုမ္ပဏီသည် YBS 42၊ YBS 65 ယာဥ်လိုင်းများကို တာ၀န်ယူပြေးဆွဲပေးနေခြင်းဖြစ်ပြီး YBS 42 သည် တရက်လျှင် အစီးရေ ၉၀နှုန်း၊ YBS 65 သည် တရက်လျှင် အစီးရေ ၁၀၀နှုန်း၊ယာဥ်လိုင်းတူ YBS 65 (YUPT)မှ တရက်လျှင်အစီးရေ ၆၀နှုန်း၊ YBS 65 ကုမ္ပဏီ၂ခု ပေါင်း တရက်အစီးရေ ၁၆၀ နှုန်းထိ ပြေးဆွဲပေးနေခြင်းဖြစ်ကြောင်း သိရသည်။
ymg/sth
#Yangon_Media_Group
#LocalNews
Published_31 July 2022
မန္တလေးတိုင်းဒေသကြီး၊ ပြင်ဦးလွင်မြို့နယ်တွင် မိုးသည်းထန်စွာရွာသွန်းမှုကြောင့် ဇူလိုင်(၃၁)ရက်တွင်ရေကြီးရေလျှံမှုများဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ချက်များအရသိရသည်၊၊
ဇူလိုင်လ(၃၀)ရက်က တစ်ညလုံးရွာထားသည့်မိုးကြောင့် ချောင်းရေများလျှံပြီး ပြင်ဦးလွင်ရှိ ရပ်ကွက်တော်တော်များများတွင် ရေကြီးရေလျှံမှုများ ဖြစ်ပေါ်ခဲ့ခြင်းဖြစ်သည်၊၊
ပြင်ဦးလွင်၊အနီးစခန်း ဘူတာချောင်းရေလျှံနေပြီးတွင် လမ်းမပေါ်များအထိ ရေများလျှံတက်နေကြောင်းနှင့် တစ်ခါမှမကြုံဖူးလောက်အောင် ရေကြီးရေလျှံမှုများဖြစ်ပွားနေကြောင်း ဒေသခံများထံမှသိရသည်၊၊
ပြင်ဦးလွင်မြို့နယ်ရှိ ရပ်ကွက်ကြီး(၁)နှင့် ရပ်ကွက်ကြီး(၄)အတွင်းကိုလည်း ရေဝင်ရောက်မှုဖြစ်ပွားခဲ့သဖြင့် ပြင်ဦးလွင်ခရိုင်/မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများ ပူးပေါင်း၍ ကူညီဆောင်ရွက်ခဲ့ကြောင်းသိရသည်၊၊
ပြင်ဦးလွင်မြို့ဘူတာလမ်းတွင်လည်း ရေကြီးရေလျှံမှုများဖြစ်ပွားခဲ့ပြီး ရေကြီးရေလျှံမှုကြောင့် ပြောင်းရွေ့ရန်လိုအပ်နေသူများကို သန္တိသုခ အခမဲ့လူမှုကူညီရေး အသင်းအဖွဲ့အပါအဝင် အသင်းအဖွဲ့များကလည်း ကူညီဆောင်ရွက်ပေးနေကြောင်းသိရသည်၊၊
ymg/tthl
#Yangon_Media_Group
#LocalNews
Published_ 31 July 2022
၂၀၂၂ ခုနှစ် ဇန်နဝါရီလ (၁) ရက်မှ ဇူလိုင်လ(၁၆)ရက် အထိမြန်မာနိုင်ငံတွင် သွေးလွန်တုပ်ကွေးဖြစ်ပွားသူ (၁၀,၇၆၆) ဦးနှင့် သေဆုံးသူ(၄၃)ဦးရှိကြောင်း ကျန်းမာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသက်ခိုင်ဝင်းကပြောသည်၊၊
ဇူလိုင်လ(၂၉)ရက်ကကျင်းပသည့် ပြည်ထောင်စုနယ်မြေ၊ နေပြည်တော်ရှိ ပြည်ထောင်စုအဆင့်အဖွဲ့အစည်းများနှင့် ဝန်ကြီးဌာနများ၏ ဝန်ထမ်းအိမ်ရာများတွင် ခြင်ကျားနှင့် ပိုးလောက်လမ်းကင်းစင်ရေး လှုပ်ရှားမှုအတွက် ညှိနှိုင်းအစည်းအဝေးတွင် ထည့်သွင်းပြောကြားခဲ့ခြင်းဖြစ်သည်၊၊
ဧရာဝတီတိုင်းဒေသကြီး၊ ရန်ကုန်တိုင်းဒေသကြီးနှင့် မွန်ပြည်နယ်တို့တွင် သွေးလွန်တုပ်ကွေးရောဂါဖြစ်ပွားမှုအများဆုံးဖြစ်ပြီး ပြည်ထောင်စုနယ်မြေ၊ နေပြည်တော်တွင်လည်း ဖြစ်ပွားမှုများနှင့်သေဆုံးမှုရှိကြောင်းသိရသည်၊၊
ပြည်ထောင်စုဝန်ကြီး ဒေါက်တာသက်ခိုင်ဝင်းက"သွေးလွန်တုပ်ကွေးရောဂါသည် မြန်မာနိုင်ငံတွင် အဓိက ကူးစက်မြန်ရောဂါတစ်ခုဖြစ်ပြီး(၂)နှစ်မှ (၃)နှစ်လျှင် တစ်ကြိမ်ဖြစ်ပွားမှုများပြားလေ့ရှိကြောင်း၊ နှစ်အလိုက်ဖြစ်ပွားမှုကိန်းဂဏန်းများအရ (၂၀၂၂) ခုနှစ်သည် ရောဂါဖြစ်ပွားမှုများပြားနိုင်သောကြောင့် ကျန်းမာရေးဝန်ကြီးဌာနအနေဖြင့် နှီးနွယ်ဝန်ကြီးဌာနများကို ဖိတ်ကြားပြီး ဗဟိုအဆင့်လုပ်ငန်းညှိနှိုင်းအစည်းအဝေးတစ်ရပ်ကို ၂၀၂၂ ခုနှစ်၊ မေလ (၂၃)ရက်နေ့တွင် ကျင်းပခဲ့ကြောင်း၊ ဝန်ကြီးဌာနများ၏ ဝန်ထမ်းအိမ်ရာများတွင် ခြင်ကျားနှင့် ပိုးလောက်လမ်းကင်းစင်ရေးလှုပ်ရှားမှု (Campaign) အားအကောင်အထည်ဖော်ဆောင်ရွက်သွားရန်အတွက် ယခု ညှိနှိုင်းအစည်းအဝေးကို ကျင်းပရခြင်းဖြစ်ကြောင်း၊ သွေးလွန်တုပ်ကွေးရောဂါသည် အသက်အရွယ် မရွေး၊ နေရာဒေသမရွေး ကျေးလက်နှင့်မြို့ပြများတွင်ပါ ဖြစ်ပွားနိုင်သဖြင့် သွေးလွန်တုပ်ကွေးရောဂါ ကာကွယ်နှိမ်နင်းရေးအတွက် ခြင်နှင့်ပိုးလောက်လမ်းပေါက်ပွားနိုင်သည့်နေရာများနှင့် ခြင်ခိုအောင်း နိုင်သည့် ခြုံနွယ်ပိတ်ပေါင်းများ ရှင်းလင်းခြင်းတိုကို စီမံချက်အသွင် စနစ်တကျဆောင်ရွက်ရန် လိုအပ်ပါကြောင်း၊ သွေးလွန်တုပ်ကွေးရောဂါကာကွယ်နှိမ်နင်းမှုဆိုင်ရာ အထောက်အပံ့ပစ္စည်းများ၊ ကုသရေးလုပ်ငန်းများနှင့် သုတေသနလုပ်ငန်းများ ဆောင်ရွက်ရန်အတွက် သွေးလွန်တုပ်ကွေး ကာကွယ်နှိမ်နင်းရေးပစ္စည်းများနှင့် ပညာပေးစာစောင်များ၊ လုပ်ငန်းလမ်းညွှန်စာအုပ်များကို ပြည်ထောင်စုနယ်မြေ၊ နေပြည်တော်နှင့် တိုင်းဒေသကြီး/ ပြည်နယ်များသို့ ဖြန့်ဝေထားပြီးဖြစ်ကြောင်း၊ ပြည်ထောင်စုနယ်မြေ၊ နေပြည်တော်ရှိ ပြည်ထောင်စုအဆင့် အဖွဲ့အစည်းများနှင့် ဝန်ကြီးဌာနများ၏ ဝန်ထမ်းအိမ်ရာများတွင် ခြင်ကျားနှင့် ပိုးလောက်လမ်းကင်းစင်ရေး လှုပ်ရှားမှု အတွက် ပြည်သူ့ကျန်းမာရေးဦးစီးဌာနမှ သွေးလွန်တုပ်ကွေးရောဂါနှင့် ခြင်ကြောင့် ကူးစက်တတ်သည့်ရောဂါများ ကာကွယ်နှိမ်နင်းရေးလုပ်ငန်းများ ဆောင်ရွက်ရာတွင် နှီးနွယ်ဝန်ကြီးဌာနများ၏ ပူးပေါင်းပါဝင်မှုသည် အလွန်အရေးကြီးသည့်အတွက် ဝန်ကြီးဌာနများမှ ပါဝင်ဆွေးနွေးပေးကြပါရန် လိုအပ်ပါကြောင်း"ပြောကြားခဲ့သည်။
ymg/tthl
#Yangon_Media_Group
#Local_News
Published_ 31 July 2022
ရှမ်းပြည်နယ်(မြောက်ပိုင်း)၊ သိန္နီမြို့နယ်တွင် ငွေကျပ် သိန်း ၃၂၀၀ ကျော်တန်ဖိုးရှိ တရားမဝင်သယ်ဆောင်လာတဲ့ ထိန်းချုပ်ဓာတုပစ္စည်း အမိုနီယမ်နိုက်ထရိတ် ၃၅ ဒသမ ၉၅ တန် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့ရဲ့ သတင်းထုတ်ပြန်ချက်အရ သိရပါတယ်။
မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်တဲ့ ပူးပေါင်းအဖွဲ့ဟာ ဇူလိုင် ၂၆ ရက်တွင် ရှမ်းပြည်နယ်(မြောက်ပိုင်း)၊ သိန္နီမြို့နယ်၊ ချောင်းဆာကျေးရွာ၊ ရေပူအမြဲတမ်းစစ်ဆေးရေးစခန်းတွင် မူဆယ်မှလားရှိုးဘက်သို့ အောင်ကိုမင်းမောင်းနှင်ပြီး ဟိန်းမင်းဇော် လိုက်ပါလာတဲ့ NISSAN ၂၂ ဘီးတွဲကား မော်တော်ယာဉ်ကို သတင်းအရ ရှာဖွေခဲ့ပါတယ်။
ထိုသို့ရှာဖွေရာ ယာဉ်ပေါ်မှ ဒေသကာလတန်ဖိုးငွေကျပ် သိန်း ၃၂၀၀ ကျော်တန်ဖိုးရှိ တရားမဝင် သယ်ဆောင်လာသည့် ထိန်းချုပ်ဓာတုပစ္စည်း အမိုနီယမ်နိုက်ထရိတ် ၃၅ ဒသမ ၉၅ တန် သိမ်းဆည်းရမိခဲ့ပါတယ်။
စစ်ဆေးဖော်ထုတ်ချက်အရ သိမ်းဆည်းရမိ အမိုနီယမ်နိုက်ထရိတ်များကို ရှမ်းပြည်နယ်(မြောက်ပိုင်း)မှ မန္တလေးတိုင်းဒေသကြီးသို့ သယ်ဆောင်ခြင်းဖြစ်ကြောင်း သိရှိရသဖြင့် ၎င်းတို့အား ဥပဒေအရအရေးယူထားပြီး ကွင်းဆက်ပြစ်မှုကျူးလွန်သူများကို ဆက်လက်စစ်ဆေးဖော်ထုတ်လျက်ရှိကြောင်း သတင်းရရှိပါတယ်။
ygm_mnn
#Yangon_Media_Group.
#Local_News
Published_ 30 July 2022
ဇူလိုင် ၃၀ ရက် ဒီကနေ့နံနက် ၁၁ နာရီ ၅ မိနစ်ခန့်တွင် ကျောက်တံတားမြို့နယ်၊ (၁) ရပ်ကွက်၊ စည်ပင်လမ်းရှိ မြို့တော်ခန်းမ ဝင်/ထွက် ဂိတ်ပေါက်သို့ အမျိုးသား ၂ ဦးက လက်ပစ်ဗုံး ၂ လုံးဖြင့် ပစ်ပေါက်မှု ဖြစ်ပွားခဲ့ကြောင်း နစက က သတင်းထုတ်ပြန်ပါတယ်။
အဆိုပါ လက်ပစ်ဗုံးများ ပေါက်ကွဲမှုကြောင့် လုံခြုံရေးတပ်ဖွဲ့ဝင်အချို့နှင့် စည်ပင်နေ့စားဝန်ထမ်း ၂ ဦးတို့ ထိခိုက်ဒဏ်ရာရရှိခဲ့တယ်လို့ ဆိုပါတယ်။
ထိခိုက်ဒဏ်ရာရရှိခဲ့သူများအား တပ်မတော်ဆေးရုံသို့ပို့ဆောင်၍ လိုအပ်သည့် ဆေးဝါးကုသမှုများ ဆောင်ရွက်ပေးလျက်ရှိပြီး ဖြစ်စဉ်တွင် ပါဝင်ခဲ့သူများအား ဖမ်းဆီးရမိနိုင်ရေး ဆောင်ရွက်လျက်ရှိကြောင်း သတင်းထုတ်ပြန်ချက်အရသိရပါတယ်။
လက်ပစ်ဗုံးများ၊ လက်လုပ်ဗုံး များနှင့် လက်လုပ်မိုင်းများကို အသုံးပြု၍ အများပြည်သူသွားလာလှုပ်ရှားနေသော လမ်းမကြီးများ၊ စာသင်ကျောင်းများ၊ ပြည်သူပိုင်အဆောက်အဦများ၊ အများပြည်သူများနှင့် သက်ဆိုင်သည့်နေရာများ၊ အစိုးရရုံး၊ ဌာနများနှင့် အဆောက်အဦများအား ဖောက်ခွဲဖျက်ဆီးခြင်းများ မကြာခဏဖြစ်ပွားလျက်ရှိနေတာဖြစ်ပါတယ်။
ygm_mnn
#Yangon_Media_Group
#Local_News
Published - 30 July 2022
မြန်မာနိုင်ငံကုမ္ပဏီများ ဥပဒေပုဒ်မ ၉၇ အရ နှစ်စဉ်အစီရင်ခံစာ တင်ပြဖို့ ပျက်ကွက်ခဲ့ပါက မှတ်ပုံတင်စာရင်းကနေ ပယ်ဖျက်သွားမှာဖြစ်တယ်လို့ ရင်းနှီးမြှုပ်နှံမှုနဲ့ကုမ္ပဏီများညွှန်ကြားမှုဦးစီးဌာနကနေ သိရပါတယ်။
#Yangon_Media_Group
#Health_Matters
Published - 30 July 2022
-မျောက်ကျောက်နှင့် စူပါကာလသားရောဂါ ဘယ်လိုဆက်စပ်မှုရှိနေသလဲ။ ဘယ်လိုကာကွယ်ကြရမလဲ??
#Yangon_Media_Group
Page 1611 of 1971
