#LocalNews
Published_7 June 2022

နစကငြိမ်းချမ်းရေးဆွေးနွေးရေးအဖွဲ့နှင့် NDAA (မိုင်းလား)တို့ သဘောတူညီချက်များကို အတည်ပြု လက်မှတ်ရေးထိုးခဲ့ကြကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

နိုင်ငံတော်၏ငြိမ်းချမ်းရေးဆွေးနွေးရေးအဖွဲ့နှင့် အမျိုးသားဒီမိုကရက်တစ်မဟာမိတ်အဖွဲ့ NDAA (မိုင်းလား) ဒုတိယဥက္ကဋ္ဌ ဦးဆောင်သော ကိုယ်စားလှယ်အဖွဲ့တို့ တွေ့ဆုံဆွေးနွေးပွဲ ဒုတိယနေ့ကို ဇွန်လ ၆ ရက်က နေပြည်တော် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန အစည်းအဝေးခန်းမ၌ ဆက်လက်ပြုလုပ်ခဲ့ခြင်းဖြစ်သည်။

ဇွန်လ ၆ ရက်က ဆွေးနွေးစဉ်တွင် ငြိမ်းချမ်းရေးနှင့်ဖွံ့ဖြိုးရေးဆိုင်ရာ ကိစ္စများကို နှစ်ဖက် ဆွေးနွေးညှိနှိုင်းခဲ့ကြပြီး ပြည်ထောင်စုသဘောတူစာချုပ် အစိတ်အပိုင်း (၁/၂/၃)ပါ သဘော တူညီချက်များနှင့် ပတ်သက်၍လည်းကောင်း၊ အစိတ်အပိုင်း(၃)မှ ဆက်လက် ဆွေးနွေးရန် ကျန် ရှိသည့် ဇယား-၂ ပါ ဆွေးနွေးရန်အချက်များနှင့် ပတ်သက်၍လည်းကောင်း၊ အမျိုးသားစည်းလုံး ညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေး ကော်မတီမှ လေ့လာဆန်းစစ် ဖော်ထုတ်စိစစ်ရေးအဖွဲ့၏ တွေ့ရှိချက်များကိုလည်းကောင်း၊ ညှိနှိုင်းရေး ကော်မတီဝင် ဒုတိယ ဗိုလ်ချုပ်ကြီး ဝင်းဗိုလ်ရှိန်က ရှင်းလင်းခဲ့ကြောင်းလည်း သိရသည်။

တွေ့ဆုံဆွေးနွေးပွဲသို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ ပြည်ထောင်စုအစိုးရ အဖွဲ့ရုံးဝန်ကြီးဌာန(၁) ပြည်ထောင်စုဝန်ကြီး၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှုညှိနှိုင်းရေးကော်မတီ ဥက္ကဋ္ဌ၊ ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယ ဗိုလ်ချုပ်ကြီး ရာပြည့်၊ အဖွဲ့ဝင်များဖြစ်ကြသည့် နိုင်ငံတော်စီမံအုပ်ချုပ်ရေးကောင်စီ အဖွဲ့ဝင် ဒုတိယဗိုလ်ချုပ်ကြီး မိုးမြင့်ထွန်း၊ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ အတွင်းရေးမှူး ဒုတိယဗိုလ်ချုပ်ကြီးမင်းနောင်နှင့် အမျိုးသားဒီမိုကရက် တစ် မဟာမိတ်အဖွဲ့ NDAA (မိုင်းလား) ဒုတိယဥက္ကဋ္ဌ ဦးစန်ပေ့၊ အထွေထွေအတွင်းရေးမှူး ဦးကြည်မြင့်၊ အတွင်းရေးမှူး(၂) ဦးအားလူ၊ အတွင်းရေးမှူးအဖွဲ့ဝင်နှင့် ဆက်ဆံရေးနှင့်ဆက်သွယ် ရေးဌာနကြီးမှူး ဦးစိုင်းမောက်တို့ တက်ရောက်ခဲ့ကြသည်။

ymg/mt
#Yangon_Media_Group

#LocalNews
Published_7 June 2022

ထိုင်းနိုင်ငံဘန်ကောက်မြို့တွင် ဆေးလိပ်ငွေ့အနံ့မခံနိုင်သောအိမ်နီးချင်းက ရဲစခန်းကိုတိုင်ကြားရာ တရားမဝင် မြန်မာနိုင်ငံသား အယောက် ၅၀ ဖမ်းမိကြောင်း ထိုင်းဒေသတွင်းသတင်းများတွင် ဖော်ပြထားသည်။

ဇွန်လ ၅ ရက်ည သံခေါင်ယံအချိန်ဘန်ကောက်မြို့အဝင်လမ်း ခေါင်ဝပ်ခရိုင် ပကျွတ်ခီရီခန်ပြည်နယ် ပြည်သူအစောင့်ကြပ် ရဲဌာနမှ ယင်းရဲဌာနနှင့် မီတာ၂၀ခန့် အကွာ အခန်းတစ်ခန်းတွင် ယာယီတည်းခိုနေထိုင်သော ပြည့်ကြပ်နေသည့် မြန်မာနိုင်ငံသား ၅၄ ဦးကို ဖမ်းမိကြောင်း၊ ယင်းတွင် ၄ ဦးမှာ အလည် နိုင်ငံကူးလက်မှတ်ကို ကိုင်ဆောင်ထားပြီး ကျန်သူများမှာ အထောက်အထားမဲ့ ဖြစ်ကြောင်း သိရသည်။

အဆိုပါ တရားမဝင်မြန်မာနိုင်ငံသား ၅၀ ဦးမှာ ချင်းပြည်နယ်အတွင်းပဋိပက္ခများဖြစ်ပွား၍ အခြားဒေသသို့ ပြောင်းရွှေ့နေထိုင်ရန် တရားမဝင်လမ်းမှ လာရောက်နေသူဖြစ်ကြောင်း၊ မလေးရှားနိုင်ငံသို့ သွားရောက်ရန် ပွဲစားလာရောက်ခေါ်ဆောင်သည်ကို စောင့်ဆိုင်းနေကြသူများ ဖြစ်ကြောင်းလည်း သိရသည်။

ymg/mt
#Yangon_Media_Group

#Local_News
Published_ 7 June 2022

ရန်ကုန်တိုင်းဒေသကြီး၊ ဒဂုံမြို့သစ်တောင်ပိုင်းမြိုနယ်တွင် ပြည်သူအငှားအိမ်ရာ စီမံကိန်း အဆောက်အဦ ၁၉၄ လုံး၊ အိမ်ခန်းပေါင်း ၃၁၀၄ ခန်းဆောက်လုပ်လျက်ရှိကြောင်း သိရပါတယ်။

မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်းများအသင်းချုပ်မှ အဆောက်အဦ ၉၇ လုံးတွင် ၅၉ ရာခိုင်နှုန်းပြီးစီး၍ မြန်မာနိုင်ငံလိုင်စင်ရ ကန်ထရိုက်တာများအသင်းချုပ်မှ အဆောက်အဦ ၉၇ လုံး ဆောင်ရွက်ရာ ၅၁ ရာခိုင်နှုန်း ဆောင်ရွက်ပြီးစီး၍ စုစုပေါင်း အိမ်ရာစီမံကိန်းလုပ်ငန်းများ ပျမ်းမျှ ၅၅ ရာခိုင်နှုန်း ပြီးစီးနေပြီ ဖြစ်ပါတယ်။

ပြည်သူများနှင့် နိုင်ငံ့ဝန်ထမ်းများနေထိုင်ရေး အဆင်ပြေစေရန်နှင့် အလုပ်အကိုင် အခွင့်အလမ်းများ ရရှိစေရန်အတွက် ရန်ကုန်၊ နေပြည်တော်နှင့် မန္တလေးတို့တွင် အိမ်ရာစီမံကိန်းကို အကောင်အထည်ဖော် ဆောင်ရွက်လျက်ရှိရာ ပထမအဆင့်အနေဖြင့် အိမ်ခန်းပေါင်း ၅၀၀၈ ခန်းကို အကောင်အထည်ဖော် ဆောင်ရွက်နေတာ ဖြစ်ပါတယ်။

နစက ဆောက်လုပ်ရေးဝန်ကြီး ဦးရွှေလေးသည် ယမန်နေ့ မွန်းလွဲပိုင်းတွင် ရန်ကုန်တိုင်းဒေသကြီး၊ ဒဂုံမြို့သစ်တောင်ပိုင်းမြို့နယ်၊ အမှတ် (၇) လမ်းမကြီးနှင့် အမှတ် (၂) လမ်းမကြီးအကြားရှိ ပြည်သူ့အငှားအိမ်ရာ တည်ဆောက်ရေးစီမံကိန်း လုပ်ငန်းခွင်သို့ရောက်ရှိပြီး ရှင်းလင်းဆောင်တွင် ရန်ကုန်တိုင်းဒေသကြီး ဌာနဆိုင်ရာ တာဝန်ရှိသူများ၊ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းချုပ်၊ မြန်မာနိုင်ငံလိုင်စင်ရ ကန်ထရိုက်တာများ အသင်းချုပ်တို့မှ ဥက္ကဋ္ဌများနှင့် တာဝန်ရှိသူများအား တွေ့ဆုံခဲ့ကြောင်း သိရပါတယ်။

အိမ်ရာ စီမံကိန်းလုပ်ငန်းများ သတ်မှတ်အချိန်မီပြီးစီးရေးအတွက် စာချုပ်ပါ စည်းကမ်းများ၊ ဥပဒေစည်းမျဉ်း၊ စည်းကမ်းများနှင့်အညီ လိုက်နာဆောင်ရွက်ပေးရန်၊ နိုင်ငံတော်ဘဏ္ဍာငွေများ လေ့လွင့်မှုမရှိစေရန်နှင့်လုပ်ငန်းများ အောင်မြင်စွာ ပြီးစီးရေးအတွက် ဆက်လက်ဆောင်ရွက်ရန် ဝန်ကြီးက မှာကြားခဲ့ပါတယ်။

ထို့ပြင် အိမ်ရာစီမံကိန်းအတွင်း နေထိုင်မည့်သူများ အဆင်ပြေစေရေးအတွက် ရေ/မီး ရရှိရေး၊ အရိပ်ရသစ်ပင်များ စိုက်ပျိုးပေးနိုင်ရန် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာနတို့နှင့်ပူးပေါင်းပြီး သစ်ပင်များ စိုက်ပျိုးပေးရန်မှာ ကြားခဲ့တယ်လို့ သိရှိရပါတယ်။

ymg-mnn
#Yangon_Media_Group

#LocalNews
Published - 7 june 2022

ဇွန်လ၆ရက် ညနေ၄နာရီ၂၄ အချိန်ခန့်တွင်မန္တလေးတိုင်းဒေသကြီး၊ ညောင်ဦးမြို့နယ်၊ တောင်ဇင်းနယ်မြေရှိ တက်မရေနံမြေတွင် ရေနံတွင်း မီးလောင်မှုဖြစ်ပွားကြောင်း မြန်မာနိုင်ငံမီးသတ်တပ်ဖွဲ့မှ သိရသည်၊၊

အဆိုပါ မီးလောင်မှုကို ညောင်ဦးခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ မီးသတ်ရေသယ်ယာဉ်(၁)စီး၊ ညောင်ဦးမြို့နယ်မီးသတ်စခန်းမှ မီးသတ်ယာဉ်(၁)စီး၊ တောင်ဇင်းနယ်မြေမီးသတ်စခန်းမှ မီးသတ်ယာဉ်(၁)စီး၊ စဉ့်ကူးနယ်မြေမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ငြှိမ်းသတ်ခဲ့ပြီး ညနေ ၅ နာရီ ၁၀ မိနစ်တွင် မီးငြိမ်းခဲ့ ကြောင်းသိရသည်၊၊

Photo MSFD 

ymg/tthl
#Yangon_Media_Group

Published_ 7 June 2022

ဦးဖြိုးဇေယျာသော်၊ဦးကျော်မင်းယုနှင့် အခြားနှစ်ဦးတို့ကို သေဒဏ်အတည်ပြုခဲ့တဲ့အပေါ်  ပြင်သစ် ဥရောပနှင့်  နိုင်ငံခြားရေးဝန်ကြီးဌာန၊ရန်ကုန်မြို့ပြင်သစ်သံရုံး၊ကုလသမဂ္ဂအတွင်းရေးမှူးချုပ်ပြောရေးဆိုခွင့်ရှိသူ၏ ထုတ်ပြန်ချက်နှင့် အမေရိကန်နိုင်ငံခြားရေးဝန်ကြီးဋ္ဌာနပြောရေးဆိုခွင့်ရှိသူရဲ့ထုတ်ပြန်ချက်တွေနှင့်ပတ်သက်လို့ နစက နိုင်ငံခြားရေးဝန်ကြီးဌာနက ပြင်းထန်စွာကန့်ကွက်ခဲ့ပါတယ်။

ဇွန်လ(၆)ရက် ယမန်နေ့က နစကနိုင်ငံခြားရေးဝန်ကြီးဌာနက သတင်းထုတ်ပြန်ချက်တစ်စောင်ထုတ်ပြန်ပြီး အဲသလိုကန့်ကွက်ခဲ့တာဖြစ်ပါတယ်။

အဆိုပါထုတ်ပြန်ချက်တွင် မြန်မာနိုင်ငံသည် လွတ်လပ်၍ အချုပ်အခြာအာဏာပိုင် နိုင်ငံတစ်နိုင်ငံဖြစ်သည့် အားလျော်စွာ လက်ရှိအစိုးရအနေဖြင့် ၂၀၀၈ ခုနှစ် ဖွဲ့စည်းပုံ အခြေခံဥပဒေမှ အပ်နှင်းထားသည့် အခွင့်အာဏာများကို အပြည့်အဝ ကျင့်သုံးပိုင်ခွင့် ရှိသည်။ နိုင်ငံသားတိုင်းသည် တရားဥပဒေနှင့်အညီ တန်းတူ အခွင့်အရေးနှင့် အခြေခံလူ့အခွင့်အရေးဆိုင်ရာ အကာအကွယ်ပေးမှုများ ရရှိနိုင်မည်ဖြစ်သကဲ့သို တရားဥပဒေအရ စီရင်ဆုံးဖြတ်မှုကိုလည်း လက်ခံကြရမည်ဖြစ်သည်လို့ ဖော်ပြထားပါတယ်။

မြန်မာနိုင်ငံ၏ တရားစီရင်ရေးစနစ်သည် လွတ်လပ်မှုရှိသကဲ့သို ပြည်ထောင်စု အတွင်း မှီတင်းနေထိုင်သူအားလုံးအပေါ် သာတူညီမျှရှိသည့် ဥပဒေများကို ကျင့်သုံး ဆောင်ရွက်လျက်ရှိသည်ကိုလည်း ထပ်လောင်း အတည်ပြုသည်လို့လည်းသတင်းထုတ်ပြန်ချက်မှာရေးသားထားပါတယ်။

၎င်းတို့သည် အပြစ်မဲ့ပြည်သူများအား အကြောက်တရား ကြီးစိုးစေရန်နှင့် တည်ငြိမ်အေးချမ်းရေးကို ပျက်ပြားစေသည့် အကြမ်းဖက်မှုများ ကျူးလွန်ရာ တွင် အဓိကကြိုးကိုင်စီစဉ်သူများအဖြစ် ပြစ်မှုထင်ရှားသဖြင့် အမိန့်ချမှတ်ခံခဲ့ရခြင်းဖြစ်တယ်လို့လည်း ဖော်ပြထားပါတယ်။

သို့ဖြစ်၍ နိုင်ငံခြားရေးဝန်ကြီးဌာနအနေဖြင့် ပြင်သစ်ဥရောပနှင့် နိုင်ငံခြားရေး ဝန်ကြီးဌာန၊ ရန်ကုန်မြို၊ ပြင်သစ်သံရုံး၊ ကုလသမဂ္ဂအတွင်းရေးမှူးချုပ် ပြောရေးဆိုခွင့် ရှိသူရုံးနှင့် အမေရိကန်နိုင်ငံခြားရေးဝန်ကြီးဌာနတို၏ တာဝန်မဲ့ထုတ်ပြန် ပြောကြားချက် များသည် အကြမ်းဖက်မှုများကို အားပေးအားမြှောက်ပြုရာရောက်ပြီး အပြစ်မဲ့ပြည်သူ အများအပြား သေကြေဒဏ်ရာရစေပြီး အစိုးရနှင့် ပုဂ္ဂလိကပိုင် အဆောက်အဦနှင့် ပစ္စည်းများကို ပျက်စီးစေသည့် မတရားအသင်းနှင့် အကြမ်းဖက်အဖွဲများဖြစ်သော အမျိုးသားညီညွတ်ရေးအစိုးရ (NUG) ၊ ပြည်သူ့ကာကွယ်ရေး အဖွဲ (PDF) တို၏ ဆက်လက် ကျူးလွန်လျက်ရှိသည့် အကြမ်းဖက်တိုက်ခိုက်မှုများကို လျစ်လျူရှုခြင်းဖြစ်တယ်လို့လည်းသတင်းထုတ်ပြန်ပါတယ်။

နိုင်ငံခြားရေးဝန်ကြီးဌာနသည် ပြင်သစ်ဥရောပနှင့် နိုင်ငံခြားရေးဝန်ကြီးဌာန၊ ရန်ကုန်မြို၊ ပြင်သစ်သံရုံးကုလသမဂ္ဂ အတွင်းရေးမှူးချုပ်နှင့် အမေရိကန်နိုင်ငံခြားရေး ဝန်ကြီးဌာန၏ ပြောရေးဆိုခွင့်ရှိသူတို၏ တာဝန်မဲ့ပြောဆိုချက်၊ ထုတ်ပြန်ချက်များအပေါ် ပြင်းထန်စွာ ကန့်ကွက်ပယ်ချပြီး ကန့်ကွက်စာများကို သံတမန်လမ်းကြောင်းမှတစ်ဆင့် ပေးပိုခဲ့ပြီးဖြစ်သည် လို့ရေးသားထားပါတယ်။

(သတင်းထုတ်ပြန်ချက်အပြည့်အစုံပူးတွဲ)

#LocalNews
Published_6 June 2022

ရန်ကုန်တိုင်းဒေသကြီးအတွင်းမြို့နယ် တချို့မှာ ၂၄ နာရီ လျှပ်စစ်မီးရရှိနေပြီလို့ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း(YESC) က သိရပါတယ်။

#Yangon_Media_Group